‘စင်ကာပူ၊ ဂျပန်၊ မလေးရှား၊ ထိုင်းစတဲ့အာရှနိုင်ငံတွေက မှာယူမှုတွေအပြင် ဒူဘိုင်းကလည်းဝယ်ယူဖို ဈေးညှိနှိုင်းတာတွေရှိနေသလို UK နဲ့ US နိုင်ငံတွေကလည်းမှာ ယူတာတွေရှိပါတယ်’ ကိုဖိုးဇော်၊ (အုန်းလက်မှုထုတ်ကုန်လုပ်ငန်းရှင်)

#မြန်မာ့အုန်းလက်မှုပစ္စည်းများ
Published_ 5 August 2023
#Tthl
#Yangon_Times

ကိုယ်ဝန်ဆောင်မိခင်တွေကို သံဓာတ်ဆေးပြားနဲ့ ဗီတာမင်ဘီဝမ်းဆေးပြားတွေ၊ နို့တိုက်မိခင်တွေကို ဗီတာမင်ဘီဝမ်းဆေးပြားတွေ တိုက်ကျွေးသွားမှာဖြစ်ပါတယ်။ အသက်ခြောက်လမှ ငါးနှစ်အောက် ကလေးငယ်တွေနဲ့ နို့တိုက်မိခင်တွေကို ဗီတာမင်အေဆေးလုံး တိုက်ကျွေးသွားဖြစ်တယ်။
(ကျန်းမာရေးဝန်ကြီးဌာန)

#နို့တိုက်မိခင်နှင့်ကလေးငယ်များကိုဗီတာမင်တိုက်ကျွေး
Published_ 5 August 2023
#tthl
#Yangon_Times

ထိုင်းသံရုံးက ဗီဇာဝန်ဆောင်မှုပေမယ့် ပြည်တွင်းကုမ္ပဏီများအားလုံး စံချိန်စံညွှန်းအရည်အချင်းပြည့်မီဟုဆို

Published_ 5 August 2023
#ထိုင်းဗီဇာဝန်ဆောင်မှု
#YMG/my
#Yangon_Times

#World_News
Published 5 August 2023

အမေရိကန်ပြည်ထောင်စုတဝှမ်းရှိ ဆေးရုံများချိတ်ဆက်ထားတဲ့ ကွန်ရက်တစ်ခုဟာ ဩဂုတ် ၅ ရက်နေ့မှာ ဆိုက်ဘာတိုက်ခိုက်မှုတစ်ခု ဖြစ်ပွားခဲ့ကာ အရေးပေါ်အခန်းများ ပိတ်သိမ်းလိုက်ရပြီး လူနာတင်ယာဉ်များကို လမ်းကြောင်းလွှဲခဲ့ရပါတယ်။

ကွန်ရက်ထိခိုက်မှု အတိုင်းအတာကို သိရှိဖို့အတွက် ဆေးရုံအုပ်ချုပ်ရေးအဖွဲ့က လုပ်ဆောင်နေပြီး မူလစောင့်ရှောက်ရေးဝန်ဆောင်မှု အများအပြားကိုလည်း ပိတ်ထားခဲ့ပါတယ်။

ဆိုက်ဘာတိုက်ခိုက်မှု ပြုလုပ်ခဲ့တဲ့ လူပုဂ္ဂိုလ် အဖွဲ့အစည်းကိုတော့ လက်ရှိအချိန်အထိ မသိရသေးပါဘူး။

ကွန်နက်တီကတ်၊ ပန်ဆယ်လ်ဗေးနီးယား၊ ရုတ်ဒ်အိုက်လန်း၊ တက္ကဆပ်တို့မှာ ဆေးရုံတွေ ဆေးခန်းတွေရှိတဲ့ လော့စ်အိန်ဂျလိစ်အခြေစိုက် Prospect Medical Holdings ရဲ့ ကွန်ပျူတာစနစ်တွေဟာ ransomware ဖြင့် ဟက်ခံခဲ့ရကြောင်း ဒေသတွင်းမီဒီယာများ ဖော်ပြခဲ့ကြပါတယ်။

"Prospect Medical Holdings, Inc ဟာ လုပ်ငန်းလည်ပတ်မှုတွေကို ထိခိုက်စေလောက်တဲ့ ဒေတာလုံခြုံရေးပြဿနာတစ်ခု ကြုံတွေ့ခဲ့ရပါတယ်" လို့ ကုမ္ပဏီက ထုတ်ပြန်ထားပါတယ်။

"ဟက်ခံရတာကို သိရှိပြီးနောက် အချက်အလက်တွေ ကာကွယ်နိုင်ရန်အတွက် ဆေးရုံစနစ်တွေကို အော့ဖ်လိုင်းပြောင်းလဲခဲ့ကာ ပြင်ပဆိုက်တာလုံခြုံရေး ကျွမ်းကျင်သူများရဲ့ အကူအညီဖြင့် စုံစမ်းစစ်ဆေးမှုပြုလုပ်ခဲ့ပါတယ်။ စုံစမ်းမှုများ ဆက်လက်လုပ်ဆောင်နေပြီး လုပ်ငန်းလည်ပတ်မှုများ တတ်နိုင်သမျှ အမြန်ဆုံးပြန်လည်လည်ပတ်နိုင်ရန် သေချာလုပ်ဆောင်နေကာ လူနာများရဲ့ လိုအပ်ချက်များအတိုင်း ကိုင်တွယ်ဖြေရှင်းနိုင်ရန် အာရုံစိုက်နေပါတယ်" လို့ ပြောကြားခဲ့ပါတယ်။

ကွန်နက်တီကတ်မှာဆိုရင် မန်ချက်စတာမမ်မိုရီယယ်နဲ့ ရော့ခ်ဗီးလ်အထွေထွေဆေးရုံတို့ရှိ အရေးပေါ်ဌာနများကို ကြာသပတေးနေ့က ပိတ်သိမ်းခဲ့ရကာ လူနာများကို အနီးနားရှိ အခြားဆေးဘက်ဆိုင်ရာဌာနများသို့ ညွှန်ကြားပေးခဲ့ကြောင်း AP သတင်းအေဂျင်စီက ဖော်ပြခဲ့ပါတယ်။

အဖွဲ့အစည်းအားလုံးအပေါ် ဆိုက်ဘာတိုက်ခိုက်မှုရဲ့ သက်ရောက်မှုကို အကဲဖြတ်ပေးမယ့် အဖွဲ့တစ်ဖွဲ့ရှိတယ်လို့ ကွန်နက်တီကတ်အရှေ့ပိုင်းကျန်းမာရေးကွန်ရက်မှ အော်ပရေးတင်းအရာရှိ 'ဂျီလီယန်မန်ဇယ်လ်'က ကြေညာခဲ့ပါတယ်။

FBI ကလည်း တရားဥပဒေစိုးမိုးရေး မိတ်ဖက်များ၊ နစ်နာသူအဖွဲ့အစည်းများနဲ့ လက်တွဲလုပ်ဆောင်နေကာ ဆက်လက်စုံစမ်းရေးအတွက်တော့ နောက်ထပ်မှတ်ချက်မပေးခဲ့ပါဘူး။

ပန်ဆယ်လ်ဗေးနီးယားမှာတော့ ဆေးရုံတွေမှာ ကွန်ပျူတာအများစုက အော့ဖ်လိုင်းဖြစ်နေတာကြောင့် စာရွက်စာတမ်းစနစ်သို့ ပြောင်းလဲထားကြောင်း ခရိုဇာချက်စတာဆေးဘက်ဆိုင်ရာစနစ်မှ သူနာပြုများသမဂ္ဂမှ ပြောကြားလိုက်ပါတယ်။

လာမယ့်သီတင်းပတ်အထိ ကွန်ပျူတာများမှာ အွန်လိုင်းပြန်ရဖွယ်မရှိကြောင်းလည်း Prospect Medical မှ အလုပ်သမားအဖွဲ့ရဲ့ ပြောကြားချက်အရ သိရှိရပါတယ်။

ဆိုင်းငံ့ထားရတဲ့ ကျန်းမာရေးစောင့်ရှောက်မှုတွေထဲမှာ ရွေးချယ်ထားတဲ့ ခွဲစိတ်မှုများ၊ ပြင်ပလူနာချိန်းဆိုချက်များ၊ သွေးစစ်ဆေးမှုများ၊ အခြားဝန်ဆောင်မှုများ ပါဝင်ပါတယ်။

စင်တာအချို့ကတော့ အရေးပေါ်ဌာနများကို ကြာသပတေးနေ့နှောင်းပိုင်းမှာ ပြန်လည်ဖွင့်လှစ်ခဲ့ပေမယ့် မူလစောင့်ရှောက်ရေးဝန်ဆောင်မှု အများအပြားကို သောကြာနေ့မှာ ပိတ်ထားပါတယ်။

#World_News #ဆေးရုံကွန်ယက်ကိုဆိုက်ဘာတိုက်ခိုက်ခံရ
#Source: WION

#Local_News
Published_ 5 August 2023

မြန်မာနိုင်ငံတွင်ဆန်စပါးဈေးကွက်ထဲ လူသစ်အချို့ရောက်လာကာ ရည်ရွယ်ချက်ရှိရှိဝင်ရောက်ဈေးကစားခဲ့ကြတယ်လို့ မြန်မာနိုင်ငံ ဆန်စပါးအသင်းချုပ် ဥက္ကဋ္ဌ ဦးရဲမင်းအောင်က ပြောပါတယ်။

“အဲဒီသူတွေက ရည်ရွယ်ချက်ရှိရှိနှင့် ဝင်လာဈေးကစားကြသူတွေပါ။ ဒီလောကကမဟုတ်ဘဲ လူသစ်တွေပါ။ သူတို့ကို ပညာပေး စည်းရုံးမှုတွေ လုပ်နေပါတယ်” လို့ ဦးရဲမင်းအောင်က ဆက်လက်ပြောကြားပါတယ်။

ထို့အပြင်သူက မြန်မာနိုင်ငံတွင် မနှစ်ကထုတ်လုပ်ထားသည့်ဆန်များနှင့်တစ်နှစ်ကထွက်ရှိထားသည့် စပါးများ ရှိနေသေးကြောင်း၊ဆန်အဟောင်းလက်ကျန်များရှိနေသေး၍ လက်ရှိအခြေအနေတွင် ဆန်ဖူလုံမှုအတွက်စိုးရိမ်စရာမရှိဘူး လို့လည်း ပြောကြားပါတယ်။

မြန်မာနိုင်ငံဆန်စပါးအသင်းချုပ်အနေဖြင့် အများပြည်သူများသို့ သက်သောသောဈေးနှုန်းဖြင့် ဆန်ရောင်းချပေးမည့် အစီအစဉ်ကို ဩဂုတ်(၄)ရက် သောကြာနေ့က ထုတ်ပြန်ကြေညာခဲ့ပါတယ်။ အဆိုပါကြေညာချက်အရ လာမည့် ဩဂုတ်လ (၇)ရက် တနင်္လာနေ့မှစတင်ကာ ၁၀၈ပေါင်ပါ အိတ်တစ်အိတ်ကို ရွှေဘို ပေါ်ဆန်းမွှေးဆန်အမျိုးအစား အတွက် ၁၁၀,၀၀၀ ကျပ်မှ ၁၂၀,၀၀၀ ကျပ် အတွင်းလည်းကောင်း၊ဧရာဝတီပေါ်ဆန်းမွှေးဆန်အတွက် ၉၄.၀၀၀ ကျပ်မှ၉၇.၀၀၀ ကျပ်အတွင်း လည်းကောင်း၊ ဧည့်မထ(၁၀%)ဆန်အတွက် ၆၅,၀၀၀ ကျပ်ဖြင့်လည်းကောင်း၊ ဧည့်မထ (၂၅%) ဆန်အတွက် ၆၀.၀၀၀ ကျပ်ဖြင့်လည်းကောင်း ရန်ကုန်မြို့ ဝါးတန်းလမ်းရှိ ဆန်စပါးကုန်စည်ဒိုင်၊ ဘုရင့်နောင်ရှိ ဆန်စပါးကုန်စည်ဒိုင်များတွင် အများပြည်သူကို ရောင်းချပေးမည် ဖြစ်ကြောင်းသိရပါတယ်။

“ဒီလိုရောင်းချပေးတာဟာ ဆန်ဈေးနှုန်းနှင့်ဈေးကွက် တည်ငြိမ်ရေးအတွက် ဆောင်ရွက်ပေးတာဖြစ်ပါတယ်။ ဆန်သစ်မပေါ်ခင် ဩဂုတ်နှင့်စက်တင်ဘာ (၂)လ ဆောင်ရွက်သွားမှာဖြစ်ပါတယ်” ဟု ဆန်စပါးအဖွဲ့ချုပ် ဥက္ကဋ္ဌ ဦးရဲမင်းအောင်က ဆက်လက်ပြောကြားပါတယ်။

“တကယ်တမ်းတော့ ဈေးကွက်ထဲမှာ ကောလာဟလတွေကြောင့် လူတွေ မလိုအပ်ဘဲ ဆန်တွေ အလုအယက်ဝယ်ရင်း ဈေးတွေတက်ကုန်တာဖြစ်ပါတယ်။ ဆန်တွေက အလုံအလောက်ရှိပါတယ် “ ဟု ဦးရဲမင်းအောင်က ထပ်လောင်း ပြောကြားခဲ့ပါတယ်။

ဝယ်ယူမည့်သူတွေအနေနှင့် နိုင်ငံသားစိစစ်ရေးကတ်ပြားတင်ပြဝယ်ယူရမည်ဖြစ်ပြီး ကတ်ပြားတစ်ခုလျှင် တစ်လအတွက် ပေါ်ဆန်းအမျိုးအစားဆန်အိတ်(၁)အိတ်နှင့် ဧည့်မထအမျိုးအစားဆန်အိတ်(၁)အိတ်တို့ကိုလွတ်လပ်စွာ ဝယ်ယူနိုင်မည် ဖြစ်ကြောင်းလည်း သိရပြီး ဌာနဆိုင်ရာဝန်ထမ်းများနှင့်စက်ရုံအလုပ်ရုံ ကုမ္ပဏီဝန်ထမ်းများ အနေဖြင့် သက်ဆိုင်ရာဌာန၊ စက်ရုံ အလုပ်ရုံ ကုမ္ပဏီများမှတင်ပြစာများဖြင့် အီးမေးလ်- This email address is being protected from spambots. You need JavaScript enabled to view it. ပေးပို့ဆက်သွယ် ဝယ်ယူနိုင်ကြောင်း သိရှိရပါတယ်။

#Local_News #ဆန်စပါးအသင်းချုပ်ဥက္ကဋ္ဌ
#Yangon_Times

#World_Science
Published 6 August 2023

အန္တာတိကတိုက်လိုမျိုး ခက်ခဲကြမ်းတမ်းတဲ့ နေရာမျိုးမှာ သိပ္ပံပညာရှင်တွေက ဖရဲသီးများစိုက်ပျိုးပြီး ထူးထူးခြားခြား မှတ်ကျောက်တစ်ခု တင်နိုင်ခဲ့ပါတယ်။

အေးစက်လှတဲ့ ဝင်ရိုးစွန်းရှိ ရုရှားသုတေသနဌာန ဗော့စ်တော့ခ်စခန်းမှာ ယခုကဲ့သို့ ထူးခြားတဲ့ အောင်မြင်မှုရခဲ့တာကို Live Science က ဖော်ပြတာဖြစ်ပါတယ်။

ထိုဒေသဟာ ကမ္ဘာပေါ်မှာ အချမ်းအေးဆုံးနေရာအဖြစ် သတ်မှတ်ထားကာ အပူချိန်က အရိုးခိုက်ချင်စရာ အနုတ် ၁၂၈.၆ ဒီဂရီဖာရင်ဟိုက်အထိ ကျဆင်းပါတယ်။

ဖရဲသီးတွေက လွန်ခဲ့တဲ့ နှစ်ပေါင်း ၄,၃၀၀ က ယနေ့ဆူဒန်နေရာမှာ အစပြုခဲ့တာဖြစ်ပြီး တိုင်းပြည်ရဲ့ သမိုင်းဝင်လက်ရာတွေမှာပါ သင်္ကေတအသီးအနှံအဖြစ် တည်ရှိပါတယ်။

အဆိုပါ ဆန်းသစ်တီထွင်မှုကို ရုရှားအန္တာတိတ်စူးစမ်းလေ့လာရေးဌာန (AARI)မှ သုတေသီများရဲ့ ကြီးကြပ်မှုဖြင့် စိုက်ပျိုးရေးဆိုင်ရာ သုတေသနဌာန၊ ရုရှားသိပ္ပံအကယ်ဒမီရဲ့ ဇီဝဆေးဘက်ဆိုင်ရာဌာနတို့မှ ကျွမ်းကျင်သူများနဲ့ ပူးပေါင်းကာ ဖော်ထုတ်ခဲ့တာ ဖြစ်ပါတယ်။

ဒီစမ်းသပ်ကြိုးပမ်းမှုကြောင့် ဗော့စ်တော့ခ်ဖန်လုံအိမ်ဟာ ဖရဲသီးစိုက်ပျိုးကြီးထွားရာ နေရာကြီးဖြစ်လာပါတယ်။

လေထုအပူချိန်နဲ့ စိုစွတ်မှုကို လိုသလိုထိန်းချုပ်ခြင်းဖြင့် သိပ္ပံပညာရှင်တွေဟာ ဖရဲသီးများကြီးထွားရာ ပတ်ဝန်းကျင်ကို ဖန်တီးနိုင်ခဲ့ပါတယ်။

သုတေသနအဖွဲ့က အရသာတစ်ခုတည်းမဟုတ်ဘဲ ဖန်လုံအိမ် လိုက်လျောညီထွေဖြစ်မှုကိုပါ ဦးစားပေးပြီး စောစီးစွာမှည့်တတ်တဲ့ ဖရဲသီးမျိုးကွဲနှစ်မျိုးကို ရွေးချယ်ခဲ့ပါတယ်။

ရွေးချယ်လိုက်တဲ့ ဖရဲသီးအစေ့များကို မြေဆီလွှာမှာ ကျဲချပြီး သဘာဝနေရောင်ခြည်ကို ထုတ်လုပ်ကာ အလင်းရောင်နဲ့ ထိတွေ့စေပါတယ်။

ကနဦးအစေ့ချခြင်း ၁၀၃ ရက်မြောက်တိတိမှာ အပင် ၆ ပင်ကနေ ရင့်မှည့်ပြီး နှစ်သက်စရာကောင်းတဲ့ ဖရဲသီး ၈ လုံးရရှိခဲ့ပါတယ်။

ဖရဲသီးများဟာ အရွယ်အစားအားဖြင့် ၂ ပေါင်အထိရှိပြီး အချင်း ၅ လက်မရှိကြောင်း ရုရှားပထဝီဝင်အဖွဲ့က အသေးစိတ်ဖော်ပြခဲ့ပါတယ်။

၂၀၂၀ ကလည်း ထိုစခန်းကနေ ဇီယာ၊ ပင်စိမ်း၊ နံနံပင်၊ ဂေါ်ဖီထုပ်တို့ကိုလည်း အောင်မြင်စွာ စိုက်ပျိုးနိုင်ခဲ့ပါတယ်။

#World_Science #ရုရှားသိပ္ပံပညာရှင်များဖရဲသီးအောင်မြင်စွာစိုက်ပျိုး
Source: WION

#Local_News
Published_ 5 August 2023

ထိုင်းနိုင်ငံ၊ တာ့ခ်ခရိုင်ရှိ မဲဆောက်မြို့အထွက်တွင် ဟင်းသီးဟင်းရွက် တင်ဆောင်လာသော ကားအတွင်း ပုန်းအောင်းလိုက်ပါလာသော မြန်မာနိုင်ငံသား (၅၂) ဦးကို ထိုင်းရဲတပ်ဖွဲ့က ဖမ်းဆီးရမိခဲ့ကြောင်း မြဝတီ- မဲဆောက် သတင်းကွန်ရက်က ဖော်ပြထားသည်။

ပြီးခဲ့သော သြဂုတ် (၃)ရက် ည (၉) နာရီအချိန်ခန့်က မဲဆောက်မြို့အထွက် ဟွေ့ဟင်ဖွန်စစ်ဆေးရေးဂိတ်တွင် ဖြတ်သန်းသွားလာနေသည့်ကားများအား စစ်ဆေးမှုများပြုလုပ်စဥ် ဖမ်းဆီးရမိခဲ့ခြင်းဖြစ်သည်ဟု ဆိုသည်။

ဖမ်းဆီးရမိခဲ့သည့် မြန်မာနိုင်ငံသားများအားစစ်ဆေးရာ မြဝတီမြို့မှတဆင့် သောင်ရင်းမြစ်အားဖြတ်ကူး၍ ဝင်ရောက်လာသူများနှင့် မြဝတီ-မဲဆောက်ချစ်ကြည်ရေး အမှတ်(၁)တံတားပေါ်မှ ယာယီနယ်စပ်ဖြတ်သန်းခွင့် (၇) ရက်လက်မှတ်ပြုလုပ်၍ ဝင်ရောက်လာသူများဖြစ်‌ကြောင်း သိရသည်။

၎င်းတို့အနေဖြင့် ထိုင်းနိုင်ငံ၌ အလုပ်လုပ် ကိုင်ရန် ပွဲစားခအဖြစ် တစ်ဦးလျင် ဘတ် (၂၀၀၀၀) စီပေးချေခဲ့ရကြောင်း ဖော်ထုတ်သိရှိခဲ့ရသည်။

ထို့ကြောင့် ဖမ်းဆီးရမိခဲ့သည့် ထိုင်းနိုင်ငံသားကားမောင်းသူနှင့်မြန်မာနိုင်ငံသားများအား ထိုင်းနိုင်ငံ ဥပဒေအရ အရေးယူရန် မဲဆောက်ရဲတပ်ဖွဲ့က ဆောင်ရွက်လျက်ရှိကြောင်း သိရသည်။

#Local_News #မြန်မာ(၅၂)ဦး ဖမ်းဆီးခံရ
#YMG/my #Yangon_Times

#Local_News
Published_ 5 August 2023

အပြောင်းအရွှေ့ပိတ်သိမ်းဖို့ တစ်လနီးပါးသာလိုတော့တဲ့အချိန်မှာနောက်ထပ်ကွင်းလယ်လူ ၂ ဦးထပ်မံခေါ်ယူဖို့ လီဗားပူးအသင်းကစီစဉ်နေပြီးကစားသမားအများအပြားကို စောင့်ကြည့်နေတယ်လို့ သိရပါတယ်။

အပြောင်းအရွှေ့ကစက်တင်ဘာ ၁ရက်မှာပိတ်သိမ်းမှာဖြစ်ပြီး ပရီးမီးယားလိဂ်ရာသီသစ်က သြဂုတ်၁၃ ရက်မှာစတင်တော့မယ်အချိန်မှာ လီဗာပူးရဲ့အပြောင်းအရွှေ့က ပြီးဆုံးခြင်းမရှိသေးတာဖြစ်ပါတယ်။

ဝါရင့်ကွင်းလယ်လူတွေဖြစ်ကြတဲ့ ဟန်ဒါဆင်နဲ့ ဖာဘင်ဟိုတို့ဆော်ဒီလိဂ်ကို ပြောင်းရွှေ့သွားခဲ့သလို မီလ်နာကလည်း ဘရိုက်တန်ကိုပြောင်းရွှေ သွားခဲ့တာကြောင့်လိုက်နေတဲ့ကွင်းလယ်လို အပ်ချက်ကိုဖြည့်ဆည်းဖို့အခုလို စီစဉ်နေတာဖြစ်ပါတယ်။

လက်ရှိမှာ ဆောက်သမ်တန်ကွင်းလယ်လူ လာဗီယာနဲ့ ဘရာဇီးကလပ်ဖလူမင်နက်စီက လူငယ်ကွင်းလယ်လူ အင်ဒရေတို့ကို ပစ်မှတ်ထားစောင့်ကြည့်နေပြီးကမ်းလှမ်းမှုတွေပြုလုပ်ထားတယ်လို့သိရပါတယ်။

လီဗာပူးက ကွင်းလယ် ဘောလုံး ထိန်းချုပ်သူနဲ့ အဖျက်သန်ပြီးတိုက်စစ်လိုက်ပါကစားနိုင်တဲ့ ကစားသမား၂ဦးကိုခေါ်ယူလိုနေတယ်လို့ဆိုပါတယ်။

ဒါအပြင် မာနူးကိုနေး၊ ကီဖရန်သူရမ်၊ဂရာဗန်ဗာ့ချ်၊မက်သီးယပ်နူနက်ဇ်၊ရာဖေးလ်ဗီဂါ၊ ကာမာရာ၊ ဒ်ိုကိုရီနဲ့ပယ်လင်ဟာတို့လို ကွင်းလယ်လူတွေကိုလည်းစောင့်ကြည့်နေတယ်လို့ သိရပါတယ်။

#Local_News #လီဗာပူးကနောက်ထပ်ကွင်းလယ်လူ၂ဦးထပ်မံခေါ်ယူ
#ref:This is Anfield

#World_Health
Published 5 August 2023

ခန္ဓာကိုယ်ကနေ မလိုအပ်တဲ့ အမွှေးအမျှင်တွေကို လူတွေက ဖယ်ရှားတတ်ကြပေမယ့် နှာခေါင်းထဲက အမွှေးကိုတော့ မဖယ်ရှားသင့်ကြောင်း ဆေးဘက်ဆိုင်ရာ ကျွမ်းကျင်သူများက ဆိုလိုက်ပါတယ်။

နှာခေါင်းမွှေးတွေကို ဆွဲနှုတ်ခြင်းဟာ အန္တရာယ်ဖြစ်စေနိုင်ကြောင်းကို အီဒါဟိုမှ ဒေါက်တာ'ဒွန်ဂျေဘီစလေ'က ပြောပြသွားပါတယ်။

နှာခေါင်းဟာ အလွန်နူးညံ့တဲ့နေရာဖြစ်ပြီး သွေးကြောများ၊ အမြှေးပါးများ ပါဝင်ပါတယ်။

အမွှေးဆွဲနှုတ်ခြင်းဟာ အလွန်မခံသာတဲ့ ခံစားမှုဖြစ်ပြီး နာကျင်ခြင်း၊ နီရဲခြင်း၊ ယားယံခြင်းတို့ ဖြစ်စေနိုင်ပါတယ်။

နှာခေါင်းထဲက အမွှေးတွေက အလွန်အရေးပါပြီး ရှူသွင်းလိုက်တဲ့လေကို စစ်ထုတ်ခြင်း၊ ဖုန်မှုန့်များ၊ အမှုန်အမွှားများ ပိတ်ထားပေးခြင်းတို့ကို ပြုလုပ်ပေးပါတယ်။

မသန့်ရှင်းတဲ့ ပုံစံဖြင့်ဖယ်ရှားမိရင် မွှေးညင်းပေါက်ရောင်ရမ်းပြီး ရောဂါပိုးဝင်တာမျိုး ဖြစ်တတ်ပါတယ်။

လူနာများက နှာခေါင်းမွှေးဆွဲနှုတ်ပြီး အနာဖြစ်နေတာတွေကို ဒေါက်တာနီကိုးလ်အေရွန်ဆန်က ကုသပေးရကြောင်း ပြောကြားလာပါတယ်။

အမွှေးနှုတ်ပြီးနောက် ထပ်ထွက်လာတဲ့အမွှေးဟာ အရေပြားကို မဖောက်ထွက်နိုင်တာမျိုး ဖြစ်တတ်ပါတယ်။

မျက်နှာကို အမွှေးရိတ်ပြီး ဆဲလ်သေတွေဖယ်ရှားတဲ့ နည်းလမ်းတွေ ဆိုရှယ်မီဒီယာတွေမှာ နာမည်ကြီးနေကြပါတယ်။

မျက်နှာပေါ်ရှိ အမွှေးလေးတွေက ပုံမှန်သဘောသာဖြစ်ပြီး သူများရိတ်တဲ့အတိုင်း လိုက်လံပြုလုပ်စရာမလိုဘူးလို့ ဒေါက်တာ'ရို့စ်ပယ်ရီ'က ပြောပြခဲ့ပါတယ်။

တစ်တော့ဗီဒီယိုတွေထဲကလို လိုက်မလုပ်သင့်ဘဲ ကျွမ်းကျင်သူများနဲ့သာ တိုင်ပင်သင့်ပါတယ်။

မိမိဘာသာ မျက်နှာပြင်အမွှေးရိတ်ခြင်းမျိုးကို အားမပေးဘဲ အမွှေးပြန်ပေါက်တဲ့အခါ ပိုဆိုးရွားလာနိုင်ကာ ပိုမိုထူထဲလာနိုင်ပါတယ်။

ဒါ့အပြင် ဝက်ခြံ၊ အရေပြားယားယံခြင်း၊ ရောဂါပိုးကူးစက်ခြင်းတို့လည်း ဖြစ်နိုင်ချေရှိတယ်လို့ ပြောပြသွားပါတယ်။

#World_Health #နှာခေါင်းအတွင်းမှ အမွှေးမျှင်ဆွဲနှုတ်
Source: The Jerusalem Post

ဂျာမနီမြောက်ပိုင်းမှာ မိုးရေတွေ၊ ရွှံ့မြစ်တွေ၊ ယာဉ်ကြောပိတ်ဆို့မှုတွေကြောင့် ကမ္ဘာ့အကြီးကျယ်ဆုံး ဟဲဗီးမက်တယ်ပွဲတော်ဖြစ်တဲ့ ဝက်ကင်အိုးပင်းအဲပွဲစီစဉ်သူတွေက ပရိသတ်တွေကို ထိုနေရာသို့မလာရောက်ရန် အင်္ဂါနေ့က တောင်းဆိုလိုက်ပါတယ်။
Published 4 August 2023
#ဟဲဗီးမက်တယ်ဂီတပွဲတော်ကျင်းပရာနေရာ
#World_Event

#Daily_News
Published_ 4 August 2023

၁။ ရခိုင်ပြည်နယ်အတွင်း သွေးလွန်တုပ်ကွေးဖြစ်ပွားသူ မြင့်တက်နေ

၂။ မန္တလေးတွင်ဗန်းမော်ဆရာတော်ကြီး၏ အထိမ်းအမှတ်ပြတိုက်ဖွင့်ရန်ရှိ

၃။ U-12 Junior Soccer World Challenge 2023 ပြိုင်ပွဲတွင် မြန်မာယူ - ၁၂ အသင်း ဘာစီလိုနာအသင်းနှင့် တစ်အုပ်စုတည်း ကျရောက်နေ

၄။ ဂျာမနီနိုင်ငံကမ္ဘာ့အကြီးကျယ်ဆုံး ဟဲဗီးမက်တယ်ဂီတပွဲတော်ကျင်းပရာနေရာတွင် ရာသီဥတုဆိုးရွားမှုကြောင့်ရွှံ့အလွန်ထူထပ်စွာဖြစ်ပေါ်.... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published_ 4 August 2023

တရုတ်-မြန်မာယဉ်ကျေးမှုဖလှယ်သည့်အနေဖြင့် ‘မင်္ဂလာအဖြာဖြာဆုံစည်းရာ လက်ဖက်ရည်ကြမ်းအနုပညာ နှင့်တရုတ်နိုင်ငံခရီးသွားလာရေးမိတ်ဆက်ပွဲ’အခမ်းအနားကျင်းပခဲ့ကြောင်း မြန်မာနိုင်ငံတရုတ်သံရုံး၏ထုတ် ပြန်ချက်အရသိရသည်။

အဆိုပါအခမ်းအနားကို သြဂုတ်လ ၂ ရက်နေ့က ရန်ကုန်တရုတ်ယဉ်ကျေးမှုစင်တာတွင်ကျင်းပခဲ့ပြီးအခမ်းအနား တွင်အမျိုးသမီးများနှင့်လူငယ်များအတွက်သီးသန့်အစီအစဉ်များဆောင်ရွက်ခဲ့သည်ဟုဆိုသည်။

အခမ်းအနားတွင် တရုတ်နိုင်ငံ၊ယူနန်ပြည်နယ်မှ ကိုယ်စားလှယ်အဖွဲ့၏ စီးကရက်ဘူးအက၊ ဆံပင်ခါအက၊ ဟားနီသံစုံရှေးသီချင်း စသည့် တိုးရင်းသားထူးခြားချက်များပါဝင်သောအဆိုအကများကို တင်ဆင်ပြသခဲ့ပြီး ယူနန်ခရီးသွားလာရေးမိတ်ဆက်ဗီဒီယိုကို ထုတ်လွှင့်ပြသခဲ့သည်။

ယင်းနောက်ဧည့်သည်တော်များသည် တရုတ်နိုင်ငံလက်ဖက်ရည်ကြမ်းယဉ်ကျေးမှုနှင့် ခရီးသွားဓာတ်ပုံပြပွဲကို လေ့လာကြည့်ရှုကြပြီး ယူနန်၏ ထူးခြားချက်များပါဝင်သော လက်ဖက်ရည်ကြမ်းအနုပညာနှင့် ပန်းမုန့်များကို မြည်းစမ်းကာ ‘ယူနန်ဟုခေါ်သည့် လူနေမှုဘဝ’ကို တွေ့ကြုံခံစားကြရသည်ဟုဖော်ပြထားသည်။

အဆိုပါအခမ်းအနားကိုမြန်မာနိုင်ငံအမျိုးသမီးရေးရာအဖွဲ့ချုပ်၊ အမျိုးသမီးစီးပွားရေးစွမ်းဆောင်ရှင်များအသင်း၊ မြန်မာနိုင်ငံ တရုတ်အမျိုးသမီးများအသင်း၊ မြန်မာနိုင်ငံ နိုင်ငံခြားရေးဝန်ကြီးဌာန၊ မြန်မာနိုင်ငံအခြေစိုက် အမျိုးသမီးသံတမန်များနှင့် ရန်ကုန်နိုင်ငံခြားဘာသာတက္ကသိုလ်၊ မြန်မာနိုင်ငံ အမျိုးသားစီမံခန့်ခွဲမှုပညာဒီဂရီ ကောလိပ်၊ အထက (၂) လသာ၊ အထက (၁၄) လှိုင်သာယာ၊ KINGS International School ၊ GESC သင်တန်းကျောင်း စသည်တို့မှ ဆရာဆရာမ၊ ကျောင်းသားကျောင်းသူများ စသဖြင့် လူဦးရေ ၁၆၀ ကျော် တက်ရောက်ခဲ့ကြကြောင်းသိရသည်။

#tthl #Local_News #တရုတ်-မြန်မာယဉ်ကျေးမှုဖလှယ်ပွဲကျင်းပ
#Yangon_Times