#World_Health
Published 27 February 2023

မျှစ်က ခန္ဓာကိုယ်ဖွံ့ဖြိုးခြင်းအတွက် အသုံးဝင်တဲ့ အာဟာရဓာတ်အများဆုံး အစားအစာထဲက တစ်ခုဖြစ်ပါတယ်။

နေ့စဉ်ကိုယ်အပူချိန် ပြောင်းလဲခြင်းအပြင် ကိုယ်ခံအားမြှင့်တင်ရန်၊ နှလုံးသွေးကြောကျန်းမာရေး ကောင်းမွန်စေရန်၊ သွေးပေါင်ချိန်ထိန်းညှိရန်အတွက် ညီညွတ်မျှတတဲ့ အစားအစာစားပေးဖို့ လိုအပ်ပါတယ်။

အာဟာရပညာရှင်'လော့ဗ်နိဘာထရာ'ရဲ့ ပြောကြားချက်အရ အစာစားတဲ့အခါ မျှစ်ကိုထည့်သွင်းစားသုံးခြင်းဖြင့် အူလမ်းကြောင်းကျန်းမာရေး ကောင်းမွန်စေကာ နှလုံးကာကွယ်ပေးခြင်း၊ အသားအရည်ဝင်းလက်စေခြင်း၊ အရိုးသန်မာခြင်းတို့ ရရှိစေပါတယ်။

မျှစ်မှာ ပရိုတိန်း၊ အမိုင်နိုအက်ဆစ်၊ ကာဗိုဟိုက်ဒရိတ်၊ အရေးကြီးသတ္တုဓာတ်များနဲ့ ဗိုက်တာမင်များ ကြွယ်ဝစွာပါဝင်ကာ ကျန်းမာသန်စွမ်းစေပါတယ်လို့ အင်စတာဂရမ်မှာ ဖော်ပြခဲ့ပါတယ်။

မျှစ်က ဆဲလူးလို့စ်ကို ၄ ရာခိုင်နှုန်းမြှင့်တင်ပေးကာ အူလမ်းကြောင်းရွေ့လျားမှုကို အားပေးပြီး အစာချေဖျက်ခြင်းကို ကူညီပေးပါတယ်။

ဒါ့အပြင် မကောင်းတဲ့ကိုလက်စ်ထရောလ်တွေကို လျှော့ချပေးပြီး နှလုံးသွေးကြောကျန်းမာရေးနဲ့ သွေးလည်ပတ်မှုကို အားကောင်းစေပါတယ်။
မျှစ်မှာ ဆီလီကာပါဝင်မှုများတာကြောင့် ကော်လာဂျင်နဲ့ အီလက်စ်တင်ဖွဲ့စည်းမှုကို တိုးများစေပါတယ်။

ဗိုက်တာမင်-စီအများအပြားပါဝင်ကာ ကယ်လ်စီယမ်နဲ့ မန်းဂနိစ်ကြွယ်ဝတာကြောင့် အရိုးအဆစ်ကို သိပ်သည်းသန်မာစေပါတယ်။

မျှစ်က ကယ်လိုရီနည်းပါးပြီး အမျှင်ဓာတ်များစွာပါဝင်တာကြောင့် ဗိုက်ပြည့်ဝနေစေပြီး ကိုယ်အလေးချိန်လျော့ကျစေနိုင်ပါတယ်။

Source: India Today #World_Health #မျှစ် #Bamboo_Shoot #Health #YMG #Yangon_Media_Group

#World_Health
Published 27 February 2023

ဂရိတ်ဖရုကို အချို့သောဆေးတွေနဲ့ တွဲဖက်အသုံးပြုရင် ဘေးထွက်ဆိုးကျိုးရှိတာကို ဖော်ပြထားကြပြီးဖြစ်ပါတယ်။

ဒါ့အပြင် ဂရိတ်ဖရုကို တိုနစ်ရေနဲ့ တွဲစပ်သောက်သုံးရင်လည်း အချို့လူတွေအတွက် ဘေးအန္တရာယ်ဖြစ်စေကြောင်းလည်း တွေ့ရှိလာပါတယ်။
ဂရိတ်ဖရုဖျော်ရည်နဲ့ ဓာတ်ပြုနေတဲ့ ဆေးပေါင်း ၁၀၀ နီးပါးရှိခဲ့ရာ တဖြည်းဖြည်းနဲ့ပိုများလာပါတယ်။

ဒီထဲမှာမှ ကိုလက်စ်ထရောလ်ဆေးတွေ၊ နှလုံးရောဂါသောက်ဆေးတွေ၊ ကင်ဆာကုသဆေးတွေလည်း ပါဝင်ပါတယ်။

ဂရိတ်ဖရုဖျော်ရည်မှာပါဝင်တဲ့ အချို့သောပါဝင်ပစ္စည်းတွေက ခန္ဓာကိုယ်ထဲမှာ ဆေးတွေဖြိုခွဲခြင်းကို ပြုလုပ်ပေးတဲ့ CYP3A4 အင်ဇိုင်းကို နှောင့်နှေးစေပါတယ်။

အင်ဇိုင်းက အူသိမ်နံရံတွေမှာရှိကာ ဆေးတွေ သွေးထဲကို မစုပ်ယူခင် ဖြိုခွဲပေးတာကြောင့် အင်ဇိုင်းကိုပိတ်ပင်ခြင်းဖြင့် သွေးထဲမှာ ဆေးပမာဏသိသိသာသာ များပြားလာစေပါတယ်။

ထိုကနေ ဆေးပမာဏပြောင်းလဲသွားကာ ခေါင်းကိုက်ခြင်း၊ နှလုံးခုန်မမှန်ခြင်းအပြင် မအီမသာခံစားချက်တွေ ဖြစ်စေနိုင်ပါတယ်။

တိုနစ်ရေမှာပါဝင်တဲ့ ကွီနင်ဓာတ်က ဂရိတ်ဖရုဖျော်ရည်ရဲ့ သက်ရောက်မှုတွေကို ပေါင်းစည်းသွားစေပါတယ်။

နှလုံးပြဿနာရှိသူတွေဟာ ဂရိတ်ဖရုဖျော်ရည်နဲ့ တိုနစ်ရေကို အတူမသုံးစွဲသင့်ကြောင်း Medicine Plus ဝက်ဘ်ဆိုက်မှာ အကြံပြုထားပါတယ်။

ဒါ့အပြင် ဂရိတ်ဖရုဖျော်ရည်နဲ့ ဝိုင်နီတို့ကိုလည်း ဆေးတွေနဲ့ တွဲမသောက်သင့်ပါဘူး။

ဂရိတ်ဖရုဖျော်ရည်က ကွီနင်ဇီဝဖြစ်စဉ်ကို ဆောင်ရွက်ပေးတဲ့အင်ဇိုင်းကို တားဆီးတာကြောင့်ဖြစ်ပါတယ်။

ထိုကနေ သွေးထဲမှာကွီနင်တွေများလာကာ ရုတ်တရက်နှလုံးရပ်ခြင်း ဖြစ်စေနိုင်ပါတယ်။

#Source: The Jerusalem Post #World_Health #ဂရိတ်ဖရုဖျော်ရည် #တိုနစ်ရေ #YMG #Yangon_Media_Group

Published 26 Feb 2023

သာမာန်အိမ်ထောင်စုရဲ့ အခြေခံစားကုန်ဖြစ်တဲ့ ကြက်သွန်နီရဲ့ ဈေးနှုန်းတွေဟာ အခြားဟင်းသီးဟင်းရွက်တွေလိုပဲ မြင့်တက်လာတဲ့အတွက် ကြက်သွန်နီ ရှားပါးပြတ်လပ်မှုတွေဟာ ကမ္ဘာ့စားနပ်ရိက္ခာအကျပ်အတည်းတစ်ခုကို စနက်မီးပျိုးပေးနိုင်တယ်လို့ အိန္ဒိယတူဒေးသတင်းဌာနက သတင်းရေးသားလိုက်ပါတယ်။

နိုင်ငံတော်တော်များများက ပြည်သူတွေဟာ  ပစ္စည်းရှားပါးပြတ်လပ်မှုကြောင့် ကြက်သွန်ဈေးမတန်တဆတက်နေတာကြောင့် ဟင်းလျာများချက်ပြုတ်ရာမှာ မပါမဖြစ်ကြက်သွန်နီကို ဖယ်ထားနေကြရပါတယ်။  ဖိလစ်ပိုင်မှာဆိုရင် ကြက်သွန်ဈေးတွေမတရားမြင့်တက်နေလို့ မှောင်ခိုကြက်သွန်တွေ ခေါင်းထောင်ထလာနေပါတယ်။ အစိုးရက အမြတ်ကြီးစားကုန်သည်တွေကို အဲဒီကိစ္စနှင့်ပတ်သက်လို့ စုံစမ်းစစ်ဆေးမှုတွေ ချက်ခြင်းလုပ်လာနေကြရပါတယ်။

#ကြက်သွန်နီပြတ်လပ်မှုကအချို့နိုင်ငံတွေမှာအကျပ်အတည်းဖြစ်လာ

ဘလွမ်းဘတ်သတင်းဌာနရဲ့ သတင်းတစ်ပုဒ်မှာ  ကြက်သွန်နီဈေးတွေဟာ ကမ္ဘာအနှံ့မှာ မြင့်တက်လာနေဆဲဖြစ်ပြီး အဲဒါက ငွေကြေးဖောင်းပွမှုကို ပိုအားကောင်းလာစေပါတယ်လို့ရေးသာပါတယ်။ မော်ရိုကို၊တူရကီနှင့် ကာဇက်စတန်လို နိုင်ငံတွေမှာ ရောင်းချမှုစိတ်ချရဖို့ အရေးယူလုပ်ဆောင်မှုတွေ လုပ်လာရပါတယ်လို့ဆိုပါတယ်။

ကြက်သွန်နီတွေပြတ်လပ်တာနှင့် ဈေးတက်လာတာတွေဟာ  မုန်လာဥနီ၊အာလူး၊ပန်းသီးစတာတွေလို အခြားသော သစ်သီးဝလံဟင်းသီးဟင်းရွက်တွေရဲ့ ဈေးနှုန်းကိုပါရိုက်ခတ်နေပါတယ်လို့ ကုလသမဂ္ဂနှင့် ကမ္ဘာ့ဘဏ်ကနေသိရပါတယ်။

ယူကေမှာဆိုရင် အခြေအနေအတော့်ကိုဆိုးနေပါတယ်။ အချို့သော သစ်သီးနှင့်ဟင်းသီးဟင်းရွက်တွေကိုစူပါမားကက်ကြီးတွေမှာ ခွဲတမ်းစနစ်နှင့်ကန့်သတ်ရောင်းချနေရပါတယ်။ စပိန်တောင်ပိုင်းနှင့် မြောက်အာဖရိကတို့မှာ စိုက်ရေးပျိုးရေး မကောင်းလို့ ဒါတွေဖြစ်နေရတာပါ။

တစ်ကမ္ဘာလုံးမှာ ဟင်းလျာမှသည် အသုပ်တွေအထိ  အခြေခံစားကုန်ဖြစ်နေတဲ့ ကြက်သွန်နီဟာ ကမ္ဘာပေါ်မှာ စားသုံးမှု အများဆုံး ဟင်းသီးဟင်းရွက်ဖြစ်ပါတယ်။ တစ်နှစ်တစ်နှစ်ကို မက်ထရစ်တန် ၁၀၆သန်းခန့် ထုတ်လုပ်ပေးနေရပြီး အဲဒီ ပမာဏဟာ မုန်လာဥနီ၊တရုတ်မုန်လာ၊ငရုတ်သီးစိမ်း၊ငရုတ်ကောင်းနှင့် ကြက်သွန်ဖြူ အားလုံးပေါင်းထုတ်ကုန်နှင့်ပင် ညီမျှပါတယ်။

#ပြတ်လပ်မှုဘာကြောင့်ဖြစ်တာလဲ

ဈေးနှုန်းတွေမြင့်တက်ပြတ်လပ်မှုဖြစ်ရတဲ့ အကြောင်းရင်းတွေ အများကြီးရှိပါတယ်။ ရာသီဥတုဖောက်ပြန်တာကအစ ပထဝီနိုင်ငံရေးတင်းမာမှုတွေအဆုံးပါ။ ပြီးခဲ့တဲ့နှစ်က ပါကစ္စတန်မှာ ရေအကြီးအကျယ်လွှမ်းမိုးခဲ့ပါတယ်။ အလယ်အာရှမှာ ဆီးနှင်းရိုက်လို့ သိုလှောင်ထားတာတွေပျက်စီးကုန်ပါတယ်။ ပြီးတော့ ယူကရိန်းမှာ ရုရှားစစ်ပွဲကလည်း အချို့သော အဓိကအကြောင်းရင်းတွေထဲကတစ်ခုဖြစ်နေပြန်ပါတယ်။

မြောက်အာဖရိကမှာလည်း မိုးခေါင်ရေရှားဒဏ်၊မျိုးစေ့နှင့်ဓာတ်မြေဩဇာဈေးနှုန်းမြင့်တက်မှုတွေ ကြောင့် ကြက်သွန်နီထုတ်လုပ်မှုတွေ ထိခိုက်ခဲ့ရပါတယ်။မော်ရိုကိုနိုင်ငံမှာဆို ရာသီဥတုညံ့ဖျင်းလို့ ကြက်သွန်အထွက်နှုန်းတွေကျဆင်းခဲ့ရပြန်ပါတယ်။

#ကြက်သွန်နီပြတ်လပ်မှုကကမ္ဘာ့စားနပ်ရိက္ခာအကျပ်အတည်းကိုအစပျိုးလာနိုင်

လွန်ခဲ့တဲ့ လအနည်းငယ်ခန့်က ဖိလစ်ပိုင်မှာ ကြက်သွန်နီမလုံလောက်မှုက အခြားသော အိမ်ထောင်စုစားသောက်ကုန်တွေဖြစ်တဲ့ ဆားနှင့်သကြားတို့လိုမျိုးအမည်တွေကိုပါ ဒိုမီနိုအကျိုးသက်ရောက်မှုတွေ ဖြစ်ခဲ့ပါတယ်။ ကြက်သွန်နီဈေးက ဈေးတွေ မတရားခေါင်ခိုက်ခဲ့တာဟာ အသားဈေးထက်တောင် ဈေးကြီးနေသလို ဖြစ်ခဲ့ကြရပါတယ်။ အဲဒါကြောင့် အချို့သော လေယာဉ်မောင် လေယာဉ်မယ်တွေဟာ အရှေ့အလယ်ပိုင်းကနေ ကြက်သွန်နီမှောင်ခိုသွင်းတာကို ဖမ်းဆီမိတဲ့အထိဖြစ်လာခဲ့ပါတယ်။

ကာဇက်စတန်မှာ ကြက်သွန်နီဈေး မိုးထိအောင်ခေါင်ခိုက်နေတာကြောင့် အာဏာပိုင်တွေဟာ မဟာဗျူဟာမြောက် လှောင်ထားတဲ့အထဲက ရောင်းချဖို့လုပ်ခဲ့ရပါတယ်။ ကုန်သွယ်ရေးဝန်ကြီးကလည်း စူပါမားကက်တွေမှာ အလျင်စလိုနှင့် အမြောက်အမြားဝယ်ယူတာမျိုးမလုပ်ဖို့ ပြည်သူတွေကို တောင်းဆိုထားပါတယ်။ အဲဒီအပြင် ကာဇက်စတန်၊ဥဘက်ကစ္စတန်နှင့်တာဂျစ်ကစ္စတန်တို့မှာ ကြက်သွန်နီပြည်ပတင်ပို့မှုပိတ်ပင်ခဲ့ပါတယ်။  အာဇာဘိုင်ဂျန်လို နိုင်ငံမျိုးမှာတောင် ကြက်သွန်နီရောင်းတာကို ပမာဏကန့်သတ်ခဲ့ပြီး ဘယ်လာရုစ်မှာ ကြက်သွန်နီတင်ပို့မှုအတွက် လိုင်စင်ရယူဖို့ လုပ်ဆောင်နေကြောင်း ဘလွမ်းဘတ်သတင်းဌာနက သတင်းရေးသားထားတာဖြစ်ပါတယ်။

Source: IndiaToday/Bloomberg

#ကြက်သွန်နီဈေးမြင့်တက်

#ကမ္ဘာလုံးဆိုင်ရာစားနပ်ရိက္ခာအကျပ်အတည်း

#ကြက်သွန်နီပြတ်လပ်

#YangonMediaGroup

#အထူးဆောင်းပါး

Published 26 Feb 2023

ဝေဟင်မှဝေဟင်ပစ်ဒုံးကျည်တပ်ဆင်ထာတဲ့ တရုတ် တိုက်လေယာဉ် J-11 ဟာ တောင်တရုတ်ပင်လယ် ပါစယ်ကျွန်းများအနီး ကောင်းကင်ယံမှာ အမေရိကန်ကင်းလှည့်လေယာဉ်တစ်စီးကို ကြားဖြတ်ဟန့်တားခဲ့ရတယ်လို့ စီအင်န်အင်န်က သတင်းထုတ်လွှင့်ခဲ့ပါတယ်။

အမေရိကန်ရေတပ် P-8 Poseidon လေယာဉ်ဟာ တောင်တရုတ်ပင်လယ်ပေါ် အမြင့်ပေး ၂၁.၅၀၀ခန့်မှာ ပျံသန်းနေစဉ် လေယာဉ်အမြီးမှာ ကြယ်နီတပ်ထားပြီး ဒုံးကျည်တွေတပ်ဆင်ထား တဲ့ တရုတ်လေယာဉ်တစ်စီးကို လေယာဉ်မှူးကမြင်ခဲ့တာဖြစ်တယ်လို့ စီအင်န်အင်န်က သတင်းထုတ်ပြန်ပါတယ်။

အဆိုပါတရုတ်ဂျက်လေယာဉ်ဟာ အမေရိကန်လေယာဉ်တောင်ပံနှင့် ပေပေါင်း ရာဂဏန်းမျှသာ ကွာဝေးတဲ့နေရာကနေ ၁၅မိနစ်ခန့် တောက်လျောက်စောင့်ကြပ်ပျံသန်းခဲ့ပြီးမှ ပြန်လှည့်သွားတယ်လို့ဆိုပါတယ်။

တရုတ်ပြည်သူ့လွတ်မြောက်ရေးတပ်မတော်ထံမှ သတင်းစကားတစ်ခုကို အမေရိကန်ကင်းလှည့်လေယာဉ်က ရရှိခဲ့ပါတယ်။ အဲဒီသတိပေးသတင်းအချက်အလက်မှာ အမေရိကန်လေယာဉ်ဟာ တရုတ်လေပိုင်နက်နှင့် ရေမိုင် ၁၂ မိုင်အကွာအထိရောက်နေတယ်။ထပ်ပြီးနီးကပ်မလာဖို့နှင့် နီးကပ်လာရင် ဖြစ်သမျှတာဝန်အားလုံးယူရလိမ့်မယ် လို့ သတိပေးခဲ့တာဖြစ်ပါတယ်။

တောင်တရုတ်ပင်လယ်တစ်ခုလုံးကို တရုတ်ကသူပိုင်တယ်လို့ပြောထးပြီး အခြားနိုင်ငံတွေက အဲဒီမှာ စစ်ရေးလှုပ်ရှားမှုတွေပြုလုပ်တဲ့အခါ ပြင်းထန်စွာကန့်ကွက်လို့ရှိခဲ့ပါတယ်။ အဲဒီရေမျက်နှာပြင်မှာ တစ်နှစ်တစ်နှစ်ကို ကုန်စည်ပေါင်း အမေရိကန် ၅ ထရီလီယံတန်ဖိုးခန့် ပို့ဆောင်ပေးနေတာဖြစ်ပါတယ်။

Source: IndiaToday

#တောင်တရုတ်ပင်လယ်

#အမေရိကန်ကင်းလှည့်လေယာဉ်

#တရုတ်တိုက်လေယာဉ်_J-11

#ကြားဖြတ်ဟန့်တား

#YangonMediaGroup

#WorldNews

#World_Healthline
Published 26 February 2023

တစ်ဖက်သက်အချစ်က စိတတစ်ခံစားချက်ကို ထိခိုက်စေပြီး မအီမသာဖြစ်စေတယ်လို့ ဆန်ဒီယေဂိုမှ အိမ်ထောင်ရေးနှင့်မိသားစုရေးရာပညာရှင် 'ကင်မ်အီဂျယ်လ်'က ဆိုပါတယ်။

ကိုယ့်ကိုစိတ်မဝင်စားတဲ့လူကို ချစ်နေမိတာမျိုး၊ တစ်ယောက်နဲ့တစ်ယောက် ချစ်ကြပေမယ့် သဘောထားမတူညီတာတွေကြောင့် တာရှည်ခံဖို့ခဲယဉ်းနေတာမျိုး စတဲ့အခြေအနေအမျိုးမျိုး ကြုံတွေ့ရနိုင်ပါတယ်။

ဒီလိုမျိုးတွေကြုံတွေ့နေရတာတောင် စိတ်လျှော့ဖို့ခက်ခဲတတ်ပါတယ်။
ဘယ်လိုရှေ့ဆက်သင့်လဲဆိုတာကို အောက်ပါအတိုင်း အကြံပေးထားပါတယ်။

- အခြေအနေအမှန်ကို သိရှိလက်ခံပါ

- အဆင်မပြေတဲ့အတွဲတွေမှာ အနာဂတ်ထက် လက်ရှိအဖြစ်မှန်ကို လက်ခံကျင့်သုံးသင့်ပါတယ်။

- ချက်ချင်းကြီး ပြေလည်သွားမှာမဟုတ်ပေမယ့် ဒါဟာ အရေးကြီးတဲ့ခြေလှမ်းဖြစ်ပါတယ်။

- လက်တွဲရခြင်းရဲ့ လိုအပ်ချက်များကို အဖြေရှာပါ

- တစ်ယောက်နဲ့ တစ်ယောက်လက်တွဲရခြင်းရဲ့ လိုအပ်ချက်တွေနဲ့ မလိုတာတွေကိုပါ ဂရုစိုက်သိရှိပါ။

- သင်နဲ့ပတ်သက်သူက သင့်လိုအပ်ချက်တွေနဲ့ မကိုက်ညီဘူးဆိုတာကို သိရှိထားတယ်ဆိုရင် ခံစားချက်တွေကို အလွယ်တကူဖြေရှင်းနိုင်မှာဖြစ်ပါတယ်။

- ရှေ့သို့ရှေးရှုပါ

- ကိုယ့်ကိုပြန်မချစ်တဲ့သူ၊ အရင်ကရည်းစားဟောင်းကို တမ်းတနေရင် နောက်တစ်ယောက်နဲ့ ပျော်ရွှင်နိုင်မှာမဟုတ်ပါဘူး။

- နောက်ထပ်တစ်ယောက်ရှာနေရင်တောင် မှန်ကန်တဲ့လက်တွဲဖော်တွေ့ဖို့ ခက်ခဲနေဦးမှာပါ။

- အခြားသူများကိုလည်း ဦးစားပေးပါ

- အသည်းကွဲတဲ့သူတွေက အရေးကြီးတဲ့ အခြားလူတွေကိုလည်း မေ့လျော့နေတတ်ပါတယ်။

- သင့်မိတ်ဆွေတွေ၊ မိသားစုဝင်တွေက သင့်အတွက် အကြံဉာဏ်ပေးနိုင်မယ်ဆိုရင် သင်ခံစားနေရတာတွေကို သက်သာစေမှာဖြစ်ပါတယ်။

- အချိန်ယူရမည်ကို နားလည်ထားပါ

- အချစ်နဲ့ပတ်သက်တဲ့ ခံစားချက်က ဖြည်းဖြည်းချင်းပေါ်ပေါက် ဖြည်းဖြည်းချင်းပျောက်ကွယ်တတ်တာပါ။

- အသည်းကွဲတာကလည်း တသက်လုံးရှိနေမှာမဟုတ်ပါဘူး။

Source: healthline #World_Healthline #Love #တစ်ဘက်သတ်
#YMG #Yangon_Media_Group

#World_Health
Published 22 March 2023

အလုပ်၊ လူမှုဘဝ၊ ကျန်းမာရေးကဏ္ဍတွေမှာ ညီညွတ်မျှတအောင် နေထိုင်နေရတာနဲ့တင် အိပ်ရေးပျက်ရတာမျိုး ကြုံတွေ့ရနိုင်ပါတယ်။

အိပ်ရေးမဝတဲ့အခါ ကျန်းမာရေးပြဿနာအမျိုးမျိုး ဖြစ်ပေါ်နိုင်ပါတယ်။
အိပ်ရေးမဝတဲ့အခါ ဖြစ်ပေါ်တတ်တဲ့ လက္ခဏာ ၅ ရပ်ကို ဖော်ပြပေးလိုက်ပါတယ်။

(၁) မုန့်ပဲသရေစာစားချင်စိတ်ဖြစ်ခြင်း
ရုတ်တရက်ချည်း လမ်းဘေးစာတွေ မုန့်တွေစားချင်လာပြီဆိုရင် အိပ်ရေးမဝတဲ့လက္ခဏာ တစ်မျိုးဖြစ်ပါတယ်။

ဒါဟာ အားအင်ရစေရန်အတွက် ကယ်လိုရီ၊ အချိုဓာတ်၊ အဆီဓာတ်များတဲ့ စားစရာတွေကို စားချင်လာတာဖြစ်ပါတယ်။
အိပ်ရေးပျက်ပြီးတော့ ကျန်းမာရေးနဲ့မညီညွတ်တဲ့ စားစရာတွေကို စားချင်လာတာဟာ အနံ့အာရုံကို အဓိကသက်ရောက်နေပါတယ်။

(၂) မှတ်ဉာဏ်အားနည်းခြင်း
လူတွေက ပင်ပန်းတဲ့အခါ ပိုပြီးမေ့လျော့တတ်ကြပါတယ်။
အိပ်ရေးပျက်တဲ့အခါ ဦးနှောက်ရဲ့ သင်ယူနိုင်စွမ်းနဲ့ မှတ်ဉာဏ်ပြန်ဖော်ခြင်းတို့ကို ထိခိုက်စေပါတယ်။
ဦးနှောက်မှတ်ဉာဏ်သာမက လှုပ်ရှားမှု၊ ကြွက်သားတုန့်ပြန်မှုတို့ကိုပါ သင်ယူနိုင်စွမ်း ယုတ်လျော့သွားတာဖြစ်ပါတယ်။

(၃) ကိုယ်အလေးချိန်တက်ခြင်း
အိပ်ရေးမဝတဲ့အခါ ဗိုက်ဆာပြီး စားချင်စိတ်ဖြစ်စေတဲ့ ဟော်မုန်းတွေ ထွက်ရှိစေပါတယ်။
ဒါကြောင့် အစားပိုစားမိပြီး ဗိုက်ပြည့်တဲ့စိတ်ကို လှုံ့ဆော်ရာမှာ နှေးကွေးသွားတာ ဖြစ်ပါတယ်။
ဒါ့အပြင် သကြားနဲ့အဆီတို့ကို ထိန်းသိမ်းပေးတဲ့ ဟော်မုန်းကိုလည်း ထွက်ရှိစေတာကြောင့် ခန္ဓာကိုယ်ထဲမှာ အဆီပိုများလာတာဖြစ်ပါတယ်။

(၄) ဆုံးဖြတ်ချက်မှားယွင်းတတ်ခြင်း
အိပ်ရေးပျက်တဲ့အခါ မှားယွင်းပြီး အန္တရာယ်များတဲ့ဆုံးဖြတ်ချက်တွေ ချတတ်ကြောင်း ၂၀၂၀ အီတလီလေ့လာမှုမှာ တွေ့ရှိခဲ့ပါတယ်။

ဒါဟာ ဦးနှောက်က တွေးခေါ်မှု၊ လုပ်ကိုင်နိုင်စွမ်း၊ စိတ်ခံစားချက်တို့ကို ထိန်းချုပ်ပေးတဲ့ အစိတ်အပိုင်းက စွမ်းဆောင်ရည်ကျဆင်းတာကြောင့် ဖြစ်ပါတယ်။

(၅) ကိုယ်အပူချိန်တက်ခြင်း
ကိုယ်တွင်းအပူချိန်ကိုထိန်းညှိဖို့အတွက် အိပ်စက်ခြင်းကလည်း အလွန်အရေးကြီးပါတယ်။
အိပ်ရေးပျက်တဲ့အခါ လူတွေက ပိုမိုပင်ပန်းပြီး ဦးနှောက်ကလည်း ပိုပြီးပူထူလာတတ်ကြောင်း ဘော့စ်တွန်တက္ကသိုလ်မှ သိပ္ပံပညာရှင်များက ဆိုပါတယ်။
ဒါကြောင့် ကိုယ်ပူပြီး စိတ်ရှုပ်ထွေးလာတယ်ဆိုရင် အိပ်စက်သင့်တဲ့လက္ခဏာ ဖြစ်ပါတယ်။
Source: Daily Mail
#Yangon_Media_Group