#Local_News
Published_ 24 October 2022

မြန်မာ့ရိုးရာယဉ်ကျေးမှု အမွေအနှစ်ဖြစ်သည့် ကျောက်ဆည်မြို့ ဆင်လှူပွဲတော် ဆင်အကအလှပြိုင်ပွဲ အခမ်းအနားကို ကျောက်ဆည်မြို့ ရွှေသာလျောင်းတောင်ခြေတွင် အောက်တိုဘာ ၂၂ ရက်နံနက်ပိုင်းက ကျင်းပရာ တာဝန်ရှိသူများ၊ ပြိုင်ပွဲဝင်ဆင် (၆၇) စီးနှင့် ဒေသခံပြည်သူများ တက်ရောက်ခဲ့ကြပါတယ်။

ဦးစွာ မန္တလေးတိုင်းဒေသကြီးဝန်ကြီးချုပ်နှင့်တာဝန်ရှိသူများက ပြိုင်ပွဲကို ဖွင့်လှစ်ပေးပြီး ဝန်ကြီးချုပ်က ပြိုင်ပွဲဝင်ဆင် (၆၇) စီးအတွက် ချီးမြှင့်ငွေကျပ် (၆၇) သိန်း၊ အမှတ်ပေးနှင့် အကဲဖြတ်ဒိုင်အဖွဲ့ (၄) ဖွဲ့အတွက် ချီးမြှင့်ငွေကျပ် (၄) သိန်းနှင့် ဆိုင်းအဖွဲ့ချီးမြှင့် ငွေကျပ် (၁) သိန်းတို့ကို ဂုဏ်ပြုချီးမြှင့်ခဲ့ပါတယ်။

ဆင်အဖွဲ့များက မြန်မာပြည်သားသီချင်းဖြင့် ကပြနှုတ်ဆက်ကြပြီး မြို့မိမြို့ဖများက အမှတ်တရ ဆင်ရုပ်လက်ဆောင်များကို ပေးအပ်ကြကာ ဆင်အကအလှ စွမ်းရည်ပြဖျော်ဖြေမှုနှင့် ပြိုင်ပွဲဝင်ဆင်အဖွဲ့များက ယှဉ်ပြိုင်ကြပါတယ်။

ဆင်အကအလှပြိုင်ပွဲ ဆုချီးမြှင့်ခြင်းအခမ်းအနားကိုကျင်းပရာ ရိုးရာဆင် ပထမဆုရ မြင်စိုင်း ဇာနည်ဆင်အဖွဲ့ကို ငွေကျပ်သိန်း (၅၀)၊ ဒုတိယဆုရ မင်းမင်းနိုင် ဆင်အဖွဲ့ကို ငွေကျပ်သိန်း (၃၀)၊ တတိယဆုရ ပိတောက်မြိုင် ဆင်အဖွဲ့ကို ငွေကျပ်သိန်း (၂၀)၊ နှစ်သိမ့်ဆုများရရှိသည့် မျိုးမဟာ (ပြည်အားမာန်) ဆင်အဖွဲ့၊ မြင်စိုင်းရာဇာဆင်အဖွဲ့၊ ဇာနည်ဘွား ဆင်အဖွဲ့တို့ကို ငွေကျပ် (၅) သိန်းစီ ချီးမြှင့်ခဲ့ပါတယ်။

ဘော်ကြယ်ဆင် ပထမဆုရ ဉာဏ်လင်းထက်ဆင်အဖွဲ့ကို ငွေကျပ်သိန်း (၄၀)၊ ဒုတိယဆုရ အများချစ်တဲ့ သားခေတ် ဆင်အဖွဲ့ကို ငွေကျပ်သိန်း (၃၀)၊ တတိယဆုရ မိုးမင်းဆင်အဖွဲ့ကို ငွေကျပ်သိန်း (၂၀)၊ ကလေးဆင်ပထမဆုရ စိမ်းလန်းစိုပြေဘိုကေ ဆင်အဖွဲ့ကို ငွေကျပ်သိန်း (၃၀)၊ ဒုတိယဆုရ ခန့်မှူးပိုင် ဆင်အဖွဲ့ကို ငွေကျပ်သိန်း (၂၀)၊ တတိယဆုရ ဇွဲရတနာဆင်အဖွဲ့ကို ငွေကျပ် (၁၀) သိန်း၊ နှစ်သိမ့်ဆုရ မင်းကျန်စစ်ဆင်အဖွဲ့ကို ငွေကျပ် (၂) သိန်းချီးမြှင့်ပါတယ်။

တီထွင်စမ်းသပ်မှု သဘာဝဆင် ပထမဆုရ ပဏ်ဆင်အဖွဲ့ကို ငွေကျပ်သိန်း (၂၀)၊ ဒုတိယဆုရ ဂရုဏာရှင်ဆင်အဖွဲ့ကို ငွေကျပ် (၁၅) သိန်း၊ ရိုးရာဂုဏ်ထူးဆောင်ဆင် (သက်ကြီးဆင်) ဇော်ဂျီမောင်ဆင်အဖွဲ့နှင့် နွဲ့ဆိုးဆင်အဖွဲ့တို့အတွက် ဂုဏ်ပြုဆုငွေကျပ် (၁၀) သိန်းစီ၊ မြို့မဆင်ဖြူတော်နှင့် မာဃဆင်ဖြူတော်တို့အတွက် ဂုဏ်ပြုဆု ငွေကျပ် (၅) သိန်းစီ၊ ဈေးပတ်ဆင် (၄၈) စီးအတွက် ငွေကျပ် (၉၆) သိန်း စုစုပေါင်းငွေကျပ် (၄၂၈) သိန်း ချီးမြှင့်ခဲ့ကြောင်း သိရပါတယ်။

ygm_mnn
#Yangon_Media_Group

#Local_News
Published_ 23 October 2022

လူမှုကွန်ရက်စာမျက်နှာပေါ်တွင် ပျံ့နှံ့နေသော မယ်တော်အမျိုးသမီးအရုပ်(၂)ခုဖြစ်စဉ်နှင့်ပတ်သက်၍ သာသနာရေးနှင့်ယဥ်ကျေးမှုဝန်ကြီးဌာနက သတင်းထုတ်ပြန်ချက်ထုတ်ပြန်လိုက်ကြောင်း သိရသည်၊၊

သာသနာရေးနှင့် ယဥ်ကျေးမှုဝန်ကြီးဌာနအနေဖြင့် အရုပ်များကို သိဒ္ဓိတင်မှုပြုလုပ်သည့် ဦးရှိုင်းဇာနည်အောင်နှင့်အဖွဲ့အား သာသနာတော်ညှိုးနွမ်းစေမှုဖြင့် တရားစွဲဆိုအရေးယူမည်ဖြစ်သလို ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ထံတင်ပြခြင်းမရှိဘဲ မိမိသဘောဖြင့်ခွင့်ပြုပေးခဲ့သော တာဝန်ရှိသူဝန်ထမ်းကိုလည်း ဝန်ထမ်းစည်းမျဥ်းစည်းကမ်းနှင့်အညီ စုံစမ်းစစ်ဆေးရေးခုံရုံးဖွဲ့စည်း၍ ပြင်းထန်စွာအရေးယူမည်ဖြစ်ကြောင်း သတင်းထုတ်ပြန်ချက်တွင် ဖော်ပြပါရှိသည်၊၊

ထုတ်ပြန်ချက်တွင် "ရွှေတိဂုံစေတီတော်ဝတ္တုကံနယ်မြေအတွင်း အမျိုးသမီးအရုပ်(၂)ခုကို သိဒ္ဓိတင်သည့် ဗီဒီယိုကလစ်ဖိုင်များ အောက်တိုဘာလ(၂၂) ရက်နံနက်ပိုင်းက လူမှုကွန်ရက်ပေါ်ထွက်ပေါ်လာသည့်အပေါ် သာသနာရေးနှင့် ယဥ်ကျေးမှုဝန်ကြီးဌာနက ပြန်လည်စိစစ်ခဲ့ကြောင်း၊

ယင်းကဲ့သို့စိစစ်ရာတွင် 'လောကဝိဇ္ဇာဓိုရ် မိန်းမလှဒေဝီအထက်ဂိုဏ်းချုပ်ကြီး'Pageတွင် စတင်ထုတ်လွှင့်ခဲ့ခြင်းဖြစ်ပြီး ယင်းPageမှာ ဦးရှိုင်းဇာနည်အောင်၏ Pageအကောင့်ဖြစ်ကြောင်း ဖော်ပြထားသည်၊၊

အောက်တိုဘာ(၂၂)ရက်တွင် ဦးရှိုင်းဇာနည်အောင်အပါအဝင်လူ(၈)ဦးသည် ရွှေတိဂုံတောင်ဘက်မုခ်ကားကွင်းသို့ အရုပ်(၂)ခု၊စဥ့်သူရဿတီမယ်တော်ရုပ်တုငယ်တို့ဖြင့်ရောက်ရှိလာခဲ့ကြောင်း၊ ရွှေတိဂုံလုံခြုံရေး တာဝန်ရှိသူများက အရုပ်ကြီး(၂)ခုကို ရင်ပြင်တော်သို့ တင်ခွင့်မပြုသောကြောင့်တောင်ဘက်ကားကွင်းတွင် ထားရှိခဲ့ပြီး ဦးရှိုင်းဇာနည်အောင်နှင့်အဖွဲ့သည် ရင်ပြင်တော်ပေါ်ကိုတက်သွားကြောင်း
၊၄င်းတို့အဖွဲ့သည် စဥ့်သူရဿတီမယ်တော်ရုပ်တုငယ်ကိုသယ်ဆောင်ကာ စနေထောင့်ရှိ သူရဿတီမယ်တော်ရှေ့တွင် သိဒ္ဓိတင်ပြီး ပြန်ဆင်းသွားကြောင်း၊တောင်ဘက်ကားကွင်းရှိ ကျောက်စာတိုင်အနီးတွင်အရုပ်ကြီး(၂)ခုအား သိဒ္ဓိတင်မှုပြုလုပ်ခဲ့ကြောင်း ထုတ်ပြန်ချက်တွင်ရေးသားဖော်ပြထားသည်၊၊

ယင်းကဲ့သို့ပြုလုပ်နေစဥ် ရွှေတိဂုံလုံခြုံရေးအဖွဲ့မှ ခေါ်ယူမေးမြန်းပြီး ဖယ်ရှားရှင်းလင်းမှုပြုလုပ်ခဲ့ကြောင်း၊ အဆိုပါကိစ္စနှင့်ပတ်သက်၍ဦးရှိုင်းဇာနည်အောင်နှင့်အဖွဲ့ကို သာသနာရေးနှင့် ယဥ်ကျေးမှုဝန်ကြီးဌာနက သာသနာတော်ညှိုးနွမ်းစေမှုဖြင့် တရားစွဲဆိုအရေးယူမည်ဖြစ်ကြောင်း၊ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ထံတင်ပြခြင်းမရှိဘဲ မိမိသဘောဖြင့်ခွင့်ပြုပေးခဲ့သော တာဝန်ရှိသူဝန်ထမ်းကိုလည်း ဝန်ထမ်းစည်းမျဥ်းစည်းကမ်းနှင့်အညီ စုံစမ်းစစ်ဆေး ရေးခုံရုံးဖွဲ့စည်း၍ပြင်းထန်စွာအရေးယူမည်ဖြစ်ကြောင်း "သတင်းထုတ်ပြန်ထားသည်၊၊

ymg/tthl
#Yangon_Media_Group

#TV Yangon Times Matters အစီအစဉ်
Published - 23 Oct 2022

အစီအစဉ်တင်ဆင်သူ ဆရာဟိန်းလတ်က သရုပ်ဆောင်ဒါရိုက်တာမင်းဆက်သစ်နှင့်အတူ

-"ဆယ်တန်းတုန်းက ဂုဏ်ထူး ၄ ဘာသာနဲ့ အောင်မြင်ခဲ့ပြီး ဆေးကျောင်းဝင်ခွင့်ရခဲ့သော်လည်း က‌လေးဘဝကတည်း အနုပညာအလုပ်ကိုရူးသွပ်လို့ ရုပ်ရှင်လောကထဲကိုရအောင်ဝင်‌ရောက်ခဲ့ကြောင်း

-"သဘင်သည်မြနှင်းဆီဇာတ်လမ်းတွဲ"ကို ၁၅ ရက်အတွင်း ဘတ်ဂျက်နည်းနည်းနဲ့ ရိုက်ကူးနိုင်ခဲ့ကြောင်း

-Marketing အတွေ့အကြုံတွေက အသွေးအသားထဲကိုစိမ့်ဝင်နေပြီး ဒီအတွေ့အကြုံတွေကြောင့်" သဘင်သည်မြနှင်းဆီ"အောင်မြင်တာဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published _23 October 2022

ရန်ကုန်မြို့မှာ ပထမဆုံးလုပ်မယ့် ရေပေါ်ညဈေးမှာ တိုင်းဒေသကြီးပြည်နယ်များကို ကိုယ်စားပြုတဲ့လှေတွေ ပါဝင်မှာ ဖြစ်တယ်လို့ သိရပါတယ်။

#Yangon_Media_Group

#TV Yangon Times Matters အစီအစဉ်
Published - 23 Oct 2022

အစီအစဉ်တင်ဆင်သူ ဆရာဟိန်းလတ်က သရုပ်ဆောင်ဒါရိုက်တာမင်းဆက်သစ်နှင့်အတူ

-"ဆယ်တန်းတုန်းက ဂုဏ်ထူး ၄ ဘာသာနဲ့ အောင်မြင်ခဲ့ပြီး ဆေးကျောင်းဝင်ခွင့်ရခဲ့သော်လည်း က‌လေးဘဝကတည်း အနုပညာအလုပ်ကိုရူးသွပ်လို့ ရုပ်ရှင်လောကထဲကိုရအောင်ဝင်‌ရောက်ခဲ့ကြောင်း

-"သဘင်သည်မြနှင်းဆီဇာတ်လမ်းတွဲ"ကို ၁၅ ရက်အတွင်း ဘတ်ဂျက်နည်းနည်းနဲ့ ရိုက်ကူးနိုင်ခဲ့ကြောင်း

-Marketing အတွေ့အကြုံတွေက အသွေးအသားထဲကိုစိမ့်ဝင်နေပြီး ဒီအတွေ့အကြုံတွေကြောင့်" သဘင်သည်မြနှင်းဆီ"အောင်မြင်တာဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#TV Yangon Times Matters အစီအစဉ်
Published - 23 Oct 2022

အစီအစဉ်တင်ဆင်သူ ဆရာဟိန်းလတ်က သရုပ်ဆောင်ဒါရိုက်တာမင်းဆက်သစ်နှင့်အတူ

-"ဆယ်တန်းတုန်းက ဂုဏ်ထူး ၄ ဘာသာနဲ့ အောင်မြင်ခဲ့ပြီး ဆေးကျောင်းဝင်ခွင့်ရခဲ့သော်လည်း က‌လေးဘဝကတည်း အနုပညာအလုပ်ကိုရူးသွပ်လို့ ရုပ်ရှင်လောကထဲကိုရအောင်ဝင်‌ရောက်ခဲ့ကြောင်း

-"သဘင်သည်မြနှင်းဆီဇာတ်လမ်းတွဲ"ကို ၁၅ ရက်အတွင်း ဘတ်ဂျက်နည်းနည်းနဲ့ ရိုက်ကူးနိုင်ခဲ့ကြောင်း

-Marketing အတွေ့အကြုံတွေက အသွေးအသားထဲကိုစိမ့်ဝင်နေပြီး ဒီအတွေ့အကြုံတွေကြောင့်" သဘင်သည်မြနှင်းဆီ"အောင်မြင်တာဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group