#World_Knowledge
Published 09 November 2023

ယောက်ျားတစ်ယောက်အနေနဲ့ မကောင်းတဲ့ အကြောင်းအရာ အချက်အလက်တစ်ခုကို အခြားလူတွေထံမှာ မျှဝေထုတ်ဖော်ဖို့ ခက်ခဲတယ်လို့ ခံစားနေရတာဟာ အဆန်းမဟုတ်ပါဘူး။

မကောင်းတဲ့ သတင်းတွေကို ယောက်ျားလေးတွေနဲ့ မိန်းကလေးတွေ ဘယ်လိုမျှဝေထုတ်ဖော်သလဲ ဆိုတာကို ကာနေဂီမယ်လွန်တက္ကသိုလ်မှ လေ့လာနှိုင်းယှဥ်ခဲ့ပါတယ်။

အမျိုးသားတွေဟာ မကောင်းတဲ့ သတင်းတွေကို အမျိုးသမီးတွေလောက် မျှဝေလေ့ မရှိဘူးလို့ Experimental Social Psychology ဂျာနယ်မှာ ဖော်ပြခဲ့ပါတယ်။

အမျိုးသမီးတွေက အမျိုးသားတွေထက် အကြောင်းအရာ ထုတ်ဖော်ပြောပြချင်တဲ့စိတ် ပိုများရတာဟာ မျှဝေချင်တဲ့ အကြောင်းအရာရဲ့ သဘောသဘာဝအပေါ်လည်း မူတည်ကြောင်း ဒေါက်တာ အယ်ရင်ကာဘိုနေးက ပြောပြသွားပါတယ်။

မျှဝေထုတ်ဖော်တဲ့ အကြောင်းအရာရဲ့ နောက်ဆက်တွဲအကျိုးတွေဟာ အမျိုးသားတွေနဲ့ အမျိုးသမီးတွေအပေါ် သက်ရောက်ပုံ မတူညီပါဘူး။

လူပေါင်းတစ်ထောင်ကျော်ကို သုတေသန ပြုလုပ်ခဲ့ရာမှာ အမျိုးသားတွေဟာ အမျိုးသမီးတွေလောက် မကောင်းတဲ့ အကြောင်းအရာတွေကို ပြောပြခြင်းမရှိဘဲ ထိန်းသိမ်းထားတတ်တာကို တွေ့ခဲ့ကြပါတယ်။

ဒါဟာ အမျိုးသားတွေက ဘေးနားကလူတွေ ဘယ်လိုထင်မြင်ကြမလဲဆိုတာကို စိုးရိမ်တာကြောင့် ဖြစ်နိုင်တယ်လို့ လေ့လာချက်အရ သုံးသပ်ရပါတယ်။

ဆန့်ကျင်ဘက်အနေနဲ့ အမျိုးသမီးတွေကတော့ ထုတ်ဖော်ဖွင့်ချလိုက်မှ နေသာထိုင်သာ ရှိသွားကြပါတယ်။

ထုတ်ဖော်ဖွင့်ပြောခြင်းဟာ ဒီဂျစ်တယ်ခေတ်မှာလည်း အဖြစ်များလာပြီး ဆိုရှယ်မီဒီယာတွေပေါ်မှာ ထုတ်ဖော်ပြောကြားလာကြကာ လူမှုပေါင်းသင်းရေးနဲ့ စိတ်ပိုင်းဆိုင်ရာ အကျိုးဆက်များ ထွက်ပေါ်လာပါတယ်။

ဒါပေမဲ့ ကောင်းတဲ့သတင်းတွေကို ထုတ်ဖော်ပြောပြချင်တဲ့စိတ်ကတော့ အမျိုးသားတွေနဲ့ အမျိုးသမီးတွေ အတူတူပဲ ဖြစ်နေပါတယ်။

#World_Knowledge #အမျိုးသား #အမျိုးသမီး #ထုတ်ဖော်ချပြလေ့မရှိ #Source: WION

#World_Health
Published 09 November 2023

အင်ပျဥ်ယားနာတွဟာ အဖြစ်များတဲ့ အရေပြားရောဂါဖြစ်ပြီး နီမြန်းယားယံတတ်တဲ့ အကွက်တွေ ဖြစ်ပါတယ်။

အပူအစပ်များ၊ အပူအအေး မတည့်ခြင်း၊ အလှကုန်ပစ္စည်းများ၊ ဆပ်ပြာမှုန့်၊ စိတ်ဖိစီးမှုအလွန်များပြားခြင်း စသဖြင့် အကြောင်းအမျိုးမျိုးကြောင့် ဖြစ်တတ်ပါတယ်။

စိတ်ဖိစီးမှုကြောင့်လည်း အင်ပျဥ်ကွက်များ ဖြစ်တတ်တာကို သိရှိထားဖို့လိုတယ်လို့ ကိုလိုရာဒိုဆေးတက္ကသိုလ်မှ အရေပြားရောဂါ ပရော်ဖက်ဆာ ဝစ်တနီဟိုက်က ပြောပြလိုက်ပါတယ်။

၂၀၁၈ လေ့လာချက်အရ အင်ပျဥ်ကွက်များ ကြာရှည်ခံစားရသူတွေဟာ စိတ်ဖိစီးမှုမြင့်မားပြီး ပိုမိုယားယံတတ်ကြတယ်လို့ တွေ့ရှိဖူးပါတယ်။

ဖိစီးမှုကြောင့် ဖြစ်ပေါ်တဲ့ ယားနာတွေဟာ များသောအားဖြင့် အနီရောင် ပန်းရောင်အဖုလေးများဖြစ်ပြီး လည်ပင်း၊ ရင်ဘတ်၊ မျက်နှာ၊ လက်တို့မှာ အဖြစ်များပါတယ်။

အချို့လူတွေမှာ နှုတ်ခမ်း၊ မျက်ခွံတို့ ရောင်ရမ်းခြင်းတို့ပါ ဖြစ်တတ်ပါတယ်။

အဖုသေးလေးတွေကစလို့ အဖုအပိန့်ကြီးတွေအထိ အစုလိုက်အပြုံလိုက် ဖြစ်တတ်ပြီး အချို့လူတွေမှာ ပူစပ်ပူလောင်ပါ ခံစားရတတ်ပါတယ်။

စိတ်ဖိစီးမှုဖြစ်တဲ့အခါ ခန္ဓာကိုယ်ကနေ တုန့်ပြန်တဲ့အနေနဲ့ ဖိစီးမှုဟော်မုန်း ကော်တီဆောလ်နဲ့ ဟစ္စတမင်းအပါအဝင်း အခြားဒြပ်ပေါင်းများ ထုတ်လုပ်ပေးပါတယ်။

ဖိစီးမှုကြောင့်ဖြစ်တဲ့ ယားနာတွေဟာ ကြာရှည်မဖြစ်တတ်ဘဲ ဖိစီးမှုအခြေအနေ ပြေလျော့သွားတာနဲ့ ၂၄ နာရီအတွင်း သက်သာသွားတတ်ပါတယ်။

အင်ပျဥ်ယားနာ ဖြစ်တဲ့အခါ ရောင်ရမ်းခြင်းနဲ့ နီမြန်းယားနာခြင်းတို့ကို သက်သာအောင် Benadryl ၊ Zyrtec ၊ Cortisone တို့လို သောက်ဆေးတွေ အသုံးပြုနိုင်ပါတယ်။

ပါးလွှာတဲ့ အရေပြားနေရာတွေဟာ ကုသရလွယ်ကူပေမယ့် ထူထပ်တဲ့နေရာတွေကတော့ လိမ်းဆေးတွေက သိပ်ပြီးမထိရောက်ပါဘူး။

အင်ပျဥ်ဖြစ်တဲ့နေရာတွေမှာ ကြပ်တဲ့အဝတ်အစားတွေ၊ အပူဒဏ်တို့ကို ရှောင်ရှားသင့်ပြီး ဒါတွေက ဖိအားဖြစ်ပြီး ပိုမိုဆိုးရွားစေတယ်လို့ ဆိုပါတယ်။

ဖိစီးမှုကြောင့်ဖြစ်တဲ့ ယားနာအင်ပျဥ်တွေ တာရှည်နေတယ်ဆိုရင်တော့ ပညာရှင်များနဲ့ တိုင်ပင်ဖို့ အကြံပြုထားပါတယ်။

ဒါ့အပြင် စိတ်ဖိစီးမှုကို လျှော့ချပြီး ယားနာအင်ပျဥ် မဖြစ်အောင် ကာကွယ်နိုင်ပါတယ်။

ဖိစီးမှုလျှော့ချနိုင်မယ့် နည်းလမ်းများကတော့..

-        လေ့ကျင့်ခန်းနဲ့ အားကစားများ

-        ကွန်ပျူတာ၊ ဖုန်း၊ ဆိုရှယ်မီဒီယာ အသုံးပြုချိန် ကန့်သတ်ခြင်း

-        ယောဂ၊ ထိုက်ချိ၊ အသက်ရှူလေ့ကျင့်ခန်း ကျင့်ကြံခြင်း

-        တရားထိုင်ခြင်း

-        မိတ်ဆွေအပေါင်းအသင်းနဲ့ လမ်းလျှောက်ထွက်ခြင်း

-        သီချင်းနားထောင်ခြင်း၊ စာအုပ်ဖတ်ခြင်း

-        ရုပ်သံအစီအစဥ် နားထောင်ခြင်းတို့ ဖြစ်ပါတယ်။

#World_Health #စိတ်ဖိစီးမှုကြောင့်ဖြစ် #ယားနာအင်ပျဥ် #Source: New York Post

၈ နိုဝင်ဘာ ၂၀၂၃

ရှမ်းပြည်နယ်မြောက်ပိုင်းပြဿနာ၏အစမှာ မူးယစ်ဆေးဝါးဖြစ်သည့်အတွက် မူးယစ်ဆေးဝါးနှိမ်နှင်းရေးနှင့် ယင်းအတွက် မြန်မာနိုင်ငံရဲတပ်ဖွဲ့စွမ်းရည်မြှင့်တင်ရေးဆောင်ရွက်သွားမယ်လို့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကပြောပါတယ်။

နိုဝင်ဘာ ၈ရက် က နေပြည်တော်ရှိ နစက ဥက္ကဋ္ဌရုံးအစည်းအဝေးခန်းမတွင်ကျင်းပတဲ့ အမျိုးသားကာကွယ်ရေးနှင့် လုံခြုံရေးကောင်စီအစည်းအဝေး(ကာ/လုံ)မှာ  ဗိုလ်ချုပ်မှူးကြီးက ပြောကြားခဲ့တာဖြစ်ပါတယ်။

“ရှမ်းပြည်နယ်မြောက်ပိုင်းတွင် ဖြစ်ပွားနေသည့် ပြဿနာ၏အစ မှာ မူးယစ်ဆေးဝါးပြသနာပင်ဖြစ်ကြောင်း၊ မူးယစ်ဆေးဝါးမှ ရရှိသောငွေများဖြင့် အာဏာရရှိရေးကို လက်နက်ကိုင်လမ်းစဉ်ဖြင့်အသက်ဆက်ခဲ့ကြောင်း၊ အဆိုပါလမ်းစဉ်ဖြင့် မူးယစ်ဆေး ထုတ်လုပ်၊ သယ်ဆောင် ရောင်းချမှုကို ကာကွယ်ခဲ့ကြောင်း၊ လောင်းကစားကဲ့သို့ တရား မဝင်လုပ်ငန်းများကိုလည်း လုပ်ဆောင်ခဲ့ကြောင်း” ဗိုလ်ချုပ်မှူးကြီးရဲ့ပြောကြားချက်ကို နစကသတင်းထုတ်ပြန် ချက်မှာဖော်ပြထားပါတယ်။

အဲဒီအတွက် ပြဿနာ၏ အရင်းအမြစ်ဖြစ်သည့် မူးယစ်ဆေးဝါးအမြစ်ပြတ်နှိမ်နင်းရေးကို ထိထိရောက်ရောက် ဆောင်ရွက်သွားရမည်ဖြစ်တယ်လို့ ဗိုလ်ချုပ်မှူးကြီးကပြောဆိုလိုက်ပြီး  ယင်းသို့ဆောင်ရွက်နိုင်ရန် တည်ငြိမ်ရေးနှင့် တရားဥပဒေစိုးမိုးရေးအတွက် မြန်မာနိုင်ငံရဲတပ်ဖွဲ့၏ စွမ်းရည်မြင့်မား ရေးကိုဆောင်ရွက် သွားရမည်ဖြစ်တယ်လို့ ဗိုလ်ချုပ်မှူးကြီးက ဆက်လက်ပြောဆိုပါတယ်။

ရပ်ရွာအေးချမ်းသာယာရေး၊ တရားဥပဒေ စိုးမိုးရေးရဲတပ်ဖွဲ့နှင့် လက်နက်ကိုင်ရဲတပ်ဖွဲ့ဟူ၍နှစ်မျိုးရှိကြောင်း၊ တပ်မတော်သည် နိုင်ငံတော်ကာကွယ်ရေးအတွက် အဓိကတာဝန်ရှိသော်လည်း မိမိတို့နိုင်ငံ၏သမိုင်း ကြောင်းအရ ပြည်တွင်းသောင်းကျန်းမှုများကို နှိမ်နှင်း ခဲ့ရကြောင်း၊ ထို့ကြောင့် မြန်မာနိုင်ငံရဲတပ်ဖွဲ့ကို ယခုထက်စွမ်းရည် တိုးတက်  မြင့်မားရေးဆောင်ရွက်သွားရမည်ဖြစ်တယ် လို့ ဗိုလ်ချုပ်မှူးကြီးကပြောဆိုပါတယ်။

ချင်းရွှေဟော်ဒေသ မှ တိမ်းရှောင်နေကြသည့် နိုင်ငံ့ဝန်ထမ်းများ၊ ပြည်သူများအား ပြန်လည်ခေါ်ဆောင်နိုင်ရေး ညှိနှိုင်းဆောင်ရွက်လျက်ရှိတယ်လို့လည်း ဗိုလ်ချုပ်မှူးကြီးကပြောပါတယ်။

MNDAA သောင်းကျန်းသူများအနေဖြင့် မူးယစ်ဆေးဝါး ထုတ်လုပ်မှုမှရရှိသည့် အကျိုး အမြတ်များကိုခံစားလိုပြီး ယင်းတို့၏အာဏာကို တည်ဆောက်လိုခြင်းကြောင့် ယခု ဖြစ်စဉ်များဖြစ်ပွားသည်ကိုတွေ့ရှိရတယ်လို့ ဗိုလ်ချုပ်မှူးကြီး က ကာ/လုံအစည်းအဝေးတွင်ပြောကြားခဲ့ပါတယ်။

လောက်ကိုင်ဒေသနှင့် ပတ်ဝန်းကျင်မှ မူးယစ်ဆေးဝါးများ ဖမ်းဆီးရမိမှုအနေဖြင့် ၂၀၀၆ ခုနှစ်မှစ၍ ကြီးမားသည့် မူးယစ် ဆေးဝါးဖြစ်စဉ် ၁၈ ခုရှိပြီး ဖမ်းဆီးရမိမှုအနေဖြင့် ၈၂  ကြိမ်၊ တရားခံပေါင်း ၁၄၀ ဦး၊ ကာလတန်ဖိုးငွေ ၇၁ ဒသမ ၅၉ ဘီလီယံဖိုး ဖမ်းဆီးရမိခဲ့တယ်လို့သိရပါတယ်။

အဆိုပါမူးယစ်ဆေးဝါးမှရရှိသည့် အကျိုးအမြတ်များကို သိရှိခြင်းကြောင့် MNDAA အဖွဲ့အနေ ဖြင့် လောက်ကိုင်ဒေသကို ပြန်လည်ရရှိအောင် လုပ်ဆောင်နေခြင်းဖြစ်တယ်လို့ နစကရဲ့သတင်းထုတ်ပြန်ချက်မှာ ဗိုလ်ချုပ်မှူးကြီးရဲ့ပြောကြားချက်ကို ကိုးကားဖော်ပြထားပါတယ်။

-ymg/knl

၈ နိုဝင်ဘာ ၂၀၂၃

ရှမ်းပြည်နယ်မြောက်ပိုင်း အခြေအနေများကို ပြန်လည်ထိန်းချုပ်နိုင်ပြီဖြစ်တယ်လို့ တပ်မတော်ကာ ကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကပြောပါတယ်။

နိုဝင်ဘာ(၈)ရက်က နေပြည်တော်ရှိ နစက ဥက္ကဋ္ဌရုံး အစည်းအဝေခန်းမတွင်ကျင်းပတဲ့ အမျိုးသား ကာကွယ်ရေးနှင့် လုံခြုံရေး ကောင်စီ အစည်းအဝေး(၃/၂၀၂၃)တွင် ဗိုလ်ချုပ်မှူးကြီးက ပြောကြားခဲ့တာ ဖြစ်ပါတယ်။

MNDAA အဖွဲ့အနေ ဖြင့်လည်း ထိခိုက်ကျဆုံးမှုများစွာဖြစ်ပေါ်လျက်ရှိပြီး တပ်မတော်အနေဖြင့် လိုအပ်တဲ့ပြန်လည်လက်တုံ့ပြန်မှုတွေဆောင်ရွက်သွားမယ်လို့ ဗိုလ်ချုပ်မှူးကြီးကပြောကြောင်း နစကရဲ့ သတင်း   ထုတ်ပြန်ချက်မှာဖော်ပြထားပါတယ်။

ရှမ်းပြည်နယ်(မြောက်ပိုင်း) လောက်ကိုင်ဒေသဖြစ်စဉ် များတွင် MNDAA အဖွဲ့အနေဖြင့်  တရုတ်နိုင်ငံထုတ် ကုန်ထုတ်လုပ်ငန်းသုံး Drone များကို အဓိကထားအသုံးပြု၍တိုက်ခိုက်ခဲ့ပြီး အဆိုပါ Drone ဈေးကွက်တွင်လွယ်ကူစွာဝယ်ယူ၍ရနေတယ်လို့ ဗိုလ်ချုပ်မှူးကြီးက ဆက်လက်ပြောကြားပါတယ်။

လာမည့်နိုဝင်ဘာ ၁၁ ရက်နေ့တွင် တရုတ်နိုင်ငံ၏ အကူအညီဖြင့် တည်ဆောက်ခဲ့သော ကွမ်းလုံတံတားသစ်ဖွင့်လှစ်ရန်အတွက် စီစဉ်ပြီးဖြစ်ကြောင်း၊ ယခုကဲ့သို့ အခြေအနေနှင့် အချိန်အခါ၌ MNDAA က ၎င်းဒေသကိုတိုက်ခိုက်လာ သည်မှာ များစွာသတိပြုသင့်သော အချက်ဖြစ်တယ်လို့လည်း ဗိုလ်ချုပ်မှူးကြီးက ထောက်ပြပြောဆိုပါတယ်။

ယခုဖြစ်စဉ်သည် မြန်မာနိုင်ငံနှင့် တရုတ်နိုင်ငံတို့၏ ဆက်ဆံရေးကို ထိခိုက်စေနိုင်ပြီး ဖြစ်စဉ်တွင် မိမိတို့နိုင်ငံမှ ကျည်ဆံများတရုတ် နိုင်ငံအတွင်း ကျရောက်သည်ဟု ပြောဆိုမှုများကြောင့် နှစ်ဖက် တာဝန်ရှိသူများကဖြေရှင်းဆောင်ရွက်လျက်ရှိတယ်လို့လည်း ဗိုလ်ချုပ်မှူးကြီးက ထုတ်ဖော်ပြောဆိုပါတယ်။ 

ယင်းအပြင်နယ်စပ် ဒေသဖြစ်သဖြင့် စစ်ဆင်ရေးဆောင် ရွက်ရာတွင် အထူးပင် ကန့်သတ်ထိန်းသိမ်း ဆောင်ရွက်ခဲ့ရကြောင်းနှင့် တစ်ဖက်အဖွဲ့အစည်းများအနေဖြင့် လက်လွတ်စပယ် လုပ်ဆောင်ခဲ့မှုနှင့် နှစ်နိုင်ငံအထင်အမြင်လွဲအောင် လုပ်ဆောင်နေမှုများရှိနေတယ်လို့လည်း ဗိုလ်ချုပ်မှူးကြီးက ပြောပါတယ်။

MNDAA အဖွဲ့အနေဖြင့် တိုက်ခိုက်မှုများ လုပ်ဆောင်ရန်အတွက် ၂၀၂၂ ခုနှစ် မှစတင်၍ ကြိုတင်  ပြင်ဆင်မှုများဆောင်ရွက်ခဲ့ပြီး ယင်းတို့နှင့် မဟာမိတ်ပြုထားသော အဖွဲ့များ နှင့် အကြိမ်ကြိမ်  ဆွေးနွေးခဲ့ ကြောင်းနှင့် ထိုကဲ့သို့တိုက်ခိုက်မှု လုပ်ဆောင်ရန်ပြင်ဆင်နေခြင်းကို MNDAA အဖွဲ့၏မဟာမိတ်များနှင့် ယင်းတို့၏မိတ်ဆွေများ အားလုံးသိရှိကြတယ်လို့ ဗိုလ်ချုပ်မှူးကြီးက ဆက်လက်ပြောဆိုပါတယ်။ ယခုဖြစ်ပွားခဲ့သည့်ဖြစ်စဉ်များတွင်လည်း ဦးဆောင်သူအနေဖြင့် ဖုန်ကြားရှင်၏သား ဖုန်တာရွှင်မှ ဦးဆောင် ခဲ့တယ်လို့လည်း ဗိုလ်ချုပ်မှူးကြီးကပြောပါတယ်။

အစိုးရအနေဖြင့် တရုတ်-မြန်မာ နှစ်နိုင်ငံဆက်ဆံရေးကို အလေးထားဆောင်ရွက်လျက်ရှိပြီး တပ်မတော်အနေဖြင့် နယ်မြေတည်ငြိမ်အေးချမ်းရေး၊ တရားဥပဒေ စိုးမိုးရေးနှင့် ပြည်သူများ၏ အသက်  အိုးအိမ်စည်စိမ်ကာကွယ်ရေးအတွက် လိုအပ်သည့် လုံခြုံရေး လုပ်ငန်းများကို ဆက်လက်ဆောင်ရွက်သွား မယ်လို့ ဗိုလ်ချုပ်မှူးကြီးက ပြောပါတယ်။

အဓိကအားဖြင့် မူဆယ်နှင့် ချင်းရွှေဟော်ဒေသသည် နယ်စပ်ကုန်သွယ်ရေး အတွက် အဓိကထား  ဆောင်ရွက်သည့် နေရာဒေသဖြစ်ပြီး လောက်ကိုင်ဒေသသည် ကိုးကန့်ကိုယ်ပိုင်အုပ်ချုပ်ခွင့်ရဒေသ၏မြို့  ဖြစ်  ကြောင်း၊ MNDAA အဖွဲ့အနေဖြင့် ယင်းတို့၏ဩဇာ အာဏာကိုပြန်လည်တည်ဆောက်ရန်အတွက် ယခုကဲ့သို့  တိုက်ခိုက်မှုများကို လုပ်ဆောင်လာ ခြင်းဖြစ်တယ်လို့လည်း ဗိုလ်ချုပ်မှူးကြီးက ကာ/လုံကို တင်ပြသွား ပါတယ်။

ယခုဖြစ်စဉ်များဖြစ်ပွားချိန်တွင် နယ်မြေခံပြည်သူ လူထုအနေဖြင့် MNDAA အဖွဲ့သတင်းအား တပ်မတော်ထံပေးပို့မှုများရှိပြီး ထိထိ ရောက်ရောက်ပြန်လည်တုံ့ပြန် မှုများကို ဆောင်ရွက်နိုင်သည်ကို တွေ့ရကြောင်း၊ MNDAA အဖွဲ့အနေဖြင့် လောက်ကိုင်ဒေသတွင် အာဏာပြန်လည်တည်ဆောက်နိုင်ရေး၊ TNLA အဖွဲ့အနေဖြင့် ပလောင်ပြည်နယ်ရရှိရေး၊ ကိုးကန့်အနေဖြင့် ကိုးကန့်ပြည်နယ် ရရှိရေးအတွက် ဆောင်ရွက်နေခြင်းဖြစ်ကြောင်းလည်း ဗိုလ်ချုပ်မှူးကြီးက ပြောဆိုပါတယ်။

ထို့အပြင် လောက်ကိုင်ဒေသတွင် လောင်းကစားလုပ်ငန်းများတရားမဝင်ဆောင်ရွက်နေခြင်းနှင့်  ပတ်သက်၍လည်း ဗိုလ်ချုပ်မှူးကြီးက ကာ/လုံအစည်းအဝေးတွင်ရှင်းလင်းပြောဆိုပါတယ်။

“၂၀၁၇ ခုနှစ်နောက်ပိုင်းတွင် လောက်ကိုင် ဒေသအတွင်း မူးယစ်ဆေးဝါးထုတ်လုပ်မှုနှင့် ရောင်းဝယ်မှု   များ များပြားလာသည့် အပြင် အခြားတရားမဝင်လုပ်ငန်းများလည်း ပါဝင်လာကြောင်း၊ အထူးသဖြင့် လောင်း ကစားဝိုင်းကိစ္စများဖြစ်ကြောင်း၊ ထိုသို့လုပ်ဆောင်မှုများတွင် တစ်ဖက်နိုင်ငံသားများက လာရောက်ရင်းနှီး   မြှုပ်နှံမှုများ ဆောင်ရွက်လာကြောင်း၊ ကိုဗစ် -၁၉ ဖြစ်ပွားချိန် နောက်ပိုင်းတွင် ၎င်းလောင်းကစားဝိုင်းများ သည် အွန်လိုင်းလောင်းကစားမှုများအဖြစ် အသွင်ပြောင်း၍ ဆက်လက်ဆောင်ရွက်ခဲ့သည်ကိုတွေ့ရတယ်”လို့ ဗိုလ်ချုပ်မှူးကြီးက ပြောဆိုပါတယ်။

၂၀၂၂ ခုနှစ်အတွင်း ၎င်းဒေသ၌ အွန်လိုင်းငွေကြေးလိမ်လည်မှုများ များပြားလာခဲ့ပြီး အဆိုပါအွန်လိုင်းငွေကြေးလိမ်လည်မှုလုပ်ငန်းများ ဆောင်ရွက်နေသူများမှာ တစ်ဖက်နိုင်ငံသားများ   ပိုင်ဆိုင်    သည့် ဟိုတယ်လုပ်ငန်းများဖြစ်သည်ကို စိစစ်တွေ့ရှိရတယ်လို့လည်း ဗိုလ်ချုပ်မှူးကြီးက ထုတ်ဖော်ပြော ဆိုပါတယ်။

လောက်ကိုင်နှင့် ချင်းရွှေဟော်ဒေသတွင် ဟိုတယ် ၁၅၃ ခုရှိကြောင်း၊ မြန်မာ နိုင်ငံရင်းနှီးမြှုပ်နှံမှု    ကော်မရှင်(MIC)၏ ခွင့်ပြုချက်ဖြင့်ဆောက်လုပ်ထားသော ဟိုတယ် ၁၂ လုံးသာရှိပြီးကျန်ဟိုတယ် ၁၄၁ ခုမှာ လောက်ကိုင်ဒေသအုပ်ချုပ်ရေးအဖွဲ့၏ အစီအစဉ်ဖြင့် လုပ်ပိုင်ခွင့်မရှိဘဲ ဆောင်ရွက်ထားခြင်းဖြစ်ကြောင်း၊ ၎င်းဟိုတယ်အများစုမှာ တစ်ဖက်နိုင်ငံမှ လာရောက်ရင်းနှီးမြှုပ်နှံ ဆောက်လုပ်ထားသည့် ဟိုတယ်များ ဖြစ်သည်ကိုတွေ့ရကြောင်း၊ အများစုမှာ ၂၀၁၈ ခုနှစ်နောက်ပိုင်း၌ တည်ဆောက်ခဲ့ပြီး အဆင့်မြင့် ၁၂ ထပ် ၁၃ထပ်အဆောက်အဦများကိုပင် တစ်နှစ်အတွင်း အပြီးတည်ဆောက်ခဲ့သည်ကိုတွေ့ရကြောင်း၊ အဆိုပါ ဟိုတယ်များ၌ အွန်လိုင်းငွေကြေး လိမ်လည်မှုများ နှင့် အခြားတရားမဝင်လုပ်ငန်းများဆောင်ရွက်နေသည်ကို စိစစ်တွေ့ရှိရကြောင်းလည်း ဗိုလ်ချုပ်မှူးကြီးကပြောပါတယ်။

အဆိုပါ ဟိုတယ်များအား စိစစ်ဖော်ထုတ်အရေးယူဆောင်ရွက် သည့်အချိန်တွင် တရုတ်နိုင်ငံသား  ၇၃၉၅ ဦး၊ ဗီယက်နမ်နိုင်ငံသား ၁၈၉ ဦး၊ ထိုင်းနိုင်ငံသား ၁၆၂ ဦး၊ မလေး  ရှား နိုင်ငံသား ၃၂ ဦးနှင့် လာအိုနိုင်ငံသား ၂ ဦးစုစုပေါင်း  ၇၇၈၀ ဦးဖမ်းဆီးရမိခဲ့ပြီး  အဆိုပါ ဖမ်းဆီးရမိ သူများထဲမှ တရုတ်နိုင်ငံသား ၆၈၉၂ဦးအား တရုတ်နိုင်ငံသို့ ပြန်လည်လွှဲပြောင်းပေးခဲ့တယ်လို့သိရပါတယ်။

ကျန်ရှိသူများကို စိစစ်ဆောင်ရွက် လျက်ရှိပြီး  အဆိုပါဒေသအတွင်း အွန်လိုင်းငွေကြေးလိမ်လည်  မှုများနှင့် တရားမဝင်လုပ်ငန်းများဆောင်ရွက်ခြင်းမျာ မရှိစေရေး တရုတ်နိုင်ငံ ပြည်သူ့လုံခြုံရေး ဝန်ကြီးနှင့် ဆွေးနွေးသဘောတူချက်အတိုင်း နှစ်နိုင်ငံ Task Force  ဖွဲ့စည်း၍ ဆောင်ရွက်သွားမည်ဖြစ်တယ်လို့ ဗိုလ်ချုပ် မှူးကြီးက အသိပေးပြောကြားပါတယ်။

ဒုတိယသမ္မတ ဦးဟင်နရီဗန်ထီးယူ နှင့် ပြည်သူ့လွှတ်တော်ဥက္ကဋ္ဌ ဦးတီခွန်မြတ်တို့က နိုင်ငံတော် တည်ငြိမ်အေးချမ်းရေး၊ တရားဥပဒေစိုးမိုးရေး၊ စစ်ဘေး ရှောင်ပြည်သူများအား လူသားချင်း စာနာ  ထောက်ထားမှုအကူအညီများ ထောက်ပံ့ ပေးအပ်ရေးဆိုင်ရာ ကိစ္စရပ်များကို ဆွေးနွေးတင်ပြခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီနောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယ ဗိုလ်ချုပ်မှူးကြီး စိုးဝင်းက ရှမ်းပြည်နယ်(မြောက်ပိုင်း)တွင် ဖြစ်ပွားနေသည့် တိုက်ပွဲများ၏အခြေအနေ၊ အကြမ်းဖက်သောင်းကျန်းသူ အဖွဲ့အစည်းများ စုပေါင်း၍ အဖျက်အမှောင့်လုပ်ငန်းများ ဆောင်ရွက်ခဲ့မှုနှင့် တပ်မတော်အနေဖြင့် နယ်မြေ တည်ငြိမ်အေးချမ်းမှု ပြန်လည်ရရှိအောင် ဆောင်ရွက်နေမှု အခြေအနေများကို ရှင်းလင်းတင်ပြခဲ့ပါတယ်။

   ယင်းနောက်ကာကွယ်ရေးဝန်ကြီးဌာနပြည်ထောင်စုဝန်ကြီး၊ ပြည်ထဲရေးဝန်ကြီး၏ဌာနပြည် ထောင်စုဝန်ကြီး၊ နိုင်ငံခြားရေးဝန်ကြီးဌာနပြည်ထောင်စုဝန်ကြီး၊ နယ်စပ်ရေးရာဝန်ကြီးဌာန ပြည်ထောင်စု   ဝန်ကြီးနှင့်အထူးဖိတ်ကြားထားသူများက မြောက်ပိုင်းတိုင်းစစ်ဌာနချုပ်နယ်မြေ၊ အရှေ့မြောက်တိုင်း  စစ်ဌာန ချုပ်နယ်မြေ၊ အရှေ့တောင် တိုင်းစစ်ဌာနချုပ်နယ်မြေ၊ အနောက်မြောက်တိုင်းစစ်ဌာနချုပ်နယ်မြေတို့  တွင် လက်နက်ကိုင်အကြမ်းဖက် သောင်းကျန်းသူအဖွဲ့များက တပ်စခန်းငယ်များ၊ ရဲစခန်းများ၊ မီးသတ်စခန်း   များကို တိုက်ခိုက်ခဲ့မှု၊ အစိုးရအဆောက်အဦနှင့် လမ်း၊ တံတားများအား မီးရှို့ဖျက်ဆီးခြင်း လုပ်ဆောင်ခဲ့မှု၊ စစ်ကိုင်းတိုင်းဒေသကြီးရှိ အချို့မြို့နယ်များတွင် NUG လက်အောက်ခံ PDF အမည်ခံ အကြမ်း ဖက်အဖွဲ့များက ကျေးရွာများတွင် ဆက်ကြေးကောက်ခံခြင်းနှင့် ပြည်သူလူထုအား ရက်စက်စွာ  သတ်ဖြတ်ခြင်းများ လုပ်ဆောင်ခဲ့မှု၊ အကြမ်းဖက်သောင်းကျန်းသူများကို ပြည်သူနှင့်တပ်မတော်ပူးပေါင်း၍ ထိရောက်စွာ တုံ့ပြန်ဆောင်ရွက်သွားရေး၊ တရားဥပဒေစိုးရေးနှင့် နယ်မြေဒေသတည် ငြိမ်အေးချမ်းရေး အမြန်ဆုံးပြန်လည်ရရှိအောင်ဆောင်ရွက်ရေးနှင့် ကယ်ဆယ်ရေး စခန်းများဖွင့်လှစ်၍ တိုက်ပွဲရှောင်ပြည်သူ များအား ကူညီစောင့်ရှောက်ပေးနေမှု ကိစ္စရပ် များကို ရှင်းလင်းတင်ပြခဲ့ကြတယ်လို့ သတင်းထုတ်ပြန်ချက်မှာ ဖော်ပြထားပါတယ်။

အစည်းအဝေးတွင် ယာယီသမ္မတ ဦးမြင့်ဆွေက လက်ရှိဖြစ်ပွားနေသည့် နယ်စပ်ဒေသ သောင်းကျန်း သူများအရေးကိစ္စနှင့်ပတ်သက်၍ တပ်မတော်အနေဖြင့် ယခုကဲ့သို့ စွမ်းစွမ်းတမံ မဆောင်ရွက်ပါက တိုင်းပြည် အစိတ်စိတ်အမွှာမွှာကွဲသွားနိုင်ကြောင်း၊ ယခုကိစ္စသည် သေသေချာချာ စနစ်တကျ ကိုင်တွယ်သွားရန်လို ကြောင်း၊ ယခုကဲ့သို့ တိုင်းပြည်အတွက် အရေးကြီးသည့်ကာလတွင် တစ်နိုင်ငံလုံးက တပ်မတော်ကို ထောက်ခံအကူအညီပေးရန်လိုအပ်ကြောင်း၊ တပ်မတော်အနေဖြင့်အသက်စွန့်တာဝန်ထမ်းဆောင် ကာကွယ် နိုင်ခဲ့သည့်အတွက် ယခုကဲ့သို့ အတိုင်းအတာတစ်ခုအထိ တည်ငြိမ်မှုရရှိနေခြင်းဖြစ်ကြောင်း၊ ယနေ့  ဆွေးနွေး  တင်ပြချက်များကို မှတ်တမ်းတင်ပါကြောင်းပြောကြားခဲ့ပါတယ်။

ကာ/လုံအစည်းအဝေးသို့ ယာယီသမ္မတ ဦးမြင့်ဆွေ၊ ဒုတိယသမ္မတ ဦးဟင်နရီဗန်ထီးယူ ပြည်သူ့လွှတ်တော်ဥက္ကဋ္ဌ ဦးတီခွန်မြတ်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း၊ ကာကွယ်ရေးဝန်ကြီးဌာန ပြည်ထောင်စု ဝန်ကြီး ဗိုလ်ချုပ်ကြီး တင်အောင်စန်း၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်၊ အထူးဖိတ်ကြားထားသည့် နိုင်ငံတော်စီမံအုပ်ချုပ်ရေးကောင်စီ အတွင်း ရေးမှူး ဒုတိယဗိုလ်ချုပ်ကြီး အောင်လင်းဒွေး၊ တွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ကိုးကန့်ကိုယ်ပိုင်အုပ်ချုပ်ခွင့်ရဒေသ ဥက္ကဋ္ဌ ဦးမြင့်ဆွေ တို့တက်ရောက်ခဲ့ကြတယ်လို့သတင်းရရှိပါတယ်။

-ymg/knl

အိန္ဒိယနိုင်ငံရဲ့ စီးပွားရေးအချက်အခြာ မွမ်ဘိုင်းမြို့မှာ ဆောက်လုပ်ရေးလုပ်ငန်းများ၊ ရာသီဥတု ပြောင်းလဲမှုများ အပါအဝင် အကြောင်းအရာ အမျိုးမျိုးကြောင့် လေထုညစ်ညမ်းမှု ပိုမိုဆိုးရွားလာပါတယ်။
#Asia_Climate
Published_ 08 November 2023
#ရာသီဥတုဖောက်ပြန်မှု #မွမ်ဘိုင်း

#Daily_News
Published_ 08 November 2023

၁။ လားရှိုးမြို့ရှောင်လမ်းမကြီးပေါ်တွင် လမ်းခရီးဆက်သွားမရဘဲ မော်တော်ယာဉ်များနှင့် ပြည်သူရာနှင့်ချီ ပိတ်မိနေဟုဆို

၂။ ကျိုက်ထီးရိုးစေတီတော်တွင် တန်ဆောင်တိုင် မသိုးသင်္ကန်းကပ်လှူပူဇော်ပွဲကျင်းပရန်ရှိ၊ တစ်လအတွင်းပြည်ပခရီးသွား(၁၈၀၀၀)ကျော် ဝင်ရောက်

၃။ တရုတ်သို့အဓိကတင်ပို့နေသည့် ဝဥခြောက်များအား ရှမ်းမြောက်တိုက်ပွဲများကြောင့် တင်ပို့မှုရပ်နားထားရ

၄။ ဆောက်လုပ်ရေးလုပ်ငန်းများ တိုးတက်လာခြင်းနှင့်ရာသီဥတုဖောက်ပြန်မှုကြောင့် မွမ်ဘိုင်းမြို့လေထုညစ်ညမ်းမှုအခြေအနေပိုမိုဆိုးရွားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

အလုပ်သမား ၁၀ဦးနှင့်အထက်ရှိတဲ့ လုပ်ငန်းတွေမှာ လုပ်ကိုင်နေတဲ့အလုပ်သမားတွေကို အနည်းဆုံးအခကြေးငွေ ၄၈၀၀ ကျပ်အပြင် အပိုထောက်ပံကြေး တစ်ရက်ကို ၁၀၀၀ ကျပ်ပေးရန် သတ်မှတ်ခဲ့ပေမယ့် အချိန်ပိုလုပ်ခကိုတော့ ယခင်သတ်မှတ်ထားတဲ့ အနည်းဆုံးအခေကြးငွေ ၄၈၀၀ ကျပ်ကို ဖြင့်သာ တွက်ချက်ပေးရမှာဖြစ်တယ်လို့ အလုပ်သမားဝန်ကြီးဌာနထံ က သိရပါတယ်။

#Local_News
#Published_ 08 November 2023
#အချိန်ပိုကြေး #အလုပ်သမားဝန်ကြီးဌာန
#YMG/LW #Yangon_Times

#Local_News
Published-8 November 2023

ရခိုင်ပြည်နယ်ရှိ အခြားသောဆိပ်ကမ်းများထက် ကုန်ကျစရိတ်များပြား‌နေခြင်းအပြင် ကယ်ဆယ်ရေးသင်္ဘောများအား ဦးစားပေးဆိုက်ကပ်နေသောကြောင့် စစ်တွေဆိပ်ကမ်းသစ်၌ သင်္ဘောဝင်ရောက်မှု နည်းပါးနေကြောင်း ရခိုင်ပြည်နယ် ကမ်းရိုးတန်းသွားသင်္ဘောများအသင်းမှ သိရသည်။

ရခိုင်ပြည်နယ်ကုန်သည်များနှင့် စက်မှုလက်မှုလုပ်ငန်းရှင်များအသင်းမှ 'အိန္ဒိယ-မြန်မာချစ်ကြည်ရေး ကုလားတန်မြစ်ဘက်စုံသုံး သယ်ယူပို့ဆောင်ရေး စီမံကိန်း'စစ်တွေဆိပ်ကမ်းအသစ်၌ ပြည်တွင်းကမ်းရိုးတမ်းသင်္ဘောများ စတင်ဆိုက်ကပ်နိုင်ပြီဖြစ်ကြောင်း စက်တင်ဘာလ ဒုတိယအပတ်အတွင်းက စတင်ကြေညာခဲ့သော်လည်း လက်ရှိအချိန်အထိ ကမ်းရိုးတန်း သင်္ဘောသုံးစီးသာဆိုက်ကပ်နိုင်သေးကြောင်း သိရသည်။

'ကပ်တာနည်းသေးတယ်ဆိုတာက စရိတ်တခြားဆိပ်ကမ်းတွေထက်များတာနဲ့ နောက်ကယ်ဆယ်ရေးသင်္ဘောတွေ ဦးစားပေးနေရတာကြောင့်ပါ၊ စရိတ်ကွာတယ်ဆိုပေမယ့် တခြားဆိပ်ကမ်းတွေ ထက်ဝန်ဆောင်မှု ပိုကောင်းပါတယ်၊ ဒါတွေကိုသင်္ဘော၊ ကုန်သည်ရော၊ ဆိပ်ကမ်းနဲ့ရော ညှိနှိုင်းပေးနေပါတယ်'ဟု ရခိုင်ပြည်နယ် ကမ်းရိုးတန်းသွား သင်္ဘောများအသင်းမှ တာဝန်ရှိသူတစ်ဦးက ပြောသည်။

လတ်တလောတွင် စစ်တွေဆိပ်ကမ်းသစ်၏ ကုန်ကျစရိတ်မှာအခြားသော ဆိပ်ကမ်းများထက် ၄၀ ရာခိုင်နှုန်းခန်အထိ ပိုမိုများပြားနေပြီး ကုန်တင်ကုန်ချနိုင်မှုနှုန်းထားမှာမူ ယခင်ကထက်ထက်ဝက်ခန့်အထိ ပိုမိုမြန်ဆန်ကြောင်းသိရသည်။

အိန္ဒိယ-မြန်မာ ချစ်ကြည်ရေး ကုလားတန် ဘက်စုံသယ်ယူပို့ဆောင်ရေးစီမံကိန်းကို ၂၀၀၈ ခုနှစ်တွင် အိန္ဒိယနှင့် မြန်မာအကြား သဘောတူလက်မှတ်ရေးထိုးခဲ့ခြင်းဖြစ်သည်။

အဆိုပါစီမံကိန်းကို အိန္ဒိယနိုင်ငံက ဒေါ်လာ ၄၈၄ သန်း ရင်းနှီးမြှုပ်နှံထားပြီး၂၀၁၀ ပြည့်နှစ်စက်တင်ဘာတွင် စတင်အကောင်အထည်ဖော်ခဲ့ခြင်းဖြစ်ကြောင်း သိရသည်။

#Local_News #ကယ်ဆယ်ရေးသင်္ဘော #သင်္ဘောဝင်ရောက်မှု နည်းပါး #YMG/NN #Yangon_Times

နိုဝင်ဘာလအတွင်းရောင်းရမည့် ဆန်ဈေးနှုန်းများသတ်မှတ်

‘ဧည့်မထအုပ်စုမှာ အနည်းဆုံး ၅၈၀၀၀ မှအများဆုံးကျပ် ၆၄၀၀၀ အထိ၊ ဧရာမင်း၊ ဧရာပဒေသာ၊ အထူးဧည့်မထ အုပ်စု ကျပ် ၆၅၀၀၀ မှ ကျပ် ၈၀၀၀၀ ထိ။ ဧရာဝတီပေါ်ဆန်းအုပ်စုကတော့ ၇၅၀၀၀ မှ ကျပ် ၈၀၀၀၀ ထိသတ်မှတ်ထားပါတယ်။ လက်လီ၊ လက်ကားဈေးကွက်၅ ရာခိုင်နှုန်း၊ စူပါမားကတ်တွေ၊ မီနီမတ်တွေမှာ၁၂ရာခိုင် နှုန်းကွာဟနိုင်တယ်’ မြန်မာနိုင်ငံဆန်စပါးအသင်းချုပ်
#Local_News
#Published_ 08 November 2023
#ဆန်ဈေးနှုန်း #ဧည့်မထအုပ်စု
#tthl #Yangon_Times

#Local_News
Published_ 08 November 2023

မျက်မမြင်များအနေဖြင့် အွန်လိုင်းမှ ဂျပန်(N5)၊ အင်္ဂလိပ်စာ၊ တရုတ်ဘာသာစကားများ အခမဲ့သင်ကြားနိုင်တော့မည်ဖြစ်ကြောင်း မြန်မာနိုင်ငံမျက်မမြင်များအသင်းမှ သိရသည်။

မြန်မာနိုင်ငံ မျက်မမြင်များအသင်းနှင့် Waso Learn Mobile Application တို့ပူးပေါင်း၍ အမြင်အာရုံမသန်စွမ်းသူ ညီအကိုမောင်နှမများအတွက် အွန်လိုင်းမှ အခမဲ့သင်ကြားပေးမည်ဖြစ်သည်ဟု ဆိုသည်။

လျှောက်ထားနိုင်သည့် ဘာသာစကားသင်တန်းများကတော့ ၁။ အခြေခံဂျပန်စာ (N5)၊၂။ အခြေခံတရုတ်စကားပြော၊ ၃။ English Fluency တို့ဖြစ်ပြီး ဘာသာစကားသင်တန်းအားလုံးအတွက် Level End Test ဖြေဆိုရမည်ဖြစ်ပြီး ဖြေဆိုအောင်မြင်ပြီးပါက Waso Learn မှချီးမြှင့်သော သင်တန်းဆင်းလက်မှတ် (Soft Copy) ကို ရရှိမည်ဖြစ်သည်။

သင်တန်းတက်ရောက်လိုသူများသည် သင်တန်းအားပြီးဆုံးသည်အထိ တက်ရောက်နိုင်သူ၊ အင်တာနက် ကောင်းမွန်စွာအသုံးပြုနိုင်သူလစဉ် မိမိသင်ခန်းစာလေ့လာခြင်း ပြီးမြောက်မှုအခြေအနေကို Viber Group တွင် ပြန်လည်အစီရင်ခံနိုင်သူဖြစ်ရမည် ဖြစ်ကြောင်းဖော်ပြထားသည်။

တက်ရောက်လိုသူများအနေဖြင့် အောက်ပါအချက်အလက်များအား ပြည့်စုံစွာဖြည့်စွက်၍ မြန်မာနိုင်ငံ မျက်မမြင်များအသင်း Viber ဖုန်းနံပါတ် ၀၉-၂၆၂၂၄၇၀၇၈ သို့ ၂၀၂၃ ခုနှစ်၊ နိုဝင်ဘာလ၊ ၂၄ ရက်နေ့ ညနေ ၄:၀၀ နာရီနောက်ဆုံးထား၍ ပေးပို့လျှောက်ထားနိုင်သည်။

အသံမက်ဆေ့ဖြင့် ပေးပို့လျှောက်ထားသူများအနေဖြင့် ဖုန်းနံပါတ်နှင့် အီးမေးလ်လိပ်စာအား စာဖြင့်ရေးသား၍ ထပ်မံပေးပို့ရန်နှင့် ၁။ အမည်၊ ၂။ ပညာအရည်အချင်း၊ ၃။ မမသအသင်းဝင်ဖြစ်ပါက အသင်းဝင်အမှတ်၊ ၄။ ဆက်သွယ်ရန်ဖုန်းနံပါတ် ၅။ နေရပ်လိပ်စာ အပြည့်အစုံ၊ ၆။ တက်ရောက်လိုသည့်အတန်း၊ ၇။ အီးမေးလ်လိပ်စာတို့ပါဝင်ရမည်ဖြစ်ကြောင်း သိရသည်။

#Local_News #ဂျပန်(N5) #အင်္ဂလိပ်စာ #တရုတ်ဘာသာစကား #tthl #Yangon_Times

'ပြည်တွင်းမှာကနဂိုကထဲကဝဥစားတာကနည်းတယ်၊ ပြည်ပကလောလောဆယ်မကောင်းသေးဘူး၊ နယ်စပ်လမ်း‌ကြောင်းကလည်းပိတ်ထားတာလေနော် 'မြန်မာနိုင်ငံဝဥစိုက်ပျိုးတင်ပို့ရောင်းချသူများ အသင်းဥက္ကဌဦးကျော်သူ

‌#Local_News
Published_ 08 November 2023
#ဝဥခြောက် #ရှမ်းမြောက်တိုက်ပွဲ
#YMG/NN #Yangon_Times

#Local_News
Published-8 November 2023

ယခုအပတ်သုံးရက်တာအတွင်း ကမ္ဘာ့ရွှေဈေးတစ်အောင်စကို ကန်ဒေါ်လာ ၂၀အထိ ကျဆင်းနေပြီး ရန်ကုန်အခေါက်ရွှေပြင်ပပေါက်ဈေးမှာလည်း တစ်ကျပ်သားကို ကျပ်သုံးသောင်းဝန်းကျင်ခန့်ကျဆင်းလာကြောင်း ရန်ကုန်ရွှေဈေးကွက်ထဲက သိရသည်။

ထိုသို့ကျဆင်းရာတွင် နိုဝင်ဘာ ၆ ရက်က ကမ္ဘာ့ရွှေဈေးတစ်အောင်စလျှင် ကန်ဒေါ်လာ ၁၉၈၅ ဒေါ်လာရှိခဲ့ရာမှ ယနေ့တွင် ကန်ဒေါ်လာ ၁၉၆၅ ဒေါ်လာအထိ ကျဆင်းလာခြင်းဖြစ်သည်။ ရန်ကုန်အခေါက်ရွှေပြင်ပပေါက်ဈေးနှုန်းမှာမူ သုံးရက်တာအတွင်း တစ်ကျပ်သားလျှင် ကျပ်သုံးသောင်းဝန်းကျင်အထိ ကျဆင်းနေခြင်းဖြစ်ပြီး ယနေ့တွင် ၃,၄၇၂,၀၀၀ကျပ်ဖြင့် အရောင်းအဝယ်ဖြစ်နေကြောင်း သိရသည်။

ရန်ကုန်တိုင်း‌ဒေသကြီး ရွှေလုပ်ငန်းရှင်များအသင်း၏ အခေါက်ရွှေရည်ညွှန်းဈေးနှုန်းမှာ တစ်ကျပ်သားကို ၃,၁၀၄,၀၀၀ ကျပ် မှ ၃,၀၇၂,၇၀၀ ကျပ်အထိ ကျဆင်းလာခဲ့သည်။

အဆိုပါကဲ့သို့ ကမ္ဘာ့ရွှေဈေးနှုန်းအတက်အကျ အလိုက်မြန်မာ့ရွှေ ဈေးအတက်အကျ ဖြစ်နေသော်လည်း ပြည်တွင်းဈေးကွက်ထဲမှာမူ အရောင်းအဝယ်အေးနေပြီးကမ္ဘာ့ရွှေဈေးကျဆင်းနေခြင်းကြောင့် ပြည်တွင်းဈေးပါ လိုက်ပါကျဆင်းနေကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းဥက္ကဌဦးမျိုးမြင့်က ရန်ကုန်မီဒီယာဂရုကိုပြောသည်။

ရန်ကုန်ဈေးကွက်အတွင်းသို့ မွန်ပြည်နယ်၊ ဧရာဝတီတိုင်းစသည့်ဖြင့် တိုင်းဒေသကြီးနှင့်ပြည်နယ်များမှ လက်ဝတ်ရတနာအထည်ပျက်ကုန်ကြမ်းများ ဝင်ရောက်လေ့ရှိပြီး ရွှေလုပ်ကွက်များမှကုန်ကြမ်းများလည်း ဝင်ရောက်လေ့ရှိကြောင်း သိရသည်။

#Local_News #ကမ္ဘာ့ရွှေဈေးတစ်အောင်စ #ကန်ဒေါ်လာ၂၀ #YMG/NN #Yangon_Times