#World_News
Published 24 June 2025

▪️ အစ္စရေးလ်နဲ့ အီရန်တို့ကြား အပစ်အခတ်ရပ်စဲရေးက ယခုစတင်ပြီဖြစ်ကြောင်း အမေရိကန်သမ္မတ ဒေါ်နယ်ထရမ့် အင်္ဂါနေ့မှာ ပြောကြားလိုက်ပြီး နှစ်နိုင်ငံစလုံးအနေနဲ့ ဒါကိုမချိုးဖောက်ကြဖို့ တိုက်တွန်းလိုက်ပါတယ်။

▪️ ဒီမတိုင်ခင် နာရီပိုင်းအတွင်းကပဲ အီရန်က ဒုံးကျည်များဖြင့်ပစ်ခတ်သဖြင့် လူ ၄ ဦးသေဆုံးခဲ့ကြောင်း အစ္စရေးလ်လူနာတင်ယာဉ်အဖွဲ့က ဆိုပါတယ်။

▪️ ထရမ့်မကြေညာခင် အစ္စရေးလ်တောင်ပိုင်း တဲလ်အဗစ်နဲ့ ဘီယာရှီဘာအနီးမှာ ပေါက်ကွဲသံများ ကြားခဲ့ရတာတွေ ရှိပါတယ်။

▪️ အပစ်အခတ်ရပ်စဲရေး မကြေညာခင်လေးမှာပဲ အီရန်က နောက်ဆုံးအနေဖြင့် ဒုံးကျည်များပစ်ခတ်ခဲ့တယ်လို့ အီရန်မှ SNN သတင်းဌာနက ဖော်ပြထားပါတယ်။

▪️ အီရန်ဘက်က နောက်ထပ်တိုက်ခိုက်မှု မလုပ်ဘူးဆိုရင် အစ္စရေးလ်က အပစ်အခတ်ရပ်စဲရေးကို သဘောတူညီကြောင်း ထရမ့်က အစ္စရေးလ်ဝန်ကြီးချုပ် ဘင်ဂျမင်နေတန်ယာဟူနဲ့ ဖုန်းပြောဆိုညှိနှိုင်းခဲ့တယ်လို့ အိမ်ဖြူတော်အရာရှိတစ်ဦးက ပြောပါတယ်။

▪️ ၁၂ ရက်ကြာစစ်ပွဲကို အဆုံးသတ်ဖို့ရာ ရဲစွမ်းသတ္တိနဲ့ အမြော်အမြင်ရှိတဲ့အတွက် အစ္စရေးလ်ရော အီရန်ကိုပါ ဂုဏ်ပြုလိုကြောင်း ထရမ့်က Truth Social မှာ ဖော်ပြထားပါတယ်။

▪️ အင်္ဂါနေ့ အီရန်စံတော်ချိန် နံနက် ၄ နာရီမတိုင်ခင်မှာ အစ္စရေးလ်အနေနဲ့ ရန်လိုတိုက်ခိုက်မှုတွေကို ရပ်တန့်မယ်ဆိုရင် အီရန်ကလည်း ဆက်ပြီးတုံ့ပြန်တိုက်ခိုက်ဖို့ မရှိဘူးလို့ အီရန်နိုင်ငံခြားရေးဝန်ကြီး အက်ဘက်အာရက်ခီက အင်္ဂါနေ့အစောပိုင်းမှာ ပြောခဲ့ပါတယ်။

▪️ အရှေ့အလယ်ပိုင်းက အမေရိကန်စစ်စခန်းတစ်ခုကို အီရန်က လက်တုံ့ပြန်တိုက်ခိုက်ရာမှာ ဒုံးကျည် ၁၄ စင်းပစ်ခတ်ခဲ့ပေမယ့် အလွန်အားနည်းခဲ့ပြီး ထိရောက်စွာ ခုခံနိုင်ခဲ့တယ်လို့ ထရမ့်ကပြောပါတယ်။

▪️ အမေရိကန်အစိုးရက ယင်းတို့ဟာ အီရန်နျူကလီးယားအစီအစဉ်ကိုသာ ဖျက်ဆီးရန်ရည်ရွယ်ပြီး စစ်ပွဲဖြစ်ရန်မလိုလားဘူးလို့ ဒုသမ္မတ ဂျေဒီဗန့်စ်က ပြောပါတယ်။

#World_Science
Published 23 June 2025

▪️ မယ်ရီလန်းတက္ကသိုလ်မှ အင်းဆက်ပိုးမွှားပညာရှင် အပါအဝင် သုတေသီအဖွဲ့ဟာ ခြင်တွေမှာ လိင်မှတဆင့်ကူးစက်တဲ့ရောဂါ ဖြစ်စေပြီး ငှက်ဖျားရောဂါတိုက်ဖျက်မယ့် လက်နက်ကြီးတစ်ခုအကြောင်း ဖော်ပြလာပါတယ်။

▪️ ကမ္ဘာပေါ်မှာ ငှက်ဖျားကြောင့် နှစ်စဉ်လူပေါင်း ၆ သိန်းကျော် သေဆုံးနေပြီး ယနေ့ခေတ်ခြင်တွေက ဓာတုကုသနည်းတွေနဲ့ ငှက်ဖျားပျောက်ဆေးတွေကို ခံနိုင်ရည်ရှိလာပါတယ်။

▪️ Metarhizium လို့ခေါ်တဲ့ သဘာဝမှိုပိုးမွှားတစ်မျိုးကို ခြင်မရဲ့ခန္ဓာကိုယ်ထဲ ထည့်သွင်းတဲ့အခါ ခြင်မတွေကို သေစေနိုင်လောက်တဲ့ အာရုံကြောအဆိပ် ထွက်စေပါတယ်။

▪️ ခြင်ထီးတွေကို ထိုမှိုဆေးရည်နဲ့ ဖျန်းလိုက်ပြီးနောက် ခြင်မတွေနဲ့ မိတ်လိုက်စေကာ မှိုပိုးမွှားကူးစက်သွားစေပါတယ်။

▪️ မိတ်လိုက်ပြီးနောက် ၂ ပတ်အတွင်းမှာ ခြင်မ ၉၀ ရာခိုင်နှုန်းနီးပါး သေဆုံးသွားကြောင်း အနောက်အာဖရိက ဘာကီနာဖာဆိုမှာ စမ်းသပ်တွေ့ရှိခဲ့ပါတယ်။

▪️ Metarhizium မှိုဟာ ခြင်မတွေကို သေစေနိုင်ပေမယ့် လူသားတွေမှာတော့ အန္တရာယ်မဖြစ်စေပါဘူး။

▪️ မှိုထည့်သွင်းပေးထားတဲ့ ခြင်ထီးတွေဟာ ခြင်မတွေနဲ့ စစထိတွေ့ပြီးနောက် ၂၄ နာရီအထိ ကူးစက်စေနိုင်တာကို တွေ့ရပါတယ်။

▪️ ဒါ့အပြင် ဒီခြင်တွေဟာ ပိုးမွှားသတ်ဆေးတွေကိုလည်း သိပ်ပြီးအနံ့မခံနိုင်တော့ဘဲ ပိုမိုထိတွေ့စေနိုင်ပါသေးတယ်။

▪️ ပြုပြင်ထုတ်လုပ်ထားတဲ့ Metarhizium တွေဟာ အခြားကဏ္ဍတွေမှာလည်း ပိုးမွှားအင်းဆက်များ ထိန်းသိမ်းရန်အတွက် အသုံးပြုနေပြီး ခြင်တွေကို တိုက်ဖျက်ရာမှာ အားကိုးရာအသစ် ဖြစ်လာနိုင်ပါတယ်။

#Source: Phys

#World_Health
Published 23 June 2025

▪️ စိတ်ဓာတ်ကျပြဿနာရှိသူတွေဟာ ဘဝနောက်ပိုင်းမှာ ဒီမန်ရှာရောဂါ ဖြစ်နိုင်ခြေများတယ်လို့ လေ့လာချက်အသစ်မှာ တွေ့ရှိထားပါတယ်။

▪️ အထူးသဖြင့် အသက် ၄၀၊ ၅၀ ၊ ၆၀ ဝန်းကျင်တွေမှာ စိတ်ဓာတ်ကျပြဿနာဖြစ်ရင် ဖြစ်နိုင်ခြေများပါတယ်။

▪️ နော့တင်ဂမ်တက္ကသိုလ်၊ အဒီလိတ်တက္ကသိုလ်၊ ဩစတြေးလျ ကာတင်တက္ကသိုလ်တို့မှ သိပ္ပံပညာရှင်တွေက သုတေသနပြုလုပ်ထားတာ ဖြစ်ပါတယ်။

▪️ စိတ်ကျပြဿနာဟာ စိတ်ကျန်းမာရေးကို သက်ရောက်စေရုံမက ရေရှည်မှာ ဦးနှောက်ကိုပါ ထိခိုက်နိုင်တယ်လို့ သုတေသီ ဂျေကော့ဘရိန်းက ဆိုပါတယ်။

▪️ ဒါကြောင့် ဘယ်လိုအသက်အရွယ်ပဲဖြစ်ဖြစ် စိတ်ကျပြဿနာကို ကုသဖို့က အရေးကြီးတာ ဖြစ်ပါတယ်။

▪️ ဒီမန်ရှာရောဂါဆိုတာက မှတ်ဉာဏ်ပိုင်းနဲ့ စဉ်းစားတွေးတောမှုပိုင်းတို့ ထိခိုက်တဲ့ရောဂါ ဖြစ်ပါတယ်။

▪️ ဦးနှောက်ကျုံ့သွားပြီးတော့ မှတ်ဉာဏ်ဆုံးရှုံးခြင်း၊ စိတ်ရှုပ်ထွေးခြင်း၊ ပြောဆိုတွေးတောမှု နေ့စဉ်အလုပ်တွေမှာ ခက်ခဲခြင်းတို့ ဖြစ်လာပါတယ်။

▪️ ဒီမန်ရှာရောဂါထဲမှာမှ အဖြစ်အများဆုံး အယ်ဇိုင်းမားရောဂါဆိုရင် ကမ္ဘာတဝှမ်းရှိ လူပေါင်း ၅၇ သန်းမှာ ဖြစ်နေပြီး ကုသနည်းလမ်း မရှိပါဘူး။

▪️ ဒီပြဿနာတွေဟာ ဦးနှောက်၊ သွေးကြောများ၊ ဟော်မုန်းများ၊ မျိုးဗီဇတို့မှာ အပြောင်းအလဲဖြစ်သွားတာနဲ့ ဆက်စပ်နေနိုင်တယ်လို့ သုတေသီများ ပြောပါတယ်။

▪️ သက်လတ်ပိုင်းနဲ့ သက်ကြီးပိုင်းတွေမှာ စိတ်ကျပြဿနာဖြစ်ခြင်းက နောက်ပိုင်းမှာ ဒီမန်ရှာစတင်ဖြစ်ပေါ်လာနိုင်တဲ့ လက္ခဏာတွေဖြစ်နေတယ်လို့ ဖော်ပြခဲ့ကြပါတယ်။

#Source: India Today

အစ္စရေးလ်နဲ့ အီရန်တို့ကြား တင်းမာမှုမြင့်တက်နေရာမှာ တူရကီက အီရန်နဲ့ထိစပ်နေတဲ့ နယ်စပ်မှာ လုံခြုံရေးတင်းကြပ်မှုများ ဆောင်ရွက်နေပါတယ်။
#World_Crisis
Published 23 June 2025
#တူရကီဘက်သို့နယ်စပ်ဖြတ်ကျော်ထွက်ပြေး #စစ်ပွဲပဋိပက္ခ
#YMG #Yangon_Times #Yangon_Media_Group

#Daily_News

Published 23 June 2025

၁။ ‌‎စားအုန်းဆီ တစ်ပိဿာ ကျပ်၁၀၀ ကျော် အထိထပ်မံကျဆင်း

၂။ ‌Agro-based Textile industrial Complex တည်ဆောက်မည်

၃။ ‎‎‎‎‎‎‎‎ပြန်လည် ပြည့်ဖြိုးမြဲစွမ်းအင်မှ လျှပ်စစ်ဓာတ်အား ထုတ်လုပ်နိုင်ရန်လက်မှတ်ရေးထိုး

၄။ စစ်ပွဲပဋိပက္ခကြောင့် တူရကီဘက်သို့နယ်စပ်ဖြတ်ကျော်ထွက်ပြေးလာသောအီရန်အရေအတွက်များပြားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Science
Published 23 June 2025

▪️ သိပ္ပံပညာရှင်တွေဟာ ဂျိမ်းစ်ဝက်ဘ်စပေ့စ် အဝေးကြည့်မှန်ပြောင်းကို အသုံးပြုပြီးတော့ နေမင်းကြီးနဲ့ဆင်တူတဲ့ ကြယ်တစ်ခုနားတဝိုက်မှာ ရေခဲတွေကို ပထမဆုံးတွေ့ရှိခဲ့ပါတယ်။

▪️ ဒီလိုတွေ့ရှိခြင်းက အစောပိုင်း နေစကြဝဠာဖွဲ့စည်းမှုအတွင်း ရေတည်ရှိခဲ့တဲ့ အထောက်အထား မြင်တွေ့ရတာဖြစ်ပါတယ်။

▪️ ဂျွန်ဟော့ပ်ကင်းစ်တက္ကသိုလ်မှ သုတေသီများက ထိုမှန်ပြောင်းရဲ့ NIRSpec ကိုအသုံးပြုပြီး ရေခဲအပိုင်းအစတွေကို တွေ့ခဲ့တာဖြစ်ပါတယ်။

▪️ HD 181327 လို့အမည်ပေးထားတဲ့ကြယ်ဟာ သက်တမ်းနှစ်ပေါင်း ၂၃ သန်းရှိပြီဖြစ်ပြီး ကြယ်ပတ်ပတ်လည်မှာ ရေခဲတွေပါတဲ့ အပိုင်းအစစက်ဝိုင်းကွင်းကြီး ရှိနေပါတယ်။

▪️ ဒီစက်ဝိုင်းကွင်းတွေဟာ ဒီစကြဝဠာထဲက စေတန်ဂြိုဟ်ရဲ့ စက်ဝိုင်းကွင်းတွေနဲ့ Kuiper Belt အတွင်းရှိ ရေခဲအရာဝတ္ထုတွေထဲက တွေ့ရတဲ့ရေခဲဖြစ်ပေါ်မှုနဲ့ ဆင်တူနေပါတယ်။

▪️ ရေခဲတွေက ဂြိုဟ်များဖြစ်ပေါ်မှာ အရေးပါတဲ့ကဏ္ဍကနေ ပါဝင်ပတ်သက်နေပါတယ်။

▪️ ဒီစက်ဝိုင်းကြီးရဲ့ အပြင်ဘက်ခြမ်းမှာ ရေခဲ ၂၀ ရာခိုင်နှုန်းရှိတဲ့ နှင်းလုံးများရှိနေပြီး ခရမ်းလွန်ရောင်ခြည်ကြောင့် ကြယ်ဆီကိုနီးကပ်လာရင် ရေခဲပါဝင်မှု လျော့နည်းလာပါတယ်။

▪️ လှုပ်ရှားနေတဲ့ စက်ဝိုင်းပတ်ကြီးထဲမှာ ပွတ်တိုက်ကြရင်း စကြဝဠာထဲမှာ Kuiper Belt လည်ပတ်စက်ဝိုင်းလိုမျိုး အမှုန်များတဲ့ ရေခဲတွေကို ထုတ်လွှတ်ပါတယ်။

▪️ ဒီတွေ့ရှိချက်က အစောပိုင်း နေစကြဝဠာစနစ်ထဲမှာ ရေပါဝင်မှုအကြောင်း သီအိုရီတွေကို ထောက်ခံသလိုဖြစ်နေပြီး ဂြိုဟ်ဖွဲ့စည်းပုံနဲ့ ရေပို့ဆောင်ရေးတွေရဲ့ အနာဂတ်သုတေသနတွေကို အထောက်အကူ ဖြစ်စေနိုင်ပါတယ်။

#Source: Daily Galaxy