#LocalNews
Published - 5 Mar 2022
ပဲခူးတိုင်းဒေသကြီး၊ ပဲခူးမြို့နယ်၊ ကျွန်းသာယာရပ်ကွက်၊ နယ်မြေ(၆)၊ စက်လမ်းနှင့်ပွင့်သစ်လမ်းထောင့်တွင် မီးလောင်မှုဖြစ်စဥ်တစ်ခု ဒီကနေ့ မတ်လ ၅ ရက်၊ နံနက် ၃ နာရီ ၅ မိနစ် အချိန်ခန့်မှာ ဖြစ်ပွားခဲ့တယ်လို့ သိရပါတယ်။
အဆိုပါ မီးလောင်မှုကို ပဲခူးတိုင်းဒေသကြီး မီးသတ်ဦးစီးမှူးရုံးမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီး၊ ပဲခူးခရိုင်မီးသတ်စခန်းမှ အုပ်ချုပ်မှုယာဉ်(၁)စီး၊ မီးသတ်ရေသယ်ယာဉ်(၃)စီး၊ ပဲခူးမြို့နယ်မီးသတ်စခန်းမှ မီးငြှိမ်းသတ်ယာဉ် (၃)စီး၊ ပဲခူးနယ်မြေမီးသတ်စခန်းမှ မီးသတ်ရေသယ်ယာဉ်(၂)စီးတို့ဖြင့် သွားရောက်ငြှိမ်းသတ်ခဲ့ရတယ်လို့ သိရပါတယ်။
ယင်းမီးလောင်မှုကို နံနက် ၃ နာရီ ၅၅ မိနစ်အချိန်ခန့်တွင် ငြိမ်းသတ်နိုင်ခဲ့ပြီး မီးလောင်မှု အကြောင်းအရင်းအသေးစိတ်ကိုတော့ မီးသတ်တပ်ဖွဲ့က စုံစမ်းစစ်ဆေးလျက်ရှိပါတယ်။
အဆိုပါ မီးလောင်မှုကြောင့် လူထိခိုက်ဒဏ်ရာရမှုတော့မရှိခဲ့ဘူးလို့ သိရပါတယ်။
Photo - MFSD
ymg/kg
#Yangon_Media_Group
#LocalNews
Published -4 Mar 2022
တပ်မတော်က စစ်ရေးဆိုင်ရာလှုပ်ရှားမှုများ တိုးမြင့်ရပ်စဲထားတဲ့အချိန်မှာ အဓိပ္ပာယ်ပြည့်ဝတဲ့ ငြိမ်းချမ်းရေးဆွေးနွေးမှုတွေကို ပြုလုပ်သင့်တယ်လို့ ရခိုင့်လွှတ်မြောက်ရေးပါတီ ALP ရဲ့ဒုတိယဥက္ကဌ ဒေါ်စောမြရာဇာလင်းက ပြောပါတယ်။
#Yangon_Media_Group
#LocalNews
Published- 4 March 2022
အာဆီယံအထူးသံတမန် ပရက်ဆော့ခွန်း( Prak Sokhonn)မြန်မာနိုင်ငံကိုလာမယ်ဆိုပြီး တရားဝင်အကြောင်းကြားထားတဲ့စာ မရသေးဘူးလို့ ပြန်ကြားရေးဝန်ကြီးဌာန ဒုဝန်ကြီး ဗိုလ်ချုပ်ဇော်မင်းထွန်းက YMG ကို ပြောပါတယ်။
#Yangon_Media_Group
#LocalNews
Published - 4 Mar 2022
စက်သုံးဆီဈေးနှုန်းမြင့်တက်လာမှုနှင့် အလှူရှင်တွေရှားပါးလာမှုကြောင့် လူမှုကူညီရေးပရဟိတအသင်းများအနေနဲ့ ရေရှည်ရပ်တည်ဖို့ မလွယ်ကူသည့်အခြေအနေနဲ့ ကြုံနေရတယ်လို့သိရပါတယ်။
#Yangon_Media_Group
#LocalNews
Published- 4 March 2022
အများပြည်သူကိုလျှပ်စစ်ပေးနေတဲ့ လျှပ်စစ်ဓာတ်ကြိုးတွေကို ဖြတ်တောက်ဖျက်ဆီးခိုးယူသူတွေမရှိရအောင် လုံခြုံရေးနဲ့စောင့်ကြည့်သွားမယ်လို့ လျှပ်စစ်နဲ့ စွမ်းအင်ဝန်ကြီးဌာနက သိရပါတယ်။
#Yangon_Media_Group
#LocalNews
Published - 4 Mar 2022
ကချင်ပြည်နယ်၊ ပူတာအိုဒေသရှိ စစ်ဘေးဒုက္ခသည်များအနေနဲ့ အကူအညီများစွာလိုအပ်နေတယ်လို့ သိရပါတယ်။
အဆိုပါ စစ်ဘေးရှောင်ပြည်သူများဟာ ပူတာအိုမြို့နယ်အတွင်းရှိ ဆွမ်ပီယန်ကျေးရွာ၊ လုံရှာယန်ကျေးရွာနှင့် အင်စီယာန်ကျေးရွာတို့မှ ဒေသခံပြည်သူများဖြစ်ပြီး တိုက်ပွဲကြောင့် တောထဲသို့ ထွက်ပြေးတိမ်းရှောင်နေရသူများဖြစ်ပါတယ်။
လက်ရှိမှာ စစ်ဘေးရှောင်ပြည်သူများအတွက် စားနပ်ရိက္ခာနှင့် ခိုလှုံရန်အမိုးအကာနေရာထိုင်ခင်း အခက်အခဲဖြစ်နေတယ်လို့လည်း ဒေသခံတစ်ဦးက ပြောပါတယ်။
"စစ်ဘေးရှောင်တွေက ရှိနေဆဲပဲလေ။ သူတို့က တိုက်ပွဲတွေကြောင့် ရွာမှာနေလို့ မရဘူး။ တိုက်ပွဲတွေကြောင့် နီးစပ်ရာတောထဲ တောင်ထဲမှာ ဝင်ခိုလှုံနေရတယ်။ တချို့တွေကျတော့လည်း ကတုတ်ကျင်းတွေထဲ ပုန်းနေကြရတာပေါ့။ ပြောရရင် စစ်ဘေးရှောင်ရင်း တောထဲ တောင်ထဲမှာ ဒုက္ခရောက်နေတဲ့သူတွေက အများကြီးရှိနေကြတာပါ။ အဓိကက စားစရာနဲ့ အမိုးအကာတွေလိုအပ်နေတာပါ။"လို့ စစ်ဘေးရှောင်အရေးကူညီဆောင်ရွက်ပေးနေသူများက အခုလို ပြောပြခဲ့ပါတယ်။
ပူတာအိုမြို့နယ် အင်စီယာန်ကျေးရွာအနီးရှိ ရှိန်ဂတ်ဘွမ်ရွာတွင် တပ်မတော်နှင့် ကေအိုင်အေတပ်တို့အကြား တိုက်ပွဲတွေ ပြင်းထန်စွာဖြစ်ပွားနေခြင်းလည်း ဖြစ်ပါတယ်။
အဆိုပါတိုက်ပွဲတွေကြောင့် ပြီးခဲ့တဲ့ဖေဖော်ဝါရီလမှစလို့ ပူတာအိုမြို့နယ် ဆွမ်ပီယာန်၊ လုံရှာယာန်၊ အင်စီယာန်စသည့် ကျေးရွာများမှ ဒေသခံ ပြည်သူ ၆,၀၀၀ ခန့်က ထွက်ပြေးတိမ်းရှောင်နေရတာလည်း ဖြစ်ပါတယ်။
Photo - CJ
ymg/kg
#Yangon_Media_Group
#LocalNews
Published - 4 Mar 2022
မန္တလေးမြို့တွင် ဆိုင်ကယ်လုယက်ခံရမှုဖြစ်စဥ်တွေ ပြန်လည်ဖြစ်ပွားနေတယ်လို့ အဆိုပါမြို့တွင်နေထိုင်သူများထံမှ သိရပါတယ်။
ယမန်နေ့(မတ်လ ၃)ရက်၊ ည ၉ နာရီကျော်အချိန်ခန့်က ချမ်းမြသာစည်မြို့နယ်၊ လမ်း ၆၀ ၊ ၁၀၇ လမ်းနှင့် ၁၀၈ လမ်းကြားတွင် အသက် (၅၃)နှစ်အရွယ်ရှိ အမျိုးသားတစ်ဦးစီးနင်းလာတဲ့ စကီုဖီးအမဲရောင်ဆိုင်ကယ်တစ်စီးကို အမည်မသိအဖွဲ့တစ်ဖွဲ့က အကြမ်းဖက် လုယက်ခဲ့ကြတာဖြစ်ပါတယ်။
အဆိုပါ စကီုဖီးဆိုင်ကယ်မောင်းနှင်လာသူအား လုယက်သူများက ဦးခေါင်းအားတုတ်နှင့်ရိုက်ပြီး ရင်ဘတ်နှင့် ပခုံး၊ နောက်ကျောတို့တွင် ဓါးနှင့်ထိုးကာ ဆိုင်ကယ်နှင့်ဖုန်းအား လုယူသွားခဲ့ခြင်းဖြစ်တယ်လို့ ဒေသခံတွေကပြောပါတယ်။
ယင်းဖြစ်စဥ်ကြောင့် ဒဏ်ရာရရှိခဲ့သူကို ဒေသခံလူမှုကူညီရေးအသင်းအဖွဲ့တွေရဲ့ လူနာတင်ယာဥ်ဖြင့် ဆေးရုံသို့ ပို့ဆောင်ပေးခဲ့ရတာပါ။
"မန္တလေးမှာ လုယက်မှုတွေက ဖြစ်နေတာပါ။အပြင်သွားရင် အတော်လေးသတိထားနေရတယ်။ အဓိက ညပိုင်းတွေမှာ ပိုပြီးသတိထားရတာပေါ့။ ပြောရရင် ဆိုင်ကယ်လုယက်မှုတွေက မြို့မှာ ခဏခဏ ဖြစ်နေတာပါ။"လို့ မန္တလေးမြို့ဒေသခံတစ်ဦးက ပြောပါတယ်။
ပြီးခဲ့တဲ့ နှစ်တုန်းကလည်း မန္တလေးမြို့မှာ ဆိုင်ကယ်လုယက်မှုဂိုဏ်းတွေ အများအပြားပေါ်ပေါက်ခဲ့ပြီး ဆိုင်ကယ်လုယက်ခံရသည့် ဖြစ်စဥ်တွေလည်း အများအပြားရှိခဲ့ကာ လုယက်ခံရမှုကြောင့် ထိခိုက်ဒဏ်ရာရသူတွေလည်း အများအပြားရှိခဲ့တာဖြစ်ပါတယ်။
ဒါ့အပြင် မန္တလေးမြို့မှာနာမည်ကြီးတဲ့ လူ ၆ ဦးပါ ဆိုင်ကယ်လုယက်မှုဂိုဏ်းတစ်ခုကိုတော့ ရဲတပ်ဖွဲက စုံစမ်းဖော်ထုတ်ဖမ်းဆီးရမိခဲ့ပါတယ်။
သို့သော်လည်း ဆိုင်ကယ်လုယက်ခံရမှုတွေက ယခုကာလမှာ ပြန်လည်ဖြစ်ပွားနေခြင်းဖြစ်တယ်လို့ မန္တလေးမြို့တွင် နေထိုင်သူများက ဆိုပါတယ်။
"သူတို့က အသေခုတ် အသေလုပဲ ။ ဆိုင်ကယ်ကို လုယက်တာသပ်သပ်မဟုတ်ဘဲ။ လူကိုပါ ဓါးနဲ့အသေခုတ်ကြတာ"လို့ ၄င်းက ဆက်လက်ပြောပြခဲ့ပါတယ်။
ဒါကြောင့် မန္တလေးမြို့သူ/မြို့သားတွေအနေနဲ့ ပြင်ပသို့သွားလာပါက အထူးဂရုစိုက်သွားလာကြဖို့ကိုလည်း ဒေသခံလူမှုကူညီရေးအသင်းအဖွဲ့က အသိပေးနှိုးဆော်ထားကြပါတယ်။
Photo - CJ
ymg/kg
#Yangon_Media_Group
Page 1680 of 1736