#Local_sport
Published_ 17 August 2023
အာဆင်နယ်အသင်း၏ နောက်ခံလူ တင်းဘားသည် ဒူးဒဏ်ရာပြင်းထန်စွာ ရရှိသဖြင့်ကာလရှည်အနားယူရမည်ဖြစ်ပြီး ခွဲစိတ်ကုသမူလည်းခံယူရမည်ဖြစ်ကြောင်း သိရသည်။
နယ်သာလန်လက်ရွေးစင်တင်းဘားသည် ယခုနွေရာသီတွင် အေဂျက်အသင်းမှ ပြောင်းရွှေ့လာ သူဖြစ်ပြီး နော်တင်ဟမ်ဖောရက်ကို ၂-၁ ဂိုးဖြင့် အနိုင်ရခဲ့ သောပွဲစဉ်တွင် ဒဏ်ရာရရှိ၍ လူစားလဲခဲ့ရသည်။"အေသေးစိတ် စမ်းသပ်စစ်ဆေးမှုများအရ တင်း ဘားသည် ညာဖက် ဒူးအရွတ်ကြောဒဏ်ရာရရှိသဖြင့် မကြာမီခွဲစိတ်ကုသမှုခံယူရမည်ဖြစ်ပြီးကာလတစ်ခုအနားယူရမည်ဖြစ်သည်။"ဟု အာဆင်နယ်အသင်းကတရားဝင်ကြေညာချက်တစ်ရပ်တွင် ဖော်ပြခဲ့သည်။
ပေါင် ၃၈ ဒသမ၅သန်းဖြင့် ပြောင်းရွှေ့ရောက်ရှိလာသည့်တင်းဘားသည် မန်စီးတီးကို အနိုင်ရသည့် ကွန်မြူနတီဒိုင်း ပွဲစဉ်တွင် ကစားခဲ့ပြီး ပရီးမီးယားလိဂ်ပွဲစဉ်(၁) အဖြစ်ဖောရက်စ်နှင့်ကစားခဲ့ရာတွင် ယခုကဲ့သို့ ဒဏ်ရာရခဲ့ခြင်းဖြစ်သည်။
မိမိအနေဖြင့် ဘောလုံးကွင်းထဲသို့ ပိုမိုသန်မာကြံ့ခိုင်စွာဖြင့်အမြန်ဆုံးပြန်လာနိုင်ရန် မျှော်လင့်ကြောင်း တင်း ဘားက အင်စတာဂရမ်တွင်ရေးသားခဲ့သည်။
#Local_sport #အာဆင်နယ်နောက်ခံ လူတင်းဘား #ကာလရှည်အနားယူရမည်
Ref; fotmob 1
- Category: Myanmar
- Hits: 118
၁၇ ဩဂုတ် ၂၀၂၃
ဘရစ်နေစပီးယားနှင့် ဆမ်အက်ဂါရီတို့သည် ၁၄လသာ လက်ထပ်ခဲ့ပြီးနောက် တစ်ဦးနှင့်တစ်ဦးကွာပြဲကြတော့မည် ဖြစ်ကြောင်း တီအမ်ဇက် မဂ္ဂဇင်းကသတင်းရေးသားဖော်ပြပါတယ်။ ပီးပဲလ်မဂ္ဂဇင်းကြီးကလည်း များစွာသော အရင်းအမြစ်တွေကို ကိုးကားပြီး သူတို့နှစ်ဦးကွဲကွာသွားကြသည်မှာ သေချာကြောင်း အတည်ပြုပေးခဲ့ပါတယ်။
အသက် (၄၁)နှစ်အရွယ်ရှိ ပြဿနာအဆိုတော်ဟာ အသက်၂၉နှစ်အရွယ် အက်ဂါရီနှင့် ဩဂုတ် ၁၆ရက်ညကစပြီး သီးခြားခွဲနေကြမည်ဟု အဆိုတော်က ဆုံးဖြတ်ခဲ့ပါတယ်။ သူမဟာ သူ့အပေါ်သစ္စာမရှိဘူးလို့ ဖူးသစ်စ မင်းသား အက်ဂါရီက ကောလာဟလတွေနှင့်ပတ်သက်လို့ သူမနှင့် အတိုက်အခံဖြစ်နေခဲ့ပါတယ်။
သူတို့နှစ်ဦးကွာပြဲသွားကြတာကို တိုက်ရိုက်သိတဲ့ သတင်းအရင်းအမြစ်က တီအမ်ဇက်ကို ပြောကြားရာမှာ အက်ဂါရီဟာ သူတို့ရဲ့အိမ်ဂေဟာကနေ ပြောင်းရွှေ့သွားပြီလို့ပြောပါတယ်။ “ဆမ်ဟာ ကွာရှင်းပြတ်စဲလိမ့်မယ်။ ဘယ်အချိန်ဆိုတာပဲ” လို့ အဆိုပါအရင်းအမြစ်က ပြောပါတယ်။
လိမ်လည်လှည့်စားတယ်ဆိုပြီးစွပ်စွဲကာ သူတို့နှစ်ဦး အကြီးအကျယ်စကားများကြပြီးနောက် အကွဲအပြဲကိစ္စပေါ်ပေါက်လာခြင်းဖြစ်ပါတယ်။
စပီးယားမှာ ဒုတိယအိမ်ထောင် အသက် ၄၅နှစ်အရွယ် ကေဗင်ဖီဒါလိုင်းနှင့်ရခဲ့တဲ့ အသက် ၁၇နှစ်အရွယ် ရှောင်ပရက်စတန်နှင့် အသက်၁၆နှစ်အရွယ် ဂျေဒန်ဂျိမ်းစ် သားနှစ်ဦးရှိပါတယ်။ ပြီးခဲ့တဲ့ ၂၀၂၂ခုနှစ် ဇွန်လ ၉ရက်နေ့က သူမဟာ အက်ဂါရီနှင့် လက်ထပ်ခဲ့တာဖြစ်ပါတယ်။
Source: ChannelNewsAsia
- Category: World
- Hits: 142
#Local_News
Published-17 August 2023
ရန်ကုန်တိုင်းဒေသကြီးမင်္ဂလာဒုံမြို့နယ်ထောက်ကြန့်မြို့ ပဲခူးလမ်းမပေါ်တွင် ဘယ်ခြေထောက် မသန်မာသူဆရာ တော်၁ ပါးကို YBS ယာဥ်က ဝင်တိုက်၍ တက်ကြိတ်မှုဖြစ်ခဲ့ပြီး အခင်းဖြစ်ရာနေရာ၌ပင် ပျံလွန်တော်မူခဲ့ကြောင်း မြန်မာနိုင်ငံဘက်စုံလူမှုကူညီရေးအသင်းမှ သိရသည်။
ဖြစ်စဥ်မှာ သြဂုတ်လ ၁၇ရက် နံနက် ၈နာရီခန့်အချိန်က ပဲခူးဘက်မှရန်ကုန်ဘက်သို့ အဝင်တွင် YBS 35 ယာဥ်က လူကူးမျဥ်းကျားမရောက်ခင် ၁၅ကိုက်အကွာတွင် လမ်းဖြတ်ကူးသောဆရာတော်အား ဝင်တိုက်မိခဲ့ခြင်းဖြစ်သည်။
"ဆရာတော်က အရပ်ကလည်းပုတယ်။ ၄ပေ ၄လက် မလောက်ပဲရှိတယ်။
ဘယ်ဘက်ခြေထောက်ကလည်း မသန်ဘူး။ ကားကလည်းမှတ်တိုင်ကအထွက် ဆရာတော်ကလည်း ဖြတ်တဲ့အချိန် ကားသမားက မမြင်ဘဲ တိုက်မိပြီး တက်ကြိတ်မိတာနံရိုး ၄ ချောင်းကျိုးသွားပြီးနေရာမှာတင် ပျံလွန်တော်မူသွားပါတယ်"ဟု မြန်မာနိုင်ငံဘက်စုံ လူမှုကူညီရေးအသင်းမှ တာဝန်ရှိသူတစ်ဦးကဆိုသည်။
ပျံလွန်တော်မူသွားသောဆရာတော်မှာ သက်တော်က ၅၀ ကျော်ခန့်ရှိပြီးခဲ့ပြီး ဆရာတော်၏ DBကို မြန်မာနိုင်ငံလူမှုကူညီရေးအသင်းမှအင်းစိန်ဆေးရုံသို့ ပို့ဆောင်ပေးခဲ့ကြောင်းသိရသည်။
YBSယာဥ်မောင်းကိုလည်း အခင်းဖြစ်ရာနေရာတွင် တွေ့ရှိရကြောင်းလည်း သိရသည်။
#Local_News #မင်္ဂလာဒုံ #YBSကားတက်ကြိတ်ခံရ
#Yamgon_Times/PP
- Category: Myanmar
- Hits: 114
#World_News
Published 17 August 2023
လန်ဒန်ရှိ ဗြိတိသျှပြတိုက်မှာ ပစ္စည်းများ ပျောက်ဆုံးသွားကြောင်း၊ အခိုးခံရကြောင်း၊ ပျက်စီးသွားကြောင်း သတင်းရရှိပြီးနောက် ဝန်ထမ်းတစ်ဦးကို အလုပ်ထုတ်ပယ်လိုက်ကာ ဥပဒေအရ အရေးယူသွားမယ်လို့ ဆိုပါတယ်။
ထုတ်ပြန်ချက်အရ အခိုးခံရတဲ့ပစ္စည်းတွေထဲမှာ ဘီစီ ၁၅ ရာစုမှ အေဒီ ၁၉ ရာစုအတွင်းရှိ ရွှေ၊ လက်ဝတ်ရတနာများ၊ ဖန်ထည်များ၊ ကျောက်မျက်ရတနာများ ပါဝင်တယ်လို့ ပြတိုက်က ဆိုပါတယ်။
ပစ္စည်းတွေကို သိုလှောင်ရာအခန်းထဲမှာ ထိန်းသိမ်းထားတာဖြစ်ပြီး မကြာသေးမီက လူအများရှေ့မှောက် ပြသထားခြင်း မရှိပါဘူး။
ပညာရေးနဲ့ သုတေသနလုပ်ငန်းများအတွက် အဓိက ထိန်းသိမ်းထားတာဖြစ်ပါတယ်။
"ဒါဟာ အတော်ကို ဖြစ်တောင့်ဖြစ်ခဲဖြစ်ပြီး ပစ္စည်းအားလုံးကို အထူးဂရုစိုက် ထိန်းသိမ်းဖို့ မှာကြားထားပါတယ်" လို့ ပြတိုက်ညွှန်ကြားရေးမှူး 'ဟာ့တ်ဝစ်ဖစ်ရှာ'က ပြောပြခဲ့ပါတယ်။
ပြတိုက်ဘက်က ပြင်ပသုံးသပ်မှုကို စတင်လုပ်ဆောင်နေပြီး စုံစမ်းစစ်ဆေးဖို့အတွက် မြို့တော်ရဲတပ်ဖွဲ့ စီးပွားရေးမှုခင်း ကွပ်ကဲမှုဌာနချုပ်ကို တိုင်ကြားထားပါတယ်။
ခိုးယူသူတွေက ပြတိုက်ကို ပစ်မှတ်ထားခဲ့ပြီး ဖြစ်ပျက်ခဲ့သမျှ အောက်ဆုံးကနေစပြီး သင်ခန်းစာယူနိုင်ဖို့ စိတ်ပိုင်းဖြတ်ထားကြောင်း၊ မြို့တော်ရဲတပ်ဖွဲ့နဲ့ ပူးပေါင်းလုပ်ဆောင်နေကြောင်း ဘုတ်အဖွဲ့ဝင်တစ်ဦးက ဆိုပါတယ်။
ဒီသတင်းကြားပြီးနောက် အင်တာနက်သုံးစွဲသူတွေကြား ပြောစရာဖြစ်လာပါတယ်။
အချို့ကတော့ ဒီပြတိုက်ရဲ့သမိုင်းကြောင်းကို ပြောပြကာ ထေ့ငေါ့စရာဖြစ်နေပြီး အချို့ကတော့ စာနာဂရုဏာသက်နေကြပါတယ်။
"ဗြိတိသျှပြတိုက်အနေနဲ့ ဒီပစ္စည်းအားလုံးကို ဘယ်လိုရလာလဲဆိုတာ ရှင်းပြပေးပါ.. ဝဋ်ဆိုတာ ချက်ချင်းလည်တတ်တယ်" စသဖြင့် ပြောဆိုနေကြပါတယ်။
အချို့ဆိုရင် ပြတိုက်ဟာ ဒီပစ္စည်းတွေကို ပိုင်ရှင်အစစ်အမှန်ဆီ ပြန်ပေးဖို့ကြိုးစားနေတာ ဖြစ်နိုင်တယ်လို့ ဆိုကြပါတယ်။
ဗြိတိသျှပြတိုက်ဟာ သမိုင်းကြောင်းမလှပေမယ့် ဗြိတိန်မှာ ခရီးသွားဧည့်သည်များ အများဆုံးလာကြတဲ့ နေရာတွေထဲက တစ်ခုဖြစ်ပါတယ်။
၁၇၅၉ ခုနှစ်က စတင်ဖွင့်လှစ်ခဲ့ကာ နှစ်စဉ် လာရောက်ကြည့်ရှုသူပေါင်း ၆ သန်းကျော်ရှိပါတယ်။
#World_News #ဗြိတိသျှပြတိုက် #ရှေးဟောင်းပစ္စည်းအများအပြားပျောက်ဆုံး
Source: WION
- Category: World
- Hits: 143
#World_Science
Published 17 August 2023
ပါကင်ဆန်ရောဂါနဲ့ ဆက်စပ်နေတဲ့ လှုပ်ရှားမှုလက္ခဏာများ ပတ်သက်နေတဲ့ ပါကင်ဆိုနစ်ဆင်နဲ့ ဆက်စပ်ရောဂါတွေကို ၁၉၂၀ ကတည်းက လက်ဝှေ့သမားတွေမှာ တွေ့ရှိခဲ့ဖူးတယ်လို့ မှတ်တမ်းတင်ထားပါတယ်။
အမေရိကန်ဘောလုံးမှာ ဦးခေါင်းအကြိမ်ကြိမ် ထိခိုက်မှုများကြောင့် နာတာရှည် ဦးနှောက်အာရုံကြောဆိုင်ရာရောဂါ (CTE)လိုမျိုး အာရုံကြောနဲ့ ပတ်သက်တဲ့ အကျိုးဆက်များ ရှိလာနိုင်ကြောင်း အခုအချိန်မှာ တွေ့ရှိလာပါတယ်။
ဒါပေမဲ့ ဘောလုံးနဲ့ ပါကင်ဆန်ရောဂါတို့ကြား ဆက်စပ်မှုကိုတော့ မတွေ့ရှိခဲ့ပါဘူး။
ဘော့စ်တွန်တက္ကသိုလ်မှ CTE စင်တာရှိ သုတေသီများက ဘောလုံးကစားခြင်းနဲ့ ပါကင်ဆန်ရောဂါ ဖြစ်နိုင်ချေတို့ကြား ပတ်သက်မှုကို လေ့လာရန်အတွက် အွန်လိုင်းမှ တစ်ဦးချင်းစီရဲ့ အချက်အလက်များ အသုံးပြုခဲ့ပါတယ်။
ထိုတွေ့ရှိချက်များအရ ဘောလုံးကစားဖူးတဲ့သူတွေမှာ ပါကင်ဆိုနစ်ဆန် ဒါမှမဟုတ် ပါကင်ဆန်ရောဂါ ဖြစ်နိုင်ချေ ၆၁ ရာခိုင်နှုန်းပိုများကြောင်း သိရှိရပါတယ်။
ပါကင်ဆန်သုတေသန လုပ်ငန်းအတွက် The Michael J. Fox ဖောင်ဒေးရှင်းမှ ထောက်ပံ့ပေးကာ ပါကင်ဆန်ရောဂါ ရှိသူတွေရော မရှိသူတွေပါ စမ်းသပ်လေ့လာခဲ့ပါတယ်။
အချက်အလက်များအရ ကစားသမားဘဝ ပိုမိုကြာရှည်သူများနဲ့ အဆင့်မြင့်တန်းတွေမှာ ယှဉ်ပြိုင်ရသူတွေဟာ ပါကင်ဆိုနစ်ဆင် သို့မဟုတ် ပါကင်ဆန်ရောဂါ ဖြစ်နိုင်ချေပိုများကြောင်း တွေ့ရှိခဲ့ပါတယ်။
ငယ်စဉ်ဘဝ အထက်တန်းကျောင်းသားဘဝကသာ ကစားသူများထက်စာရင် အဆင့်မြင့်တန်းတွေမှာ ကစားတဲ့သူတွေက ပါကင်ဆန်ရောဂါ ဖြစ်နိုင်ချေ ၂.၉၃ ဆ ပိုများလာပါတယ်။
အဆိုပါရောဂါလက္ခဏာ ဖြစ်နိုင်ချေက ဘောလုံးအားကစား စတင်ပြုလုပ်တဲ့ အသက်အရွယ်နဲ့ မပတ်သက်တာကိုတော့ တွေ့ရှိထားပါတယ်။
သုတေသီတွေက ခွန်အားအသုံးပြုရခြင်းကို ဖော်ပြလိုက်ကာ ဘောလုံးသမားတွေကို အခြားအားကစားသမားတွေနဲ့ နှိုင်းယှဉ်ခဲ့ကြပါတယ်။
ဒါ့အပြင် ဒီလေ့လာမှုတွေက အဆင့်မြင့်တန်း အားကစားသမားတွေထက် အပျော်တမ်းကစားသူအများစုကို လေ့လာခဲ့ကြတာဖြစ်ပါတယ်။
#World_Science #ဘောလုံးကစားခြင်း #ပါကင်ဆန်ရောဂါ
Source: WION
- Category: World
- Hits: 102
#World_Health
Published 17 August 2023
အစားအစာထုပ်ပိုးမှုနဲ့ သုတ်ဆေးများမှာ တွေ့ရတတ်တဲ့ မိုက်ခရိုပလတ်စတစ်များကို လူသားနှလုံးထဲမှာ ပထမဆုံးအကြိမ် တွေ့ရှိခဲ့ပါတယ်။
နှလုံးသွေးကြောခွဲစိတ်မှု ပြုလုပ်ခဲ့တဲ့ လူနာ ၁၅ ယောက်ရဲ့ နှလုံးပြဿနာကို တရုတ်ပြည် ပေကျင်းအန်ကျန်ဆေးရုံမှ သိပ္ပံပညာရှင်များအဖွဲ့က လေ့လာဆန်းစစ်ခဲ့ကာ သတိထားစရာ ဖြစ်လာခဲ့ကြောင်း အမေရိကန်ဓာတုဗေဒ အဖွဲ့အစည်းမှ ဖော်ပြခဲ့ပါတယ်။
၅ မီလီမီတာအများဆုံး ရှိတတ်တဲ့ မိုက်ခရိုပလတ်စတစ်တွေဟာ ပါးစပ် နှာခေါင်း အခြားခန္ဓာကိုယ်အပေါက်တွေကနေတဆင့် ခန္ဓာကိုယ်ထဲသို့ ဝင်ရောက်လာနိုင်ပါတယ်။
ဒေါက်တာ'ကွန်ဟွာ'၊ 'ရှုဘင်ယန်'နဲ့အဖွဲ့က ဒီအမှုန်တွေဟာ နှလုံးသွေးကြောစနစ်ထဲကို တိုက်ရိုက်ထိတွေ့ခြင်းကနေတဆင့် ဒါမှမဟုတ် သွယ်ဝိုက်ခြင်းကနေတဆင့် ဝင်ရောက်တာလားဆိုတာကို လေ့လာချင်ခဲ့ပါတယ်။
သုတေသီတွေက လူနာတွေရဲ့ နှလုံးတစ်ရှူးတွေအပြင် စမ်းသပ်ပါဝင်သူတဝက်ခန့်ထံမှ သွေးနမူနာများပါ စုဆောင်းခွဲခြမ်းခဲ့ကြပါတယ်။
ထိုတစ်ရှူးအများစုမှာ မိုက်ခရိုပလတ်စတစ် အပိုင်းအစ သောင်းချီပြီး တွေ့ရှိခဲ့ကြကာ သွေးနမူနာအားလုံးမှာ ပလတ်စတစ်နမူနာများ တွေ့ရှိခဲ့ပါတယ်။
နှလုံးတစ်ရှူး ၅ မျိုးထဲမှာ ပလတ်စတစ် ၉ မျိုးတွေ့ရှိခဲ့ပြီး အချို့မိုက်ခရိုပလတ်စတစ်များကို ခွဲစိတ်မှုအတွင်း လူနာများထံမှာ အမှတ်မထင် တွေ့ရှိခဲ့ကြောင်း အထောက်အထား တွေ့ရှိထားပါတယ်။
နှလုံးရဲ့ မတူညီတဲ့ အစိတ်အပိုင်း ၃ ခုမှာ တွေ့ရတဲ့ ပလတ်စတစ်တွေဟာ ဖန်အစားထိုး ကွဲအက်ခြင်းကိုခံနိုင်ရည်ရှိတဲ့ ပလတ်စတစ်အဖြစ် အသုံးပြုလေ့ရှိပါတယ်။
ဒီအမှုန်တွေဟာ ခွဲစိတ်မှုအတွင်း မတော်တဆထိတွေ့မိခြင်းကြောင့် မဖြစ်နိုင်ဘူးလို့ သုတေသီတွေက ဆိုပါတယ်။
ပိုလီအီသိုင်လင်း တယ်ရပ်သာလိတ်ကို အဝတ်အထည်နဲ့ စားစရာဗူးခွက်တွေမှာ အသုံးပြုကြပြီး ပိုလီဗီနိုင်းလ်ကလိုရိုက်ကိုတော့ ပြတင်းပေါက်ဘောင်တွေ၊ ရေဆင်းပိုက်တွေ၊ သုတ်ဆေးတွေမှာ အသုံးပြုကြပါတယ်။
ပြီးခဲ့တဲ့နှစ်က လေ့လာချက်တစ်ခုမှာ လူသားတွေဟာ အပတ်စဉ် ပလတ်စတစ်အမှုန် ၅ ဂရမ်ခန့် စားသုံးမိနေကြောင်း တွေ့ရှိရပါတယ်။
ထိုအမှုန်တွေဟာ စားစရာထုပ်ပိုးမှုများ၊ ပင်လယ်ရေ၊ ပင်လယ်စာ၊ သောက်သုံးရေတို့မှတဆင့် လူ့ခန္ဓာကိုယ်ထဲ ဝင်ရောက်လာကြကြောင်း ဗီယင်နာဆေးဘက်ဆိုင်ရာ တက္ကသိုလ်မှ သိပ္ပံပညာရှင်များ တွေ့ရှိခဲ့ကြပါတယ်။
မိုက်ခရိုပလတ်စတစ်ကြောင့် အစာအိမ်အူလမ်းကြောင်းမှာ အပြောင်းအလဲများဖြစ်ပေါ်ကာ အဝလွန်ခြင်း၊ ဆီးချိုရောဂါ၊ နာတာရှည်အသည်းရောဂါတို့ ဖြစ်နိုင်ချေနဲ့ ဆက်စပ်နေပါတယ်။
#World_Health #မိုက်ခရိုပလတ်စတစ်အမှုန် #ပထမဆုံးအနေဖြင့်တွေ့ရှိ
Source: NY Post
- Category: World
- Hits: 141
၁၆ ဩဂုတ် ၂၀၂၃
နိုင်ငံအချို့သည်ဘဏ္ဍာရေးလုံခြုံမှုနှင့် ယှဉ်တွဲပြီးဖြစ်လာသော ဒေါ်လာငွေကြေးကို လက်နက်သဖွယ် အသုံးချလျက် ရှိနေကြတယ်လို့ နစက ဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ရုရှားနိုင်ငံ မော်စကိုမြို့၌ ကျင်းပတဲ့ (၁၁)ကြိမ်မြောက် နိုင်ငံတကာလုံခြုံရေးညီလာခံ (MCIS - 2023)တွင် ပြောကြားပါတယ်။
ဗိုလ်ချုပ်မှူးကြီးမင်းအောင်လှိုင်က အဆိုပါ နိုင်ငံတကာလုံခြုံရေးညီလာခံသို့ ဗွီဒီယိုဖြင့် မိန့်ခွန်းပြောကြားရာတွင် ယင်းကဲ့သို့ထည့်သွင်းပြောကြားခဲ့တာဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။
ကမ္ဘာ့လူဦးရေစုစုပေါင်း၏ ၆၀ ရာခိုင်နှုန်းကျော် နေထိုင်လျက်ရှိသော အာရှ-ပစိဖိတ်ဒေသအတွက် စားနပ်ရိက္ခာလုံခြုံမှုရှိရေးသည် အခြေခံအကျဆုံးနှင့် အဓိကအကျဆုံး လိုအပ်ချက်တစ်ခု ဖြစ်လာတဲ့အတွက် စားနပ်ရိက္ခာလုံခြုံမှုရှိရေးတွင် အဓိကကျသော စိုက်ပျိုးရေးအတွက် လိုအပ်သည့် လောင်စာဆီ၊ ဓာတ်မြေဩဇာများ
အပါအဝင် အထောက်အကူပြုပစ္စည်းများ ရောင်းဝယ်ရာတွင် အချို့နိုင်ငံများသည်ဘဏ္ဍာရေးလုံခြုံမှုနှင့် ယှဉ်တွဲပြီးဖြစ်လာသော ဒေါ်လာငွေကြေးကို လက်နက်သဖွယ်အသုံးချလျက်ရှိတယ်လို့ ဗိုလ်ချုပ်မှူးကြီးက ပြောကြားခဲ့ခြင်းဖြစ်ပါတယ်။
“အာရှ-ပစိဖိတ်ဒေသသည် လူဦးရေများပြားခြင်းနှင့် ကမ္ဘာ့ကုန်သွယ်ရေးတွင်အချက်အချာကျနေခြင်းတို့အပြင် လုံခြုံရေးအပါအဝင် ကဏ္ဍမျိုးစုံ၌ အရေးပါသည့်ဒေသဖြစ်လာသည့်အတွက် အမေရိကန်နိုင်ငံအပါအဝင် ဥရောပသမဂ္ဂနှင့် NATOအဖွဲ့ဝင်နိုင်ငံများကလည်း ၎င်းတို့၏ အကျိုးစီးပွားအတွက် အာရှ-ပစိဖိတ်ဒေသအပေါ်စိတ်ဝင်စားမှု မြင့်တက်လာတယ်” လို့လည်း နစက ဥက္ကဋ္ဌက ဆက်လက်ပြောကြားပါတယ်။
အဲဒါကြောင့် သူတို့ဟာ ဒေသတွင်းနိုင်ငံများနှင့် တိုက်ရိုက်သော်လည်းကောင်း၊သွယ်ဝိုက်သော်လည်းကောင်း ထိတွေ့ ဆက်ဆံမှုများ တိုးမြှင့်ဆောင်ရွက်လာသည်ကိုတွေ့ရှိရတယ်” လို့ ဗိုလ်ချုပ်မှူးကြီးက သုံးသပ်ပြောဆိုပါတယ်။
လုံခြုံရေးကဏ္ဍတွင်လည်း အပြိုင်အဆိုင် လွှမ်းမိုးနိုင်ရန် အပြင်းအထန် အားထုတ်မှုများနှင့်အတူ ကြီးမားသည့် အင်အားချိန်ခွင်လျှာ အပြောင်းအလဲများ ဖြစ်ပေါ်လျက်ရှိပြီး ထိုကဲ့သို့ တည်ငြိမ်လုံခြုံမှုပိုမိုလျော့နည်းလာသည့် ကမ္ဘာ့အနေအထားသည် အာရှ-ပစိဖိတ်ဒေသကြီး၏ လုံခြုံရေးနှင့် စီးပွားရေးကဏ္ဍများ၌ သိသာထင်ရှား
သည့် သက်ရောက်မှုများ ဖြစ်ပေါ်လျက်ရှိတယ်လို့လည်း ဗိုလ်ချုပ်မှူးကြီးက ထောက်ပြပြောဆိုပါတယ်။
အာဆီယံအဖွဲ့သည် စစ်ရေးမဟာမိတ်အုပ်စု မဟုတ်သော်လည်း အဖွဲ့ဝင်နိုင်ငံများ၏ ကာကွယ်ရေးပေါင်းစည်းအင်အားမှာ ကြီးမားလှပါကြောင်း၊ စစ်ရေးအတွေ့အကြုံရှိသည့် ဗီယက်နမ်၊ မြန်မာနှင့် စွမ်းပကားထက်မြက်သော လက်နက်များ
ပိုင်ဆိုင်ထားသည့် အာဆီယံနိုင်ငံများ၏ ပေါင်းစည်းအင်အားသည် ကမ္ဘာကြီးအတွက်အသင့်အတင့်အားထားနိုင်သော အခြေအနေတွင်ရှိကြောင်းလည်း နစကဥက္ကဋ္ဌက ဗွီဒီယိုမိန့်ခွန်းမှာထည့်သွင်းပြောဆိုခဲ့ပါတယ်။
သို့သော်လည်း အာဆီယံအဖွဲ့ကြီးအနေဖြင့် အဖွဲ့ဝင်နိုင်ငံများအကြား စည်းလုံးညီညွတ်မှုကို အားကြိုးမာန်တက် ဖော်ဆောင်လျက်ရှိချိန်တွင်တစ်ဖက်တွင်လည်း အဆိုပါစည်းလုံးညီညွတ်မှုကို စိန်ခေါ်နေသော ခြိမ်းခြောက်မှုများလည်းရှိနေတယ်လို့ အာဆီယံ၏လက်ရှိအခြေအနေအပေါ် ဗိုလ်ချုပ်မှူးကြီးက သုံးသပ်ပြောဆိုသွားခဲ့ပါတယ်။
မြန်မာနိုင်ငံနှင့်ပတ်သက်၍လည်း “ လက်ရှိကာလတွင် မြန်မာနိုင်ငံ၏အချို့ဒေသများမှအပ နေရာဒေသအများစုတွင် နိုင်ငံရေး၊ စီးပွားရေး၊ လုံခြုံရေးအရ တည်ငြိမ်မှုရှိအောင် ဆောင်ရွက်ထားနိုင်ပြီဖြစ်ပါကြောင်း၊ မိမိတို့အနေဖြင့် လွတ်လပ်၍ တရားမျှတသောပါတီစုံ ဒီမိုကရေစီရွေးကောက်ပွဲတစ်ရပ်ကိုကျင်းပပြီး အနိုင်ရရှိသော
နိုင်ငံရေး ပါတီအား ဒီမိုကရေစီစံနှုန်းနှင့်အညီ နိုင်ငံတော်အာဏာကို ပြန်လည်အပ်နှင်းနိုင်ရေးအတွက် နိုင်ငံတစ်ဝန်း လုံခြုံမှုရှိစေရေး၊ တည်ငြိမ်အေးချမ်းရေး၊ တရားဥပဒေစိုးမိုးရေးနှင့် နိုင်ငံ့စီးပွားရေးဖွံ့ဖြိုးတိုးတက်ရေးတို့အတွက် ကြိုးပမ်းအားထုတ် ဆောင်ရွက်လျက်ရှိကြောင်း” နိုင်ငံတကာအသိုက်အဝန်းသို့ ထုတ်ဖော်ပြောဆိုခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။
ယခုကျင်းပခဲ့တဲ့ (၁၁)ကြိမ်မြောက် နိုင်ငံတကာလုံခြုံရေးညီလာခံ (MCIS - 2023)သို့ နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အပါအဝင် နိုင်ငံ ၅ နိုင်ငံမှ အကြီးအကဲများက Video မှတ်တမ်းပေးပို့၍ ပါဝင်တက်ရောက်ခဲ့ပြီး မြန်မာနိုင်ငံမှ နိုင်ငံတော်စီမံအုပ်ချုပ်ရေးကောင်စီဝင်၊ ဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီးတင်အောင်စန်း အပါအဝင် နိုင်ငံပေါင်း ၂၀ မှ ကာကွယ်ရေးဝန်ကြီးအဆင့်ပုဂ္ဂိုလ် ၂၀ဦး၊ နိုင်ငံ ၁၆ နိုင်ငံမှ ဒုတိယ ကာကွယ်ရေးဝန်ကြီးအဆင့် ပုဂ္ဂိုလ် ၁၆ ဦး၊ နိုင်ငံ ၁၂နိုင်ငံမှ ညွှန်ကြားရေးမှူးအဆင့် ပုဂ္ဂိုလ် ၁၂ ဦး အပါအဝင်စုစုပေါင်း ၈၀၀ ကျော်ပါဝင်တက် ရောက်ခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။
-ymg/knl
- Category: Myanmar
- Hits: 672
တရုတ်နိုင်ငံရဲ့ လျှပ်စစ်ကားထုတ်လုပ်ရေး ကုမ္ပဏီတွေဟာ ပြည်တွင်းမှာ တိုးချဲ့လျက်ရှိပြီး ယခုနှစ်အတွင်း ပြည်ပကားကုမ္ပဏီကြီးများကို ကျော်ဖြတ်ကာ ပိုမိုရောင်းချရဖို့ မျှော်မှန်းနေပါတယ်။
Published_ 16 August 2023
#Asia_Development
#တရုတ်လျှပ်စစ်ကား #ထိုးဖောက်ချဲ့ထွင်လာ
- Category: World
- Hits: 96
#Daily_News
Published_ 16 August 2023
၁။ EV ကားများနှင့် EV ဆိုင်ကယ်(၈၅)စီး ရန်ကုန်ဆိပ်ကမ်းသို့ ထပ်မံရောက်ရှိ
၂။ မဲခေါင်-လန်ချန်းစီမံကိန်းဖြင့် အထက်မြန်မာပြည်ရှိ မြန်မာလုပ်ငန်းရှင် (၁၀၀)ဦးကိုစားသောက်ကုန်ထုတ်လုပ်မှု နည်းပညာများမျှဝေမည်
၃။ မုတ်သုံလေ ဆက်လက်အားကောင်းနေခြင်းကြောင့် မြစ်ဝကျွန်းပေါ်ဒေသများတွင် မိုးသက်လေပြင်ကျရောက်နိုင်ဟု မိုးဇလအသိပေး
၄။ တရုတ်လျှပ်စစ်ကားထုတ်လုပ်တင်ပို့မှုများ ဥရောပအထိ ထိုးဖောက်ချဲ့ထွင်လာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Times #Daily_News #YMG
- Category: Myanmar
- Hits: 106
16 August 2023
ထိုင်းပါလီမန်အမတ်များက လာမည့်အပတ်တွင် ဝန်ကြီးချုပ်အသစ်ကိုရွေးချယ်ကြတော့မှာဖြစ်ပါတယ်။ ရွေးကောက်ပွဲ အမတ်အများဆုံးရထားတဲ့ ရှေ့သို့ပါတီ Move Forward- MFP က သူတို့ရဲ့ ဝန်ကြီးချုပ်လောင်းကို ပါလီမန်မှာ ပိတ်ပင်လိုက်တဲ့ အပေါ်စိန်ခေါ်ပြီး ဖွဲ့စည်းပုံအခြေခံခုံရုံးကို ကန့်ကွက်ခဲ့တာနှင့်ပတ်သက်ပြီး ခုံရုံးက ပယ်ချလိုက်ပြီးနောက် အောက်လွှတ်တော်ဥက္ကဋ္ဌက ဝန်ကြီးချုပ်ရွေးချယ်ပွဲပြန်လည်ပြုလုပ်မှာကို ကြေညာခဲ့တာပါ။
ထိုင်းနိုင်ငံဟာ မတ်လကတည်းက အိမ်စောင့်အစိုးရက အုပ်ချုပ်နေခဲ့တာဖြစ်ပြီး အစိုးရအသစ်ဖွဲ့စည်းဖို့ကိစ္စ ရှေ့မတိုး နောက်မဆုတ်သာ အခြေအနေနှင့် ကြုံတွေ့နေခဲ့ရတာဖြစ်ပါတယ်။ ရှေ့သို့ပါတီဟာ ပါလီမန်မှာ ရှေးရိုးစွဲ အမတ်တွေနှင့် စစ်တပ်ကိုသစ္စာရှိတဲ့ မဟာမိတ်တွေရဲ့ တင်းမာတဲ့ ဆန့်ကျင်မှုတွေနှင့် ရင်ဆိုင်ခဲ့ရပါတယ်။
ရှေ့သိုပါတီ MFPဟာ ပြီးခဲ့တဲ့မေလရွေးကောက်ပွဲမှာ ထင်မထားဘဲ အမတ်နေရာအများဆုံးရရှိခဲ့ပါတယ်။ ပါတီကို မြို့ပြ နှင့် လူငယ်အမြောက်အများက လစ်ဘရယ်မူဝါဒပလက်ဖောင်းအတွက် ထောက်ခံခဲ့ကြတာဖြစ်ပါတယ်။
တရားရုံးက ပယ်ချလိုက်တာဟာ ရှေ့သို့ပါတီအတွက် နောက်ဆုံးအတိုက်အခိုက်ခံရမှဒတစ်ခုဖြစ်ပေမယ့် ပါတီဟာ အစိုးရဖြစ်ဖို့အတွက် အရှုံးပေးမှာမဟုတ်ဘူးလို့ ပါတီခေါင်းဆောင် ပီတ, ကပြောပါတယ်။
“ပြဿနာကပါလီမန်ပဲဖြစ်တယ်။ အဲဒါကြောင့် ကျွန်တော်တို့ပါလီမန်ကို ပြုပြင်မယ်” လို့ သူကပြောပါတယ်။
ပီတကို ထပ်မံအဆိုပြုတာ ပယ်ချလိုက်ပြီးနောက် ရွေးကောက်ပွဲဒုတိယနေရာအနိုင်ရထားတဲ့ ဖွေထိုင်းပါတီဟာ ရှေ့သို့ MFP ပါတီကို ထောက်ခံခြင်းကို ပြန်လည်ရုပ်သိမ်းခဲ့ပါတယ်။
ဖွေထိုင်းပါတီဟာ သူ့ရဲ့ ဝန်ကြီးချုပ်လောင်း အိမ်ခြံမြေသူဋ္ဌေးကြီး သာရက်တာ သာဗစ်ဆင်ကို ထောက်ခံပေးဖို့အတွက် ကွန်ဆာဗေးတစ်တွေနှင့် တပ်ကျောထောက်နောက်ခံရှိထားတဲ့ အမတ်တွေကို စည်းရုံးနေပါတယ်။ ဒါပေမယ့် အတွေ့အကြုံနည်းတဲ့ သာရက်တာကို ထောက်ခံမှုတွေလုံလုံလောက်လောက်ရဖို့ သိပ်မသေမချာဖြစ်နေပါတယ်။
“ တစ်ရက်တည်း အပြတ် ဝန်ကြီးချုပ်ရွေးနိုင်မလားဆိုတာကတော့ အစည်အဝေးပေါ်မှာပဲမူတည်ပါလိမ့်မယ်” လို့ အောက်လွှတ်တော်ဥက္ကဋ္ဌ ဝန်မိုဟာမက် နို မာသာက သတင်းထောက်တွေကိုပြောပါတယ်။ လာမယ့် ဩဂုတ် ၂၂ ရက်မှာ ပါလီမန်အစည်းအဝေးပြန်လည်ကျင်းပပြီး ဝန်ကြီးချုပ်လောင်းအတွက်မဲပေးကြမှာဖြစ်ပါတယ်။
ဖွေထိုင်းပါတီရဲ့ အကြီးတန်းအရာရှိတွေကတော့ ရှေ့သို့ပါတီ MFP ရဲ့ထောက်ခံမှုမပါဘဲနှင့် သာရက်တာကို ဝန်ကြီးချုပ် အဖြစ်ရွေးချယ်နိုင်မယ်လို့ ယုံကြည်ထားကြကြောင်းပြောပါတယ်။
Source Reuters
- Category: World
- Hits: 125
‘ကိုဗစ်မတိုင်မီက ငါးတန်နဲ့ငါးမြစ်ချင်းတွေကို ပြည်ပနိုင်ငံတွေဖြစ်တဲ့ ဘင်္ဂလားဒေ့ရှ်နဲ့ ဆော်ဒီနိုင်ငံတို့မှာ ဈေးကွက်ရရှိခဲ့ပြီး တင်ပို့ခဲ့ရတယ်လို့ဆိုပါတယ်။ အခုလည်းပြန်ပို့ဖို့လမ်းကြောင်းတွေလိုအပ်တယ်’
ငါးမွေးမြူရေးနှင့် ငါးသားပေါက်ဖြန့်ဖြူးရေးလုပ်ငန်းရှင်
Published_ 16 August 2023
#ငါးတန်နှင့်ငါးမြစ်ချင်း #ငါးသားပေါက်ဖြန့်ဖြူးရေးလုပ်ငန်းရှင်
#tthl
#Yangon_Times
- Category: Myanmar
- Hits: 117
လက်ရှိမှာ စုစုပေါင်း ရုပ်အလောင်း (၃၃)ဉီးရှာဖွေတွေ့ရှိထားတာဖြစ်
Published_ 16 August 2023
#ဖားကန့် မနမှော်မြေပြိုကျမှု #ရုပ်အလောင်း (၃၃)ဉီးရှာဖွေတွေ့ရှိ
#Ymg/my
#Yangon_Times
- Category: Myanmar
- Hits: 156