#Local_News
Published-16 August 2023
မန္တလေးတိုင်းဒေသကြီး၊ ပြည်ကြီးတံခွန်မြို့နယ်တွင် သန့်ရှင်းရေးလုပ်ရင်း ၁၁၀၀၀ ဗို့အားရှိ ၁၁KVA လျှပ်စစ်ဓာတ်အားကြိုးကိုထိမိ၍ ဓာတ်လိုက်မှု ယနေ့နံနက်ကဖြစ်ခဲ့ပြီး အမျိုးသမီး ၁ဦးသေဆုံး၍ ၃ဦး ထိခိုက်ဒဏ်ရာရရှိခဲ့ကြောင်း မီးသတ်တပ်ဖွဲ့မှ သိရသည်။
ဖြစ်စဥ်မှာ ဩဂုတ်လ နံနက် ၁၀ နာရီ၂၁မိနစ်အချိန်ခန့်က ပြည်ကြီးတံခွန်မြို့နယ်၊(၆၈)လမ်း၊ (၁၃၉)လမ်းထောင့်၊ (ဈ)ရပ်ကွက်၊ RC(၃)ထပ် တည်းခိုခန်း(ဧည့်ရိပ်သာ) ၁ခု၏ ပထမထပ်ဘေးကပ်လျက်ရှိသည့် အဖီဆွဲထားသော Steel structure သွတ်မိုးပေါ်တွင် အိမ်ရှင်နှင့်အလုပ်သမားများ သန့်ရှင်းရေးပြုလုပ်ကြရာမှ ဓာတ်လိုက်မှုဖြစ်ခဲ့ကြောင်း သိရသည်။
ဓာတ်လိုက်မှုဖြစ်စဥ်ကြောင့် ကျား(၂)ဦး၊ မ(၂)ဦး စုစုပေါင်း (၄)ဦးတို့အောက်သို့ ပြုတ်ကျမှုဖြစ်ပွားကြောင်း သတင်းရရှိသဖြင့် မန္တလေးခရိုင်မီးသတ်စခန်းနှင့် ပြည်ကြီးတံခွန်မြို့နယ်မီးသတ်စခန်းတို့မှ ရှာဖွေကယ်ဆယ်ရေးတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ကြောင်း မြန်မာနိုင်ငံမီးသတ်တပ်ဖွဲ့က သတင်းထုတ်ပြန်ထားသည်။
ယင်းဖြစ်စဥ်ကြောင့် အိမ်ရှင်အမျိုးသမီးမှာ ဒဏ်ရာများဖြင့်သေဆုံးခဲ့ပြီး ကျန်ထိခိုက်ဒဏ်ရာရရှိသူကျား(၂)ဦးနှင့်မ(၁)ဦးတို့ကို လောကပါလလူမှုကူညီရေးအသင်းမှ သူနာတင်ယာဉ်ဖြင့် မန္တလေးပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
#Local_News #လျှပ်စစ်ဓာတ်ကြိုးကိုထိမိ၍ဓာတ်လိုက် #အမျိုးသမီး၁ဦးသေဆုံး
#Yangon_Times/PP
- Category: Myanmar
- Hits: 123
ရန်ကုန်တိုင်းဒေသကြီးအပါအဝင် တနင်္သာရီတိုင်းဒေသကြီး၊ ရခိုင်ပြည်နယ်၊ စစ်ကိုင်းတိုင်းအောက်ပိုင်းနဲ့ မွန်ပြည်နယ်တို့မှာလည်း နေရာကွက်ပြီး မိုးကြီးနိုင်ကာ ရွာရန်ရာနှုန်းပြည့်
Published_ 16 August 2023
#မုတ်သုံလေဆက်လက်အားကောင်းနေ
#Ymg/my
#Yangon_Times
- Category: Myanmar
- Hits: 132
‘မဲခေါင်-လန်ချန်း ပူးပေါင်းဆောင်ရွက်မှုအထူး ရန်ပုံငွေစီမံကိန်းနဲ့ ချဉ်ပေါင်ဖူး ဖျော်ရည် ထုတ်လုပ်ခြင်း၊ ချဉ်ပေါင်ဖူးမှ အခြားထုတ်ကုန်များ ထုတ်လုပ်ခြင်း၊ သရက်သီး ဂျယ်လီဖျော်ရည် ထုတ်လုပ်ခြင်း၊ ပဲနို့ထုတ်လုပ်ပြီးကျန်သောအနှစ်များမှ ကွတ်ကီးထုတ်လုပ်ခြင်းတွေ မျှဝေသွားမှာဖြစ်ပါတယ်’
Published_ 16 August 2023
#ချဉ်ပေါင်ဖူးဖျော်ရည် #သရက်သီးဂျယ်လီ
#tthl
#Yangon_Times
- Category: Myanmar
- Hits: 141
‘BYD Dolphin အမျိုးအစားEVကား(၁၄)စီး ၊ BYD D1အမျိုးအစားEVကား(၂၀)စီး၊ BYD TangအမျိုးအစားEVကား(၃)စီးစုစုပေါင်း လျှပ်စစ်သုံးEVကား(၃၇)စီးထပ်မံရောက်ရှိလာတာဖြစ်ပါတယ်။ Segwayအမျိုးအစားလျှပ်စစ်သုံးမော်တော်ဆိုင်ကယ်(၄၈)စီးလည်းရန်ကုန်ဆိပ်ကမ်းသိုရောက်ရှိလာတယ်’
အမျိုးသားအဆင့်လျှပ်စစ်သုံးယာဉ်နှင့်ဆက်စပ်လုပ်ငန်းများ ဖွံ့ဖြိုးတိုးတက်ရေးဦးဆောင်ကော်မတီ
Published_ 16 August 2023
#EVကားနှင့်EVဆိုင်ကယ်
#tthl
#Yangon_Times
- Category: Myanmar
- Hits: 99
"အမျိုးသားတွေမှာ အမျိုးသမီးတွေထက်ဆေးလိပ်၊ အရက်ပိုသောက်တဲ့အတွက် အရက်ကြောင့်ဖြစ်တဲ့ အသည်းရောင်တာ၊အဆီဖုံးတာနဲ့ အသည်းကင်ဆာတွေအဖြစ်များတယ်။ဆေးလိပ်ကြောင့်ဖြစ်တဲ့ နာတာရှည်အဆုတ်လေပြွန်ရောင်တဲ့ရောဂါ၊ နှလုံးသွေးကြာကျဥ်းတာနဲ့အဆုတ်ကင်ဆာတွေအဖြစ်များတယ်။ အရေးအကြီးဆုံးက အမျိုးသားတွေမှာအပိုပါတဲ့ဆီးကျိတ်ရောဂါတွေကိုအလေးပေးစစ်ဆေးသင့်ပါတယ် "...လို့ပြောတဲ့ ဒေါက်တာကျော်မြင့်ဦး (ဆီးချိုသွေးချိုနှင့်ဟော်မုန်း အထူးကုပါရဂူ)
Published_ 16 August 2023
#ဒေါက်တာကျော်မြင့်ဦး
#(ဆီးချိုသွေးချိုနှင့်ဟော်မုန်း အထူးကုပါရဂူ)
#Yangon_Times
- Category: Myanmar
- Hits: 98
#Local_News
Published-16-8-2023
သိမ်ကြီးဈေး D ရုံ အပေါ်ထပ်ကားပါကင်၌ အိမ်စီးကားတစ်စီး အရှိန်လွန်ကျွံကျမှုတစ်ခု ယနေ့ ဩဂုတ်လ ၁၆ ရက် နံနက်ပိုင်းက ဖြစ်ပွားခဲ့ကြောင်း လူမှုကွန်ရက်စာမျက်နှာတွင် ပျံနှံ့ခဲ့သည်။
ယင်းဖြစ်စဉ်နှင့်ပတ်သက်၍ သူမ၏ ဖေ့စ်ဘွတ်လူမှုစာမျက်နှာတွင် ခင်မင်နေကြသူများက စိုးရိမ်ကြောင်းနှင့် ဂရုတစိုက်မောင်းနှင်လိုကြောင်း သတိပေးစကားများလည်းဆိုထားသည်။
အဆိုပါ ကားပိုင်ရှင်အမျိုးသမီးငယ်ကလည်း သူမ၏ လူမှုကွန်ရက်စာမျက်နှာတွင် ဖေ့စ်ဘွတ်က သတင်းမေးသူများအား ကျေးဇူးတင်ကြောင်း ရေးသားထားသည်။
ယာဉ်ပိုင်ရှင်အမျိုးသမီးငယ်ကလည်း"ပို့စ်ဖျက်ပြေးတယ်ပြောတဲ့ဟာတွေ မမြင်မှာဆိုတင်ပေးတာနော် ဟုတ်တယ်ငါ့ကားဘာဖြစ်လဲ"ဟု တုန့်ပြန်ထားပြီး၊ အဆိုပါ ပို့စ်အောက်တွင် စကေးကြမ်းတဲ့အစ်မ လူဘာမှမဖြစ်လို့တော်သေးတယ်ဆိုသည့် စိုးရိမ်စကားများဆိုထားသည်။
သူမ အနေဖြင့် ကားဝယ်စဉ်ကာလက ကြိုက်လို့ဝယ်လိုက်ပြီး ပါကင်တော့မထိုးတက်ဘူး ဟု စနောက်ရေးထားသည့် ပို့စ်အတိုင်း တိုက်ဆိုင်စွာ ယခုကဲ့သို့ယာဉ်မတော်တဆမှုဖြစ်ပွားခဲ့သည့်အပေါ် ဝိုင်းဝန်းစနောက်မှုများလည်း ရှိနေခြင်းလည်းဖြစ်သည်။
#YMG/my #Local_News #သိမ်ကြီးဈေးကားပါကင် #အိမ်စီးကားတစ်စီးအရှိန်လွန်တိုက်မိ
#Yangon_Times
- Category: Myanmar
- Hits: 188
#Local_News
Published-16 August 2023
ဂျပန်နိုင်ငံ International Association of Traffic and Safety Sciences (IATSS) မှ ကြီးမှူးကျင်းပသည့် The 65th and 66th IATSS Forum သို့ စိတ်ပါဝင်စားသူများ မည်သူမဆိုလျှောက်ထားနိုင်ရန် ကုန်သည်စက်မှုအသင်းချုပ်မှ အသိပေးကြေညာထားသည်။
65th IATSS Forum ကို ၂၀၂၄ ခုနှစ်၊ မေလမှ ဇူလိုင်လအထိ လည်းကောင်း၊ 66th IATSS Forum စက်တင်ဘာလမှ နိုဝင်ဘာလအထိ လည်းကောင်း ကျင်းပသွားမည်ဖြစ်ပြီး မြန်မာနိုင်ငံမှ Forum တစ်ကြိမ်တွင် (၂)ဦးစီ Forum နှစ်ကြိမ်အတွက် စုစုပေါင်း (၄)ဦးကို IATSS Forum Committee မှ လုပ်ထုံးလုပ်နည်းများနှင့်အညီ အပြီးသတ်ရွေးချယ်အတည်ပြုပေးမည်ဖြစ်သည်ဟု သိရသည်။
တက်ရောက်ခွင့်ရရှိပါက အသွားအပြန်လေယာဉ်စရိတ်နှင့် နေထိုင်စားသောက်စရိတ်များကို ဂျပန်ဘက် မှ ကျခံပေးမည်ဖြစ်ပြီး Forums များသို့ ပူးတွဲပါ သတ်မှတ်အရည်အချင်းများနှင့် ကိုက်ညီသော ကုန်သည်စက် မှုအသင်းချုပ်နှင့် ညီနောင်အသင်းများမှ အမှုဆောင်များ(သို့) ဝန်ထမ်းများ၊ အသင်းချုပ် အသင်းဝင် ကုမ္ပဏီများ၏ ဒါရိုက်တာ အဖွဲ့ဝင်များ (သို့) ဝန်ထမ်းများ လျှောက်ထားနိုင်သည်ဟု သိရသည်။
အရှေ့တောင်အာရှဒေသနိုင်ငံအသီးသီးမှ လူငယ်လူရွယ်များအနေဖြင့် တိုးတက်လျက်ရှိသည့် ခေတ်သစ်ဂျပန်နိုင်ငံ၏ သိပ္ပံ၊ နည်းပညာနှင့် ယဉ်ကျေးမှုအခန်းကဏ္ဍများကို လေ့လာနားလည်သဘောပေါက် ပြီး မိမိတို့နိုင်ငံ တိုးတက်ရေးအတွက် နက်ရှိုင်းသော အမြင်၊ ကျယ်ပြန့်သော ရှုထောင့်မှ ပါဝင်လှုပ်ရှား ဆောင်ရွက်နိုင်ရန် ရည်ရွယ်၍ IATSS Forum ကို ကျင်းပပြုလုပ်ခြင်းဖြစ်သည်။
လျှောက်ထားလိုသူများအနေဖြင့် ပူးတွဲပါလျှောက်လွှာနှင့်အတူ အောက်တိုဘာလ(၃၁)ရက်နေ့ နောက်ဆုံးထားပြီး IATSS Forum Myanmar Committee ၊ MIA Office, 6th Floor, UMFCCI Office Tower သို့ လူကိုယ်တိုင်လာရောက်လျှောက်ထားနိုင်သည်ဟု သိရသည်။
#Local_News #IATSS Forum #အခမဲ့တက်ရောက်နိုင်
#Yangon_Times/PP
- Category: Myanmar
- Hits: 107
#Local_Sport
Published_ 16 August 2023
သြဂုတ်၁၆ ရက်မှာဆီဗီလာအသင်းနဲ့UEFAစူပါဖလားပြိုင်ပွဲကစားမယ့် မန်စီးတီးအသင်းလူစာရင်းကနေ ဒဏ်ရာရနေတဲ့ အသင်းခေါင်းဆောင် ဒီဘရိုင်းကို ချန်လှပ်ထားခဲ့တယ်လို့ သိရပါတယ်။ ဒီဘရိုင်းဟာ သောကြာနေ့က ကစားခဲ့တဲ့ ဘန်လေအသင်းနဲ့ ပွဲစဉ်မှာ ဒဏ်ရာပြဿနာကြောင့်လူစားလဲခံခဲ့ရတာဖြစ်ပြီး ရက်သတ္တပတ် အနည်းငယ်အနားယူရမယ်လို့ နည်းပြ ဂွာဒီယိုလာကပြောခဲ့ပါတယ်။
အသက် ၃၂နှစ်ရှိ ဒီဘရိုင်းဟာပြီးခဲ့တဲ့မေလ ချန်ပီယံလိဂ် ဖိုင်နယ်ပွဲစဉ်မှာလည်း အခုလိုတံကောက်ကြောဒဏ်ရာရရှိခဲ့တာဖြစ်ပါတယ်။အသင်းကဒဏ်ရာအခြေအနေကို အသေးစိတ်ဖော်ပြခြင်းမရှိပေမယ့် အေသင်မှာယှဉ်ပြိုင်ကစားမယ့် ယူအီးအက်ဖ်အေစူပါဖလားယှဉ်ပြိုင်မဲ့မန်စီးတီးရဲ့ ကစားသမား၂၂ဦး လူစာရင်းကနေ ဒီဘရိုင်းကိုချန်လှပ်ခဲ့တာပါ။
ဒီဘရိုင်းဟာ၂၀၁၅ ခုနှစ်က ဝုဖ်ဘက်ကနေ မန်စီးတီးကို ပြောင်းရွှေ့လာခဲ့ပြီးနောက်ပိုင်းအသင်းရဲ့ အဓိက ကစားသမားတစ်ဦးအဖြစ် စွမ်းဆောင်ရည်ပြသနေပြီး ကမ္ဘာ့ကောင်းဆုံးကစားသမားတစ်ဦးအဖြစ်လည်းသတ်မှတ်ခံထားရပါတယ်။
အခြားအဓိကကစားသမားတွေဖြစ်တဲ့ ဘာနာဒိုဆေးလ်ဗားနဲ့ရူဘင်ဒီယာ့ဇ်တို့လည်း ဒဏ်ရာပြဿနာတွေကြောင့်အခုလူစာရင်းမှာပါဝင်လာခြင်းမရှိပါဘူး။
#Local_Sport #မန်စီးတီးအသင်းလူစာရင်း #ဒီဘရိုင်းအားချန်လှပ်
Ref;fotmob
- Category: Sport
- Hits: 149
#Local_News
Published_ 16 August 2023
၂၀၂၃ ခုနှစ်၊ အောက်တိုဘာ (၁)ရက်မှ (၁၅) ရက်အထိ စမ်းသပ် သန်းခေါင်စာရင်း ကို တိုင်းဒေသကြီး/ ပြည်နယ်အားလုံးမှ မြို့နယ် ၂၀ ကို ရွေးချယ်ပြီး စာရင်းကောက်ကွက် ၁၀၀ ကို နမူနာရွေးချယ်ကောက်ယူသွားမည်ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနဝန်ကြီး ဦးမြင့်ကြိုင်က ဝန်ကြီးဌာနမှ တာဝန်ရှိသူများနှင့် တွေ့ဆုံစဉ် တိုက်တွန်းမှာကြားခဲ့ပါတယ်။
လက်ရှိတွင် နိုင်ငံတော်အစိုးရ၏ ရှေ့လုပ်ငန်းစဉ် (၅)ရပ်အနက် အရေးအကြီးဆုံး လုပ်ငန်းစဉ်မှာ “ဆန္ဒမဲပေးပိုင်ခွင့်ရှိသူအားလုံး၏ အခွင့်အရေးများ နစ်နာမှုမရှိစေရေးနှင့် နည်းလမ်းကျနမှန်ကန်မှုရှိသည့် အထွေထွေရွေးကောက်ပွဲ တစ်ရပ်ဖြစ်စေရေး ဆောင်ရွက် ခြင်း၊ အရေးပေါ်ကာလဆိုင်ရာ ပြဋ္ဌာန်းချက်များနှင့်အညီ ဆောင်ရွက်ခြင်းတို့ပြီးစီးပါက လွတ်လပ်ပြီးတရားမျှတသော ပါတီစုံဒီမိုကရေစီ အထွေထွေရွေးကောက်ပွဲကျင်းပ၍ ထွက်ပေါ်လာသည့်အစိုးရအား နိုင်ငံတော်တာဝန် လွှဲအပ်နိုင်ရေး ဆက်လက်ဆောင်ရွက် သွားမည်” ဆိုသည့် လုပ်ငန်းစဉ် ဖြစ်တယ်လို့ ဆိုပါတယ်။
ဇန်နဝါရီ (၃၁) ရက်အထိ e-ID Software ဖြင့်ထုတ်ယူထားသည့် အိမ်ထောင်စု စာရင်းနှင့် တိုက်ဆိုင်စစ်ဆေးကောက်ယူခဲ့သည့် အိမ်ထောင်စု (၁၂) သန်းကျော်၊ လက်ရှိ ဒေသ၌ အိမ်ထောင်စုမရှိသဖြင့် အလွတ်ပုံစံများဖြင့် ကောက်ယူခဲ့သည့်အိမ်ထောင်စု ၂ ဒဿမ ၈) သန်းကျော်၊ စုစုပေါင်းအိမ်ထောင်စု ၁၄ ဒသမ ၈ သန်းကျော် ကောက်ယူပြီးစီးပြီ ဖြစ်ကြောင်း သိရပါတယ်။
ဇူလိုင် (၃၁) ရက်အထိ လူဦးရေ ၃ ဒသမ ၃ သန်းကျော် ၉၇ ဒသမ ၀၆ ရာခိုင်နှုန်းကို နိုင်ငံသားစိစစ်ရေးကတ်ပြား ထုတ်ပေးနိုင်ခဲ့ပြီးဖြစ်ကြောင်း သိရပါတယ်။ ထို့ပြင် e-Government စနစ်၏ အခြေခံအကျဆုံးဖြစ်သည့် e-ID စနစ်လုပ်ငန်းကို ဆောင်ရွက်လျက်ရှိရာတွင် လက်ရှိ ကောက်ယူ ရရှိသည့် ကိုယ်ရေးအချက်အလက်များကို e-ID ကိုယ်ရေးအချက်အလက် မှတ်ပုံတင်ခြင်းစနစ် အတွင်းသို့လည်းကောင်း၊ အိမ်ထောင်စုစာရင်း မှတ်ပုံတင်ခြင်း ဆော့ဝဲလ်ပရိုဂရမ်အတွင်းသို့ လည်းကောင်း ထည့်သွင်းလျက်ရှိရာ ၂၀၂၃ ခုနှစ်၊ ဩဂုတ် (၁၀) ရက်အထိ လူဦးရေ (၅၁)သန်းကျော်၊ အိမ်ထောင်စု(၁၃)သန်းကျော် ထည့်သွင်းထားပြီးဖြစ်ကြောင်း သတင်းရရှိပါတယ်။
#ygm_mnn #Local_News #စမ်းသပ်သန်းခေါင်စာရင်း #နမူနာရွေးချယ်ကောက်ယူ
#Yangon_Media_Group
- Category: Myanmar
- Hits: 97
#World_News
Published 16 August 2023
မြောက်ကိုရီးယားနိုင်ငံသို့ နယ်စပ်မှဖြတ်ကျော် ဝင်ရောက်လာတာကြောင့် ထိန်းသိမ်းခံထားရတဲ့ အမေရိကန်စစ်သား 'ထရာဗစ်ကင်း'ဟာ အမေရိကန်စစ်တပ်အတွင်း လူသားမဆန်စွာ နှိပ်စက်ညှဉ်းပန်းမှုနဲ့ လူမျိုးရေးခွဲခြားဆက်ဆံမှုများ ခံစားခဲ့ရတယ်လို့ မြောက်ကိုရီးယားနိုင်ငံပိုင် မီဒီယာက ဖော်ပြလိုက်ပါတယ်။
ဒါဟာ ထရာဗစ်ကင်းနဲ့ ပတ်သက်တဲ့ အဖြစ်အပျက်အကြောင်း မြောက်ကိုရီးယားနိုင်ငံက ပထမဆုံးအကြိမ် ပြောကြားလိုက်တာ ဖြစ်ပါတယ်။
အမေရိကန်စစ်တပ်မှ တပ်ဖွဲ့ဝင်တစ်ဦးဖြစ်သူ ထရာဗစ်ကင်းဟာ ကိုရီးယားနှစ်နိုင်ငံကြား အခိုင်အမာခံတပ်ချထားတဲ့ နယ်စပ်တလျှောက်ရှိ နှစ်နိုင်ငံလုံခြုံရေးဧရိယာ (JSA)ရဲ့ အရပ်ဘက်ခရီးစဉ်အတွင်း မြောက်ကိုရီးယားသို့ ဝင်ရောက်လာခဲ့တာ ဖြစ်တယ်လို့ ဖော်ပြထားကြပါတယ်။
ကင်းဟာ နယ်စပ်ကို ရည်ရွယ်ချက်ရှိရှိဖြင့် ဖြတ်သန်းခဲ့ဟန်ရှိတယ်လို့ အမေရိကန်အရာရှိများ ပြောကြားခဲ့ပြီးဖြစ်ကြောင်း ရိုက်တာမှာ ဖော်ပြထားပါတယ်။
ဒီကိစ္စကို မြောက်ကိုရီးယားဘက်မှ စုံစမ်းရေးတွေကလည်း အတည်ပြုလိုက်ကာ ကင်းဟာ မြောက်ကိုရီးယားမှာ ကျန်ရှိနေရန် ရည်ရွယ်ကာ ဒါမှမဟုတ် ကြားနေနိုင်ငံတစ်ခုမှာ ခိုလှုံရန် ရည်ရွယ်ကာ မြောက်ကိုရီးယားသို့ တရားမဝင် ခိုးဝင်ခဲ့တာဖြစ်တယ်လို့ အတည်ပြုခဲ့ကြကြောင်း နိုင်ငံပိုင်သတင်းဌာန KCNA က ဖော်ပြထားပါတယ်။
ဗုဒ္ဓဟူးနေ့က KCNA ရဲ့ဖော်ပြချက်မှာ ထရာဗစ်ကင်းဟာ အမေရိကန်စစ်တပ်အတွင်း လူသားမဆန်စွာ ညှဉ်းပန်းခြင်းနဲ့ လူမျိုးရေးခွဲခြားခြင်းတို့နဲ့ ပတ်သက်ပြီး မကျေနပ်ချက်များကြောင့် မြောက်ကိုရီးယားသို့ လာရောက်ရန် ဆုံးဖြတ်ခဲ့တာဖြစ်ကြောင်း ဝန်ခံခဲ့တယ်လို့ ဆိုခဲ့ပါတယ်။
ကင်းဟာ အမေရိကန်လူ့အဖွဲ့အစည်းသည် မျှတမှုမရှိဟု ထင်မြင်နေကာ စိတ်ပျက်မိကြောင်း ဖော်ထုတ်ခဲ့တယ်လို့လည်း KCNA က ဖော်ပြခဲ့ပါတယ်။
ဒါ့အပြင် မြောက်ကိုရီးယားဖြစ်ဖြစ် ဒါမှမဟုတ် နောက်ထပ်တစ်နိုင်ငံမှာဖြစ်ဖြစ် ခိုလှုံခွင့်ခံယူရန် ဆန္ဒရှိကြောင်း ဖော်ထုတ်ခဲ့ပါတယ်။
အသက် ၂၃ နှစ်ရှိ ထရာဗစ်ကင်းဟာ ၂၀၂၁ ဇန်နဝါရီလမှာ အမေရိကန်စစ်တပ်သို့ စာရင်းသွင်းခဲ့ပြီး တောင်ကိုရီးယားအတွက် ကာလကြာရှည်စွာရှိနေတဲ့ အမေရိကန်လုံခြုံရေး တစ်စိတ်တစ်ပိုင်းအဖြစ် ကိုရီးယားအလှည့်ကျတပ်ဖွဲ့မှာ မြင်းတပ်ကင်းထောက်အဖြစ် တာဝန်ပေးအပ်ခြင်း ခံခဲ့ရပါတယ်။
ဒါပေမဲ့ တာဝန်ချိန်အတွင်း ဥပဒေပြဿနာများနဲ့ ရင်ဆိုင်ခဲ့ရတယ်လို့ သိရှိရပါတယ်။
တောင်ကိုရီးယားမှာ တပ်စွဲထားစဉ် ပြစ်မှုကျူးလွန်မှု ၂ ခုရှိခဲ့ပြီး ပြစ်မှုတစ်ခုနဲ့ ပြည်သူပိုင်ပစ္စည်းများ ဖျက်ဆီးခြင်းအတွက် အပြစ်ရှိကြောင်း ဝန်ခံခဲ့ဖူးပါတယ်။
အစီရင်ခံစာထဲမှာ သူဟာ ကိုရီးယားလူမျိုးများကို ညစ်ညမ်းစွာဆဲဆိုကြိမ်းမောင်းခဲ့ပြီး ရဲကားတစ်စီးကို ဖျက်ဆီးခဲ့ကြောင်း သိရှိရပါတယ်။
ထိုအဖြစ်အပျက်ကြောင့် သူ့ကို တောင်ကိုရီးယားမှာ ထိန်းသိမ်းခဲ့ပြီးနောက် တက္ကဆပ် ဘလစ်ခံတပ်သို့ ပြန်ပို့ရန် စီစဉ်ထားကာ သူရဲ့လုပ်ရပ်များအတွက် စစ်ဘက်စည်းကမ်းပိုင်းဆိုင်ရာ အရေးယူမှုများနဲ့ ရင်ဆိုင်ဖို့ စီစဉ်ထားတာ ဖြစ်ပါတယ်။
#World_News #အမေရိကန်စစ်တပ် #လူသားမဆန်စွာခွဲခြားဆက်ဆံခံရ #အမေရိကန်စစ်သားထရာဗစ်ကင်း
Source: WION
- Category: World
- Hits: 103
#Local_News
Published-16 August 2023
မာရဝိဇယဗုဒ္ဓရုပ်ပွားတော်မြတ်ကြီးသို့လာရောက်သူများ လက်ကိုင်ဖုန်းဖြင့် ဓာတ်ပုံရိုက်လျှင် ငွေ ၅၀၀၀ ကျပ် ပေးရမည်ဟု သတ်မှတ်ချက်အပေါ် ဝေဖန်မှုများရှိလာပြီးနောက် ယနေ့ သြဂုတ်လ ၁၆ ရက်တွင် ပေးရန်မလို တော့ကြောင်း နစက သတင်းထုတ်ပြန်ရေးက ထုတ်ပြန်လိုက်သည်။
ရည်ရွယ်ချက်မှာ မာရဝိဇယဗုဒ္ဓရုပ်ပွားတော်မြတ်ကြီးနှင့် ဥယျာဉ်တော် ကြီး ရေရှည်တည်တံ့ခိုင်မြဲစေရန်အတွက် လိုအပ်သည့် ပြုပြင်ထိန်းသိမ်းခြင်းလုပ်ငန်းများ ဆောင်ရွက်ရာတွင် ကုသိုလ်တော်ဖြစ် ပါဝင်နိုင်ရေးအတွက် ဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။
မာရဝိဇယဗုဒ္ဓရုပ်ပွားတော်မြတ်ကြီးသို့လာရောက်သူများအား သြဂုတ်လ ၂၀ ရက်မှစ၍ ရင်ခွင်ပိုက် မပါဘဲ ကလေး၊လူကြီး တစ်ဦးလျှင် ဝင်ကြေး ၁၀၀၀ ကျပ် ၊နိုင်ငံခြားသားတစ်ဦးလျှင် အမေရိကန် ၁၀ ဒေါ်လာ။ အပျော်ရိုက်ကင်မရာ ၅၀၀၀ ကျပ်၊ အလှဓါတ်ပုံရိုက်ခြင်း Video ရိုက်ခြင်း အပါ ၅၀၀၀၀ ကျပ်။(နာရီဝက်ပိုတိုင်း-၅၀၀၀ ကျပ်)၊ယာဉ်ဝင်ခွင့်(၁)စီးလျှင်(ကား Parking အထိ)၂၀၀၀၀ ကျပ်၊Buggy (၁)စီးလျှင်(၄ ယောက်စီး)( ၁ )နာရီ ၁၀၀၀၀ ကျပ် ဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။
မာရဝိဇယဗုဒ္ဓရုပ်ပွားတော်မြတ်ကြီးအား ယနေ့ သြဂုတ်လ ၁၆ ရက်ထိ အခမဲ့ဖူးမြော်နိုင်မည်ဟု သတ်မှတ်ထား သော်လည်း ဩဂုတ်လ ၁၇ ရက်မှ ၁၉ ရက်အထိ ရက် ထပ်မံတိုးမြှင့်ကြောင်း ယမန်နေ့က ကြေညာထားသည်။
#Local_News #မာရဝိဇယ ဗုဒ္ဓရုပ်ပွားတော်မြတ်ကြီး
Yangon_Times/PP
- Category: Myanmar
- Hits: 120
#World_Health
Published 16 August 2023
အစ္စရေးလ်မှာ ဆယ်ကျော်သက်များ အွန်လိုင်းဂိမ်းကစားခြင်းနဲ့ ပတ်သက်ပြီး ပထမဆုံးစစ်တမ်းကောက်ယူခဲ့ရာ မသင့်လျော်တဲ့ မြင်ကွင်းတွေ၊ အကြမ်းဖက်မှုတွေ၊ ညစ်ညမ်းမှုတွေ၊ အန္တရာယ်ရှိ အကြောင်းအရာတွေနဲ့ ထိတွေ့နေရပုံကို စိုးရိမ်ဖွယ်ရာ မြင်တွေ့ခဲ့ရပါတယ်။
လူငယ်များ ကစားနေတဲ့ အွန်လိုင်းဂိမ်း ၄၀ ရာခိုင်နှုန်းကျော်လောက်ဟာ အလွန်ကို မသင့်လျော်တဲ့ အရာတွေ ပါဝင်နေပါတယ်။
ထိုထဲက ၆၆ ရာခိုင်နှုန်းလောက်ဟာ သူတို့ကို အန္တရာယ်ဖြစ်စေနိုင်ပုံကို လူကြီးမိဘထံ တိုင်ကြားခဲ့တယ်လို့ သိရပါတယ်။
ထိုစစ်တမ်းကို အမျိုးသားကလေးကာကွယ်ရေးဌာနချုပ်နဲ့ နိုင်ငံတော်လုံခြုံရေးဝန်ကြီးဌာန သိပ္ပံပညာရှင်ချုပ်ရုံးတို့မှ ကောက်ယူဖော်ပြခဲ့တာ ဖြစ်ပါတယ်။
ထိုစစ်တမ်းကို အစ္စရေးလ်ရှိ အသက် ၁၂ နှစ်မှ ၁၈ နှစ်ကြား ၄၃၅ ဦးကို ၂၀၂၂ ခုနှစ်မှာ အင်တာဗျူးမေးမြန်းခဲ့ပါတယ်။
အာရပ်လူငယ်တွေကြား အွန်လိုင်းဂိမ်းကစားခြင်းက သိသိသာသာ မြင့်တက်လာကာ အစ္စရေးလ်မှ လူငယ် ၇၀ ရာခိုင်နှုန်းလောက်က ကစားကြပါတယ်။
ဂိမ်းကစားစဉ် ၅၀ ရာခိုင်နှုန်းကျော်လောက်က သူတို့မသိတဲ့ လူတစ်ယောက်နဲ့ အွန်လိုင်းကနေ ပြောဆိုကြသလို ၁၈ ရာခိုင်နှုန်းလောက်ကတော့ သူတို့တစ်ခါမှ မဆုံဖူးတဲ့လူနဲ့ စကားပြောဆိုကြပါတယ်။
လူငယ် ၄၃ ရာခိုင်နှုန်းက ကျောင်းပိတ်ရက်တွေမှာ တစ်နေ့ကို ၁ နာရီမှ ၂ နာရီကြား ဆော့ကစားကြပြီး ၁၂ ရာခိုင်နှုန်းက တစ်နေ့ကို ၃ နာရီကျော် ကစားပါတယ်။
အဆော့အများဆုံး အားကစားဂိမ်တွေကတော့ FIFA soccer နဲ့ NBA basketball တို့ဖြစ်ပြီး ၃ ပုံ ၁ ပုံလောက်က သူတို့ရဲ့အကောင့်အသေးစိတ်ကို တခြားတစ်ယောက်သို့ ပေးဖူးတယ်လို့ သိရပါတယ်။
သူတို့မသိတဲ့သူနဲ့ ပထမဆုံးအကြိမ် ဆော့ကစားဖို့အတွက် အချက်အလက်တွေ တောင်းခံလေ့ရှိတယ်လို့ ၄ ပုံ ၁ ပုံက ပြောပြခဲ့ပါတယ်။
လူငယ် ၄၀ ရာခိုင်နှုန်းကျော်ဟာ အနိုင်ကျင့်မှု၊ နှောင့်ယှက်မှု၊ လိင်ပိုင်းဆိုင်ရာ အကြောင်းအရာများ၊ ညစ်ညမ်းတဲ့ ကမ်းလှမ်းမှုများပါ ကြုံတွေ့ခဲ့ဖူးပါတယ်။
မိဘများအနေနဲ့ သူတို့ကလေးတွေရဲ့ အင်တာနက်အသုံးပြုပုံများကို အစဉ်မပြတ် လိုက်လံကြည့်ရှုနေဖို့ လိုအပ်ပါတယ်။
ကလေးတွေ အသုံးပြုနေတဲ့ အက်ပ်တွေ၊ ဂိမ်းတွေကို သိရှိအောင်လုပ်ပြီး ကြုံလာနိုင်တဲ့ အန္တရာယ်တွေကို ပြောပြဖို့လိုအပ်ပါတယ်။
မိမိရဲ့ကလေးက အွန်လိုင်းကနေ အန္တရာယ်ပြုခံရတဲ့အခါ စခရင်ရှော့ပုံယူပြီး အချက်အလက်တွေကို မှတ်သားထားကာ ခြိမ်းခြောက်သူကို ခြေရာခံလိုက်နိုင်ပါတယ်။
#World_Health #ဂိမ်းကစား #ဘေးအန္တရာယ်ဆိုးကြုံတွေ့နေရ
Source: The Jerusalem Post
- Category: World
- Hits: 93