#World_News
Published 23 August 2025
▪️ သီရိလင်္ကာနိုင်ငံကို စီးပွားရေးအကျပ်အတည်းကာလအတွင်း ဦးဆောင်ခဲ့တဲ့ သမ္မတဟောင်း ရာနေလ်ဝစ်ခရမ်ဆင်ဂီကို သောကြာနေ့က ဖမ်းဆီးထိန်းသိမ်းခဲ့ကာ နိုင်ငံတော်ဘဏ္ဍာငွေများကို အလွဲသုံးစားအသုံးပြုခဲ့တယ်လို့ စွပ်စွဲခံထားရပါတယ်။
▪️ ၂၀၂၄ ရွေးကောက်ပွဲမှာ ရာထူးဆုံးရှုံးခဲ့တဲ့ အသက် ၇၆ နှစ်အရွယ် ဝစ်ခရမ်ဆင်ဂီဟာ ဘွဲ့နှင်းသဘင် အထူးနေ့လယ်စာစားပွဲသို့ တက်ရောက်ရန် ဗြိတိန်ကိုသွားရောက်တဲ့ ကိစ္စနဲ့ပတ်သက်ပြီး စုံစမ်းစစ်ဆေးခံခဲ့ရတာ ဖြစ်တယ်လို့ ဒေသတွင်းမီဒီယာများ ဖော်ပြထားကြပါတယ်။
▪️ သမ္မတဟောင်းကို တရားရုံးမှာ ဖမ်းဆီးထိန်းသိမ်းထားပြီး ဩဂုတ် ၂၆ ရက်နေ့အထိ ရမန်ထိန်းသိမ်းမှုအောက် ရှိနေမယ်လို့ ရဲတပ်ဖွဲ့မှပြောရေးဆိုခွင့်ရှိသူ ဝုလာက ပြောသွားပါတယ်။
▪️ သူ့ရဲ့ အမျိုးသားစည်းလုံးရေးပါတီ (UNP)မှ အဖွဲ့ဝင် နီရှန်ထာသီရိဝါနာဆင်ဂီက သမ္မတဟောင်းမှာ အပြစ်မရှိကြောင်းနဲ့ ဒီအမှုဟာ နိုင်ငံရေးလှုံ့ဆော်မှုတစ်ခုဖြစ်နိုင်ကြောင်း ပြောသွားပါတယ်။
▪️ သူဟာ နိုင်ငံ့စီးပွားရေး ပြိုလဲနေချိန်မှာ အခက်အခဲတွေကို ရင်ဆိုင်ပြီး တိုင်းပြည်ကို ကယ်တင်ခဲ့သူဖြစ်ကြောင်း၊ ဒီလိုလူကို လက်ရှိအစိုးရက ယခုကဲ့သို့ ဆက်ဆံနေကြောင်း ပြောပြခဲ့ပါတယ်။
▪️ ဝစ်ခရမ်ဆင်ဂီဟာ သီရိလင်္ကာဝန်ကြီးချုပ်အဖြစ် ၆ ကြိမ်တိုင် တာဝန်ထမ်းဆောင်ခဲ့သလို တိုင်းပြည်ဘဏ္ဍာရေးကျပ်တည်းချိန်မှာလည်း ၂၀၂၂ က သမ္မတဖြစ်ခဲ့ပါတယ်။
▪️ သူ့အရင်သမ္မတ နိုင်ငံမှထွက်ပြေးကာ ဆူပူဆန္ဒပြမှုတွေဖြစ်ပြီးနောက် ဝစ်ခရမ်ဆင်ဂီက ရာထူးရယူခဲ့တာ ဖြစ်ပါတယ်။
▪️ ပြီးခဲ့တဲ့နှစ် ရွေးကောက်ပွဲမှာတော့ တတိယနေရာသာရခဲ့ပြီးနောက် အာဏာစွန့်လွှတ်ခဲ့ရတာ ဖြစ်ပါတယ်။
Source: Reuters
