#World_News
Published 27 July 2024

▪️ ရီပတ်ဘလစ်ကန် သမ္မတလောင်းကိုယ်စားလှယ် ဒေါ်နယ်ထရမ့်က ဖလော်ရီဒါ ပမ်းလ်ကမ်းခြေရှိ မာရာလာဂိုမှာ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူနဲ့ သောကြာနေ့က တွေ့ဆုံဆွေးနွေးခဲ့ရာမှာ သူ့ရဲ့ ဒီမိုကရက်တစ်ပြိုင်ဘက် ကာမယ်လာဟားရစ်ကို ပုတ်ခတ်ပြောဆိုလိုက်ပြီး ဂျူးလူမျိုးတွေက သူမကို ဘယ်လိုမဲပေးကြမှာလဲဆိုပြီး မေးခွန်းထုတ်လိုက်ပါတယ်။

▪️ ဂျူးလူမျိုးတစ်ယောက်က သူမအတွက် ဘယ်လိုများမဲပေးမလဲဆိုတာ နားမလည်ကြောင်း၊ ဒါကလည်း သူတို့အပေါ်သာ မူတည်ကြောင်း ထရမ့်က ဆိုပါတယ်။

▪️ အစ္စရေးလ်ဝန်ကြီးချုပ်နဲ့အတူ ပါလာတဲ့ အစ္စရေးလ်သတင်းထောက်တွေကို ဆွေးနွေးပွဲသို့ အဝင်မခံပေမယ့် အမေရိကန် သတင်းထောက်အချို့တော့ ဝင်ခွင့်ပေးခဲ့ကာ နှစ်ဦးစလုံးကို မေးမြန်းခဲ့ကြပါတယ်။

▪️ ဒုသမ္မတ ကာမယ်လာဟားရစ် ကြာသပတေးနေ့က အိမ်ဖြူတော်မှာ နေတန်ညာဟူနဲ့ ဆွေးနွေးပြီးနောက် ဓားစာခံလွှတ်ပေးရေး ဒုတိယအဆင့်အပြီးမှာ အစ္စရေးလ်အနေနဲ့ ဂါဇာကနေ ဆုတ်ခွာရမယ်ဆိုတဲ့ ထုတ်ပြန်ချက်နဲ့ ပတ်သက်တဲ့အကြောင်းကို မေးမြန်းခဲ့ကြပါတယ်။

▪️ အစ္စရေးလ်ဘက်က ထိုအဆင့်အထိ လုပ်ဆောင်သွားဖို့ မသေချာသေးဘဲ နေတန်ညာဟူကတော့ ဝါရှင်တန်သို့ ယခုအပတ် ခရီးသွားရောက်စဉ် ဟားရစ်ရော ထရမ့်နဲ့ပါ တွေ့ဆုံခဲ့ကာ သမ္မတအဖြစ် မည်သူရွေးချယ်ခံရသည်ဖြစ်စေ ဆက်ဆံရေးတည်ဆောက်သွားဖို့ ပြင်ဆင်နေပါတယ်။

▪️ ဒါပေမဲ့ ပြိုင်ဆိုင်မှုပြင်းထန်နေတဲ့ အမေရိကန် သမ္မတရွေးကောက်ပွဲ ယှဉ်ပြိုင်မှုတွေကြား သူကိုယ်တိုင်ရောက်ရှိနေတာကို နေတန်ညာဟူ ချက်ချင်းသတိမူမိပါတယ်။

▪️ ဂါဇာအရေးနဲ့ ပတ်သက်ပြီး ဟားရစ်ရဲ့ထုတ်ပြန်ချက်က အစ္စရေးလ်အစိုးရကို စိတ်ပျက်စေပြီး ဓားစာခံသဘောတူညီချက် ဆွေးနွေးမှုများကို ထိခိုက်စေမှာကို စိုးရိမ်နေကြပါတယ်။

▪️ ထရမ့်ကပြောကြားရာမှာ ဟားရစ်က အစ္စရေးလ်ကို မလေးမစားလုပ်နေတယ်လို့ မြင်နေကြောင်း၊ သူမဟာ လက်ဝဲနိုင်ငံရေးသမားတွေထဲမှာ အညောင့်သဘောရောက်ကြောင်း၊ ဆန်ဖရန်ဆစ္စကိုကို ဖျက်လိုဖျက်ဆီး လုပ်နေပြီး ဘယ်လိုတည်ဆောက်ရမလဲ နားမလည်ကြောင်း ဆိုပါတယ်။

▪️ ထရမ့်က ယင်းနဲ့ နေတန်ညာဟူကြား ဆက်ဆံရေးယိုယွင်းလာတယ်ဆိုတာကို ငြင်းပယ်လိုက်ပြီး အမြဲတမ်း ဆက်ဆံရေးကောင်း ရှိနေတယ်လို့ ရှင်းပြခဲ့ပါတယ်။

▪️ အစ္စရေးလ်နဲ့ ဆက်ဆံရေးကောင်းမြဲနေရတဲ့ လျှို့ဝှက်လက်နက်က နေတန်ညာဟူရဲ့ဇနီး ဆာရာကြောင့်ဖြစ်တယ်လို့ နောက်ပြောင်ပြောဆိုလိုက်ကာ သူမရဲ့ပခုံးပေါ် လက်တင်ခဲ့တာကို မြင်တွေ့ခဲ့ရပါတယ်။

▪️ ၂၀၁၇ မှ ၂၀၂၁ အတွင်း ထရမ့်သမ္မတဖြစ်စဉ်ကထက် ဘယ်အမေရိကန်သမ္မတကမှ အစ္စရေးလ်အတွက် အကျိုးမပြုခဲ့ဘူးလို့ ထရမ့်က ဆိုပါတယ်။

▪️ ဂိုလန်ဟိုက်ကို အစ္စရေးလ် နယ်မြေပိုင်အဖြစ် အသိအမှတ်ပြုခြင်းနဲ့ ဂျေရုဆလမ်ကို အစ္စရေးလ်မြို့တော်အဖြစ် အသိအမှတ်ပြုခြင်းတို့ ပါဝင်ထားကာ အမေရိကန်သံရုံးကို တဲလ်အေဗစ်ကနေ ဂျေရုဆလမ်သို့ ရွှေ့ပြောင်းပြီး အီရန်နျူကလီးယား သဘောတူညီချက်မှာလည်း ပါဝင်ထားပါတယ်။

▪️ ယင်းသာ ရွေးကောက်ခံရပါက အီရန်နျူကလီးယား အဆုံးသတ်ရေး သဘောတူညီချက်ကို ချက်ချင်းဆောင်ရွက်နိုင်ပေမယ့် ဒီမိုကရက်တွေကတော့ ဒီကိစ္စကို အရေးမထားဘူးလို့ ဆိုပါတယ်။

▪️ အခုဆိုရင် ဘိုင်ဒင်နေရာ အစားဝင်လာတဲ့ ဟားရစ်က ပို၍ပင်ဆိုးရွားနေကာ အရှေ့အလယ်ပိုင်းမှာ အဓိကစစ်ပွဲကြီး ဖြစ်လာနိုင်ပြီး တတိယကမ္ဘာစစ်ပင် အချိန်ဖြစ်ပွားလာနိုင်တယ်လို့ ထရမ့်က ပြောပါတယ်။

▪️ အစ္စရေးလ်အနေနဲ့ စစ်ပွဲကို မြန်မြန်အဆုံးသတ်ပြီး ဓားစာခံပြန်ရရေးကိုသာ သေချာပြုလုပ်ဖို့ ထရမ့်က တိုက်တွန်းခဲ့ပါတယ်။

#Source: The Jerusalem Post

#Local_News
Published 27 July 2024

▪️ ရန်ကုန်တိုင်းဒေသကြီး၊ ကွမ်းခြံကုန်းမြို့နယ်၊ ကညင်ကုန်းကျေးရွာနှင့် ညောင်နီကျေးရွာတွင် ယနေ့မနက်ပိုင်းက လေဆင်နှာမောင်း တိုက်ခတ်မှုထပ်မံဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇူလိုင်၂၇ ရက်နေ့၊မနက် ၆ နာရီအချိန်ခန့်တွင် ကွမ်းခြံကုန်းမြို့နယ်မီးသတ်စခန်းနှင့် ကော့မှူးမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ ရဲသူရိန်(စမ်းချောင်း)အရန်မီးသတ်တပ်ဖွဲ့ဝင်များသည် မုဒိတာလူမှုကူညီရေးအသင်း၊ သောင်ခုန်မေတ္တာမွန်လူမှုကူညီရေးအသင်း၊ စိတ္တသုခ(တွံတေး)လူမှုကူညီရေးအသင်းနှင့် သက်ဆိုင်ရာအဖွဲ့အစည်းများ ပူးပေါင်း၍ ရှင်းလင်းရေးလုပ်ငန်းများ ဆက်လက် ဆောင်ရွက်ခဲ့‌ကြောင်း သိရသည်။

▪️ ယမန်နေ့ဇူလိုင်၂၆ ရက်နေ့၊ မနက်၄ နာရီ ၄၄ မိနစ်အချိန်ခန့်ကလည်း  ကွမ်းခြံကုန်းမြို့နယ်၊ ကညင်ကုန်းကျေးရွာနှင့် ညောင်နီကုန်းကျေးရွာတွင် လေဆင်နှာမောင်း တိုက်ခတ်မှုဖြစ်ပွါးခဲ့ရာ ကွမ်းခြံကုန်းမြို့နယ်မီးသတ်စခန်းမှ မီးငြှိမ်းသတ်ယာဉ် (၂)စီး၊ ကော့မှူးမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများနှင့် ရှင်းလင်းရေးလုပ်ငန်းများဆောင်ရွက်ခဲ့ရ‌ကြောင်း သိရသည်။

#YMG/NN #Yangon_Times

#Local_News
Published 27 July 2024

▪️ တရုတ်နိုင်ငံမှမြန်မာနိုင်ငံမြောက်ပိုင်းဒေသ အပစ်အခတ်ရပ်စဲရေးနှင့် ငြိမ်းချမ်းစွာဆွေးနွေးရေးအရှိန်အဟုန်ကို ထိန်းသိမ်းထားရန် တွန်းအားပေးမည်ဖြစ်ကြောင်း မြန်မာနိုင်ငံ‌ဆိုင်ရာတရုတ်သံရုံး၏ ထုတ်ပြန်ချက်အရ သိရသည်။

▪️ တရုတ်နိုင်ငံခြားရေးဝန်ကြီးဌာန သတင်းစာရှင်းလင်းပွဲ၌တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Mrs. Mao Ning ကထည့်သွင်းပြောကြားခဲ့ခြင်း ဖြစ်သည်။

▪️ တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Mrs. Mao Ning သည် ဇူလိုင်လ ၂၅ ရက်နေ့တွင် ကျင်းပသည့် တရုတ်နိုင်ငံခြားရေးဝန်ကြီးဌာန သတင်းစာရှင်းလင်းပွဲ၌ မြန်မာနိုင်ငံမြောက်ပိုင်းဒေသ လက်ရှိအခြေအနေနှင့်စပ်လျဉ်း၍ ဖြေကြားရာတွင် တရုတ်နိုင်ငံသည် မြန်မာနိုင်ငံမြောက်ပိုင်းဒေသ အခြေအနေကို အလွန်ဂရုပြုလျက်ရှိကြောင်း၊ 

▪️ မြန်မာနိုင်ငံ သက်ဆိုင်ရာဘက်အသီးသီးက တွေ့ဆုံဆွေးနွေးမှုကိုကိုင်စွဲ၍ အမြန်ဆုံးအပစ်အခတ်ရပ်စဲကာ ငြိမ်းချမ်းသောနည်းလမ်းဖြင့် သဘောထားကွဲပြားမှုများကိုဖြေရှင်းပြီး အခြေအနေပိုမိုအရှိန်မြင့်လာမှုကို ရှောင်ရှားရန် မိမိတို့က အမြဲတိုက်တွန်းလျက်ရှိကြောင်း၊ 

▪️ အထူးသဖြင့် တရုတ်နိုင်ငံနယ်စပ်ဒေသ၊ နယ်စပ်ဒေသနေ ပြည်သူများနှင့် မြန်မာနိုင်ငံရှိ တရုတ်စီမံကိန်းများ၊ ကုမ္ပဏီများ၊ ဝန်ထမ်းများ၏ လုံခြုံရေးကို မထိခိုက်စေရန် တိုက်တွန်းလျက်ရှိကြောင်း၊

▪️ မိမိတို့သည် ငြိမ်းချမ်းစွာဆွေးနွေးရန် ဆက်လက်တိုက်တွန်းသွားမည်ဖြစ်ပြီး မြန်မာနိုင်ငံ မြောက်ပိုင်းဒေသ အပစ်အခတ်ရပ်စဲရေးနှင့် ငြိမ်းချမ်းစွာဆွေးနွေးရေးအရှိန်အဟုန်ကို ထိန်းသိမ်းထားရန် တွန်းအားပေးသွားမည်ဖြစ်ကြောင်း ပြောကြားခဲ့ကြောင်း သိရသည်။

#YMG/tthl #Yangon_Times

#World_Research
Published 27 July 2024

▪️ မွေးကင်းစကလေးတွေဟာ မိခင်ရဲ့အနံ့ကနေ လူတွေရဲ့မျက်နှာကို သိရှိမြင်တွေ့ကြတယ်လို့ သုတေသီအဖွဲ့တစ်ခုက အံ့အားသင့်ဖွယ် ရှာတွေ့ထားပါတယ်။

▪️ အဖွဲ့အစည်းအမျိုးမျိုးမှ သုတေသီတွေက ဒီဖြစ်စဉ်ကို နားလည်ဖို့အတွက် လေ့လာချက် ပြုလုပ်ခဲ့တာ ဖြစ်ပါတယ်။

▪️ မွေးကင်းစကလေးတွေရဲ့အဆိုပါစွမ်းရည်ဟာ အသက် ၄ လမှ ၁၂ လအတွင်း အသိသာဆုံးဖြစ်ပါတယ်။

▪️ ဒါပေမဲ့ ထိုထက်အသက်ကြီးသွားတဲ့ ကလေးတွေကတော့ မျက်နှာတွေသိရှိဖို့အတွက် အမြင်အာရုံကိုပဲ အဓိကအသုံးပြုကြပါတယ်။

▪️ အာရုံခံသိရှိခြင်းဆိုတာဟာ ဦးနှောက်ထဲက ရှုပ်ထွေးတဲ့ဖြစ်စဉ်ဖြစ်ပြီး တချိန်တည်းမှာပဲ လှုံ့ဆော်မှုအမျိုးမျိုးကနေ ရောက်ရှိလာကြတယ်လို့ အာရုံကြောသိပ္ပံ တွဲဖက်ပရော်ဖက်ဆာ ဒေါက်တာ အာနော့လယ်လူက ပြောပါတယ်။

▪️ မိခင်ရဲ့ကိုယ်နံ့ကနေ လူမျက်နှာတွေကို သိရှိတဲ့စွမ်းရည်ဟာ ကလေးတွေ အသက်ကြီးလာတဲ့အခါ လျော့ပါးလာပြီး အမြင်အာရုံကနေ သိရှိလာကြတယ်လို့ တွေ့ရှိခဲ့ပါတယ်။

▪️ ကလေးတွေမှာ အာရုံခံသိရှိခြင်းပုံစံ အမျိုးမျိုးကို လေ့လာမှုကြီးပြုလုပ်ရာမှာ သက်တမ်းအစောပိုင်းမှာ ပုံစံအမျိုးမျိုးဖြင့် အာရုံကြောလှုံ့ဆော်မှုတွေကနေ သိရှိမှုလေ့လာသိရှိခြင်းက ဘယ်လောက်အရေးကြီးလဲဆိုတာကို တွေ့ရှိလာပါတယ်။

▪️ ဒါ့အပြင် အခြားအာရုံကြော စွမ်းရည်တွေ ဖွံ့ဖြိုးဖို့အတွက်လည်း အစောပိုင်းသိရှိခြင်းက အရေးပါနေပြီး အရာအမျိုးမျိုးဖြင့် ထိတွေ့သိရှိပေးဖို့လိုအပ်ကြောင်းကို ဖော်ပြသွားကြပါတယ်။

#Source: WION

#World_Health
Published 27 July 2024

▪️ အသည်းရောင်-စီရောဂါ (HCV)ကို ကိုယ်တိုင်စစ်ဆေးနိုင်မယ့် ပထမဆုံးစမ်းသပ်နည်းကို WHO က အသိအမှတ်ပြုလိုက်ပြီး အသည်းရောင်ရောဂါကို ပိုမိုလွယ်ကူစွာ စစ်ဆေးနိုင်ကာ ရောဂါဖယ်ရှားနိုင်ရန် ရည်ရွယ်နေကြတာ ဖြစ်ပါတယ်။

▪️ ကမ္ဘာပေါ်မှာ နေ့စဉ်နေ့တိုင်း အသည်းရောင်ရောဂါကြောင့် လူ ၃၅၀၀ နှုန်းသေဆုံးနေကြပြီး ၂၀၂၂ နှစ်ကုန်အထိ အသည်းရောင်-စီရောဂါရှိသူ သန်း ၅၀ ထဲက ၃၆ ရာခိုင်နှုန်းသာ ရောဂါတွေ့ရှိခဲ့ကာ ၂၀ ရာခိုင်နှုန်းကသာ ကုသမှု ခံယူခဲ့ကြပါတယ်။

▪️ OraQuick HCV လို့အမည်ပေးထားတဲ့ ကိုယ်တိုင်စမ်းသပ်နည်းအသစ်ကို OraSure Technologies မှ ထုတ်လုပ်ထားပြီး ကြိုတင်အသိအမှတ်ပြု ရရှိထားပြီ ဖြစ်ပါတယ်။

▪️ လက်ထိပ်ဖောက်ခြင်းနဲ့ သွေးပြန်ကြော ဖောက်ခြင်းဖြင့် HCV ပဋိဇီဝပစ္စည်းကို ရှာဖွေခြင်းအတွက် ထိုနည်းလမ်းကို ယခင်ကတည်းက အသိအမှတ်ပြုထားပါတယ်။

▪️ ထိုနည်းလမ်းက မိနစ် ၂၀ အတွင်း တိကျတဲ့စစ်ဆေးမှုရလဒ်ကို ပေးစွမ်းနိုင်မှာဖြစ်တယ်လို့ ဖော်ပြထားပါတယ်။

▪️ ထိုပစ္စည်းမှာ လူတိုင်းကိုယ်တိုင် အသုံးပြုနိုင်စေရန် ဖန်တီးထားပြီး လိုအပ်တဲ့ပစ္စည်းတွေ ပါဝင်ပါတယ်။

▪️ အသည်းရောင်-စီ ကိုယ်တိုင်စမ်းသပ်နည်းဟာ လက်ရှိစမ်းသပ်နည်းတွေကို ဖြည့်စွက်နိုင်မယ်လို့ ၂၀၂၁ တုန်းက WHO ထောက်ခံထားပါတယ်။

▪️ ကိုယ်တိုင်စမ်းသပ်နည်းဟာ လက်တွေ့စမ်းသပ်ထားကာ အလွယ်တကူ စမ်းသပ်ထိန်းချုပ်နိုင်စေရန် အားပေးနိုင်စေမယ်လို့ အမျိုးသားစီမံကိန်းတွေမှာ တွေ့ထားပါတယ်။

▪️ HCV ကို ကိုယ်တိုင်စစ်ဆေးနိုင်မယ့် နည်းလမ်းက WHO မှ ကြိုတင်အသိအမှတ်ပြုထားပြီး စီးပွားရေး အလယ်အလတ်မှ နိမ့်ပါးတဲ့နိုင်ငံတွေမှာ ပိုမိုသက်သာပြီး ဘေးကင်းတဲ့နည်းလမ်းဖြင့် အသုံးပြုလာနိုင်မှာဖြစ်ပြီး HCV ရောဂါရှိတဲ့ လူ ၉၀ ရာခိုင်နှုန်းမှာ ရောဂါတွေ့ရှိနိုင်ဖို့ အရေးကြီးကြောင်း WHO ကွပ်ကဲရေးဌာမှ ညွှန်ကြားရေးမှူး ဒေါက်တာ ရိုဂျဲရီယိုဂက်စ်ပါက ပြောပါတယ်။

▪️ WHO ကလည်း ဒီလိုစမ်းသပ်နည်းတွေကို ပိုမိုကျယ်ပြန့်စွာချမှတ်ပြီး အဖွဲ့အစည်းများနဲ့ အတူတကွ လုပ်ဆောင်သွားမှာ ဖြစ်ပါတယ်။

#Source: India Today

Lawson Inc စတိုးဆိုင်လုပ်ငန်းကြီးအား ဂျပန်တယ်လီကွန်းကုမ္ပဏီ KDDI လွှဲပြောင်းရယူလိုက်သဖြင့် ၂၄နှစ်ကြာ အများပိုင်ကုမ္ပဏီအဖြစ်မှ အဆုံးသတ်သွား

ဂျပန်မှ KDDI ကော်ပိုရေးရှင်းက ယခုနှစ်အစောပိုင်းမှာ စတိုးဆိုင်လုပ်ငန်းကြီး Lawson Inc. ကို လွှဲပြောင်းရယူခဲ့သဖြင့် Lawson အနေနဲ့ တိုကျိုစတော့အိတ်စ်ချိန်းစာရင်းမှာ မပါဝင်တော့ဘဲ ၂၄ နှစ်ကြာ အများပိုင်ကုမ္ပဏီအဖြစ်ကနေ အဆုံးသတ်သွားပါပြီ။
#World_Business
Published 26 July 2024
#ဂျပန်တယ်လီကွန်းကုမ္ပဏီ #အများပိုင်ကုမ္ပဏီအဖြစ်
#YMG #Yangon_Times #Yangon_Media_Group

#Daily_News
Published 26 July 2024

၁။ တရုတ်-မြန်မာနှစ်နိုင်ငံ မူကြီး(၅)ရပ်ကို ဆက်လက်ကျင့်သုံးပြီး ဖွံ့ဖြိုး‌ရေးဆိုင်ရာ အစီအမံ(၃)ခုဆက်၍ ဖော်ဆောင်မည်

၂။ ထိုင်ဝမ်မုန်တိုင်းအတွင်း  မြန်မာသင်္ဘောသား(၉)ဦး ပျောက်ဆုံးပြီး(၄)‌ဦးကယ်တင်နိုင်ခဲ့၊MSF အကူအညီပေးမည်ဆို

၃။ လှိုင်နှင့်‌သောင်းရင်းမြစ်ရေ မြင့်တက်မှုများကြောင့် ကူညီကယ်ဆယ်ရေးများပြုလုပ်ပေးနေရ

၄။ Lawson Incစ တိုးဆိုင်လုပ်ငန်းကြီးအား ဂျပန်တယ်လီကွန်းကုမ္ပဏီ KDDIလွှဲပြောင်းရယူလိုက်သဖြင့် ၂၄နှစ်ကြာ အများပိုင်ကုမ္ပဏီအဖြစ်မှ အဆုံးသတ်သွား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၆ ဇူလိုင် ၂၀၂၄

တိုင်းရင်းသားပြည်သူလူထုကို ကာကွယ်သည့် ကာကွယ်စစ်သည် မုချမအာင်ရမည်သာဖြစ်တယ်လို့ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းကပြောပါတယ်။

ရှမ်းပြည်နယ်(မြောက်ပိုင်း)တွင် ဖြစ်ပေါ်နေသော အခြေအနေများနှင့်ပတ်သက်၍ နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ရုပ်သံဖြင့်ပြောကြားရာမှာ ယင်းကဲ့သို့ ပြောဆိုခဲ့ခြင်းဖြစ်ပါတယ်။

ဗိုလ်ချုပ်ဇော်မင်းထွန်းရဲ့ ပြောကြားချက်အပြည့်အစုံကို ဖော်ပြပေးအပ်ပါတယ်။

@ymg/knl

သောင်ရင်းမြစ်‌၊ ဘီးလင်းမြစ်၊ သံလွင်မြစ်၊ ငဝန်မြစ်ရေတွေဟာ စိုးရိမ်‌ရေအမှတ်အထက်ပေဝက်မှ ၂ပေခွဲအထိဆက်တက်ရန်ရှိပြီး မြို့(၅)မြို့ မြစ်ရေဆက်ကြီးနိုင်တယ်လို့ သိရပါတယ်။ တောင်ကျရေကြောင့် ဇူလိုင်(၂၆)ရက်မှာ ဘီးလင်းလမ်းပိုင်းနဲ့မစောတံတား ခေတ္တပိတ်ထားရတယ်။
#Local_News
Published 26 July 2024
#မြို့(၅)မြို့မြစ်ရေဆက်ကြီးနိုင် #မစောတံတားခေတ္တပိတ်
#YMG/tthl #Yangon_Times

ရန်ကုန်တိုင်းနဲ့ ကရင်ပြည်နယ်တွေမှာရှိတဲ့ လှိုင်နဲ့သောင်းရင်းမြစ်ရေမြင့်တက်မှုတွေကြောင့်ဒေသခံတွေကို ကူညီကယ်ဆယ်ရေးတွေ ပြုလုပ်ပေးနေရတယ်လို့ မြန်မာနိုင်ငံမီးသတ်တပ်ဖွဲ့က သိရပါတယ်။
#Local_News
Published 26 July 2024
#လှိုင်နှင့်‌သောင်းရင်းမြစ်ရေ #ကူညီကယ်ဆယ်ရေး
#YMG/NN #Yangon_Times

ထိုင်ဝမ်မုန်တိုင်းအတွင်း မြန်မာသင်္ဘောသား(၉)ဦး ပျောက်ဆုံးပြီး၊ (၄)‌ဦးကယ်တင်နိုင်ခဲ့၊ MSF အကူအညီပေးမည်ဆို

ထိုင်ဝမ်မုန်တိုင်းအတွင်း  မြန်မာသင်္ဘောသား(၉)ဦးပျောက်ဆုံးပြီး လတ်တလော(၄)‌ဦးကယ်တင်နိုင်ခဲ့ကြောင်းနဲ့ MSFမှ  ပျောက်ဆုံးသွားတဲ့သင်္ဘောသား မိသားစုဝင်‌တွေကိုအကူအညီပေးဖို့ ဖိတ်ခေါ်ထားတယ်လို့ သိရပါတယ်။
#Local_News
Published 26 July 2024
#မြန်မာသင်္ဘောသား(၉)ဦးပျောက် #(၄)‌ဦးကယ်တင်နိုင်ခဲ့
#YMG/tthl #Yangon_Times

တရုတ်-မြန်မာနှစ်နိုင်ငံ မူကြီး(၅)ရပ်ကို ဆက်လက်ကျင့်သုံးပြီး ဖွံ့ဖြိုး‌ရေးဆိုင်ရာအစီအမံ (၃)ခုဆက်၍ ဖော်ဆောင်မည်

တရုတ်-မြန်မာနှစ်နိုင်ငံ ငြိမ်းချမ်းစွာအတူယှဉ်တွဲနေထိုင်ရေး မူကြီး(၅)ရပ်ကို ဆက်လက်ကျင့်သုံးပြီး ဖွံ့ဖြိုး‌ရေးဆိုင်ရာအစီအမံ (၃)ခုဆက်ပြီး ဖော်ဆောင်သွားမှာဖြစ်တယ်လို့ သိရပါတယ်။
#Local_News
Published 26 July 2024
#မူကြီး(၅)ရပ် #တရုတ်-မြန်မာနှစ်နိုင်ငံ
#YMG/tthl #Yangon_Times