#LocalNews
Published - 12 June 2022

နိုင်ငံ၏ ရှေ့လုပ်ငန်းစဉ်များ ပူးပေါင်းဆောင်ရွက်နိုင်ရေးအတွက် PDF အပါအဝင် အဖွဲ့အစည်းအမျိုးမျိုးတို့အနေဖြင့် လက်နက်အပ်နှံပြီး ပြန်လည်ဝင်ရောက်ရန် နိုင်ငံတော်စီမံအုပ်ချုပ်ရေးကောင်စီမှ ဇွန်လ ၁၁ ရက် ညပိုင်းတွင် ထုတ်ပြန်ကြေညာခဲ့သည်။

တိုင်းရင်းသားလူမျိုးများစွာ နေထိုင်လျက်ရှိသည့် မြန်မာနိုင်ငံအတွက် အချင်းချင်းသွေးစည်းညီညွတ်မှုရှိမှသာ ပြည်ထောင်စုကြီးမပြိုကွဲဘဲ အချုပ်အခြာအာဏာတည်တံ့ခိုင်မြဲမည်ဆိုသည်ကို အတိတ်သမိုင်းမှ သင်ခန်းစာများရရှိခဲ့ပြီးဖြစ်ကြောင်း နစက ထုတ်ပြန်ချက်တွင်ဖော်ပြထားသည်။

ယင်းအပြင် နိုင်ငံရေးအရ သဘောထားကွဲလွဲမှု၊ တိုင်းရင်းသားအရေးအရ သဘောထားကွဲလွဲမှုများကြောင့် ပြည်တွင်းလက်နက်ကိုင်ပဋိပက္ခများဖြစ်ပွားခဲ့ရပြီး နိုင်ငံဖွံ့ဖြိုးတိုးတက်ရေးကို ထိခိုက်ခဲ့ရကြောင်း၊ အကြမ်းဖက်အုပ်စုများဖြစ်သည့် CRPH နှင့် NUG တို့မှ နိုင်ငံတော်အလုံးစုံပျက်သုဉ်းရေးကို ဦးတည်ကာ အကြမ်းဖက်သတ်ဖြတ်မှုများကို လုပ်ဆောင်ရန် စည်းရုံးသိမ်းသွင်းခံထားရသူများသည် PDF အပါအဝင် အဖွဲ့အစည်းအမျိုးမျိုးအမည်ခံ၍ လက်နက်ကိုင်ဆန့်ကျင်မှုများကို ပြုလုပ်လာခဲ့ကြကြောင်း အဆိုပါကြေညာချက်တွင်ဖော်ပြထားသည်။

ယင်းသို့ ဆောင်ရွက်နေမည်ဆိုပါက နိုင်ငံတော်တည်ငြိမ်အေးချမ်းရေးနှင့် ဒီမိုကရေစီထွန်းကားရေးကို ထိခိုက်နှောင့်နှေးစေမည်ဖြစ်ကြောင်း၊ ယင်းအပြင် ပါတီစုံဒီမိုကရေစီအထွေထွေရွေးကောက်ပွဲ ပြန်လည်ကျင်းပနိုင်ရေး၊ ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုကို တည်ဆောက်ရေးတို့အတွက် ပြည်သူလူထုတစ်ရပ်လုံးပူးပေါင်းဆောင်ရွက်မှသာ အဆင်ပြေချောမွေ့စွာဖြင့် ဆောင်ရွက်နိုင်မည်ဖြစ်ကြောင်း သိရသည်။

ယင်းကြောင့် PDF အပါအဝင် အဖွဲ့အစည်းအမျိုးမျိုးတို့အနေဖြင့် နိုင်ငံတော်၏ ရှေ့လုပ်ငန်းစဉ်များတွင် ပါဝင်ပူးပေါင်းဆောင်ရွက်နိုင်ရေး သတ်မှတ်စည်းကမ်းချက်များနှင့်အညီ ဥပဒေဘောင်အတွင်းသို့ လက်နက်အပ်နှံပြီး ပြည်သူ့ဘဝသို့ ပြန်လည်ဝင်ရောက်ခြင်း ပြုမည်ဆိုပါက ကြိုဆိုလက်ခံသွားမည်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီက အသိပေးထုတ်ပြန်ခဲ့သည်။

ymg/sth
#Yangon_Media_Group

Published 12 June 2022

နိုင်ငံတကာ ဘောလုံးအားကစားသမားတစ်ဦးဖြစ်တဲ့ ခရစ်စတီယာနို ရိုနယ်လ်ဒိုအပေါ် နီဗားဒါးပြည်နယ်က အမျိုးသမီးတစ်ဦးက အဓမ္မပြုကျင့်ခဲ့တယ်ဆိုပြီး တိုင်တန်းခဲ့တဲ့ အမှုကို စွပ်စွဲသူရဲ့ ရှေ့နေဟာ ရိုးသားမှုမရှိဘဲ လိမ်ညာပြုမူခဲ့တဲ့အတွက် ဖက်ဒရယ်တရားသူကြီးတစ်ဦးက ပယ်ချလိုက်ပါတယ်။

သောကြာနေ့ကချမှတ်တဲ့အမိန့်ထဲမှာ အမေရိကန် ဒိစတြိတ်တရားသူကြီး ဂျနီဖာဒေါဆေးက ရိုနယ်လ်ဒိုနှင့် ကိုယ်ဟန်ပြမယ်ဟောင်း ကက်သရင်းမာရော်ဂါတို့အကြား တရားမမှုကို ပယ်ချလိုက်တာဖြစ်ပါတယ်။ တရားသူကြီး ဒေါဆေးက မာရောဂါရဲ ရှေ့နေ လက်စလီစတိုဗယ်လ်ကို “ ဒီအမှုကိုစွဲချင်တင်ဖို့ ခိုးယူထားပြီး တစ်ပန်းသာအောင်လုပ်ထားတဲ့ စာရွက်စာတမ်းတွေကို ထပ်ခါအသုံးပြုခဲ့တဲ့အတွက် ရှုတ်ချလိုက်ပါတယ်။

“ ဒီစာရွက်စာတမ်းတွေကို ရယူပြီး ဆက်လက်အသုံးပြုတာဟာ လိမ်ညာဖို့ကြံရွယ်ဆောင်ရွက်တာဖြစ်တယ်။ စတိုဗယ်ကို သာမာန်ပယ်ချလိုက်ရုံနှင့် ရိုနယ်လ်ဒိုအပေါ် အခြေအမြစ်မရှိစွပ်စွဲတာကို ပျောက်ကင်းစေမှာမဟုတ်ဘူး။ဘာဖြစ်လို့လဲဆိုတော့ မလျော်ကန်တဲ့ စာရွက်စာတမ်းတွေနှင့် လျှို့ဝှက်အကြောင်းအရာတွေဟာ မာရော်ဂါရဲ့ စွပ်စွဲချက်ထဲ ရောယှက်ထားလို့ ဖြစ်တယ်” လို့ တရားသူကြီးက ပြောပါတယ်။

အဲဒါကြောင့် ဒေါဆေးက အခြေအမြစ်မရှိတဲ့ တရားစွဲဆိုမှုအဖြစ်ပယ်ချလိုက်ပါတယ်။ မာရော်ဂါဟာ ဒီတရားရုံးတစ်ခုတည်းမှာ ထပ်ပြီး အမှုဖွင့်လို့မရတော့တာဖြစ်ပါတယ်။

၂၀၀၉ခုနှစ်တုန်းက သူတို့နှစ်ဦး နိုက်ကလပ်တစ်ခုမှာတွေ့ပြီးနောက် ရိုနယ်လ်ဒိုဟာ အဓမ္မပြုကျင့်ခဲ့တယ်။ အဲဒီနောက် သူ့ဟိုတယ်ကို ပြန်လာတယ်လို့ မာရော်ဂါက စွပ်စွဲခဲ့တာပါ။ ရိုနယ်လ်ဒိုရဲ့ ရှေ့နေအဖွဲ့က အဲဒီကိစ္စဟာ နှစ်ဦးသဘောတူ ဖြစ်ခဲ့တာလို့ တုန့်ပြန်ခဲ့ပါတယ်။

မာရော်ဂါဟာ ၂၀၁၈ခုနှစ်မှာ နီဗားဒါးတရားရုံးတစ်ခုမှာ ကနဦး အမှုဖွင့်ခဲ့ပါတယ်။ နောက်နှစ်မှာအဲဒီအမှုကို ရိုနယ်ဒိုဟာ လျှို့ဝှက်စာရွက်စာတမ်းတွေကို ဂျာမန်မီဒီယာတစ်ခုထံ ပေါက်ကြားခဲ့လို့ သဘောတူညီချက်ကို ချိုးဖောက်ခဲ့တယ်ဆိုကာ ဖက်ဒရယ်တရားရုံးဆီ လျှောက်ထားခဲ့ပါတယ်။

ရိုနယ်လ်ဒိုက အေးအေးဆေးဆေးနေပေးဖို့ဆိုပြီး သူမကို ဒေါ်လာ သုံးသိန်း ခုနှစ်သောင်းငါးထောင်ပေးဖို့ သဘောတူခဲ့ပါတယ်။ ရိုနယ်ဒိုအမှုဟာ အထောက်အထားမရှိလို့ ရာဇဝတ်မှုနှင့် တရားမစွဲနိုင်ဘူးလို့ တရားလိုရှေ့နေတွေက ငြင်းပယ်ပြီးနောက် အမှုကို ပြန်ဖွင့်ခဲ့တာဖြစ်ပါတယ်။

Source: Insider

#Local_News
Published_ 12 June 2022

ရခိုင်ပြည်နယ်၊ မောင်တောမြို့၌ ဇွန် ၈ ရက် နံနက် ၁၁ နာရီခွဲတွင်စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်းသိရပါတယ်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့၀င်များပါ၀င်သော ပူးပေါင်းအဖွဲ့သည် သတင်းအရ သက်သေများနှင့်အတူ မောင်တောမြို့နယ်၊ မောင်တော-ကျီးကန်းပြင်ကားလမ်း၊ ဟာဘီကျေးရွာအနီးတွင် စိုးအောင်သိန်း စီးနင်းမောင်းနှင်လာသည့်မော်တော်ဆိုင်ကယ်အား ရပ်တန့်စစ်ဆေးရှာဖွေခဲ့ပါတယ်။

ထိုသို့ရှာဖွေရာ စိတ်ကြွရူးသွပ်ဆေးပြား ၉၇၅၀ ပြား (ကာလပေါက်စျေးတန်ဖိုးငွေကျပ် ၁၉၅ သိန်း)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ပြီး စစ်ဆေးဖော်ထုတ်ချက်အရ မွန်းလွဲ ၁ နာရီ ၁၅ မိနစ်က မောင်တောမြို့၊ မြို့မအရှေ့ရပ်ကွက်တွင် ဒေါ်စိုးစိုးအေး(ခ)မိုးမိုးအေး(ခ)စိုးစိုး၊ ၀င်းချေ နှင့် အောင်နီလာ တို့အား လက်ကိုင်ဖုန်း ၃ လုံး နှင့် လည်းကောင်း၊ မွန်လွဲ ၂ နာရီက ဝေသာလီကျေးရွာတွင် စိန်လှထွန်း၊ အောင်ချမ်းအေး နှင့် အောင်မျိုး၀င်း တို့အား မော်တော်ဆိုင်ကယ် ၂ စီး၊ လက် ကိုင်ဖုန်း ၃ လုံးတို့နှင့်လည်းကောင်း၊ မွန်လွဲ ၃နာရီခွဲအချိန်တွင် ခရေမြိုင်ကျေးရွာရှိ သန်း၀င်း၏နေအိမ်အား ၀င်ရောက်ရှာဖွေရာ ၎င်းအားမတွေ့ရှိဘဲ ခိုင်မျိုးလင်းနှင့်အတူ နေအိမ်ခြံ၀င်းအတွင်းမှ စိတ်ကြွရူးသွပ်ဆေးပြား ၁၄၉၃၀ ပြား (ကာလပေါက်စျေးတန်ဖိုးငွေကျပ် ၂၉၈.၆ သိန်း) နှင့် လက်ကိုင်ဖုန်း ၁ လုံးတို့အားလည်းကောင်း၊ ညနေ ၄ နာရီ ၂၀ မိနစ်တွင် မြို့မအနာက်ရပ်ကွက်တွင် ဇော်မီအား လက်ကိုင်ဖုန်း ၁ လုံးနှင့်လည်းကောင်း တွေ့ရှိသိမ်းဆည်းရမိခဲ့ပါတယ်။

ထို့ကြောင့် စိုးအောင်သိန်း(၃၂)နှစ်၊ ဒေါ်စိုးစိုးအေး(ခ)မိုးမိုးအေး(ခ)စိုးစိုး(၄၅)နှစ်၊ ၀င်းချေ(၃၆)နှစ်၊ အောင်နီလာ (၅၄)နှစ်၊ စိန်လှထွန်း(၄၂)နှစ်၊ အာင်ချမ်းအေး(၃၈)နှစ်၊ အောင်မျိုး၀င်း(၃၁)နှစ်၊ ခိုင်မျိုးလင်း(၂၂)နှစ်၊ ဇော်မီ (၆၀)နှစ် နှင့် သန်းဝင်းတို့အား ပြင်ဖြူနယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အမှုဖွင့်အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရှိရပါတယ်။

ymg_mnn
#Yangon_Media_Group

#Local_News
Published_ 12 June 2022

ရန်ကုန်တိုင်းဒေသကြီး ဒဂုံမြို့သစ် (ဆိပ်ကမ်း)မြို့နယ်ရှိ ရတနာနှင်းဆီအိမ်ရာစီမံကိန်းမှ လူနေတိုက်ခန်းများ စတင်ရောင်းချပေးနေပြီဖြစ်ကြောင်း မြို့ ပြနှင့်အိမ်ရာဖွံ့ဖြိုးရေး ဦးစီးဌာနမှ သိရပါတယ်။

အဆိုပါစီမံကိန်းသို့ ဆောက်လုပ်ရေးဝန်ကြီးဌာန ဒုတိယဝန်ကြီးက ဇွန် ၁၁ ရက်တွင် ကွင်းဆင်းစစ်ဆေးခဲ့ကြောင်း သိရပါတယ်။

ရတနာနှင်းဆီအိမ်ရာမှာ အခန်းအကျယ် ၆၀၀ နဲ့ ၁၂၀၀ စတုရန်းပေကျယ်ဝန်းပြီး တစ်စတုရန်းပေ အနည်းဆုံးကျပ် ၁ သိန်းနှုန်းမှ စပြီးရောင်းချပေးနေပြီဖြစ်ကြောင်း သိရပါတယ်။

ဝယ်ယူလိုပါက ရတနာနှင်းဆီ အိမ်ရာအရောင်းခန်းမနှင့် ဗိုလ်တထောင်မြို့နယ်
မြို့ပြနှင့်အိမ်ရာဖွံ့ဖြိုးရေးဦးစီးဌာနမှာ ဆက်သွယ်ဝယ်ယူနိုင်ကြောင်း သတင်းရရှိပါတယ်။

ymg_mnn
#Yangon_Media_Group

Published 12 June 2022

လန်ဒန်မြို့တော်မှာ “ ငယ်သော်လှ၏” ဆိုတဲ့ ပြပွဲတစ်ရပ်ကို ခင်းကျင်းပြသနေရာ အဲဒီပြပွဲမှာ ပြည်တွင်းနှင့် နိုင်ငံတကာ ပန်းချီပန်းပုအနုပညာရှင် ၃၃ဦးက သူတို့ရဲ့ အသေးစားပုံံစံမျိုးစုံ ၁၄၃ မျိုးကိုပြသကြပါတယ်။

ဧည့်သည်တွေဟာ သူတို့ရဲ့ အသေးစားပုံတူကလေးတွေရဲ့အသေးစိတ်လက်ရာတွေကိုကြည့်ရှုပြီး ချီးမွမ်းကြပါတယ်။ အဲဒီလက်ရာတွေထဲမှာ နံရံတွေပေါ်က စက္ကူခေါက်လက်ရာတွေ၊ ဂရီတာ သန်းဘတ်ခေါင်းလောင်း ရုပ်တုကလေး၊အဆောက်အအုံပုံစံတူကလေးတွေ စသဖြင့် အများကြီးဖြစ်ပါတယ်။

အဲဒီအပြင် တောက်ပတဲ့ ရောင်စုံသကြားလုံးကလေးတွေနှင့်လုပ်ထားတဲ့ ပုံစံတူကလေးတွေကိုကြည့်ရတာမှာလည်း အံအားသင့်စရာ ပျော်ရွှင်စရာဖြစ်ပါတယ်။

“အရာကိစ္စတွေကိုပြောင်းလဲပစ်ဖို့ ကြိုးစားနေကြတဲ့ ကျွန်မတို့အကြားက လူကောင်ကလေးတွေကို ထောက်ခံအားပေးတာကို ပြသတာဖြစ်တယ်လို့  ပြပွဲမှာ ပုံစံတူအသေးကလေးတွေလာပြတဲ့ ပန်းပုဆရာမ လီဇာ ဆွာလင်းက ပြောပါတယ်။

ဒီပြပွဲကို တောင်ကန်ဆင်တန်မှာ ဇူလိုင်အထိပြသထားမှာဖြစ်ပါတယ်။

Source: AFP

#Local_News
Published_ 12 June 2022

ကျန်းမာရေးဝန်ကြီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာနက ပြည်တွင်း၌ ရောင်းချနေသည့် အလှကုန်ပစ္စည်းများကို စစ်ဆေးခဲ့ရာ ဖော်ပြပါအလှကုန်ပစ္စည်း (၄) မျိုးသည် အစားအသောက်နှင့် ဆေးဝါးကွပ်ကဲရေး ဦးစီးဌာန၌ မှတ်တမ်းတင်ထားခြင်းမရှိသည့်အပြင် ကျန်းမာရေးအတွက် ဘေးအန္တရာယ်ဖြစ်စေနိုင်သော တားမြစ်ဓါတုပစ္စည်းများ ပါဝင်နေကြောင်း စစ်ဆေးတွေ့ရှိရသဖြင့် အများပြည်သူလူထုသုံးစွဲရန် မသင့်တော်ပါကြောင်း ထုတ်ပြန်ကြေညာလိုက်ပါတယ်။

တားမြစ်ဓါတုပစ္စည်းများသည် အရေပြားယားယံခြင်း၊ ရောင်ရမ်းခြင်း၊ အဖြူအနီကွက်များ ဖြစ်ခြင်း၊ အရေပြားမှတဆင့် ခန္ဓာကိုယ်အတွင်းသို့ စုပ်ယူ၍ထုံကျင်ခြင်း၊ ကြွက်သားတုန်ခါခြင်း၊ ပင်ပန်းနွမ်းနယ်ခြင်း၊ ခေါင်းကိုက်ခြင်းနှင့် စိတ်ကျရောဂါများအပြင် ရေရှည်သုံးစွဲပါက ကျောက်ကပ်ပျက်စီးခြင်းနှင့် အခြားရောဂါများဖြစ်ပွားနိုင်တယ်လို့ ဆိုပါတယ်။

အလှကုန်ပစ္စည်းတင်သွင်းဖြန့်ဖြူးရောင်းချသည့် ကုမ္ပဏီနှင့်လက်လီလက်ကားဆိုင်များသည် အစားအသောက်နှင့် ဆေးဝါးကွပ်ကဲရေးဦးစီးဌာနတွင် မှတ်တမ်းတင်ထားခြင်းမရှိသော အများပြည်သူသုံးစွဲရန်မသင့်ကြောင်း ကြေညာထားသည့် အလှကုန်ပစ္စည်းများ တင်သွင်းဖြန့်ဖြူးရောင်းချခြင်းများကို ကျင့်ဝတ်(Ethic)အရ လုံးဝမပြုလုပ်ရန်နှင့် လိုက်နာဆောင်ရွက်ခြင်းမရှိပါက သက်ဆိုင်ရာ အာဏာပိုင်အဖွဲ့အစည်းက ပြည်သူ့ကျန်းမာရေး ဆိုင်ရာ ဥပဒေပုဒ်မ ၃၊ အပိုဒ် (၃) (ဃ) အရ အရေးယူဆောင်ရွက်သွားမည်ဖြစ်ကြောင်း အသိပေးကြေညာထားခြင်း ဖြစ်ပါတယ်။

ymg_mnn
#Yangon_Media_Group.

#WorldHealth
Published 12 June 2022

ပါကစ္စတန်အမျိုးသားတစ်ဦးဟာ ဆီးသွားဖို့အခက်အခဲရှိတာကြောင့် မိမိဘာသာဆီးပိုက်ဝါယာကြိုးလေးကို လိင်တံထဲထည့်သွင်းခဲ့ရာမှာ အခန့်မသင့်ဘဲ ညပ်သွားခဲ့ပြီးနောက် ခွဲစိတ်ဆရာဝန်များက အဆိုပါဆီးပိုက်ကြိုးကို လိင်တံကနေ ဆွဲထုတ်ခဲ့ရပါတယ်။

အသက် ၆၄ နှစ်ရှိပြီဖြစ်တဲ့ ထိုအမျိုးသားဟာ ၁၈ စင်တီမီတာရှည်တဲ့ဆီးပိုက်ကြိုးကို ဆီးလမ်းကြောင်းထဲထည့်သွင်းပြီးနောက် ညပ်နေခဲ့တာကြောင့် အက်ဘာဆီရှာဟိ ဆေးရုံသို့သွားကာ သူ့ကိုကုသပေးတဲ့ ခွဲစိတ်ဆရာဝန်များထံ အကျိုးအကြောင်းပြောပြခဲ့ပါတယ်။

အရင် ၂ လကစပြီး ဆီးသွားရာမှာ နာကျင်ပြီးအခက်အခဲရှိတာကြောင့် သူ့ဘာသာဆီးပိုက်ထည့်နေရပါတယ်။

ဓာတ်မှန်ရိုက်ကြည့်ရာမှာ ဝါယာကြိုးက ဆီးလမ်းကြောင်းတလျှောက်ကနေ ဆီးအိမ်အထိရောက်ရှိနေတာကို တွေ့ခဲ့ရပါတယ်။

အစကတော့ ဆီးလမ်းကြောင်းထဲကို ကင်မရာထည့်ကြည့်ဖို့ စီစဉ်ခဲ့ပေမယ့် ဆီးထွက်ရာအပေါက်ကို အနည်းငယ်ဖြဲကြည့်ရာ ကြိုးကိုတွေ့လိုက်ရပါတယ်။

အဲဒီနောက်ဆရာဝန်တွေက ညှပ်ကိုအသုံးပြုပြီး ဆွဲထုတ်ခဲ့ကြပါတယ်။

ဝါယာကြိုးဖယ်ရှားပြီးနောက် လူနာက သွေးထွက်ခြင်း၊ ဒဏ်ရာရခြင်းစတဲ့ လက္ခဏာတွေမပေါ်ပေါက်ခဲ့ကြောင်း တင်ပြထားပါတယ်။

လိင်တံထဲကိုယ့်ဘာသာ ထည့်သွင်းတာမျိုးက ပုံမှန်သဘောဖြစ်ပြီး မိမိဘာသာပြုလုပ်ကြလေ့ရှိပါတယ်။

အဲဒီလိုထည့်သွင်းခြင်းကနေ ရောဂါပိုးဝင်ခြင်း၊ သွေးထွက်ခြင်း၊ ဆီးလမ်းကြောင်းကို ထိန်းချုပ်ပေးတဲ့ ကြွက်သားထိခိုက်ခြင်းတို့ ဖြစ်တတ်ပါတယ်။

ပစ္စည်းတစ်ခုခုညပ်သွားပြီဆိုရင်တော့ ဒီထက်ပိုဆိုးလာတတ်ပြီး အတွင်းသားလောင်ရာကနေ ဆီးမသွားနိုင်ခြင်း၊ မထောင်မတ်ခြင်းတို့ ဖြစ်တတ်ပါတယ်။

ဆီးအိမ်ပေါက်ခြင်း၊ ဆီးလမ်းကြောင်းထိခိုက်ခြင်းတို့ဖြစ်ပြီဆိုရင် ခွဲစိတ်မှုကြီးတွေ ပြုလုပ်ရနိုင်ပါတယ်။

ဘယ်အချိန်ဖြစ်ပြီး ဘာကြောင့်ဆီးသွားရခက်ခဲလဲဆိုတာကိုတော့ မဖော်ပြထားပါဘူး။

အဆိုပါ အမျိုးသားက လိင်မှုဆိုင်ရာမဆောင်ရွက်နိုင်တာ ၃ နှစ်ရှိပြီလိုဆိုပါတယ်။

လိင်တံထဲမှာ တစ်ခုခုညပ်နေတဲ့သူတွေက ရှက်ကြောက်တဲ့စိတ်ကြောင့် ဆရာဝန်နဲ့တိုင်ပင်ပြသဖို တုန့်ဆိုင်းတွေဝေ နေတတ်ပါတယ်။

Source: DailyMail.
#Yangon_Media_Group

#Local_News
Published_ 12 June 2022

ကယားပြည်နယ် လွိုင်ကော်နှင့် ဒီမောဆိုမြို့နယ်တို့မှ ပြည်သူ ၂၅၀၀၀ ကျော်အား ကယ်ဆယ်ရေးပစ္စည်းများ ထောက်ပံ့ခဲ့ကြောင်း UNHCR Myanmar က ထုတ်ပြန်ထားပါတယ်။

လွိုင်ကော်နှင့် ဒီမောဆိုမြို့နယ်တို့တွင် နေထိုင်သူပေါင်း ၂၅၂၀၀ ဦးအား စောင်များ၊ ဆိုလာမီးအိမ်များ၊ ခြင်ထောင်များ၊ ရေပုံးများ၊ တစ်ကိုယ်ရေကျန်းမာရေးသုံးပစ္စည်းများ၊ တာပေါ်လင်စများ၊ ဖျာများကို ကူညီမှုလိုအပ်နေသော အမျိုးသမီးများ၊ အမျိုးသားများနှင့် ၎င်းတို့ရဲ့ မိသားစုများထံ ဖြန့်ဝေပေးခဲ့တာဖြစ်ပါတယ်။

ymg_mnn

#Yangon_Media_Group.

Published 12 June 2022

ကမ္ဘေဒီးယားက တရုတ်ထံမှ ငွေကြေးအထောက်အပံ့ရယူကာ တည်ဆောက်သည့်အတွက် အဝေဖန်ခံနေရသည့် ရီယမ် ရေတပ်အခြေစိုက်စခန်းသည် တရုတ်တစ်နိုင်ငံတည်း သီးသန့်သုံးဖို့မဟုတ်ကြောင်း ကမ္ဘောဒီးယားက ထပ်မံအတည်ပြု ပြောဆိုခဲ့ပါတယ်။

စင်္ကာပူမှာကျင်းပတဲ့ ရှန်ဂရီလာဒိုင်လော့လုံခြုံရေးကွန်ဖရင့်ရဲ့ မျက်နှာစုံညီအစည်းအဝေးမှာ ကမ္ဘောဒီးယား ကာကွယ်ရေးဝန်ကြီး ဗိုလ်ချူပ်ကြီး တီး ဘန်းက စနေနေ့တုန်းက ပြောကြားခဲ့တာဖြစ်ပါတယ်။ ကမ္ဘောဒီးယားဟာ လွတ်လပ်ပြီး အချုပ်အခြာအဏာပိုင် နိုင်ငံဖြစ်ပြီး ဖွဲ့စည်းပုံအခြေံခဥပဒေအရ မိမိကံကြမ္မာကို မိမိတို့ ဆုံးဖြတ်ခွင့် အပြည့်အဝရှိတယ် လို့လည်း သူကပြောပါတယ်။

“ ကံအကြောင်းမလှစွာပဲ၊ကမ္ဘောဒီးယားဟာ ဒီနေရာကို နိုင်ငံခြားသားတွေ သီးသန့်သုံးခွင့်ပြုတယ်လို့ စွပ်စွဲခံနေရတာပဲ။ ဒီလိုပြောဆိုမှုတွေဟာ အခြေအမြစ်မရှိဘဲ ပြဿနာဖြစ်အောင်စွပ်စွဲတာဖြစ်တယ်။ ကမ္ဘောဒီးယားအာဏာပိုင်နှင့် အစိုးရကို အလုံးစံ စော်ကားခြင်းဖြစ်ကြောင်း အလေးပေးပြောလိုတယ်” လို့ သူက ရှန်ဂရီလာပရိဿတ်ကိုပြောပါတယ်။

“ ကမ္ဘောဒီးယားဟာ ရီယမ်ရေတပ်အခြေစိုက်စခန်းရဲ့ ပိုင်ရှင်ဖြစ်တယ်ဆိုတာကို အသေအချာပြောလိုတယ်။ အခြေစိုက်စခန်း တည်ဆောက်မှုဟာ ဘယ်နိုင်ငံ ဘယ်ဒေသ နီးနီးဝေးဝေး လုံခြုံရေးခြိမ်းခြောက်မှု မရှိဘူး” လို့ ကမ္ဘောဒီးယားဗိုလ်ချုပ်ကြီးက ပြောပါတယ်။

“ ဒီစွပ်စွဲပြောဆိုမှုတွေဟာ ကမ္ဘောဒီးယားရဲ့ အကျိုးစီးပွားကို အနှောက်အယှက်ပေးဖို့ ဆင်ခြေတစ်ခုဖြစ်တယ်လို့ ကျွန်တော်တို့ သတ်မှတ်တယ်” လို့ ဗိုလ်ချူပ်ကြီး တီးဘန်းက ပြောပါတယ်။ သူဟာ ဗီယက်နန်၊ဖိလစ်ပိုင်တို့က ကာကွယ်ရေးဝန်ကြီးတွေနှင့်အတူ စစ်ရေးခေတ်မီစေမှုနှင့် ကာကွယ်ရေးစွမ်းရည်အသစ်များဆိုတဲ့‌ ခေါင်းစဉ်နှင့် ဆွေးနွေးတဲ့ အစီအစဉ်မှာ ယခုလိုပြောကြားခဲ့တာဖြစ်ပါတယ်။

ထိုင်းပင်လယ်ကွေ့မှာ တည်ဆောက်ထားတဲ့ ကမ္ဘောဒီးယားရဲ့ ရီယမ်ရေတပ်အခြေစိုက်စခန်းဟာ တရုတ်ရေတပ်အတွက် သီးသန့်ဖြစ်တယ်လို့ ဇွန်၆ ရက်နေ့က ဝါရှင်တန်ပို့စ်သတင်းဌာနက ရေးသားဖော်ပြခဲ့တာဖြစ်ပါတယ်။ဒီရေတပ်စခန်းကြောင့် ကမ္ဘောဒီးယားနှင့် အမေရိကန်ပြည်ထောင်စုတို့အကြား ဆက်ဆံရေး မပြေမလည်ဖြစ်နေခဲ့တာကြာပြီဖြစ်ကြောင်း သတင်းကရေးသားပါတယ်။

Source Straits Times

#WorldHealth
Published 12 June 2022

တရုတ်နိုင်ငံရဲ့ကိုဗစ်ရောဂါအချက်အလက်များ ပျောက်ဆုံးနေတာကြောင့် ကိုဗစ်ကပ်ရောဂါမူလဇာစ်မြစ်အကြောင်း WHO က စုံစမ်းစစ်ဆေးရာမှာ ခိုင်လုံမှုမရှိတော့ဘဲ အချိန်ကြာမြင့်စွာကြိုးပမ်းအားထုတ်နေမှုအပေါ် နောက်ထပ်ထိုးနှက်ချက်တစ်ခုဖြစ်လာကြောင်း WHO က ကြာသပတေးနေ့က ထုတ်ဖော်ပြောကြားခဲ့ပါတယ်။

ကိုဗစ်-၁၉ ရောဂါဖြစ်စေတဲ့ ကိုရိုနာဗိုင်းရပ်စ်ဟာ လင်းနို့လိုတိရိစ္ဆာန်တွေကနေ ကူးစက်တာမျိုးဖြစ်နိုင်ချေရှိတယ်လို့ အချက်အလက်များအရ သိရှိရပြီး ၂၀၂၁ ခုနှစ်က ကုလသမဂ္ဂအေဂျင်စီကောက်နုတ်ထားတဲ့အတိုင်း သဘောထားတူညီနေကြောင်း WHO ပညာရှင်များအဖွဲ့က သတင်းတင်ပြ ထားပါတယ်။

၂၀၁၉ ဒီဇင်ဘာလက ရောဂါပိုးကို ပထမဆုံးတွေ့ရှိခဲ့တဲ့ တရုတ်နိုင်ငံမှ အချက်အလက်တွေပျောက်ဆုံးနေပြီး ဗိုင်းရပ်စ်က လူသားတွေထံ ပထမဆုံးဘယ်လိုကူးစက်ခဲ့ပုံကို တိတိကျကျမဖော်ထုတ်နိုင်ဘဲ ဖြစ်နေပါတယ်။

ဒီတွေ့ရှိချက်တွေကြောင့် ဗိုင်းရပ်စ်က ဘယ်နေရာကနေ ဘယ်လိုထွက်ပေါ်လာလဲဆိုတာကိုသိရှိဖို့ ခက်ခဲလာခဲ့ပါတယ်။

ကပ်ရောဂါကိုင်တွယ်ဖြေရှင်းပုံနဲ့ ပတ်သက်ပြီး ဝေဖန်ခံနေရတဲ့ WHO က သူတို့ရဲ့အရေးပေါ်ကျန်းမာရေးလုပ်ငန်းစဉ်များအား ပြန်လည်ပြင်ဆင်ရန်ကြိုးပမ်းနေကြပါတယ်။

ပညာရှင်များအဖွဲ့က စီစဉ်ထားတဲ့နည်းလမ်းများစွာထဲက ပထမဆုံးတစ်ခုကတော့ နောက်ထပ်ရောဂါပျံ့ပွားမှုတွေရဲ့ မူလဇာစ်မြစ်တွေကို စုံစမ်းစစ်ဆေးဖို့ ပိုမိုကောင်းမွန်တဲ့ နည်းလမ်းကို စီစဉ်နေကြပါတယ်။

WHO ညွှန်ကြားရေးမှူးချုပ်'တက်ဒရိုစ်အက်ဒါနွန်ဂက်ဘရီယေဆပ်စ်'က အချက်အလက်များပိုမိုရရှိဖိုအတွက် ဖေဖော်ဝါရီလက တရုတ်အစိုးရထံ ၂ ကြိမ်တိုင် စာရေးသားပေးပို့ခဲ့ရာ တရုတ်တို့က အချက်အလက်အချို့ ပေးပို့ခဲ့တယ်လို့ဆိုပါတယ်။

ကိုဗစ်ကပ်ရောဂါကြောင့် အနည်းဆုံးလူ ၁၅ သန်းသေဆုံးထားပြီး နောက်ထပ်ဒီလိုကူးစက်ပျံ့ပွားမှုမျိုးကိုတားဆီးဖို့ အရေးကြီးကြောင်းကို သိပ္ပံပညာရှင်များက ဖော်ပြခဲ့ပါတယ်။

အချိန်ကြာလေ စုံစမ်းစစ်ဆေးရတာ ပိုခက်ခဲလာနိုင်ပြီး WHO က ကပ်ရောဂါစတင်ပုံကို ပိုမိုသိရှိနိုင်ဖို့ ကြိုးပမ်းသွားမှာဖြစ်ကြောင်း WHO အရာရှိ'မာရီယာဗန်ခါခေါ့ဗ်'က ဆိုပါတယ်။

သန်းနဲ့ချီပြီး သေဆုံးခဲ့သူတွေရော ဘီလီယံနဲ့ချီပြီး ရောဂါကူးစက်ခဲ့သူတွေရော ရောဂါအကြွေးတင်နေပြီလို့ ဆိုခဲ့ပါတယ်။

ဓာတ်ခွဲခန်းဖြစ်ရပ်ကနေ ဗိုင်းရပ်စ်ကလူသားဆီကူးစက်ခဲ့တယ်ဆိုတာနဲ့ ပတ်သက်ပြီး နောက်ထပ် အချက်အလက်အသစ်တွေ မရရှိသေးပါဘူး။

ကိုဗစ်ရောဂါမူလဇာစ်မြစ်အကြောင်း ပိုမိုသိရှိရဖို့ အကြံပြုချက်များစွာကို WHO က တင်ပြခဲ့ပါတယ်။

တရုတ်နိုင်ငံဝူဟန်မြို့က အစောဆုံးပျံ့ပွားမှုတွေနဲ့ ဗိုင်းရပ်စ်စတင်ကူးစက်တယ်လို့သိရှိခဲ့တဲ့ ဝူဟန် သားငါးဈေးအနားတဝိုက် နောက်ထပ်လေ့လာမှုတွေပြုလုပ်ဖို့လည်း ပါဝင်ပါတယ်။

ဓာတ်ခွဲခန်းကပျံ့နှံလာတယ်ဆိုတာက အတော်ကိုမဖြစ်နိုင်ကြောင်းနဲ့ တိရိစ္ဆာန်တွေဆီကနေ ကူးစက်လာတာဖြစ်နိုင်တယ်ဆိုတဲ့ ယူဆချက်တွေကို တင်ပြထားပါတယ်။

သတ္တဝါတွေဆီကနေ ကူးစက်တာဖြစ်နိုင်တယ်လို့ အတော်လေးဦးတည်နေပေမယ့် နှစ်မျိုးစလုံးဖြစ်နိုင်သေးကြောင်း အမေရိကန်ထောက်လှမ်းရေး အစီရင်ခံစာမှာ ဖော်ပြထားပါတယ်။

Source: Reuters
#Yangon_Media_Group

#Local_News
Published_ 12 June 2022

ရန်ကုန်တိုင်းဒေသကြီးအတွင်း လိုအပ်လျက်ရှိသော လျှပ်စစ်ဓာတ်အားများကို တိုးမြှင့်ဖြန့်ဖြူးပေးနိုင်ရေး၊ ဖြန့်ဖြူးလျက်ရှိသည့် ဓာတ်အားစနစ် တည်ငြိမ်တိုးတက် ကောင်းမွန်စေရေး၊ လျှပ်စစ်ဓာတ်အား လျော့နည်းပပျောက်မှုကျဆင်းစေရေးတို့အတွက် ညှိနှိုင်းအစည်းအဝေးကို ယမန်နေ့ နံနက် ၉ နာရီခွဲတွင် ရန်ကုန်လျှပ်စစ် ဓာတ်အားပေးရေး ကော်ပိုရေးရှင်းရုံးချုပ်၌ ကျင်းပခဲ့ပါတယ်။

ဦးစွာ ပြည်ထောင်စုဝန်ကြီး ဦးသောင်းဟန်က ရန်ကုန်တိုင်းဒေသကြီး၏ လျှပ်စစ်ဓာတ်အား သုံးစွဲမှုသည် နှစ်စဉ် (၁၅ ရာခိုင်နှုန်း) ခန့် တိုးတက်သုံးစွဲလျက်ရှိသည့်အတွက် အဆိုပါ တိုးတက်သုံးစွဲလာမည့် ဓာတ်အားလိုအပ်ချက်ကို ဖြည့်ဆည်းပေးနိုင်ရန်အတွက် ဓာတ်အား ထုတ်လုပ်မှုအပိုင်းတွင် ပြန်ပြည့်မြဲစွမ်းအင်အပါအဝင် နည်းမျိုးစုံဖြင့်တိုးတက် ထုတ်လုပ်နိုင်ရန် ဆောင်ရွက်လျက်ရှိကြောင်း ပြောကြားပါတယ်။

ထို့အပြင် ဓာတ်အားပို့လွှတ်ခြင်းအပိုင်း တိုးချဲ့ဆောင်ရွက်ခြင်း၊ ဓာတ်အား ဖြန့်ဖြူးခြင်း အပိုင်းများကိုလည်း တိုးချဲ့ပြုပြင်ဆောင်ရွက်လျက်ရှိတယ်လို့ ဆိုပါတယ်။

ထိုသို့ ဆောင်ရွက်မှုများကို အားလုံးက တက်ညီလက်ညီ ကြိုးစားဆောင်ရွက်ကြရန်နှင့် ရရှိလာသော နိုင်ငံတော်၏ ဘဏ္ဍာငွေကို အလေအလွင့်မရှိအောင် အကျိုးရှိစွာ အသုံးချနိုင်စေရေး သတ်မှတ်ထားသည့် အချိန်ကာလအတွင်း အရည်အသွေးပြည့်ဝ ကောင်းမွန်သည့် ပစ္စည်းများကို စနစ်တကျ သုံးစွဲတည်ဆောက်ရန် မှာကြားခဲ့ပါတယ်။

ထိုသို့ဆောင်ရွက်ရာတွင် ထုတ်လုပ်ပြီး လျှပ်စစ်ဓာတ်အားများ ပြည်သူလူထုထံသို့ ဓာတ်အားပျောက်ဆုံးမှု အနည်းဆုံးနှင့် ဗိုအားပြည့်ဝတည်ငြိမ်စွာဖြင့် အချိန်မီဖြန့်ဖြူးပေးပို့နိုင်ရေးသည် ဝန်ကြီးဌာနရဲ့ အဓိကရည်မှန်းချက်ဖြစ်တယ်လို့ ဆိုပါတယ်။

ပြည်သူကို ဝန်ဆောင်မှုပေးနေသော ဌာနဖြစ်သည့်အလျှောက် ပြည်သူလူထု၏ လျှပ်စစ်ဓာတ်အားလိုအပ်ချက်များအပေါ် အတတ်နိုင်ဆုံး ဖြည့်ဆည်းနိုင်အောင်ဆောင်ရွက်ပြီး အကောင်းဆုံးဝန်ဆောင်မှုပေးနိုင်ရေး စေတနာထား၍ ကြိုးပမ်းဆောင်ရွက်ကြရန် ဝန်ကြီးက ပြောကြားခဲ့ပါတယ်။

ထို့နောက် ရန်ကုန်တိုင်းဒေသကြီးအတွင်းရှိ ခရိုင်လျှပ်စစ်မန်နေဂျာများ၊ ခရိုင်လျှပ်စစ်အင်ဂျင်နီယာများက မိမိတို့ခရိုင်/ မြို့နယ်များအတွင်း လျှပ်စစ်ဓာတ်အား ဖြန့်ဖြူးပေးထားမှု အခြေအနေ၊ နှစ်အလိုက်ဓာတ်အား တိုးတက်သုံးစွဲလာမှုနှင့် ဓာတ်အားပျောက်ဆုံးမှု လျော့နည်းကျဆင်းရေးအတွက် ဆောင်ရွက်ထားရှိမှု၊ ဓာတ်အားခများ ကောက်ခံရရှိမှုနှင့် ဆက်လက်ဆောင်ရွက်မည့် အစီအမံများကို အသီးသီး ရှင်းလင်းတင်ပြခဲ့ကြောင်း သိရပါတယ်။

#ymg_mnn
#Yangon_Media_Group

Published 11 June 2022

ဒီကနေ့ယူကရိန်းဟာ မနက်ဖန် အရှေ့အာရှဖြစ်သွားကောင်းဖြစ်သွားနိုင်တယ်လို့ ဂျပန်ဝန်ကြီးချုပ် ဖူမီရိုကီရှီဒါးက လုံခြုံရေး ထိပ်သီးအစည်းအဝေးတစ်ခုမှာ သောကြာနေ့က သတိပေးပြောကြားလိုက်ပါတယ်။ ဒီမိုကရေစီနည်းနှင့် ကိုယ်ပိုင်အုပ်ချုပ်နေတဲ့ထိုင်ဝမ်ကို တရုတ်တို့ ကျူးကျော်လာနိုင်တဲ့ စိတ်ပူပန်မှုတွေကြီးထွားလတဲ့အချိန်မှာ သူက အခုလိုပြောလိုက်တာပါ။ စင်္ကာပူမှာကျင်းပနေတဲ့ ရှန်ဂရီလာဒိုင်လော့ခ်လုံခြုံရေးထိပ်သီးအစည်းအဝေးမှာ ဂျပန်ဝန်ကြီးချုပ်က ပြောကြားခဲ့တာဖြစ်ပါတယ်။ ဂျပန်ဟာ ငြိမ်းချမ်းရေးမြတ်နိုးတဲ့ နိင်ငံဖြစ်တဲ့အတွက် ပြောင်းလဲလာနေတဲ့ ဒေသနှင့်ကမ္ဘာ့လုံခြုံရေးပုံစံတွေက ဂျပန်ရဲ့ ကိုယ်ပိုင်ကာကွယ်ရေးအနေအထားကို ပြန်လည်သုံးသပ်ဖို့ ချက်ခြင်းဖြစ်လာစေခဲ့ တယ်လို့ သူကပြောပါတယ်။

Source: AFP