၂၈ ဇူလိုင် ၂၀၂၄

လေဆိပ်တွေထဲမှာ အလွယ်တကူခပ်မြန်မြန်သွားလို့ရအောင် ဒီဇိုင်းလုပ်ထားတဲ့ စီးနင်းသွားလို့ရတဲ့ လျှပ်စစ်မော်တာတပ် ခရီးဆောင်လက်ဆွဲသေတ္တာတွေဟာ လူကြိုက်များနေပြီး နိုင်ငံခြားသားတွေဟာ အများပြည်သူလမ်းတွေပေါ် စီးနင်းရင်း မတော်တဆမှုတွေမြင့်တက်လာတာကြောင့် ဂျပန်အာဏာပိုင်တွေအတွက် အထိတ်တလန့်ဖြစ်သွားစေနေပါတယ်။

ဂျပန်နိုင်ငံမှာ လောလောဆယ် အဲဒီ မော်တာတပ်ခရီးဆောင်သေတ္တာတွေကို လမ်းပေါ်မှာ သတ်မှတ်ထားတဲ့ အန္တရာယ်ကင်းရှင်းရေး ကိရိယာတွေနှင့် ယာဉ်မောင်းလိုင်စင်ရှိမှသာ မောင်းနှင်စီးနင်းနိုင်မယ်လို့ ခွင့်ပြုထားပါတယ်။

ဂျပန်နိုင်ငံရဲ့ အဓိက လေဆိပ်ကြီးနှစ်ခုက ခရီးသွားတွေကို သူတို့ရဲ့လေဆိပ်အတွင်းထဲ အဲဒီခရီးဆောင်သေတ္တာတွေ မစီးနင်းကြဖို့ ပြေဆိုထားပြီးဖြစ်ပါတယ်။ ရဲတွေကလည်း ပြည်တွင်းခရီးသွားတွေကို တင်းကြပ်တဲ့ဥပဒေအကြောင်း သတိပေးပြောဆိုထားပေမယ့် နိုင်ငံခြားသားတွေကတော့ အဲဒီပြည်တွင်းဥပဒေတွေကို သိပ်မသိကြပါဘူး။

တရုတ်အမျိုးသမီးတစ်ဦးဟာ  ဇွန်လတုန်းက လိုင်စင်မရှိဘဲ မော်တာတပ်ခရီးဆောင်သေတ္တာကို အိုဆာကာမြို့လမ်းဘေး လူသွားပလက်ဖောင်းပေါ် စီးနင်းလို့ ပထမဆုံးအရေးယူခံခဲ့ရပါတယ်။

ဇူလိုင်လစောစောပိုင်းကလည်း အင်ဒိုနီးရှားက ယောကျ်ားကလေးတစ်ဦးဟာ အိုဆာကာရဲ့ လူရှုပ်ထွေးနေတဲ့ ဈေးဝယ်အရပ်ဖြစ်တဲ့ ဒွန်တွန်ဘိုရီလမ်းပေါ် ကွေ့ပတ်စီးနင်းခဲ့ပါတယ်။ ဂျပန်မှာ ဒီလိုလုပ်တာ ဥပဒေချိုးဖောက်တာလို့ ပြောလို့ သူ့မိသားစုက ပြန်သိမ်းသွားပေမယ့် အင်ဒိုနီးရှားမှာ ဘယ်နေရာမဆိုကြိုက်သလိုစီးလို့ရတယ်လို့ ပြန်ပြောခဲ့ပါတယ်။

အဲဒီလျှပ်စစ်ခရီးဆောင်သေတ္တာထဲမှာ ဘက်ထရီနှင့် လျှပ်စစ်မော်တာမြှပ်နှံတပ်ဆင်ထားပြီး တစ်နာရီကို ၁၀ကီလိုမီတာ အမြန်နှုန်းနှင့်သွားနိုင်ပါတယ်။ ဂျပန်မှာ အဆိုပါသေတ္တာတစ်လုံးကို ယန်းတစ်သိန်း(ဒေါ်လာ ၆၄၀) နှင့်ရောင်းချနေပါတယ်။

ဂျပန်နိုင်ငံရဲ့ ယာဉ်ဥပဒေအရ အဆိုပါ လျှပ်စစ်ခရီးဆောင်သေတ္တာတွေကို မော်တာတပ်စက်ဘီး အမျိုးအစားထဲ ထည့်သွင်း ထားပါတယ်။ အဲဒါကြောင့် ဂျပန်မှာ ယင်းကိုမှတ်ပုံတင်ရန်လိုပြီး နောက်ကြည့်မှန်နှင့် အချက်ပြမီးတွေတပ်ဆင်ပေးဖို့ လိုအပ်သလို မောင်းနှင်သူဟာလည်း ဦးထုပ်ဆောင်းရပါမယ်။ အာမခံထားရမှာလည်းဖြစ်ပါတယ်။

Source Kyodo Mews

#World_Health
Published 28 July 2024

▪️ ကျောက်ကပ်တွေက ခန္ဓာကိုယ်မှ အညစ်အကြေးနဲ့ ပိုလျှံနေတဲ့ အရည်တွေကို စစ်ထုတ်ပေးကာ အီလက်ထရိုလိုက်ဓာတ်များကို ထိန်းညှိပေးပြီး သွေးဖိအားကို ထိန်းချုပ်ပေးတဲ့ အရေးကြီးအင်္ဂါတွေ ဖြစ်ပါတယ်။

▪️ သွေးနီဥဆဲလ် ထုတ်လုပ်ခြင်းနဲ့ ကယ်လ်စီယမ် ဇီဝဖြစ်စဉ်တို့ကို ကူညီပေးတဲ့ ဟော်မုန်းတွေလည်း ထုတ်လုပ်ပေးပါတယ်။

▪️ ကျောက်ကပ်ချို့ယွင်းပါက နာတာရှည် ကျောက်ကပ်ရောဂါ၊ နှလုံးရောဂါတို့ ဖြစ်လာနိုင်တာကြောင့် ကျောက်ကပ်ကျန်းမာရေးကို ထိန်းချုပ်ပေးနိုင်မယ့် နည်းလမ်းများကို ဖော်ပြလိုက်ပါတယ်။

▪️ (၁) ရေဓာတ်ပြည့်ဝစွာနေခြင်း - ရေဓာတ်ထိန်းသိမ်းခြင်းဖြင့် သွေးထဲက အညစ်အကြေးတွေ စွန့်ထုတ်ပေးကာ ခန္ဓာကိုယ်အရည် မျှတမှုကို ထိန်းသိမ်းပေးပါတယ်။

▪️ (၂) ဆိုဒီယမ်ထိန်းသိမ်းစားသုံးခြင်း - ဆိုဒီယမ်များလွန်းခြင်းက သွေးဖိအားများစေပြီး ကျောက်ကပ်ကို ထိခိုက်စေပြီး အသင့်စားစာတွေ၊ ဟင်းခတ်အမွှေးကြိုင်တွေ အများအပြား စားသုံးခြင်းကို ရှောင်ရှားသင့်ပါတယ်။

▪️ (၃) မျှတစွာစားသုံးခြင်း - အသီးအနှံ၊ ဟင်းရွက်၊ ဂျုံစပါးမျိုး၊ ပရိုတိန်းတို့ကို မျှတစွာ စားသုံးခြင်းဖြင့် ကျန်းမာရေးကို ထောက်ကူပြီး ကျောက်ကပ်အပေါ် ဝန်ထုပ်ဝန်ပိုးလျော့ကျစေပါတယ်။

▪️ (၄) သွေးတွင်းသကြားဓာတ်ထိန်းပေးခြင်း - သွေးတွင်းသကြားဓာတ် များပြားပါက ကျောက်ကပ်ရောဂါ ဖြစ်လာစေနိုင်သဖြင့် ပုံမှန်စောင့်ကြည့် ထိန်းသိမ်းပေးဖို့ လိုအပ်ပါတယ်။

▪️ (၅) သွေးပေါင်ချိန်ထိန်းပေးခြင်း - သွေးဖိအားများပါက သွေးကြောများကို ထိခိုက်စေကာ အစားအစာ၊ လေ့ကျင့်ခန်း၊ တရားထိုင်ခြင်းတို့ဖြင့် သွေးပေါင်ချိန်ကို ထိန်းသိမ်းနိုင်ပါတယ်။

▪️ (၆) ပုံမှန်လေ့ကျင့်ခန်းပြုလုပ်ခြင်း - ကိုယ်လက်လှုပ်ရှားခြင်းဖြင့် နှလုံးသွေးကြောကျန်းမာရေး တိုးတက်စေပြီး ကိုယ်အလေးချိန်မျှစေကာ ကျောက်ကပ်ရောဂါ ဖြစ်နိုင်ခြေလျော့နည်းစေပါတယ်။

▪️ (၇) အကိုက်အခဲပျောက်ဆေးအလွန်အကျွံ မသုံးခြင်း - NSAID အကိုက်အခဲပျောက်ဆေးများက ကျောက်ကပ်ကို ထိခိုက်စေပြီး လိုအပ်မှသာ ဆေးညွှန်းအတိုင်း သုံးစွဲသင့်ပါတယ်။

▪️ (၈) ဆေးလိပ်ဖြတ်ခြင်း - ဆေးလိပ်သောက်ခြင်းဖြင့် ကျောက်ကပ်သို့ သွေးရောက်ရှိမှု နည်းပါးစေပြီး ကျောက်ကပ်ပြဿနာကို ပိုဆိုးစေပါတယ်။

▪️ (၉) ပုံမှန်စစ်ဆေးမှုပြုလုပ်ခြင်း - စောစီးစွာ ရောဂါတွေ့ရှိပါက စောစောကုသနိုင်သဖြင့် နာတာရှည် မဖြစ်နိုင်တော့ပါဘူး။

#Source: DoctorNDTV

ရန်ကုန်တိုင်းမှာ မိုးသည်းထန်ခြင်း၊ လှိုင်မြစ်၊ ဘောလယ်မြစ်ရေများတက်ခြင်းကြောင့် တိုက်ကြီးရှိ ကျေးရွာ‌တွေကို ကူညီကယ်ဆယ်ရေး‌တွေဆောင်ရွက်ပေးနေရတယ်လိုရှင်သန်ရေးကူညီမှုအသင်းမှ သိရပါတယ်။
#Local_News
Published 28 July 2024
#တိုက်ကြီးရှိကျေးရွာ #ရေဘေးသင့်ပြည်သူများကိုကူညီ
#YMG/tthl #Yangon_Times

#World_Health
Published 29 July 2024

▪️ ဒီမန်ရှာရောဂါဆိုတာက နေ့စဉ်နေထိုင်သွားလာမှုဘဝကိုပါ နှောင့်ယှက်စေနိုင်လောက်တဲ့အထိ ဦးနှောက်လုပ်ဆောင်ချက်များ ကျဆင်းလာတဲ့ လက္ခဏာအမျိုးမျိုးကို ရည်ညွှန်းပါတယ်။

▪️ ထိုထဲမှာ မှတ်ဉာဏ်ဆုံးရှုံးခြင်း၊ စဉ်းစားတွေးတောခြင်း ပြဿနာဖြေရှင်းခြင်း ပြောဆိုခြင်းတို့မှာ ခက်ခဲလာပြီး စိတ်အခြေအနေနဲ့ အပြုအမူ ပြောင်းလဲခြင်းတွေ ပါဝင်ပါတယ်။

▪️ အသက်အရွယ်နဲ့ မျိုးဗီဇကြောင့်ဖြစ်တဲ့ ဒီမန်ရှာရောဂါ ဖြစ်နိုင်ခြေကို လျှော့မချနိုင်ပေမယ့် အချို့သော နေထိုင်စားသောက်မှုပုံစံ ပြောင်းလဲခြင်းတို့က ရောဂါဖြစ်နိုင်ခြေကို လျှော့ချနိုင်ပါတယ်။

▪️ ဒီမန်ရှာဖြစ်နိုင်ခြေကို လျှော့ချပေးနိုင်တဲ့ စားစရာတွေကို ဖော်ပြလိုက်ပါတယ်။

(၁) အစိမ်းရင့်ရောင်ဟင်းရွက်များ
▪️ ထိုစားစရာတွေမှာ ဗိုက်တာမင်-ကေ၊ အီးနဲ့ ဖောလိတ်၊ ဓာတ်တိုးဆန့်ကျင်ပစ္စည်းများ ပါဝင်ကာ ဦးနှောက်ထဲမှာ ဓာတ်တိုးခြင်းနဲ့ ရောင်ရမ်းခြင်းတို့ကို လျှော့ချပေးပါတယ်။

(၂) ဘယ်ရီသီးများ
▪️ ဘလူးဘယ်ရီ၊ စတော်ဘယ်ရီ၊ ဘလက်ခ်ဘယ်ရီတို့က ဓာတ်တိုးဆန့်ကျင်ပစ္စည်း ကြွယ်ဝပြီး ဦးနှောက်ဆဲလ်များ ထိခိုက်ပျက်စီးခြင်းမှ ကာကွယ်ပေးပါတယ်။

(၃) အခွံမာသီးများ
▪️ ကျန်းမာရေးအတွက် အကျိုးပြုအဆီများ၊ ဓာတ်တိုးဆန့်ကျင်ပစ္စည်းများ၊ ဗိုက်တာမင်-အီးတို့ ကြွယ်ဝကာ ဦးနှောက်ကျန်းမာရေးအတွက် အကျိုးဖြစ်စေပါတယ်။

(၄) အဆီပါသောငါးများ
▪️ ဆော်လ်မွန်၊ ငါးကွမ်းရှပ်၊ ငါးသေတ္တာတို့က အိုမီဂါ-၃ ဖက်တီးအက်ဆစ်များ ကြွယ်ဝပြီး ရောင်ရမ်းခြင်းကို လျှော့ချပေးကာ ဦးနှောက်ကျန်းမာရေးအတွက် အကျိုးရှိစေပါတယ်။

(၅) ဂျုံစပါးမျိုးများ
▪️ အမျှင်ဓာတ်များ၊ ဗိုက်တာမင်များ၊ ဓာတ်တိုးဆန့်ကျင်ပစ္စည်းများ ကြွက်ဝပြီး သွေးတွင်းသကြားဓာတ် ထိန်းသိမ်းပေးပါတယ်။

(၆) သံလွင်ဆီ
▪️ မပြည့်ဝဆီများနဲ့ ဓာတ်တိုးဆန့်ကျင်ပစ္စည်းများ ကြွယ်ဝပြီး ရောင်ရမ်းခြင်းနဲ့ ဓာတ်တိုးခြင်းတို့ကို လျှော့ချပေးပါတယ်။

(၇) နနွင်း
▪️ ကာကူမင်လို့ခေါ်တဲ့ ဒြပ်ပေါင်းပါဝင်ကာ ရောင်ရမ်းခြင်းနဲ့ ဓာတ်တိုးခြင်းတို့ကို ဆန့်ကျင်ပေးပြီး ဦးနှောက်ကို ကာကွယ်ပေးပါတယ်။

(၈) ချောကလက်မည်း
▪️ ဖလေဗိုနွိုက်၊ ကဖင်း၊ ဓာတ်တိုးဆန့်ကျင်ပစ္စည်းများ ပါဝင်ကာ ဦးနှောက်လုပ်ဆောင်ချက်ကို တိုးတက်စေကာ ဦးနှောက်စွမ်းရည် လျော့ကျခြင်းမှ ကာကွယ်ပေးပါတယ်။

(၉) လက်ဖက်စိမ်း
▪️ ဓာတ်တိုးဆန့်ကျင်ပစ္စည်းများက ဦးနှောက်စွမ်းဆောင်ရည် တိုးတက်စေပြီး အာရုံကြောချို့ယွင်းရောဂါများ ဖြစ်နိုင်ခြေ လျော့စေပါတယ်။

#Source: DoctorNDTV

(၂၀၂၃)အတွင်းကမ္ဘာပေါ်၌ လူ(၁၁)ဦးလျှင်တစ်ဦးနှုန်း ငတ်မွတ်ခေါင်းပါးဘေးကြုံတွေ့နေရဟု ကမ္ဘာ့စားနပ်ရိက္ခာဖူလုံရေးတင်ပြချက်တွင်ဖော်ပြထား

ယမန်နှစ်က တင်ပြချက်တစ်ခုအရ ကမ္ဘာတဝှမ်းမှာ လူ ၁၁ ဦးလျှင် ၁ ဦးနှုန်းက ငတ်မွတ်ခေါင်းပါးမှုနဲ့ ရင်ဆိုင်နေရကာ ၂၀၁၉ ခုနှစ် ကပ်ရောဂါမတိုင်ခင်ကာလကထက် သိသိသာသာ များပြားလာပါတယ်။
#World_Crisis
Published 27 July 2024
#ကမ္ဘာ့စားနပ်ရိက္ခာ #ငတ်မွတ်ခေါင်းပါး
#YMG #Yangon_Times #Yangon_Media_Group

#Daily_News
Published 27 July 2024

၁။ ရန်ကုန်နှင့်ပဲခူး၌ သက်သာသောစျေးနှုန်းဖြင့် ဆေးဝါးများ တိုးချဲ့ရောင်းပေးမည်

၂။ ရေကြီးနစ်မြုပ်မှုကြုံခဲ့ရသည့် မိုးစပါးစိုက်တောင်သူများကို မျိုးစပါး၊ မြေဩဇာနှင့် စိုက်ပျိုးရေးဆေးများ ကူညီပံ့ပိုးပေးမည်

၃။ အားကောင်းသည့် လေဖိအားနည်းရပ်ဝန်းအရှိန်‌ကြောင့် ရန်ကုန်အပါအဝင်မိုးကြီးမည့်ဒေသ(၇)ခုရှိ 

၄။ (၂၀၂၃)အတွင်းကမ္ဘာပေါ်၌ လူ(၁၁)ဦးလျှင်တစ်ဦးနှုန်းငတ်မွတ်ခေါင်းပါးဘေးကြုံတွေ့နေရဟု ကမ္ဘာ့စားနပ်ရိက္ခာဖူလုံရေးတင်ပြချက်တွင် ဖော်ပြထား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်ဈေးကွက်ထဲမှာ စက်သုံးဆီအမျိုးအစားအားလုံး ဈေးတွေဆက်လက်ကျဆင်းလာတယ်  လို့ ဈေးကွက်ထဲက သိရပါတယ်။ ဓာတ်ဆီ 92 တစ်လီတာ ၅၅ ကျပ်၊ 95 တစ်လီတာ ၇၅ ကျပ်၊ ရိုးရိုးဒီဇယ်တစ်လီတာ ၅၀ ကျပ်၊ ပရီမီယံဒီဇယ်တစ်လီတာ ၆၅ ကျပ် အသီးသီးကျဆင်းသွားပါတယ်။
#Local_News
Published 27 July 2024
#စက်သုံးဆီဈေးနှုန်း #ဈေးနှုန်းများဆက်လက်ကျဆင်း
#YMG/NN #Yangon_Times

#Local_News
Published 27 July 2024

▪️ ပြင်သစ်နိုင်ငံတွင်ကျင်းပနေသည့် ၂၀၂၄အိုလံပစ်ပြိုင်ပွဲတွင် မြန်မာကြက်တောင် လက်ရွေးစင်သက်ထားသူဇာပါဝင်ယှဉ်ပြိုင်နေကြောင်း သိရသည်။

▪️ ပွဲဦးထွက်အနေဖြင့် မြန်မာမှ သက်ထားသူဇာနှင့် ဂျပန်မှAkane Yamaguchi (Japan)နှင့် စတင်ယှဉ်ပြိုင်ရမည်ဖြစ်ကြောင်း သိရသည်။

▪️ သက်ထားသူဇာက "သက်ထား group C ထဲမှာပါတဲ့ Akane Yamaguchi (Japan) နဲ့ Michelle Li (Canada) နှစ်ယောက်ထဲမှာ Japan က Akane နဲ့ အရင်ဦးဆုံး 27th July Olympic ကြက်တောင်ပြိုင်ပွဲ စစချင်းနေ့မှာ ပြိုင်ရမှာဖြစ်ပါတယ်"ဟု ဖော်ပြထားသည်။

▪️ အချိန်ကတော့ Paris Time Zone 7:30 PM တွင် ကွင်းနံပတ် 2 မှာရိုက်ရမည်ဖြစ်ပြီး  အကောင်းဆုံးယှဉ်ပြိုင်သွားမည် ‌‌ဖြစ်‌ကြောင်း ဖော်ပြထားသည်။

▪️ ၂၀၂၄အိုလံပစ်ပြိုင်ပွဲတွင် မြန်မာနိုင်ငံ ကိုယ်စားပြုသက်ထားသူဇာနှင့်ဘုန်းပြည့်ဟန်တို့က အမျိုးသမီး တစ်ယောက်ချင်း ကြက်တောင်ရိုက်အားကစားနဲ့ အမျိုးသား မီတာ ၁၀၀ အလွတ်ကူး အားကစားတွေမှာ အသီးသီး ဝင်ရောက်ယှဉ်ပြိုင်ကြမည်ဖြစ်ကြောင်း မြန်မာနိုင်ငံဆိုင်ရာ ‌ဥရောပသမဂ္ဂ၏ ထုတ်ပြန်ချက်အရသိရသည်။

#YMG/tthl #Yangon_Times

အားကောင်းတဲ့ လေဖိအားနည်းရပ်ဝန်းအရှိန်‌နဲ့ မုတ်သုံလေအားအလွန်ကောင်း‌‌တဲ့အတွက် ရန်ကုန်အပါအဝင်မိုးကြီးမည့်ဒေသ(၇)ခုရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 27 July 2024
#လေဖိအားနည်းရပ်ဝန်း #မိုးကြီးမည့်ဒေသ(၇)ခု
#YMG/tthl #Yangon_Times

ရေကြီးနစ်မြုပ်မှုကြုံခဲ့ရတဲ့ မိုးစပါးစိုက်တောင်သူတွေကို မျိုးစပါး၊ မြေဩဇာနဲ့ စိုက်ပျိုးရေးဆေးတွေ ကူညီပံ့ပိုးပေးသွားမယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 27 July 2024
#ရေကြီးနစ်မြုပ်မှု #စိုက်ပျိုးရေးဆေးများ
#YMG/NN #Yangon_Times

ရန်ကုန်နဲ့ပဲခူးမြို့တွေမှာ သက်သာတဲ့ စျေးနှုန်း‌တွေနဲ့ ဆေးဝါးတွေကို အခုလကုန်ပိုင်းကနေ စတင်ပြီး တိုးချဲ့ရောင်းပေးသွားမယ်လို့ မြန်မာနိုင်ငံဆေးနှင့်ဆေးပစ္စည်းလုပ်ငန်းရှင်များအသင်းက သိရပါတယ်။
#Local_News
Published 27 July 2024
#ဆေးဝါးများတိုးချဲ့ရောင်းပေး #သက်သာသောစျေးနှုန်း
#YMG/NN #Yangon_Times

#Local_News
Published 27 July 2024

▪️ မိုးသည်းထန်စွာရွာသွန်းမှုကြောင့် ရန်ကုန်မြို့ရှိ စမ်းချောင်းမြို့နယ်၌ ဘုန်းကြီးကျောင်းအုတ်တံတိုင်းပြိုကျပြီး မော်တော်ယာဉ်(၆)စီးပေါ်ပိမိမှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇူလိုင်၂၇ရက်နေ့၊ မနက်၁၁ နာရီ၂၀ မိနစ်အချိန်ခန့်က ရန်ကုန်တိုင်းဒေသကြီး၊ စမ်းချောင်းမြို့နယ်၊ ကျွန်းတောတောင်ရပ်ကွက်၊ မုန့်လုပ်ဆောင်းကုန်းတောင်ရပ်ကွက်၊ ကျွန်းတောလမ်း၊ ဘီးလင်းကျောင်းတိုက် အုတ်တံတိုင်းပြိုကျမှုဖြစ်ပွားပြီး မော်တော်ယာဉ်(၆)စီးပေါ်ပိမိနေကြောင်း သတင်းရရှိသဖြင့် စမ်းချောင်းမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ကူညီရှင်းလင်းရေးလုပ်ငန်းများ ဆောင်ရွက်ပေးခဲ့‌ကြောင်း သိရသည်။

#YMG/NN #Yangon_Times