တရုတ်နိုင်ငံမှ အာတိတ်သမုဒ္ဒရာသို့ ၁၃ ကြိမ်မြောက် သိပ္ပံနည်းကျဆိုင်ရာ စူးစမ်းလေ့လာရေးခရီးစဥ်ဟာ ယခုလမှာ မြောက်ဝင်ရိုးစွန်းသို့ ရောက်ရှိခဲ့ပါပြီ။ ထိုသုတေသနထဲမှာ အဓိကပတ်ဝန်းကျင်ဆိုင်ရာ ဒြပ်စင်များ၊ ဘူမိဗေဒနဲ့ ဘူမိရူပစစ်တမ်းကောက်ယူချက်များလည်း ပါဝင်ပါတယ်။

Published_ 15 September 2023
#Asia_Science #အာတိတ်သမုဒ္ဒရာ #စူးစမ်းလေ့လာရေးခရီးစဥ်

#Daily_News
Published_ 15 September 2023

၁။ မွန်ပြည်နယ်တွင် မိုးကြီးရေလျှံပြီးတောင်ကျရေ၊ မြစ်ရေများကြီးနိုင်၍ မြေနိမ့်ပိုင်းနှင့် မြစ်နားကမ်းနားနေသူများ အရေးပေါ်ရွှေ့ပြောင်းရန်လို

၂။ ယခင်ဈေးမြင့်ပြန်ရဖို့ မျှော်လင့်တာကြောင့် နှမ်းစိုက်တောင်သူများ နှမ်းအကုန်ထုတ်မရောင်း

၃။ တိုင်းရင်းသားများ International School များတွင် Grade-1 မှစပြီး မြန်မာစာသင်ကြားခွင့်ရမည်ဖြစ်၍ ရေရှည်အတွက်ကောင်းနိုင်ဟုဆို

၄။ တရုတ်နိုင်ငံ၏ (၁၃)ကြိမ်မြောက် အာတိတ်သမုဒ္ဒရာစူးစမ်းလေ့လာရေးခရီးစဥ် မြောက်ဝင်ရိုးစွန်းသို့ ယခုလရောက်ရှိ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published_ 15 September 2023

မွန်ပြည်နယ်၊သံဖြူဇရပ်မြို့၊ အောင်ကုသိုလ်ရပ်ကွက်တွင် ဓာတ်တိုင်ပေါ်သို့ လျှပ်စစ်ဝါယာကြိုးတက်ခိုးသည့် အမျိုးသား ဓာတ်လိုက် သေဆုံးသွားကြောင်း သိရသည်။

အဆိုပါ အမျိုးသားမှာ ယမန်နေ့ စက်တင်ဘာလ ၁၄ ရက် ဓာတ်တိုင်ပေါ်သို့ လျှပ်စစ်ဝါယာကြိုးတက်ခိုးခဲ့စဉ် ဓာတ်လိုက်၍ သေဆုံးသွားခြင်း ဖြစ်ကြောင်း ၊ စေတနာရှင်လူမှုကူညီရေးအသင်းက ဝါယာကြိုးတက်ခိုးသည့် အမျိုးသား၏ ရုပ်အလောင်းကို ယနေ့ စက်တင်ဘာလ ၁၅ ရက် နံနက် ၆နာရီ ခွဲအချိန်ခန့်က ဓာတ်တိုင်ပေါ် တက်အောက်သို့ ချခဲ့ရကြောင်း သိရသည်။

အလားတူ ဖြစ်စဉ်မျိုး ကချင်ပြည်နယ် ၊ ဖားကန့်မြို့၊ ဆိုင်းတောင် (ခ) ဆိပ်မူ ရပ်ကွက် တွင် စက်တင်ဘာလ ၃ ရက်ကလည်းကောင်း၊ မန္တလေးတိုင်းဒေသကြီး၊ ချမ်းမြသာစည်မြို့နယ်တွင် စက်တင်ဘာလ ၈ ရက် ကလည်း ကောင်း ဖြစ်ပွားခဲ့ကြသေးကြောင်းလည်း သိရသည်။

#Local_News #လျှပ်စစ်ဝါယာကြိုးတက်ခိုး #ဓာတ်လိုက်သေဆုံး
Yangon_Times/PP

#Local_News
Published_ 15 September 2023

အင်းလျားကန်နှင့် ကန်တော်ကြီးကန်အတွင်း ရေများပြည့်နေပြီး သတ်မှတ်ရေချိန်အမှတ်ထက်ကျော်လွန်နေသည့် ရေများကိုရေပိုလွှဲမှ ထုတ်ယူစီးဆင်းလျက်ရှိကြောင်း ရန်ကုန်မြို့တော်စည်ပင်သာယာရေးကော်မတီမှသိရသည်။

ယင်းကဲ့သို့ သတ်မှတ်ရေချိန်ကျော်လွန်နေသဖြင့် ရေပိုလွှဲ၊ရေထိန်းတံခါးမှ ရေများထုတ်ယူနေသည့်အခြေအနေကို ရန်ကုန်မြို့တော်စည်ပင်သာယာရေးကော်မတီဥက္ကဌ(မြို့တော်ဝန်)၊ဦးဗိုလ်ဌေးနှင့်အဖွဲ့ဝင်များ လိုက်လံကြည့်ရူ စစ်ဆေးခဲ့သည်ဟုဆိုသည်။

အင်းလျားကန်သည် သတ်မှတ်ရေချိန်အမှတ်၄၈ပေကျော်လွန်နေသည့်ရေများကို ရေပိုလွှဲSpill Wayမှတစ်ဆင့် အင်းလျားကန်ရေထုတ်မြောင်း၊ကမ္ဘာအေးဘုရားလမ်းမြောင်း၊ ရန်ကင်းဆည်မြောင်းချောင်း၊ တောင်ဥက္ကလာ ရေပေါက်ကြည်ချောင်းများသို့ဖြတ်သန်းစီးဆင်းစေပြီး ထိုမှတစ်ဆင့် ငမိုးရိပ်ချောင်းအတွင်းသို့ စီးဝင်ကြောင်း သိရသည်။

ကန်တော်ကြီးကန်သည်လည်း သတ်မှတ်ရေချိန်အမှတ်၃၈ပေ ကျော်လွန်နေသည့်ရေများကို ရေထိန်းတံခါးမှ ထုတ်ယူနေမှုကို ကြည့်ရူစစ်ဆေးခဲ့ပြီး မိုးရွာနေသည့်အချိန်ထိစပ်ရပ်ကွက်များအတွင်းရေကြီးရေလျှံမဖြစ်စေရန် ရေထိန်းတံခါးအားပိတ်ထားပြီး မိုးတိတ်မှ သတ်မှတ်ရေချိန်အမှတ် ကျော်လွန်နေသည့်ရေများအား ထုတ်လွှတ်သွားရန် ရန်ကုန်မြို့တော်စည်ပင်သာယာရေးကော်မတီဥက္ကဌ(မြို့တော်ဝန်)မှမှာကြားခဲ့သည်။

အဆိုပါရေထိန်းတံခါးမှရေများသည် ရန်ကုန်တိရစ္ဆာန်ဥယျာဉ်ရေနုတ်မြောင်းမှတစ်ဆင့် ပုဇွန်တောင်ချောင်း အတွင်းသို့စီးဝင်သွားမည်ဖြစ်ကြောင်းသိရသည်။

#tthl #Local_News #အင်းလျားကန် #ကန်တော်ကြီးကန်
#Yangon_Times

ကိုဗစ်ကာလပြီး နောက်ပိုင်းမှာ ဂျပန်နိုင်ငံအတွင်း နိုင်ငံခြားသားလုပ်သား လိုအပ် ချက်များလာပြီး တရုတ်နဲ့ဗီယမ်နမ်နိုင်ငံခြားသားလုပ်သားတွေနေရာမှာ မြန်မာလုပ်သားကိုအစားထိုးပိုမိုခေါ်ယူလာတာ ဖြစ်တယ်လို့ သိရပါတယ်။

Published_ 15 September 2023
#ဂျပန် #မြန်မာလုပ်သားခေါ်ယူ #တရုတ်နဲ့ဗီယမ်နမ်
#YMG/LW #Yangon_Times

‘၂၀၂၃ ထဲမှာ ခရီးသွားပြန်ဝင်နေပြီဖြစ်ပြီး လာမယ့်ပွင့်လင်းရာသီမှာ နိုင်ငံခြားသားခရီးသွားတွေ လာရောက်လည်ပတ်လေ့လာတဲ့အခါမှာ အလွယ်တကူကြည့်ရူလေ့လာနိုင်အောင် ယဉ်ကျေးမှုဇုန်နဲ့ ပတ်သက်တဲ့သတင်းအချက်အလက်တွေ၊ မြေပုံတွေကိုစီစဉ်ဆောင်ရွက်ပေးထားတယ်’
ဒေါက်တာသန်းထိုက်၊ ရှေးဟောင်းသုတေသနနှင့်အမျိုးသားပြတိုက်ဦးစီးဌာန(မန္တလေးဌာနခွဲ)၊ညွှန်ကြားရေးမှူး

Published_ 15 September 2023
#အင်းဝယဉ်ကျေးမှုဇုန် #ရှေးဟောင်းသုတေသန #အမျိုးသားပြတိုက်
#tthl
#Yangon_Times

‘ အရင်တုန်းကလိုGrade10ရောက်မှမြန်မာစာစသင်ပြီး Grade11 ဆယ်တန်းမှာမြန်မာစာတန်းဖြေရတာမျိုး မဟုတ်ဘဲ မြန်မာသင်ရိုးနဲ့သင်ကြားပေးတဲ့ နိုင်ငံတကာကျောင်း International Schoolတွေမှာ မြန်မာစာကိုငယ်စဉ်ကတည်းက သင်ပေးမှာဖြစ်တဲ့အတွက် အခြေခံကောင်းသွားမှာဖြစ်တယ်’ ဦးနေအုပ်၊ နိုင်ငံတကာကျောင်းများအသင်းနာယက

Published_ 15 September 2023
#International School #မြန်မာစာတန်း
#tthl #Yangon_Times

ပြည်ပဝယ်လိုအား ရှိနေပေမယ့် နှမ်းဈေးကွက်မှာ အမြင့်ဈေးမှ အနိမ့်ဈေးကို ထိုးဆင်းလာတဲ့အတွက် နှမ်းစိုက်တောင်သူတွေမှာ ထွက်ရှိသလောက် ရောင်းချခြင်းမရှိဘဲ ဈေးပြန်မြင့် မယ့်အချိန်ကိုစောင့်ကြည့်နေတဲ့ သဘောရှိတယ်လို့ မကွေးတိုင်းတောင်သူဖွံ့ဖြိုးရေးအဖွဲ့အတွင်းရေးမှူး ဦးစိုးလွင်အေးက အခုလိုရှင်းပြပါတယ်။

Published_ 15 September 2023
#နှမ်းစိုက်တောင်သူ #နှမ်းဈေးကွက်
#YMG/LW
#Yangon_Times

Published_ 15 September 2023
#မွန်ပြည်နယ် #မိုးကြီးရေလျှံ
#tthl #Yangon_Times

၁၅ စက်တင်ဘာ ၂၀၂၃  

မြန်မာနစကအစိုးရ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဦးသန်းဆွေနှင့် ရုရှားနိုင်ငံခြားရေးဝန်ကြီး ဆာဂေးလာရော့ဗ်တို့ဟာ နှစ်နိုင်ငံ ဗဟိုဘဏ်များအကြား ပူပေါင်းဆောင်ရွက်ရေးကိစ္စတွေဆွေးနွေးခဲ့ကြတယ်လို့ TASS သတင်းဌာနက သတင်းရေးသားလိုက်ပါတယ်။

“ ကျွန်တော်တို့ဟာ စွမ်းအင်၊ ငြိမ်းချမ်းသော နျူကလီးယားဖွံ့ဖြိုးတိုးတက်ရေး၊ လေကြောင်းပျံသန်းရေး၊ ဆက်သွယ်ရေး၊ သတင်းအချက် အလက်နည်းပညာ၊ ကမ္ဘာမြေ remote probing အပါအဝင်  အာကာသလုပ်ငန်းများ၊ စိုက်ပျိုးရေး၊စားသောက်ကုနလုပ်ငန်းနှင့် ပို့ဆောင်ရေး အခြေခံအဆောက်အဦစတဲ့ နယ်ပယ်တွေမှာ အထူးအလားအလာရှိတာ သတိပြုမိကြပါတယ်။ ပြီးတော့  နှစ်နိုင်ငံ ဗဟိုဘဏ်တွေအပါအဝင် ဘဏ္ဍာရေးနှင့်ဘဏ်စနစ်အခြေခံ အဆောက်အဦတွေ ပူးပေါင်းဆောင်ရွက်မှုတွေကိုလည်း အထူးတလည် အာရုံစိုက်ဆွေးနွေးခဲ့ပါတယ်” လို့ ရုရှားနိုင်ငံခြားရေးဝန်ကြီးကပြောပါတယ်။

“ ပြင်ပအခြေအနေတွေကြောင့် ကုန်သွယ်ရေးအနုတ်အသိမ်းတွေ ကျဆင်းနေရတဲ့ ကုန်သွယ်ရေးနှင့်စီးပွားရေး ပြဿနာတွေကိုလည်း ကျွန်တော်တို့ အတော် အာရုံစိုက်ခဲ့ကြပါတယ်။ အဲဒီဦးတည်မှုကို ပြန်ပြောင်းပစ်ဖို့နှင့် ကောင်းမွန်တဲ့ တိုးတက်မှုတွေအတွက် လုပ်ဆောင်ရမယ့်ကိစ္စတွေလည်း စဉ်းစားခဲ့ကြပါတယ်” လို့ သူကဆက်ပြောပါတယ်။

မြန်မာဝန်ကြီး ဦးသန်းဆွေကလည်း နယ်ပယ်များစွာမှာ နှစ်နိုင်ငံပူးပေါင်းဆောင်ရွက်မှု တိုးတက်ဖို့ မြန်မာက နည်းလမ်းရှာဖွေနေတယ်လို့ ရုရှားနိုင်ငံခြားရေးဝန်ကြီးကို ပြောဆိုခဲ့ပါတယ်။

“ ပြီးခဲ့တဲ့ ဗလက်ဒီဗိုစတော့ခ် အရှေ့ဖျားစီးပွားရေးဖိုရမ်တုန်းက ရရှိခဲ့တဲ့ရလဒ်တွေကို ထောက်ခံအားပေးဖို့ ကျွန်တော်တို့ကိုယ်စားလှယ် အဖွဲ့ရောက်လာတာဖြစ်ပါတယ်။ ဒီခရီးစဉ်အတွင်း နယ်ပယ်အားလုံးမှာ နှစ်နိုင်ငံ ပူးပေါင်းဆောင်ရွက်မှု တိုးတက်ဖို့ နှစ်ဖက်သဘောထား တူညီမှုတွေ ကျွန်တော်တို့ရှာဖွေပါမယ်” လို့ ဦးသန်းဆွေက ဆက်လက်ပြောဆိုပါတယ်။

လာရော့ဗ်ကလည်း  မော်စကိုနှင့်နေပြည်တော်တို့ဟာ အမြင့်ဆုံးအဆင့်အပါအဝင် နိုင်ငံရေးဆွေးနွေးပွဲတွေ ရှေ့ဆက်ဆောင်ရွက်သွားမယ်လို့ သူ့ရဲ့ယုံကြည်မှုကိုဖော်ပြပြီးပြန်လည်ပြောဆိုခဲ့ပါတယ်လို့သတင်းများမှာဖော်ပြထားပါတယ်။

“ ကုန်သွယ်ရေး၊စီးပွားရေး၊ယဉ်ကျေးမှုနှင်ပညာရေးနယ်ပယ်တွေပါတဲ့ နယ်ပယ်အာလုံးမှာ အလွန်အလုပ်များတဲ့ နှစ်နိုင်ငံပူးပေါင်း‌ ဆောင်ရွက်မှုတွေ ကျွန်တော်တို့ ဆက်လက်ထိန်းသိမ်းနေပါတယ်။ အဆွေတော်ရဲ့ အရှေ့တောင်အာရှအခြေခံပြီး ကမ္ဘာလုံးဆိုင်ရာ မျက်မှောက် အခြေအနေတွေနှင့်ပတ်သက်လို့ ကျွန်တော်တို့ဆွေးနွေးကြတာ အမြင်ချင်းဖလှယ်တာနှင့် ထောက်ခံချက်ပေးတောတွေ အားလုံး ကျွန်တော်တို့ကကျေးဇူးတင်ပါတယ်” လို့လည်း ရုရှားနိုင်ငံခြားရေးဝန်ကြီးကပြောခဲ့ပါတယ်။

၁၅ စက်တင်ဘာ ၂၀၂၃

ပီတ လင်းဂျာရွန်ရတ် သည် သူ၏နေရာကို ဆက်ခံမည့်သူက  အတိုက်အခံခေါင်းဆောင် ရာထူးကိုရယူနိုင်ရေး လမ်းဖွင့်ပေးရန်အတွက် ရှေ့သို့ပါတီ(MFP) ၏ ခေါင်းဆောင်အဖြစ်မှ နှုတ်ထွက်လိုက်ပါတယ်။

စောင့်ကြည့်ရမည့် TIME100 Next ကမ္ဘာလုံးဆိုင်ရာ လူငယ်ခေါင်းဆောင်များစာရင်းတွင် ပါဝင်ခဲ့တဲ့  မစ္စတာပီတသည် သောကြာနေ့တွင် ၎င်း၏ နုတ်ထွက်သည့်သတင်းစကားကို  သူ၏ ဖေ့စ်ဘုတ်ခ် စာမျက်နှာမှတစ်ဆင့် MFP အဖွဲ့ဝင်များနှင့် သာမန်ပြည်သူများထံပေးပို့ခဲ့ပါတယ်။

သူ၏သတင်းစကားတွင် ပီတ က MFP သည် အတိုက်အခံအစုအဖွဲ့အတွင်း ပါလီမန်အမတ်ဦးရေ အများဆုံးရသော်လည်း ဖွဲ့စည်းပုံအခြေခံဥပဒေခုံရုံးက သူ့ကို ပါလီမန်အမတ်အဖြစ် တာဝန်ထမ်းဆောင်ရန် ဆိုင်းငံထားခြင်းခံရသည့်အတွက် သူ့အနေနှင့် အတိုက်အခံခေါင်းဆောင်ရာထူးကို လက်မခံနိုင်တာဖြစ်တယ်လို့ ပြောကြားထားပါတယ်။

 “လက်ရှိဖွဲ့စည်းပုံ အခြေခံဥပဒေမှာ အတိုက်အခံခေါင်းဆောင်ဟာ ထိပ်တန်းအတိုက်အခံပါတီကို ဦးဆောင်တဲ့ လွှတ်တော်ကိုယ်စားလှယ်ဖြစ်ရမယ်လို့ ပြဋ္ဌာန်းထားပါတယ်။ ဒါပေမယ့်  အောက်လွှတ်တော်မှာ ကိုယ်စားလှယ်အဖြစ်  ကျွန်တော့်ရဲ့ တာဝန်တွေကို မထမ်းဆောင်နိုင်သေးတာကြောင့်  မကြာမီကာလအထိ  အတိုက်အခံခေါင်းဆောင်အဖြစ် ကျွန်တော် လက်ခံလိုက်လို့မရပါဘူး” လို့သူကပြောပါတယ်။

 “ဗဟိုအလုပ်အမှုဆောင် ကော်မတီဝင်တွေ၊ပါတီအမတ်တွေနဲ့ တိုင်ပင်ပြီးတဲ့အခါ ပါလီမန်စနစ်မှာ အတိုက်အခံခေါင်းဆောင် နေရာက အရေးအကြီးဆုံးဖြစ်ပြီး အောက်လွှတ်တော်မှာ အဓိက အဓိက အတိုက်အခံပါတီက အဲဒီနေရာကို  ရယူသင့်တယ်လို့ ကောက်ချက်ချခဲ့ကြပါတယ်” လို့ သူကပြောပါတယ်။

 “တစ်နည်းဆိုရရင်  MFP ဟာ အစိုးရကိုတောင်လျောက်စောင့်ကြည့်ပြီး စစ်ဆေးမှုများပြုလုပ်ပြီး အစိုးရရဲ့ မူဝါဒတွေအထဲမပါတဲ့ ကိစ္စတွေကို ပြောင်းလဲပေးဖို့ တွန်းအားပေးရမယ့် တာဝန်ရှိတဲ့ အတိုက်အခံတွေကို ဦးဆောင်သင့်တယ်”

 “ကျွန်တော့်ကို အစားထိုးဖို့ အတိုက်အခံခေါင်းဆောင်ရဲ့ အခန်းကဏ္ဍကို ဆောင်ရွက် နိုင်တဲ့ လွှတ်တော်အမတ်တစ်ဦးကို ရွေးချယ်နိုင်အောင် MFP ခေါင်းဆောင်ရာထူးကနေ နုတ်ထွက်ဖို့ ဆုံးဖြတ်လိုက်တာပါ”

အသက်၄၃နှစ်အရွယ်ရှိ  ဟားဗတ်ကနေဒီအစိုးရကျောင်းထွက်ဖြစ်သော ပီတက သူသည် MFP အတွက် အလုပ်လုပ်ပေးမည်ဖြစ်ကာ  ပြည်သူများအတွက် တတ်နိုင်သမျှ အကောင်းဆုံး လုပ်ဆောင်သွားမယ်လို့လည်းဆိုပါတယ်။

 ပါတီခေါင်းဆောင်သစ်ကို ရွေးချယ်တင်မြှောက်ရန် စက်တင်ဘာ ၂၄ ရက်က ဘန်ကောက်မြို့ ဒင်ဒါန်းနယ်မြေရှိ Keelawes အဆောက်အဦ(၁) တွင် MFP ပါတီဝင် များအားလုံး စုဝေးရန် သူကတိုက်တွန်းခဲ့ပါတယ်။

 ပါတီ အထွေထွေ အတွင်းရေးမှူး ချိုက်သဝပ်တူလာတွန် သည် သူ့နေရာကို ဆက်ခံမည့် အလားအလာ ရှိသည်ဟု လေ့လာသူများက ခန့်မှန်းထားကြပါတယ်။

Source Bangkok Post

#Local_News
Published-15 September 2023

ဂျပန်ကုမ္ပဏီ (၃၀၀)ကျော်​က မြန်မာအလုပ်သမားဦး​ရေ (၁၀၀၀)​ ကျော်ခေါ်ယူမည်ဖြစ်ကြောင်း ဂျပန်​နိုင်​ငံ၊ တိုကျိုမြို့ရှိ မြန်မာသံရုံးက စက်တင်ဘာလ ၁၅ရက်(ယနေ့) ထုတ်ပြန်​လိုက်​သည်​။

မြန်မာသံရုံး၊ တိုကျိုမြို့မှ (၂၀၂၃) ခုနှစ်၊ ​စက်တင်ဘာလ (၁) ရက်​မှ (၁၅) ရက်​​အတွင်း စိစစ်ပြီး နိုင်ငံခြားရေးဝန်ကြီးဌာနသို့ ပေးပို့ပြန်ကြားခဲ့သည့် အလုပ်ကမ်းလှမ်းစာ (၃၄၂) ခုနှင့် ပတ်သက်သည့် အချက်အလက်များအား အသိပေးအကြောင်းကြားအပ်ပါသည်​ဟု ပါရှိသည်။

အဆိုပါထုတ်​ပြန်​ချက်​အရ ဂျပန်ကုမ္ပဏီ (၃၀၀)​ကျော်​က မြန်မာအလုပ်သမား အမျိုးသား (၃၀၀)​​​​ကျော်​၊ အမျိုးသ မီး( ၇၀၀)​ခန့် ၊ စုစု​ပေါင်း ဦး​ရေ (၁၀၀၀ )​ ကျော် ခေါ်ယူမည်ဖြစ်ကြောင်း သိရှိရသည်​။

မြန်မာသံရုံး၊ တိုကျိုမြို့အနေဖြင့် အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတစ်ဆင့် ပေးပို့လာသည့် အလုပ်ကမ်းလှမ်းစာ (Demand Letter) များကို အချိန်နှင့်တစ်ပြေးညီ စိစစ်ဆောင်ရွက်ပေးလျက်ရှိပြီး ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ/ ကုမ္ပဏီများသည် ဂျပန်နိုင်ငံတွင် တရားဝင်တည်ထောင်ထားခြင်း ရှိ/ မရှိ စာရွက်စာတမ်း အထောက်အထားများ စိစစ်ပြီး စိစစ်တွေ့ရှိချက် များ၊ သဘောထားမှတ်ချက်များကို နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့လျက်ရှိကြောင်း သိရသည်။

Wynn Mandalay Trading ကုမ္ပဏီ၏ ဥက္ကဌ ဒေါက်တာသင်ဇာကလည်း Wynn Mandalay Trading Company ကလည်း ဂျပန်နိုင်ငံတွင်ရင်းနှီးမြှုပ်နှံမှုပြုလုပ်၍ မြန်မာလုပ်သားများကို အလုပ်အကိုင်အခွင့်အလမ်းပေးရန်ဆောင်ရွက်နေပြီး လတ်တလောတွင် အဆိုပါကုမ္ပဏီအနေဖြင့် လတ်တလောတွင် ဂျပန်နိုင်ငံ၌ စက်ရုံတစ်ရုံဝယ်ယူရန်နှင့် စက်ရုံတစ်ရုံငှား၍ ဂျပန်နိုင်ငံရှိနည်းပညာရှင်များကို ခေါ်ယူ၍ မြန်မာလုပ်သားများကို အလုပ်အခွင့်များဖန်တီးပေးရန် လျာထားကြောင်းဆိုသည်။

"လတ်တလောအ​နေနဲ့က စက်ရုံ တစ်ရုံငှားဖို့လုပ်ထားတယ်။ ပြီးရင် ဂျပန် နည်းပညာရှင်ကိုခေါ်ပြီး ဒီဘက်ကိုပို့လိုက်တဲ့ မြန်မာအလုပ်သမားတွေကို စက်ရုံမှာထားမယ်။ မြန်မာစားသောက်ဆိုင်လေးတွေဖွင့်မယ်။ မြန်မာ traditional ပစ္စည်းလေးတွေရောင်းချမယ်။ အဓိက ကတော့ ဂျပန်နိုင်ငံရဲ့ FDAလို အသိအမှတ်ပြုတဲ့ လက်မှတ်နဲ့ထုတ်လုပ်မယ်။ ပြီးရင် မြန်မာနိုင်ငံကို ဒီနည်းပညာတွေသယ်ဆောင်လာပြီး ဒီမှာထုတ်လုပ်ဖို့ရည်မှန်းလုပ်ဆောင်နေပါတယ်"ဟု ယင်းကုမ္ပဏီ၏ဥက္ကဌ ဒေါက်တာသင်ဇာမှ ဆိုသည်။

ပြီးခဲ့သည့်ြသဂုတ်​လ (၁၆) ရက်​မှ (၃၁) ရက်​​အတွင်းကလည်း နိုင်ငံခြားရေးဝန်ကြီးဌာနသို့ စိစစ်ပေးပို့ပြန်ကြားခဲ့​သော အလုပ်ကမ်းလှမ်းစာ (၃၇၀) ခုတွင် မြန်မာအလုပ်သမား အမျိုးသား၊ အမျိုးသမီး စုစုပေါင်း ဦး​ရေ (၁၂၀၀)​​ခန့် ခေါ်ယူမည်ဖြစ်ကြောင်း မြန်မာသံရုံး၊ တိုကျိုမြို့က ထုတ်ပြန်ခဲ့သည်​။

#Local_News #ဂျပန်ကုမ္ပဏီ(၃၀၀)​ကျော်​ #မြန်မာအလုပ်သမားခေါ်ယူ
#Yangon_Times/PP