#Local_News
Published 23 July 2024

▪️ နိုင်ငံ့စီးပွား‌ရေးတိုးတက်ရန်  နိုင်ငံတကာမှလာရောက်ရင်းနှီးမြုပ်နှံသူများ၏ ယုံကြည်မှုTrustရရှိရန်နှင့် Trade ပေါ်လစီများကောင်းမွန်ရန်လိုအပ်ကြောင်း စီးပွားရေးပညာရှင်သန်းစိုး (ဘောဂဗေဒ)၏ ပြောကြားချက်အရ သိရသည်။

▪️ ယင်းလိုအပ်ချက်ကို စီးပွားရေးပညာရှင် သန်းစိုး(ဘောဂဗေဒ)က'နိုင်ငံရေး၊စီးပွားရေး၊လူမှုရေးအခြေအနေများကြောင့်လက်ရှိ ပြည်တွင်းမငြိမ်သက်မှုအခြေအနေနှင့်ရွေးကောက်ပွဲ၏ အကျိုးကျေးဇူးများ ဆွေးနွေးပွဲ'၌ထည့်သွင်း ပြောကြားထားခြင်းဖြစ်သည်။

▪️ "နိုင်ငံတကာရင်းနှီးမြုပ်နှံမှု FBIတွေလာမလား မလာမလားဆိုတာနဲ့ပတ်သက်လို့ No.1က‌တော့ နိုင်ငံရေးတည်ငြိမ်မှု Political Stable နဲ့ပတ်သက်တာ ရှိတယ်။

▪️ နောက်ပိုင်းမှာ နိုင်ငံရေးပြဿနာထက်ပိုပြီးတော့ အဲဒီ့နိုင်ငံရဲ့ နိုင်ငံရေးပြဿနာတွေကိုမစဉ်းစားတော့ဘူး။ နိုင်ငံတကာရဲ့ နိုင်ငံတကာအရေးပြဿနာကို စဉ်းစားပြီး ရင်းနှီးမြုပ်နှံမှု Investment လုပ်လာတယ်။ အခုကစဉ်းစားပုံစဉ်းစားနဲ့ ကွဲထွက်သွားပြီ။

▪️ အရင်ကစစ်ပွဲတွေကြောင့်စီးပွားပျက်သွားတဲ့နိုင်ငံ တွေရှိတယ်။ တောင်ကိုးရီးယားနဲ့ မြောက်ကိုရီးယား စစ်ပွဲဖြစ်လို့ အဲဒီ့နှစ်နိုင်ငံပျက်သွားတယ်။ တောင် မြောက်ကိုရီးယားစစ်ပွဲကို မှီပြီးတော့ ဂျပန်မှာ စီးပွားရေးတွေတက်သွားတယ်။ ဒါကဥပမာပေါ့။

▪️ စီးပွားရေးမှာကအရေးကြီးတာက ယုံကြည်မှု Trustပဲ။ကျွန်တော်တို့ကနိုင်ငံမှာက အမှန်အတိုင်းပြောရရင်ယုံကြည်မှု Trustကအရေးကြီးတယ်။Trust က နည်းနည်းစိုးရိမ်ရတဲ့အခြေအနေမှာရှိတယ်။ အဲဒါလေး ဘယ်လိုလုပ်ရမလဲ။ Trust ဆိုရင် ဘဏ်ကိစ္စ တွေရွှေကိစ္စတွေအများကြီးရှိတယ်။

▪️ No.2က ခုနကပြောတဲ့ ကုန်သွယ်မှုTrade ပြဿနာ။ ကျွန်တော်တို့ ပို့ကုန် သွင်းကုန်Export/Importဆိုရင် Trade ပြဿနာပဲ။ သူတို့ကို အစိုးရသတ်မှတ်ထားတဲ့ ဈေးနှုန်းပြောင်းလိုက်၊ သူတို့ရှုံးနိုင်လား၊ အဲဒီ့အတွက်သူတို့ကို ကားပါမစ်ပေးမျိုးစသဖြင့် တစ်ခုခုစီစဉ်ပေးတာမျိုးတွေ လုပ်ဆောင်သင့်တာပေါ့"ဟု စီးပွားရေးပညာရှင်သန်းစိုး (ဘောဂဗေဒ)ကထည့်သွင်းပြောကြားခဲ့သည်။

▪️ လက်ရှိတွင် ရွေးကောက်ပွဲကျင်းပပြီးနောက် နိုင်ငံ၏ စီးပွားရေးပြန်လည် ဦးမော့လာမလားမျှော်လင့် ချက်များရှိနေကြသည့်အပေါ်  စီးပွား ရေးပညာရှင်သန်းစိုး(ဘောဂဗေဒ)က နိုင်ငံတစ်နိုင်ငံမှာ စီးပွားဖြစ်ထွန်းရန် နိုင်ငံတည်ငြိမ်ရန်လိုအပ်ပေမည့်လည်း ယင်းနိုင်ငံ၏ နိုင်ငံရေးအခြေအနေထက် အဆိုပါနိုင်ငံ၏ စီးပွားရေးပေါ်လစီများအပေါ်သာပိုမို မူတည်နေကြောင်း ပြောကြားခဲ့ခြင်းဖြစ်သည်။

 
▪️ နိုင်ငံတကာရင်းနှီးမြုပ်နှံမှု FBIများ မြန်မာနိုင်ငံကို လာရောက်ရင်းနှီးမြုပ်နှံရန် နိုင်ငံရေးတည်ငြိမ်မှုအပြင် ပုဂ္ဂလိကပိုင်ဆိုင်မှု အာမခံချက်ဘယ် လောက်ပေးနိုင်မလဲ၊ ကုန်သွယ်မှုဆိုင်ရာ‌ ပေါ်လစီများ Trade Policyများ ၊Tax အခွန်ဆိုင်ရာများ‌ ပေါ်လစီများ၊ Institution များအပေါ်သာမူတည်ကြောင်း သိရသည်။

#YMG/tthl #Yangon_Times

#Local_News
Published 23 July 2024
▪️ ၂၀၂၃-၂၀၂၄ ဘဏ္ဍာရေးနှစ်တွင် တစ်နိုင်ငံလုံးအတိုင်းအတာအနေဖြင့် ရေဘေးဖြစ်ပွားမှုအကြိမ်ရေ(၁၄၄)ကြိမ်ဖြစ်ပွားခဲ့ပြီး နေအိမ်အဆောက်အဦပေါင်း (၂၇၉)လုံး ထိခိုက်ပျက်စီးခဲ့သည့်အပြင် လူနှင့်တိရစ္ဆာန်သေဆုံး၊ ထိခိုက်/ဒဏ်ရာရရှိခဲ့ကြောင်း သိရသည်။

▪️ယင်းကဲ့သို့ ဆုံးရှုံးခဲ့ကြောင်းကို လူမှုဝန်ထမ်း၊ ကယ် ဆယ်ရေးနှင့် ပြန်လည်နေရာချထားရေးဝန်ကြီးဌာနမှထုတ်ပြန်သည့် ရေဘေးအန္တရာယ်ကြိုတင်ပြင် ဆင်ရေးနှင့် စပ်လျင်း၍ အသိပေးနှိုးဆော်ချက်၌ဖော်ပြထားသည်။

▪️ အဆိုပါ အသိပေးနှိုးဆော်ချက် ထုတ်ပြန်ချက်တွင် မြန်မာနိုင်ငံ၌ နှစ်စဉ်ဇူလိုင်၊ ဩဂုတ်လများတွင် ရေဘေးအန္တရာယ်နှင့် ကြုံတွေ့ရလေ့ရှိပြီး မိုးရွာသွန်းမှု၊ မြစ်ရေကြီးမှုအခြေအနေများအရ ပုံမှန်ရေကြီးရေလျှံမှုများအပြင် အချိန်တိုအတွင်း မိုးရေချိန် များပြားစွာရွာသွန်းမှုကြောင့် လျှပ်တစ်ပြက်ရေကြီးခြင်းများ၊ တောင်ပြို၊ မြေပြိုခြင်းများကိုလည်း ကြုံတွေ့ရနိုင်ကြောင်း၊

▪️ ပြည်သူများအနေဖြင့် ရေဘေးအန္တရာယ်ကြောင့် ထိခိုက်ပျက်စီးဆုံးရှုံးမှုများ လျော့နည်းသက်သာစေရန်အတွက် ရေဘေးမဖြစ်ပွားမီကြိုတင်ပြင်ဆင်ထားရမည့်သောက်သုံးရေများ ကြိုတင်စုဆောင်း ထားခြင်း၊ အရေးပေါ်သုံးပစ္စည်းများနှင့် အရေးပေါ်အသက်ကယ်ပစ္စည်းများကို ကြိုတင် ပြင်ဆင်ထားခြင်းစသည့်အသေးစိတ်အချက်များကိုဖော်ပြထားသည်။

▪️ အကယ်၍သဘာဝဘေးအန္တရာယ်များနှင့် ကြုံတွေ့ရပါက လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာနတွင် (၂၄)နာရီ ဖွင့်လှစ်ထားရှိသည့် Hot-Line ဖုန်းများဖြစ်သော ၀၆၇-၃၄၀၄၆၆၆၊ ၀၆၇-၃၄၀၄၇၇၇ တို့သို့ ဆက်သွယ်၍ အကူအညီ တောင်းခံနိုင်ကြောင်း ထုတ်ပြန် ဖော်ပြထားကြောင်း သိရသည်။

#YMG/tthl #Yangon_Times

၂၃ ဇူလိုင် ၂၀၂၄

ရုရှားနိုင်ငံရဲ့ ငွေချေစနစ် ဖြစ်တဲ့ Mir ကို မြန်မာနိုင်ငံမှာ အကန့်အသတ်နှင့်စတင်အသုံးပြုနေပြီလို့ မြန်မာနိုင်ငံအခြေစိုက်ရုရှား သံရုံးရဲ့ပြောကြားချက်ကိုကိုးကားပြီး TASS သတင်းဌာနကရေးသားပါတယ်။

မြန်မာနိုင်ငံမှာ အချို့သောစားသောက်ဆိုင်တွေနှင့် ဈေးဝယ်စင်တာတွေမှာရုရှားငွေချေကတ် Mir ကို အကန့်အသတ်နှင့် စတင် အသုံးပြုနေတာဖြစ်တယ်လို့ ရုရှားသံရုံးကပြောပါတယ်။

“ယခုလောလောဆယ်မှာ Mir card စနစ်ကို မြန်မာနိုင်ငံမှာရှိတဲ့ အချို့စားသောက်ဆိုင်တွေနှင့် ဈေးဝယ်စင်တာတွေမှာ ကန့်သတ်သုံးစွဲမှုတွေစတင်နေပါပြီ။ မကြာခင်မှာ ထပ်မံတိုးချဲ့အသုံးပြုနိုင်မယ်လို့ မျှော်လင့်ထားပါတယ်။  ဒီလိုသုံးတဲ့ အတွက် ကမ္ဘာလှည့်ခရီးသွားတွေအတွက် အကျိုးရှိပါတယ်။ ပြီးတော့  မြန်မာနိုင်ငံမှာရှိနေကြတဲ့ ရုရှားနိုင်ငံသားတွေအတွက်လည်း နေရထိုင်ရ ပိုအဆင်ပြေပါလိမ့်မယ်” လို့ သံရုံးကပြောကြားပါတယ်။

မြန်မာနိုင်ငံဟာ ရုရှားရဲ့ Mir card ကိုသုံးစွဲတဲ့ ၁၃နိုင်ငံမြောက်ဖြစ်ပါတယ်။ အခြားသော နိုင်ငံ(၆)နိုင်ငံကလည်း အသုံးပြုနိုင်ဖို့ ဆွေးနွေးမှုတွေလုပ်ဆောင်ရေး အဆင်သင့်ဖြစ်နေကြကြောင်းသတင်းမှာဖော်ပြထားပါတယ်။

Source TASS

#Local_News
Published 23 July 2024

▪️ ဂျပန်ကုမ္ပဏီများက မြန်မာလုပ်သားများကို အလုပ်ကမ်းလှမ်းစာ ၄၄၀ ခု ကမ်းလှမ်းထားကြောင်း ဂျပန်နိုင်ငံ ဆိုင်ရာ မြန်မာသံရုံး၏ ထုတ်ပြန်ချက်အရ သိရသည်။

▪️ တိုကျိုမြို့ရှိ မြန်မာသံရုံးအနေဖြင့် ဂျပန်နိုင်ငံရှိ ကုမ္ပဏီများက ပေးပို့လာသည့်  အလုပ်ကမ်းလှမ်းစာ ၄၄၀ ခု၏  အချက်အလက်များကိုစိစစ်ခဲ့ပြီး နိုင်ငံခြားရေးဝန်ကြီးဌာနသို့ ပေးပို့အကြောင်းကြားထားခြင်းဖြစ်‌ ကြောင်းသိရသည်။

▪️ အဆိုပါ စိစစ်ချက်များအရ  မြန်မာသံရုံး၊ တိုကျိုမြို့အနေဖြင့် Demand Letter များကို ဂျပန်ကုမ္ပဏီများထံမှ ပြန်ကြားစာ လက်ခံရရှိသည့်  ရက်စွဲအလိုက် အစဉ်အတိုင်းစိစစ်ပေးလျက်ရှိရာ   ဇွန်လ ၃ ရက်အထိ လက်ခံရရှိ၍ စိစစ်ပြီးဖြစ်ကြောင်း သိရသည်။ 

▪️ ထိုသို့ စိစစ်ရာတွင် အလုပ်ခေါ်ယူသည့်  ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီ၊ အလုပ်ခေါ်ယူသည့်စက်ရုံ /ကုမ္ပဏီများသည် ဂျပန်နိုင်ငံ၌ တရားဝင်တည်ထောင်ထားခြင်းရှိ၊ မရှိအပါအဝင် စာရွက်စာတမ်းအထောက်အထားများကို စစ်ဆေးခဲ့ကြောင်း မြန်မာသံရုံးထုတ်ပြန်ချက်အရ သိရသည်။

#YMG/NN #Yangon_Times

#Local_News
Published 23 July 2024

▪️ ယခု ၂၀၂၄-၂၀၂၅ ဘဏ္ဍာရေးနှစ်၏ ဧပြီလမှ ဇွန်လအထိ သုံးလတာကာလအတွင်း တရုတ်နိုင်ငံသို့ တစ်ရှူးငှက်ပျောတန်ချိန်တစ်သိန်းကျော် တင်ပို့ထားပြီးဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စာရင်းများအရ သိရသည်။

▪️ ထိုသို့တင်ပို့ရာတွင် ဧပြီလ၌  မက်ထရစ်တန်ချိန် ၇၇၆၇၅ တန်ပါဝင်သည့် ကားအစီးရေ ၃၁၀၇ စီး၊ မေလ၌  မက်ထရစ်တန်ချိန် ၃၁၅၂၇ တန်ပါဝင်သည့် ကားအစီးရေ ၁၂၂၆ စီး၊ ဇွန်လ၌  မက်ထရစ်တန်ချိန် ၄၂၄၂ တန် ပါရှိသည့် ကားစီးရေ ၁၃၆ စီးတင်ပို့ထားကြောင်း သိရသည်။

▪️ တစ်သျှူးငှက်ပျောကို ကချင်ပြည်နယ်အတွင်း ဧကခြောက်သောင်းကျော် စိုက်ပျိုးလျက်ရှိပြီး ငှက်ပျောစိုက်ပျိုးတင်ပို့သည့် ကုမ္ပဏီစုစုပေါင်း ၂၀ ကျော်ရှိကြောင်း သိရသည်။

▪️ အဆိုပါ ကုမ္ပဏီများမှ ကန်ပိုက်တီ ကုန်သွယ်ရေးစခန်းမှတစ်ဆင့်  တရုတ်နိုင်ငံသို့ အများဆုံး တင်ပို့နေခြင်းဖြစ်ပြီး ကူမင်း၊ ပေကျင်း၊ ကွမ်တုံ၊ သုံးပိတ်၊  ဟိန်းလုံကျန်၊ ရှီအန်၊ ငွေကျုံး၊ ဝုဟန်၊ ထုံချင်း၊ ကျိန်ကျုံးစသည့် ပြည်နယ်များနှင့် တရုတ်ပြည်တစ်နိုင်ငံလုံးသို့ တင်ပို့လျက်ရှိရာ ရုရှားနယ်စပ်အထိ ရောက်ရှိကြောင်း သိရသည်။

#YMG/ NN #Yangon_Times

#World_News
Published 23 July 2024

▪️ စည်းရုံးရေးပွဲတစ်ခုမှာ ရီပတ်ဘလစ်ကန် သမ္မတလောင်းကိုယ်စားလှယ် ဒေါ်နယ်ထရမ့် ဒဏ်ရာရစေလောက်တဲ့အထိ လုပ်ကြံခံရတဲ့ ကိစ္စနဲ့ပတ်သက်လို့ လုံခြုံရေးယိုယွင်းမှုတွေရှိခဲ့တဲ့အပြင် ထိုအဖြစ်အပျက်နဲ့ ပတ်သက်ပြီး အတိအကျ မရှင်းလင်းပြတဲ့အတွက် ရာထူးမှနုတ်ထွက်ပေးရန် နှစ်ဖက်ပါတီစလုံးမှ တောင်းဆိုနေကြတာတွေကို အမေရိကန် လျှို့ဝှက်ထောက်လှမ်းရေးဌာနရဲ့ ညွှန်ကြားရေးမှူး ကင်ဘာလီချီတယ်လ်က ပြန်လည်တုန့်ပြန်ပြောဆိုလိုက်ပါတယ်။

▪️ ကိစ္စအများစုမှာ ခါးခါးသီးသီး သဘောထားကွဲပြားနေကြတဲ့ အမေရိကန် အောက်လွှတ်တော်ကြီးကြပ်ရေး ကော်မတီရီပတ်ဘလစ်ကန်ဥက္ကဌ ဂျိမ်းစ်ကော်မာနဲ့ ဒီမိုကရက်ထိပ်သီးပုဂ္ဂိုလ် ဂျေမီရက်စ်ကင်တို့ဟာ ယခုချီတယ်လ်ကိစ္စမှာတော့ ရာထူးမှနုတ်ထွက်ရန် တောင်းဆိုခဲ့ကြပါတယ်။

▪️ ယနေ့မှာတော့ လုံခြုံရေးကိစ္စနဲ့ ပတ်သက်ပြီး စိတ်ပျက်ရတယ်လို့ တညီတညွတ်တည်း ဆုံးဖြတ်ခဲ့ကြကာ လက်ရှိညွှန်ကြားရေးမှူးအနေနဲ့ ဦးဆောင်နိုင်မယ်လို့ မယုံကြည်နိုင်ကြောင်း ကော်မာက ချီတယ်လ်ကို ပြောခဲ့ပါတယ်။

▪️ ချီတယ်လ်ဟာ တိုင်းပြည်သမိုင်း အလွန်အရေးကြီးနေတဲ့ အချိန်ကျမှ လွှတ်တော်ရဲ့ ယုံကြည်မှုကို မရတော့ဘဲ ဒီကိစ္စကို မြန်မြန်လေး ဖြေရှင်းဖို့လိုတယ်လို့ ရက်စ်ကင်ကလည်း ပြောပါတယ်။

▪️ ချီတယ်လ်ကလည်း ယခုဇူလိုင် ၁၃ ရက်နေ့ အဖြစ်အပျက်ဟာ လုံခြုံရေးအခြေအနေ အဆိုးရွားဆုံးတွေထဲက တစ်ခုဖြစ်ခဲ့တာကို ဝန်ခံခဲ့ပေမယ့် ယခုအချိန်မှာ လျှို့ဝှက်ထောက်လှမ်းရေးဌာနကို ဦးဆောင်ဖို့ သူမသာအသင့်လျော်ဆုံးဖြစ်ကြောင်း ပြန်လည်ချေပလိုက်ကာ ရာထူးမှနုတ်ထွက်ဖို့ကို အကြိမ်ကြိမ် ခုခံခဲ့ပါတယ်။

▪️ ထိုနေ့စည်းရုံးရေးပွဲမှာ ဒေါ်နယ်ထရမ့်မိန့်ခွန်း ပြောကြားနေစဉ် တစ်စုံတစ်ယောက်က လုပ်ကြံဖို့ကြိုးစားခဲ့ရာ ထရမ့်ရဲနားရွက်တစ်ဖက် ဒဏ်ရာရခဲ့ပြီး စည်းရုံးရေးပွဲလာရောက်သူတစ်ဦး သေဆုံးခဲ့ကာ တစ်ဦးဒဏ်ရာရရှိခဲ့ပါတယ်။

▪️ အသက် ၂၀ အရွယ် သေနတ်ပစ်တရားခံ သောမတ်ခရွတ်စ်ကို ရဲတပ်ဖွဲ့က အသေပစ်ခတ်ခဲ့ပြီး ယခုလိုလုပ်ကြံရခြင်း ရည်ရွယ်ချက်ကို သေချာမသိရသေးပါဘူး။

▪️ ထရမ့်ကို လျှို့ဝှက်ထောက်လှမ်းရေးအဖွဲ့က လုံခြုံရေး အပြည့်အဝ မပေးခဲ့ဘူးလို့ ရီပတ်ဘလစ်ကန်ဘက်က ဆိုလိုက်ကာ ချီတယ်လ်ကတော့ ထိုဖြစ်စဉ်မဖြစ်ခင် သမ္မတဟောင်းအတွက် လုံခြုံရေးတိုးမြှင့်ပေးခဲ့တယ်လို့ ပြောပါတယ်။

▪️ ဒါ့အပြင် ထရမ့်စည်းရုံးရေးပွဲအတွက် လိုအပ်တဲ့လုံခြုံရေးကိုလည်း ဖြည့်တင်းပေးခဲ့တယ်လို့ ဆိုပါတယ်။

▪️ အတွင်းရေးစုံစမ်းစစ်ဆေးမှုတွေ ပြုလုပ်နေတာကြောင့် ရက် ၆၀ လောက်ကြာမှ အချက်အလက် အတိအကျ သိရမယ်လို့ ချီတယ်လ်က ပြောခဲ့တဲ့အပေါ် နှစ်ဖက်ပါတီမှ လွှတ်တော်အမတ်တွေက ငြင်းဆန်လိုက်ပြီး ခြိမ်းခြောက်မှုတွေ မြင့်မားနေတဲ့အချိန်မှာ ရက် ၆၀ နေမှ အစီရင်ခံမယ်ဆိုတာဟာ လက်သင့်ခံစရာမရှိဘူးလို့ ဒီမိုကရက်တစ် ကိုယ်စားလှယ် အဲလက်ဇန်ဒရီယာအိုကေစီယိုကော်တက်ဇ်က ပြောသွားပါတယ်။

#Source: Reuters

#World_Science
Published 23 July 2024

▪️ ယခုထက်ထိ တွေ့ရှိဖူးသမျှ ဂြိုဟ်ပေါင်း ၅၆၀၀ ခန့်ထဲမှာ အရှည်လျားဆုံး ပတ်လမ်းကြောင်းရှိတဲ့ ဂြိုဟ်အသစ်တစ်ခုကို သိပ္ပံပညာရှင်များ တွေ့ရှိထားပါတယ်။

▪️ ထိုဂြိုဟ်ဟာ ပတ်လမ်းကြောင်းမှားနေတဲ့ ပုံစံဖြစ်နေပြီး ထူးဆန်းတဲ့ပုံပေါ်နေပြီး ဂြိုဟ်ဖွဲ့စည်းပုံတွေကြား ပျောက်ဆုံးနေတဲ့ ဆက်စပ်မှုကို ရှာဖွေနိုင်ဖို့ အကူအညီဖြစ်စေမှာ ဖြစ်ပါတယ်။

▪️ TIC 241249530 b လို့ အမည်ပေးထားတဲ့ ဂြိုဟ်ဟာ ကမ္ဘာဂြိုဟ်ကနေ အလင်းနှစ် ၁၁၀၀ နီးပါးကွာဝေးတဲ့ ကြယ်တစ်ခုကို လည်ပတ်နေပါတယ်။

▪️ ထိုဂြိုဟ်ဟာ ဗဟိုချက်ချင်း အလွန်ကွဲပြားတဲ့ပုံပေါ်ပြီး ကြယ်နဲ့အလွန်နီးကပ်စွာ လှည့်ပတ်နေပါတယ်။

▪️ နေစကြဝဠာရှိ အခြားဂြိုဟ်တွေက နေကို တူညီတဲ့ဦးတည်ချက်အတိုင်း လှည့်ပတ်နေပေမယ့် ထိုဂြိုဟ်ကတော့ ဆန့်ကျင်ဘက်အတိုင်း ကြယ်ကို လည်ပတ်နေပါတယ်။

▪️ ဒီလိုမျိုး ဗဟိုချက်ချင်းမတူတဲ့ ဂြိုဟ်ဟာ ပူလောင်တဲ့ ဂျူပီတာဖြစ်လာနေတယ်လို့လည်း ယူဆနေကြပါတယ်။

▪️ သူ့ရဲ့လည်ပတ်ပုံကွဲပြားမှုတွေကြောင့် နှစ်ပေါင်းဘီလီယံခန့် ကြာတဲ့အခါ အပူချိန် ကယ်လ်ဗင်ထောင်ချီပူတဲ့ ဂြိုဟ်ဖြစ်လာနိုင်တယ်လို့ MIT ကာဗလီတက္ကသိုလ်မှ ရူပဗေဒ လက်ထောက်ပရော်ဖက်ဆာ ဆာရာမေးလ်ဟော်လန်က ပြောပါတယ်။

▪️ ဂြိုဟ်ရဲ့ပတ်လမ်းကြောင်း ပြောင်းလဲမှုများက အလွန်ကြီးမားလွန်းကြောင်း ဆိုပါတယ်။

▪️ ဂြိုဟ်ပတ်လမ်းကြောင်း ပြောင်းလဲပုံတွေကို ပုံစံတုပြုလုပ်ခြင်းများနဲ့ စောင့်ကြည့်မှုများအရ ပူလောင်တဲ့ဂျူပီတာတွေဟာ ဗဟိုချက်ချင်းကွဲပြားမှု မြင့်မားတာကြောင့် ဖြစ်ပေါ်တယ်လို့ သုတေသနအဖွဲ့က ယူဆနေကြပါတယ်။

#Source: WION

#World_Health
Published 23 July 2024

▪️ အိပ်ချိန်ပုံစံမမှန်ဘဲ အပြောင်းအလဲများတဲ့သူတွေမှာ ဆီးချိုရောဂါ ဖြစ်နိုင်ခြေ ၃၄ ရာခိုင်နှုန်း ပိုများတယ်လို့ ဘရစ်ဂမ်နဲ့ အမျိုးသမီးဆေးရုံမှ လေ့လာတွေ့ရှိထားပါတယ်။

▪️ ဆီးချိုရောဂါ ဒုတိယအမျိုးအစား ဖြစ်နိုင်ခြေ လျှော့ချရာမှာ အိပ်စက်မှုပုံစံကို အတည်တကျ ထိန်းသိမ်းထားရှိဖို့က ဘယ်လောက်အရေးကြီးလဲ ဆိုတာကို လေ့လာလိုတာဖြစ်ကြောင်း သုတေသနပြုစုသူ ဆီနာကီယန်နာဆီက ပြောပါတယ်။

▪️ ဆီးချိုရောဂါက ကမ္ဘာပေါ်မှာ သေဆုံးမှုနဲ့ မသန်မစွမ်းဖြစ်မှုဖြစ်စေတဲ့ ထိပ်ဆုံးအကြောင်းအရင်း ၁၀ ခုမှာ ပါဝင်ပြီး ၂၀၅၀ အရောက်မှာ ကမ္ဘာပေါ်ရှိ ဆီးချိုဖြစ်ပွားသူအရေအတွက် နှစ်ဆကျော်ရှိလာမယ်လို့ ခန့်မှန်းရပါတယ်။

▪️ ဒီအတွက် ဗြိတိန်ပြည်ထောင်စုမှ လူပေါင်း ၈၄၀၀၀ ကျော်ကို စက်ပစ္စည်းများတပ်ဆင်ပြီး ၇ ညတာ စောင့်ကြည့်ခဲ့ပါတယ်။

▪️ စမ်းသပ်ပါဝင်သူတွေက ပျမ်းမျှ ၆၂ နှစ်ရှိကြပြီး ဆီးချိုရောဂါ မရှိသူတွေဖြစ်ပါတယ်။

▪️ ဆေးမှတ်တမ်းများကိုကြည့်ပြီး ဆီးချိုရောဂါဖြစ်လာခြင်း ရှိမရှိ ၇ နှစ်ခွဲ စောင့်ကြည့်ခဲ့ကြပါတယ်။

▪️ ညဘက်အိပ်ချိန် တစ်ညနဲ့တစ်ည ၁ နာရီကျော်လောက် အပြောင်းအလဲရှိသူတွေဟာ ဆီးချိုဖြစ်နိုင်ခြေ ၃၄ ရာခိုင်နှုန်းပိုများတယ်လို့ တွေ့ရှိခဲ့ပါတယ်။

▪️ ကြာမြင့်စွာ အိပ်တတ်သူတွေနဲ့ မျိုးဗီဇအရ ရောဂါဖြစ်နိုင်ခြေ နည်းတဲ့သူတွေမှာ အိပ်ချိန်မမှန်ခြင်းနဲ့ ဆီးချိုရောဂါ ဆက်စပ်မှုက ပိုပြီးသိသာနေပါတယ်။

▪️ သွေးတွင်းသကြားဓာတ် ထိန်းချုပ်ဖို့အတွက် အိပ်စက်မှုက အရေးကြီးပြီး သွေးတွင်းသကြားဓာတ် မြင့်မားတာဟာ ဆီးချိုလက္ခဏာတစ်ခု ဖြစ်ပါတယ်။

▪️ တစ်နေ့ကို အိပ်ချိန် ၆ နာရီအောက်သာရှိသူတွေဟာ ရောဂါဖြစ်နိုင်ခြေ သိသိသာသာ ပိုများနေပါတယ်။

▪️ စမ်းသပ်ချက်ကတော့ လူတိုင်းအတွက် ကိုယ်စားမပြုနိုင်တာကိုတော့ သိရှိထားဖို့ သုတေသီများဆိုလိုက်ကာ နောက်ထပ်အချက်အလက် ကွဲပြားသူတွေနဲ့လည်း စမ်းသပ်သွားဖို့ စီစဉ်နေကြပါတယ်။

#Source: New York Post

၂၂ ဇူလိုင် ၂၀၂၄

ဒုသမ္မတ ကာမလာ ဟာရစ်ကို သမ္မတလောင်းအဖြစ် ရွေးချယ်လိုက်ပြီဆိုရင်တော့  ဒီမိုကရက်တစ်ပါတီဟာ  သမိုင်းတင်မယ့် အလောင်းအစားကြီးတစ်ခုကို ပြုလုပ်လိုက်တာပဲဖြစ်ပါတယ်။ ဒုသမ္မတ ကာမလာဟာရစ် သမ္မတလောင်းဖြစ်လာပြီဆိုရင် လူမည်း   အမျိုးသမီးတစ်ဦးဟာ လူမျိုးရေးနှင့်လိင်ခွဲခြားမှုတွေ၊ပြီးတော့ သူမကိုယ်တိုင်ရဲ့ ခြေလှမ်းအမှားတွေကို ကျော်လွှားပြီး ရီပတ် ဘလီကင် ဒေါ်နယ်ထရမ့်ကို နိုင်မလားဆိုတဲ့အပေါ် သူတို့က လောင်းကြတော့မှာပါ။

#Daily_News
Published 22 July 2024

၁။ ရထားလက်မှတ်များကို အွန်လိုင်းငွေပေးချေစနစ်ဖြင့် ဝယ်ယူနိုင်ရန်ရင်းနှီးမြုပ်နှံသူများ စတင်ဖိတ်ခေါ်နေ

၂။ မြန်မာဘဏ်ရှစ်ခုကို နှစ်နိုင်ငံကုန်သွယ်မှု ရူပီး-ကျပ်ငွေပေးချေမှုအတွက် အိန္ဒိယအတည်ပြု

၃။ ရွေးကောက်ပွဲကျင်းပနိုင်ရန် လုံခြုံရေးပိုင်းကိုအချိန်ယူပြီး ကြိုတင်ပြင်ဆင်ထားရန်လိုအပ်ဟုဆို

၄။ ဂရိတွင်အပူလှိုင်းဖြတ်သန်းကာ အပူချိန်အလွန်မြင့်မားနေသဖြင့် ယဉ်ကျေးမှုအမွေအနှစ်နေရာများ ခေတ္တပိတ်သိမ်းထား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

 https://www.facebook.com/theyangontimes/videos/1624745395036888

ယခုဘဏ္ဍာနှစ်သုံးလကျော်ကာလအတွင်း  ပြည်ပနိုင်ငံတွေကို ပဲမျိုးစုံတန်ချိန်ခုနှစ်သိန်း‌ကျော် တင်ပို့ထားပြီး မတ်ပဲကိုအများဆုံးတင်ပို့ထားတယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးက သိရပါတယ်။
#Local_News
Published 22 July 2024
#ပဲမျိုးစုံတန်ချိန် #မတ်ပဲအများဆုံးတင်ပို့
#YMG/NN #Yangon_Times

 https://www.facebook.com/theyangontimes/videos/506212388577131

အပူပိုင်းမုန်တိုင်း"ပရားပရွန်"(Prapi roon)သက်ရောက်မှုကြောင့် ရန်ကုန်အပါအဝင်ဒေသ(၉)ခုမှာမိုးသည်းမှာဖြစ်တယ်လို့ သိရပါတယ်။
#Local_News
Published 22 July 2024
#အပူပိုင်းမုန်တိုင်း"ပရားပရွန်" #ဒေသ(၉)ခု၌မိုးသည်း
#YMG/tthl #Yangon_Times