ရန်ကုန်နိုင်ငံခြားဘာသာတက္ကသိုလ်(YUFL)မှ မဟာဝိဇ္ဇာတန်းနဲ့အချိန်ပြည့်နဲ့အချိန်ပိုင်း ဒီပလိုမာသင်တန်းအတွက် သင်တန်းသားတွေစတင်ခေါ်ယူနေပြီး နိုဝင်ဘာလ(၁၃)ရက် နောက်ဆုံးပေးပို့လျှောက်ထားနိုင်တယ်လို့ သိရပါတယ်။
#Local_News
Published 5 November 2024
#နိုင်ငံခြားဘာသာတက္ကသိုလ် #သင်တန်းသားများခေါ်ယူ
#YMG/tthl #Yangon_Times

မိုးစပါးအထွက်ကောင်းချိန်၌ ဘုရင့်နောင်ကို ဆန်အဝင်အနည်းငယ် ပိုလာပေမယ့် အိပ်စပိုတာတွေ အဝယ်လိုက်နေတာကြောင့် ဆန် အဝင်အထွက်ညီမျှနေတယ်လို မြန်မာနိုင်ငံ ဆန်စပါးကုန်သည်များအသင်း (ဘုရင့်နောင်ဆန်ကုန်စည်ဒိုင် ) ကသိရပါတယ်။
#Local_News
Published 5 November 2024
#အိပ်စပိုတာ #ဆန်အဝင်အထွက်ညီမျှ
#YMG/NN #Yangon_Times

#Local_News
Published 5 November 2024

▪️ ကိုရီးယားသမ္မတနိုင်ငံ၊ ဘူဆန်မြို့ရှိ ဘူဆန်နိုင်ငံခြားဘာသာတက္ကသိုလ် (Busan University of Foreign Studies) မှ မြန်မာစာအထူးပြုဘွဲ့ကြိုသင်တန်းတက်ရောက်နေကြသည့် တက္ကသိုလ် ကျောင်းသား/ကျောင်းသူ (၁၂) ဦး၊ ပါမောက္ခ Dr. JiHye KIM နှင့် အတွင်းရေးမှူး (၁) ဦးတို့သည် ၂၀၂၄ ခုနှစ်၊ နိုဝင်ဘာလ ၄ ရက် (တနင်္လာနေ့)၊ ၁၄:၃၀ နာရီမှ ၁၆:၀၀ နာရီအထိမြန်မာသံရုံး၊ ဆိုးလ်မြို့သို့ လေ့လာရေးခရီးစဉ် လာရောက်ခဲ့ကြကြောင်း တောင်ကိုရီးယားနိုင်ငံ ၊ဆိုးလ်မြို့ရှိ မြန်မာသံရုံးမှ သိရသည်။

▪️ အဆိုပါ ကျောင်းသား၊ကျောင်းသူများအား  ကိုရီးယားသမ္မတနိုင်ငံဆိုင်ရာ မြန်မာသံအမတ်ကြီး ဦးသန့်စင်ဦးဆောင်သည့် သံရုံးဝန်ထမ်းများသည် တက္ကသိုလ်ကျောင်းသား/ကျောင်းသူအဖွဲ့အား သံရုံးအစည်းအဝေးခန်း၌ လက်ခံတွေ့ဆုံကာ မြန်မာ-ကိုရီးယားနှစ်နိုင်ငံအကြား သံတမန်ဆက်ဆံရေးကိစ္စ၊ စီးပွားရေးဆိုင်ရာ ရင်းနှီးမြှုပ်နှံမှုကိစ္စ၊ People-to-people relation ကိစ္စရပ်များ၊ ပညာရေးနှင့် ယဉ်ကျေးမှုဆိုင်ရာ ပူးပေါင်းဆောင်ရွက်မှု ကိစ္စရပ်များနှင့် သံရုံးမှ ဆောင်ရွက်ပေးလျက်ရှိသည့် မြန်မာနိုင်ငံသားအကျိုးကိစ္စအပါအဝင် မြန်မာ အလုပ်သမားကိစ္စရပ်များကို ရှင်းလင်းပြောကြားခဲ့‌ကြောင်း သိရသည်။

▪️ ထို့နောက် ကျောင်းသား/ကျောင်းသူ များမှ မေးမြန်းချက်များကို သံအမတ်ကြီးမှ ပြန်လည်ဖြေကြားကာ စားသောက်ဖွယ်ရာများဖြင့် တည်ခင်းဧည့်ခံခဲ့ ကြောင်း၊ ယင်းနောက်  သံအမတ်ကြီးမှ ဘူဆန်နိုင်ငံခြားဘာသာတက္ကသိုလ် အတွက် အမှတ်တရလက်ဆောင်အား ပေးအပ်ရာ ပါမောက္ခ Dr. JiHye KIM မှ လက်ခံရယူခဲ့ပါ သည်။ ၎င်းနောက် သံအမတ်ကြီးသည် ဘူဆန်နိုင်ငံခြားဘာသာတက္ကသိုလ်မှ ကျောင်းသား/ ကျောင်းသူများနှင့်အတူ အမှတ်တရဓာတ်ပုံများ ရိုက်ကူးခဲ့ကြပြီး သံရုံးအား လှည့်လည်ပြသခဲ့ကြောင်း သိရသည်။

▪️ အဆိုပါ ဘူဆန်နိုင်ငံခြားဘာသာတက္ကသိုလ် (Busan University of Foreign Studies) တွင် မြန်မာစာ အထူးပြုဘာသာရပ်ဖြင့် တက္ကသိုလ်ကျောင်းသား/ကျောင်းသူပေါင်း (၃၀) ဦး တက်ရောက် ပညာ သင်ကြားလျက်ရှိကြောင်း သိရသည်။

#YMG/NN #Yangon_Times

ဗိုလ်တထောင်စေတီမှာကျင်းပမယ့် မသိုးရွှေကြာသင်္ကန်းယှဉ်ပြိုင်ရက်ခတ်ပူဇော်ပွဲမှာရက်ကန်းစင်တော်(၂၄)စင်နဲ့စည်ကားသိုက်မြိုက်စွာ ယှဉ်ပြိုင်ရက်ခတ်ပြီး ရရှိလာတဲ့  မသိုးရွှေကြာသင်္ကန်းတော်ကို မြတ်စွာဘုရားရှင် အဆူဆူအား ရည်မှန်းလျက် လာမယ့်တန်ဆောင်မုန်းလပြည့်နေ့ နိုဝင်ဘာလ(၁၅)ရက်၊ နံနက်ပိုင်းမှာ ဆက်ကပ်လှူဒါန်းပူဇော်ဖို့ရှိပါတယ်။
#Local_News
Published 5 November 2024
#ဗိုလ်တထောင်စေတီ #မသိုးရွှေကြာသင်္ကန်း
#YMG/tthl #Yangon_Times

#Local_News
Published 5 November 2024

▪️ ဘင်္ဂလားပင်လယ်အော်မှ ထူးခြားမိုးလေဝသအခြေအနေများကြောင့်တိုင်းနှင့်ပြည်နယ်၇ခု၌ လေပြင်းတိုက်ပြီး နေရာကွက်၍ မိုးများနိုင်ကြောင်း မိုးလေဝသစောင့်ကြည့်လေ့လာသူ ဦးဝင်းနိုင်က ၎င်း၏လူမှုကွန်ယက်၌  ပြောကြားထားသည်။

▪️ ဘင်္ဂလားပင်လယ်အော် အရှေ့တောင်ပိုင်းပင်လယ်ပြင်မှာ နိုဝင်ဘာ ၅ ရက် နံနက်ပိုင်းကစပြီး အထက်အမြင့်လေပွေလှိုင်းမှ လေဖိအားနည်းရပ်ဝန်းဖြစ်လာနိုင်မယ်လို့ အိန္ဒိယမိုးလေဝသဋ္ဌာနမှ ယမန်နေ့ကထုတ်ပြန်ခဲ့ပြီးဖြစ်ရာ  နိုဝင်ဘာ ၅ ရက် မနက်ပိုင်း models များ၏  update အချက်အလက်များအရ ဘင်္ဂလားပင်လယ်အော်တောင်ပိုင်းနှင့် ဆက်စပ်လျှက်ရှိတဲ့ ဘင်္ဂလားပင်လယ်အော်အရှေ့တောင်ပိုင်းပင်လယ်ပြင် 11.223ºN, 87.122ºE မှာ လေဖိအားနည်းရပ်ဝန်း စတင်ဖြစ်ပေါ်ကြောင်း တွေ့ရှိရသည်။

▪️ အဆိုပါကဲ့သို့ ဘင်္ဂလားပင်လယ်အော်တောင်ပိုင်းပင်လယ်ပြင်မှ ထူးခြားမိုးလေဝသအခြေအနေကြောင့်  ရခိုင်ပြည်နယ်တောင်ပိုင်း၊ ပဲခူးတိုင်းအနောက်ပိုင်းနှင့် ပဲခူးတိုင်းအရှေ့မြောက်ပိုင်း(တောင်ငူမြို့အထက်ပိုင်း စစ်တောင်းမြစ်ဖျားဒေသ)၊ နေပြည်တော်၊ ရှမ်းပြည်နယ်တောင်ပိုင်း၊ မကွေးတိုင်းတောင်ပိုင်း၊ မန္တလေးတိုင်းတောင်ပိုင်း(မန္တလေးမြို့အောက်ဘက်ဒေသများ) တွေမှာ နေရာကွက်ကျား မိုးအသင့်အတင့်မှ မိုးများနိုင်မည်ဖြစ်ကြောင်းတွေ့ရှိရကြောင်း ၎င်းက ဆိုသည်။

▪️ ထို့အပြင် ရခိုင်ကမ်းရိုးတန်းကမ်းနီးကမ်းဝေးပင်လယ်ပြင်မှာ နိုဝင်ဘာ ၇ ရက်မှ ၉ ရက်အထိ အမြင့်ဆုံးလေတိုက်နှုန်း တစ်နာရီ ၂၈ မိုင်မှ ၃၇ မိုင် အထိ တိုက်ခတ်နိုင်ပြီး၊ လှိုင်းအမြင့် ၆ ပေ မှ ၇ ပေအထိရှိကာ လှိုင်းကြီးနိုင်ကြောင်း ၊ ဧရာဝတီမြစ်ဝကျွန်းပေါ်၊ ကမ်းနီးကမ်းဝေးပင်လယ်ပြင်မှာတော့ နိုဝင်ဘာ ၆ ရက်မှ ၈ ရက်အတွင်း လေတိုက်နှုန်း တနာရီ မိုင် ၂၀ မှ မိုင် ၃၀ ကျော်အထိ တိုက်နိုင်ပြီး၊ လှိုင်းအမြင့် ၄ ပေ မှ ၅ ပေခန့်အထိ ရှိနိုင်ကြောင်း သိရသည်။

#YMG/NN #Yangon_Times

#Local_News
Published 5 November 2024

▪️ တရုတ်နိုင်ငံသို့ ရောက်ရှိနေသည့် နစက ဥက္ကဌက တရုတ်စီးပွားရေးလုပ်ငန်းရှင်များ တွေ့ဆုံစဉ်ရင်းနှီးမြှုပ်နှံရန် ဖိတ်ခေါ်လိုက်ကြောင်း သိရသည်။

▪️ ယနေ့နံနက်ပိုင်းက တရုတ်နိုင်ငံခရီးစဉ်စတင်ခဲ့ပြီး ရောက်ရှိချိန်တွင် ယူနန်ပြည်နယ်၊ ကူမင်းမြို့ရှိ Hualuxe Hotel ၌တရုတ်စီးပွားရေးလုပ်ငန်းရှင်များ၊ တရုတ်နိုင်ငံသားလုပ်ငန်းရှင်များနှင့် တွေ့ဆုံဆွေးနွေးစဉ် အထက်ပါအတိုင်း ဖိတ်ခေါ်ခြင်းဖြစ်ကြောင်း သိရသည်။

▪️ ယင်းကမြန်မာနိုင်ငံတွင် အခြေခံအဆောက်အဦများ တည်ဆောက်ရန်၊ ဘိလပ်မြေ လိုအပ်ချက်များစွာရှိနေသည့်အတွက် ဘိလပ်မြေစက်ရုံတည်ထောင်ရန် ဖိတ်ခေါ်ခဲ့ကြောင်းလည်း သိရသည်။

▪️ တရုတ်ပြည်သူ့သမ္မတနိုင်ငံအစိုးရ၏ ဖိတ်ကြားချက်အရ အဋ္ဌမအကြိမ်မြောက် မဟာမဲခေါင် ဒေသခွဲ ထိပ်သီး အစည်းအဝေး gth Greater Mekong Subregion(GMS)၊ Summit (၁၀)ကြိမ်မြောက် ဧရာဝတီ-ကျောက် ဖရား- မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာထိပ်သီးအစည်းအဝေး 10th Ayeyawady-Chao Phraya-Mekong Economic Cooperation Strategy (ACMECS)Summit နှင့် (၁၁)ကြိမ်မြောက် ကမ္ဘောဒီးယား-လာအို-မြန်မာ-ဗီယက်နမ် ပူးပေါင်းဆောင်ရွက်မှု ထိပ်သီးအစည်းအဝေး 11th Cambodia-Lao PDR-Myanmar-Vietnam (CLMV) Summit သို့တက်ရောက်ရန် ယနေ့နိုဝင်ဘာလ ၅ ရက် နံနက်ပိုင်းတွင် အပြည်ပြည်ဆိုင်ရာမြန်မာလေကြောင်း (MAI)မှ အထူး လေယာဉ်ဖြင့် နေပြည်တော်တပ်မတော်လေဆိပ်မှ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်အောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့ထွက်ခွာသွားပြီး တရုတ်နိုင်ငံတွင် ရောက်ရှိနေပြီဖြစ်ကြောင်း သိရသည်။

▪️ ခရီးစဉ်အတွင်း ထိပ်သီးအစည်းအဝေးများသို့ တက်ရောက်ခြင်း၊ တရုတ် ပြည်သူ့သမ္မတနိုင်ငံ အစိုးရအဖွဲ့တာဝန်ရှိသူများနှင့် တွေ့ ဆုံဆွေးနွေးခြင်း၊ တရုတ်ပြည် သူ့သမ္မတနိုင်ငံရှိ အထင်ကရနေရာများ၊ တက္ကသိုလ်များနှင့် စက်ရုံ၊ အလုပ်ရုံများသို့ လေ့လာသွားကြမည်ဖြစ်ကြောင်းနှင့် ခရီးစဉ်တွင် လိုက်ပါလာသည့် ပြည်ထောင်စု ဝန် ကြီးများ၊ ဒုတိယဝန်ကြီးများနှင့် တာဝန်ရှိသူများသည်လည်း သက်ဆိုင်ရာကဏ္ဍများ အလိုက် အလုပ်သဘော ဆိုင်ရာ တွေ့ဆုံဆွေးနွေးခြင်းများကို ဆောင်ရွက်သွားမည်ဖြစ်ပြီး နှစ်နိုင်ငံအစိုးရနှင့် ပြည်သူများအကြား ချစ် ကြည်ရေး၊ စီးပွားရေးနှင့် ကဏ္ဍပေါင်းစုံတွင် ပူးပေါင်းဆောင်ရွက်မှုများ ပိုမိုတိုးတက်ခိုင်မာအောင် ဆွေးနွေးဆောင်ရွက်သွားမည်ဖြစ်ကြောင်း သိရသည်။

#Yangon_Times/PP