#World_Health
Published 20 December 2022

ချောကလက်မည်းတွေက ကျန်းမာရေးအတွက်ကောင်းမွန်စေတယ်လို့ သိထားခဲ့တာကြာပြီဖြစ်ပေမယ့် ဘေးအန္တရာယ်လည်းရှိနိုင်တယ်လို့ လေ့လာချက်အသစ်မှာ ဖော်ပြထားပါတယ်။

ချောကလက်တောင့်တွေမှာ ကျန်းမာရေးပြဿနာအမျိုးမျိုးဖြစ်နိုင်စေတဲ့ သိပ်သည်းဆမြင့်တဲ့သတ္တုဓာတ် ၂ မျိုးပါဝင်နိုင်ကြောင်း Consumer Reports က လေ့လာမှုမှာ တွေ့ခဲ့ရပါတယ်။

Hershey’s, Ghirardelli, Lindt, Dove, Godiva, Trader Joe’s, Hu, Mast, Taza Chocolate, Valrhona, Beyond Good, Equal Exchange, Scharffen Berger, Alter Eco, Pascha, Tony’s, Lily’s, Chocolove, Endangered Species, Theo နဲ့ Green & Black’s စတဲ့ အမှတ်တံဆိပ် ၂၈ မျိုးတွေပါတဲ့ ချောကလက်တွေကို လေ့လာခဲ့ကြပါတယ်။

အဆိုပါ ၂၈ မျိုးစလုံးမှာ မြေကြီးမှာ သဘာဝအတိုင်းတွေ့ရတဲ့ ကဒ်မီယမ်နဲ့ ခဲသတ္တုဓာတ်များပါဝင်ကြောင်း တွေ့ရှိခဲ့ကြပါတယ်။

အဆိုပါသတ္တုတွေဟာ အဆုတ်ပြဿနာ၊ မှတ်ဉာဏ်ပြဿနာ၊ ကင်ဆာနဲ့ စောစီးစွာအသက်ဆုံးရှုံးခြင်းတို့နဲ့ပါ ဆက်စပ်နေကြပါတယ်။

ခဲဟာ လူသားတွေနဲ့ ကြာရှည်ထိတွေ့တဲ့အခါ မှတ်ဉာဏ်ဆုံးရှုံးခြင်း၊ သွေးပေါင်ချိန်တိုးခြင်း၊ ဝမ်းဗိုက်အောင့်ခြင်း၊ လူကြီးတွေမှာ စိတ်အခြေအနေကျဆင်းခြင်း၊ ကလေးတွေမှာ ဦးနှောက်နဲ့ ဗဟိုအာရုံကြောစနစ်တို့ ထိခိုက်ကာ သင်ယူလေ့လာနိုင်စွမ်းနဲ့ နေထိုင်မှုပုံစံပြဿနာများ ဖြစ်ပေါ်လာတတ်ပါတယ်။

ကဒ်မီယမ်သတ္တုဓာတ်ကတော့ ပမာဏနည်းနည်းဖြင့်ပင် ကင်ဆာဖြစ်နိုင်ချေရှိပြီး ကျောက်ကပ်ကင်ဆာ၊ အရိုးကြွပ်ဆပ်ခြင်းတို့ ဖြစ်ပေါ်နိုင်ပါတယ်။

ချောကလက်တွေမှာ အဆိုပါသတ္တုဓာတ်တွေ အများအပြားပါဝင်တာမဟုတ်ပေမယ့် ကျန်းမာရေးပြဿနာဖြစ်လောက်တဲ့အထိတော့ ပါဝင်နေကြောင်း အစားအစာစမ်းသပ်ရေးနဲ့ဘေးကင်းရေး ညွှန်ကြားရေးမှူး'ဂျိမ်းစ်ရော်ဂျာစ်'က ဆိုပါတယ်။

ချောကလက်အမှတ်တံဆိပ် ၂၈ မျိုးထဲက ၂၃ မျိုးဟာ တစ်နေ့ကို တစ်အောင်စပဲစားရင်တောင် ဆိုးကျိုးဖြစ်စေတဲ့သတ္တုဓာတ်အနည်းဆုံးတစ်မျိုး ရစေနိုင်ပါတယ်။

၅ မျိုးက ကဒ်မီယမ်နဲ့ ခဲဓာတ် ကျော်လွန်စွာပါဝင်နေပြီး နောက်ထပ် ၅ မျိုးကတော့ နှစ်မျိုးစလုံးနည်းပါးစွာ ပါဝင်နေပါတယ်။

ကုန်သွယ်ရေးစက်မှုအဖွဲ့ဖြစ်တဲ့ National Confectioners အဖွဲ့အစည်းကတော့ ဒီအချက်အလက်တွေကို အတိုက်အခံဆိုခဲ့ကာ ချောကလက်တွေက ရာစုနှစ်များစွာတိုင်အောင် စားသုံးခဲ့တဲ့အတိုင်း ဘေးကင်းစိတ်ချစွာစားသုံးနိုင်တယ်လို့ ဆိုခဲ့ပါတယ်။

Source: NY Post
#Yangon_Media_Group

#World_Health
Published 20 December 2022

အိပ်ရေးပျက်ပြီး ပင်ပန်းနွမ်းနယ်လာတဲ့အခါ ကော်ဖီ ၂ ခွက်လောက် ဒါမှမဟုတ် အားဖြည့်အချိုရည်သောက်တာမျိုး ပြုလုပ်တတ်ကြပါတယ်။

အချို့ဆိုရင် မနက်အိပ်ရာနိုးတဲ့အခါ အားဖြည့်အချိုရည်တစ်ဗူးသောက်တာ အကျင့်ဖြစ်နေပါပြီ။

ဒါပေမဲ့ ဒီအကျင့်ကို ရှောင်ရှားသင့်တယ်လို့ ကျွမ်းကျင်သူများက ဆိုလိုက်ပါတယ်။

ဘာကြောင့်လဲဆိုတော့ အားဖြည့်အချိုရည်သောက်တဲ့အခါ တစ်နာရီခွဲအတွင်း သွေးကြောများကျဉ်းစေပြီးတော့ ပိတ်ဆို့မှုဖြစ်ပွားနိုင်ကာ နှလုံးဖောက်ခြင်း၊ လေဖြတ်ခြင်းတို့ ဖြစ်နိုင်ချေရှိပါတယ်။

အားဖြည့်အချိုရည်တွေဟာ လူငယ်တွေကြား ပိုပိုပြီးအသောက်များလာတာကြောင့် သောက်သုံးသူတွေရဲ့ကျန်းမာရေးကို ဘယ်လိုဆိုးရွားစွာထိခိုက်စေသလဲဆိုတာကို တက္ကဆပ်စ် ဟျူစတန်တက္ကသိုလ်မှ သုတေသီများက လေ့လာချင်ခဲ့ကြပါတယ်။

ဆယ်ကျော်သက်တွေ ကလေးတွေက အထိန်းအချုပ်မရှိသောက်သုံးနေတာကြောင့် ပိုပြီးစိုးရိမ်စရာဖြစ်လာရပါတယ်။

သုတေသီများက အသက် ၂၀ ဝန်းကျင်၊ ဆေးလိပ်မသောက်တတ်ဘဲ ကျန်းမာရေးပြဿနာမရှိဖူးတဲ့ လူငယ်တွေကို စမ်းသပ်ဖို့ခေါ်ယူခဲ့ပါတယ်။

အားဖြည့်အချိုရည်တွေမှာ ပါဝင်တဲ့ ကဖင်း၊ တော်ရင်း၊ သကြားတို့ပါဝင်ကာ သွေးကြောနံရံတွေကို ထိခိုက်စေပါတယ်။

အချိုရည် ၁၀၀ မီလီမီတာမှာ ကဖင်းဓာတ် ၈၀ မီလီဂရမ်ပါဝင်ပြီး ဒါဟာ ကိုလာ ၃ ဗူး ဒါမှမဟုတ် ကော်ဖီတစ်ခွက်နဲ့ ညီမျှပါတယ်။

သောက်သုံးပြီး မိနစ် ၉၀ အကြာမှာ သွေးကြောတွေသိသိသာသာ ကျဉ်းသွားစေပါတယ်။

သွေးကြောများကျဉ်းခြင်းကြောင့် သူတို့ရဲ့လုပ်ဆောင်ချက်တွေ ဆိုးရွားစွာထိခိုက်စေပါတယ်။

အစာအိမ်နံရံတွေကို အန္တရာယ်ဖြစ်စေကာ အနည်းငယ်မျှသောက်သုံးရင်တောင် ရေဓာတ်လျင်မြန်စွာခန်းခြောက်စေပါတယ်။

အားဖြည့်အချိုရည်တွေ ကျန်းမာရေးပြဿနာဖြစ်စေတာကို အခုမှလေ့လာတာမဟုတ်ပါဘူး။

အရင်လေ့လာမှုတွေမှာလည်း နှလုံး၊ အာရုံကြောစနစ်၊ အစာခြေပြဿနာများ ဖြစ်နိုင်ကြောင်း တွေ့ရှိထားပါတယ်။

အားဖြည့်အချိုရည်သောက်သုံးခြင်းနဲ့ ကျန်းမာရေးမညီညွတ်တဲ့ အခြားအပြုအမူများကြား ဆက်စပ်မှုကိုလည်း တွေ့ရှိခဲ့ပါတယ်။

၂၀၀၇ ခုနှစ် ၂၀၁၄ ခုနှစ်ကြား အမေရိကန်တစ်နိုင်ငံတည်းမှာတင် အားဖြည့်အချိုရည်သောက်သုံးခြင်းကြောင့် အရေးပေါ်ကုသခံယူမှု ၂ ဆပိုများနေခဲ့ပါတယ်။

Source: The Jerusalem Post
#Yangon_Media_Group

Published 19 December 2022

တနင်္ဂနွေညကပြုလုပ်တဲ့ ကမ္ဘာ့ဖလား နောက်ဆုံးဗိုလ်လုပွဲမှာ လီယွန်နယ်မက်ဆီရဲ့ အာဂျင်တီးနားအသင်းဟာ ပြင်သစ် ကို ပင်နယ်တီနှင့် လေးဂိုးနှစ်ဂိုးဖြင့် အနိုင်ရရှိကာ ကမ္ဘာ့ဖလားကြီးကိုရရှိသွားခဲ့ပါတယ်။

ကာတာနိုင်ငံ ဒိုဟာမြို့ရှိ လူဆေးဘောလုံးကွင်းမှာကျင်းပတဲ့ နောက်ဆုံးဗိုလ်လုပွဲဟာ ကမ္ဘာ့ဖလားသမိုင်းမှာ အကြီးကျယ် ဆုံး ဗိုလ်လုပွဲတွေထဲက တစ်ခု ဖြစ်သွားခဲ့ရပါတယ်။

အချိန်ပိုကစားတဲ့အထိ သုံးဂိုးဆီသရေကစားနေရာမှာပင်နယ်တီအဆုံးအဖြတ်နှင့် အာဂျင်တီးနားက ဗိုလ်စွဲခဲ့ပါတယ်။

၂၀၂၂ ကမ္ဘာ့ဖလားချန်ပီယံ အာဂျင်တီးနား ကစားသမားတွေဟာ နှစ်ထပ်ဘတ်စ်ကားကြီးပေါ်လိုက်ပါစီးနင်းပြီး ဒိုဟာရဲ့ လမ်းမတွေအပေါ် စီတန်းလှည့်လည်ပြီး အောင်ပွဲခံခဲ့ကြပါတယ်။ အဲဒီပုံရိပ်တွေကို တင်ဆက်ပေးလိုက်ရပါတယ်။

Source: AFP

#World_Cup_Final

#Argentina_Victory

#Argentina_playesr_celebrate_victory

#DailyNews
Published _ 19 December 2022

၁။ ခရစ္စမတ်နားနီးလာလေ အေးလာလေဖြစ်ပြီး ဇန်နဝါရီလတွင် အအေးဆုံးဖြစ်လာနိုင်ဟုဆို

၂။ ပြည်ပသို့ရေထွက်ကုန်ပစ္စည်းတင်ပို့မှု ကန်ဒေါ်လာ ၂၁ သန်းကျော်လျော့ကျ

၃။ တစ်ပိုင်တစ်နိုင် စိုက်ပျိုးမှုပိုများလာပြီး ဈေးကွက်ရနေသည့် ငွေနှင်းမှို

၄။ အလုပ်ချိန်များလွန်းသည့် ဂျပန်ကျောင်းဆရာများအတွက် အလုပ်ချိန်စနစ်ပြုပြင်ပြောင်းလဲရန်လိုအပ်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

Published 19 Dec 2022

ထိုင်းရေတပ်စစ်သင်္ဘောတစ်စီး တနင်္ဂနွေညနေက ထိုင်းပင်လယ်ကွေ့မှာနစ်မြုပ်ခဲ့ရာ ရေထဲက သင်္ဘောသားတွေကို  သင်္ဘောတွေ၊ရဟတ်ယာဉ်တွေနှင့် ကယ်ဆယ်ရေးလုပ်ငန်းတွေဆောင်ရွက်နေပါတယ်။

ဒီမနက်ခင်းအထိ ရေတပ်သင်္ဘောသား ၇၅ ဦးကို ကယ်ဆယ်နိုင်ခဲ့ပြီး ၃၁ ဦး ပျောက်ဆုံးနေတုန်းပဲလို့ ရေတပ်က ပြောပါတယ်။

တနင်္ဂနွေမနက်မှာ လေပြင်းကြောင့် ပင်လယ်ရေတွေဟာ အိတ်တီအမ်အက်စ် ဆူခိုထိုင်း လို့အမည်ပေးထားတဲ့ ရေတပ်သင်္ဘောရဲ့ လျှပ်စစ်စနစ်တွေ ထိခိုက်ခဲ့ရပါတယ်။အဲဒါကြောင့် ထိုင်းတော်ဝင်ရေတပ်က ဖရီးဂိတ်စစ်သင်္ဘောကြီး (၃)စီးနှင့် ရဟတ်ယာဉ်(၂)စီးတို့ကို ရွှေ့ပြောင်းရေစုပ်စက်တွေနှင့်အတူ အခင်းဖြစ်တဲ့နေရာကို ပို့လွှတ်ခဲ့ပါတယ်။ သင်္ဘောထဲက ရေတွေကို စုပ်ထုတ်ဖို့ကြိုးစားခဲ့ပေမယ့် လေပြင်းတွေကြောင့် မအောင်မြင်ခဲ့ပါဘူး။

မီးပျက်သွားတဲ့အတွက်ကြောင့် ပင်လယ်ရေတွေဟာ သင်္ဘောထဲပိုဝင်လာခဲ့ပြီး နောက်ဆုံးမှာ သင်္ဘောဟာ နစ်မြုပ်သွာပါတယ်။

အဲဒီစစ်သင်္ဘောဟာ ပရာချပ်ကီရီကန်ပြည်နယ် ဘန်ဆာဖန်ခရိုင်က ဆိပ်ကမ်းနှင့် မိုင် ၂၀ ဝေးကွာတဲ့နေရာမှာ ကင်းလှည့်တာဝန်ထမ်းဆောင်နေစဉ် မတော်တဆမှုဖြစ်ခဲ့ရတာပါ။

ထိုင်းနိုင်ငံမြောက်ပိုင်းနှင့်အလယ်ပိုင်းမှာ  ယခုနှစ် အအေးဆုံးဖြစ်နေပါတယ်။ တောင်စွန်းပိုင်းမှာတော့ မကြာသေးခင်ရက်တွေက မုန်တိုင်းတွေနှင့် ရေကြီးရေလျှံတွေဖြစ်ပေါ်ခဲ့ပါတယ်။ သင်္ဘောတွေကို ဆိပ်ကမ်းမှာဆိုက်ကပ်ထားဖို့ သတိပေးချက်ထုတ်ပြန်ခဲ့ရပါတယ်။

Source: AP

#Thai_Navy_ship_sink

#Thai_Royal_Navy

#Thai_Navy_accident

#World_Politics
Published 19 December 2022

ယူကရိန်းသမ္မတ'ဇယ်လန်စကီ'က ငြိမ်းချမ်းရေးအမှာစကားပြောကြားထားတဲ့ ဗီဒီယိုကို ကာတာမှာကျင်းပခဲ့တဲ့ ကမ္ဘာ့ဖလားဘောလုံးပြိုင်ပွဲဗိုလ်လုပွဲ မစတင်မီမှာ ထုတ်လွှင့်ပြသပေးဖို့ တောင်းဆိုခဲ့ရာ ဘောလုံးအဖွဲ့ချုပ်ဖီဖာ(FIFA)က ငြင်းပယ်ခဲ့ပေမယ့်လည်း တစ်ကမ္ဘာလုံးက သူ့အမှာစကားကို ကြားသိခဲ့ပြီဖြစ်ကြောင်း 'ဇယ်လန်စကီ'က ပြောကြားလိုက်ပါတယ်။

ပြသဖို့တောင်းဆိုခဲ့တဲ့ဗီဒီယိုထဲမှာ သမ္မတရဲ့အမှာစကားအပြင် ရုရှားကျူးကျော်မှုကြောင့်ဖြစ်လာတဲ့ စစ်ပွဲကိုဖြေရှင်းနိုင်ရန်အတွက် ကမ္ဘာလုံးဆိုင်ရာငြိမ်းချမ်းရေးအစည်းအဝေးပွဲ ပြုလုပ်ရန်တောင်းဆိုချက်လည်း ပါဝင်ပါတယ်။

ယူကရိန်းဘောလုံးသမားတွေနဲ့ အခြားအရာရှိများက ဒီအမှာစကားကို လူအများသိအောင် ချပြနိုင်ခဲ့ပြီလို့ ဆိုခဲ့တာဖြစ်ပါတယ်။

"ဖီဖာက ကာတာမှာပြုလုပ်တဲ့ ဗိုလ်လုပွဲမတိုင်မီမှာ ကွင်းထဲကနေ အမှာစကားထုတ်လွှင့်ပြသဖို့ကို ပိတ်ပင်ခဲ့ပေမယ့် ကမ္ဘာကြီးက ကျွန်ုပ်တို့ရဲ့တောင်းဆိုသံကို ကြားသိခဲ့ကြပါပြီ" လို့ 'ဇယ်လန်စကီ'က ညစဉ်ဗီဒီယိုမိန့်ခွန်းမှာ ပြောကြားခဲ့ပါတယ်။

အနိုင်ရဖို့ကြိုးစားအားထုတ်ခြင်းက ကမ္ဘာ့ဖလားပြိုင်ပွဲရဲ့အနှစ်သာရဖြစ်ကြောင်း၊ ပြိုင်ပွဲဆိုတာက ကွင်းထဲမှာယှဉ်ပြိုင်တာဖြစ်ပေမယ့် စစ်မြေပြင်မှာယှဉ်ပြိုင်တာမဟုတ်ကြောင်း၊ အဆိုးဆုံးဖြစ်မှ အနီကဒ်ထိတာဖြစ်ပေမယ့် နျူကလီးယားစစ်ပွဲဖြစ်လာစေမယ့် အနီရောင်ခလုတ်တော့ မပါဝင်ကြောင်း ပြောကြားခဲ့ပါတယ်။

ဗိုလ်လုပွဲမတိုင်မီ ငြိမ်းချမ်းရေးအမှာစကားကို ထုတ်လွှင့်ခွင့်ပြုဖို့ 'ဇယ်လန်စကီ'က ဖီဖာကိုတောင်းဆိုခဲ့တယ်လို့ CNN က သောကြာနေ့မှာ သတင်းတင်ပြခဲ့ပါတယ်။

"ကျွန်ုပ်တို့က ကမ္ဘာကြီးအတွက် ငြိမ်းချမ်းရေးလမ်းစဉ်ကို မျှတစွာပဲ တင်ပြခဲ့ပါတယ်၊ စစ်ပွဲမှာ ချန်ပီယံဆိုတာမရှိပါဘူး၊ သရေရလဒ်ဆိုတာ မရှိပါဘူး" လို့ ဗီဒီယိုထဲမှာ ပြောကြားထားပါတယ်။

"ယခုဆောင်းရာသီမှာ ကမ္ဘာလုံးဆိုင်ရာငြိမ်းချမ်းရေးလမ်းစဉ်အစည်းအဝေးပွဲကို ကျင်းပပေးဖို့တောင်းဆိုပါတယ်၊ ကမ္ဘာ့ငြိမ်းချမ်းရေးအတွက် တစ်ကမ္ဘာလုံးကနိုင်ငံတွေ စုစည်းညီညွတ်စွာပါဝင်တဲ့ အစည်းအဝေးပေါ့၊ ဘောလုံးပွဲပြီးသွားရင် ပွဲကြည့်စင်တွေမှာ ဘယ်သူမှမရှိတော့သလို စစ်ပွဲပြီးရင်လည်း မြို့တွေမှာဘယ်သူမှမရှိတော့ပါဘူး" လို့ သမ္မတက အမှာစကားပြောခဲ့ပါတယ်။

အခြားတစ်ဖက်မှာတော့ တနင်္ဂနွေနေ့က ဒိုဟာမြို့တော်ရှိ လူဆေးလ်ဘောလုံးကွင်းမှာကျင်းပခဲ့တဲ့ ကမ္ဘာ့ဖလားဘောလုံးပြိုင်ပွဲဗိုလ်လုပွဲစဉ်မှာ ပြင်သစ်ကိုအနိုင်ရပြီး အာဂျင်တီးနားဗိုလ်စွဲခဲ့တဲ့အတွက် ရုရှားသမ္မတ'ပူတင်'က အာဂျင်တီးနားသမ္မတ'အယ်လ်ဘာတိုဖာနန်ဒက်ဇ်'ကို ဂုဏ်ပြုခဲ့ကြောင်း ရုရှားသတင်းဌာနများက တင်ပြခဲ့ပါတယ်။

ရုရှားနိုင်ငံက ယူကရိန်းကိုစစ်ပွဲဆင်နွှဲပြီး တစ်ကမ္ဘာလုံးပါဝင်ပတ်သက်လာစေပေမယ့် ဖီဖာက ဒီဖြစ်ရပ်ဆိုးကြီးကို အသိအမှတ်မပြုနားမလည်ကြောင်း ပြသရာရောက်တယ်လို့ ယူကရိန်းသမ္မတလက်ထောက်'မစ်ခေလိုပိုဒိုလီယက်ခ်'က တွစ်တာမှာဖော်ပြခဲ့ပါတယ်။

ဖီဖာကတော့ ကမ္ဘာ့ဖလားပွဲစဉ်တွေစီစဉ်ကျင်းပရာမှာ နိုင်ငံရေးအကြောင်းတွေနဲ့ပတ်သက်ပြီး ငြင်းပယ်ထားတာဖြစ်ပါတယ်။

အဆိုပါဗိုလ်လုပွဲစဉ်ကို တစ်ကမ္ဘာလုံးမှာ ရုပ်သံကနေတိုက်ရိုက်ကြည့်ရှုသူပေါင်း သန်းရာချီရှိခဲ့ကြပါတယ်။

Source: Reuters
#Yangon_Media_Group