Published_ 27 July 2023

မာဂျရင်းအစား သံလွင်ဆီစားသုံးပေးခြင်းဖြင့် စိတ်ပိုင်းဆိုင်ရာထက်မြက်မှု ဆက်ရှိနေနိုင်မလားဆိုတာကို မာဆာချူဆက်စ် ဘော့စ်တွန်ရှိ အမေရိကန်အာဟာရအသိုင်းအဝိုင်း နှစ်စဉ်အစည်းအဝေးပွဲမှာ လေ့လာတင်ပြခဲ့ပါတယ်။

အမေရိကန်ကျန်းမာရေးကျွမ်းကျင်သူ ၉ သောင်းကျော်ပါဝင်တဲ့ ကြိုတင်စမ်းသပ်မှုထဲမှာ သံလွင်ဆီပိုမိုစားသုံးသူတွေက လာမယ့်ဆယ်စုနှစ် ၃ ခုအတွင်း ဒီမန်ရှာကြောင့် သေဆုံးနိုင်ချေ လျော့နည်းသွားကြောင်း တွေ့ရှိခဲ့ပါတယ်။

သံလွင်ဆီ မစားသုံးသူများနဲ့ယှဉ်တဲ့အခါ သံလွင်ဆီစားပွဲတင်ဇွန်း တဝက်ကျော်ကို နေ့စဉ်စားသုံးသူများဟာ မှတ်ဉာဏ်ချို့ယွင်းမှုရောဂါကြောင့် သေဆုံးနိုင်ချေကို ၂၈ ရာခိုင်နှုန်းလျှော့ချနိုင်ကြောင်း သုတေသီများ တွေ့ရှိခဲ့ကြပါတယ်။

မာဂျရင်း လက်ဖက်ရည်ဇွန်းတစ်ဇွန်းစာ နေရာမှာ သံလွင်ဆီအစားထိုးလိုက်ပါက ဒီမန်ရှာကြောင့်ဖြစ်တဲ့ သေဆုံးနိုင်ချေကို ၁၄ ရာခိုင်နှုန်းအထိ လျှော့ချပေးနိုင်ပါတယ်။

ဒီလိုလေ့လာချက်တွေက ချက်ကျလက်ချ သက်သေပြတာမျိုးထက် ဆက်နွယ်နေတာကိုသာ ညွှန်ပြနေတယ်လို့ ပညာရှင်များ အသိအမှတ်ပြုထားကြပါတယ်။

သံလွင်ဆီမှာ ပါဝင်တဲ့ အိုမီဂါ-၃ဖက်တီးအက်ဆစ်က ရောင်ရမ်းခြင်းကိုသက်သာစေတဲ့ အစွမ်းသတ္တိရှိပြီး ဦးနှောက်ကျန်းမာရေးအတွက် အထောက်အကူဖြစ်စေနိုင်တာ ဖြစ်ပါတယ်။

ဒီမန်ရှာဖြစ်ပွားရတဲ့ အကြောင်းအရင်းထဲမှာ ရောင်ရမ်းခြင်းကလည်း ပါဝင်ပတ်သက်နေတယ်လို့ ယူဆရပါတယ်။

သံလွင်ဆီအများအပြား သုံးထားတဲ့ မက်ဒီတာရေနီယန် အစားအစာတွေကြောင့် သက်ကြီးရွယ်အိုတွေမှာ မှတ်ဉာဏ်နဲ့အသိဉာဏ်စွမ်းရည်များ တိုးတက်စေနိုင်ပြီး ဒီမန်ရှာဖြစ်နိုင်ချေ လျော့နည်းစေကြောင်း ဆက်စပ်တွေ့ရှိထားပါတယ်။

အခုနောက်ဆုံး လေ့လာချက်မှာတော့ သံလွင်ဆီက အစားအစာပုံစံတစ်ခုလုံးထက် ပိုပြီးအကျိုးရှိနေတယ်လို့ ဆိုထားပါတယ်။

နှလုံးသွေးကြောကျန်းမာရေးအပေါ် သံလွင်ဆီရဲ့သက်ရောက်မှုကို တွေ့ရှိထားကာ သံလွင်ဆီနဲ့ ဒီမန်ရှာဖြစ်နိုင်ချေ နည်းခြင်းတို့ကြား ဆက်စပ်ပုံကိုတော့ မရှင်းလင်းနိုင်ဘူး ဖြစ်နေပါတယ်။

သံလွင်ဆီမှာပါဝင်တဲ့ ဓာတ်တွေက ရောင်ရမ်းခြင်းနဲ့ ဓာတ်တိုးခြင်းတို့ကို ဆန့်ကျင်တဲ့အစွမ်းသတ္တိရှိပါတယ်။

ဒီမန်ရှာမဖြစ်စေရန်အတွက် ပုံသေနည်းလမ်းမရှိဘဲ နေထိုင်စားသောက်မှုပုံစံ ပတ်ဝန်းကျင်အခြေအနေတို့ကလည်း ဦးနှောက်ကျန်းမာရေးအတွက် အရေးပါနေပါတယ်။
Source: The Jerusalem Post.
#World_Health
#YMG #Yangon_Times

Published_ 27 July 2023

မြောက်ကိုရီးယားခေါင်းဆောင် 'ကင်မ်ဂျုံအန်'ဟာ ရုရှားကာကွယ်ရေးဝန်ကြီး 'ဆာဂျီရှိုဂူ'နဲ့ ဗုဒ္ဓဟူးနေ့က တွေ့ဆုံခဲ့ကာ နှစ်နိုင်ငံစလုံးမှ ဆက်ဆံရေးမြှင့်တင်သွားရန် ကတိပြုထားခဲ့တဲ့အတိုင်း တိုင်းပြည်ကာကွယ်ရေးပြပွဲသို့ လှည့်ပတ်ပြသခဲ့ပြီး မြောက်ကိုရီးယားမှ တားမြစ်ထားတဲ့ ပဲ့ထိန်းဒုံးကျည်များကို ပြသခဲ့ကြောင်း နိုင်ငံပိုင်မီဒီယာ KCNA က ဖော်ပြခဲ့ပါတယ်။

ရှိုဂူက ရုရှားသမ္မတ'ဗလာဒီမာပူတင်' ပေးလိုက်တဲ့စာကို ကင်မ်ဂျုံအန်ထံ ပေးအပ်ခဲ့ပါတယ်။

ရှိုဂူဦးဆောင်တဲ့ စစ်ဘက်ကိုယ်စားလှယ်အဖွဲ့ကို စေလွှတ်လိုက်တဲ့ ပူတင်ကို ကင်မ်က ကျေးဇူးတင်လိုက်ကာ အဆိုပါတွေ့ဆုံမှုက မြောက်ကိုရီးယားနဲ့ ရုရှားတို့ကြား ဗျူဟာကျပြီး အစဉ်အလာရှိတဲ့ဆက်ဆံရေးကို ပိုမိုနီးစပ်စေမှာဖြစ်တယ်လို့ ပြောကြားခဲ့ပါတယ်။

ရုရှားကိုယ်စားလှယ်အဖွဲ့၊ တရုတ်ကွန်မြူနစ်ပါတီအဖွဲ့ဝင် 'လီဟောင်ကျောင်'တို့ပါဝင်တဲ့ တရုတ်ကိုယ်စားလှယ်အဖွဲ့တို့ဟာ မြောက်ကိုရီးယားမှာ ကျင်းပတဲ့ ကိုရီးယားစစ်ပွဲပြီးဆုံးခြင်း နှစ် ၇၀ ပြည့်အထိမ်းအမှတ်သို့ ယခုသီတင်းပတ်အတွင်း ရောက်ရှိလာတာ ဖြစ်ပါတယ်။

ဒါဟာ ကိုဗစ်ကပ်ရောဂါပြီးနောက်ပိုင်း မြောက်ကိုရီးယားသို့ ဒီလိုမျိုး အထင်ကရပုဂ္ဂိုလ်တွေ ပထမဆုံးပြန်လည်ရောက်လာတာဖြစ်ပါတယ်။

မြောက်ကိုရီးယားက တရုတ်၊ ရုရှားတို့နဲ့ ဆက်ဆံရေးထူထောင်ကာ ဘုံပြိုင်ဘက်အမေရိကန်ကို ယှဉ်ပြိုင်ဖို့ ကြိုးပမ်းနေတာဖြစ်ပါတယ်။

ကင်မ်က ရှိုဂူကို ကာကွယ်ရေးလက်နက်ပြပွဲသို့ ခေါ်ဆောင်လာကာ အသစ်ထုတ်လုပ်ထားတဲ့ လက်နက်များ၊ စစ်လက်နက်ပစ္စည်းများကို ပြသခဲ့ကြောင်း KCNA က ဖော်ပြထားပါတယ်။

ကုလသမဂ္ဂလုံခြုံရေးကောင်စီ စည်းမျဉ်းသတ်မှတ်ချက်များအရ မြောက်ကိုရီးယားနိုင်ငံကို ပဲ့ထိန်းဒုံးကျည်နည်းပညာ အသုံးပြုပြီး လက်နက်များထုတ်လုပ်ခြင်းမှ တားမြစ်ထားကာ ထိုစဉ်က ရုရှားနဲ့တရုတ်တို့လည်း ပါဝင်ခဲ့ပါတယ်။

နှစ်နိုင်ငံ အချုပ်အခြာအာဏာ၊ ဖွံ့ဖြိုးတိုးတက်ရေး၊ အကျိုးစီးပွားတို့ကို နယ်ချဲ့သမားများ နိုင်ထက်စီးနင်းပြုခြင်းမှ ကာကွယ်ရန်၊ နိုင်ငံတကာ တရားမျှတမှု၊ ငြိမ်းချမ်းရေးတို့ကို အကောင်အထည်ဖော်ရန် ကိစ္စရပ်များကို ကင်မ်က စိုးရိမ်ပူပန်ကြောင်း ဖော်ပြသွားပါတယ်။

KCNA က ယူကရိန်းစစ်ပွဲကို တိုက်ရိုက်ဖော်ပြခြင်းမရှိဘဲ ရုရှားတို့ တရားမျှတမှုနဲ့ အချုပ်အခြာအာဏာကို ကာကွယ်တဲ့တိုက်ပွဲကို မြောက်ကိုရီးယားက အပြည့်အဝထောက်ခံကြောင်း ကာကွယ်ရေးဝန်ကြီးချုပ် 'ဂန်ဆန်နမ်'က ပြောကြားခဲ့တယ်လို့တော့ ဖော်ပြခဲ့ပါတယ်။

ရှိုဂူကလည်း မြောက်ကိုရီးယားစစ်တပ်ဟာ ကမ္ဘာပေါ်မှာ အင်အားအကြီးဆုံးဖြစ်ကြောင်း ပြုံယမ်းစားသောက်ပွဲမှာ ချီးကျူးပြောဆိုခဲ့ပါတယ်။

မြောက်ကိုရီးယားဟာ ရုရှားနဲ့ လက်နက်အပေးအယူလုပ်နေတယ်ဆိုတာကို ငြင်းဆန်ထားပါတယ်။
Source: Reuters
#World_News
#YMG #Yangon_Times

Published_ 27 July 2023

နိုင်ငံ့စီးပွားရေးမှာ ၂၀၂၂-၂၀၂၃ ဘဏ္ဍာရေးနှစ်တွင် ၃ ဒသမ ၄ ရာခိုင်နှုန်းတိုးတက် ခဲ့ပြီး ၂၀၂၃-၂၀၂၄ ဘဏ္ဍာရေးနှစ်တွင်လည်း ၄ ရာခိုင်နှုန်းခန့် တိုးတက်မည်ဟု မျှော်မှန်း ထားကြောင်း ဇူလိုင် ၂၆ ရက်တွင် နေပြည်တော်၌ပြုလုပ်သော မြန်မာနိုင်ငံ စီးပွားရေးရာ ကော်မတီ အစည်းအဝေးအမှတ်စဉ်(၆/၂၀၂၃)၌ စီးပွားရေးရာကော်မတီဥက္ကဋ္ဌ နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က ပြောကြားခဲ့ပါတယ်။

နစကဥက္ကဋ္ဌက နိုင်ငံ့စီးပွားမြှင့်တင်ရေးကို တွန်းအားပေးဆောင်ရွက်ခဲ့ကြောင်း၊ နစက တာဝန်ယူဆောင်ရွက်ပြီးနောက်ပိုင်း ချေးငွေများလုံးဝချေးယူခြင်းမရှိကြောင်း၊ ပြည်ပထောက်ပံ့ငွေလည်း ၂၀၂၂ခုနှစ် နှောင်းပိုင်းရောက်မှသာ အနည်းငယ်ရရှိခဲ့သဖြင့် အချို့လုပ်ငန်းများကို ဆောင်ရွက်နိုင်ခဲ့တယ်လို့ ဆိုပါတယ်။

စိုက်ပျိုးမြေများသုံးစွဲမှုနှင့်ပတ်သက်၍ စိုက်ပျိုးမြေများကို အခြားနည်းများဖြင့် သုံးစွဲလျက်ရှိခြင်းကြောင့် နိုင်ငံ၏စိုက်ပျိုးရေးလုပ်ငန်းများအတွက် ထိခိုက်နစ်နာမှုများ ဖြစ်ပေါ်လျက်ရှိတယ်လို့ ဆိုပါတယ်။

အဆိုပါပြဿနာကို အစိုးရအဆက်ဆက်ဖြေရှင်းခဲ့ကြသော်လည်း ယခုအချိန်ထိ ရှိနေဆဲဖြစ်ကြောင်း၊ မြေအသုံးချမှုနှင့်ပတ်သက်၍ မှန်မှန်ကန်ကန် ဆောင်ရွက်ကြရမည် ဖြစ်ပြီး ပြဋ္ဌာန်းဥပဒေများနှင့်အညီ စိစစ်ကြပ်မတ်ထိန်း သိမ်းဆောင်ရွက်သွားဖို့ လိုတယ်လို့ ဆိုပါတယ်။

ပြည်တွင်းစားသုံးဆီလိုအပ်ချက်အတွက် စားသုံးဆီများကို ပြည်ပမှ နှစ်စဉ်တင် သွင်းနေရသဖြင့် နိုင်ငံခြားငွေများစွာ သုံးစွဲကုန်ကျလျက်ရှိကြောင်း၊ ထို့ကြောင့် ပြည်တွင်း စားသုံးဆီဖူလုံမှုရှိစေရေးအတွက် ဆီထွက်သီးနှံများဖြစ်သည့် ပဲ၊ နှမ်း၊ နေကြာ စိုက်ပျိုးခြင်း များကို အားပေးဆောင်ရွက်လျက်ရှိသကဲ့သို့ ဆီစက်များအဆင့်မြှင့်တင် ခြင်းလုပ်ငန်းများ ကို အားပေးဆောင်ရွက်လျက်ရှိကြောင်း၊ ၂၀၂၅ ခုနှစ်မှစ၍ စားသုံးဆီဖူလုံမှု ရှိရမယ်လို့ ပြောကြားပါတယ်။

စက်သုံးဆီများကိုလည်း ပြည်ပမှနှစ်စဉ် တင်သွင်းနေရကြောင်း၊ စက်သုံးဆီသုံးစွဲမှု များကိုလျှော့ ချနိုင်ရန်အတွက် လျှပ်စစ်ဓာတ် အားသုံး အများပြည်သူပို့ဆောင်ရေး စနစ်များ တိုးတက်လာရေးနှင့် ပြည့်ဖြိုးမြဲစွမ်းအင်များမှ လျှပ်စစ်ဓာတ်အား ထုတ်လုပ်ရေး လုပ်ငန်းများ တိုးတက်စေရေး အားပေးဆောင်ရွက်လျက်ရှိတယ်လို့ ဆိုပါတယ်။

ထို့ပြင် အသစ်ထုတ်ပြန်လိုက်သည့် နှစ်သောင်းတန်ငွေစက္ကူထုတ်လုပ်ခြင်းနှင့် ပတ်သက်၍ အကန့်အသတ်ဖြင့်သာထုတ်လုပ်ခြင်းဖြစ်ကြောင်း၊ နိုင်ငံတော်အနေဖြင့် ဘဏ္ဍာငွေ လိုအပ်ချက်မရှိသကဲ့သို့ နိုင်ငံအတွင်းလည်ပတ်သုံးစွဲငွေများ မျှတစွာဖြင့်ရှိနေ တယ်လို့ ဆိုပါတယ်။

အဆိုပါ နှစ်သောင်းတန် ထုတ်လုပ်ခြင်းသည် အထိမ်းအမှတ်အဖြစ် ထုတ်ခဲ့ခြင်း သာဖြစ်ကြောင်း၊ ယခုအခါ နိုင်ငံအတွင်းငွေကြေး လည်ပတ်မှုအနေဖြင့် ပုံမှန်အခြေ အနေသို့ပြန်လည် ရောက်ရှိနေပြီဖြစ်ပြီး ဘဏ်များ၌ငွေကြေးအပ်နှံမှုများ များစွာ ရှိကြောင်း၊ ယခုကဲ့သို့နှစ်သောင်းတန် ငွေစက္ကူထုတ်ခဲ့ခြင်းကြောင့် ငွေကြေးဖောင်းပွမှု လုံးဝ ဖြစ်ပေါ်စေမည်မဟုတ်ကြောင်း၊ စီးပွားရေးအရ ကမောက်ကမ ဖြစ်စေရန်အတွက် နိုင်ငံရေးအရ တိုက်ခိုက်မှုသာဖြစ်တယ်လို့ ပြောကြားခဲ့ပါတယ်။
ygm_mnn
#Yangon_Media_Group
#local_news
#YMG #Yangon_Times

Published_ 27 July 2023

လတ်တလောလေ့လာမှုတစ်ခုမှာ အိုမီဂါ-၃ကို နေ့စဉ်အစားအသောက်ထဲ ထည့်သွင်းဖို့ အရေးကြီးကြောင်း အလေးပေးဖော်ပြခဲ့ပါတယ်။

လူအများစုက အဆိုပါအာဟာရဓာတ် လိုအပ်ချက်များအတိုင်း မပြည့်မီတာကို သတိပေးလာကြပါတယ်။

NIH မှလေ့လာချက်အရ အိုမီဂါ-၃ဖက်တီးအက်ဆစ်ကို ငါးနဲ့ ငါးကြီးဆီဖြည့်စွက်စာတို့မှာ အများဆုံးတွေ့ရပြီး အဆုတ်ကျန်းမာရေးထိန်းသိမ်းရာမှာ အရေးပါပါတယ်။

အိုမီဂါ-၃ဖက်တီးအက်ဆစ်ဟာ ရောင်ရမ်းဆန့်ကျင်အစွမ်းသတ္တိရှိကြောင်း လေ့လာတွေ့ရှိထားပါတယ်။

အိုမီဂါ-၃ဖက်တီးအက်ဆစ်နဲ့ အဆုတ်ကျန်းမာရေးတို့ကြား ဆက်စပ်နိုင်ချေကို သုသေသီတို့က အပိုင်း ၂ ပိုင်းခွဲပြီး သေချာလေ့လာခဲ့ကြပါတယ်။

စမ်းသပ်မှုပထမအပိုင်းမှာ နာတာရှည်အဆုတ်ရောဂါ လက္ခဏာမရှိတဲ့ အမေရိကန် ၁၅,၀၆၃ ဦးကို ခေါ်ယူခဲ့ပါတယ်။

ပါဝင်စမ်းသပ်ခံသူတွေက ပျမ်းမျှအသက် ၅၆ နှစ်၊ အမျိုးသမီးက ၅၅ ရာခိုင်နှုန်းနဲ့ လူမျိုးကွဲပြားနေကြကာ အကြမ်းဖျင်းအားဖြင့် ၇ နှစ်အထိ လိုက်လံစောင့်ကြည့်ထားပြီး အချို့အခြေအနေတွေမှာ နှစ် ၂၀ အထိ စောင့်ကြည့်ခဲ့ကြပါတယ်။

သွေးထဲမှာ အိုမီဂါ-၃ဖက်တီးအက်ဆစ် များပြားပါက အချိန်ကြာတာနဲ့အမျှ အဆုတ်လုပ်ဆောင်ချက်ကျဆင်းလာနှုန်းကို သက်သာစေတဲ့အထိ ဆက်စပ်နေတာကို တွေ့ရှိခဲ့ကြပါတယ်။

အဓိကပတ်သက်နေတာက ဆယ်လ်မွန်၊ တူနာ၊ ငါးသေတ္တာတို့မှာ အများအပြားတွေ့ရတဲ့ DHA အိုမီဂါ-၃ဖက်တီးမျိုးဖြစ်ပါတယ်။

စမ်းသပ်မှုဒုတိယအပိုင်းမှာတော့ သုတေသီတွေက ဥရောပမှ လူပေါင်း ၅ သိန်းကျော်ခေါ်ယူကာ သွေးထဲက အထူးမျိုးရိုးဗီဇအမှတ်အသားတွေကို လေ့လာခဲ့ကာ အဆုတ်ကျန်းမာရေးနဲ့ ဘယ်လိုဆက်စပ်နေလဲဆိုတာကို နားလည်အောင် ကြိုးပမ်းခဲ့ကြပါတယ်။

အဲဒီမှာမှ အိုမီဂါ-၃ဖက်တီးအက်ဆစ်များပြားခြင်းဖြင့် အဆုတ်လုပ်ဆောင်ချက် ကောင်းမွန်စေကြောင်း အတည်ပြုနိုင်ခဲ့ပါတယ်။

အိုမီဂါ-၃က ကျန်းမာရေးအကျိုးကျေးဇူးများစွာ ရရှိစေနိုင်ကာ နှလုံးသွေးကြောစနစ်နဲ့ နှလုံးရောဂါဖြစ်နိုင်ချေတို့ကို လျှော့ချပေးနိုင်ပါတယ်။

ဒါ့အပြင် ဦးနှောက်လုပ်ဆောင်ချက် ကျန်းမာသန်စွမ်းနေစေရန်နဲ့ အသိဉာဏ်စွမ်းရည် ဖွံ့ဖြိုးမှုထောက်ပံ့ရာမှာလည်း အရေးပါနေပါတယ်။
Source: WION.
#World_Health
#YMG #Yangon_Times

တရုတ်နိုင်ငံမှာ ဟောလိဝုဒ်ရုပ်ရှင်ကားများရဲ့ ဝင်ငွေနည်းပါးလာပြီး ဒါဟာ တရုတ်ရုပ်ရှင်ကားများ အရှိန်အဟုန်ဖြင့် တိုးတက်လာခြင်း၊ တရုတ်အမျိုးသားအင်အား ဖွံဖြိုးတိုးတက်လာခြင်း၊ ဟောလိဝုဒ်ရုပ်ရှင်များ တီထွင်ဆန်းသစ်မှု နည်းပါးလာခြင်းတို့ကြောင့် ဖြစ်နိုင်တယ်လို့ တရုတ်ရုပ်ရှင်လုပ်ငန်း ကျွမ်းကျင်သူတစ်ဦးက ဆိုပါတယ်။
#World_Entertainment
#Published_ 26 July 2023
#YMG #Yangon_Times

#Daily_News
Published_ 26 July 2023

၁။ YBSယာဥ်စီးခပိုတောင်းပါက လုပ်ငန်းလိုင်စင်ပိတ်သိမ်းသည်ထိ အရေးယူမည် ဦးလျန်ကျင့်မန်

၂။ ဂျပန်ဘာသာစာမေးပွဲဖြေဆိုခွင့် အွန်လိုင်းက လျောက်ထားနိုင်ဟု MAJA အသိပေး

၃။ ရန်ကုန်မြို့ပတ်ရထားလမ်း အဆင့်မြှင့်တင်ခြင်း ပြီးစီးပါက ယခင်ခုတ်မောင်းချိန်ထက် လျော့ချသွားမည်ဟုဆို

၄။တရုတ်ပြည်တွင် ဟောလိဝုဒ်ရုပ်ရှင်ကားများကို စိတ်ဝင်စားမှုနည်းပါးလာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Publishded 26 July 2023

ရန်ကုန်တိုင်းဒေသကြီး ဒဂုံမြို့သစ်တောင်ပိုင်းမြို့နယ်ရှိ သုခဒဂုံပြည်သူ့အငှားအိမ်ရာစီမံကိန်းမှ ပထမအဆင့်ပြီးစီးမည့်တိုက်ခန်း( ၁၂၀၀)ခန့်ကို စတင်ငှားရမ်းနေထိုင်ခွင့်ပြုမည်ဖြစ်ကြောင်း ဆောက်လုပ်ရေးဝန်ကြီးဌာန မြို့ပြနှင့်အိမ်ရာ ဖွံဖြိုးရေးဦးစီးဌာန( ရန်ကုန်တိုင်းဒေသကြီး)မှသိရသည်။

ထိုသို့ငှားရမ်းရာတွင် ပထမအဆင့်ပြီးစီးမည့်တိုက်ခန်းများကို ဝင်ငွေနည်း၍ နေထိုင်ရေး
အခက်အခဲရှိသည့် ပြည်သူ၊ အငြိမ်းစားဝန်ထမ်း နှင့်တာဝန်ထမ်းဆောင်ဆဲနိုင်ငံ့ဝန်ထမ်းများကို ငါးနှစ်သက်တမ်းဖြင့်စတင်ငှားရမ်းနေထိုင်ခွင့်ပြုမည်ဖြစ်ပြီးငှားရမ်းလိုသူများအနေဖြင့်အိမ်ခန်းလျှောက်လွှာများအား သက်ဆိုင်ရာမြို့နယ်အထွေထွေအုပ်ချုပ်ရေးဦးစီးဌာနတို့တွင်ဝယ်ယူ၍သတ်မှတ်ပုံစံများတွင်ဖြည့်စွက်ပြီးယခုလ ( ၃၁ )ရက်နေ့နောက်ဆုံးထားတင်သွင်းရမည်ဖြစ်သည်။

အဆိုပါအိမ်ခန်းငှားရမ်းခများကို တစ်လငှားရမ်းခအနေဖြင့် ပထမထပ်ကို ငွေကျပ်၆၇၀၀၀
ကျပ်၊ ဒုတိယထပ်ကို ၆၀၀၀၀ကျပ်၊ တတိယထပ်ကို ၅၅၀၀၀ကျပ် နှင့် စတုတ္ထထပ်ကို ၄၆၀၀၀ကျပ်နှုန်း သတ်မှတ်ထားကြောင်းသုခဒဂုံပြည်သူ့အငှားအိမ်ရာကော်မတီမှသိရသည်။

ရန်ကုန်တိုင်းဒေသကြီး ဒဂုံမြို့သစ်(တောင်ပိုင်း)မြို့နယ်အမှတ် ၂ လမ်းမကြီးနှင့်အမှတ် ၇ လမ်းမကြီး မြို့ပတ်လမ်းဆုံအနီးတည်ဆောက်နေသည့် သုခဒဂုံပြည်သူ့အငှားအိမ်ရာစီမံကိန်းကို မြေဧရိယာ ( ၁၇၁)ဧကပေါ်တွင် တည်ဆောက်နေခြင်းဖြစ်ပြီး ပထမအဆင့်အနေဖြင့် အဆောက်အအုံ ( ၁၉၄ )လုံးကို မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်းချုပ် ( MCEF)နှင့် မြန်မာနိုင်ငံလိုင်စင်ရကန်ထရိုက်များအသင်းချုပ် ( MLCA)တို့က အဆောက်အအုံ ( ၉၄ )လုံးစီကို ခွဲဝေဆောက်လုပ်ခြင်းဖြစ်ကြောင်းသိရသည်။
Yangon Times/mnd
#Local_News
#YMG #Yangon_Times

Published_ 26 July 2023

ဂျပန်ဘာသာအရည်အချင်းစစ်စာမေးပွဲအတွက် သြဂုတ်လအတွင်း အွန်လိုင်းမှတစ်ဆင့် လျှောက်ထားနိုင်မည်ဖြစ်ကြောင်း JLPT စာမေးပွဲကျင်းပရေးကော်မတီ မြန်မာနိုင်ငံ ဂျပန်ပြန်ပညာသင်ဟောင်းအသင်း(MAJA) က ထုတ်ပြန်ထားသည်။

ယခုနှစ် ဒီဇင်ဘာလ ၃ ရက် တွင် အဆိုပါ စာမေးပွဲကို ကျင်းပသွားမည်ဖြစ်ကြောင်း၊ အွန်လိုင်းလျှောက်လွှာ များကို N1,N2,N3 အဆင့်အတွက်ဩဂုတ်လ ၁၄ ရက် မှ ၁၆ ရက်အထိလည်းကောင်း၊ N4 လျှောက်လွှာများ ကိုဩဂုတ်လ ၁၇ ရက် မှ ၂၂ ရက်အထိလည်းကောင်း၊ N5 လျှောက်လွှာများကို ဩဂုတ်လ ၂၃ရက် မှ ၂၄ ရက်အထိလည်းကောင်း နံနက် ၉ နာရီမှ ညနေ ၅ နာရီအထိ လက်ခံပေးသွားမည်ဖြစ်ကြောင်း သိရသည်။

ဂျပန်ဘာသာစာမေးပွဲအတွက် စာမေးပွဲကြေးနှင့် လျှောက်လွှာတင်ကြေးကို N1 နှင့် N2အဆင့်အတွက် စုစုပေါင်း ကျပ် ၅၀၀၀၀ ၊ N3, N4 နှင့် N5 အဆင့်အတွက် စုစုပေါင်း ကျပ် ၄၅၀၀၀ ကျသင့်နှုန်းဖြင့် လူဦးရေမှာ (၅၀၀၀၀)၏ လျှောက်လွှာများကို လက်ခံမည် ဖြစ်ကြောင်းသိရသည်။

သင်တန်းကျောင်းများ ကြိုတင်စာရင်းပေးသွင်းခြင်းအနေဖြင့် Google form မှတစ်ဆင့် ဇူလိုင်လ ၂၄ရက် မှ ကြိုတင်စာရင်းပေးသွင်းနေကြပြီး ယင်းတို့မှာ ဇူလိုင်လ၂၈ ရက်ထိ ပေးသွင်းနိုင်ကြောင်း ၊ သင်တန်းကျောင်း တစ်ကျောင်းလျှင် လျှောက်လွှာအစောင်ရေအများဆုံး (၁၅၀) စောင်ဖြင့်ရောင်းချပေးသွားမည်ဖြစ်ကြောင်း သိရသည်။

လျှောက်လွှာအရောင်းကာလမှာ ရန်ကုန်စာဖြေဌာနအတွက် သြဂုတ်လ ၉ ရက် မှ ၁၁ ရက်အထိလည်းကောင်း၊ မန်းလေးစာဖြေဌာနအတွက် သြဂုတ်လ ၉ ရက် မှ ၁၀ ရက်အထိဖြစ်ပြီး လျှောက်လွှာများကို ရန်ကုန်စာဖြေဌာန တွင် သြဂုတ်လ ၁၂ရက် မှ ၁၈ ရက်တွင်လည်းကောင်း၊ မန္တလေးစာဖြေဌာနတွင်သြဂုတ်လ၁၂ရက် မှ ၁၄ ရက်အထိလည်းကောင်း ပြန်လည်လက်ခံပေးသွားမည်ဖြစ်ကြောင်းသိရသည်။

ရှင်သာမဏေ၊ ရဟန်းတော်၊ သီလရှင်နှင့် ၁၀ နှစ်အောက် ဖြေဆိုသူများ Levelအားလုံးအတွက် လျှောက်လွှာ အရောင်းကာလနှင့်လက်ခံကာလကိုသြဂုတ်လ ၁၃ရက် မှ ၁၅ရက်အထိ သတ်မှတ်ထားကြောင်း သိရသည်။
Yangon-Times/PP
#Local_News
#YMG #Yangon_Times

Published_ 26 July 2023

မိုခါမုန်တိုင်းကြောင့်ထိခိုက်ပျက်စီးမှုများကို အာမခံလျှော်ကြေးပေးချေခဲ့ကြောင်းနှင့် တောင်သူလယ်သမားများ သီးနှံပျက်စီးသွားလည်းအာမခံကြေးရအောင် ဆောင်းစပါးသီးနှံရာသီအမီ သီးနှံအာမခံထားရှိနိုင်ရေး ပေါ်လစီရေးဆွဲဆောင်ရွက်လျက်ရှိကြောင်းသိရသည်။

ယင်းကဲ့သို့ဆောင်ရွက်လျက်ရှိကြောင်းကို (၃၃)ကြိမ်မြောက်အာမခံလုပ်ငန်းကြီးကြပ်ရေးအဖွဲ့အစည်းအဝေးတွင် အာမခံကြီးကြပ်ရေးလုပ်ငန်းကြီးကြပ်ရေးအဖွဲ့ဥက္ကဌ၊စီမံကိန်းနှင့်ဘဏာရေးဝန်ကြီးဌာန၊ဒုတိယဝန်ကြီးဦးမောင်မောင်ဝင်းကထည့်သွင်းပြောကြားခဲ့ခြင်းဖြစ်သည်။

ဒုတိယဝန်ကြီးက ရခိုင်ပြည်နယ်တွင်မိုခါမုန်တိုင်းကြောင့် ထိခိုက်ပျက်စီးခဲ့ရပြီး မီးအာမခံနှင့် မော်တော်ကာ’အာမခံထားရှိ ထားသူများကို အာမခံလျှော်ကြေးပေးချေမှုများဆောင်ရွက်ခဲ့ကြောင်း၊ တောင်သူလယ်သမားများအတွက်လိုအပ်သည့် သီးနှံအာမခံထားရှိနိုင်ရေးအတွက် မြန်မာ့အာမခံလုပ်ငန်းမှ ဆောင်းစပါးသီးနှံအမီပေါ်လစီပေါ်လစီရေးဆွဲဆောင်ရွက်လျက်ရှိကြောင်း၊သီးနှံကြိတ်ခွဲပြီးသယ်ယူသည့် အခါတွင်လည်းကောင်း၊သိုလှောင်သည့်အခါတွင်လည်းကောင်းလိုအပ်သည့်အာမခံအကာအကွယ်များဖြစ်သည့် မီးအာမခံ၊သယ်ယူပို့ဆောင်ရေးနှင့်ပတ်သက်သည့်အာမခံများကို အာမခံကုမ္ပဏီများမှရောင်းချပေးလျက်ရှိကြောင်း ပြောကြားသည်။

မြန်မာနိုင်ငံ၏ အာမခံဈေးကွက်တွင် မြန်မာ့အာမခံလုပ်ငန်းအပါအဝင် အစိုးရ၊ဖက်စပ်၊ပုဂ္ဂလိကပိုင် ကုမ္ပဏီစုစုပေါင်း(၂၇)ခုမှ အာမခံအမျိုးအစား(၄၂)မျိုးကိုဝန်ဆောင်မှုများပေးနေကြောင်း သိရသည်။
Yangon_Times/Tthl
#Local_News
#YMG #Yangon_Times

Publishded_ 26 July 2023

ဧရာဝတီမြစ်အဖြစ်စတင်မြစ်ဖျားခံစီးဆင်းရာ မေခနှင့်မလိခမြစ်ပေါင်းဆုံရာ ဒေသဖြစ်သည့် မြစ်ဆုံဒေသကို မြစ်ကြီးနားမြို့၏ ခရီးသွားပြယုဂ်တစ်ခုအဖြစ် အကောင်အထည်ဖော်ဆောင်ရွက်သွားမည်ဖြစ်ကြောင်း ပြန်ကြားရေးဝန်ကြီးဌာနမှသိရသည်။

ထိုသို့ဆောင်ရွက်ရာတွင် မြစ်ဆုံဒေသ၏ မူလသဘာဝအလှအပများကို ပျက်ဆီးဆုံးရှုံးမူ့မရှိစေရန်နှင့်ပြည်ပခရီးသွားများကိုဆွဲဆောင်နိုင်ရန်အတွက် အကောင်အထည်ဖော်သွားမည်ဖြစ်ကြောင်းသိရသည်။

မြစ်ဆုံဒေသကိုအဆင့်မြင့်တင်ဆောင်ရွက်ရာတွင် ပထမငါးနှစ်တာကာလအတွင်း မြစ်ဆုံသွားလမ်းနှင့် မြစ်ကြီးနားဆွန်ပရာဘိုပြည်ထောင်စုလမ်းမကြီးလမ်းဆုံနေရာများတွင် ကချင်တိုင်းရင်းသားတို့၏ ရိုးရာအမွေအနှစ်နှင့်အထိမ်းအမှတ်များပါဝင်သောမုဒ်ဦးတည်ဆောက်ခြင်း ၊မြစ်ဆုံသွားလမ်းအဆင့်မြှင့်တင်ခြင်းတို့ကိုဆောင်ရွက်သွားမည်ဖြစ်သည်။

ထို့ပြင် မြစ်ဆုံဧရိယာအတွင်းတွင် ကျယ်ဝန်းသောကားပါကင်တည်ဆောက်ခြင်း၊ Hallခန်းတွင် ရိုးရာစားသောက်ခန်းများထားရှိခြင်း၊ မြစ်ဆုံကျောက်များဖြင့်အလှဆင်သည့်လုပ်ငန်းများအားဖော်ထုတ်ပြသခြင်းတို့အပြင် နေရာရှူခင်းများကိုပြုပြင်၍အလှပန်းဥယျာဥ်ဆောင်ရွက်ခြင်း နှင့် ကလေးကစားကွင်းများကိုထည့်သွင်းတည်ဆောက်သွားမည်ဖြစ်ကြောင်းသိရသည်။

ကချင်ပြည်နယ် မြစ်ဆုံဒေသသည် မြစ်ကြီးနားမြို့နှင့် ( ၂၈ )မိုင်ကွာဝေးပြီး မော်တော်ယာဥ်ဖြင့်သွားလာပါက တစ်နာခွဲအချိန်ခန့်သာကြာမြင့်သည့်အတွက်ခရီးသွားများနှင့် ဒေသခံပြည်သူများ အများဆုံးလာရောက်လည်ပတ်ကြသည့်နေရာဒေသတစ်ခုဖြစ်ကြောင်း သိရသည်။
Yangon_Times/MND
#Local_News
#YMG #Yangon_Times

Published_ 26 July 2023

မုတ်သုန်အားကောင်းပြီး လေဖိအားနည်းရပ်ဝန်း၏သက်ရောက်မှုကြောင့် ရန်ကုန်အပါအဝင်ဒေသအချို့တွင် မိုးသည်းထန်မည်ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

ဘင်္ဂလားပင်လယ်အော်မြောက်ပိုင်းတွင်ဖြစ်ပေါ်နေသည့်လေဖိအားနည်းရပ်ဝန်းသည် နောက် (၂၄)နာရီအတွင်း အိန္ဒိယနိုင်ငံထဲသို့ဖြတ်ကျော်ဝင်ရောက်နိုင်သည်ဟုဆိုသည်။

ထူးခြားချက်အနေဖြင့် ဖိလစ်ပိုင် ပင်လယ်ပြင်တွင်ဖြစ်ပေါ်နေသောတိုင်ဖွန်းမုန်တိုင်း ဒေါ့ဆူရီသည်လည်းဇူလိုင်၂၈ရက်တွင်တရုတ်နိုင်ငံသို့ ဖြတ်ကျော်ဝင်ရောက်နိုင်သည်ဟုခန့်မှန်းထားသည်။

နောက်နှစ်ရက်အတွင်းတနင်္သာရီတိုင်း၊ရခိုင်ပြည်နယ်၊ကရင်ပြည်နယ်၊မွန်ပြည်နယ်တို့တွင်မိုးပိုမည်ဖြစ်ပြီး ရန်ကုန်မြို့တွင်မိုးတစ်ကြိမ်နှစ်ကြိမ်ထစ်ချုန်းရွာမည်ဖြစ်သလို မန္တလေးနှင့် နေပြည်တော်တွင်လည်း နေရာကွက်ကျားမိုးထစ်ချုန်းရွာမည်ဖြစ်ကြောင်းသိရသည်။

အခုရက်ပိုင်းအတွင်း စစ်တွေ၊ရေး။ပြည်၊ကျိုက်မရော၊ဘားအံ၊ခန္တီး၊တမူး၊ပေါင်၊ရန်ကုန်မင်္ဂလာဒုံ၊ ပူတာအို၊သထုံတို့တွင် မိုးသည်းထန်ခဲ့ပြီး မိုးရေချိန်များများခဲ့သည်။
Yangon_Times/tthl
#Local_News
#YMG #Yangon_Times

Published_ 26 July 2023

ရခိုင်ပြည်နယ်အတွင်း မိုခါမုန်တိုင်းကြာင့် စိတ်ပိုင်းဆိုင်ရာထိခိုက်ခဲ့သူ ပြည်သူများအား မိတ္တာ(Matta Clinic)အဖွဲ့က နှစ်သိမ့်ဆွေးနွေးမှုများ ပြုလုပ်ပေးလျက်ရှိကြောင်း ယင်း အဖွဲ့ထံမှ သိရသည်။

မိတ္တာအဖွဲ့အနေဖြင့်  လက်ရှိတွင် ရသေ့တောင်မြို့နယ်၊ ပေါက်တောမြို့နယ် ၊ ဘူးသီးတောင်မြို့နယ် သုံးမြို့နယ်ရှိ ကျေးရွာများအတွင်းသို့ ကွင်းဆင်းကာ စိတ်ပိုင်းဆိုင်ရာ နှစ်သိမ့်ဆွေးနွေးမှုများ ပြုလုပ်ပေးလျက်ရှိသည်ဟု သိရသည်။

ယင်းသို့ ပြုလုပ်ပေးရာတွင် ပြီးခဲ့သော ဇွန်လမှာစတင်ကာ ယနေ့အချိန်အထိ ကျေးရွာပေါင်း (၃၀)ခန့်ရှိ ကျေးရွာသူ/ကျေးရွာသားများအား နှစ်သိမ့်ဆွေးနွေးမှုများ ပြုလုပ်ပေးလျက်ရှိသည်။

အဆိုပါအဖွဲ့အနေဖြင့် ရခိုင် ပြည်နယ်အတွင်း အိမ်တိုင်ရာ ရောက် ဆွေးနွေးနှစ်သိမ့်မှုများ ပြု လုပ်ပေးနေသလို၊ အွန်လိုင်းမှတဆင့်လည်း ပြုလုပ်ပေးလျက်ရှိပြီး၊ ယင်းအတွက် အခကြေးငွေယူခြင်းမရှိဘဲ ဝန်တောင်မှုပေးနေခြင်းဖြစ်သည်။
Yangon_Times/my
#Local_News
#YMG #Yangon_Times