#World_Species
Published 17 December 2022

မျိုးသုဉ်းပျောက်ကွယ်လုနီးပါးဖြစ်နေတဲ့ အာဖရိကကုန်းတွင်းလိပ်အကောင်ရေ တိုးများလာစေရန်ရည်ရွယ်ပြီး လိပ်ကောင်ရေ ၅၀ ခန့်ကို မိုနာကိုကနေ ဆီနီဂေါကို စနေနေ့က ပို့ဆောင်နေပြီဖြစ်ပါတယ်။

#Yangon_Media_Group

Published 17 Dec 2022

အဆိပ်သင့်တဲ့အရက်ကြောင့် အိန္ဒိယနိုင်ငံ အရှေ့ပိုင်း ဘီဟာပြည်နယ်မှာ လူ ၃၇ ဦးသေဆုံးခဲ့ရတယ်လို့ ဒီဇင်ဘာ ၁၇ ရက် စနေနေ့မှာ အရာရှိတွေကပြောပါတယ်။ အဲဒီပြည်နယ်ဟာ အရက်သောက်သုံးခြင်း တားမြစ်ထားတဲ့ပြည်နယ်ဖြစ်ပြီး အတည်မပြုရသေးတဲ့သတင်းတွေအရ သေဆုံးသူအရေအတွက်ဟာ ၆၀ကျော်အထိရှိနေတယ်လို့လည်းသိရပါတယ်။

အိန္ဒိယနိုင်ငံရဲ့ နေရာတော်တော်များများမှာ အရက်ကိုရောင်းချသောက်သုံးခြင်းတွေကို တားမြစ်ထားတဲ့အတွက် အရက်ပုန်းသမား ပုရိဿတွေအတွက် မှောင်ခိုဈေးကွက်ဟာ အလုပ်ဖြစ်နေခဲ့ပါတယ်။ အဲဒီမှောင်ခိုအရက်တွေဟာ တစ်ခါတစ်ရံမှာ အက်သနောတွေထည့်ထားလို့ နှစ်စဉ် လူရာနှင့်ချီသေဆုံးနေခဲ့ကြရပါတယ်။

ဒေသကထုတ်တဲ့ချက်အရက် မာဟွာနှင့် ဒေစီဒါရူးတွေကို  တနင်္လာနေ့က မင်္ဂလာဆောင်တစ်ခုနှင့် အခြားပွဲတွေမှာ ရွာတော်တော်များများက ရွာသားတွေ သောက်သုံးခဲ့ကြတယ်လို့ နောက်ဆုံးအဖြစ်ဆိုးမှာ သေဆုံးသူတွေရဲ့ မိသားစုဝင်တွေကပြောပါတယ်။

တော်တော်များများဟာ ဗိုက်အောင့်ပြီး အမြင်အာရုံပျောက်ကုန်တယ်လို့ ပြောဆိုလာကြပြီးနောက် အော့အန်လာကြပါတယ်။ ကြာသပတေးနေ့အထိ နောက်ထပ် ၂၀ ဦးသေဆုံးခဲ့ပြီး စနေနေ့မှာတော့ လူဒါဇင်ခန့်ဟာ‌ ဆေးရုံမှာ အသည်းအသန်ဖြစ်နေကြပါတယ်။

“ ပြီးခဲ့တဲ့ ၄၈ နာရီအတွင်း လူပေါင်း နှစ်ဒါဇင်ကျော် သေဆုံးခဲ့တယ်” လို့ ပုလိပ်အရာရှိ တစ်ဦးက အေအက်ဖ်ပီကို ပြောပါတယ်။ အခုအထိ ၃၇ ဦးသေဆုံးခဲ့ပြီလို့လည်း သူကပြောပါတယ်။  ဒါပေမယ့် ဒေသမီဒီယာတွေက သတင်းရေးနေကြတဲ့ ၆၂ ဦးသေတယ်ဆိုတာကိုတော့ သူက အတည်ပြုမပေးနိုင်ပါဘူး။

တရားမဝင်အရက်ချက်လုပ်ရောင်းချတာနှင့်ပတ်သက်တဲ့ လူ၁၀၀ကျော်ကို လွန်ခဲ့တဲ့ သုံးရက်အတွင်း ရဲက ထိန်းသိမ်းလိုက်ပါတယ်။အရက် ၆၀၀လီတာကျော်ကိုလည်း သိမ်းဆည်းခဲ့ပါတယ်။

မှောင်ခိုဈေးကွက်နှိမ်နှင်းဖို့ ဒေသအာဏာပိုင်တွေဟာ ဒရုန်းတွေ၊ရဟတ်ယာဉ်တွေနှင့် မော်တော်ဘုတ်တွေအသုံးပြု ကြိးစားခဲ့ကြပေမယ့် အခုနောက်ဆုံး ဖြစ်ရပ်ဟာ အလားတူဖြစ်ရပ်တွေ ဆက်တိုက်ဖြစ်ခဲ့တာတွေမှာ နောက်ဆုံးဖြစ်ခဲ့ရတာလို အေအက်ဖ်ပီကသတင်းပေးပို့ပါတယ်။

Source AFP

#Toxic_alcohol_kills_37_in_India

#Toxic Alcohol_incident_Bihar

#India_Illegal_Alcohol_business

#Ukraine_Crisis
Published 17 December 2022

သောကြာနေ့မှာ ရုရှားတို့က ယူကရိန်းဘက်ကို ဒုံးကျည် ၇၀ ကျော်ပစ်ခတ်ခဲ့ရာ စစ်ပွဲစတင်ပြီးနောက်ပိုင်း အကြီးမားဆုံးတိုက်ခိုက်မှုတွေထဲက တစ်ခုဖြစ်ခဲ့ပါတယ်။

ယခုပစ်ခတ်မှုကြောင့် ယူကရိန်းရဲ့ ဒုတိယအကြီးဆုံးမြို့မှာ လျှပ်စစ်ဓာတ်အားပြတ်တောက်သွားပြီး နိုင်ငံအနှံ့အရေးပေါ်ဓာတ်အားဖြတ်တောက်လိုက်ရကြောင်း ယူကရိန်းအရာရှိများက ပြောကြားလိုက်ပါတယ်။

ခရီဗီရိအလယ်ပိုင်းက လူနေအဆောက်အအုံကို ထိမှန်ခဲ့ကာ လူ ၃ ဦးသေဆုံးခဲ့ပြီး တောင်ပိုင်းမြို့ခါဆန်မှာ တစ်ဦးသေဆုံးခဲ့ပါတယ်။

ရုရှားဘက်က အရာရှိများပြောကြားရာမှာတော့ ရုရှားတို့သိမ်းပိုက်ထားတဲ့ ယူကရိန်းအရှေ့ပိုင်းမှာ ယူကရိန်းတို့တိုက်ခိုက်မှုကြောင့် လူ ၁၂ ဦးသေဆုံးခဲ့တယ်လို့ ထုတ်ပြန်ထားပါတယ်။

ယူကရိန်းသမ္မတ'ဗိုလိုဒီမီယာဇယ်လန်စကီ'က ညနေခင်းဗီဒီယိုမိန့်ခွန်းမှာပြောကြားရာမှာ ရုရှားက နောက်ထပ်တိုက်ခိုက်မှုကြီးများပြုလုပ်ရန် ဒုံးကျည်အများအပြားရှိနေသေးကြောင်း ဆိုလိုက်ကာ ယူကရိန်းအတွက် ပိုမိုအားကောင်းတဲ့ လေကြောင်းကာကွယ်ရေးလက်နက်များ ထပ်မံထောက်ပံ့ပေးဖို့ အနောက်မဟာမိတ်နိုင်ငံများကို တောင်းဆိုလိုက်ပါတယ်။

ယူကရိန်းအနေနဲ့ ပြန်လာနိုင်ဖို့အတွက် စွမ်းဆောင်နိုင်ကြောင်း၊ ရုရှားက ဘယ်လောက်ပဲဒုံးကျည်တွေ ပစ်ခတ်နေပါစေ ဒီစစ်ပွဲရဲ့အင်အားမျှခြေက ပြောင်းလဲသွားမှာမဟုတ်ကြောင်း မိန့်ကြားခဲ့ပါတယ်။
ရုရှားတို့က နောက်နှစ်အစောပိုင်းမှာ တိုက်ခိုက်ရေးအစီအစဉ်တွေနဲ့ တိုက်ခိုက်ရန်စီစဉ်နေကြောင်းလည်း ယူကရိန်းက သတိပေးလိုက်ပါတယ်။

ယူကရိန်းနယ်မြေအများအပြားကို ရုရှားတို့က ဒုံးကျည်များ အမြှောက်များဖြင့် တိုက်ခိုက်နေပေမယ့် နယ်မြေအနည်းစုကိုသာ သိမ်းပိုက်နိုင်ပါသေးတယ်။

ရုရှားတို့ဟာ စစ်မြေပြင်တွေမှာ ရှုံးနိမ့်လာပြီးနောက် အောက်တိုဘာအစောပိုင်းကတည်းက ယူကရိန်းရဲ့ စွမ်းအင်ထုတ်လုပ်ရေးအဆောက်အအုံများကို ပစ်မှတ်ထားတိုက်ခိုက်လာခဲ့ရာ သောကြာနေ့တိုက်ခိုက်မှုကတော့ ပိုပြီးပြင်းထန်ခဲ့ပါတယ်။

ပြီးခဲ့တဲ့ရက်များက ပြုပြင်မှုများပြုလုပ်ပြီးနောက် ဓာတ်အားထုတ်လွှတ်ရေးစက်ရုံယူကရီနာဂိုက ဓာတ်အားပြန်လည်ပေးဝေနေပေမယ့် ပြင်ဆင်ဖို့ အချိန်တွေထပ်လိုအပ်သေးကြောင်း သတိပေးလိုက်ပါတယ်။

ရုရှားဘက်ကပစ်လိုက်တဲ့ ဒုံးကျည် ၇၆ စင်းအနက် အစင်း ၆၀ ကို ယူကရိန်းကာကွယ်ရေးက ပစ်ချနိုင်ခဲ့ပေမယ့် ဓာတ်အားပေးစက်ရုံ အနည်းဆုံး ၉ ခုထိမှန်ခဲ့ကြောင်း စွမ်းအင်ဝန်ကြီးက ထုတ်ပြန်ထားပါတယ်။

ရုရှားကတော့ ဒီတိုက်ခိုက်မှုတွေဟာ ယူကရိန်းစစ်တပ်ကို ဖြိုခွဲဖို့ရည်ရွယ်တာဖြစ်တယ်လို့ ဆိုပေမယ့် ယူကရိန်းကတော့ ဒါဟာ စစ်ရာဇဝတ်မှုဖြစ်တယ်လို့ တုန့်ပြန်လိုက်ပါတယ်။

"သူတို့က ကျွန်မတို့ကိုဖျက်ဆီးပြီး ကျေးကျွန်လုပ်ခိုင်းချင်တာပါ၊ ဒါပေမဲ့ ကျွန်မတို့အရှုံးပေးမှာမဟုတ်ပါဘူး" လို့ ကိဗ်မြို့တော်မှ အသက် ၅၃ နှစ်အရွယ်အမျိုးသမီးတစ်ဦးက ပြောကြားခဲ့ပါတယ်။

သောကြာနေ့နှောင်းပိုင်းအထိ အရပ်သား ၃ ပုံ ၁ ပုံလောက်ကသာ လျှပ်စစ်ဓာတ်အား ၄၀ ရာခိုင်နှုန်း၊ အပူပေးစနစ်နဲ့ ရေတို့ ရရှိနေကာ အဓိကသွားလာရေးဖြစ်တဲ့ ရထားလမ်းကြောင်းများ ပိတ်ထားရပါတယ်။

ယူကရိန်းပြည်သူများအနေနဲ့ စိတ်ရှည်သည်းခံဖို့ သမ္မတက တိုက်တွန်းလိုက်ကာ အရေးပေါ်ဓာတ်အားပေးနိုင်ရန် ဒေသဆိုင်ရာအာဏာပိုင်များကို မှာကြားလိုက်ပါတယ်။

Source: Reuters
#Yangon_Media_Group

#World_Health
Published 17 December 2022

အရေပြားကင်ဆာအကျိတ် ပြန်လည်ဖြစ်ပွားခြင်းကို တားဆီးပေးပြီး အခြားကင်ဆာတွေကိုလည်း ကာကွယ်ပေးနိုင်တဲ့ မိုဒါနာကင်ဆာကာကွယ်ဆေးအသစ်ဟာ ထိရောက်မှုရှိကြောင်း တွေ့ရှိလာကြောင်း ဝေါလ်စထရိဂျာနယ်မှာ ဖော်ပြခဲ့ပါတယ်။

ခွဲစိတ်ပြီးသားလူနာတွေပါ ပါဝင်တဲ့ဒုတိယအဆင့်စမ်းသပ်မှုမှာ ထိုကာကွယ်ဆေးကို Merck မှထုတ်လုပ်တဲ့ Keytruda ကိုယ်ခံအားမြှင့်တင်ဆေးနဲ့ တွဲဖက်အသုံးပြုစေခဲ့ပါတယ်။

ထိုအခါ Keytruda တစ်မျိုးတည်း အသုံးပြုတုန်းကထက် အရေပြားကင်ဆာကြောင့် သေဆုံးနိုင်ချေ၊ ရောဂါပြန်လည်ဖြစ်ပွားနိုင်ချေ ၄၄ ရာခိုင်နှုန်း ပိုနည်းသွားပါတယ်။

တကယ်ထိရောက်တဲ့ ကင်ဆာကာကွယ်ဆေးကို ပထမဆုံးမြင်တွေ့ရတာဖြစ်ကြောင်း Merck ကုမ္ပဏီမှ ဆေးမှူးချုပ်'အယ်လီယက်ဗ်ဘား'က ပြောပြခဲ့ပါတယ်။

ကာကွယ်ဆေးက ပြင်ပမှသုံးသပ်မှု မပြုရသေးပေမယ့် မိုဒါနာကိုဗစ်ကာကွယ်ဆေးရဲ့ mRNA ပုံစံကိုအသုံးချထားတာဖြစ်ပြီး မျိုးရိုးဗီဇနဲ့ ဆက်နွယ်တဲ့နည်းပညာကို ပထမဆုံးအသုံးပြုထားတာဖြစ်ပါတယ်။

ကာကွယ်ဆေးဘေးကင်းစိတ်ချရစေရန် ပိုမိုကြီးမားတဲ့စမ်းသပ်မှုပြုလုပ်သွားဖို့ ကုမ္ပဏီနှစ်ဖက်စလုံးမှ စီစဉ်နေကြပါတယ်။

စမ်းသပ်မှုအခြေအနေကောင်းပါက နောက်ထပ်ကင်ဆာအမျိုးအစားတွေကိုပါ စမ်းသပ်ဖို့ ခွင့်ပြုချက်ရသွားနိုင်ပါတယ်။

ဆေးနှစ်မျိုးစလုံးနဲ့ ကုသခြင်းက Keytruda ရဲ့ထိရောက်မှုကို ပိုမိုအားကောင်းလာစေပြီး အကျိတ်တွေကိုဖျက်ဆီးဖို့ ခန္ဓာကိုယ်ရောဂါခုခံအားစနစ်ကို မြှင့်တင်ပေးပါတယ်။

Source: NY Post
#Yangon_Media_Group

#World_Health
Published 17 December 2022

ကိုဗစ်ကူးစက်လို့ အနံ့နဲ့ အရသာအာရုံပျောက်ဆုံးခြင်းဟာ ကောင်းတဲ့လက္ခဏာဖြစ်နိုင်တယ်လို့ လေ့လာတွေ့ရှိထားပါတယ်။

ကိုဗစ်ကူးစက်တဲ့အခါ အဆိုပါအာရုံတစ်မျိုးမျိုး ပျောက်ဆုံးခြင်းက ကိုယ်ခံအားတုန့်ပြန်မှုကောင်းမွန်တဲ့ လက္ခဏာဖြစ်တယ်လို့ Plos One မှာ ဖော်ပြထားပါတယ်။

ကိုဗစ်ကာလအတွင်း အနံ့အရသာအာရုံပျောက်ဆုံးခြင်းက SARS-CoV-2 ကိုရိုနာဗိုင်းရပ်စ်ကူးစက်တဲ့ လက္ခဏာဖြစ်ပြီး လူနာ ၄၃ မှ ၆၂ ရာခိုင်နှုန်းလောက်မှာ ဖြစ်တတ်ပါတယ်။

ကိုဗစ်ကူးစက်မှုအစောပိုင်းရက်တွေမှာ အနံ့ပျောက်ခြင်းဖြစ်တတ်ပြီး လူနာ ၂၀ ရာခိုင်နှုန်းလောက်က ဒီလက္ခဏာတစ်မျိုးတည်း ခံစားရတတ်တာကြောင့် ဗိုင်းရပ်စ်ကူးစက်နေတာကို သိရှိပြီး ကုသမှုခံယူနိုင်မှာဖြစ်ပါတယ်။

ဒါ့အပြင် အနံ့ပျောက်ဆုံးမှုနဲ့ ရောဂါမပြင်းထန်ခြင်းတို့ကြား ဆက်စပ်မှုကို ကိုလံဘီယာတက္ကသိုလ် အာဗင်ဆေးဘက်ဆိုင်ရာစင်တာမှ ဒေါက်တာ'ဂျိုနသန်အိုဗာဒီဗက်စ်'ဦးဆောင်တဲ့ သုတေသီအဖွဲ့က လေ့လာခဲ့ပါတယ်။

လေ့လာခဲ့တဲ့ လူနာ ၃၀၆ ဦးမှာ အနံ့အရသာပျောက်ဆုံးသူ ၁၉၆ ယောက်ပါဝင်ကာ ကိုယ်ခံအားပဋိပစ္စည်းထွက်ရှိမှုက ပုံမှန်ထက် ၁.၉၈ ဆ ပိုများခဲ့ပါတယ်။

ထိုလေ့လာချက်ရလဒ်များအရ ကိုဗစ်ကူးစက်မှုအတွင်း အနံ့အရသာပျောက်ဆုံးတာဟာ ကိုယ်ခံအားတုန့်ပြန်မှု ကောင်းမွန်တဲ့လက္ခဏာဖြစ်ကြောင်း၊ ဒီတုန့်ပြန်မှုက ဘယ်လောက်ကြာရှည်ခံလဲဆိုတာကို သိရှိဖို့ နောက်ထပ်လေ့လာမှုပြုလုပ်ရဦးမှာဖြစ်ကြောင်း သုတေသီတွေက ဆိုပါတယ်။

ကိုဗစ်ကာကွယ်ဆေးထိုးထားတဲ့သူတွေ၊ ကိုရိုနာဗိုင်းရပ်စ်မျိုးဗီဇကွဲကူးစက်ဖူးသူတွေ၊ အကြိမ်ကြိမ်ကူးစက်ထားသူတွေမှာ အနံ့အရသာပျောက်ဆုံးခြင်းနဲ့ ကိုယ်ခံအားတုန့်ပြန်ခြင်း ဘယ်လောက်အထိရှိသလဲဆိုတာကို ထပ်မံလေ့လာဦးမှာဖြစ်တယ်လို့ သုတေသီများဖော်ပြခဲ့ကြပါတယ်။

Source: The Jerusalem Post
#Yangon_Media_Group

#Asia_Industry
Published 16 December 2022

အနောက်တိုင်းနိုင်ငံတွေမှ သုံးစွဲသူများက အသုံးစရိတ်ကိုလျှော့ချလာတာကြောင့် ဗီယက်နမ်စက်ရုံလုပ်သားသောင်းနဲ့ချီပြီး အလုပ်ဆုံးရှုံးလာကြရပါတယ်။

#Yangon_Media_Group