မြန်မာသံရုံး၊ တိုကျိုမြို့အနေ နဲ့ ဂျပန်နိုင်ငံမှာ ရောက်ရှိနေကြတဲ့ မြန်မာနိုင်ငံသားတွေရဲ့အကျိုးစီးပွားနှင့် ကောင်စစ်ဆိုင်ရာကိစ္စရပ်တွေကို ဆောင်ရွက်ပေးလျက်ရှိရာ သံရုံးကို လစဉ်လာရောက်သူ နိုင်ငံသားဦးရေဟာ ထောင်နှင့်ချီရှိပြီး စာတိုက်မှတစ်ဆင့် ပေးပို့သက်တမ်းတိုး လျှောက်ထားမှုတွေလည်း နေ့စဉ်အဆက်မပြတ် ဝင်ရောက်လျက်ရှိပြီး အချို့ရက်တွေမှာ သံရုံးကို လာရောက်သူအရေအတွက်ဟာ ကောင်စစ်အဆောက်အဦးအတွင်း လက်ခံနိုင်တဲ့ လူဦးရေထက်များစွာကျော်လွန်နေတဲ့အတွက် တန်းစီစောင့်ဆိုင်းရတာတွေရှိပါတယ်။
Yangon Times/LW
#Local_News
#Published_ 5 March 2024
#YMG_News #Yangon_Times #Yangon_Media_Group

ကမ္ဘာ့ရွှေဈေးတက်လို့ မြန်မာ့ရွှေဈေး လိုက်တက်နိုင်ပေမယ့်လည်း ဝယ်နိုင်တဲ့သူ‌တွေနဲ့ ဝယ်လိုအားသိပ်မရှိတာက တစ်ကြောင်း၊ မတ်လမှာ ရွှေတွင်းတွေကနေ ရွှေပေါပေါများများ ထွက်လာမှာကတစ်ကြောင်း ဈေးသိပ်တက်နိုင်ဘူး။
Yangon Times/tthl
#Local_News
#Published_ 5 March 2024
#YMG_News #Yangon_Times #Yangon_Media_Group

Published_ 5 March 2024

ရှမ်းပြည်နယ်အတွင်းရှိ မန်တုံ၊ နမ့်ဆန်နှင့်နမ္မတူ မြို့နယ် (၃) မြို့နယ်တို့ကို  မတ်လ (၄) ရက်တွင် စစ်အုပ်ချုပ်ရေး (Martial Law)အဖြစ် နစကမှထုတ်ပြန် ကြေညာလိုက်ကြောင်း သိရသည်။

အရှေ့မြောက်တိုင်းစစ်ဌာချုပ်၏တိုင်းမှူးအား အရှေ့မြောက်တိုင်းစစ်ဌာနချုပ်နယ်မြေ ရှမ်းပြည်နယ်အတွင်းရှိမန်တုံ၊ နမ့်ဆန်နှင့်နမ္မတူ မြို့နယ် (၃) မြို့နယ်တို့ကို အုပ်ချုပ်ရေးနှင့်တရားစီရင်ရေးဆိုင်ရာ စစ်အုပ်ချုပ်ရေး (Martial Law) အာဏာကို ကျင့်သုံးရန် ဖွဲ့စည်းပုံအခြေခံဥပဒေပုဒ်မ ၄၁၉အရ အပ်နှင်းလိုက်သည်ဟု နစက၏ ထုတ်ပြန်ချက်၌ဖော်ပြထားသည်။

တိုင်းမှူးသည် အချိန်နှင့်တစ်ပြေးညီ ဖြစ်ပေါ်‌ ပြောင်းလဲလာသည့်အခြေအနေအရပ်ရပ်အပေါ်မူတည်ပြီး မိမိကိုယ်တိုင်သော်လည်းကောင်း၊စစ်နယ်မြေမှူးများကို တာဝန်လွှဲအပ်၍လည်းကောင်း စစ်အုပ်ချုပ်ရေး (Martial Law)အာဏာကိုကျင့်သုံးနိုင်သည်ဟု ဖော်ပြပါရှိသည်။

၂၀၂၄ ဖေဖော်ဝါရီလ ၂၈ ရက်နေ့ကလည်း ရှမ်းပြည်နယ်မြောက်ပိုင်းကမိုးမိတ်မြို့နယ်နဲ့မဘိမ်း မြို့နယ်တို့ကိုလည်း စစ်အုပ်ချုပ်ရေး (Martial Law)အာဏာကျင့်သုံးရန်ထုတ်ပြန်ခဲ့ပြီး မတ်လ(၄)ရက်အထိ မြန်မာနိုင်ငံထဲက မြို့နယ်ပေါင်း ၆၁ မြို့နယ်တွင်  စစ်အုပ်ချုပ်ရေး ကြေညာထားကြောင်း အချက်အလက်ဆိုင်ရာစုဆောင်းဖော်ပြသည့်Page၌ ဖော်ပြထား‌ကြောင်း သိရသည်။
Yangon Times/tthl
#Local_News
#Published_ 5 March 2024
#YMG_News #Yangon_Times #Yangon_Media_Group

Published 5 March 2024

မန္တလေးတိုင်းဒေသကြီး၊ အောင်မြေသာစံမြို့နယ်၊ ဉပုသ်တော်ရပ်ကွက်၊ (၇၆)လမ်း၊ (၃x၄)လမ်းကြား တွင် ယနေ့နံနက် ပိုင်းက မီးလောင်မှု ဖြစ်ပွားကြောင်း မီးသတ်တပ်ဖွဲ့ ထံ ကသိရသည်။

မတ်လ ၅ ရက် နံနက် ၄နာရီ ၃၅မိနစ် ခန့်က လောင်ကျွမ်းခဲ့ ခြင်း ဖြစ်ကာမီးလောင်မှုဖြစ်ပွားကြောင်းသတင်းရရှိသဖြင့် Level 1 ယာဉ်အုပ်စုများ ထွက်ခွာငြှိမ်းသတ်ခဲ့ရာ ၄နာရီ ၅၅မိနစ် တွင် မီးငြိမ်းခဲ့ကြောင်း သိရသည်။

မီးလောင်သည့်အကြောင်းရာနှင့်ဆုံးရှုံးသည့် တန်ဖိုး ကို သက်ဆိုင်ရာကစစ်ဆေးလျက်ရှိကြောင်း သိရသည်။ မတ်လ ၄ရက် ညနေ ၄နာရီ ခန့်ကလည်း မန္တလေးတိုင်းဒေသကြီး၊ ချမ်းမြသာစည်မြို့နယ်၊ (၄၈) လမ်း၊ မနော်ဟရီလမ်းရှိ စက်သုံးဆီ ဆိုင် တွင် မီးလောင်မှု ဖြစ်ပွားခဲ့သေးသည်။
Yangon Times/LW
#Local_News
#Published_ 5 March 2024
#YMG_News #Yangon_Times #Yangon_Media_Group

#World_Health
Published 05 March 2024

အီတလီ၊ ဂျပန်၊ ဂရိနိုင်ငံတို့ဟာ ကမ္ဘာ့ Blue Zones လို့ခေါ်တဲ့ နေရာတွေထဲမှာ ပါဝင်ပြီး ထိုနေရာမှ လူတွေရဲ့ အသက် ၁၀၀ အထိ အသက်ရှည်နိုင်ခြေဟာ အမေရိကန်လူမျိုးတွေထက် ၁၀ ဆလောက် ပိုများနေပါတယ်။

သက်ရှည်ကျန်းမာဖို့အတွက် အစားအသောက်နဲ့ နေထိုင်စားသောက်မှုပုံစံတွေက အရေးပါသလို ရာစုနှစ်သက်တမ်းရှိ သက်ကြီးရွယ်အိုတွေရဲ့ နည်းလမ်းတွေကလည်း မှတ်သားစရာ ဖြစ်နေပါတယ်။

 
(၁) ဝိုင်သောက်သုံးခြင်း

အယ်လ်ကိုဟောက မကောင်းပေမယ့် ဝိုင်အနည်းငယ်ကို အပေါင်းအသင်းတွေနဲ့ သောက်သုံးခြင်းကတော့ လူမှုဆက်ဆံရေး ကောင်းမွန်စေကာ စိတ်ပိုင်းဆိုင်ရာနဲ့ စိတ်ခံစားချက်များ တိုးတက်စေပါတယ်။

 
(၂) ဖိစီးမှုလျှော့ချခြင်း

ဖိစီးမှုများခြင်းက ကျန်းမာရေးကို ထိခိုက်စေရုံမက အိုမင်းခြင်းကို မြန်ဆန်စေပြီး ရောဂါများ ဝင်ရောက်စေနိုင်ပါတယ်။

ဖိစီးမှုများလာတိုင်း အသက်ပြင်းပြင်းရှူခြင်း အလေ့အထက စိတ်ပြေလျော့စေနိုင်ပါတယ်။

 
(၃) အသီးအရွက်များစားသုံးခြင်း

သုတေသီတွေက အသားများလျှော့စားရန်၊ အသီးအရွက် အခြေပြုပရိုတိန်းများ ပိုမိုစားသုံးရန် အကြံပြုထားကြပါတယ်။

 
(၄) ၈၀ ရာခိုင်နှုန်းသာပြည့်ဝအောင်စားခြင်း

သက်တော်ရှည်သူတွေဟာ ညနေခင်းမှာ အနည်းငယ်သာစားပြီးနောက် ဆက်လက်စားသုံးခြင်း မရှိသလို စားတဲ့အခါမှာ ၈၀ ရာခိုင်နှုန်းသာ ပြည့်ဝအောင် ကျင့်ကြံစားသုံးကြပါတယ်။

 
(၅) ပိုမိုလှုပ်ရှားသွားလာခြင်း

လှုပ်ရှားမှုပြုလုပ်ခြင်းနဲ့ လေ့ကျင့်ခန်းပြုလုပ်ခြင်းတို့က ပိုမိုကျန်းမာစေတယ်ဆိုတာ သိရှိထားပြီးဖြစ်သလို လှုပ်ရှားဖို့ အချိန်မရသူတွေကတော့ အကြောလျှော့ခြင်း၊ ဓာတ်လှေကားအစား လှေကားဖြင့် ခြေကျင်ဆင်းတက်ခြင်းတို့ ပြုလုပ်နိုင်ပါတယ်။

 
(၆) မိတ်ဆွေအပေါင်းအသင်း ရှာဖွေခြင်း

ချစ်ခင်ရင်းနှီးပြီး အကျိုးပြုတဲ့ လှုမှုဆက်ဆံရေးတွေဟာ အောက်ဆီတိုစင်ဟော်မုန်း ထွက်စေပြီး ဖိစီးမှုကို လျှော့ချပေးကာ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ ကျန်းမာရေးကို တိုးတက်စေပါတယ်။

 
(၇) ချစ်ခင်ရသူများကိုဦးစားပေးပါ

အသက်ရှည်ဖို့အတွက် မိသားစုတွေ၊ ချစ်ရသူတွေနဲ့ ရှိနေခြင်းက အဓိကကျပါတယ်။

မိဘတွေ၊ အဖိုးအဖွားတွေ၊ ဘဝလက်တွဲဖော်၊ ကလေးတွေရှိတဲ့သူတွေဟာ အသက်အရှည်ဆုံးလူတွေ ဖြစ်နေတတ်ပါတယ်။
 
(၈) အပေါင်းအသင်းထားခြင်း

တစ်ကိုယ်ရည် ကျန်းမာရေး စောင့်ရှောက်သူတွေ၊ အဖွဲ့အစည်း အသင်းကလပ်တွေထဲ ပါဝင်သူတွေ၊ ဘာသာရေးပွဲတွေမှာ ပါဝင်သူတွေဟာ ၁၄ နှစ်လောက် ပိုမိုအသက်ရှည်စေပါတယ်။
 
(၉) ဦးတည်ချက်ထားရှိခြင်း

ဒီအချက်က အချိန်တချို့ ပေးဆပ်စဥ်းစားရမှာဖြစ်ပေမယ့် ဘဝမှာ ဦးတည်ချက်ရှာဖွေခြင်းက အသက်ရှည်ဖို့ အရေးကြီးပါတယ်။

#World_Health #အသက်ရှည်ရှည်နေချင် #Source: New York Post

#World_Health
Published 05 March 2024

ကမ္ဘာတဝှမ်းက ကလေးတွေကြားမှာ နားကြပ်ကိရိယာ တပ်ဆင်လာကြတာ ခေတ်စားလာပေမယ့် ထိုကဲ့သို့ပစ္စည်းတွေဟာ အကြားအာရုံကို ထိခိုက်စေပါတယ်။

လူငယ်တွေကြား အသံနားကြပ် အသုံးပြုခြင်း များပြားလာတာဟာ စိုးရိမ်စရာဖြစ်လာပြီး ပိုမိုဆူညံပြင်းထန်တဲ့ အသံတွေ နားထောင်နေကြရပါတယ်လို့ မီချီဂန်တက္ကသိုလ်ဆေးရုံမှ ဒေါက်တာ ဆူဆန်ဝူးလ်ဖို့ဒ်က ဆိုပါတယ်။

ကလေးတွေက နားကြပ်ကို နေအိမ်၊ ကျောင်း၊ ကားပေါ်တို့မှာ အများဆုံးအသုံးပြုကြပြီး နားကြပ်အသုံးပြုခြင်းဟာ ကလေးတွေကို ကျေနပ်မိစေတယ်လို့ မိဘတဝက်လောက်က လက်ခံနေကြပါတယ်။

ဒါကြောင့် ကလေးတွေနဲ့ ဆယ်ကျော်သက်တွေဟာ အသံနားကြပ်ကြောင့် ဆူညံသံတွေ ပိုမိုနားထောင်မိနေကြတယ်လို့ အမေရိကန် ကလေးကျန်းမာရေး အကယ်ဒမီက ယမန်နှစ်က ထုတ်ပြန်ထားပါတယ်။

ဆူညံသံအကျယ်ကြီးတွေကို ကြာရှည်ထိတွေ့နေတာဟာ အကြားအာရုံပြဿနာ ဖြစ်နိုင်ပြီး အထူးသဖြင့် ကလေးတွေမှာ အကြားအာရုံစနစ် ဖွံ့ဖြိုးဆဲဖြစ်တာကြောင့် ပိုမိုထိခိုက်လွယ်ကြောင်း ဖော်ပြထားပါတယ်။

ကလေးတွေမှာ ဆူညံသံတွေ ဖုံးလွှမ်းနေပါက သူတို့ရဲ့ အိပ်စက်မှု၊ ပညာသင်ယူမှု၊ ဘာသာစကား၊ ဖိစီးမှု၊ သွေးပေါင်ချိန်တို့ကို သက်ရောက်စေပြီး မိဘတဝက်လောက်ကသာ ကလေးတွေ နားကြပ်အသုံးပြုချိန် ကန့်သတ်လျှော့ချတာမျိုးကို တိုက်တွန်းကြပါတယ်။

ကလေးတွေမှာ ဆူညံသံထိတွေ့မှုကို လျှော့ချနိုင်ရန်အတွက် နားကြပ်ထဲက အသံကျယ်လောင်မှုနဲ့ အသုံးပြုချိန်တို့ကို စောင့်ကြည့်ကြပ်မတ်ပြီး ထိခိုက်မှုအနည်းဆုံးဖြစ်အောင် ဂရုစိုက်ရမှာ ဖြစ်ပါတယ်။

တစ်နေ့ကို နားကြပ်အသုံးပြုချိန် မိနစ် ၆၀ ထက်မပိုဘဲ အသံကျယ်လောင်မှုကိုလည်း ၆၀ ရာခိုင်နှုန်းထက်မများအောင် ကန့်သတ်ထားရှိသင့်ပါတယ်။

ဆူညံသံမကြားရစေတဲ့ နားကြပ်ပစ္စည်းတွေက အသံအရမ်းမကျယ်မိစေရန် အထောက်အကူဖြစ်ပေမယ့် ပတ်ဝန်းကျင်က အသံတွေကို မကြားမိတာမျိုး ဖြစ်တတ်ပါတယ်။

ကလေးတွေ အိပ်ပျော်နေတဲ့အချိန်မှာ နားကြပ်ပစ္စည်းတွေ တပ်ဆင်ထားခြင်းမရှိအောင် မိဘများက ဂရုစိုက်ပေးသင့်ပါတယ်။

မိမိတို့ရဲ့ကလေးတွေ အကြားအာရုံချွတ်ယွင်းနေတယ်လို့ ယူဆပါက ကလေးဆရာဝန်၊ နားဆရာဝန်တို့ထံ သွားရောက်စစ်ဆေးသင့်ပါတယ်။

အကြားအာရုံချွတ်ယွင်းခြင်း လက္ခဏာများကတော့ ထပ်ခါထပ်ခါ မေးခြင်း၊ တုန်ခါသံများကြားနေရခြင်း၊ အနီးနားရှိ လူများကိုကျယ်လောင်စွာ ပြောဆိုခြင်း၊ စကားပြောရာတွင် နှောင့်နှေးနေခြင်း၊ ကျယ်လောင်သောအသံကို တုန့်ပြန်မှု မရှိခြင်းတို့ ပါဝင်နေပါတယ်။

#World_Health #နားကြပ်ကိရိယာ #အကြားအာရုံကိုထိခိုက်စေနိုင် #Source: The Jerusalem Post

တရုတ်နှင့်ထိုင်းနိုင်ငံတို့ ကြားအပြန်အလှန်ဗီဇာကင်းလွတ်ခွင့် စတင်အသက်ဝင်ကာ ဧည့်ခရီးသွားအရေအတွက်သိသိသာသာများပြားလာ

တရုတ်ပြည်နဲ့ ထိုင်းနိုင်ငံတို့ကြား အပြန်အလှန် ဗီဇာကင်းလွတ်ခွင့် သဘောတူညီချက်ဟာ သောကြာနေ့မှာ တရားဝင် စတင်သက်ရောက်နေပြီ ဖြစ်ပါတယ်။
#Asia_Economic
Published_ 4 March 2024
#အပြန်အလှန်ဗီဇာကင်းလွတ်ခွင့် #တရုတ်ပြည်နဲ့ထိုင်းနိုင်ငံ
#Yangon_Times #YMG_News #Yangon_Media_Group

၄ မတ် ၂၀၂၄

မြန်မာနိုင်ငံ၏ နယ်နိမိတ်နှင့် အချုပ်အခြာအာဏာသည် ဆက်လက်ခိုင်မြဲနေမှာဖြစ်တယ်လို့ ဗိုလ်ချုပ်ဇော်မင်းထွန်းက ပြောကြားပါတယ်။

တရုတ်နိုင်ငံ ကူမင်းမြို့တွင်ကျင်းပခဲ့သည့် ငြိမ်းချမ်းရေးဆွေးနွေးပွဲနှင့်ပတ်သက်၍ နစက သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ်ဇော်မင်းထွန်းက မီဒီယာများကို ရှင်းလင်းပြောကြားရာမှာ ယင်းအချက်ကိုထည့်သွင်းပြောကြားခဲ့ခြင်းဖြစ်ပါတယ်။

ဗိုလ်ချုပ်ဇော်မင်းထွန်း၏ ပြောကြားချက်အနှစ်ချုပ်မှာ

၁။နိုင်ငံတော်၏နယ်နိမိတ်နှင့်အချုပ်အခြာအာဏာသည် ဆက်လက်ခိုင်မြဲနေမှာဖြစ်

၂။ဒေသခံပြည်သူလူထုစီးပွားဘဝတည်ငြိမ်ရေးကိုရှေးရှပြီး ပစ်ခတ်တိုက်ခိုက်မှုရပ်စဲရေးနှင့် ပဋိပက္ခလျှော့ချရေးလမ်းစဉ်ကို ဆက်လက်ဆောင်ရွက်နေ

၃။နယ်စပ်ဒေသတည်ငြိမ်ရေး တရားဥပဓေစိုမိုးရေးနှင့် နယ်စပ်ဂိတ်များစီမံခန့်ခွဲမှု ကုန်သွယ်မှုတို့ နှစ်နိုင်ငံအစိုးရများရဲ့စီမံခန့်ခွဲမှုအောက်မှာပဲရှိမှာဖြစ်

၄။တရုတ်-မြန်မာနှစ်နိုင်ငံလုံးနှင့်သက်ဆိုင်တဲ့ အကျိုးစီးပွားများကို မြန်မာအစိုးရအနေနှင့် ဆက်လက် အလေးထားကာကွယ်မည်

၅။နယ်စပ်တည်ငြိမ်ရေးကို ထိခိုက်စေတဲ့ မူးယစ်ဆေးဝါး ဆိုက်ဘာမှုခင်း နှစ်နိုင်ငံအစိုးရပူးပေါင်း ပြတ်ပြတ်သားသားနှိမ်နှင်းသွားမည်

၆။မြန်မာနိုင်ငံ၏ပိုင်နယ်နယ်မြေကိုအသုံးပြုပြီး အိမ်နီးချင်းနိုင်ငံများ၏ အကျိုးစီးပွားကိုထိခိုက်အောင် လုပ်ဆောင်သည့် မည်သည့်လုပ်ဆာင်မှုကိုမှ မြန်မာနိုင်ငံကလက်မခံ

၇။ငြိမ်းချမ်းရေးဆွေးနွေးမှုကိုဖြစ်မြောက်အာင် လုပ်ဆောင်ပေးသည့် တရုတ်နိုင်ငံအစိုးရနှင့်သက်ဆိုင် သူအားလုံးကို နစက ကျေးဇူးတင်ကြောင်း ဟူ၍ဖြစ်ပါတယ်။

အသေးစိတ်ကို ဖော်ပြပါရုပ်သံတွင်ကြည့်ရှုနိုင်ကြပါတယ်။

@ymg/knl

#Daily_News
Published_ 4 March 2024

၁။ ယခုနှစ်တက္ကသိုလ်ဝင်စာမေးပွဲဝင်ဖြေမည့်သူများ စာမေးပွဲကျရှုံးမည့်သူမရှိ၍ မစိုးရိမ်ကြရန်ပြော

၂။ စစ်မှုထမ်းဥပဒေနှင့်ပတ်သက်ပြီး ခြိမ်းခြောက်ငွေညှစ်မှုများရှိပါက ဆက်သွယ်အကူညီတောင်းနိုင်ဟု ပြည်သူ့ပါတီဥက္ကဌ ဦးကိုကိုကြီးပြော

၃။ မန်းရွှေစက်တော်ဘုရားဖူးများ သင်္ကြန်ကာလမှာ mini water park  များဖြင့် မန်း‌ချောင်းအတွင်းအပန်းဖြေနိုင်ပြီ 

၄။ တရုတ်နှင့်ထိုင်းနိုင်ငံတို့ကြားအပြန်အလှန် ဗီဇာကင်းလွတ်ခွင့်စတင်အသက်ဝင်ကာ ဧည့်ခရီးသွားအရေအတွက်သိသိသာသာများပြားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Lcoal_News
Published 4 March 2024

မန္တလေးတိုင်းဒေသကြီး၊ ချမ်းမြသာစည်မြို့နယ်၊ (၄၈) လမ်း၊ မနော်ဟရီလမ်းရှိ စက်သုံးဆီဆိုင်တွင် မီးလောင်မှု ဖြစ်ပွားခဲ့ကြောင်း မီးသတ်တပ်ဖွဲ့နှင့်ဒေသခံ ပရဟိတ အသင်းထံက သိရသည်။

မတ်လ ၄ရက် ညနေ ၃နာရီ ၅၈ မိနစ် ခန့်က လောင်ကျွမ်းခဲ့ခြင်းဖြစ်ပြီး မီးလောင်မှုဖြစ်ပွားကြောင်း သတင်းရရှိသဖြင့် Level 1 ယာဉ်အုပ်စု ထွက်ခွာငြှိမ်းသတ်ခဲ့ရာ ၄နာရီ ၅မိနစ် ခန့် တွင် မီးငြိမ်းခဲ့ကြောင်း သိရသည်။

မီးလောင်ကျွမ်းမှုကြောင့် ဆီဆိုင် အတွင်း အိမ်စီး ကားအပါအဝင် အခြား ပျက်စီးဆုံးရှုံးမှု အချို့ရှိခဲ့ပြီး မီးလောင်ကျွမ်းသည့် ဖြစ်စဉ်နှင့်ဆုံးရှုံးသည့်တန်ဖိုး ကို စစ်ဆေးလျက်ရှိကြောင်း သိရသည်။

#Lcoal_News #မန္တလေး ချမ်းမြေ့သာစည် #စက်သုံးဆီဆိုင်မီးလောင်မှုဖြစ်ပွား #YMG/LW #Yangon_Times

#Local_News
Published-4 March 2024

ရန်ကုန်မြို့ရှိ ပြည်သူ့ရင်ပြင်နှင့်ပြည်သူ့ဥယျာဉ်အတွင်း၌  ရေဂါလန် (၂) သိန်းဆံ့ မြေအောက် ရေလှောင်ကန်တည်ဆောက်လျှက်ရှိရာလက်ရှိတွင်  ၉၀ရာခိုင်နှုန်းအထိပြီးစီးနေပြီဖြစ်ကြောင်း ရန်ကုန်မြို့တော်စည်ပင်သာယာရေးကော်မတီမှသိရသည်။

အဆိုပါ ရေဂါလန် (၂) သိန်းဆံ့ မြေအောက်ရေ လှောင်ကန်သည် အလျား ၈၀ ပေ၊ အနံ ၄၀ ပေ၊ အနက် ၁၁ ပေရှိ၍ ရေတွန်းစက်ရုံသည် အလျား ၄၀ ပေ၊ အနံ ၁၈ ပေရှိပြီး 30 HP (22kW) စက် (၄) လုံးဖြင့် ဆောင်ရွက်သွားမည်ဖြစ်ကြောင်းသိရသည်။

ထို့အပြင် ရေလှောင်ကန်အတွင်းသို့ မြေအောက်ရေကို သွယ်တန်းရယူ၍ ဖြည့်သွင်းသိုလှောင်သွားမည်ဖြစ်ပြီး ယင်းမြေအောက်ရေလှောင်ကန်ကို  အများပြည်သူ ပွဲလမ်းသဘင် အခမ်းအနားများတွင် အသုံးပြုနိုင်မည့်အပြင် အရန်ရေအတွက်ပါ စုဆောင်းထားနိုင်ဖို့အတွက် တည်ဆောက်ရေး ဆောင်ရွက်ခြင်းဖြစ်ကြောင်း သိရသည်။

#Local_News #ရေဂါလန်(၂) သိန်းဆံ့ #၉၀ရာခိုင်နှုန်းအထိပြီးစီး #YMG/NN #Yangon-Times

#Local_News
Published 4 March 2024

ပဲခူးတိုင်းဒေသကြီး၊ ညောင်လေးပင်မြို့နယ်၊ မြို့မ(၂)ရပ်ကွက်တွင် မီးလောင်မှုဖြစ်ပွားကြောင်း မီးသတ်တပ်ဖွဲ့ ထံ က သိရသည်။

မတ်လ ၄ရက် မနက် ၁၁နာရီ ၂၀မိနစ်ခန့်က လောင်ကျွမ်းခဲ့ခြင်းဖြစ်ပြီး မီးလောင်မှုဖြစ်ပွားကြောင်း သတင်းရရှိသဖြင့် ညောင်လေးပင်မြို့နယ်မီးသတ်စခန်းမှ မီးသတ်ယာဉ်(၄)စီးဖြင့် ထွက်ခွာငြှိမ်းသတ်ခဲ့ရာ ၁၁နာရီ ၄၀မိနစ် အချိန်တွင်မီးငြိမ်းခဲ့ကြောင်း သိရသည်။

အဆိုပါ မီးလောင်ကျွမ်းမှုကြောင့်နေအိမ်အချို့ မီးလောင်ဆုံးရှုံးခဲ့ပြီး မီးလောင်သည့်အကြောင်းရာနှင့်ဆုံးရှုံးမှု တန်ဖိုး ကိုသက်ဆိုင်ရာက စစ်ဆေးလျက်ရှိကြောင်း သိရသည်။

#Local_News #မြို့မ၂ရပ်ကွက် #မီးလောင်မှုဖြစ်ပွား #YMG/LW #Yangon_Times