မြန်မာအစိုးရရဲ့ သွင်းကုန်လိုင်စင်နဲ့ ပတ်သက်တဲ့အကောင်အထည်ဖော်မှုကို ဖြေလျှော့နိုင်ရေးအတွက် ထိုင်းနိုင်ငံဆိုင်ရာ မြန်မာသံအမတ်ကြီး ဦးဇော်ဇော်စိုးနဲ့ ထိုင်းနိုင်ငံစီးပွားရေးနှင့်ကူးသန်းရောင်းဝယ်ရေးဝန်ကြီးဌာနတို့ တွေ့ဆုံဆွေးနွေးခဲ့တယ်လို့ သိရပါတယ်။

#Local_News
Published 04 September 2025
#ထိုင်းကုန်စည် #မြန်မာအစိုးရ
#YMG/SW #Yangon_Times

လေးနှစ်တာအတွင်း ပန်းခင်းစီမံချက်နဲ့ လူဦးရေ(၉) သန်းကျော်ကို နိုင်ငံသားစိစစ်ရေးကတ်ပြားများ ထုတ်ပေးထားတဲ့အပြင်

အိမ်ထောင်စုလူဦးရေစာရင်းနဲ့  နိုင်ငံသားစိစစ်ရေးကတ် လိုအပ်တဲ့ဒေသခံပြည်သူတွေကို ပန်းခင်းစီမံချက်အဆင့်(၃)နဲ့ ဆက်လက်ဆောင်ရွက်ပေး‌နေတယ်လို့ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက
သိရပါတယ်။

#Local_News
Published 04 September 2025
#ပန်းခင်းစီမံချက် #နိုင်ငံသားစိစစ်ရေး ကတ်ပြား
#YMG/NN #Yangon_Times

#World_News
Published 04 September 2025

▪️ အဓိပ္ပာယ်ရှိတဲ့ ဆွေးနွေးညှိနှိုင်းမှုများ ပြုလုပ်နိုင်ရင် ယူကရိန်းစစ်ပွဲအဆုံးသတ်နိုင်မယ့်အခြေအနေရှိတယ်လို့ ရုရှားသမ္မတ ဗလာဒီမာပူတင်က ယူကရိန်းကို ဗုဒ္ဓဟူးနေ့မှာ ပြောကြားလိုက်ပါတယ်။

▪️ ဒါပေမဲ့ အင်အားသုံးအဆုံးသတ်ဖို့လိုလာလျှင်လည်း အသင့်ရှိတယ်လို့ ပြောပါတယ်။

▪️ ပူတင်က ပေကျင်းကို လာရောက်လည်ပတ်စဉ်မှာ တရုတ်နဲ့ ဓာတ်ငွေ့ပိုက်လိုင်းသစ် သဘောတူညီမှုရရှိခဲ့ပြီး နောက်ဆုံးမှာတော့ မျှော်လင့်ချက်ရောင်ခြည် တွေ့လာရပြီလို့ပြောကြားခဲ့ပါတယ်။

▪️ အဓိပ္ပာယ်ရှိပြီး ဖြစ်နိုင်တဲ့အကြောင်းအရာဆိုရင် ဒီပဋိပက္ခအဆုံးသတ်ရေး လက်ခံနိုင်ဖို့ သဘောတူနိုင်ဖွယ်ရှိကြောင်း ပူတင်က သတင်းထောက်တွေကို ပြောသွားပါတယ်။

▪️ လက်ရှိ သမ္မတဒေါ်နယ်ထရမ့်လက်အောက် အမေရိကန်အစိုးရရဲ့ သဘောထားကို သိမြင်နိုင်ပြီး ဒီကိစ္စအတွက် ဖြေရှင်းပေးလိုတဲ့ဆန္ဒ မြင်တွေ့နေရကြောင်း ပြောပါတယ်။

▪️ ဒီလိုမှမဟုတ်ရင် ပြဿနာတွေကို အင်အားသုံးပြီး ဖြေရှင်းရလိမ့်မယ်လို့ ဆိုပါတယ်။

▪️ ယူကရိန်းအနေနဲ့ နေတိုး(NATO)ဝင်ရောက်ရေး လက်လျှော့ရန် အပါအဝင် ကာလကြာရှည်တောင်းဆိုချက်များကို အလျှော့ပေးသွားမှာမဟုတ်တဲ့အကြောင်း ဖော်ပြသွားပါတယ်။

▪️ ယူကရိန်းသမ္မတ ရုရှားသို့လာရောက်တဲ့အခါ လက်ခံဆွေးနွေးဖို့ အသင့်ဖြစ်နေပြီလို့လည်း ဆိုပါတယ်။

▪️ ဇယ်လန်စကီက ငြိမ်းချမ်းရေးသဘောတူညီချက်အတွက် အခြေအနေများကို ပူတင်နဲ့ တွေ့ဆုံဆွေးနွေးဖို့ ဖိအားပေးနေပါတယ်။

▪️ ကြားဝင်စေ့စပ်ပေးနေတဲ့ ထရမ့်က နှစ်ဖက်ခေါင်းဆောင်များကို တွေ့ဆုံစေလိုပြီး ရုရှားအပေါ် နောက်ထပ်ဒဏ်ခတ်ပိတ်ဆို့မှုများ ချမှတ်ဖို့လည်း ခြိမ်းခြောက်ထားပါတယ်။

▪️ အနောက်တိုင်းဒဏ်ခတ်ပိတ်ဆို့မှုတွေကြောင့် စီးပွားရေးထိခိုက်လာတဲ့ ရုရှားသမ္မတပူတင်က စစ်ပွဲကို သံတမန်ရေးအရ အဆုံးသတ်လိုတဲ့သဘော မြင်လာရပါတယ်။

Source: Reuters

#Local_News
Published 04 September 2025

▪️ ယနေ့နံနက်ပိုင်းက ကျောက်ဆည်မြို့အနီးပြင်းအား၄.၉အဆင့်ရှိငလျင်တစ်ခုလှုပ်ခတ်ခဲ့ကြောင်း သိရသည်။

▪️ အဆိုပါ ငလျင်ကို မန္တလေး၊ကျောက်ဆည်နှင့်စစ်ကိုင်းရှိ ပြည်သူများ သိသိသာသာခံစားခဲ့ရပြီး အသံပါမြည်ဟိန်းသည့် ငလျင်လှုပ်ခတ်ခြင်းဖြစ်ကြောင်း ဒေသခံများထံမှ သိရသည်။

▪️ " လှုပ်တာကကြမ်းတယ်ကြောက်စရာကြီးအသံလည်းပါတယ်။ အိမ်ထဲက‌ နေထွက်ပြေးရတာဖိနပ်တောင်မပါဘူး" ဟု မန္တလေးမြို့ခံတစ်ဦးကပြောသည်။

▪️ ယနေ့ စက်တင်ဘာ ၄ ရက်နံနက် ၁၀ နာရီ ၅၁ မိနစ် ၄၈ စက္ကန့်က ကျောက်ဆည်မြို၏ အနောက်-အနောက်တောင်ဘက်(၇)မိုင်ခန့်အကွာ အနက်(၁၀) ကီလိုမီတာကိုဗဟိုပြု၍ အင်အားရသ်(ခ်)တာစကေး(၄ ဒသမ ၂)အဆင့် အင်အားအသင့်အတင့်ရှိသော ငလျင်တစ်ခုလှုပ်ခတ်ခဲ့ကြောင်း မိုးလေဝသနှင့် ဇလဗေဒညွန်ကြားမှုဦးစီးဌာနက ထုတ်ပြန်ထားသည်။

#YMG/SW #Yangon_Times

#Local_News
Published 04 September 2025

▪️ IT နည်းပညာနှင့်ပတ်သက်သော ဟောပြောပွဲကို စက်တင်ဘာလ ၆ ရက်တွင် ရန်ကုန်တိုင်းဒေသကြီး လှိုင်မြို့နယ်ရှိ MICT Park ၌ ကျင်းပသွားမည်ဖြစ်ကြောင်း ရန်ကုန်တိုင်းဒေသကြီး ကွန်ပျူတာပညာရှင်အသင်းမှ သိရသည် ။

▪️ အဆိုပါ ဆွေးနွေးပွဲကို Yangon-MCPA မှကြီးမှူး၍ အသင်းဝင်များအတွက် ရည်ရွယ်၍ ကျင်းပသွားမည်ဖြစ်ကာ ကျောင်းသား၊ကျောင်းသူများ၊ စွန့်ဦးတီထွင်လူငယ်များနှင့် Digital နည်းပညာအသုံးပြု၍ ကိုယ်ပိုင်လုပ်ငန်းများတွင် စတင်အသုံးပြုရန် စိတ်ဝင်စားသူများအတွက်ရည်ရွယ်၍ How to Start a Startup Business in Digital Economy ခေါင်းစဉ်ဖြင့် ဟောပြောဆွေးနွေးသွားမည် ဖြစ်သည်။

▪️ ဟောပြောပွဲတွင် စဉ်ဆက်မပြတ်ပြောင်းလဲနေသော Digital ခေတ်အတွင်း အရင်းအနှီးနည်းနည်းဖြင့် လုပ်ငန်းစတင်ခြင်း၊ ကိုယ်ပိုင်လုပ်ငန်းတည်ထောင်ခြင်း၊ စီးပွားရေးတစ်ခုစတင်ရာတွင် မရှိမဖြစ်သိထားရမည့် Strategy Finance၊ Marketing၊ Sales အစရှိသော စီးပွားရေးစီမံခန့်ခွဲမှု အခြေခံမူများကို ထည့်သွင်းဆွေးနွေးမည် ဖြစ်သည့်အပြင် မိမိတို့၏ စီးပွားရေးလုပ်ငန်းတွင် အသုံးပြုနိုင်မည့် အသုံးဝင် Software များ၊ IT နည်းပညာများနှင့် တခြားသောအသုံးချနည်းပညာများကိုပါ ထည့်သွင်းဆွေးနွေးသွားမည်ဖြစ်ကြောင်းသိရသည် ။

▪️ အဆိုပါ ဆွေးနွေးပွဲကို စိတ်ပါဝင်စားသူများအနေဖြင့် စက်တင်ဘာလ ၄ ရက်ထက် နောက်မကျစေဘဲ Google Form Link တွင် Register ဝင်ရောက်ပြုလုပ်ရမည်ဖြစ်ကြောင်း သိရသည် ။

#YMG/NN #Yangon_Times

#Local_News
Published 04 September 2025

▪️ Express ယာဉ်သည် ဘရိတ်ပေါက်၍ ဆိုင်ကယ်ပြင်ဆိုင်အား ဝင်ရောက်တိုက်မိပြီး ချောက်အတွင်းသို့ ထိုးကျကာ ချောက်အတွင်းရှိ နေအိမ်ပေါ်သို့ ပိမိမိမှုဖြစ်ပွားခဲ့ရာ နှစ်ဦး ‌ေ-သဆုံးပြီး ၉ဦးဒဏ်ရာရရှိခဲ့ကြောင်းမြန်မာနိုင်ငံမီးသတ်တပ်ဖွဲ့မှသိရသည်။

▪️ ဖြစ်စဉ်မှာ စက်တင်ဘာ၃ရက်နေ့၊ ည၁၂နာရီ ၅၀မိနစ် အချိန်ခန့်က နေပြည်တော်၊ ဥတ္တရသီရိမြို့နယ်၊ ပျဉ်းမနား- တောင်ညိုကားလမ်း၊ မိုင်တိုင်အမှတ်(၁၇/၄)၊ မင်းကုန်းကျေးရွာအုပ်စု၊ ကျွဲရှင်းလမ်းဆုံတွင် Express ယာဉ်သည် ဘရိတ်ပေါက်၍ ဆိုင်ကယ်ပြင်ဆိုင်အား ဝင်ရောက်တိုက်မိပြီး ချောက်အတွင်းသို့ ထိုးကျကာ ချောက်အတွင်းရှိ နေအိမ်ပေါ်သို့ ပိမိနေကြောင်း သိရသည်။

▪️ အဆိုပါ သတင်းရရှိသဖြင့် တောင်ညို(ယာယီ)နယ်မြေမီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးဆောင်ရွက်ခဲ့ကြောင်းသိရသည်။

▪️ ယင်းဖြစ်စဉ်ကြောင့် ဆိုင်ကယ်ပြင်ဆိုင်အတွင်း ကျား(၁)ဦး ထိခိုက်ဒဏ်ရာ(မစိုးရိမ်ရ)နှင့် မ(၁)ဦး သေဆုံး၊ နေအိမ်အတွင်းရှိ ကျား(၁)ဦး သေဆုံးနှင့် ယာဉ်ပေါ်ပါ ကျား(၂၁)ဦး၊ မ(၆)ဦး စုစုပေါင်း(၂၇)ဦး အနက် ကျား(၄)ဦး၊ မ(၅)ဦး စုစုပေါင်း(၉)ဦး ထိခိုက်ဒဏ်ရာ(မစိုးရိမ်ရ)တို့အား တံတားဦးကျေးရွာမှ သုခဒါနပရဟိတအသင်းမှ သူနာတင်ယာဉ်(၃)စီးဖြင့် နေပြည်တော်ကုတင်(၁၀၀၀)ဆေးရုံသို့ပို့ဆောင်ပေးခဲ့ ကြောင်းသိရသည်။

#YMG/NN #Yangon_Times

#World_Science
Published 04 September 2025

▪️ လေ့ကျင့်ခန်းလုပ်ခြင်းအစွမ်းက နေထိုင်စားသောက်မှုပုံစံ ပြဿနာများကို ပြန်ပြောင်းစေဖို့ ရောဂါဘယများ စောစီးစွာဖြစ်ပေါ်ခြင်းမှ ကာကွယ်ဖို့ ကူညီပေးနိုင်ပါတယ်။

▪️ သွေးပေါင်ချိန်နဲ့ ကိုလက်စ်ထရောတို့ ချပေးခြင်းဖြင့် နှလုံးသွေးကြောပိတ်ဆို့မှုများကို ဖယ်ရှားခြင်း၊ ကာကွယ်ခြင်းအပါအဝင် နှလုံးကျန်းမာစေတယ်လို့ ဖော်ပြလာကြပါတယ်။

▪️ အိန္ဒိယ အက်စ်တာ CMI ဆေးရုံမှ နှလုံးအထူးကု ဆန်ဂျေးဘက်ကလည်း လေ့ကျင့်ခန်းပြုလုပ်ခြင်းဟာ နှလုံးသွေးကြောပိတ်ဆို့မှုများမှ ကာကွယ်ရာမှာ အရေးပါတယ်လို့ လက်ခံထားပါတယ်။

▪️ ပိတ်နေတဲ့နေရာကို တိုက်ရိုက်ဖယ်ရှားတာ မဟုတ်ပေမယ့် အနည်တွေ ပိုမိုစုပြုံလာခြင်းကို နှောင့်နှေးစေပြီး နှလုံးကျန်းမာရေး တိုးတက်စေနိုင်တယ်လို့ ပြောပါတယ်။

▪️ လေ့ကျင့်ခန်းပုံမှန်လုပ်ခြင်းဖြင့် နှလုံးကနေ သွေးပိုမိုညှစ်ထုတ်စေကာ သွေးကြောတွေ ကျုံ့နိုင်ဆန့်နိုင်စေပြီး သွေးကြောပိတ်စေတဲ့အရာတွေကို လျှော့ချပေးပါတယ်။

▪️ နေ့စဉ်မိနစ် ၃၀ ခန့် ခပ်မြန်မြန်လမ်းလျှောက်ခြင်း၊ ရေကူးခြင်း၊ စက်ဘီးစီးခြင်း၊ ယောဂကျင့်ခြင်းတို့ဖြင့် သွေးလည်ပတ်မှုကောင်းစေပြီး ခန္ဓာကိုယ်သဘာဝ ပြုပြင်ရေးလုပ်ငန်းစဉ်တွေကို ထောက်ပံ့ပေးပါတယ်။

▪️ သွေးကြောကျဉ်းခြင်းကို ဖြစ်စေတဲ့ သွေးကြောနံရံတွေ ရောင်ရမ်းခြင်းကိုလည်း လေ့ကျင့်ခန်းလုပ်ခြင်းဖြင့် လျှော့ချနိုင်ပါတယ်။

▪️ လေ့ကျင့်ခန်းအပြင် ကျန်းမာရေးနဲ့ညီညွတ်တဲ့ အစားအစာများ စားသုံးကာ အသင့်စားစရာများ လျှော့ချခြင်း၊ ဆေးလိပ်အရက်ရှောင်ရှားခြင်း၊ ဖိစီးမှုထိန်းချုပ်လျှော့ချခြင်း၊ ပုံမှန်ကျန်းမာရေးစစ်ဆေးခြင်းတို့ဖြင့်လည်း နှလုံးသွေးကြောပိတ်ဆို့နိုင်ခြေကို လျှော့ချနိုင်မှာ ဖြစ်ပါတယ်။

▪️ ဒါတွေအားလုံးလုပ်ဆောင်ပြီး တက်ကြွလှုပ်ရှားစွာ နေထိုင်ပါက နှလုံးရောဂါ ဖြစ်နိုင်ခြေ သိသိသာသာ လျော့နည်းစေမှာ ဖြစ်ပါတယ်။

Source: Indian Express.

#World_Science
Published 04 September 2025

▪️ လူသားတွေရဲ့ ပြောဆိုဆက်ဆံပုံက စကားလုံးတွေ အမူအရာတွေဖြင့် အသံနဲ့ အမြင်လှုပ်ရှားမှုများ ရောထွေးနေတယ်လို့ ပြင်သစ် ရင်းနက်စ်တက္ကသိုလ်မှ ဇီဝဗေဒပညာရှင် ဂျိုဆက်မိုင်းက ပြောပါတယ်။

▪️ လူသားဘာသာစကား ဘယ်လိုဆင့်ကဲပြောင်းလဲလာလဲဆိုတာ အနီးစပ်ဆုံးမျိုးနွယ် ချင်ပန်ဇီတွေကို ကြည့်လို့ရပါတယ်။

▪️ လွန်ခဲ့တဲ့ နှစ်ပေါင်း ၆ သန်းမှ ၈ သန်းတုန်းက မျိုးစိတ်တစ်ခုကနေ နှစ်ခုကွဲသွားစဉ် ယနေ့ခေတ် လူသားတွေရဲ့ အပြုအမူပုံစံတွေ စတင်တယ်လို့ ယူဆရကြောင်း မိုင်းကပြောပါတယ်။

▪️ မိုင်းနဲ့ သုတေသနအဖွဲ့ လေ့လာချက်အရ ချင်ပန်ဇီငယ်တွေဟာ သူတို့အမေနဲ့ ဆွေမျိုးတွေဆီကနေ အသံနဲ့ အမြင်ပိုင်းပုံစံတွေကို အဓိကသင်ယူတယ်လို့ ကောက်ချက်ချထားပါတယ်။

▪️ ယူဂန်ဒါအနောက်ပိုင်း ကီဘာလေအမျိုးသားဥယျာဉ်မှ ကန်ညာဝါရာ တိရိစ္ဆာန် ၆၀ ခန့်ကို လေ့လာခဲ့ကြပါတယ်။

▪️ သူတို့ရဲ့ အသံနဲ့ မျက်နှာအမူအရာ၊ အကြည့်လက္ခဏာ၊ ကိုယ်ဟန်အမူအရာ၊ လှုပ်ရှားမှု စတာတွေကို သုတေသန လုပ်ခဲ့ပါတယ်။

▪️ ထိုအခါမှာ အသံနဲ့ အမြင်ပိုင်းပေါင်းစပ်ပြုမူပုံစံပေါင်း ၁၀၈ မျိုးလောက် တွေ့ရှိခဲ့ပါတယ်။

▪️ ချင်ပန်ဇီမိခင်တစ်ဦးတည်းကနေ မွေးလာတဲ့ မွေးချင်းတွေမှာ တူညီတဲ့ အသံနဲ့အမြင် ပေါင်းစပ်မှုတွေ ရှိနေတာကိုလည်း တွေ့ရပါတယ်။

▪️ လူသားကလေးငယ်တွေမှာလည်း အနေနီးစပ်တဲ့သူတွေဆီကနေ ပြုမူဆက်ဆံပုံတွေ သင်ယူလေ့လာတတ်ကြပါတယ်။

▪️ အခြားသော မျောက်ဝံတွေမှာလည်း ဒီလိုမျိုးလက္ခဏာတွေ တွေ့နိုင်တာကြောင့် လွန်ခဲ့တဲ့ နှစ်ပေါင်း ၁၆ သန်းကတည်းက အစပြုခဲ့တဲ့သဘော ဖြစ်နိုင်ပါတယ်။

Source: NPR.

စက်တင်ဘာ၃၊၂၀၂၅ (ဘေဂျင်း)-

တရုတ်နှင့်မြန်မာ နှစ်နိုင်ငံခေါင်းဆောင်များ ရရှိထားသည့် အရေးကြီးသော ဘုံသဘောတူညီချက်များကို အကောင်အထည်ဖော်ရန် အသင့်ရှိတယ်လို့ တရုတ်ပြည်သူ့သမ္မတနိုင်ငံ ဒုတိယသမ္မတ မစ္စတာ  ဟန်ကျန့် က မြန်မာနိုင်ငံ ယာယီသမ္မတ ဗိုလ်ချုပ်မှူးကြီးမင်းအောင်လှိုင်ကို ပြောကြားခဲ့တယ်လို့ ဆင်ဟွာ  သတင်းဌာနက သတင်းရေးသားပါတယ်။

ဗိုလ်ချုပ်မှူးကြီးနှင့် မစ္စတာ ဟန်ကျန့်တို့သည်  စက်တင်ဘာ ၂ ရက် အင်္ဂါနေ့က တရုတ်ပြည်သူ့သမ္မတ နိုင်ငံ ဘေဂျင်းမြို့တော်တွင်တွေ့ဆုံစဉ် တရုတ်ဒုတိယသမ္မတက ယင်းကဲ့သို့ပြောကြားခဲ့တာဖြစ်ပါတယ်။

တရုတ်-မြန်မာ နှစ်နိုင်ငံဆက်ဆံရေး ကောင်းမွန်တည်ငြိမ်စွာ ဆက်လက်တိုးတက်စေရန် မြန်မာနိုင်ငံနှင့် ပူးပေါင်းဆောင်ရွက်ရန်လည်း အသင့်ရှိတယ်လို့ မစ္စတာဟန်ကျန့်က ဆက်လက်ပြောဆိုပါတယ်။

ဗိုလ်ချုပ်မှူးကြီးက မြန်မာနိုင်ငံ ငလျင်ဒဏ်ခံရပြီးနောက် ချက်ချင်းအကူအညီပေးခဲ့သည့်အတွက် တရုတ် နိုင်ငံကို မင်းအောင်လှိုင်က ကျေးဇူးတင်ကြောင်း ပြောကြားခဲ့ပါတယ်။ အဲဒီအပြင် သမ္မတရှီက အဆိုပြုခဲ့သည့် ကမ္ဘာလုံးဆိုင်ရာ စီမံခန့်ခွဲမှုအစီအမံ Global Governance Initiative  (GGI) ကို မြန်မာ နိုင်ငံက ထောက်ခံကြောင်းနှင့် မြန်မာ-တရုတ် အေးအတူပူမျှ အသိုက်အဝန်း တည်ဆောက်ရေးကို ရှေ့ဆက်မြှင့်တင်ရန် ကဏ္ဍအသီးသီးတွင် တရုတ်နိုင်ငံနှင့် ပူးပေါင်းဆောင်ရွက်မှုများ ပိုမိုခိုင်မာစေရန် ဆန္ဒရှိကြောင်းလည်း ပြောကြားခဲ့တယ်လို့ ဆင်ဟွာသတင်းမှာဖော်ပြထားပါတယ်။

ဗိုလ်ချုပ်မှူးကြီးမင်းအောင်လှိုင်သည် ရှန်ဟိုင်းပူးပေါင်းဆောင်ရွက်ရေးအဖွဲ့ SCO ထိပ်သီးအစည်းအဝေး နှင့် ၈၀နှစ်မြောက် ဖက်စစ်ဆန့်ကျင်ရေးစစ်ပွဲအောင်နိုင်ခြင်း စစ်ရေးပြအခမ်းအနားများသို့ တက်ရောက်ရန် တရုတ်ပြည်သူ့သမ္မတနိုင်ငံသို့ ဩဂုတ်၃၀ရက်ကတည်းက ရောက်ရှိနေခြင်း ဖြစ်ပါတယ်။

#ymg #Xinhua

တရုတ်သမ္မတရှီကျင့်ဖျင်က တနင်္လာနေ့မှာ တီယန်ကျင်မှာပြုလုပ်တဲ့ ရှန်ဟိုင်းပူးပေါင်းဆောင်ရွက်ရေးအဖွဲအစည်းPlus အစည်းအဝေးမှာ ကမ္ဘာလုံးဆိုင်ရာ အုပ်ချုပ်ရေးအစီအစဉ်(GGI)ကို အဆိုပြုခဲ့ပါတယ်။

#Asia_Politics
Published 03 Sept 2025
#တရုတ်သမ္မတရှီကျင့်ဖျင် #ကမ္ဘာလုံးဆိုင်ရာအုပ်ချုပ်ရေး
#YMG #Yangon_Times #Yangon_Media_Group

#Daily_News
Published 03 Sept 2025

၁။‌‎ ‎‎ထိုင်းကွန်ဒိုဝယ်ယူမှုအများဆုံးဒုတိယနေရာတွင် မြန်မာရပ်တည်နေ
‎
‎‎၂။‎ ‎Sky Villa ကွန်ဒိုမှ ရုပ်အလောင်း ၂၀၀ကျော် တွေ့ရှိထား ၊ကရုဏာထောက်ပံ့ကြေးတစ်ဦးလျှင် ကျပ်သိန်း(၁၀၀)ပေးအပ်မည်

၃။‌‎ ‎‎ပြည်ပသို့ ကန်ဒေါ်လာ(၁)သန်းကျော်ရှိ  ပျားရည်တန်ချိန်(၇၀၀)ကျော်တင်ပို့ထား

‎၄။ ‎‎‎‎‎ကမ္ဘာလုံးဆိုင်ရာအုပ်ချုပ်ရေးအစီအစဉ်အား SCOအစည်းအဝေး၌ရှီကျင့်ဖျင်အဆိုပြု... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

တရုတ်ပြည်သူ့သမ္မတနိုင်ငံ သမ္မတ H.E. Mr. Xi Jinping ရဲ့ ဖိတ်ကြားချက်အရ ပေကျင်းမြို့ကိုရောက်နေတဲ့ ပြည်ထောင်စုသမ္မတမြန်မာနိုင်ငံတော်ယာယီသမ္မတနိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ဟာ ဒီကနေ့ စက်တင်ဘာလ ၃ ရက်နံနက်ပိုင်းတွင် ပေကျင်းမြို့၊ Tiananmen ရင်ပြင်မှာပြုလုပ်တဲ့ “တရုတ်ပြည်သူများ၏ ဂျပန်ခုခံတော်လှန်ရေးစစ်ပွဲနှင့်ကမ္ဘာ့ဖက်ဆစ်ဆန့်ကျင်ရေးစစ်ပွဲ အောင်နိုင်ခြင်း နှစ်(၈၀)ပြည့် အထိမ်းအမှတ်စစ်ရေးပြအခမ်းအနား”ကို တက်ရောက်ခဲ့ပါတယ်။

#Local_News
Published 03 Sept 2025
#တရုတ်ပြည်သူ့သမ္မတနိုင်ငံ #ပေကျင်းမြို့
#YMG/PP #Yangon_Times