တပိုတွဲလပြည့်နေ့၌ မန်းရွှေစက်တော်ဘုရားဖူးများ တည်းခိုဆောင်အားလုံး ပြည့်လုနီးပါးဖြစ်နေ
'ပွဲတော်အစမှတော့ ဘုရားဖူးပါးတယ်၊ အခု ကျောင်းစာမေးပွဲ တော်တော်များများပြီးသွားတော့ ဘုရားဖူးများလာတယ်၊ တပိုတွဲလပြည့်‌နေ့လည်းဖြစ်လို့ ကျွန်တော့်ဆီမှာတော့ အခန်း‌တွေ ပြည့်သွားပြီ၊ မတ်လ၊ တပေါင်းလထဲမှာလည်း ခရီးသွားအများဆုံးပါ။ '
Yangon Times/NN
#Local_News
#Published_ 24 February 2024
#YMG_News #Yangon_Times #Yangon_Media_Group

Published 25 February 2024

SKY EXPO ဗီယက်နမ် နိုင်ငံတကာပြပွဲဗဟိုဌာန၏
(၁၅)ကြိမ်မြောက် ဗီယက်နမ် နိုင်ငံတကာပရိဘောဂနှင့် အိမ်အသုံးအဆောင်ပစ္စည်းများပြပွဲအခမ်း အနားကို ဖေဖော်ဝါရီ ၂၆ ရက်မှ ၂၉ ရက်အထိဗီယက်နမ်နိုင်ငံ ဟိုချီမင်းမြို့၌ကျင်းပသွားမည် ဖြစ်ကြောင်းသိရသည်။

အဆိုပါအခမ်းအနားကို စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန ဒုတိယဝန်ကြီး ဦးမင်းမင်း ဦးဆောင်သည့် မြန်မာကိုယ်စားလှယ်အဖွဲ့တို့တက်ရောက်ကြမည်ဖြစ်သည်။

မြန်မာကိုယ်စားလှယ်အဖွဲ့အနေဖြင့် ကုန်စည်ပြပွဲသို့ တက်ရောက်ပြီး ဗီယက်နမ်နိုင်ငံရှိ အုန်းသီးစိုက်ပျိုးထုတ်လုပ်တင်ပို့မှု အခြေအနေများကို လေ့လာကာ စိုက်ပျိုး ထုတ်လုပ်မှု နည်းပညာဆိုင်ရာကိစ္စများကို ဆွေးနွေးသွားမည်ဖြစ်သည်။

ယင်းပြပွဲသည် နိုင်ငံတကာမှ ပရိဘောဂပစ္စည်းများနှင့် အိမ်အလှဆင်ပစ္စည်းများ ထုတ်လုပ်သူ၊ ရောင်းချသူ၊ ဝယ်ယူသူအစရှိသည့် စီးပွားရေးလုပ်ငန်းရှင်များအကြား ပူးပေါင်းဆောင်ရွက်နိုင်ခြင်း၊ စီးပွားရေးလုပ်ငန်းရှင်များအကြား တိုက်ရိုက်တွေ့ဆုံဆွေးနွေးမှုများ ပြုလုပ်ပြီး စီးပွားရေးပူးပေါင်း ဆောင်ရွက်ရေးဆိုင်ရာ အခွင့်အလမ်းကောင်းများ ရရှိကာ မြန်မာ့ပရိဘောဂထုတ်ကုန်ပစ္စည်းများကို နိုင်ငံတကာဈေးကွက်သို့ ပိုမိုချဲ့ထွင်တင်ပို့နိုင်ပြီး ကုန်သွယ်မှုလုပ်ငန်းများ ပိုမိုတိုးမြှင့်နိုင်မည်ဖြစ်သည်။

မြန်မာကိုယ်စားလှယ်အဖွဲ့တွင် မြန်မာကုန်သွယ်မှုမြှင့်တင်ရေးအဖွဲ့ ဒုတိယညွှန်ကြား‌ရေးမှူးချုပ်၊ မြန်မာနိုင်ငံသစ်သီးဝလံပန်းမန်နှင့် ဟင်းသီးဟင်းရွက်စိုက်ပျိုး ထုတ်လုပ်တင်ပို့ရောင်းချသူများအသင်း ဒုတိယဥက္ကဋ္ဌ၊ မြန်မာနိုင်ငံ အုန်းသီးစိုက်ပျိုးထုတ်လုပ်တင်ပို့ရောင်းချသူများအသင်းဥက္ကဋ္ဌနှင့် အသင်းဝင်လုပ်ငန်းရှင်များ လိုက်ပါသွားကြောင်း သိရသည်။
Yamgon_Times/tthl
#Local_News
#Published_ 25 February 2024
#YMG_News #Yangon_Times #Yangon_Media_Group

Published 25 February 2024

(၉၂)ကြိမ်မြောက် မော်လမြိုင်မြို့၏ နှစ်ကျိပ်ရှစ်ဆူဘုရား လှည့်လည်ပူဇော်ပွဲနှင့်ဆုချီးမြှင့်ပွဲများကို(၄)ရက်တိုင်တိုင် ကျင်းပခဲ့ကြောင်း မော်လမြိုင်မြို့ရှိလူမှုကူညီ‌ရေးအဖွဲ့များထံမှသိရသည်။

လှည့်လည်ပူဇော်ခံပွဲကို မော်လမြိုင်မြို့တွင်း၌
ပထမရက်‌ ဖေ‌ဖော်ဝါရီလ၂၁ရက်‌တွင်ကျောက် တန်းရပ်ကွက်မှ မုပွန်၊သီရိမြိုင်၊မောင်ငံ၊အောက် လမ်းမကြီးတစ်လျှောက် ဘိုကုန်းရပ်ကွက် သံလွင်ဟိုတယ်ထိ လည်းကောင်း၊

ဒုတိယရက်ဖေ‌ဖော်ဝါရီလ၂၂ရက်‌တွင် ငန်းတေးရပ်ကွက်မှ မြိုင်သာယာရပ်ကွက် လမ်းအတိုင်းတက္ကသိုလ်လမ်းမကြီးအတိုင်း စျေးကြိုအဝိုင်းအထိ လည်းကောင်း၊

တတိယရက်ဖေ‌ဖော်ဝါရီလ၂၃ရက်တွင် ဇေယျာသီရီရပ်ကွက် လမ်းမကြီးမှ ဒေါ်လန်းရပ်အနီးအထိ လည်းကောင်း၊ 

စတုတ္ထရက်ဖေ‌ဖော်ဝါရီလ၂၄ရက်‌တွင် သာသနာ့ဗိမာန်တော်ကြီးမှ ကျိုက်သုတ်ဘုရားအထိ လည်း ကောင်းလှည့်လည် အပူဇော်ခံခဲ့သည်။

ဖေဖော်ဝါရီလ(၂၄)ရက်တွင် မော်လမြိုင်မြို့နယ်လုံးဆိုင်ရာနှစ်ကျိပ်ရှစ်ဆူဘုရားရှင်များဒေသစာရီကြွချီလာစဉ်နောက်ဆုံးနေ့၌ဥပ္ပဿကာများအားဆုချီးမြှင့်ခြင်းအခမ်းအနားကို‌ကျင်းပခဲ့ပြီး 

၁။ပထမဆု- ဘုရားအမှတ်(၄)ညောင်လေးပင်ရပ်
၂။ဒုတိယဆု- ဘုရားအမှတ်(၁)ပန်းပဲတန်အပေါ်
၃။တတိယဆု-ဘုရားအမှတ်(၂၆)မုပွန်ရပ်
၄။စတုတ္ထဆု-ဘုရားအမှတ်(၂၂)‌အောင်ချမ်းသာရပ်
၅။ပဉွမဆု-ဘုရားအမှတ်(၇ )သီရိမြိုင်ရပ်
၆။အထူးဆု-ဘုရားအမှတ်(၅)သင်္ဘောလဲရပ်
၇။အထူးဆု-ဘုရားအမှတ်(၈)ကုန်းတန်းရပ်
၈။အထူးဆု-ဘုရားအမှတ်(၁၃)အုန်းတောရပ်
၉။အထူးဆု-ဘုရားအမှတ်(၁၄)ပန်းပဲတန်းရပ်
၁၀။အထူးဆု-ဘုရားအမှတ်(၁၉)နတ်မှော်တန်းရပ်
တို့အားဆုချီးမြှင့်ခဲ့ကြောင်းသိရသည်။

မော်လမြိုင်မြို့၏ နှစ်ကျိပ်ရှစ်ဆူဘုရားပူဇော်ပွဲကို ၁၉၁၆ ခုနှစ်တွင် ပန်းဘဲတန်းရပ်ကွက်မှ စတင်ကာ ကုသလဝါယမအသင်းက ဦးဇိနစေတီတော်ကို ဘုရားမီးပူဇော်ရန် ရည်ရွယ်ချက်ဖြင့် စတင်ခဲ့ကြောင်း သိရသည်။
Yamgon_Times/tthl
#Local_News
#Published_ 25 February 2024
#YMG_News #Yangon_Times #Yangon_Media_Group

25 February 2024

လာမည့်မတ်လမှမေလ (၃)လတာကာလအတွင်းတွင်မြန်မာရုပ်ရှင်ကား(၁၂)ကား ရုံတင်ပြသသွားမည်ဖြစ်ကြောင်းမြန်မာနိုင်ငံရုပ်ရှင်အစည်းအရုံးမှ သိရသည်။

မတ်လ(၁)ရက်မှ‌ မေလ(၂၄)ရက်အထိပြသသွားမည့်ရုပ်ရှင်ဇာတ်ကားများနှင့် ရုံတင်ပြသမည့်ရက်များကို မြန်မာနိုင်ငံရုပ်ရှင်အစည်းအရုံး Pageတွင်ဖော်ပြထားသည်။

ပြသသွားမည့်ရုပ်ရှင်ဇာတ်ကားများကတော့  ထင်ပေါ်ကျော်ကြားရုပ်ရှင်ဇာတ်ကားကို မတ်လ(၁ )
ရက်တွင်လည်းကောင်း၊ရွှေဖူးစာရုပ်ရှင်ဇာတ်ကားကို မတ်လ(၈ )ရက်တွင်လည်းကောင်း၊ ဟန်နီကယ်ရုပ်ရှင်ဇာတ်ကားနှင့် သံ‌ယောဇဉ်တွေသာကျည်ဆန်တွေဖြစ်ရင်ကို မတ်လ(၁၅ )ရက်တွင်လည်း ကောင်း၊ ကဝေရုပ်ရှင်ဇာတ်ကားကို မတ်လ(၂၂ ) ရက်တွင်လည်း ကောင်း၊ဂျင်းထည့်တဲ့ယောက်ဖရုပ်ရှင်ဇာတ်ကားကို မတ်လ(၂၉)ရက်တွင်လည်း ကောင်းပြသသွားမည်ဖြစ်သည်။

ဆက်လက်ပြီး ချစ်လို့စတာပါရုပ်ရှင်ဇာတ်ကားကို ဧပြီလ(၄ )ရက်တွင်လည်းကောင်း၊ပြိုင်ဘက် ရုပ်ရှင်ဇာတ်ကားကို ဧပြီလ(၁၇ )ရက်တွင်လည်းကောင်း၊တခုတ်တယရုပ်ရှင်ဇာတ်ကားကို ဧပြီလ(၂၆ )ရက်တွင်လည်းကောင်း၊ဖုန်းရွှေရုပ်ရှင်ဇာတ်ကားနှင့် လူကြီးလူကောင်းရုပ်ရှင်ဇာတ်ကားကို မေလ(၃ )ရက်တွင်လည်းကောင်း၊တောဂျပွေး ရုပ်ရှင်ဇာတ်ကားကို မေလ(၁၀)ရက်တွင်လည်း ကောင်း၊လာခေါ်သူရုပ်ရှင်ဇာတ်ကားကို မေလ(၁၇ )ရက်တွင်လည်းကောင်း၊မိတင်စိန်ရုပ်ရှင်ဇာတ်ကားကို မေလ(၄ )ရက်တွင်လည်းကောင်း ပြသသွားမည်ဖြစ်ကြောင်းထုတ်ပြန်ထားသည်။

ရုပ်ရှင်ဇာတ်ကားများရုံတင်ပြသချိန်တွင်သတ်မှတ် ထားသည့်အတိုင်း ရုံပြည့်ရုံလျှံအားပေးမှုများရရှိပါက နောက်တစ်ပတ်ဆက်လက်ရုံတင်ပြသခွင့်ရရှိမည်ဖြစ်ကြောင်းလည်း မြန်မာနိုင်ငံရုပ်ရှင်အစည်းအရုံးမှ သိရသည်။
Yamgon_Times/tthl
#Local_News
#Published_ 25 February 2024
#YMG_News #Yangon_Times #Yangon_Media_Group

၂၅ ဖေဖော်ဝါရီ ၂၀၂၄

ထောင်ပေါင်းများစွာသော အလုပ်သင်ဆရာဝန်တွေဟာ အစိုးရရဲ့ လူသစ်စုဆောင်းခြင်းအစီအစဉ်အပေါ် ကန့်ကွက်ဆန္ဒပြနေ ကြတဲ့အတွက် တောင်ကိုရီးယားအစိုးရဟာ ဖေဖော်ဝါရီ ၂၄ရက်သောကြာနေ့မှာ အများပြည်သူ့ကျန်းမာရေးပြင်းထန်အခြေ အနေအဖြစ် အမြင့်ဆုံးသတိပေးချက်ထုတ်ပြန်လိုက်ရပါတယ်။ တောင်ကိုးရီးယားနိုင်ငံရဲ့ အလုပ်သင်ဆရာဝန် ၁၃,၀၀၀ ထဲက ၉၃၀၀နီးပါးဟာ လက်ရှိ ဆန္ဒပြနေကြပါတယ်။ အစိုးရက ဆေး ကျောင်းတွေမှာ ကျောင်းသူကျောင်းသားတွေ ပိုလက်ခံဖို့ ဆုံးဖြတ်ခဲ့တာကို မကျေနပ်ကြတာပါ။ ဆန္ဒပြမှုတွေဟာ တောင်ကိုရီးယားတစ်နိုင်ငံလုံးမှာရှိတဲ့ ဆေးရုံ ၁၀၀ခန့်ကို ထိခိုက်သွားစေခဲ့ပါတယ်။ Source CCTV+

မတ်လဆန်းမှာ နွေရာသီရေကူးသင်တန်း‌တွေ နေပြည်တော်ဝဏ္ဏသိဒ္ဓိရေကူးကန်နဲ့ ရန်ကုန် မြို့ မြောက်ဒဂုံအမျိုးသားရေကူးကန်၊ ကုက္ကိုင်းရေကူးကန်တို့မှာဖွင့်မယ်
Yangon Times/tthl
#Local_News
#Published_ 24 February 2024
#YMG_News #Yangon_Times #Yangon_Media_Group

၂၄ ဖေဖော်ဝါရီ ၂၀၂၄

သူရမချစ်ပိုသည် မြန်မာနိုင်ငံ၏ ပထမဆုံးသော သူရဘွဲ့ရအမျိုးသမီးတစ်ဦးအဖြစ်ဂုဏ်ယူဖွယ် မော်ကွန်းတင်    နိုင်ခဲ့ပြီး စစ်အင်ဂျင်နီယာတပ်ဖွဲ့၏ ဂုဏ်ကိုမြှင့်တင်နိုင်ခဲ့ကြောင်း ဗိုလ်ချုပ်မှူးကြီးမင်းအောင်လှိုင်က စိန်ရတု   စစ်အင်ဂျင်နီယာတပ်ဖွဲ့နေ့အခမ်းအနားတွင် ဂုဏ်ပြုပြောကြားခဲ့ပါတယ်။

၇၅)နှစ်မြောက် စိန်ရတုစစ်အင်ဂျင်နီယာတပ်ဖွဲ့နေ့အခမ်းအနားကို ဖေဖော်ဝါရီ (၂၄)ရက်က နေပြည်တော်၊ စစ်ကြောရေးနှင့်တည်ခိုရေးစခန်းရှိ ဆင်ဖြူရှင်ခန်းမ၌ ကျင်းပပြုလုပ်ရာ နစကဥက္ကဋ္ဌ တပ်မတော်ကာကွယ်ရေး      ဦးစီးချုပ်ဗိုလ်ချုပ်မှူးကြီး မင်းအောင်လှိုင် တက်ရောက်အမှာစကားပြောကြားရာမှာ ယင်းကို ထုတ်ဖော်ပြောကြားခဲ့ တာဖြစ်ပါတယ်။

၁၉၄၉ခုနှစ် ဖေဖော်ဝါရီ ၂၁ရက်နေ့တွင် KNDO သောင်းကျန်းသူများကမေမြို့ (ယခု ပြင်ဦးလွင်မြို့ )ကို တိုက်ခိုက်  သိမ်းပိုက်ခဲ့ကြရာ အဆိုပါသောင်းကျန်းသူများကို လေ့ကျင့်ရေးအင်ဂျင်နီယာတပ်ရင်းမှ တပ်ကြပ်လှမောင်၏ ဇနီး မချစ်ပိုသည် ယင်းတပ်ရင်းမှ အရာရှိ စစ်သည်များနှင့်အတူ ရဲဝံ့စွာဖြင့် KNDO ကို ပြန်လည်တိုက်ခိုက်တိုက်ပွဲဝင်ခဲ့ သူဖြစ်ပါတယ်။ အဲဒါကြောင့် ဖေဖော်ဝါရီ (၂၄)ရက်နေ့တွင် မေမြို့ကို ပြန်လည်သိမ်းပိုက်ရရှိခဲ့တယ်လို့သိရပါတယ်။

“ အဆိုပါတိုက်ပွဲတွင် လေ့ကျင့်ရေးအင်ဂျင်နီယာတပ်ရင်းမှ တပ်ကြပ်လှမောင်၏ဇနီး မချစ်ပို၏ ရဲစွမ်းသတ္တိသည် သမိုင်းတွင် မော်ကွန်းရေးထိုးနိုင်ခဲ့သည်ကို တွေ့ရှိရကြောင်း၊ မချစ်ပိုသည် စစ်သားဇနီးပီသစွာနှင့် အရေးကြုံ   လာချိန်တွင် အာဇာနည်သူရဲကောင်း စိတ်ဓာတ်နှင့် မိမိအသက်ကို မငဲ့ကွက်ဘဲ တိုင်းပြည်အတွက် စွန့်လွှတ်     စွန့်စားတိုက်ပွဲဝင်ခဲ့သူတစ်ဦးပင်ဖြစ်တယ်” လို့ ဗိုလ်ချုပ်မှူးကြီးက သူရမချစ်ပိုကို ဂုဏ်ပြုချီးကျူးပြောဆိုခဲ့ပါတယ်။

“မချစ်ပိုသည် သောင်းကျန်းသူများကိုတိုက်ခိုက်ရင်း ၁၉၄၉ ခုနှစ်၊ ဧပြီလ ၈ ရက်နေ့တွင် သောင်းကျန်းသူများ၏ ဖမ်းဆီးသတ်ဖြတ်ခြင်းခံခဲ့ရပြီး သူရဲကောင်းပီသစွာဖြင့် တိုင်းပြည်အတွက် အသက်ပေးလှူခဲ့ရကြောင်း၊ ထိုသို့     မချစ်ပို၏ သူရဲကောင်းပီသမှုနှင့် ရဲစွမ်းသတ္တိပြည့်ဝမှုများကို ၁၉၅၀ ပြည့်နှစ်မှာ နိုင်ငံတော်က သူရဘွဲ့ပေးအပ်ပြီး အသိအမှတ်ပြုချီးမြှင့်ခဲ့ခြင်းကြောင်း” ဗိုလ်ချုပ်မှူးကြီးက အမှတ်တရပြောဆိုပါတယ်။

ထိုသို့ထူးချွန်ပြောင်မြောက်စွာဖြင့် ရဲစွမ်းသတ္တိပြသနိုင်ခဲ့သည့် စစ်အင်ဂျင်နီယာတပ်ဖွဲ့ကို ဂုဏ်ပြုသည့်အနေနဲ့ ပြင်ဦးလွင်မြို့ကို ပြန်လည်သိမ်းပိုက်နိုင်ခဲ့သည့် ၁၉၄၉ခုနှစ်၊ ဖေဖော်ဝါရီ ၂၄ ရက်ကို စစ်အင်ဂျင်နီယာတပ်ဖွဲ့နေ့  အဖြစ် သတ်မှတ်ခဲ့ခြင်းဖြစ်ကြောင်းသိရပါတယ်။

မြန်မာ့လွတ်လပ်ရေး ကြိုးပမ်းမှုကာလကတည်းက တပ်မတော်၏ လက်ရုံးဝန်ထမ်း တပ်ဖွဲ့တစ်ခုအဖြစ်ပါဝင်ခဲ့  သည့် စစ်အင်ဂျင်နီယာတပ်ဖွဲ့သည် ခေတ်နှင့်အညီ ပြောင်းလဲတိုးတက်နေသည့်အင်ဂျင်နီယာဆိုင်ရာ နည်းပညာများကို ကြိုးစားလေ့လာပြီး စွမ်းရည်ထက်မြက်သည့်တပ်ဖွဲ့တစ်ခုဖြစ်အောင် ကြိုးစားတည်ဆောင်ကြဖို့  လည်း ဗိုလ်ချုပ်မှူးကြီးက ဆက်လက်မှာကြားပါတယ်။

စစ်အင်ဂျင်နီယာတပ်ဖွဲ့၏သမိုင်းကြောင်းကို လေ့လာကြည့်ပါက ၁၉၃၇ ခုနှစ်တွင် အိန္ဒိယပြည် Madras Sapper Miners တပ်မှ ခွဲထွက်ပြီး Burma Sapper Miners တပ်အဖြစ် စတင်သန္ဓေတည်ပေါ်ပေါက်လာသည်ကို တွေ့ရှိရပြီး လွတ်လပ်ရေးကြိုးပမ်းမှုကာလ အဆင့်ဆင့်ပြောင်းလဲဖွဲ့စည်းခဲ့သည့် မြန်မာ့တပ်မတော်တွင်လည်း စစ်အင်ဂျင်နီ ယာတပ်ဖွဲ့သည် လက်ရုံးဝန်ထမ်းတပ်ဖွဲ့တစ်ခုအဖြစ်ပါဝင်နေခြင်းဖြစ်ကြောင်းသိရှိရပါတယ်။

စစ်အင်ဂျင်နီယာတပ်ဖွဲ့သည် စစ်ကျန်မြေမြှုပ်မိုင်းများ ရှင်းလင်းရေးလုပ်ငန်းများနှင့် လူသားချင်းစာနာ ထောက်ထားမှုဆိုင်ရာ မိုင်းရှင်းလင်းရေး (HumanitarianDemining)လုပ်ငန်းများကို ဆောင်ရွက်နေပြီး အထူး မိုင်းရှင်းလင်းရေးအဖွဲ့ (EOD Squad) များကို စစ်မြေပြင်အင်ဂျင်နီယာတပ်ရင်းများတွင် ဖွဲ့စည်းထားရှိကာ မြို့တွင်း    မိုင်းရှင်းလင်းရေး လုပ်ငန်းများနှင့် စစ်ကျန်မကွဲဗုံးသီးများ ဖယ်ရှားရှင်းလင်းရေးလုပ်ငန်းများကို ဆောင်ရွက်ပေး    လျက်ရှိတယ်လို့ သတင်းထုတ်ပြန်ချက်မှာဖော်ပြထားပါတယ်။

ယင်းအပြင် စစ်အင်ဂျင်နီယာတပ်ဖွဲ့အနေဖြင့်သဘာဝဘေးအန္တရာယ်ကူညီကယ်ဆယ်ရေးလုပ်ငန်းများနှင့်ပြန်လည် တည်ဆောက်ရေးလုပ်ငန်းများတွင် အင်ဂျင်နီယာပိုင်းဆိုင်ရာ နည်းပညာများ၊ အတတ်ပညာများ၊ စက်၊ယာဉ်၊ ယန္တရားများနှင့် အင်တိုက်အားတိုက်ပါဝင်ကူညီဆောင်ရွက်ပေးလျှက်ရှိကြောင်းလည်းသိရှိရပါတယ်။

အခမ်းအနားသို့ ဗိုလ်ချုပ်မှူးကြီးနှင့်အတူ နစကဒုတိယဥက္ကဋ္ဌ ဒုတိယတပ်မတော်ကာကွယ်ရေးဦးစီးချုပ်     ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ညှိနှိုင်းကွပ်ကဲရေးမှူး(ကြည်း၊ရေ၊လေ)  ဗိုလ်ချုပ် ကြီး မောင်မောင်အေး၊ ကာကွယ်ရေးဦးစီးချုပ်(ရေ) ဒုတိယဗိုလ်ချုပ်ကြီး ဇွဲဝင်းမြင့်၊ ကာကွယ်ရေးဦးစီးချုပ် (လေ) ဗိုလ်ချုပ်ကြီး ထွန်းအောင်၊ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ပြည်ထောင်စု    အဆင့်ပုဂ္ဂိုလ်များ၊နေပြည်တော်တိုင်းစစ်ဌာနချုပ်တိုင်းမှူး၊ အငြိမ်းစားစစ်အင်ဂျင်နီယာတပ်ဖွဲ့ဝင်အရာရှိကြီးများ၊ အရာရှိ၊ စစ်သည်များ တာဝန်ရှိသူများနှင့် ဖိတ်ကြားထားသူတွေတက်ရောက်ခဲ့ကြတာဖြစ်ပါတယ်။

@ymg/knl

ကိဗ်-ခရာမာတော့စ်ခ် ရထားလိုင်းဟာ ယူကရိန်းမှာ အများဆုံးသွားလာနေရပြီး ယူကရိန်းတပ်သားများ အားလပ်ချိန်တွေမှာ စစ်မြေပြင်နဲ့ မိသားစုတို့ထံ အသွားအလာပြုလုပ်ဖို့ အရေးကြီးတဲ့ သွားလာရေးတစ်ခု ဖြစ်နေပါတယ်။
ရုရှားနဲ့ ယူကရိန်းစစ်ပွဲက ၃ နှစ်ကြာမြင့်နေပြီဖြစ်ကာ ၇ နာရီကြာတဲ့ ခရီးစဥ်က တပ်သားအတော်များများအတွက် မိသားစုဆီ လာရာလမ်းဖြစ်နေပါတယ်။
#World_News
#Published_ 24 February 2024
#YMG_News #Yangon_Times #Yangon_Media_Group

#Daily_News
Published_ 24 February 2024

၁။ ရွှေတိဂုံစေတီတော်တွင် မြန်မာ့ရိုးရာ ထမနဲထိုးပြိုင်ပွဲကျင်းပ၊ ထမနဲဒယ်(၃၀၀)ကျော် လှူရန်ရှိ

၂။ ဓာတ်ဆီတစ်လီတာလျှင် (၁၀)ကျပ်တက်၍ ဒီဇယ် ကျပ် (၃၀)အထိသာ ကျဆင်းပြီး‌ ဈေးအမြင့်ပိုင်း၌သာ ဆက်ရှိ

၃။ ပုံမှန်ဈေးတန်းကို ပြန်ရောက်လာသည့် မွေးမြူရေးငါးဈေးကွက်

၄။ (၇)နာရီကြာမြင့်သည့် ရထားဖြင့် ယူကရိန်းစစ်မြေပြင်နှင့် နေအိမ်သို့ နေ့ချင်းသွားလာနေကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

24 February 2024

အသက်ဆုံးရှုံးသွားသော မြန်မာသင်္ဘောသား (၂)ဦး၏အသက် အာမခံကြေးရရန်ခက်ခဲနေမှုကို မြန်မာနိုင်ငံပင်လယ်ကူးသင်္ဘောသားအလုပ်သမားများအဖွဲ့ချုပ် (MSF)မှ ဖြေရှင်းကူညီပေးနိုင်ခဲ့ကြောင်း သိရသည်။

အဆိုပါသင်္ဘောသားနှစ်ဦးမှာ သင်္ဘောလိုက်စဉ်ကာလအတွင်း( သို့မဟုတ်) အလုပ်ခန့်စာချုပ်ကာလသက်တမ်းအတွင်း အသက်ဆုံးရှုံးခဲ့ခြင်းဖြစ်ပြီး အဖွဲ့ချုပ်၏ကူညီမှုဖြင့် အသက်အာမခံကြေးရရှိခဲ့ခြင်းဖြစ်သည်။

မြန်မာသင်္ဘောသားနှစ်ဦးအနက် လွန်ခဲ့သည့် (၃) နှစ်ကျော်က ဓားထိုးဒဏ်ရာဖြင့် အသက်သေဆုံးသည့် သင်္ဘောသား၏ အသက်အာမခံနှင့် လွန်ခဲ့သည့် (၉) လခန့်က ရေထဲပြုတ်ကျ၍ အသက်သေဆုံးသည့် မြန်မာသင်္ဘောသား၏ အသက်အာမခံ (၁) ဦးလျှင် အသက်အာမခံလျော်ကြေး သိန်းနှစ်ရာ (၂၀,၀၀၀,၀၀၀) စုစုပေါင်း သိန်းလေးရာ (၄၀,၀၀၀,၀၀၀) အား အမွေစားအမွေခံမိခင် (၂) ဦးမှ ယနေ့ ၂၀၂၄-၀၂-၂၂ ရက် ကြာသပတေးနေ့တွင် မြန်မာ့အာမခံမှထုတ်ယူရရှိခဲ့သည်။

MSF အဖွဲ့ချုပ်၏ အသင်းသားဟုတ်သည် ဖြစ်စေ၊ အသင်းသားမဟုတ်သည်ဖြစ်စေ အဖွဲ့ချုပ်သို့ ကြုံတွေ့ရသည့် အခက်အခဲပြဿနာများအား အဖွဲ့ချုပ်ရုံးသို့ လူကိုယ်တိုင်လာရောက်၍ဖြစ်စေ၊ Messenger Chat Box မှတစ်ဆင့်ဆက်သွယ်၍ဖြစ်စေ တင်ပြဆွေးနွေးနိုင်ကြောင်းနှင့်

သင်္ဘောလိုက်စဉ်ကာလအတွင်း( သို့မဟုတ်) အလုပ်ခန့်စာချုပ်ကာလသက်တမ်းအတွင်း ကြုံတွေ့ရသည့် ထိခိုက်ဒဏ်ရာရမှုနှင့်အသက်သေဆုံးမှုများအတွက် အချိန်ဆွဲမနေဘဲ မဆိုင်းမတွ အဖွဲ့ချုပ်သို့လာရောက်တင်ပြဆွေးနွေးရန် တိုက်တွန်းကြောင်း၊

အချို့သော SRPS များသည် မသိနားမလည်သည့် မိသားစုဝင်များအား လှည့်ပတ်ပြောဆို၍ သဘောတူညီမှုများအား လက်မှတ်ရေးထိုးခိုင်း‌နေသည်ကို အမှုတိုင်တန်းသည့် သင်္ဘောသားနှင့်မိသားစုများထံမှ ကြားသိနေရပါသဖြင့် SRPS ဖြစ်စေ၊ သင်္ဘောသားဖြစ်စေ၊ မိသားစုဖြစ်စေ သင်္ဘောသား၏ရပိုင့်ခွင့်နှင့်ခံစားခွင့်ကိစ္စများရှင်းလင်းရန်အတွက် MSF အဖွဲ့ချုပ်ရုံးသို့ လာရောက်တိုင်ပင်ပါရန် တံခါးဖွင့်ကြိုဆိုလျှက်ရှိပါကြောင်း အသိပေးအပ်ကြောင်း မြန်မာနိုင်ငံပင်လယ်ကူးသင်္ဘောသား အလုပ်သမားများအဖွဲ့ချုပ်(MSF)မှ ဖော်ပြထားသည်။
Yangon Times/tthl
#Local_News
#Published_ 24 February 2024
#YMG_News #Yangon_Times #Yangon_Media_Group

Published 24 February 2024

ကချင်ပြည်နယ် မြစ်ကြီးနား မြို့ တွင် ပြုလုပ်မည့် ယာယီ ကုန်တင်ယာဉ်ကြီးများ ရပ်နားစခန်း အကောင်ထည် ဖေါ်ဆောင်ရွက် ရန် ဆက်စပ် လုပ်ငန်း များ အတွက် ကချင်ပြည်နယ် အစိုးရအဖွဲ့၊ သယံဇာတ ရေးရာဝန်ကြီးဌာန ကချင်ပြည်နယ်စည်ပင်သာယာရေး အဖွဲ့ က တင်ဒါခေါ်ယူကြောင်း နိုင်ငံပိုင် သတင်းစာမှ တစ်ဆင့် ကြေညာထားသည်။

အဆိုပါ ကုန်တင်ယာဉ်ကြီးရပ်နားစခန်း ကို မြစ်ကြီးနား မြို့နယ် စည်ပင်သာယာရေး အဖွဲ့ ပိုင်မြစ်ကြီးနားမြို့၊ပမ္မတီး ရပ်ကွက် ရွှေပြည်သာကွက်သစ်ရှိ ဈေးနှင့် ပွဲရုံတန်း လျာထားမြေနေရာ တွင်ဖြစ်ပြီ ၇ဧက ကျော် ကျယ်ဝန်းကြောင်း သိရသည်။

ယင်း ကားကြီးဝင်း အဖြစ် အကောင်ထည် ဖေါ်ဆောင်ရွက်ရန် အတွက် ဆက်စပ်လုပ်ငန်း ၈ ရပ်ကို BOTစနစ် ဖြင့် (၁၀၀%) ရင်းနှီးမြုပ်နှံလိုသည့် မြန်မာနိုင်ငံသား တိုင်းရင်းသား လုပ်ငန်းရှင်များ ကို တတိယ အကြိမ် တင်ဒါ ခေါ်ယူ ခြင်း ဖြစ်ကြောင်း သိရသည်။

တင်ဒါ လျှောက်လွှာများ ကို ကချင်ပြည်နယ် စည်ပင်သာယာရေး အဖွဲ့ရုံး တွင် ရုံးချိန် အတွင်း ၀ယ်ယု နိုင် ပြီး အဆိုပါ တင်ဒါ ပုံစံ များ ကို မတ်လ ၂၂ရက် နောက်ဆုံး ထား တင်သွင်းရမည် ဖြစ်ကြောင်း သိရသည်။
Yangon Times/LW
#Local_News
#Published_ 24 February 2024
#YMG_News #Yangon_Times #Yangon_Media_Group

ပြီးခဲ့တဲ့လပိုင်းက ငါးအမျိုးအစားအလိုက် တပိသာကို ကျပ် ၅၀၀ မှ ၇၀၀ အထိ ဈေးကျနေခဲ့တဲ့ မွေးမြူရေး ငါးဈေးကွက်ဟာ လက်ရှိမှာတော့ ပုံမှန်ဈေးနီးပါး ပြန်လည်ရောက်ရှိလာတယ်လို့ ပဲခူးတိုင်း အရှေ့ဘက်ခြမ်းရှိ ငါးမွေးမြူရေး လုပ်ငန်းရှင်များထံက သိရပါတယ်။
Yangon Times/LW
#Local_News
#Published_ 24 February 2024
#YMG_News #Yangon_Times #Yangon_Media_Group