Published-28 July 2023

ဒေါ်အောင်ဆန်းစုကြည် နေအိမ်ပြောင်းရွှေ့ခြင်းနှင့် လွှတ်တော်ဥက္ကဋ္ဌ ဦးတီခွန်မြတ်နှင့် တွေ့ဆုံခဲ့သည့်သတင်း ကို ကြားသိခဲ့ခြင်းမရှိဟု နစက သတင်းထုတ်ပြန်ရေးအဖွဲ့ခေါင်းဆောင်၊ပြန်ကြားရေးဝန်ကြီးဌာန ဒုဝန်ကြီး ဗိုလ်ချုပ်ဇော်မင်းထွန်းက ပြောသည်။

ပြီးခဲ့သည့် ဇူလိုင်လ ၂၄ ရက်က နေပြည်တော်အချုပ်ထောင်မှ အဆင့်မြင့် အိမ်ရာတစ်ခုသို့ ပြောင်းရွှေ့ခဲ့ ကြောင်းနှင့် ဦးတီခွန်မြတ်တို့ တွေ့ဆုံခဲ့ကြောင်း နိုင်ငံတကာသတင်းအချို့ကို ကိုးကား၍ မီဒီယာများတွင် ရေးသားနေသည့်အပေါ် ယင်းက အထက်ပါအတိုင်း ပြောကြားလိုက်ခြင်းလည်း ဖြစ်သည်။

"ဒေါ်အောင်ဆန်းစုကြည်နေအိမ်အကျယ်ချုပ် ပြောင်းရွှေ့တာနဲ့ ဦးတီခွန်မြတ်နဲ့တွေ့ဆုံတဲ့သတင်းနဲ့ ပတ်သက် ပြီး တစ်စုံတရာ ကြားသိရမှုမရှိပါဘူး”ဟု ဗိုလ်ချုပ်ဇော်မင်းထွန်းက ဆိုသည်။

ယင်းအပြင် ယနေ့ ဇူလိုင်လ ၂၈ ရက် နံနက်ပိုင်းက နစက ဥက္ကဌနှင့် တရုတ်အစိုးရ၏ အာရှရေးရာ အထူး ကိုယ်စား လှယ် Deng Xijuan တို့တွေ့ဆုံခဲ့ကြပြီး အာရှရေးရာ အခြား သက်ဆိုင်ရာ ဝန်ကြီးဌာန များနှင့်လည်း အထူးကိုယ်စား လှယ် Deng Xijuan အနေဖြင့် တွေ့ဆုံရန်သာ ရှိနေသေးကြောင်းလည်း ယင်းကပြောသည်။

“အာရှရေးရာ အထူး ကိုယ်စား လှယ်နဲ့ နစက ဥက္ကဌ ဒီနေ့မနက်မှာတွေ့ဆုံခဲ့ပါတယ်။

တရုတ်နိုင်ငံရဲ့ အာရှရေးရာ အထူးကိုယ်စားလှယ်က မြန်မာနိုင်ငံရဲ့ ငြိမ်းချမ်းရေးလုပ်ငန်းစဉ်တွေမှာ ထဲထဲဝင်ဝင် လိုက်လံ ဆောင်ရွက်နေတဲ့သူတစ်ဦး ဖြစ်ပါတယ်။

အဲဒါကြောင့်မို့လို့ မြန်မာနိုင်ငံရဲ့ ငြိမ်းချမ်းရေးလုပ်ငန်းစဉ်တွေနဲ့ အသေးစိတ် ဆွေးနွေး ဖြစ်ပါတယ်။ပြီးရင် တရုတ်-မြန်မာနှစ်နိုင်ငံ နယ်စပ်ဒေသ တည်ငြိမ်ရေး၊တရားဥပဒေ စိုးမိုးရေးနဲ့ ပတ်သက်ပြီး အသေးစိတ် ဆွေးနွေးဖြစ်ပါတယ်။

တရုတ် -မြန်မာနှစ်နိုင်ငံ ဆက်ဆံရေးတိုးတက် ကောင်းမွန်နေမှုနဲ့ ဆက်လက်ပြီး ဆက်ဆံရေးတိုးတက်ကောင်းမွန်ဖို့အတွက် အသေးစိတ်ဆွေးနွေးဖြစ်ပါတယ်။

သူ့အနေနဲ့ကတော့ ဗိုလ်ချုပ်ရာပြည့် ဦးစီးတဲ့ငြိမ်းချမ်းရေးလုပ်ငန်းကော်မတီနဲ့တွေ့ခဲ့ပြီးပါပြီ။ပြီးတော့ သက်ဆိုင်ရာဝန်ကြီးဌာနတွေနဲ့ တွေ့ဆုံဖို့ ရှိပါတယ်။

ကျန်တဲ့တွေ့ဆုံမှုတွေတော့မရှိပါဘူး”ဟု ဗိုလ်ချုပ် ဇော်မင်းထွန်းက ပြောသည်။
Yangon_Times/MLT
#Local_News
#YMG #Yangon_Times

ကမ္ဘာ့အဆင့် ၁၂၈ ရှိတဲ့ တောင်အာဖရိက ကြက်တောင်မယ်ကို အမှတ်အသာစီးဖြင့် အနိုင်ရခဲ့ပြီး ၁၆ ဦး အဆင့်သို့တက်ရောက်

သက််ထားသူဇာအ‌နေနဲ့ ၁၆ ဦးအဆင့်မှာ ကမ္ဘာ့အဆင့် ၁၁၇ ရှိတဲ့ ဂျပန်ကြက်တောင်မယ်နဲ့ ယှဉ်ပြိုင်ကစားသွားမည်
Yangon_Times/my
#Local_News
#Published_ 28 July 2023
#YMG #Yangon_Times

Published-28 July 2023

မြန်မာတစ်နိုင်ငံလုံးတွင် ၂၀၂၃ ခုနှစ် ပထမ ၆ လအတွင်း မီးလောင်ကျွမ်းမှုကြောင့် မီးဘေးသင့်ပြည်သူ ၈၈၀၀ ကျော်ရှိ၍ မီးလောင်မှုကြောင့် လူသေဆုံးသူ ၅၅ဦးရှိခဲ့ကြောင်း မြန်မာနိုင်ငံမီးသတ်တပ်ဖွဲ့၏စာရင်းများအရ သိရသည်။

မြန်မာတစ်နိုင်ငံလုံးတွင် ဇန်နဝါရီလမှ ဇွန်လအထိ ၆လကာလ (နှစ်ဝက်အ တွင်း) မီးလောင်မှုအကြိမ်ရေ ၉၄၂ကြိမ် ဖြစ်ခဲ့ပြီး မီးလောင်မှုကြောင့် အိမ်၊ စက်ရုံ၊ အလုပ်ရုံများအပါအဝင် အ ဆောက်အဦး ၂၅၀၀ ကျော် ပျက်စီးဆုံးရှုံးခဲ့၍ မီးဘေးသင့်ပြည်သူ ၈၈၅၂ဦး၊ ထိခိုက်ဒဏ်ရာရရှိသူ ၁၂၆ဦးနှင့် သေဆုံးသူဦးရေ ၅၅ဦးရှိခဲ့ကြောင်းသိရသည်။

အဆိုပါမီးလောင်ကျွမ်းမှုများကြောင့် ပျက်စီးဆုံးရှုံးမှုတန်ဖိုး ငွေကျပ် ၁၃.၆၆ ဘီလီယံရှိခဲ့ကြောင်း မီးစတင်လောင် ကျွမ်းရသည့်အဓိကအကြောင်းရင်းများမှာ မီးဖိုမီး၊ ပေါ့ဆမီး၊ လျှပ်စစ်မီး၊ ရှို့မီး၊ တောမီးနှင့် မိုးကြိုးပစ်ခြင်း တို့ကြောင်းဖြစ်ကြောင်းလည်းသိရသည်။

ယခုနှစ်ဝက်အတွင်း မီးလောင်ကျွမ်းမှုဖြစ်ခဲ့သည့်အနက် ဧပြီလတွင်မီးလောင်ကျွမ်းမှုအများဆုံး ၂၀၅ကြိမ်ဖြစ်ခဲ့ပြီး​ သေဆုံးသူ ၁၆ ဦးနှင့် ထိခိုက်ဒဏ်ရာရရှိသူ ၂၁ဦးရှိခဲ့ကြောင်းလည်း သိရသည်။
#Yangon-Times/PP
#Local_News
#YMG #Yangon_Times

 Published_ 28 July 2023

စိတ်ဖိစီးမှုနဲ့ ကာကွယ်ဆေးတွေရဲ့ ထိရောက်မှုတို့ကြား သိသာတဲ့ဆက်စပ်မှုကို တဲလ်အေဗစ်တက္ကသိုလ်သုတေသီများက ပထမဆုံးအကြိမ်ဖြင့် ကြွက်တွေနဲ့ စမ်းသပ်ခဲ့ပါတယ်။

ကိုဗစ်ကာကွယ်ဆေးထိုးပြီးနောက် ၉ ရက်မှ ၁၂ ရက်အကြာမှာ စိတ်ဖိစီးမှုခံစားရတဲ့ ကြွက်တွေက သာမန်ကြွက်တွေနဲ့ယှဉ်ရင် ကာကွယ်ဆေးအပေါ် ပဋိပစ္စည်းတုန့်ပြန်မှုက ၇၀ ရာခိုင်နှုန်းရှိတာကို တွေ့ခဲ့ပါတယ်။

ကာကွယ်ဆေးထိရောက်မှုအပေါ် စိတ်ဖိစီးမှုရဲ့ သက်ရောက်မှုက အတော်လေးကျယ်ပြန့်တာကို ပထမဆုံးအကြိမ်တွေ့ရှိခဲ့တယ်လို့ ပြောပြခဲ့ကြပါတယ်။

ကာကွယ်ဆေးရဲ့ ထိရောက်မှုက သူ့ရဲ့ကိုယ်ပိုင် အရည်အသွေးနဲ့ပဲ သက်ဆိုင်တယ်လို့ အရင်က ယူဆခဲ့ကြပါတယ်။

နောက်ပိုင်းမှာတော့ အသက်အရွယ်၊ မျိုးဗီဇ၊ မိုက်ခရိုဘိုင်အုန်းတို့နဲ့လည်း ဆက်စပ်နေတယ်လို့ ဖော်ပြလာကြပါတယ်။

စိတ်ဖိစီးမှုဆိုတဲ့ အခြေအနေက ရုတ်တရက်ထွက်ပေါ်လာတဲ့ တုန့်ပြန်မှုဖြစ်ကာ အက်ဒရီနယ်လင်ထုတ်လုပ်ခြင်းနဲ့ လှုံ့ဆော်ခြင်းတို့ ဖြစ်ပေါ်စေတတ်ပါတယ်။

စမ်းသပ်ချက်မှာ ကိုဗစ်ကာကွယ်ဆေးထိုးပြီးနောက် ၉ ရက်အကြာမှာ ကိုယ်ခံအားလှုပ်ရှားလာပြီး ပဋိပစ္စည်းများ စတင်ထွက်ရှိလာကာ ကြွက်တွေကို ဖိစီးမှုအခြေအနေနဲ့ ကြုံတွေ့အောင် ပြုလုပ်ခဲ့ကြပါတယ်။

နှစ်ပတ်ခွဲကြာပြီးနောက် ဖိစီးမှုကြုံတွေ့ထားရတဲ့ ကြွက်တွေက သာမန်ကြွက်တွေထက် ပဋိပစ္စည်းပမာဏ ၇၀ ရာခိုင်နှုန်းပိုများနေခဲ့ပါတယ်။

ဖိစီးမှုခံစားရတဲ့ တိရိစ္ဆာန်တွေရဲ့ ကိုယ်ခံအားစနစ်က ကာကွယ်ဆေးထဲက ပရိုတိန်းမျိုးကွဲများကိုတော့ ဓာတ်ပြုခြင်းမရှိခဲ့ပါဘူး။

ပုံမှန်အတိုင်းဆိုရင်တော့ ဖိစီးမှုဆိုတာက မကောင်းတဲ့ သက်ရောက်မှုဖြစ်ပေမယ့် ကာကွယ်ဆေးထိုးနှံပြီးနောက် ဖိစီးမှုကြောင့် ရောဂါခုခံအားကောင်းမွန်တာကို တွေ့ရှိခဲ့ကြပါတယ်။

ကာကွယ်ဆေးဆိုတာက ရောဂါပိုးတစ်မျိုးတည်းကိုပဲ ကာကွယ်နိုင်ရမှာမဟုတ်ဘဲ နောက်ထပ်ပေါ်ထွက်လာမယ့် မျိုးကွဲတွေကိုလည်း ကာကွယ်နိုင်အောင် ရေရှည်မှတ်သားထားနိုင်ရမှာ ဖြစ်ပါတယ်။

ဖိစီးမှုဆိုတာဟာ စိတ်ပိုင်းဆိုင်ရာရော ရုပ်ပိုင်းဆိုင်ရာ နာမကျန်းဖြစ်ခြင်းကြောင့်ပါ ဖြစ်နိုင်ပါတယ်။

ဗိုင်းရပ်စ် ဒါမှမဟုတ် ဘက်တီးရီးယားနဲ့ ထိတွေ့တဲ့အခါ ရောဂါပိုးကိုဖယ်ရှားဖို့ ကိုယ်ခံအားကို လှုံ့ဆော်ပေးပါတယ်။

ကာကွယ်ဆေးထိုးပြီး ၉ ရက်မှ ၁၂ ရက်အကြာ ဖိစီးမှုကြုံတွေ့တဲ့အခါမှာတော့ ပဋိပစ္စည်းများစွာထွက်ရှိစေကာ ရေတိုခုခံအားမြှင့်တင်ပေးပေမယ့် ရေရှည်မှတ်သားခြင်းကိုတော့ ထိခိုက်စေနိုင်ပါတယ်။
Source: The Jerusalem Post
#World_Health
#YMG #Yanon_Times

Published_ 28 July 2023

ရန်ကုန်ယူနိုက်တက်အသင်းနည်းပြချုပ်အဖြစ် ဂျာမနီနိုင်ငံသား ဂတ်ဇီ အားခန့်အပ်လိုက်ကြောင်း ရန်ကုန်ယူနိုက်တက်အသင်းက သတင်းထုတ်ပြန်လိုက်ပါတယ်။

မြန်မာ့ဘောလုံးနှင့်ရင်းနှီးကျွမ်းဝင်သည့် ဂတ်ဇီသည် မြန်မာယူ-၂၀ အသင်းနှင့် အတူအောင်မြင်မှုများ ရရှိခဲ့ပြီး နယူးဇီလန်နိုင်ငံတွင်ကျင်းပခဲ့သည့် ၂၀၁၅ ဖီဖာ ယူ-၂၀ ကမ္ဘာ့ဖလားပြိုင်ပွဲသို့ ရောက်ရှိအောင် စွမ်းဆောင်ပေးနိုင်ခဲ့သည့် နည်းပြတစ်ဦးဖြစ်ပါတယ်။

ဂတ်ဇီသည် မြန်မာ ယူ-၁၉၊ ယူ-၂၀ နှင့် ယူ-၂၃ လက်ရွေးစင်အသင်းများကို ကိုင်တွယ်ခဲ့ပြီး ၂၀၁၅ ခုနှစ်မှ စတင်ကာ မြန်မာ့လက်ရွေးစင် အသင်းကြီးကို ၃ နှစ်ကြာကိုင်တွယ်ခဲ့သူ ဖြစ်ပါတယ်။

ဂတ်ဇီ က ရန်ကုန်ယူနိုက်တက်အသင်းကို ကိုင်တွယ်ခွင့်ရတဲ့အတွက် ဝမ်းသာပါတယ်။ အသင်းအတွက်အကောင်းဆုံးအလုပ်လုပ်ပြသွားပါမယ်ဟု ဆိုပါတယ်။

ရန်ကုန်ယူနိုက်တက်အသင်းပရိသတ်များအားလုံး မင်္ဂလာပါ။ ရန်ကုန်အသင်း ပရိသတ်တွေက အသင်းကို အရမ်းအားပေးကြတာကို သိပါတယ်။
ဒီထက်ပိုပြီးလည်း အသင်းကိုအားပေးကြပါဦးလို့ ပြောချင်ပါတယ် ဟု ဂတ်ဇီ က ရန်ကုန်ပရိသတ်များကို နှုတ်ဆက်စကားပြောကြားခဲ့ပါတယ်။

နည်းပြချုပ် ဂတ်ဇီသည် မြန်မာနိုင်ငံသို့ ဩဂုတ်လ ပထမအပတ်တွင် ရောက်ရှိမှာဖြစ်ပါတယ်။
ymg_mnn
#local_sport
#YMG #Yangon_Times

Published_ 28 July 2023

မြန်မာ-တရုတ် နှစ်နိုင်ငံချစ်ကြည်ရင်းနှီးစွာ ပူးပေါင်းဆောင်ရွက်ရေး၊ နယ်စပ်ဒေသ တည်ငြိမ်အေးချမ်းရေးနှင့် မြန်မာနိုင်ငံ၏ငြိမ်းချမ်းရေးလုပ်ငန်းစဉ်များ အကောင်အထည် ဖော် ဆောင်ရွက်နေမှုများကို ဆွေးနွေးခဲ့ကြကြောင်း သိရပါတယ်။

နစကအဖွဲ့ဝင်၊ ပြည်ထောင်စုအစိုးရအဖွဲရုံးဝန်ကြီး အမျိုးသားစည်းလုံးညီညွတ်ရေး နှင့် ငြိမ်းချမ်းရေးဖော်ဆောင်မှုညှိနှိင်းရေး ကော်မတီဥက္ကဋ္ဌ ဒုတိယဗိုလ်ချုပ်ကြီး ရာပြည့် သည် တရုတ်နိုင်ငံ နိုင်ငံခြားရေးဝန်ကြီးဌာနမှ အာရှရေးရာအထူးကိုယ်စားလှယ် မစ္စတာ တိန့်ရှီးကျွင်း ဦးဆောင်တဲ့ ကိုယ်စားလှယ်အဖွဲကို ဇူလိုင် ၂၇ ရက်မွန်းလွဲပိုင်းတွင် နေပြည်တော်၌ လက်ခံတွေ့ဆုံစဉ် ဆွေးနွေးခဲ့တာ ဖြစ်ပါတယ်။

မစ္စတာတိန့်ရှီးကျွင်းဟာ ၂၀၂၂ ခုနှစ် ဒီဇင်ဘာ(၂၉)ရက် နှင့် ၂၀၂၃ ခုနှစ် မတ်လ(၆) ရက်နေ့တို့ကလည်း နေပြည်တော်သို့ရောက်ရှိခဲ့ပြီး နစကဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်နှင့် တွေ့ဆုံခဲ့ပါသေးတယ်။
ygm_mnn
#Local_News
#YMG #Yangon_Times

Published_ 28 July 2023

တရားမဝင် ကုန်သွယ်မှုများအနေဖြင့် ရှောင်ကွင်းလမ်းများ အသုံးပြု သယ်ဆောင်မှုများရှိသကဲ့သို့ တရားဝင် ကုန်သွယ်မှုလမ်းကြောင်းအတိုင်း စစ်ဆေးရေး ဂိတ်များ၊ လုံခြုံရေးဂိတ်များကို ငွေပေးပြီး ဖြတ်သန်းနေမှုများ လည်း ရှိနေကြောင်း တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီဥက္ကဋ္ဌ နိုင်ငံတော်စီမံအုပ်ချုပ် ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယ ဗိုလ်ချုပ်မှူးကြီးစိုးဝင်းကပြောသည်။

ဇူလိုင်လ ၂၇ ရက်ကပြုလုပ်ခဲ့သော တရားမဝင်ကုန်သွယ်မှု တိုက်ဖျက်ရေး ဦးဆောင်ကော်မတီ၏ အစည်းအဝေးအတွင်း ယင်းက အထက်ပါအတိုင်းပြောကြားခဲ့ခြင်း ဖြစ်သည်။

ယင်းကို ဖမ်းဆီးရမိ စစ်ကြောချက်များအရ သိရှိရသောကြောင့် အထူးအဖွဲ့ဥက္ကဋ္ဌများနှင့် OSS ဌာနဆိုင်ရာ စစ်ဆေးရေးဂိတ်၊ လုံခြုံရေးဂိတ်များတွင်လာဘ်ပေးလာဘ်ယူမှုများမရှိအောင် ကြပ်ကြပ် မတ်မတ် ဆောင်ရွက်ကြရန် နှင့် စစ်ဆေးဖော်ထုတ်တွေ့ရှိခဲ့ပါက သက်ဆိုင်ရာ တာဝန်ကျ ဝန်ထမ်းများအပြင် တာဝန်ရှိသူအဆင့်ဆင့်ကိုပါ ထိထိရောက်ရောက် အရေးယူသွားမည်ဖြစ်ကြောင်း ၎င်းကပြောသည်။

ပြီးခဲ့သည့် ဇွန်လအတွင်းကကချင်ပြည်နယ်နှင့် တနင်္သာရီတိုင်းဒေသကြီး အတွင်းတွင် သယံဇာတများကို တရားမဝင် တူးဖော်သည့် ခန့်မှန်းတန်ဖိုး ကျပ်(၄ ဒသမ ၅၃၁)ဘီလီယံရှိ ဘက်ဟိုးယန္တရား(၅၇)စီး ဖမ်းဆီးနိုင်ခဲ့ ကြောင်း သိရသည်။

၂၀၂၂ ခုနှစ်၊ ဇန်နဝါရီလမှ ၂၀၂၃ ခုနှစ်၊ ဇွန်လအထိ တရားမဝင်သစ်မျိုးစုံ အမှုတွဲ(၁၄၆၂ )မှု၊ ခန့်မှန်းတန်ဖိုး ကျပ် (၄ ဒသမ ၄၂၁) ဘီလီယံ ဖမ်းဆီးရမိခဲ့ပြီး ဖမ်းဆီးရမိမှု စုစုပေါင်း၏(၃ ဒသမ ၄၈) ရာခိုင်နှုန်း ဖြစ်ကြောင်း၊ သို့သော် နိုင်ငံအတွင်း သယံဇာတပစ္စည်းများ တရားမဝင်ထုတ်လုပ်နေမှု များသည် ရှိနေဆဲပင်ဖြစ်သောကြောင့် တရားမဝင်ကုန်သွယ်မှုတိုက်ဖျက်ရေး အထူးအဖွဲ့များ အနေဖြင့် နိုင်ငံ၏ သယံဇာတပစ္စည်းများ တရားမဝင် ထုတ်လုပ်မှုကိုလည်း ထိထိရောက်ရောက် တားဆီး၊ စစ်ဆေးအရေးယူကြရန် တရားမဝင်ကုန်သွယ်မှု တိုက်ဖျက်ရေး ဦးဆောင်ကော်မတီဥက္ကဋ္ဌ နိုင်ငံတော်စီမံအုပ်ချုပ် ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယ ဗိုလ်ချုပ်မှူးကြီးစိုးဝင်းကပြောသည်။
Yangon_Times/PP
#Local_News
#YMG #Yangon_Times

Published_ 28 July 2023

ပီအက်ဂျီအသင်းတိုက်စစ်မှူး အမ်ဘာပေက ဆော်ဒီအာရေဗျ ကလပ်အယ်လ်ဟီလယ်အသင်း၏ ငွေကြေးအမြောက်အမြားဖြင့်ကမ်းလှမ်းမှုကို စိတ်မဝင်စားဘဲ ပယ်ချခဲ့ကြောင်းသိရသည်။.

အမ်ဘာဘေ အနေဖြင့် ရီးရဲမက်ဒရစ်အသင်းသို့ ပြောင်းရွှေ့ရန်သာ စိတ်ဝင်စားနေကြောင့် သိရသည်။

အမ်ဘာပေနဲ့ပတ်သတ်ပြီး အပြောင်းအရွှေ့ကောလဟလသတင်းများ ထွက်ပေါ်လျှက်ရှိပြီး ပီအက်စ်ဂျီနှငိ့သက်တမ်းတိုးစာချုပ် မချုပ်ဆိုလိုတော့ပဲ အသင်းမှထွက်ခွာရန်လိုလားလျှက်ရှိနေသည်။.

ထို့ကြောင့် ပီအက်စ်ဂျီအသင်းက ၎င်းအား အလွတ်ပြောင်းရွှေ.ကြေးဖြင့် ပြောင်းရွှေ့ခွင့်မပြုရန် ကြိုးပမ်းလျှက်ရှိသည်။

အမ်ဘာပေအား လက်ရှိအချိန်တွင် အယ်လ်ဟီလယ်ကလပ်အသင်းက ပြောင်းရွှေ့ကြေး ပေါင်သန်း ၃၀၀ကျော်ဖြင့် ခေါ်ယူရန်ကမ်းလှမ်းထားသည်။.

ယခုအခြေအနေများကြောင့် ပီအက်ဂျီအသင်းသည် အသက်၂၄နှစ် ရှိ အမ်ဘာပေအား ဂျပန် နှင့်တောင်ကိုရီးယားတို့တွင်ယှဉ်ပြိုင့်မည့် ခြေစမ်းပွဲများသို့ အမ်ဘာပေအား ခေါ်ဆောင်သွားခြင်းမရှိပဲ ချန်လှပ်ထားခဲ့သည်။

အဆိုပါကိစ္စ နှင့် ပတ်သက်၍ ပီအက်စ်ဂျီအသင်း၏သဘောထားရပ်တည်မှုအား ပဲရစ်မြို့တော်ဝန် အန်နီဟီဒယ်လ် ဂို က ပြစ်တင်ဝေဖန်ခဲ့သည်။

အမ်ဘာပေသည် ရီးရဲမက်ဒရစ်အသင်းသို့ ပြောင်းရွှေ့ရန် ကြိုတင်သဘောတူညီမှုရရှိထားပြီဟုလည်း သတင်းများထွက်ပေါ်လျှက်ရှိသည်။.
##YMG #Yangon_Times

Published_ 28 July 2023

ကင်ဆာဆဲလ်တွေ ပျံ့နှံ့ပုံနဲ့ပတ်သက်တဲ့ အကြောင်းအရာတွေကို ကယ်လီဖိုးနီးယားတောင်ပိုင်းတက္ကသိုလ်မှ သုတေသီများ ထုတ်ဖော်လိုက်ကာ ပျံ့နှံ့ပုံကို ဘယ်လိုရပ်တန့်မလဲဆိုတဲ့ နည်းလမ်းအသစ်များ တွေ့ရှိလာနိုင်ဖွယ်ရှိနေပါတယ်။

GRP78 လို့ခေါ်တဲ့ ဆဲလ်ချက်ပရုန်းပရိုတိန်းကို အာရုံစိုက်ပြီး ဆဲလ်များအတွင်း အခြားပရိုတိန်းများခေါက်ခြင်းကို ထိန်းညှိပေးကြောင်း National Academy of Sciences မှာ ဖော်ပြခဲ့ပါတယ်။

ဆဲလ်များဖိစီးမှုအောက် ရောက်နေချိန်မှာ GRP78 ကို ထိန်းချုပ်ထားပြီး ကျူးကျော်လာတဲ့ ဗိုင်းရပ်စ်တွေကို ပုံတူပွားစေပြီး ကင်ဆာတွေ ကြီးထွားရန်နဲ့ ဆေးယဉ်ပါးခြင်းတို့ကို ဖြစ်စေကြောင်း ကက်ခ်ဆေးပညာတက္ကသိုလ်အဖွဲ့က ယခင်ကတွေ့ရှိခဲ့ပါတယ်။

GRP78 က ဆဲလ်အစိတ်အပိုင်းတစ်ခုဖြစ်တဲ့ endoplasmic reticulum ထဲမှာ နေထိုင်ပါတယ်။

ဖိစီးမှုအောက်ရောက်တဲ့အခါ ဆဲလ်နျူကလိယပ်စ်သို့ ပြောင်းရွှေ့ကာ မျိုးဗီဇလုပ်ဆောင်ချက်များနဲ့ ဆဲလ်အပြုအမူတို့ကို ပြောင်းလဲစေပြီး ကင်ဆာဆဲလ်များ ပိုမိုရွေ့လျားစေပြီး ထိုးဖောက်ဝင်ရောက်လာနိုင်ပါတယ်။

ဒါကိုအတည်ပြုဖို့အတွက် အဖွဲ့ဟာ အဆုတ်ကင်ဆာဆဲလ်များ၊ ဖိစီးမှုအောက်ရှိ ပုံမှန်ဆဲလ်များမှာ GRP78 ကို တိုက်ရိုက်ကြည့်ရှုမယ့် ပုံရိပ်အရည်အသွေးမြင့် နည်းပညာများ အသုံးပြုခဲ့ပါတယ်။

နျူကလိယပ်စ်ရှိ GRP78 မှ ထိန်းချုပ်တဲ့ အဓိကမျိုးဗီဇများဟာ ဆဲလ်ရွှေ့ပြောင်းခြင်း၊ ကျူးကျော်ဝင်ရောက်ခြင်းတို့မှာ အဓိကပါဝင်နေကြောင်းကို နောက်ထပ်စစ်ဆေးခဲ့ကြပါတယ်။

GRP78 ဟာ ပုံမှန်အားဖြင့် ဆဲလ်များရွှေ့ပြောင်းရန် ခွင့်ပြုထားတဲ့ မျိုးဗီဇများကို ဖိနှိပ်ထားတဲ့ ID2 နဲ့ ချိတ်ဆက်ထားကြောင်း အဖွဲ့မှတွေ့ရှိခဲ့ပါတယ်။

GRP78 နဲ့ချည်နှောင်ထားတဲ့အခါ ID2 က မျိုးဗီဇများ ဖိနှိပ်နိုင်တော့မှာ မဟုတ်တာကြောင့် ကင်ဆာဆဲလ်များ ထိုးဖောက်ဝင်ရောက်မှုကို ထိုးဖောက်ဝင်ရောက်လာနိုင်မှာ ဖြစ်ပါတယ်။

ထိုတွေ့ရှိချက်များအရ အဆုတ်ကင်ဆာရှိ EGFR ကို ဖိနှိပ်ရန် ဒါမှမဟုတ် ID2 နဲ့ချိတ်ဆက်ခြင်းမှ ကာကွယ်ရန် GPR78 ရဲ့လုပ်ဆောင်ချက်ကို လျှော့ချခြင်းလိုမျိုး ကင်ဆာကုသမှုအတွက် အလားအလာအသစ်များ အကြံပြုထားပါတယ်။

GRP78 က ပန်ကရိယ၊ ရင်သား၊ အူမကြီးကင်ဆာအပါအဝင် ကင်ဆာအမျိုးအစား အမျိုးမျိုးမှာ အလားတူအခန်းကဏ္ဍမှာ ပါဝင်နေတာကြောင့် ကင်ဆာဇီဝဗေဒဆိုင်ရာ သုတေသနအသစ်ကို ရှာဖွေတွေ့ရှိခဲ့ပါတယ်။
Source: India Today.
#World_Health
#YMG #Yangon_Times

အွန်လိုင်းတွင်ဗီဒီယိုတင်ရင်းနာမည်ကျော်ကြားလာပြီးနောက် လော့စ်အိန်ဂျလိစ်၌ စားသောက်ဆိုင်ဖွင့်နိုင်ခဲ့သည့်ဗီယက်နမ်စားဖိုမှူး

ကိုဗစ်ကာလအတွင်း ဗီယက်နမ်ဟင်းလျာတွေ ချက်ပြုတ်ပုံကို သူ့ဘာသာဗီဒီယိုရိုက်ကူးပြီး တစ်တော့ပေါ်တင်ခဲ့တဲ့ 'တူငုယင်'ဟာ နာမည်ကြီးလာပြီး ကိုဗစ်လော့ဒေါင်းကာလပြီးနောက် လော့စ်အိန်ဂျလိစ်အနီးမှာ ပထမဆုံးစားသောက်ဆိုင် ဖွင့်နိုင်ခဲ့ပါတယ်။
#World_Business
#Published_ 27 July 2023
#YMG #Yangon_Times

#Daily_News
Published_ 27 July 2023

၁။ စားအုန်းဆီဈေး နောက်နှစ်ပတ်လောက်နေမှ ဈေးပြန်တည်ငြိမ်မည်၊ဈေးမကွာတော့၍ ပြည်တွင်းဆီဈေးကွက်ပိုရလာ

၂။ အခြေခံစားကုန်နှင့်သွင်းကုန်ပစ္စည်းများ ဈေးတက်နေသဖြင့် စားသောက်ဆိုင်လုပ်ငန်းများ အခက်ကြုံနေ

၃။ ရခိုင်ပြည်နယ်ရှိ မြို့နယ် (၇) မြို့နယ်အတွင်း မိသားစုဝင်တစ်သောင်းကျော်အတွက် စပါးမျိုးစေ့များ ICRC က ပေးဝေ

၄။အွန်လိုင်းတွင် ဗီဒီယိုတင်ရင်း နာမည်ကျော်ကြားလာပြီးနောက် လော့စ်အိန်ဂျလိစ်၌ စားသောက်ဆိုင်ဖွင့်နိုင်ခဲ့သည့် ဗီယက်နမ်စားဖိုမှူး .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 27 July 2023

လူကယ်ပြန်ဝန်ကြီးဌာနက အများပြည်သူထံတောင်ရမ်းစားသောက်ခြင်းအတွက် လိုင်စင် လျောက်ထားရမည်ဆိုသော ထုတ်ပြန်ချက်မှာ အတုတစ်ခုသာဖြစ်ကြောင်း ယင်းဝန်ကြီးဌာနထံမှ သိရသည်။

အဆိုပါ ထုတ်ပြန်ချက်အတုတွင် တောင်းရမ်းစားသောက်သူများအနေဖြင့် လူကယ်ပြန်ဝန်ကြီး ဌာန၌  လိုင်စင် ပုံစံ (က)၊ ပုံစံ(ခ)၊ ပုံစံ(ဂ)နှင့် ပုံစံ-အထူးတို့ကို တောင်းရမ်းစားသောက်သည့် လုပ်ငန်းအပေါ်မူတည်၍ လျောက်ထားရမည်ဟု ဖော်ပြပါရှိသည်။

ယင်းထုတ်ပြန်ချက်အား ပြည်ထောင်စုဝန်ကြီး ဒေါ်သက်သက်ခိုင်က အမိန့်ကြော်ငြာစာအမှတ် (၃၇/ ၂၀၂၃) အရ ဇူလိုင်(၂၃ )ရက်တွင် ထုတ်ပြန် သည်ဟု ဖော်ပြထားသည်။

ထုတ်ပြန်ချက်အတုတွင် တောင်းရမ်းစားသောက်သည့် အမျိုးအစား (၇)မျိုး ထည့်သွင်းဖော်ပြထားပြီး၊ စေတီပုထိုးများတွင်တောင်းရမ်းစားသောက်သူ၊ ဘတ်စ်ကားဂိတ်များတွင် တောင်းရမ်းသူ၊ လမ်သွားလမ်းလာများတွင် တောင်းရမ်းသူ၊ လမ်းဆုံလမ်းခွများ မီးပွိုင်များတွင် တောင်းရမ်းသူ၊ ပွဲလမ်းသဘင်များတွင် တောင်းရမ်းသူ၊ ဈေးဝယ်စင်တာများတွင်တောင်းရမ်းသူနှင့် လူကူးကုန်ကျော်တံတားများတွင် တောင်းရမ်းသူဟူ၍ အမျိုးအစားခွဲခြားဖော်ပြထားသည်။

“ ဒါက နစက ကို သက်သက် ဂုဏ်သိက္ခာ ညိုးနွမ်းအောင် ရည်ရွယ်ချက်ရှိရှိကို လုပ်နေတဲ့ လုပ်ရပ်ဖြစ်နေတယ်။

ထုတ်ပြန်ချက်မှာ အကြောင်းအရာဘဲ ပြောင်းသွားတာ စာအမှတ်ကမပြောင်းသွားဘူး။

အကြောင်းအရာတွေက ဖြစ်သင့်လား၊ မဖြစ်သင့်လားဆိုတာတော့ လူတိုင်း စဉ်းစားချင့်ချိန်သင့်တယ်လေ။

ဟိုရက်ကလည်း ဗေဒင်ဟောတဲ့ သူတွေ လိုင်စင် လုပ်ရမယ်ဆိုတာ ထွက်လာသေးတယ်။ အဲ့ဒီမှာလည်း  စာအမှတ်က ၃၇/၂၀၂၃ ဘဲ။

ဒါတွေကို ကြည့်တာနဲ့ အတုလား အစစ်လား ခွဲခြားလို့ ရပါတယ်” ဟု ရန်ကုန်မြို့ခံတစ်ဉီးက  Yangon Times ကို ပြောသည်။

ပြီးခဲ့သော ဇူလိုင် (၂၃) ရက်ကလည်း ဗေဒင်နှင့် အကြားအမြင်ဟောတမ်းထုတ်သူများ လိုင်စင်လျောက်ထားရမည်ဆိုသော ထုတ်ပြန်ချက်ကို လူမှုကွန်ရက်စာမျက်နှာတွင် သာသနာရေးဝန်ကြီးဌာနက ထုတ်ပြန်သယောင် မျှဝေခဲ့သေးသည်။

ယင်းအပေါ် ပြည်တွင်းသတင်းမီဒီယာတစ်ခုက  သာသနာရေးဝန်ကြီးဌာနအား မေးမြန်းရာတွင် သတင်းအမှားသာဖြစ်ကြောင်း တုန့်ပြန်ဖြေကြားထားသည်။
Yangon Times/my
#Local_News
#YMG #Yangon_Times