၈ ဇွန် ၂၀၂၄

သန်လျင်တံတားအမှတ်(၃)လေးလမ်းသွားတံတားသစ်ကြီးကို ဖွင့်လှစ်လိုက်ပြီဖြစ်သည့်အတွက်  ရန်ကုန်မြို့ အပါအဝင် ရန်ကုန်တောင်ပိုင်းခရိုင် မြို့နယ်များဖြစ်သည့် သန်လျင်၊ ကျောက်တန်း၊ ခရမ်း၊ သုံးခွဒေသရှိ ပြည်သူများ၏ လူမှုစီးပွား  ဘဝတိုးတက်လာမယ်လို့ ဗိုလ်ချုပ်မှူးကြီးမင်းအောင်လှိုင်ကပြောပါတယ်။

ဇွန်၈ရက်နံနက်က ကျင်းပတဲ့ ပဲခူးမြစ်ကူးတံတား(သန်လျင်တံတားအမှတ်-၃)ဖွင့်ပွဲတွင် နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးတက်ရောက်အမှာစကားပြောကြားရာမှာ ယင်းကို ထည့်သွင်းပြောကြားခဲ့တာဖြစ်ပါတယ်။

သီလဝါအထူးစီးပွားရေးဇုန်ကိုအကြောင်းပြုပြီး ပြည်တွင်း၊ ပြည်ပ စီးပွားရေးလုပ်ငန်းများ တိုးပွားလာမှုကြောင့် အဆိုပါ ဒေသတွေ လူမှုစီးပွားတိုးတက်လာမှာဖြစ်တယ်လို့ ဗိုလ်ချုပ်မှူးကြီးကပြောပါတယ်။

ယင်းအပြင်သန်လျင်တံတားအမှတ်(၁)တွင်ဖြစ်ပေါ်လျက်ရှိသည့် ယာဉ်ကြောပိတ်ဆို့မှုများကို ဖြေရှင်းပေးနိုင်တော့မည်ဖြစ် သည့်အပြင် နောင်အခါတွင် အရှေ့-အနောက် စီးပွားရေးစင်္ကြံလမ်းမကြီးကို အသုံးပြုပြီး ဘားအံမြို့-မြဝတီမြို့ အထိ ဆက်စပ်  သွားလာနိုင်တော့မည်ဖြစ်သည့်အတွက် မွန်ပြည်နယ်နှင့်ကရင်ပြည်နယ်တို့၏ ဖွံ့ဖြိုးတိုးတက်မှုကိုလည်း အကျိုးပြုမည်သာ  မက ဒေသတွင်းနိုင်ငံများနှင့်ပါ ဆက်သွယ်မှုပိုမိုဖွံ့ဖြိုးလာမည်ဖြစ်တယ်လို့လည်း ဗိုလ်ချုပ်မှူးကြီးကပြောကြောင်း နစက သတင်းထုတ်ပြန်ချက်မှာဖော်ပြထားပါတယ်။

ယခုဖွင့်လှစ်လိုက်တဲ့ ပဲခူးမြစ်ကူးတံတား(သန်လျင်တံတားအမှတ်-၃) တည်ဆောက်ရေးစီမံကိန်းကို ဂျပန်နိုင်ငံ၊ အပြည်ပြည်    ဆိုင်ရာပူးပေါင်းဆောင်ရွက်ရေးအေဂျင်စီ(JICA)နှင့် မြန်မာနိုင်ငံ၊ စီမံကိန်းနှင့် ဘဏ္ဍာရေးဝန်ကြီးဌာန၊ ဆောက်လုပ်ရေး ဝန်ကြီးဌာနနှင့် သက်ဆိုင်ရာဝန်ကြီးဌာနများမှ စီမံကိန်းအကောင်အထည်ဖော်ရေး သဘောတူညီချက်အရ ၂၀၁၃ ခုနှစ်မှစတင်  ၍ စီမံကိန်းလုပ်ငန်းအဆင့်အလိုက် အဆင့်ဆင့်ဆောင်ရွက်ခဲ့ခြင်းဖြစ်ပါတယ်။

၂၀၁၇ ခုနှစ်တွင် ချေးငွေ သဘောတူစာချုပ် ချုပ်ဆိုခဲ့ပြီး ၂၀၁၉ ခုနှစ်တွင် စတင်ဆောက်လုပ်ခဲ့ပါတယ်။ ၂၀၂၁ ခုနှစ်တွင် နိုင်ငံရေး အခြေအနေများကြောင့် တံတားတည်ဆောက်ရေးလုပ်ငန်း၊ ချေးငွေကိစ္စရပ်များ တုံဆိုင်းသွားခဲ့ပြီး အကြိမ်ကြိမ် ညှိ နှိင်းချက်များအရပြန်လည်တည်ဆောက်နိုင်ခဲ့ပါတယ်ဒါပေမယ့်ရန်ပုံငွေသုံးစွဲမှုတွင် လိုအပ်ချက်ဖြစ်ပေါ်လာခြင်းကြောင့် နိုင်ငံ

တော်မှကျပ်(၄၆) ဘီလီယံကျော်ထည့်ဝင်ကျခံပြီး တံတားကြီးတည်ဆောက်ပြီးစီးရေးဆောင်ရွက်ခဲ့ခြင်းဖြစ်တယ်လို့  သိရပါ  တယ်။

တံတားအရှည်အနေဖြင့် မြစ်ကူးတံတားအပိုင်း ၆၆၆၃ ပေ၊ ကုန်းကျော်တံတားအပိုင်း၁၉၇၅ ပေ၊ စုစုပေါင်း ၈၆၃၈ ပေရှိပြီး တံတားအကျယ် ၇၅ ပေဖြစ်ပါတယ်။ ၄ လမ်းသွားတံတားဖြစ်ပြီး တစ်ဘက်လျှင် Safe Zone ၅ ပေစီပါရှိပါတယ်။ တံတား၏ ရေလမ်းကင်းလွတ်အမြင့်မှာ ၄၃ ပေရှိပြီး ရေလမ်းကင်းလွတ်အကျယ်မှာ ၇၃၅ ပေဖြစ်ပါတယ်။

တံတားသည် သံမဏိကြိုးဆိုင်းတံတား (Cable Stayed Bridge)၊ Steel Box နှင့် PC Boxအမျိုးအစားဖြစ်ပြီး တံတားခံနိုင်ဝန်မှာ ယာဉ်တစ်စီးချင်း ၇၅ တန်ဖြစ်ကြောင်းသိရှိရပါတယ်။

@ymg/knl

တရုတ်ပြည်မှချန်ဂယ်-၆အာကာသယာဥ်ဖြင့် လကမ္ဘာပေါ်မှနမူနာအရာဝတ္ထုများကို စုဆောင်းကာအဆင့်(၄)ဆင့်ဖြတ်သန်းပြီး ကမ္ဘာမြေပေါ်သို့ ပြန်လည်သယ်ဆောင်လာမည်

လကမ္ဘာအဝေးဘက်ခြမ်းမှ စုဆောင်းရရှိတဲ့ နမူနာအရာဝတ္ထုများကို ချန်ဂယ်-၆ လကမ္ဘာစူးစမ်းရေးယာဥ်ထဲမှာ အလုံပိတ်သိမ်းဆည်းပြီးနောက် ကမ္ဘာမြေပေါ်သို့ မရောက်ခင် အဆင့် ၄ ဆင့်ဖြတ်သန်းရမယ်လို့ တရုတ်နိုင်ငံ ချန်ဂယ်-၆ မစ်ရှင် ဖန်တီးသူက ဆိုပါတယ်။
#Asia_Space
Published 08 June 2024
#တရုတ်ပြည်မှချန်ဂယ်-၆အာကာသယာဥ် #လကမ္ဘာပေါ်မှနမူနာအရာဝတ္ထုများ
#YMG #Yangon_Times #Yangon_Media_Group

#Daily_News
Published_08 June 2024

၁။ တက္ကသိုလ်ဝင်စာမေးပွဲအောင်စာရင်းများ ဇွန်(၁၁) ရက်နေ့ထွက်မည်၊ အင်တာနက်မရ‌သောဒေသများကို ရေဒီယိုမှအောင်စာရင်းလွှင့်ပေးမည်

၂။ မြန်မာ့ပဲစင်းငုံ CNF‌ ဈေးနှုန်းမြင့်လာခြင်းနှင့်‌ ဈေးကွက်ယှဥ်ပြိုင်ရခြင်းကြောင့် ဈေးနှုန်းကျဆင်းနိုင်

၃။ စိုက်ပျိုးရေးလုပ်သားရှားပါးလာသည့်အတွက် ယခုနှစ်စိုက်ပျိုးရာသီတွင် လုပ်အားခ ယခင်ထက်သုံးဆခန့်တိုးပေးကာခေါ်ယူနေရဟုဆို

၄။ တရုတ်ပြည်မှချန်ဂယ်-၆အာကာသယာဥ်ဖြင့် လကမ္ဘာပေါ်မှနမူနာအရာဝတ္ထုများကို စုဆောင်းကာအဆင့်(၄)ဆင့်ဖြတ်သန်းပြီး ကမ္ဘာမြေပေါ်သို့ ပြန်လည်သယ်ဆောင်လာမည်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

မုတ်သုံလေဖိအားနည်းမြောင်တန်း ဇွန် (၁၀)ရက်ခန့်မှာဖြတ်နိုင်တဲ့ ရခိုင်ကမ်းရိုးတန်းဒေသတွေနဲ့ ရန်ကုန်၊ ပဲခူး၊ ဧရာဝတီစတဲ့မြစ်ဝကျွန်းပေါ်ဒေသတွေမှာတော့ မိုးပိုများနိုင်တယ်။
(မိုးလေဝသနှင့် ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူးဦးလှထွန်း)
#Local_News
Published_08 June 2024
#မုတ်သုံလေဖိအားနည်းမြောင်တန်း #ရန်ကုန်နှင့်ဒေသအချို့မိုးများ
#tthl #Yangon_Times

စိုက်ပျိုးရေးလုပ်သားရှားပါးလာတဲ့အတွက် ယခုနှစ်စိုက်ပျိုးရာသီမှာ ယခင်ကထက် လုပ်အားခသုံးဆခန့်တိုးမြှင့်ပေး ခေါ်ယူနေရတယ် လို့ မကွေးတိုင်းဒေသကြီးရှိ တောင်သူတွေထံက သိရပါတယ်။
#Local_News
Published_08 June 2024
#လုပ်အားခသုံးဆခန့်တိုးမြှင့် #စိုက်ပျိုးရေးလုပ်သားရှားပါး
#YMG/LW #Yangon_Times

အိန္ဒိယကို တင်ပို့တဲ့ မြန်မာ့ပဲစင်းငုံ CNF‌ ဈေးနှုန်းမြင့်လာတာနဲ့  ဈေးကွက်ယှဥ်ပြိုင်ရတာတွေကြောင့် ဈေးနှုန်းကျဆင်းနိုင်ပြီး ဈေးကွက်အတွင်းမှာလည်းပဲ  မေလအကုန်မှာ တစ်တန်ကိုကျပ် ၄၅ သိန်း ၅ သောင်းအထိဈေးမြင့်တက်ခဲ့ရာက အခုဇွန်လပထမပတ်အတွင်းတွင် ကျပ် ၄၄ သိန်းနဲ့  ၄၄ သိန်း ၅ သောင်းကြားမှာ အတက်အကျဖြစ်ပေါ်နေတယ်လို့ ပဲဈေးကွက်ထဲက သိရပါတယ်။
#Local_News
Published_08 June 2024
#မြန်မာ့ပဲစင်းငုံ #ဈေးနှုန်းကျဆင်း
#YMG NN #Yangon_Times

တက္ကသိုလ်ဝင်အောင်စာရင်းတွေကို ဇွန်(၁၁)ရက်မှာ သက်ဆိုင်ရာမြို့နယ်အသီးသီးရှိ စာစစ်ဌာနကျောင်းတွေမှာ တစ်ချိန်တည်းကပ်ထားမှာဖြစ်သလို မြန်မာနိုင်ငံစာစစ်ဦးစီးဌာန Website ဖြစ်သော www. myanmarexam.org မှာ အခမဲ့ဝင်ရောက်ကြည့်ရှုနိုင်အောင် စီစဉ်ထားပါတယ်။ အင်တာနက်မရသော ဝေးလံဒေသများကိုရေဒီယိုမှလွှင့်ပေးမယ်။
#Local_News
Published_08 June 2024
#တက္ကသိုလ်ဝင်စာမေးပွဲအောင်စာရင်း #အခမဲ့ကြည့်ရူနိုင်
#tthl #Yangon_Time

#Local_News
Published_08 June 2024

▪️ လေးဆူဓာတ်ပုံ ရွှေတိဂုံစေတီတော်ကြီးသို့ မေလတစ်လတာအတွင်း  ပြည်ပမှ ဘုရားဖူးဧည့်သည် ငါးထောင်ကျော်လာရောက်ဖူးမြော်ခဲ့ကြောင်း ဘဏ္ဍာတော်ထိန်းဂေါပကအဖွဲ့မှ သိရသည်။

▪️ ထိုသို့ လာရောက်ဖူးမျှော်ရာတွင်နိုင်ငံခြားခရီးသွားဧည့်သည်လာရောက်မှုမှာ တစ်ရက်လျှင် လူဦးရေ ၁၅ဝ ဝန်းကျင်ရှိပြီး မေလတစ်လတာအတွင်း နိုင်ငံခြားခရီးသွားဧည့်သည် ၅,၂၉၁ ဦးလာရောက်ဖူးမြော်ကြောင်း သိရသည်။

▪️ အဆိုပါ ခရီးသွားဧည့်သည်များမှာ  တရုတ်၊ ထိုင်းနှင့် ဗီယက်နမ်နိုင်ငံသားများ အများဆုံးလာရောက်ကြပြီး  အမေရိက၊ ဥရောပနှင့် အာဖရိကတိုက်သားများလည်း လာရောက်ဖူးမြော်လျက်ရှိကြောင်း သိရသည်။

▪️ ရွှေတိဂုံစေတီတော်ကြီးသို့ ရပ်နီးရပ်ဝေးမှ ဘုရားဖူးပြည်သူများ စိတ်အေးချမ်းသာစွာ ဖူးမြော်ကြည်ညိုနိုင်ရန် ၂၀၂၄ ခုနှစ်၊ ဇန်နဝါရီလ ၁ ရက်မှစ၍ နံနက် ၅ နာရီမှ ည ၉ နာရီအထိ ဘုရားဖူးမြော်ချိန်ကို တိုးမြှင့်ဖွင့်လှစ်ပေးထားရာ ပြည်တွင်းဘုရားဖူးဧည့်သည်များလည်း လာရောက်ဖူးမြော်မှုများပြားနေကြောင်း သိရသည်။

▪️ ပြည်တွင်းဘုရားဖူးများမှာ မေလအတွင်း၌ သံဃာတော် ၇,၉၀၉ ပါး၊ သီလရှင် ၄၇,၈၆ ပါး၊ အမျိုးသား ၂၅၈,၉၇၁ ဦး၊ အမျိုးသမီး ၂၉၉,၃၈၉ ဦး လာရောက်ဖူးမြော်ခဲ့ကြောင်း သိရသည်။

▪️ ရွှေတိဂုံစေတီတော်သို့ ပုံမှန်ရုံးဖွင့်ရက်များတွင် တစ်ရက်လျှင် ဘုရားဖူးဦးရေ ၂ဝ,ဝဝဝ ဝန်းကျင်လာရောက်ပြီး စနေ၊ တနင်္ဂနွေနှင့် အခါကြီးရက်ကြီးများတွင် ဘုရားဖူးလာရောက်ဖူးမြော်မှု ပိုမိုများပြားလျှက်ရှိကြောင်း သိရသည်။

#YMG/NN #Yangon-Times

#Local_News
Published 8 June 2024

▪️ ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်၊ ရှမ်းရွာကျေးရွာအုပ်စု၊ ရှမ်းရွာကျေးရွာအနီး ဖျာပုံ-ဒေးဒရဲကားလမ်း၊ မိုင်တိုင်အမှတ်(၉/၀)တွင် TOYOTA Axio(အဖြူရောင်)တစ်စီးတိမ်းမှောက်မှုကြောင့် အမျိုးသားတစ်ဦး​ေ-သဆုံးကာ လေးဦး ထိခိုက်ဒဏ်ရာရရှိခဲ့ကြောင်း မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

▪️ ဇွန်လ ၇ရက် ည ၁၁နာရီခွဲခန့်က ဖြစ်ပွားခဲ့ကာ ရှမ်းရွာကျေးရွာအနီး ဖျာပုံ-ဒေးဒရဲကားလမ်း၊ မိုင်တိုင်အမှတ်(၉/၀)တွင် TOYOTA Axio(အဖြူရောင်)ယာဉ်သည် အရှိန်မထိန်းနိုင်ဘဲ လမ်းဘေးမြောင်းထဲသို ထိုးကျတိမ်းမှောက်မှုဖြစ်ပွားခဲ့ခြင်း ဖြစ်ကြောင်း သိရသည်။

▪️ အဆိုပါယာဉ်တိမ်းမှောက်မှုကြောင့် ယာဉ်ပေါ်ပါ အမျိုးသား(၅)ဦးအနက် အမျိုးသား (၁)ဦးသေဆုံးခဲ့ကာ အမျိုးသား(၄)ဦးထိခိုက်ဒဏ်ရာ(မစိုးရိမ်ရ)တို့ ရရှိခဲ့ကြောင်း သိရသည်။

▪️ ယာဉ်တိမ်းမှောက်သည့်နေရာသို့ ဒေးဒရဲမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက လာရောက်ပြီး ရှာဖွေကယ်ဆယ်ရေးလုပ်ငန်းများ ဆောင်ရွက်ပေးခဲ့ကာ ထိခိုက်ဒဏ်ရာရရသူများကို လူသားချင်းလူမှုကူညီရေးအသင်းမှ သူနာတင်ယာဉ်ဖြင့် ဒေးဒရဲမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/LW #Yangon_Times

#Local_News
Published 8 June 2024

▪️ မကွေးတိုင်းဒေသကြီး မင်းဘူးမြို့နယ် ဧရာဝတီတံတားအောက် ဧရာဝတီမြစ်ထဲတွင် CPတွဲ သင်္ဘောတစ်စီး နစ်မြူပ်မှုဖြစ်ပွားခဲ့ကြောင်း မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

▪️ ဇွန်လ ၇ ရက်နေ့လည် ၂နာရီ ခန့်ကမင်းဘူးမြို့နယ်၊ ထောင်ရှာပင်ကျေးရွာအနီ၊ ဧရာဝတီတံတားတိုင်အမှတ် ၁၇/၁၈ ကြားတွင် ဘိလပ်မြေအိပ်များတင်ဆောင်လာသော CP တွဲသင်္ဘောမှ တံတားတိုင်အား ဝင်ရောက်ပွတ်တိုက်မိပြီး ဝမ်းဗိုက်ပေါက်၍ ရေဝင်ရောက်နစ်မြုပ်မှုဖြစ်ပွားခဲ့ကြောင်း သိရသည်။

▪️ အဆိုပါ အခင်းဖြစ်ပွါးရာသို့ မင်းဘူးမြို့နယ်မီးသတ်မှ မီးသတ်စက်ယာဉ်(၁)စီး၊ အုပ်ချုပ်မှုယာဉ်(၁)စီး၊ ရှာဖွေကယ်ဆယ်ရေးတပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ပေးခဲ့ရာ ညနေ ၅နာရီ အချိန်တွင် ပြီးစီးခဲ့ကြောင်း သိရသည်။

▪️ ယင်းတွဲသင်္ဘောပေါ်ပါရှိသူများကို ကမ်းပေါ်သို့ရောက်ရှိရန် ကူညီဆောင်ရွက်ပေးခဲ့ကြောင်း သိရသည်။

#YMG/LW #Yangon_Times

#World_News
Published 08 June 2024

▪️ နျူကလီးယားစွမ်းအင်သုံး ရုရှားရေငုပ်သင်္ဘောတစ်စင်း လာမယ့်သီတင်းပတ်အတွင်း ဟာဗားနားကို ရောက်ရှိလာမယ်လို့ ကျူးဘားနိုင်ငံ ကွန်မြူနစ်အာဏာပိုင်များက ဇွန်လ ၆ ရက်နေ့မှာ ပြောကြားလိုက်ပါတယ်။

▪️ ရေငုပ်သင်္ဘောဟာ နျူကလီးယားလက်နက်များ တင်ဆောင်လာမှာ မဟုတ်ပေမယ့် နာမည်ကျော် ၁၉၆၂ ကျူးဘားဒုံးကျည်ပြဿနာကို ပြန်လည်အမှတ်ရစေပါတယ်။

▪️ နျူကလီးယား ရေငုပ်သင်္ဘော ကာဇန်၊ အစောင့်သင်္ဘော အက်ဒ်မရယ်ဂေ့ါရှ်ကော့ဗ်၊ ဆီတင်သင်္ဘောတစ်စင်းနဲ့ ကုန်ဆယ်တင်ရေး သင်္ဘောတစ်စင်းတို့ဟာ ဇွန် ၁၂ ရက်နေ့မှ ၁၇ ရက်နေ့အထိ ကျူးဘားမြို့တော်မှာ ဆိုက်ကပ်ထားမှာ ဖြစ်ကြောင်း၊ နျူကလီးယားလက်နက်တွေ မပါဝင်တာကြောင့် အန္တရာယ်ခြိမ်းခြောက်မှု မရှိကြောင်း ကျူးဘားတော်လှန်ရေး တပ်မတော်ဝန်ကြီးဌာနက ကြေညာလိုက်ပါတယ်။

▪️ ဒီလိုမျိုး နေရာချထားခြင်းက အနောက်တိုင်းကို အချက်ပေးသလို ဖြစ်နေပြီး ရုရှားစစ်တပ်က အမေရိကားနဲ့ အတော်လေး နီးစပ်လာမှာဖြစ်ပါတယ်။

▪️ ရုရှားသမ္မတ ဗလာဒီမာပူတင်က မကြာသေးမီက နျူကလီးယား ခြိမ်းခြောက်မှုများ ပြုလုပ်ထားရာ ယူကရိန်းအရေးနဲ့ ပတ်သက်ပြီး ရုရှားနဲ့ အမေရိကန်တို့ တင်းမာမှုမြင့်တက်နေချိန် ဖြစ်ပါတယ်။

▪️ အနောက်တိုင်းကို ပစ်ခတ်ချင်တဲ့ နိုင်ငံတွေအတွက် လက်နက်များ ထောက်ပံ့ပေးနိုင်တယ်လို့ ပူတင်က ပြောထားပါတယ်။

▪️ ၁၉၆၂ ကျူးဘားဒုံးကျည်ပြဿနာ ဆိုတာက အမေရိကန်နဲ့ ယခင်ဆိုဗီယက်ပြည်ထောင်စုတို့ ရင်ဆိုင်ခဲ့ကြတာဖြစ်ပြီး တစ်လနဲ့ ၄ ရက်ကြာမြင့်ခဲ့ကာ နျူကလီးယားစစ်ပွဲ ဖြစ်လုနီးပါးအန္တရာယ် ကျရောက်ခဲ့ပါတယ်။

▪️ အမေရိကန်က တူရကီများ ဒုံးကျည်များနေရာချထားခဲ့ရာ ဆိုဗီယက်ကလည်း ကျူးဘားထံ ဒုံးကျည်များ ပေးပို့ခဲ့ပါတယ်။

▪️ ကျူးဘားကနေသာပစ်ရင် အမေရိကန်အရှေ့ပိုင်း နေရာအများစုကို မိနစ်ပိုင်းအတွင်း ထိမှန်နိုင်ပါတယ်။

▪️ ထိုအချိန် အမေရိကန်သမ္မတ ဂျွန်အက်ဖ်ကနက်ဒီက ဆိုဗီယက်မှ ဒုံးကျည်ပေးပို့မှုများ ကျူးဘားသို့မရောက်နိုင်အောင် ရေကြောင်းပိတ်ဆို့မှု ချမှတ်ဖို့ ဆုံးဖြတ်ခဲ့ပါတယ်။

▪️ ဒီနောက် ဆိုဗီယက်သင်္ဘောများ တဖြည်းဖြည်း ဆုတ်ခွာသွားကာ ကျူးဘားမှ ဒုံးကျည်တွေကို ဆိုဗီယက်သို့ ပြန်လည်သယ်ဆောင်သွားပြီလို့ အကြောင်းကြားခဲ့သလို ကနက်ဒီကလည်း တူရကီမှ ဒုံးကျည်များကို ရုပ်သိမ်းကာ ကျူးဘားကို ဘယ်တော့မှ မကျူးကျော်ဘူးလို့ လျှို့ဝှက်စွာ ကတိပြုခဲ့ရကြောင်း သတင်းထွက်ပေါ်ခဲ့ပါတယ်။

#Source: WION

#Local_News
Published_08 June 2024

▪️ မြန်မာ့အော်တာနေးတစ်ဂီတလောက၏  ကြယ်ပွင့်တစ်ဦးဖြစ်သည့် အဆိုတော် ဂလဲ (အာတီချုပ်) သည် ယနေ့ ဇွန်လ(၈)ရက် မနက် 1:00 အချိန်က ကွယ်လွန်သွားကြောင်း ဂီတလောကသားများထံမှ သိရသည်။

▪️'စိတ်ကူး'ဆိုသည့် သီချင်းလေးဖြင့် တစ်ခေတ်တစ်ခါက လူငယ်အမျိုးသား‌များကြိုက်နှစ်ခဲ့ကြသည့် အဆိုတော်တစ်‌ဦးဖြစ်သလို တေးရေးဆရာ တစ်ဦးလည်းဖြစ်သည်။

▪️ "တကယ်စိတ်ထဲတော်တော်မကောင်းဘူး။ အခု ဆို 16 နှစ်ရှိပြီပေါ့။ ဒီပွဲလေးမှာ အမှတ်တရတွေများစွာ အာတီချုပ်ဂလဲ သူငယ်ချင်းကြီးရေ၊အေးချမ်းစွား အနားယူပါ၊ဒီနေ့မနက် အာတီချုပ် အဖွဲ့က Vocal ဂလဲလူလောက ထဲ က ထွက်သွားပါပြီ"ဟုလည်း အဆိုတော်ယုန်လေးက ဖော်ပြထားသည်။

▪️ ယ‌ခုမေလ(၂၇)ရက်မှာဘဲ ပရိတ်သတ်ရင်ထဲရောက်မည့် သီချင်းများပြင်ဆင်ထားပြီဖြစ်ကြောင်းအင်တာဗျူးတစ်ခု၌ ဖြေဆိုခဲ့ပြီး သူ့၏လသား အရွယ်ကလေးလေးနှင့်အမျိုးသမီးအားလည်း မိတ်ဆက်ခဲ့ပြီးနောက် ယခုဇွန်လ(၈)ရက်၌ ကွယ်လွန်သွားခဲ့ခြင်းဖြစ်သည်။

▪️ တစ်ကျော့ပြန်ဂီတလောကထဲ သီချင်းများဖန်တီးရန်ကြိုးပမ်းနေချိန်မှာဘဲ အသည်းရောဂါကြောင့် ကွယ်လွန်သွားကြောင်း ဂီတလောကသားများနှင့် သူ၏မိတ်ဆွေများမှ ဖော်ပြထားသည်။

#tthl #Yangon_Times