#DailyNews
Published_ 20 January 2023

၁။ နယ်စပ်ကနေ တရားမဝင်ပြောင်း တင်ပို့မှုများရှိနေဟုဆို

၂။ လိုင်စင်ရပုဂ္ဂလိက ဆေးရုံ(၂၆၀)ရှိ၊ ပုဂ္ဂလိကဆေးရုံငယ်များ ထပ်ဖွင့်ရန်တာစူနေဟုဆို

၃။ ပြည်ပနိုင်ငံအချို့ မြန်မာ့သကြားဝယ်ယူရန် ကမ်းလှမ်းမှုများရှိနေ

၄။ ကမ်းခြေများ၊ ပန်းခြံများအပါအဝင် အများပြည်သူဆိုင်ရာနေရာများတွင် ဆေးလိပ်သောက်ခြင်းအား မက္ကဆီကိုတားမြစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

Published 20 Jan 2023

အမေရိကန်ရဲ့ ကြွေးမြီပမာဏဟာ ကွန်ဂရက်သတ်မှတ်ပေးထားတဲ့အမြင့်ဆုံးပမာဏ ၃၁.၄ ထရီလီယံ ကိုရောက်ရှိလာပြီ လို့  အမေရိကန်ဘဏ္ဍာရေးဝန်ကြီး ဂျက်နက် ယီလင်က ပြောပါတယ်။ အဲဒါကြောင့် အစိုးရအနေနှင့် ပေးချေစရာရှိတာတွေ ဆက်ပြီးငွေပေးချေနိုင်အောင် အထူးဆောင်ရွက်ချက်တွေကို စတင်ကျင့်သုံးနေပြီလို့ သူမက ပြောပါတယ်။

ယီလင်ဟာ ကြွေးမြီ အမြင့်ဆုံးသတ်မှတ်ချက်ကို ရောက်တော့မယ်လို့ ယခင်ကသတိပေးခဲ့ပြီးဖြစ်ပါတယ်။ ဒါပေမယ့် နိုင်ငံရဲ့ကြွေးမြီတွေအပေါ် ပျက်ကွက်မှုကိုရှောင်ရှားနိုင်ဖို့ အရေးပေါ်အစီအစဉ်တစ်ခုပြင်ဆင်နေတယ်လို့ ဘဏ္ဍာရေး ဝန်ကြီးဌာနက ပြောပါတယ်။

အထူးဆောင်ရွက်ချက်တွေကို လုပ်ဆောင်နေပြီး အဲဒီအထဲမှာ အစိုးရအငြိမ်းစားရန်ပုံတွေထဲ ရင်းနှီးမြှပ်နှံမှု ရပ်ဆိုင်းဖို့ ပါဝင်ပါတယ်။

အမေရိကန်ရဲ့စီးပွားရေးဟာ လိုငွေတွေပြပြီး မောင်းနှင်နေတာဖြစ်တဲ့အတွက် ငွေပေးချေစရာရှိတာတွေ ပေးချေဖို့အတွက် ပိုက်ဆံချေးငှား ဖို့ လိုအပ်ပါတယ်။ ယခုအချိန်အထိ အစိုးရအနေနှင့် ဒေါ်လာ ၃၁.၄ ထရီလီယံအထိသာ ငွေချေးလို့ရအောင် ကန့်သတ်ထားပါတယ်။

ကြွေးမြီကန့်သတ်ချက်ကို မြှင့်တင်ပေးဖို့ဆိုတာ ကွန်ဂရက်အတွက် ပုံမှန်ဆောင်ရွက်ရတာမျိုးဖြစ်ပေမယ့် အခုဆို ပိုပိုပြီး တော့ဝရုန်းသုန်းကားနိုင်လာနေပါတယ်။  အချို့သော အောက်လွှတ်တော်ရီပတ်ဗလီကန်အမတ်တွေက အဲဒီကန့်သတ် ချက်မြှင့်တင်မှာကို ပိတ်ပင်တားဆီးဖို့ ဆုံးဖြတ်ထားကြတဲ့အတွက် ဒီနှစ်မှာတော့ အဆိုပါကိစ္စကြောင့် နိုင်ငံရေးတိုက်ခိုက်မှုတွေရုတ်တရက်  ကြီးမားလာမယ့် အလားအလာတွေရှိနေပါတယ်။

အမေရိကန်ရဲ့ ကြွေးမြီပျက်ကွက်ခြင်းဟာ စီးပွားရေးနှင့်ဈေးကွက်အပေါ် ကြီးမားတဲ့ အကျိုးဆက်တွေ ရိုက်ခတ်နိုင်တဲ့ အတွက် အတော့်ကိုစိတ်ပူစရာဖြစ်နေပါတယ်။အီဲဒအပြင် နိုင်ငံရဲ့ အကြွေးပြန်ဆပ်နိုင်ဖို့ စိတ်ချလက်ချယုံကြည်ရမှု အပေါ်လည်း သံသယတွေပွားများစေလာနိုင်ပါတယ်။

အမေရိကန်ရဲ့ ကြွေးမြီဟာ ကန့်သတ်ချက်ကို ဇွန်လမှာ အစောဆုံးရောက်ရှိနိုင်တယ်လို့ သုံးသပ်သူတွေက ခန့်မှန်းခဲ့ကြပါတယ်။ ဒါပေမယ့် အခုတော့ ဘာဖြစ်မယ်ဆိုတာကို အသေအချာမပြောနိုင်တော့ဘူးလို့ ယီလင်က ကြာသပတေးနေ့ကပြောပါတယ်။

၂၀၁၁ခုနှစ်တုန်းက အဲသလိုအဖြစ်မျိုးကြုံခဲ့ပြီး အောက်လွှတ်တော်ရီပတ်ဘလီကင်တွေနှင့် အဲဒီတုန်းက သမ္မတ အိုဘားမားတို့ နိုင်ငံရေးအန္တရာယ်ခံတွင်းဝတိုးဝင်မှုတွေကြောင့် ရှယ်ယာရောင်းချဈေးကွက်အပေါ် ထိခိုက်မှု ရှိခဲ့ပြီး ပထမဆုံးအကြိမ် အမေရိကန်ပြည်ထောင်စုရဲ့ ချေးငွေအဆင့် ကျဆင်းခဲ့ပါတယ်။

ရီပတ်ဗလီကင်တွေဟာ ယခု အောက်လွှတ်တော်မှာ အမတ်အနည်းငယ်အသာနှင့် ကြီးစိုးထားပါတယ်။ ဒါပေမယ့် အောက်လွှတ်တော်ဥက္ကဋ္ဌ ကေဗင် မက်ကသီကို ရွေးချယ်ရာမှာ ၁၅ကြိမ် အထိ ပြန်ပြီးမဲပေးခဲ့ရတဲ့အတွက် ရီပတ်ဗလီကင်ထဲမှာလည်း အကွဲအပြဲက နက်ရှိုင်းနေပါတယ်။

သမ္မတဘိုင်ဒင်ကတော့ စေ့စပ်အပေးအယူလုပ်ဖို့ စိတ်မဝင်စားဘူးလို့ အိမ်ဖြူတော်က ပြောထားပါတယ်။ အဲဒီအပြင် ကြွေးမြီကန့်သတ်ချက်အပေါ် နိုင်ငံရေးကစားတာကိုလည်း သူက ပြစ်တင်ရှုတ်ချခဲ့ပါတယ်။

Source NPR

#Treasury_Secretary_Janet Yellen

#U.S_reach_debt_limit

#US_Economy

#World_Politics
Published 20 January 2023

ဗဟိုထောက်လှမ်းရေးအေဂျင်စီ (CIA) ညွှန်ကြားရေးမှူး'ဝီလီယံဘမ်းစ်'ဟာ ယူကရိန်းမြို့တော်သို့ လျှို့ဝှက်သွားရောက်ခဲ့ပြီး သမ္မတ'ဗိုလိုဒီမီယာဇယ်လန်စကီ'နဲ့ တွေ့ဆုံခဲ့ကြောင်း အမေရိကန်အရာရှိတစ်ဦးက ရိုက်တာသတင်းဌာနကို ကြာသပတေးနေ့မှာ ပြောကြားခဲ့ပါတယ်။

"ညွှန်ကြားရေးမှူး'ဘမ်းစ်'က ကိဗ်မြို့သို့သွားရောက်ခဲ့ကာ ယူကရိန်းထောက်လှမ်းရေးအရာရှိများအပြင် သမ္မတ'ဇယ်လန်စကီ'နဲ့လည်း တွေ့ဆုံခဲ့ပြီး ရုရှားတိုက်ခိုက်မှုတွေကို ခုခံနေတဲ့ယူကရိန်းအတွက် ဆက်လက်ထောက်ပံ့သွားမှာဖြစ်တယ်" လို့ အဆိုပါအရာရှိက ဆိုပါတယ်။

ဘယ်နေ့ဘယ်အချိန်က လာသွားလဲဆိုတာကိုတော့ ပြောပြခြင်းမရှိပေမယ့် ဝါရှင်တန်ပို့စ်သတင်းစာမှာတော့ ပြီးခဲ့တဲ့ရက်သတ္တပတ်အကုန်မှာ သွားရောက်ခဲ့တယ်လို့ ဦးဆုံးတင်ပြခဲ့ပါတယ်။

ခရီးစဉ်အတွင်း 'ဘမ်းစ်'က နောက်ထပ်ဖြစ်လာနိုင်တဲ့ ရုရှားစစ်ရေးအစီအစဉ်တွေအကြောင်း ခန့်မှန်းသုံးသပ်ပြကာ အမေရိကန်မှထောက်ပံ့မှုတွေဟာလည်း တစ်ချိန်ချိန်မှာ ခက်ခဲလာနိုင်တယ်ဆိုတာကို သိရှိထားကြောင်း 'ဇယ်လန်စကီ'နဲ့ ပြောကြားခဲ့ပါတယ်။

အမေရိကန်ကြားဖြတ်ရွေးကောက်ပွဲမှာ ရီပတ်ဘလစ်ကန်တွေက အောက်လွှတ်တော်မှာ ပွတ်ကာသီကာဖြင့်အနိုင်ရခဲ့တာကြောင့် ယူကရိန်းအနေနဲ့ အမေရိကန်နဲ့ အနောက်နိုင်ငံများထံမှ ထောက်ပံ့မှုတွေ ဘယ်အချိန်အထိ ရရှိနိုင်မလဲဆိုတဲ့အကြောင်းကို ဇယ်လန်စကီတို့ ဆွေးနွေးခဲ့ကြပါတယ်။

ဆွေးနွေးပွဲပြီးနောက် ယူကရိန်းအတွက် အမေရိကန်က အခိုင်အမာထောက်ပံ့နေဦးမှာဖြစ်ကြောင်း 'ဇယ်လန်စကီ'နဲ့သူ့လက်ထောက်တွေ သိရှိခဲ့ရပါတယ်။

အနောက်နိုင်ငံတွေက ယူကရိန်းအတွက် ဒေါ်လာဘီလီယံချီတန်ကြေးရှိတဲ့ လက်နက်တွေထောက်ပံ့ဖို့ ကတိပြုထားပါတယ်။

ရုရှားတပ်တွေက ဆောင်းရာသီအတွင်း ပြန်လည်နေရာချဖို့အချိန်ရကာ တိုက်ခိုက်မှုကြီးတစ်ရပ် ပြုလုပ်လာဖွယ်ရှိသလို ယူကရိန်းကလည်း ရုရှားကျူးကျော်မှုကို တန်ပြန်တိုက်ခိုက်ဖို့ ကြိုးပမ်းနေပါတယ်။

ဒီဇင်ဘာတုန်းက ဇယ်လန်စကီက ဝါရှင်တန်သို့လာရောက်ပြီး လွှတ်တော်အတွင်းပြောကြားရာမှာ ယူကရိန်းကို အကူအညီပေးခြင်းက လှူဒါန်းတဲ့သဘောမဟုတ်ဘဲ ဒီမိုကရေစီအရေးအတွက် ရင်းနှီးမြှုပ်နှံမှုသာဖြစ်ကြောင်း၊ အမေရိကန်ထံမှအကူအညီများ ဆက်လက်မျှော်လင့်နေကြောင်း ပြောကြားခဲ့ပါတယ်။

အမေရိကန်က ကြာသပတေးနေ့က ကြေညာရာမှာ ယူကရိန်းလေကြောင်းကာကွယ်ရေးအတွက် အထောက်အပံ့များ၊ သံချပ်ကာယာဉ်များအပါအဝင် ဒေါ်လာ ၂.၅ ဘီလီယံတန်ဖိုးရှိတဲ့ စစ်ရေးထောက်ပံ့မှုတွေဖြင့် ကူညီသွားမှာဖြစ်ပါတယ်။

Source: Reuters
#Yangon_Media_Group

#World_Health
Published 20 January 2023

လူတစ်ယောက်မှာ ဘယ်လိုဗိုက်တာမင် သတ္တုဓာတ်တွေ လိုအပ်သလဲဆိုတာ တစ်ယောက်နဲ့တစ်ယောက်မတူညီပါဘူး။

အခုဆိုရင် မည်သည့်အဟာရဓာတ် လိုအပ်နေသလဲဆိုတာကို ဗိုက်တာမင်DNAစမ်းသပ်ပစ္စည်းဖြင့် စမ်းသပ်နိုင်ပြီဖြစ်ပါတယ်။

လူတွေရဲ့ စားသောက်မှုပုံစံ၊ နေထိုင်မှု၊ ရည်မှန်းချက်၊ မျိုးရိုးဗီဇ၊ ကျန်းမာရေးခံယူချက်တို့အပေါ် မူတည်ပြီး လိုအပ်တဲ့ဗိုက်တာမင်ဓာတ်တွေ ကွဲပြားနိုင်ကြောင်း ဟောင်ကောင်အဟာရနှင့်ကျန်းမာရေး အတိုင်ပင်ခံကုမ္ပဏီတည်ထောင်သူ 'မစ်ရှဲလောင်'က ပြောပြသွားပါတယ်။

ဗိုက်တာမင်ချို့တဲ့နေသလားဆိုတာကို သွေးစစ်ဆေးပြီး စမ်းသပ်နိုင်သလို လိုအပ်တဲ့အားဆေးများ ဖြည့်စွက်သောက်သုံးနိုင်ပါတယ်။

ဥပမာအားဖြင့် အမျိုးသမီးတွေဟာ ဓမ္မတာလာခြင်းနဲ့ ကိုယ်ဝန်ဆောင်ခြင်းတို့မှာ သံဓာတ်ဆုံးရှုံးကြတာကြောင့် အမျိုးသားတွေထက် သံဓာတ်ပိုမိုလိုအပ်ပါတယ်။

ယေဘုယျအားဖြင့် အပင်အခြေပြုအစားအစာများဖြစ်တဲ့ အစေ့အဆန်များ၊ အသီးအနှံ၊ ဟင်းသီးဟင်းရွက်၊ ပဲအမျိုးမျိုးစားသုံးခြင်း၊ အဆီ အချို အငံလျှော့ချစားသုံးခြင်းဖြင့် လိုအပ်တဲ့အဟာရဓာတ်တွေ ရရှိစေနိုင်မှာဖြစ်ပါတယ်။

ခြုံကြည့်ရင် လူတွေမှာ အများဆုံးချို့တဲ့လေ့ရှိတဲ့ အဟာရဓာတ်တွေကတော့...

(၁) ကယ်လ်စီယမ်

ကယ်လ်စီယမ်ဓာတ်က သွားနဲ့အရိုးများအတွက်သာ အရေးကြီးတာမဟုတ်ဘဲ သွေးနီဥထဲမှာ ဟေမိုဂလိုဘင်ကိုလည်း ဖြစ်ပေါ်စေပါတယ်။

ကယ်လ်စီယမ်ချို့တဲ့တဲ့အခါ အရိုးပွခြင်း၊ အရိုးကျိုးခြင်းတို့ပင် ဖြစ်စေတတ်ပါတယ်။

နို့ထွက်ပစ္စည်းတွေကနေ ကယ်လ်စီယမ်ရရှိနိုင်သလို ဗာဒံစေ့၊ ပန်းဂေါ်ဖီစိမ်းတို့မှာလည်း ကြွယ်ဝစွာပါဝင်ကာ နေ့စဉ်လိုအပ်တဲ့ကယ်လ်စီယမ်ပမာဏကတော့ အရွယ်ရောက်ပြီးသူတွေနဲ့ ကိုယ်ဝန်ဆောင်တွေအတွက် တစ်နေ့ကို ၇၀၀ မီလီဂရမ်ဖြစ်ပါတယ်။

(၂) ဗိုက်တာမင်-ဒီ

ဗိုက်တာမင်-ဒီကို အစားအစာနဲ့ နေရောင်ခြည်ကနေ ရရှိပေမယ့် လုံလောက်ခြင်းမရှိဘဲ အထူးသဖြင့် ဆောင်းရာသီမှာ ပိုမိုလိုအပ်တတ်ပါတယ်။

ကြွက်သားတွေကို သန်မာအောင်ထိန်းသိမ်းပေးပြီး အရိုးတွေသန်မာစေပါတယ်။

ဆဲလ်ကြီးထွားမှုကို ထိန်းညှိပေးပြီး နှလုံးသွေးကြောရောဂါဖြစ်နိုင်ချေကို လျှော့ချပေးပါတယ်။

(၃) သံဓာတ်

သံဓာတ်က ခန္ဓာကိုယ်ထဲက ဖြစ်စဉ်တိုင်းလိုလိုမှာ အရေးပါတဲ့ဓာတ်ဖြစ်ပြီး သံဓာတ်ချို့တဲ့ပါက သွေးအားနည်းခြင်း၊ မှတ်ဉာဏ်ဆုံးရှုံးခြင်း၊ ကြွက်သားဆုံးရှုံးခြင်းတို့ ဖြစ်တတ်ပါတယ်။

သက်သက်လွတ်အမြဲတမ်းစားသုံးသူတွေမှာ သံဓာတ်ချို့တဲ့တတ်ကြပြီး အသားမှရရှိတဲ့သံဓာတ်ကို ခန္ဓာကိုယ်က ပိုမိုစုပ်ယူနိုင်ပါတယ်။

Source: South China Morning Post
#Yangon_Media_Group

#World_Health
Published 20 January 2023

ဆေးဘက်ဆိုင်ရာနဲ့ နည်းပညာတိုးတက်လာတဲ့အလျောက် ပိုမိုအဆင့်မြင့်ပြီး ထိရောက်မှုရှိတဲ့ ကင်ဆာကုသနည်းတွေကို သိပ္ပံပညာရှင်များ ရှာဖွေထုတ်လုပ်လာကြရာ အာလူးနဲ့ ခရမ်းချဉ်သီးကဲ့သို့ ဟင်းသီးဟင်းရွက်တို့မှာပါဝင်တဲ့ ဂလိုင်ကိုအယ်ကာလွိုက်တွေဟာ ကင်ဆာကုသရာမှာ ထိရောက်နိုင်တယ်လို့ ဖော်ပြခဲ့ကြပါတယ်။

ကမ္ဘာတဝှမ်းမှ သိပ္ပံပညာရှင်တွေဟာ ကျန်းမာတဲ့ဆဲလ်တွေကို မထိခိုက်စေဘဲ ကင်ဆာဆဲလ်တွေကိုသာ သေစေနိုင်မယ့် ဆေးတွေကို ဖော်ထုတ်နေကြဆဲပါ။

ဆိုလာနင်အပင်မျိုးနွယ်မှ အစိမ်းလိုက်ဟင်းသီးဟင်းရွက်တွေမှာ အရွက်စားသတ္တဝါတွေအတွက် အကာအကွယ်ဖြစ်စေတဲ့ အယ်ကာလွိုက်အဆိပ်တွေပါဝင်ကာ ဒီအဆိပ်ဓာတ်ကို သင့်တင့်မျှတစွာ အသုံးပြုနိုင်ရင် ဆေးဘက်ဝင်နိုင်ကြောင်း လေ့လာတွေ့ရှိထားပါတယ်။

ဂလိုင်ကိုအယ်ကာလွိုက်တွေဟာ ကင်ဆာဆဲလ်ကြီးထွားမှုကို တားဆီးပေးနိုင်တာကြောင့် အနာဂတ်မှာ သတ်ပစ်နိုင်သည်အထိ ထုတ်လုပ်နိုင်ဖွယ်ရှိပါတယ်။

ကွန်ပျူတာပုံစံတူစမ်းသပ်ချက်အတွင်း ဂလိုင်ကိုအယ်ကာလွိုက်ဟာ အဆိပ်မဖြစ်စေဘဲ အကျိတ်ထပ်မံမဖြစ်ပေါ်အောင် ပြုလုပ်ပေးပါတယ်။

လူသားတွေမှာ ဘေးကင်းစိတ်ချရတဲ့ ဂလိုင်ကိုအယ်ကာလွိုက်အမျိုးအစားတွေကို စမ်းသပ်ကြရာမှာ အာလူးမှာတွေ့ရတဲ့ ဆိုလာနင်နဲ့ ချာကိုနင်တို့ကို တွေ့ရှိခဲ့ကြပါတယ်။

အာလူးမျိုးနွယ်ကွဲနဲ့ အလင်းရောင်အပူချိန်ထိတွေ့မှု ကွဲပြားချက်ပေါ်မူတည်ပြီး ပါဝင်တဲ့ဓာတ်ပမာဏ ကွာခြားတတ်ပါတယ်။

ဆိုလာနင်ဓာတ်က ခန္ဓာကိုယ်ထဲမှာ ကင်ဆာဖြစ်စေတဲ့ဒြပ်ပေါင်း ဖြစ်ပေါ်ခြင်းကို တားဆီးပေးပြီး သင့်လျော်တဲ့ပမာဏသုံးစွဲခြင်းဖြင့် သွေးကင်ဆာဆဲလ်တွေထဲက ကင်ဆာဆဲလ်တွေကိုပင် သေစေနိုင်ပါတယ်။ ချာကိုနင်ကတော့ ရောင်ရမ်းခြင်းကိုဆန့်ကျင်တဲ့ အာနိသင်ရှိပြီး သွေးဆိပ်သင့်ခြင်းကို ကုသနိုင်ပါတယ်။

ခရမ်းချဉ်သီးမှာပါဝင်တဲ့ တိုမာတင်ဓာတ်က ဆဲလ်စက်ဝန်းကို ထိန်းညှိပေးကာ ကင်ဆာဆဲလ်တွေကို သေစေနိုင်တာကြောင့် ဆေးလောကမှာ အသုံးဝင်လာဖွယ်ရှိနေပါတယ်။

အဆိုပါဒြပ်ပေါင်းတွေကို လက်တွေ့ထိရောက်အောင် အသုံးချနိုင်ဖို့အတွက် နောက်ထပ်လေ့လာမှုတွေ ပြုလုပ်ရဦးမယ်လို့ သုတေသီများက ဆိုပါတယ်။

Source: The Jerusalem Post
#Yangon_Media_Group

#Asia_Space
Published 19 January 2023

တရုတ်နိုင်ငံဟာ လာမယ့်ဆယ်စုနှစ်အတွင်း သူတိုရဲ့အနာဂတ်ချန်အီလကမ္ဘာမစ်ရှင်များအတွက် အဓိကဆက်သွယ်ဝန်ဆောင်မှုများ လုပ်ဆောင်နိုင်ရန် ကွေ့ချောင်-၂ ဂြိုဟ်တုကို လာမယ့်နှစ်အစောပိုင်းမှာ လွှတ်တင်မှာဖြစ်ကြောင်း တရုတ်အမျိုးသားအာကာသအဖွဲ့အစည်း(CNSA) က ပြောကြားခဲ့ပါတယ်။

#Yangon_Media_Group