#Local_News
Published 28 February 2024

ပဏာမမြန်မာ့လက်‌ရွေးစင်ယူ-၁၉ အသင်းအနေ ဖြင့်အာဆီယံချန်ပီရှစ်ပြိုင်ပွဲနှင့် အာရှခြေစစ်ပွဲစဥ်များပါဝင်ယှဉ်ပြိုင်သွားမည်ဖြစ်ကြောင်း မြန်မာ နိုင်ငံဘောလုံးအဖွဲ့ချုပ်မှသိရသည်။

အဆိုပါယူ၁၉ လူငယ်လက်ရွေးစင်အသင်းကို နည်းပြချုပ်အဖြစ် ဦးအောင်နိုင်က တာဝန်ယူကိုင်တွယ်လျက်ရှိပြီး ၂၀၂၄ခုနှစ်၊ ဇွန်လနှင့် စက်တင်ဘာလတို့တွင် အာဆီယံချန်ပီရှစ်ပြိုင်ပွဲနှင့် အာရှခြေစစ်ပွဲစဥ်များ ဝင်ရောက်ယှဥ်ပြိုင်သွားမည်ဖြစ်သည်။ 

နိုင်ငံတကာပြိုင်ပွဲများအတွက် စခန်းသွင်းလေ့ကျင့်လျက်ရှိသည့် ပဏာမမြန်မာ့လက်ရွေးစင် ယူ-၁၉ အသင်းသည်  MFF လေ့ကျင့်ရေးကွင်း(၅)တွင် Training Match အဖြစ် နှစ်သင်းခွဲ လေ့ကျင့်ယှဉ်ပြိုင်ကစားလျက်ရှိသည်။

ပဏာမမြန်မာ့လက်‌ရွေးစင်ယူ-၁၉ အသင်းကိုလက်ရွေးစင် ယူ-၁၈အသင်း (Junior Lions) နှင့် MFF အကယ်ဒမီတို့မှ ကစားသမားများ၊ မြန်မာနေရှင်နယ်လိဂ် ကလပ်အသင်းများမှ ကစားသမားများ၊ တိုင်းနှင့်ပြည်နယ် ဘောလုံးပြိုင်ပွဲများမှ ထွက်ပေါ်လာသော ကစားသမားများဖြင့် ပေါင်းစပ်ဖွဲ့စည်းထားပြီး ဇန်နဝါရီလ ပထမအပတ်မှစတင်ကာ သုဝဏ္ဏလက်ရွေးစင်ကစားသမားအဆောင်၌ စခန်းသွင်းလေ့ကျင့်မှုများ ပြုလုပ်လျက်ရှိကြောင်း သိရသည်။

#tthl #Yangon_Times #မြန်မာယူ-၁၉အသင်း #အာဆီယံချန်ပီရှစ်ပြိုင်ပွဲ

#Local_News
Published February 2024

မြန်မာ့အထည်ချုပ်လုပ်ငန်းများကို ဥရောပဈေးကွက်၌ အီတလီနှင့် စပိန်နိုင်ငံတို့ စိတ်ဝင်စားမှု အဓိကမြင့်တက်နေပြီး ဗြိတိန် (UK)နှင့် ဂျာမနီနိုင်ငံတို့မှလည်း အထိုက်အလျောက် စိတ်ဝင်စားမှု မြင့်တက်မှုရှိနေကြောင်း မြန်မာနိုင်ငံအထည်ချုပ်လုပ်ငန်းရှင်များအသင်း ဥက္ကဋ္ဌ ဦးမြင့်စိုးက ပြောသည်။

ဖေဖော်ဝါရီ ၂၆ ရက်တွင် ရန်ကုန်မြို့ရှိ Lotte Hotel ၌ ပြုလုပ်သည့် Messe Frankfurt ၏ ပြင်သစ်နိုင်ငံ ကုန်စည်ပြပွဲများ မိတ်ဆက်ပွဲနှင့် Networking Dinner ပွဲတွင်ပြောကြားခဲ့ခြင်းဖြစ်သည်။

“ဈေးကွက်အနေနဲ့ဆိုရင် စိတ်ဝင်စားမှုအားလုံးက အီတလီတို့၊ စပိန်တို့က အရမ်းမြင့်တက်ပါတယ်။ နောက် UK ဘက်ကလည်း၊ ဂျာမနီဘက်တို့က သူတို့က အထိုက်အလျောက် စိတ်ဝင်စားမှုရှိပါတယ်” ဟု ဦးမြင့်စိုးက ပြောသည်။

ထို့အပြင် မြန်မာနိုင်ငံ၏ အထည်ချုပ်ကဏ္ဍမှ Brand ကုမ္ပဏီကြီးများထွက်သွားသော်လည်း အခြားသော Brand ကုမ္ပဏီအသေးများ၏ စိတ်ဝင်စားမှုနှင့် အော်ဒါမှာယူမှုများ ရရှိခဲ့ကြောင်းသိရသည်။

ပြီးခဲ့သည့်နှစ်အတွင်း ပြည်တွင်း၌ အထည်ချုပ်စက်ရုံ ၅၂ ရုံ ရပ်တန့်သွားခဲ့သည့်အတွက် ၂၀၂၃ ခုနှစ် ဒီဇင်ဘာလတွင် ရပ်တန့်သွားသော အထည်ချုပ်စက်ရုံအရေအတွက်မှာ  ၃၆ ရာခိုင်နှုန်းအထိ မြင့်တက်လာခဲ့ခြင်းဖြစ်သည်။ ထို့အပြင်  ၂၀၂၂ ခုနှစ် ဒီဇင်ဘာလအထိစာရင်းအရ ရပ်တန့်ခဲ့သော အထည်ချုပ်စက်ရုံအရေအတွက်သည် အထည်ချုပ်စက်ရုံအားလုံး၏ ၃၁ ရာခိုင်နှုန်းသာရှိခဲ့ပြီး လက်ရှိတွင် ရပ်တန့်ခဲ့သော အထည်ချုပ်စက်ရုံအရေအတွက် ပိုမိုမြင့်တက်လာခဲ့ကြောင်း သိရသည်။

မြန်မာနိုင်ငံ၏ ပို့ကုန်ကဏ္ဍတွင် အထည်ချုပ်တင်ပို့မှုသည် အများဆုံးဖြစ်ပြီး လက်ရှိဘဏ္ဍာနှစ် ၉ လခွဲအတွင်း အထည်ချုပ်တင်ပို့မှုမှ ဒေါ်လာ ၃ ဒသမ ၃၈၀ ဘီလျံအထိ ရရှိထားကြောင်း သိရသည်။

#Local_News #မြန်မာ့အထည်ချုပ်လုပ်ငန်းများ #စိတ်ဝင်စားမှုအဓိကမြင့်တက် #YMG/NN #Yangon_Times

#Local_News
Published 28 February 2024

တိပိဋကယောဆရာတော်ကြီးမှ  ရွှေတိဂုံစေတီတော်သို့  ရွှေပိဿာချိန် တစ်ပိဿာကျော်ကို လှူဒါန်းခဲ့ကြောင်း  သိရသည်။

အဆိုပါ လှူဒါန်းမှုအား ဖေဖော်ဝါရီ ၂၆ရက်က  ယောဆရာတော်ကျောင်းသို့ တာဝန်ရှိသူများက သွားရောက်အလှူခံခဲ့ကြောင်း  ရွှေတိဂုံစေတီတော် အုပ်ချုပ်ရေးမှုးရုံးအဖွဲ့ဝင်တစ်ဦးက‌ပြောသည်။

မြတ်စွာဘုရားရှင်၏  " ရွှေဉာဏ်တော်" ကိုရည်စူးပြီး ရွှေတိဂုံစေတီတော်မြတ်ကြီး၌ ရွှေစင်ရွှေပြားကပ်လှူရန် တိပိဋကယောဆရာတော်ကြီးက ရွှေစင်တစ်ပိဿာ၊ ရွှေဒင်္ဂါးပြားတစ်ပြားနဲ့ နိုင်ငံတော်ကဆက်ကပ်ခဲ့သည့်  သီရိပျံချီဘွဲ့ (ရွှေစင် ၆ ကျပ်သား) ကို ဖေဖော်ဝါရီ၂၇ရက်တွင်  ရွှေတိဂုံစေတီတော်ဂေါပကလူကြီးများ၊ တိုင်းသာသာနာရေးမှူးတို့ထံ လွှဲပြောင်းလှူဒါန်းခဲ့ခြင်းဖြစ်ကြောင်း   ယောဆရာတော်ကြီး၏ တပည့်ဒါယကာတစ်ဦးကပြောသည်။

ယောဆရာတော်သည် မယ်တော်ကြီး ၁၀၂-နှစ်ပြည့်၊ ကိုးလပြည့် ရည်းစူးအနေဖြင့် သံဃာတော်များကို ဆွမ်း၊ သင်္ကန်းများကပ်လှူ၍ ရွှေတစ်ပိဿာကျော်ကို ရွှေတိဂုံဘုရားသို့ လှူဒါန်းတော်မူခြင်းဖြစ်ကြောင်းသိရသည်။

အဆိုပါ   လှူဒါန်းပွဲတွင် နာယကဆရာတော် ၄-ပါးလဲ ရှင်းရှင်းလင်းလင်းသိစေရန် ယောဆရာတော်မှ ပင့်ဖိတ်စေခဲ့‌ကြောင်းသိရသည်။

ယောဆရာတော်ကြီးက "ရွှေတွေက ဟိုကလာလှူ၊ ဒီကလာလှူ၊ လာလာလှူနေကြတာ၊ ဘုန်းကြီးအိုကြီးက သူများလာလှူထားတဲ့  ရွှေတွေကို ဖြူလား၊ မဲလား တစ်ခါမှလဲ မကြည့်ပါဘူးဗျ၊ ဘုန်းကြီးနှင့် ရွှေဘာမှလဲမဆိုင်ပါဘူးဗျ "ဟု မိန့်တော်မူကြောင်း ဆရာတော်ကြီး၏တပည့် ဖြစ်သူ အရှင်ပညာတိက္ခ(ယော)က လူမှုကွန်ယက်မှာ ရေးသားထားသည်။

ဆရာတော်ကြီးကိုကြည်ညိုကြသူများမှ လာရောက်လှုဒါန်းခဲ့သည့်  ရွှေစင်များကို ပြန်လည်လှူဒါန်းခြင်းဖြစ်ကြောင်းလည်းဆိုသည်။

တိပိဋကဓရ-အဂ္ဂမဟာပဏ္ဍိတယောဆရာတော် ဘဒ္ဒန္တသီရိန္ဒာဘိဝံသသည်(၄၇) ကြိမ်မြောက် တိပိဋကဓရ ရွေးချယ်ပွဲမှာ  သုတ္တန္တဋကဒီဃနိကာယ သုံးကျမ်း (သဘော ရေးဖြေပွဲ) ကို အောင်မြင်တော် မူခဲ့ တာ ကြောင့် ဒီဃနိကာယ ကောဝိဒ ဘွဲ့တံဆိပ်တော်နဲ့  ၎င်းအောင်လက်မှတ် တို့ကို ရရှိ ခဲ့ သည့်ဆရာတော်တစ်ပါးဖြစ်ကြောင်းသိရသည်။

ထို့အပြင်  သင်ရိုးပိဋကတ်သုံးပုံကို ပြီးဆုံး အောင်မြင်ခဲ့ရာ တိပိဋကဓရ တိပိဋကကောဝိဒဘွဲ့တံဆိပ်တော်၊ ၎င်းအောင်လက်မှတ်နှင့်  အရိုးဝါကနက္ကဒဏ် ထီးဖြူတော် သုံးလက် တံဆိပ် ပါရှိသည့် သာသနာ့ အောင်လံတော်ကို ခံယူ ရရှိခဲ့ခြင်းဖြစ်ပြီးလက်ရှိတွင် သာသနာပြုလုပ်ငန်း‌‌များကို ဆက်လက်ဆောင်ရွက်တော်မူ‌ နေ‌ကြောင်း သိရသည်။

#ရွှေတိဂုံစေတီတော် #ရွှေတစ်ပိဿာကျော်လှူဒါန်း #YMG/NN #Yangon_Times

YBS မော်တော်ယာဉ်ကြီးများ မောင်းနှင်နိုင်ရန်အတွက် ရန်ကုန်ဘတ်စ်ကား အများနှင့်သက်ဆိုင်သောကုမ္ပဏီလီမိတတ်မှ YRTC ၏ ကြီးကြပ်မှုဖြင့် YBS မော်တော်ယာဉ်ကြီးမောင်းသင်တန်း အပတ်စဉ် ၂/၂၀၂၄ ကို လာမယ့်မတ်လ ပထမအပတ်မှာ ဖွင့်လှစ်မှာဖြစ်တယ်လို့ သိရပါတယ်။
#Local_News
Published_ 28 February 2024
#YBSမော်တော်ယာဉ်ကြီးမောင်းသင်တန်း #သင်တန်းကာလ၁လ
#YMG/LW #Yangon_Times

တောင်တွင်းကြီးမြို့ရှိ ကျေးရွာအသီးသီးမှ ရှင်လောင်း(၁၆၀)ကို ရှင်ပြုလှူဒါန်းပေးနိုင်ခဲ့တယ်။ ဖေ‌ဖော်ဝါရီလ(၂၈)ရက်မှာတော့ အဘိုး( ၄၅) ဦး လှူဖွယ်ပစ္စည်းတွေလှူဒါန်းခဲ့ပြီး‌ ဖေဖော််ဝါရီ(၂၉) ရက်မှာတော့ အဘွားတွေနဲ့ နွမ်းပါး အိမ်ထောင်စု တွေကို ချီးမြှင့်‌ထောက်ပံ့ဖို့ရှိတယ်။
#Local_News
Published_ 28 February 2024
#ချမ်းမြေ့ဆရာတော် #ဘိုးဘွားနှင့်နွမ်းပါးအလှူပွဲ
#tthl #Yangon_Times

#Local_News
Published_ 28 February 2024

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ပျဉ်းမပင်ကျေးရွာ၊ ရန်ကုန်-ပြည်ကားလမ်းဘေး၊ ရဲဘော်ဟောင်းမှတ်တိုင်အနီးရှိ စာသင်ကျောင်းဆောင်အဟောင်းတစ်ခုတွင် မီးလောင်မှုဖြစ်ပွားခဲ့ကြောင်း ပုလဲအရန်မီးသတ်တပ်ဖွဲ့မှသိရသည်။

ဖြစ်စဉ်မှာယနေ့ ဖေဖော်ဝါရီ (၂၈)ရက်၊ နံနက် (၁)နာရီ (၂၈) မိနစ်အချိန်ခန့်ကမင်္ဂလာဒုံမြို့နယ်၊ ပျဉ်းမပင်ကျေးရွာ၊ ရန်ကုန် - ပြည်ကားလမ်းဘေး၊ ရဲဘော်ဟောင်းမှတ်တိုင်အနီးရှိ စာသင်ကျောင်းဆောင်အဟောင်းတစ်ခုတွင် မီးလောင်မှုဖြစ်ပွားခဲ့ကြောင်း သတင်းရရှိသဖြင့်မင်္ဂလာဒုံမြို့နယ် မီးသတ်စခန်းမှ မီးသတ်ယာဉ်(၃)စီး၊ အင်းစိန်မြို့နယ်မီးသတ်စခန်းမှ မီးသတ်ယာဉ်(၂)စီး၊ ပုလဲအရန်မီးသတ်စခန်းမှ မီးသတ်ယာဉ်(၄)စီး ထွက်ခွာငြှိမ်းသတ်ခဲ့ရကြောင်းသိရသည်။

“ပျဉ်းမပင်ရပ်ကွက်အပိုင်မှာ စာသင်ကျောင်းဆောင်အဟောင်း မီးလောင်မှုဖြစ်ပွားလို့ သွားရောက်ကူညီငြှိမ်းသတ်ပေးခဲ့တာပါ”ဟု ပုလဲအရန်မီးသတ်တပ်ဖွဲ့မှ တာဝန်ရှိသူတစ်ဦးက ပြောသည်။

ထိုသို့ ငြှိမ်းသတ်ခဲ့ရာ နံနက် (၁)နာရီ (၃၇)မိနစ်အချိန်တွင် မီးငြိမ်းခဲ့ကြောင်းနှင့် ဖြစ်စဉ်နှင့် ပတ်သက်၍ မီးသတ်တပ်ဖွဲ့မှ လိုအပ်သည်များ ဆက်လက်ဆောင်ရွက်‌နေကြောင်း သိရသည်။

#Local_News #စာသင်ကျောင်းဆောင်ဟောင်းတစ်ခု #မီးလောင်မှုဖြစ် #YMG/ NN #Yangon-Times

အရင်က ရခိုင်ပြည်နယ် တောင်ကုတ်ကနေပို့တာ အခုက တိုက်ပွဲတွေကြောင့် ပို့လို့မရဘဲ ရန်ကုန်ကနေတစ်ဆင့် ပို့ရတော့ ကုန်ကျစရိတ်က အရင်ထက်နှစ်ဆပိုကုန်တယ်။ ပြီးတော့လည်း အချိန်ပိုကြာသွားတယ်။ ပို့ချိန်တိုင်းလဲပို့မရဘူး ဒီအချိန်က ဂျင်းအခက်ကြီးတွေ ထွက်တဲ့အချိန် ဂျင်းဈေးက ပြည်ပဝယ်လိုအားကြောင့် အထွတ်အထိပ် ရောက်နေရမှာ အခုတော့ အခြားသီးနှံတွေလိုဆိုးရွားစွာဈေးမကျတာဘဲရှိတယ်။
#Local_News
Published_ 28 February 2024
#ဂျင်းပြည်ပဝယ်လိုအား
#YMG/LW #Yangon_Times

#Local_News
Published 28 February 2024

ရန်ကုန်တိုင်းဒေသကြီး၊ တိုက်ကြီးမြို့နယ်၊ မင်္ဂလာရပ်ကွက်၊ မင်္ဂလာ(၃)လမ်းတွင် မီးလောင်မှုဖြစ်ပွားကြောင်း မီးသတ်တပ်ဖွဲ့ထံက သိရသည်။

ဖေဖေါ်ဝါရီ ၂၈ရက် မနက် ၁၀နာရီ ၂၀မိနစ်ခန့်က လောင်ကျွမ်းခဲ့ခြင်းဖြစ်ပြီး မီးလောင်မှုဖြစ်ပွားကြောင်း သတင်းရရှိသဖြင့် Level 1 ယာဉ်အုပ်စု ထွက်ခွာငြှိမ်းသတ်ခဲ့ရာ ၁၀နာရီ၃၅ မိနစ် တွင် မီးငြှိမ်းခဲ့ကြောင်း သိရသည်။

မီးလောင်သည့်အကြောင်းရာနှင့် ဆုံးရှုံးမှုတန်ဖိုးကို သက်ဆိုင်ရာက စစ်ဆေးလျက်ရှိကြောင်း သိရသည်။

#တိုက်ကြီး #မီးလောင်မှုဖြစ်ပွား #YMG/LW #Yangon_Times

'အောက်ကားတွေနည်းနည်းကျတယ်၊ အရင် သိန်း၈၀၀၊ ၉၀၀ခေါ်ထားတဲ့ကားတွေ အခုဆို ၅၀၀ ကျော် ၆၀၀လောက်ဖြစ်သွားတယ်၊ ကားကောင်းမကောင်းပေါ်မူတည်ပြီးကျတာ၊ မော်ဒယ်နိမ့်ပေမယ့် ကားအရမ်းကောင်းပြီးအတိုက်အခိုက် မရှိရင်ဈေးကမြောက်တယ်'
#Local_News
Published_ 28 February 2024
#လူကြိုက်နည်းကားများဈေးနှုန်းကျဆင်း
#YMG/NN #Yangon_Times

#Local_News
Published_ 28 February 2024

တစ်နှစ်လျှင်ဂျပန်ယန်း ၃၆၀၀၀၀ ပေးအပ်မည့် Daiozu Memorial Foundation ပညာသင်ဆုကိုမြန်မာကျောင်းသားကျောင်းသူများပါဝင်လျှောက်ထားနိုင်ကြောင်း တိုကျိုမြို့ရှိ မြန်မာသံရုံးမှ ထုတ်ပြန်လိုက်သည်။

လျှောက်ထားနိုင်မည့်သူများက‌တော့ဂျပန်နိုင်ငံ၏ Tokyo၊ Chiba၊ Saitama၊ Kanagawa၊ Ibaraki၊ Tochigi နှင့် Gunma စီရင်စုများရှိ တက္ကသိုလ်များမှ ဘွဲ့ရကျောင်းသားများ၊ မဟာဘွဲ့၊ ပါရဂူဘွဲ့တက်ရောက်ရန် စာရင်းပေးသွင်းထားသူများ၊

တစ်နှစ်လျှင် မိသားစုဝင်ငွေ-ယန်း (၆,၀၀၀,၀၀၀) အောက်ရှိသူများ၊ 

၂၀၂၃ခုနှစ်၊ ဧပြီလတွင် ဒုတိယနှစ်နှင့်အထက် ကျောင်းဝင်စာရင်း သွင်းထားသည့် နိုင်ငံတကာကျောင်းသားများအား Daiozu Memorial Foundation ပညာသင်ဆု ပေးအပ်ရန် ရည်ရွယ်ပါကြောင်းနှင့် ထောက်ပံ့ကြေး လျှောက်ထားနိုင်ကြောင်း ဖော်ပြထားသည်။

ထုတ်ပြန်ချက်တွင်
Daiozu Memorial Foundation မှ ၂၀၂၄ ခုနှစ်အတွက် ပေးအပ်မည့် ပညာသင်ဆုအား လျှောက်ထားနိုင်ကြောင်း မြန်မာသံရုံးသို့ အသိပေး အကြောင်းကြားလာကြောင်း ၊

အဆိုပါ အကြောင်းကြားစာတွင် ဂျပန်နိုင်ငံ၏ Tokyo၊ Chiba၊ Saitama၊ Kanagawa၊ Ibaraki၊ Tochigi နှင့် Gunma စီရင်စုများရှိ တက္ကသိုလ်များမှ ဘွဲ့ရကျောင်းသားများ၊ မဟာဘွဲ့၊ ပါရဂူဘွဲ့တက်ရောက်ရန် စာရင်းပေးသွင်းထားသူများ၊ တစ်နှစ်လျှင် မိသားစုဝင်ငွေ-ယန်း (၆,၀၀၀,၀၀၀)အောက်ရှိသူများ၊ ၂၀၂၃ခုနှစ်၊ ဧပြီလတွင် ဒုတိယနှစ်နှင့်အထက် ကျောင်းဝင်စာရင်း သွင်းထားသည့် နိုင်ငံတကာကျောင်းသားများအား Daiozu Memorial Foundation ပညာသင်ဆု ပေးအပ်ရန် ရည်ရွယ်ပါကြောင်းနှင့် ထောက်ပံ့ကြေး လျှောက်ထားနိုင်ကြောင်း ဖော်ပြထားကြောင်း၊

 အဆိုပါ Daiozu Memorial Foundation ပညာသင်ဆု ချီးမြှင့်ရန်အတွက် နိုင်ငံတကာ ကျောင်းသား (၂၅)ဦး ရွေးချယ်သွားမည်ဖြစ်ပြီး၊  ထောက်ပံ့ကြေးအား တစ်နှစ်ကို နှစ်ကြိမ် ပေးအပ် မည်ဖြစ်ပါကြောင်း၊ တစ်နှစ်လျှင် ယန်း ၃၆၀,၀၀၀/-(တစ်လလျှင် ယန်း ၃၀,၀၀၀)ပေးအပ်သွား မည်ဖြစ်ကြောင်းနှင့်  မတ်လ ၁ရက်နေ့မှမေလ၂၀ရက်နေ့ နောက်ဆုံး ထား၍  http://www. daiohs-zaidan.or.jp သို့ ဝင်ရောက်လျှောက်ထားနိုင်ကြောင်းနှင့် အသေးစိတ် အချက်အလက်များအား သိရှိလိုပါက info@ daiohs-zaidan.or.jp သို့ ဆက်သွယ်မေးမြန်းနိုင်ကြောင်း ဖော်ပြထားသည်။

#Local_News #ပညာသင်ဆုမြန်မာမှပါဝင်လျှောက်ထားနိုင် #tthl #Yangon_Times

မတ်လထဲမှာ ပုံမှန်‌ထက်ပိုပူမည့် ဒေသ (၅)ခုရှိတယ်။ နေပြည်တော်၊ မကွေးတိုင်း၊ တနင်္သာရီတိုင်း၊ ရှမ်းပြည်နယ်(တောင်ပိုင်းနှင့် အရှေ့ပိုင်း)နှင့် ကယားပြည်နယ်တို့ဖြစ်ပြီး ပုံမှန်မတ်လပျမ်းမျှအပူချိန်ထက် (၁.၅)ဒီဂရီစင်တီဂရိတ်နဲ့အထက် ပိုနိုင်တယ်။
#Local_News
Published_ 28 February 2024
#ပုံမှန်ထက်ပိုပူပြင်း #ဒေသ(၅)ခု
#tthl #Yangon_Times

#World_News
Published 28 February 2024

Meta ကုမ္ပဏီအကြီးအကဲ မာ့ခ်ဇူကာဘတ်ခ်က ဂျပန်ကို သွားရောက်လည်ပတ်စဥ် ဝန်ကြီးချုပ် ဖူမီယိုကီရှီဒါနဲ့ တွေ့ဆုံခဲ့ပြီး မှတ်သားဖွံ့ဖြိုး AI နဲ့ပတ်သက်လို့ ဖြစ်လာနိုင်တဲ့ အန္တရာယ်တွေအကြောင်း ဆွေးနွေးခဲ့ကြတယ်လို့ ဖော်ပြခဲ့ကြပါတယ်။

AI နဲ့ အနာဂတ်နည်းပညာအကြောင်း ပတ်သက်ပြီး အပြုသဘောဆောင်တဲ့ ပြောဆိုမှု ရခဲ့တယ်လို့ ဇူဘာဘက်ခ်က ဖေဖော်ဝါရီ ၂၇ ရက်နေ့ တွေ့ဆုံမှုမှာ ပြောဆိုခဲ့ကြောင်း ပြည်တွင်းမီဒီယာမှာ ဖော်ပြထားပါတယ်။

ဆွေးနွေးမှုမှာ Meta ကမ္ဘာ့ပေါ်လစီဆိုင်ရာ ဒုဥက္ကဌ ဂျိုယယ်ကပ္ပလန်လည်း ပါဝင်ခဲ့ပြီး ဂျပန်မှာ လုပ်နေတဲ့အရာတွေအတွက် တကယ်စိတ်လှုပ်ရှားမိတယ်လို့ ဇူကာဘက်ခ်က ဆိုပါတယ်။

OpenAI ရဲ့ ChatGPT မှဦးဆောင်တဲ့ မှတ်သားဖွံ့ဖြိုး AI စနစ်ဟာ စာသားတွေ ပုံရိပ်တွေ အသံတွေကို စက္ကန့်ပိုင်းအတွင်း ဖန်တီးပေးနိုင်တဲ့ နည်းပညာဖြစ်ပါတယ်။

ထိုစနစ် လျင်မြန်စွာတိုးတက်လာခြင်းကြောင့် အရာရာတိုင်းမှာ ပြောင်းလဲလာနိုင်ပေမယ့် ကောင်းတဲ့အကျိုးဆက်ရော မကောင်းတဲ့ အကျိုးဆက်တွေပါ ရှိလာနိုင်ပါတယ်။

ယခုနှစ် ကမ္ဘာတဝှမ်းမှာ အရေးကြီးတဲ့ ရွေးကောက်ပွဲတွေ ရှိနေတာကြောင့် မဲဆန္ဒရှင်တွေကို လှည့်ဖြားရန် ရည်ရွယ်ထားတဲ့ AI အကြောင်းအရာများကို ဖြိုခွဲဖို့အတွက် အဓိကနည်းပညာကုမ္ပဏီကြီး ၂၀ မှ ကတိပြုလက်မှတ် ရေးထိုးထားရာ Meta လည်း အပါအဝင် ဖြစ်ပါတယ်။

AI အက်ပ်လီကေးရှင်းတွေကနေ ထုတ်လုပ်လိုက်တဲ့ ပုံတွေမှာ ဘုံတူအမှတ်အသားတစ်ခု အသုံးပြုရန် ယခင်က သဘောတူညီခဲ့ကြပါတယ်။

အသက် ၃၉ နှစ်ရှိ ဇူကာဘခ်ဟာ ဂျပန်ကိုရောက်နေတာ ရက်ကြာနေပြီဖြစ်ပြီး စီးပွားရေးနဲ့ အပန်းဖြေခရီး ရောနှောနေတာ ဖြစ်ပါတယ်။

ဒီနောက် တောင်ကိုရီးယားသို့ သွားရောက်ကာ သမ္မတ ယွန်ဆော့ယောလ်၊ ဆမ်ဆောင်း၊ LG တို့လို နည်းပညာကုမ္ပဏီကြီးတွေရဲ့ ခေါင်းဆောင်များနဲ့ တွေ့ဆုံသွားမှာ ဖြစ်တယ်လို့ ဖော်ပြထားပါတယ်။

Apple ရဲ့ Vision Pro နဲ့ယှဥ်ပြိုင်မယ့် လက်တွေ့ပုံရိပ်ဖော်နားကြပ် ထုတ်လုပ်ဖို့အတွက် LG အီလက်ထရွန်နစ် အမှုဆောင်အရာရှိချုပ်နဲ့လည်း တွေ့ဆုံဆွေးနွေးသွားမှာ ဖြစ်ပါတယ်။

#World_News #ဂျပန်ဝန်ကြီးချုပ် #ဇူဘာဘတ်ခ်တွေ့ဆုံဆွေးနွေး #Source: CNA