#Local_News
Published 27  February 2024

ဧရာဝတီတိုင်းဒေသကြီး  ချောင်းသာကမ်းခြေသို့ ပြည်တွင်း ခရီးသွားဝင်ရောက်မှုများပြားသော်လည်း ပြည်ပခရီးသွား ဝင်ရောက်မှုမှာ လျော့နည်းနေသေးကြောင်း ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်သက်ခိုင်က ပြောသည်။

ဖေဖေါ်ဝါရီ ၂၅ ရက်က ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်သက်ခိုင်သည် ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်းနှင့်အတူ ချောင်းသာမြို့သို့သွားရောက်၍ ချောင်းသာကမ်းခြေဒေသရှိ Azura Hotel ၌ ဌာနဆိုင်ရာများ၊ ဟိုတယ်လုပ်ငန်းရှင်များ၊ ဟိုတယ်များမှတာဝန်ရှိသူများ၊ ခရီးသွားလုပ်ငန်းနှင့် ဆက်စပ်လုပ်ငန်းရှင်များနှင့် တွေ့ဆုံစဉ်ပြောကြားခဲ့ ခြင်း ဖြစ်သည်။

 ပြည်ထောင်စုဝန်ကြီးအနေဖြင့် ယခုကဲ့သို့လာရောက်ခြင်းမှာလည်း ချောင်းသာကမ်းခြေဒေသ ခရီးသွားလုပ်ငန်းဖွံ့ဖြိုး တိုးတက်ရေးအတွက် ခရီးစဉ်ဒေသစီမံခန့်ခွဲရေးအဖွဲ့များ၊ ဟိုတယ်နှင့်ခရီးသွားလုပ်ငန်းနယ်ပယ်မှ လုပ်ငန်းလုပ်ကိုင်နေသူများဖြင့် လာရောက်တွေ့ဆုံပြီး လိုအပ်သည်များ ကူညီဆောင်ရွက်ပေး နိုင်ရန်ဖြစ်ပါကြောင်း၊ ဝန်ကြီးဌာနအနေနှင့် အစိုးရ-ပုဂ္ဂလိက ပူးပေါင်းဆောင်ရွက်မှု အားကောင်းစေရေးအတွက် အကောင်အထည်ဖော်ဆောင်ရွက်လျက်ရှိကြောင်း သိရသည်။

ချောင်းသာကမ်းခြေဒေသသည် ပြည်တွင်းပြည်ပ ခရီးသွားဧည့်သည်များ ကြိုက်နှစ်သက်သည့် ဆွဲဆောင်မှုရှိသော ကမ်းခြေခရီးစဉ်ဒေသတစ်ခုဖြစ်ပြီး အစဉ်အမြဲ သန့်ရှင်းသာယာ လှပနေရေးအတွက် အားလုံးဝိုင်းဝန်းပူးပေါင်း ဆောင်ရွက်ကြရမည် ဖြစ်ပါကြောင်း၊ ခရီးသွားလုပ်ငန်း တိုးတက်လာသည်နှင့်အမျှ ဒေသခံတို့၏လူမှုစီးပွားဘဝများဖွံ့ဖြိုးတိုးတက်လာမှာဖြစ်ပါကြောင်း၊ ချောင်းသာကမ်းခြေသို့ ပြည်တွင်း ခရီးသွားဝင်ရောက်မှုများပြားသော်လည်း ပြည်ပခရီးသွား ဝင်ရောက်မှုမှာ လျော့နည်းနေသေးပါကြောင်းပြောကြားခဲ့သည်။

 ထို့ပြင် ခရီးသွားဧည့်သည်များကို ဆွဲဆောင်နိုင်သော ခရီးသွားလှုပ်ရှားမှုများကို ဖန်တီးပြီး ဈေးကွက်မြှင့်တင်ကြော်ငြာရေးဆိုင်ရာကိစ္စရပ်များကို ဒေသရှိ အစိုးရ-ပုဂ္ဂလိက အားလုံးပူးပေါင်း ဆောင်ရွက်ကြရမှာဖြစ်ကာ  နိုင်ငံတော်အစိုးရအနေဖြင့် သင့်တော်ကောင်းမွန်သည့် စီးပွားရေး အခွင့်အလမ်း ပတ်ဝန်းကျင်ကို ဖန်တီးပေးသကဲ့သို့ လုပ်ငန်းလုပ်ကိုင်သူများ အနေဖြင့်လည်း လူထုအကျိုး၊ ပတ်ဝန်းကျင်နှင့် နိုင်ငံအကျိုးကို ဂရုပြုဆောင်ရွက်ကြရန် လိုအပ်ပါကြောင်း၊

 မိမိတို့ထံ လာရောက်သော ဧည့်သည်များကို ကောင်းမွန်သည့် ဝန်ဆောင်မှုများပေးစွမ်းနိုင်ရန်၊ ဝန်ကြီးဌာနမှ စီစဉ်ရေးဆွဲထားသော အစီအစဉ်များကို လိုက်ပါအကောင်အထည်ဖော်ကြရန်နှင့် ချောင်းသာကမ်းခြေ ခရီးသွားလုပ်ငန်းရေရှည်ဖွံ့ဖြိုးတိုးတက်ရေးအတွက် အားလုံးဝိုင်းဝန်း ကြိုးစားသွားကြရန် တိုက်တွန်းပြောကြားခဲ့သည်။

၂၀၂၃ခုနှစ် တွင် ချောင်းသာနှင့်ငွေသောင်ယံကမ်းခြေရှိ ဟိုတယ်နှင့်တည်းခိုရိတ်သာများ သို့ ပြည်တွင်း ပြည်ပ ခရီးသွားဧည့်သည် ၄၁၃၃၈၉ဦး လာရောက် တည်းခိုခဲ့ကြောင်း ဟိုတယ်နှင့်ခရီးသွားလာရေးဝန်ကြီးဌာန၏စာရင်းများ အရသိရသည်။

#Local_News #ခရီးသွားဝင်ရောက်မှုများပြား #ပြည်ပခရီးသွားဝင်ရောက်မှုလျော့နည်း #YMG/LW #Yangon_Times

လာမယ့်မတ်လအတွင်းဖြေဆိုကြမယ့် တက္ကသိုလ်ဝင်စာမေးပွဲ ဖြေဆိုခွင့်ကတ်ပြားတွေကို ဖေဖော်ဝါရီလ ၂၇ ရက် ယနေ့မှာထုတ်ပေးနေကြပြီလို့ အခြေခံပညာကျောင်းတွေကသိရပါတယ်။ ကတ်ပြားတွေထုတ်ယူရာမှာ  အခက်အခဲတွေ ဖြစ်ပေါ်ခဲ့ရင်လည်း  သက်ဆိုင်ရာကျောင်းအုပ်ကြီး၊ စာစစ်ဌာနကြီးကြပ်ရေးမှူး၊ မြို့နယ်ပညာရေးမှူးတွေနဲ့   မြန်မာနိုင်ငံစာစစ်ဌာနတွေကို တိုက်ရိုက်စုံစမ်း မေးမြန်းနိုင်တယ်လို့  သိရပါတယ်။
#Local_News
Published 27 February 2024
#တက္ကသိုလ်ဝင်စာမေးပွဲ #ဖြေဆိုခွင့်ကတ်ပြားများယနေ့ထုတ်ပေး
#YMG/NN #Yangon_Times

၂၇ ဖေဖော်ဝါရီ ၂၀၂၄

သုံးနိုင်ဖြုန်းနိုင်တဲ့ မြန်မာနိုင်ငံသားတွေဟာ ထိုင်းနိုင်ငံရဲ့ အဓိကမြို့ကြီးတွေမှာ လွန်ခဲ့တဲ့ (၂)နှစ်ခန့်ကစပြီး ဈေးကြီး ကြီး အိမ်ယာတွေ ခပ်သွက်သွက် ခပ်မြန်မြန်ဝယ်ယူလာနေကြတယ်လို့ ထိုင်းရဲ့ အိမ်ခြံမြေကုမ္ပဏီ ကိုလီယာ Colliers ကပြောတဲ့အကြောင်း နေရှင်းသတင်းကရေးသားပါတယ်။ အဲဒီလိုဝယ်လာကြတဲ့အတွက် မြန်မာတွေဟာ ထိုင်းနိုင်ငံရဲ့ အိမ်ခြံမြေဈေးကွက်မှာ ထိပ်တန်းသုံးနိုင်ဖြုံးနိုင်တဲ့သူတွေဖြစ်လာကြတယ်လို့လည်း နေရှင်းသတင်း က ဆိုပါတယ်။

ကိုလီယာရဲ့ ဒုတိယအုပ်ချုပ်မှုဒါရိုက်တာ ကာလိုပိုဘရီက “ ထိုင်းအစိုးရအိမ်ရာဘဏ်ရဲ့ အိမ်ခြေံမြေ သတင်းအချက်  အလက်ဗဟိုဌာန(REIC)ရဲ့အဆိုအရ မြန်မာဝယ်လက်တွေဟာ ဘန်ကောက်၊ဖူးကက်နှင့် ချင်းမိုင်တို့ကို စိတ်ဝင်စား မှု အရှိဆုံးဖြစ်တယ်” လို့ပြောပါတယ်။

REIC ရဲ့ အချက်အလက်တွေအရ ထိုင်းနိုင်ငံရဲ့ အနောက်ဘက်အိမ်နီးချင်းဖြစ်တဲ့ မြန်မာနိုင်ငံဟာ ၂၀၂၃ခုနှစ်မှာ ထိုင်းနိုင်ငံရဲ့ အိမ်ယာဈေးကွက်မှာ ထိုင်းဘတ်ငွေ ၂.၂၅ ဘီလျံတန်ဖိုးအထိ အိမ်ယာတွေဝယ်ယူခဲ့တဲ့အတွက်   နိုင်ငံ အလိုက်မှာ တတိယမြောက် အသုံးအများဆုံးနိုင်ငံအဆင့်ရောက်ရှိသွားခဲ့တယ်လို့ သိရပါတယ်။ ပထမနေရာက တရုတ်နိုင်ငံနှင့်  ဒုတိယက ရုရှားတို့ဖြစ်ကြပါတယ်။

အဲဒီ့အပြင်နိုင်ငံသားတွေအလိုက် ဝယ်ယူကြတဲ့ အိမ်ရာတစ်ခုချင်းစီရဲ့ပျှမ်းမျှတန်ဖိုးအရပြောရရင် မြန်မာနိုင်ငံသား တွေဟာ ဈေးအကြီးဆုံးအိမ်ရာတွေဝယ်ယူကြသူတွေအဖြစ် အဆင့်(၁)နေရာ ရောက်ရှိသွားပါတယ်။

“မြန်မာတွေ အနေနှင့် ပျှမ်းမျှအားဖြင့် ထိုင်းဘတ်ငွေ ၆,၅သန်းတန်ဖိုးရှိ အိမ်ရာတွေကို ဝယ်ယူကြတာဖြစ်ပါတယ်။ အဲဒါကြောင့် ဒီတန်ဖိုးဟာ တရုတ်တွေ ရုရှားတွေ ဝယ်ယူကြတဲ အိမ်တွေထက်တောင် ဈေးကြီးနေတာ”လို့လည်း သူက ဆက်ပြောပါတယ်။

မြန်မာတွေအများဆုံးဝယ်ယူကြတာဟာ ဇိမ်ခံကွန်ဒိုတိုက်ခန်းတွေဖြစ်ပြီး ဈေးတွေက တစ်ခန်းကို ဘတ်ငွေ ၁၀ သန်းမှ သန်း၂၀အကြားရှိတယ်လို့ ပိုဘရီက ပြောပါတယ်။ မြန်မာတွေအကြိုက်ဆုံးနေရာတွေထဲမှာ ဆေးရုံ    တွေ၊နိုင်ငံတကာကျောင်းတွေ၊ဈေးဝယ်စင်တတွေနှင့်ဟိုတယ်တွေနှင့်နီးတဲ့ ဆူကိုဝေ့ Sukhumvit ၊ဖရောင်းဖုန် Phrom Phong နှင့် အစို့ Asoke  တို့က အိမ်ရာစီမံကိန်းတွေဖြစ်ကြပါတယ်။

မြန်မာနိုင်ငံမှ အလယ်အလတ်တန်းစားဝယ်ယူသူတွေကတော့ အားရီ Aree နှင့် ပရာထိုင်း Phaya Thai ဇုန်တွေက  ဘတ်ငွေ ၅သန်းမှ ၁၀သန်းအကြားရှိတဲ့ ကွန်ဒိုတွေကို ဝယ်ယူကြပါတယ်။ အထူးသဖြင့် BTS/MRT လမ်းကြောင်း တစ်လျောက် မြန်မာတွေ အကြိုက်တွေ့ကြပါတယ်။ ဘာဖြစ်လို့လဲဆိုတော့ သွားရေးလာရေး လွယ်ကူပြီး ငှားဖို့နှင့် ပြန်ရောင်းဖို့ အခွင့်အလမ်းတွေကောင်းလို့ဖြစ်ပါတယ်။

“ ဒီအုပ်စုထဲကသူတွေဟာ အများအားဖြင့် လူငယ်တွေဖြစ်ကြပြီး ကွန်ဒိုတွေကို ငှားစားဖို့ ဒါမှမဟုတ် ပြန်ရောင်းဖို့ ရင်းနှီးမြှပ်နှံကြတာဖြစ်တယ်။ သူတို့ဟာ နေရာကောင်းတဲ့အခန်းတွေကို ကြိုပွိုင့်ဝယ်ယူလေ့ရှိကြတယ်” လို့ ပိုဘရီ ကဆက်ပြောပါတယ်။

မြန်မာနိုင်ငံက စူပါသူဋ္ဌေးတွေဟာ ဖူးကက်က ဇိမ်ခံ ရေကူးကန်နှင့်ဗီလာကြီးတွေကိုလည်းစိတ်ဝင်စားကြတယ်။ အထူးသဖြင့် လာဂူးနား  Laguna နှင့် ဘန်သောင် Bang Thao ဇုန်တွေမှာဖြစ်တယ်။ အဲဒီမှာ ဗီလာတစ်လုံးကို  ဆောက်လက်စမှာတင် ဘတ်ငွေ သန်း၄၀ကျော်နှင့် အရောင်းအဝယ်ဖြစ်နေကြတယ် လို့ သူက ဖြည့်စွက် ပြောပါ   တယ်။

ချင်းမိုင်မှာဆိုရင် မြန်မာတွေဟာ သူတို့ အငြိမ်းစာယူတဲ့အခါ ဒါမှမဟုတ် မိသားစု အပန်းဖြေခရီးထွက်တဲ့အခါ နေဖို့ အတွက် ဘတ်ငွေ သန်း၂၀ မှသန်း ၃၀ အကြားတန်ဖိုးရှိတဲ့ လုံးချင်းအိမ်တွေကို ကြိုဝယ်ထားကြပါတယ်။  ထိုင်းနိုင်ငံ မြောက်ပိုင်းက ချင်းမိုင်မြို့ဟာ မြန်မာနိုင်ငံနှင့်သိပ်မဝေးတဲ့နေရာမှာရှိပြီး ဘန်ကောက်လိုပဲ အထောက်အပံ့တွေ အများကြီးရှိပြီး ခရီးသွားတွေကိုစွဲဆောင်ထားတဲ့မြို့လည်းဖြစ်ပါတယ်။ ချင်းမိုင်မှာ မြန်မာတွေက ဆန်ကမ်ပန်း San Kamphaeng နှင့် ဟန်ဒေါင် Hang Dong ခရိုင်တွေကို အကြိုက်တွေ့ကြပါတယ်။

“ မြန်မာနိုင်ငံရဲ့ နိုင်ငံရေးမတည်ငြိမ်မှုဟာ အရေးကြုံလာခဲ့ရင်ဆိုပြီး မြန်မာမီလျံနာတွေကို ထိုင်းမှာ ဒုတိယ အိမ်တွေဝယ်ဖို့ တွန်းအားပေးတဲ့ အရေးကြီးတဲ့အချက်တစ်ခုဖြစ်နေတယ်” လို့ သူကဆက်ပြောပါတယ်။

“ မြန်မာတွေဟာ တရုတ်တွေနှင့်မတူကြဘူး။ သူတို့ဟာ တရုတ်တွေလို့ တရုတ်တန်းမှာ အသိုက်အဝန်းနှင့် အတူနေကြတာမျိုးထက် သီးသီးသန့်သန့်နေကြရတာကိုပိုကြိုက်ကြတယ်။ အဲဒါကြောင့် မြန်မာပြည်က အိမ်ဝယ်မယ့်သူတွေကို ကြိုးစားဆွဲဆောင်တဲ့အခါ အိမ်ခြံမြေဆောက်လုပ်ရေးကုမ္ပဏီတွေဟာအဲဒီအချက်ကို မမေ့ကြဖို့လိုတယ်”လို့ သူကပြောပါတယ်။

Source The Nation

အဘဘိုးမင်းခေါင်အစရှိတဲ့ ဝိဇ္ဇာပုဂ္ဂိုလ်တွေရဲ့ ပုံတူဆီလီကွန်ရုပ်တု‌တော်‌တွေကို အိန္ဒိယ၊ မလေးရှားနှင့် စင်ကာပူတို့မှမြန်မာလက်မှုပညာရှင်တွေထံမှာယူလာကြတယ် မြန်မာဆီလီကွန်လက်မှုပညာရှင်တစ်ဦး ကိုစိုးသူဝင်း

#Local_News
Published 27 February 2024
#ဝိဇ္ဇာလိုင်းပုံတူ ဆီလီကွန်ရုပ်တု‌တော် #မြန်မာဆီလီကွန်လက်မှုပညာရှင်တစ်ဦး
#Yangon_Times #YMG_News #Yangon_Media_Group

#Local_News
Published 27  February 2024

ပဲခူးတိုင်းဒေသကြီး၊ ဒိုက်ဦးမြို့နယ်ရှမ်းစုကျေးရွာ တွင် ပျောက်ဆုံးနေသည့် ၃နှစ်အရွယ်က-လေး- ငယ် ကို ယနေ့ နံနက်ပိုင်းက ​ေ-သ ဆုံးလျက် ပြန်လည်တွေ့ရှိကြောင်း မိသားစုနှင့်နီးစပ်သူများထံက သိရသည်။

ဖေဖေါ်ဝါရီ (၂၄) ရက် ညနေပိုင်းက စတင်ပျောက်ဆုံးခဲ့ပြီး  က-လေးငယ်၏ ရုပ်အလေ-ာင်းအား (၄) ရက်မြောက်နေ့ဖြစ်သည့် ယနေ့ဖေဖေါ်ဝါရီ (၂၇) ရက်တွင် ပြန်လည်တွေ့ရှိ ခြင်းဖြစ်ကြောင်း သိရသည်။

"က-လေးကိုပြန်တွေ့တဲ့နေရာက သူတို့နေတဲ့အိမ်နဲ့ဆို  ၁၅မိနစ်လောက်သွားရသေးတယ်။ နောက်ပြီး ကားလမ်း မကြီး ကိုလဲကူးရသေးတယ်။ က-လေး ပြန်တွေ့တော့ ရိုက်ခံထားရတဲ့ ဒဏ်ရာတွေတွေ့တယ်လို့ ကြားတယ်။ အခုကိစ္စ ဖြစ်တော့ ရွာထဲကသူတွေအနေနဲ့ မိသားစုနဲ့ ထပ်တူစိတ်မကောင်းလဲဖြစ်ရတယ်။  အခြားက-လေးမိဘတွေ စိုးရိမ် စိတ်တွေဖြစ်ကျတာပေါ့"ဟု အဆိုပါရှမ်းစုကျေးရွာတွင် နေထိုင်သူတစ်ဦးက ပြောသည်။

ကလေးငယ်၏ ဖခင် မှာလည်းသူ၏ လူမှုကွန်ယက်စာမျက်နှာတွင် "မချိမဆန့် dead body ဒီအရွယ်နဲ့ ဒီဒဏ်ရာမျှတရဲ့လားကွာ နောက်ဆုံးခရီး ဒီနေ့ဘဲစီစဥ်လိုက်ရတော့တယ်။ ရှမ်းစုသုဿာန်"ဆိုပြီး ရေးသားထားသည်ကို တွေ့ရသည်။

ပျောက်ဆုံးရာမှ ‌ေ-သဆုံးခဲ့ရသည့် က-လေးငယ်မှာ ပဲခူးတိုင်း၊ ဒိုက်ဦးမြို့နယ်၊ ရှမ်းစုကျေးရွာ အနောက်ပိုင်းတွင် နေထိုင်သည့် ဦးအေးဇော်မြင့်၊ ဒေါ်နွယ်နွယ်စိုးတို့၏ သားဖြစ်သူ (၃) နှစ်အရွယ် မောင်ဇွဲမာန်သစ်ဖြစ်ကာ ပျောက်ဆုံးခဲ့သည့်နေမှစ၍ မိသားစုဝင်များ က လူမှုကွန်ယက်မှတဆင့် အကူညီတောင်းသဖြင့် လူမှုကွန်ယက်ပေါ်တွင်  ရှဲပေးသူများ အမြန်ဆုံးပြန်တွေ့ရန် ဆုတောင်းပေးသူများ၊ က-လေးနှင့် ပတ်သက်ပြီး ဗေဒင်တွက်ပေးတာတွေ ပြုလုပ်ပေးကျသည်ကို တွေ့ရသည်။

#Local_News #၃နှစ်အရွယ်က-လေး-ငယ် #​ေ-သဆုံးလျက်တွေ့ရှိ #YMG/LW #Yangon_Times

#Local_News
Published 27 February 2024

Bank of Chinaမှ ရန်ကုန်တက္ကသိုလ်ကျောင်းသားကျောင်းသူ(၁‌၀၀)ဦးကို ယခုနှစ်အတွက်  ပညာသင်ထောက်ပံ့ကြေးများချီးမြှင့်ခဲ့ကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်။

Bank of China ၏ ပညာသင်ထောက်ပံ့ကြေးမံကိန်းကို ၂၀၂၂ ခုနှစ်တွင်စတင်ဖော်ဆောင်ခဲ့ပြီး နှစ်စဉ် ရန်ကုန်တက္ကသိုလ်မှ ကျောင်းသား၊ကျောင်း သူပေါင်းအယောက်(၁၀၀)ကို ပညာသင်ထောက်ပံ့ ကြေး ချီးမြှင့်ပေးခဲ့သည်။ 

ယခုနှစ်အတွက် Bank of China၏ ရန်ကုန်တက္က သိုလ်ကျောင်းသားကျောင်းသူများအား ပညာသင်ထောက်ပံ့ကြေး ချီးမြှင့်ခြင်းအခမ်းအနားကို ဖေဖော်ဝါရီ ၂၅ ရက်နေ့ ရန်ကုန်မြိုတွင်ကျင်းပခဲ့သည်။

အဆိုပါအခမ်းအနား၌ မြန်မာနိုင်ငံဆိုင်ရာ တရုတ်သံရုံးမှ သံမှူးကြီး Ms. Cao Jing က တရုတ်-မြန်မာ ငွေရေးကြေးရေးအဖွဲအစည်းနှင့် ကုမ္ပဏီများသည် ဆက်လက် နက်ရှိင်းစွာပူးပေါင်းဆောင်ရွက်၍ မြန်မာနိုင်ငံ ဖွံဖြိုးတိုးတက်မှုနှင့် ပြည်သူ့အကျိုး စီးပွားမြှင့်တင်ရေးတွင် ပိုမိုအရေးပါသည့် အခန်းကဏ္ဍမှပါဝင်ရန် မျှော်လင့်ကြောင်း၊ လူငယ်ကျောင်းသား၊ ကျောင်းသူများသည်  နိုင်ငံတော် ဖွံဖြိုးတိုးတက်မှုတည်ဆောက်ရာတွင် လူတော်လူချွန်များဖြစ်လာစေရန် ကြိုးပမ်းလေ့လာသင်ယူပြီး တရုတ်-မြန်မာ ပူးပေါင်းဆောင်ရွက်မှုတိုးမြှင့်ရေးအတွက် အဓိကအားအင်သစ်ဖြစ်လာရန် မျှော်လင့်ကြောင်းပြောကြားခဲ့သည်။ 

မြန်မာနိုင်ငံဗဟိုဘဏ် ညွှန်ကြားရေးမှူးချုပ် ဒေါ်ခိုင်ရွှေဝါက မြန်မာနိုင်ငံရှိ တရုတ်ဘဏ်များနှင့်ကုမ္ပဏီများက မြန်မာနိုင်ငံ လူမှုစီးပွားဖွံဖြိုးတိုးတက်မှုအတွက် တက်တက်ကြွကြွအကျိုးထမ်းဆောင်ပေးမှုကို ချီးကျူးကြောင်း၊ Bank of China (ရန်ကုန်ဘဏ်ခွဲ) မှ တရုတ်ယွမ်ငွေဖြင့် ပေးချေမှုဆိုင်ရာ ပူးပေါင်းဆောင်ရွက်မှု၊  မြန်မာနိုင်ငံသား အလုပ်သမားများ၏ လစာငွေလွဲရေးကိစ္စအား စမ်းသပ်ဖြေရှင်းပေးမှု၊ လူမှုရေးပရဟိတလုပ်ငန်းဆောင်ရွက်ရာတွင်ပါဝင်သည့် အခန်းကဏ္ဍများ စသည်တိုကို များစွာချီးကျူးကြောင်း ပြောကြားခဲ့သည်။ ထိုပြင် ရန်ကုန်တက္ကသိုလ် ဒုတိယပါမောက္ခချုပ် ဒေါက်တာဒေါ်ချိုချိုနှင့် ကျောင်းသားကျောင်းသူကိုယ်စားလှယ်တိုမှလည်း ကျေးဇူးတင်ရှိကြောင်း ပြောကြားခဲ့‌ကြောင်းသိရသည်။

#Local_News #Bank_of_China #ကျောင်းသားကျောင်းသူ(၁‌၀၀)ဦး #ပညာသင်ထောက်ပံ့ကြေးများချီးမြှင့် #tthl #Yangon_Times

#World_News
Published 27 February 2024

ကာတာနိုင်ငံမှာ စစ်ပွဲအပစ်အခတ် ရပ်စဲရေး ဆွေးနွေးညှိနှိုင်းမှုများ ပြုလုပ်နေရာ အစ္စရေးလ်နဲ့ ဟားမတ်စ်တို့ဘက်က သဘောတူညီမှုရရန် နီးစပ်တဲ့ အခြေအနေ မြင်တွေ့နေရတာကြောင့် လာမယ့် တနင်္လာနေ့ကစပြီး ဂါဇာမှာ အပစ်အခတ် ရပ်စဲတော့မယ်လို့ မျှော်လင့်ရကြောင်း အမေရိကန်သမ္မတ ဂျိုးဘိုင်ဒင်က တနင်္လာနေ့မှာ ပြောကြားလိုက်ပါတယ်။

လာမယ့်ရက်ပိုင်းအတွင်း ရက်သတ္တပတ် အကူးအပြောင်းလောက်မှာ အပစ်အခတ် ရပ်စဲရေး စတင်ရန်မျှော်လင့်နေတယ်လို့ ဘိုင်ဒင်က ပြောပြပါတယ်။

မတ်လ ၁၀ ရက်နေ့ မွတ်ဆလင်ဥပုသ်လ စတင်တဲ့နေ့အမီ ဓားစာခံလွှတ်ပေးရေး သဘောတူညီချက်ရရှိရန် အမေရိကန်မှ စေ့စပ်ညှိနှိုင်းသူများ အသည်းအသန် အားထုတ်နေကြကြောင်း အမေရိကန် အရာရှိတစ်ဦးက ဆိုလိုက်ပါတယ်။

အများအမြင်မှာတော့ အစ္စရေးလ်နဲ့ ဟားမတ်တို့ဟာ ငြိမ်းချမ်းရေးယူဖို့ နေနေသာသာ တစ်ဖက်နဲ့တစ်ဖက် အပြစ်တင်နေကြပါတယ်။

ဟားမတ်စ်အကြီးအကဲ အစ္စမေးလ်ဟာနီယဲက ကာတာအာရပ်မင်းသား ရှိတ်ခ်တာမင်ဘင်ဟာမက်အယ်ထာနီနဲ့ တွေ့ဆုံကာ ယင်းတို့က စစ်ပွဲအဆုံးသတ်ရန် ကြိုးပမ်းနေကြပြီး ဂါဇာဒေသခံတွေ သေဆုံးခြင်းအတွက် အစ္စရေးလ်ကို စွပ်စွဲလိုက်ပါတယ်။

ရာဇဝတ်မှုကို ဖုံးကွယ်ဖို့ ရန်သူတွေ ညှိနှိုင်းရေးကို အသုံးချတာမျိုး အဖြစ်မခံနိုင်ဘူးလို့ ဆိုလိုက်ပါတယ်။

အစ္စရေးလ်ဝန်ကြီးချုပ် ဘင်ဂျမင်နေတန်ညာဟူ ပြောကြားရာမှာတော့ အစ္စရေးလ်က သဘောတူညီချက်ယူဖို့ အသင့်ဖြစ်နေကြောင်း၊ ကျန်တာက ဟားမတ်စ်တို့အပေါ်သာ မူတည်ကြောင်း ဆိုပါတယ်။

ဂါဇာကမ်းမြောင်မှာ ချက်ချင်းအပစ်အခတ် ရပ်စဲရေး သဘောတူညီချက်ရရှိရန် ကြားဝင်စေ့စပ်ပေးနေတဲ့ ကာတာရဲ့ အားထုတ်မှုတွေကို အယ်ထာနီနဲ့ ဟားမတ်စ်အကြီးအကဲတို့ ဆွေးနွေးခဲ့ကြတယ်လို့ ကာတာဘက်က ဖော်ပြခဲ့ပါတယ်။

ညှိနှိုင်းရေးအတွက် အထောက်အပံ့ဖြစ်စေရန် အစ္စရေးလ်ကိုယ်စားလှယ်အဖွဲ့က ကာတာသို့ ပျံသန်းလာကြတယ်လို့ သတင်းရင်းမြစ်တစ်ခုက ဆိုပါတယ်။

အစ္စရေးလ်တို့က ဟားမတ်စ်တို့ကို အမြစ်မကျန် သုတ်သင်ပြီးမှ စစ်ပွဲအဆုံးသတ်မယ်လို့ အများရှေ့မှာ ဆက်လက်ပြောကြားနေပြီး ဟားမတ်စ်တို့ကလည်း စစ်ပွဲအဆုံးသတ်ရေး သဘောတူညီမှု မရဘူးဆိုရင် ဓားစာခံတွေ လွှတ်ပေးမှာ မဟုတ်ဘူးလို့ ဆိုပါတယ်။

အပစ်အခတ် ရပ်စဲရေး သဘောတူညီချက်ဆိုတာက တိုက်ခိုက်မှု အဆုံးသတ်ခြင်း၊ သိမ်းပိုက်ထားရာမှ ဆုတ်ခွာခြင်း၊ စစ်ဘေးရှောင်များ ပြန်လည်ရောက်ရှိလာခြင်း၊ အကူအညီများ ဝင်ရောက်လာခြင်းနဲ့ ပြန်လည်ဆောက်လုပ်ခြင်းတို့ ပါဝင်ကြောင်း ဟားမတ်စ်အကြီးတန်းအရာရှိ ဆမ်မီအဘူဇူရီက ရိုက်တာသတင်းဌာနကို ပြောကြားလိုက်ပါတယ်။

ရာဖာမြို့ကို တိုက်ခိုက်ရန် ခြိမ်းခြောက်နေတာကို ရပ်တန့်ပြီး ငြိမ်းချမ်းရေး သဘောတူညီမှုရယူရန် အမေရိကန်က အစ္စရေးလ်ကို ဖိအားပေးနေပါတယ်။

#World_News #အစ္စရေးလ်နှင့်ဟားမတ်စ် #အပစ်အခတ်ရပ်စဲရန်ဘိုင်ဒင်မျှော်လင့် #Source: Reuters

Published 27 February 2024

တီဗီအကြည့်များခြင်းက ညဘက်မှာ ခဏခဏအပေါ့သွားချင်ရတဲ့ အကြောင်းအရင်း ဖြစ်နေနိုင်ပါတယ်။

တီဗီအကြည့်များသူ အများစုဟာ ညဘက်မှာ နှစ်ခါသုံးခါလောက် ထပြီးအပေါ့သွားရတတ်ကြောင်း တရုတ်သုတေသီအဖွဲ့က ဖော်ပြထားပါတယ်။

အသက် ၂၀ နဲ့အထက် လူပေါင်း ၁၃၀၀၀ ကျော်ကို လေ့လာခဲ့ကြရာမှာ ညဘက်ခဏခဏအပေါ့သွားလိုတဲ့ ဝေဒနာ ခံစားရသူ ရာခိုင်နှုန်းရှိခဲ့ပါတယ်။

တစ်နေ့ကို တီဗီတွေ၊ ဗီဒီယိုတွေ ၅ နာရီနဲ့အထက် ကြည့်ရှုကြသူတွေဟာ ထိုဝေဒနာဖြစ်နိုင်ခြေ ၄၈ ရာခိုင်နှုန်း ရှိခဲ့တယ်လို့ တွေ့ရှိခဲ့ကြပါတယ်။

တီဗီကြည့်ခြင်းနဲ့ ညဘက်ခဏခဏ ဆီးသွားခြင်းတို့ကြား ဆက်စပ်မှု အတိအကျကို မသိရှိကြသေးပါဘူး။

တီဗီအကြည့်များခြင်းနဲ့ ဆီးချိုရောဂါ ဖြစ်နိုင်ခြေများခြင်းတို့ကြား ဆက်စပ်တာကိုတော့ သိရှိထားပြီး ထိုကနေ ညဘက်ခဏခဏ ဆီးသွားခြင်း ဖြစ်လာတတ်ပါတယ်။

တီဗီကြည့်ပြီး အထိုင်များခြင်းကြောင့် ခြေထောက်မှာ အရည်စုပြုံလာကာ ခဏခဏဆီးသွားချင်တာလည်း ဖြစ်နိုင်ပါတယ်။

တီဗီကြည့်တဲ့အခါ တစ်ခုခု သောက်သုံးတာမျိုး ပြုလုပ်တတ်ကြတာကြောင့် အရည်များလာနိုင်ကြောင်း၊ အာရုံကြောထိခိုက်ကာ ဆီးအိမ်ယိုယွင်းလာကြောင်း၊ အိပ်စက်မှုကို အနှောင့်အယှက် ဖြစ်စေကြောင်း သုတေသီများ ဖော်ပြထားပါတယ်။

အဆိုပါ ကျန်းမာရေးပြဿနာနဲ့ ပတ်သက်ပြီး လူအများသိရှိအောင် သတိပေးသင့်တယ်လို့ ဖော်ပြသွားပါတယ်။
Source: WION.
#World_Health
#Published_ 27 February 2024
#YMG_News #Yangon_Times #Yangon_Media_Group

Published 27 February 2024

အသက်ရှည်ကျန်းမာစေမယ့် နည်းလမ်းများစွာထဲမှာ အစားအစာ ရွေးချယ်စားသုံးခြင်းကလည်း အပါအဝင်ဖြစ်ပါတယ်။

ထိုနေရာမှာ အဆင့်ဆင့် ထုတ်လုပ်ထုပ်ပိုးထားတဲ့ အစားအစာတွေကိုတော့ ရှောင်ရှားရမှာ ဖြစ်ပါတယ်။

သက်ရှည်ကျန်းမာရေးအတွက် သင့်လျော်တဲ့ အစားအစာတွေရဲ့ လျှို့ဝှက်ချက်က ရောင်ရမ်းခြင်းကို ဆန့်ကျင်ခြင်း၊ ကင်ဆာဆန့်ကျင်ခြင်း၊ အိုမင်းခြင်းကို ဆန့်ကျင်ခြင်းတို့ ပေးစွမ်းနိုင်တဲ့ အာဟာရဓာတ်တွေ ပါဝင်တာကြောင့် ဖြစ်တယ်လို့ မာဆာချူဆက်စ် အာလ်ထရာဝဲလ်နက်စ်စင်တာမှ ဒေါက်တာ မာ့ခ်ဟိုင်မန်က ပြောပြပါတယ်။
 
(၁) အစိမ်းရင့်ရောင်ဟင်းရွက်များ
ယင်းတို့မှာ အမျှင်ဓာတ်ပါဝင်မှု မြင့်မားပြီး နှလုံးအတွက် အကျိုးပြုတဲ့ ဖောလိတ်တို့ ပါဝင်ပါတယ်။

(၂) အဆီပါသောငါးများ
ဆယ်လ်မွန်လို ငါးတွေမှာ ပရိုတိန်းနဲ့ အိုမီဂါ၃ တို့ပါဝင်ပြီး တစ်ပတ်နှစ်ကြိမ် စားသုံးပေးပါက နှလုံးဖောက်နိုင်ခြေ၊ နှလုံးခုန်မမှန်ခြင်း၊ သွေးတိုးခြင်း၊ မကောင်းတဲ့အဆီ မြင့်မားခြင်းတို့ကို လျှော့ချပေးနိုင်တယ်လို့ ဟိုင်မန်က ဆိုပါတယ်။

(၃) သံလွင်ဆီကြမ်း
တစ်နေ့ကို သံလွင်ဆီ လက်ဖက်ရည်ဇွန်း တဝက်ခန့် စားသုံးခြင်းဖြင့် နှလုံးသွေးကြောရောဂါများ၊ အာရုံကြော ချို့ယွင်းရောဂါများ၊ အသက်ရှူလမ်းကြောင်း ရောဂါများ၊ ကင်ဆာရောဂါတို့ကြောင့် အသက်သေဆုံးမှုကို သိသိသာသာ လျှော့ချပေးပါတယ်။

(၄) ဘယ်ရီသီးများ
ဘယ်ရီသီးတွေက သကြားပါဝင်မှုနည်းပါးပြီး ဓာတ်တိုးဆန့်ကျင်ပစ္စည်းများ ကြွယ်ဝပါတယ်။

(၅) အချဥ်ဖောက်ထားသောအစားအစာများ
ထိုအစားအစာတွေမှာ ပါဝင်တဲ့ ဘက်တီးရီးယားတွေက အူလမ်းကြောင်းကို အကျိုးပြုပြီး ရေရှည်ကျန်းမာရေးအတွက် လိုအပ်ပါတယ်။

(၆) အစေ့အဆန်များ
အခွံမာသီးလိုမျိုး အစားအစာတွေမှာ အိုမီဂါ၃ ဖက်တီးအက်ဆစ် ပါဝင်ပြီး အမျှင်ဓာတ်နဲ့ ပရိုတိန်း ကြွယ်ဝပါတယ်။

(၇) ရိုးရိုးဒိန်ချဥ်
စူပါးမားကတ်တွေမှာ တွေ့ရတတ်တဲ့ အရောဒိန်ချဥ်မဟုတ်တဲ့ ရိုးရိုးဒိန်ချဥ်မှာ ပရိုတိန်း၊ ကယ်လ်စီယံ၊ မဂ္ဂနီဆီယံတို့ ကြွယ်ဝပြီး ဖိစီးမှုကို ပြေလျော့စေကာ ကောင်းစွာအိပ်စက်စေပါတယ်။

(၈) ချောကလက်မည်း
ကိုကိုးပါဝင်မှု ၇၅ ရာခိုင်နှုန်းထက်ပိုများတဲ့ ချောကလက်တွေဟာ ဓာတ်တိုးဆန့်ကျင်ပစ္စည်းများ ပိုမိုပါဝင်ပြီး ဦးနှောက်ကျန်းမာရေးအတွက်လည်း သင့်လျော်ပါတယ်။

(၉) ပဲအမျိုးမျိုး
ပဲနီလေး၊ မြေပဲတို့က သွေးတွင်းသကြားဓာတ်နဲ့ ကိုလက်စ်ထရောလ်တို့ တည်ငြိမ်စေပြီး အူမကြီးကင်ဆာ ဖြစ်နိုင်ခြေကို လျှော့ချပေးပါတယ်။

(၁၀) ခရမ်းချဥ်သီး
သူ့မှာပါတဲ့ လိုင်ကိုပင်း ဓာတ်တိုးဆန့်ကျင်ပစ္စည်းက နှလုံးသွေးကြောကျန်းမာရေးနဲ့ ကိုယ်ခံအားတို့အတွက် ကူညီပေးပါတယ်။
Source: New York Post.
#World_Health
#Published_ 27 February 2024
#YMG_News #Yangon_Times #Yangon_Media_Group

၂၆ ဖေဖော်ဝါရီ ၂၀၂၄

၂၀၀၀၀ကျပ်တန်နှင့်ပတ်သက်၍ လူမှုကွန်ရက်စာမျက်နှာများတွင် ကောလာဟလသတင်းများ ထုတ်လွှင့်နေမှု  များ၊ PDFများက ကလေးတက္ကသိုလ်သို့ ဝင်ရောက်၍ ဆရာ၊ဆရာမများ၊ ရုံးဝန်ထမ်းများနှင့် ကျောင်းသားကျောင်း  သူများအား အကြမ်းဖက်ဖမ်းဆီးခဲ့သည့် အခြေအနေများနှင့်ပတ်သက်၍ နစကသတင်းထုတ်ပြန်ရေးအဖွဲ့ ခေါင်း ဆောင် ဗိုလ်ချုပ်ဇော်မင်းထွန်းက ယနေ့ ဖေဖော်ဝါရီ၂၆ ရက်တွင်ရှင်းလင်းပြောကြားခဲ့ပါတယ်။

အဆိုပါပြောကြားချက်အပြည့်အစုံကိုပြန်လည်ဖော်ပြပေးပါတယ်။

@ymg/knl

Published 26 February 2024

ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် (၂၇၆/၂)နှင့် (၂၇၆/၃)ကြားတွင် PRADO အမျိုးအစား ယာဉ်(၁)စီးသည် တံတားဘောင်အား တိုက်မိတိမ်းမှောက်မှုဖြစ်ပွားကြောင်းပေပင်လေးအမြန်လမ်း မီးသတ်တပ်ဖွဲ့ထံ ကသိရသည်။

  ဖေဖေါ်ဝါရီ ၂၆ ရက် နေ့လည် ၂နာရီ ၇မိနစ်ခန့်က ဖြစ်ပွားခဲ့ပြီး ယာဉ်တိမ်းမှောက်မှုဖြစ်ပွားကြောင်း သတင်းရရှိသဖြင့် ပေပင်လေးအမြန်လမ်းမီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ကြောင်း သိရသည်။

  အဆိုပါဖြစ်စဉ်ကြောင့် ယာဉ်ပေါ်ပါ အမျိုးသား(၃)ဦးအနက် အမျိုးသား (၁)ဦး ထိခိုက်ဒဏ်ရာရ(စိုးရိမ်ရ)အား အမြန်လမ်းရဲတပ်ဖွဲ့ပိုင်ယာဉ်ဖြင့် မိတ္ထီလာဆေးရုံသို့ ကူညီပို့ဆောင်ပေးခဲ့ကြောင်း သိရသည်။
Yangon Times/LW
#Local_News
#Published_ 26 February 2024
#YMG_News #Yangon_Times #Yangon_Media_Group

၂၆ ဖေဖော်ဝါရီ ၂၀၂၄

စစ်ကိုင်းတိုင်းဒေသကြီး၊ ကလေးမြို့၊ ကလေးတက္ကသိုလ်သို့ ယနေ့ ဖေဖော်ဝါရီ ၂၆ရက် နံနက် ၇ နာရီခွဲခန့်တွင် PDF များရောက်ရှိလာပြီး ဆရာ/ဆရာမများ၊ကျောင်းသားကျောင်းသူများနှင့်ရုံးဝန်ထမ်းများအားဖမ်းဆီးထားတဲ့အတွက် လုံခြုံရေးတပ်ဖွဲ့များက အချိန်မီသွားရောက်ကယ်ထုတ်ခဲ့ရာ ၂၈၅ ဦးကို အချိန်မီကယ်ဆယ်နိုင်ခဲ့သော်   လည်း အချို့  ကို PDF များက ဖမ်းဆီးခေါ်ဆောင်သွားတယ်လို့ နစကရဲ့ သတင်းထုတ်ပြန် ချက်အရသိရပါတယ်။

ဖြစ်စဉ်မှာ ဖေဖော်ဝါရီ ၂၆ရက်  နံနက် ၇ နာရီခွဲခန့်တွင် PDF ၁၃၀ ဦးခန့်က ကလေး တက္ကသိုလ်အတွင်းသို့ တောင်ဘက်မှဝင်ရောက်၍ ရူပဗေဒနှင့်သတ္တဗေဒစာသင်ဆောင်တွင် ဆရာ/ဆရာမများ၊ ကျောင်းသား/သူများနှင့် ရုံးဝန်ထမ်းများကို ဖမ်းဆီးထားရှိကြောင်း တာဝန်သိဝန်ထမ်းများ၏ သတင်းပေးပို့ခဲ့လို့ လုံခြုံရေးတပ်ဖွဲ့ဝင်များက သွားရောက်ကယ်ထုတ်ခဲ့တာဖြစ်ပါတယ်။

ထိုသို့ကယ်ထုတ်စဉ် PDFအကြမ်းဖက်သမားများနှင့် အပြန်အလှန်ထိတွေ့မှုဖြစ်ပွားခဲ့ပြီး တက္ကသိုလ်၏ အရှေ့ဘက်နှင့် အရှေ့မြောက်ဘက်သို့ PDF များက ဆုတ်ခွာသွားရင်း အချို့သော ဝန်ထမ်း၊ဆရာ၊ ဆရာမနှင့် ကျောင်းသား၊ ကျောင်းသူတို့အား ဓားစာခံအဖြစ် ဖမ်းဆီးခေါ် ဆောင်သွားကြောင်း သိရှိရပါတယ်။အရေအတွက် စိစစ်ဆဲဖြစ်တယ်လို့လည်း သတင်းထုတ်ပြန်ချက်မှာဖော်ပြထားပါတယ်။ယင်း ဓားစာခံအဖြစ် ဖမ်းဆီးခေါ်ဆောင်ခံ သွားခဲ့ရတဲ့သူတွေကို ဘေးအန္တရာယ်ကင်းရှင်းစွာဖြင့် အမြန်ဆုံး ပြန်လည်ကယ်တင်နိုင်ရေး လုံခြုံရေးတပ်ဖွဲ့ဝင်များ က အပူတပြင်းရှာဖွေကယ်ဆယ်ရေး ဆောင်ရွက်လျက်ရှိတယ်လို့လည်း သတင်းအရ သိရပါတယ်။

ဖြစ်စဉ်တွင် လုံခြုံရေးတပ်ဖွဲ့ဝင်များထိခိုက်မှုမရှိဘဲ PDF အလောင်းအချို့၊ လက်နက်နှင့် ဆက်စပ်ပစ္စည်းအချို့ သိမ်းဆည်းရမိခဲ့တယ်လို့သတင်းရရှိပါတယ်။

ယခုကဲ့သို့စစ်ရေးနှင့်သက်ဆိုင်သောပစ်မှတ်များမဟုတ်ဘဲ ပညာရေးဆိုင်ရာ အဆောက်အဦများနှင့် ဆရာ/ဆရာမ များ၊ကျောင်းသား/သူများ၊ မိသားစုဝင်များနှင့် ရုံးဝန်ထမ်းကို အကာအကွယ်ရယူ ပစ်ခတ်တိုက်ခိုက်ခြင်း၊ ရည်ရွယ် ချက်အတွက် အသုံးပြုထားခြင်း မရှိသော စစ်ဘက်ပစ်မှတ်မဟုတ်သည့် စာသင်ကျောင်းအားရည်ရွယ်ချက် ရှိစွာဖြင့် အကာအကွယ်ယူတိုက်ခိုက်ခြင်းသည် ဂျီနီဗာကွန်ဗန်းရှင်းများနှင့် အပြည်ပြည်ဆိုင်ရာဥပဒေတို့အရ စစ်ရာဇဝတ်မှု ကျူးလွန်ရာရောက်ပြီး အဆိုပါရာဇဝတ်မှုများအတွက် အကြမ်းဖက်မှုတိုက်ဖျက်ရေးဥပဒေ ရာဇသတ်ကြီးနှင့် သက်ဆိုင်ရာ တည်ဆဲဥပဒေများဖြင့် ၎င်းတို့အပေါ်ထိရောက်စွာအရေးယူနိုင်ရေး ဆက်လက်ဆောင်ရွက်သွားမယ်  လို့လည်းသတင်းထုတ်ပြန်ထားပါတယ်။

@ymg/knl