#LocalNews
Published - 19 Apr 2022

ရန်ကုန်တိုင်းဒေသကြီး၊သန်လျင်မြို့နယ်တွင် ဧပြီလ ၁၈ရက်နေ့ ညနေပိုင်းကစတင်ကာ သန်လျင်မြို့နယ်တွင် ဆိုင်ကယ်စီးနှင်းမှုကို နှစ်ယောက်စီးနှင်းခွင့်ပိတ်ပင်လိုက်တယ်လို့ သိရပါတယ်။

ဧပြီ လ ၁၈ရက်နေ့တွင် ရန်ကုန်တိုင်းဒေသကြီးအတွင်း ပစ်ခတ်တိုက်ခိုက်မှုများဖြစ်ပွားခဲ့ပြီး လူသေဆုံးထိခိုက်မှုများဖြစ်ပေါ်ခဲ့ ပြီး သန်လျင်မြို့နယ်တွင် နှစ်ကြိမ်ထိပစ်ခတ်တိုက်ခိုက်မှုဖြစ်ပေါ်ခဲ့တာကြောင့် ပိတ်ပင်လိုက်တာလို့ သန်လျင်ဒေသခံတစ်ဦးက ပြောပါတယ်။

ဧပြီလ ၁၈ ရက်နေ့နံနက် ၉နာရီ ၄၅ မိနစ်အချိန်က ရန်ကုန်တိုင်းဒေသကြီး၊ သန်လျင်မြို့နယ်၊အမှုထမ်းရပ်ကွက်၊ ဓမ္မရောင်ခြည်လမ်းတွင်လေပေးစက်ပြုပြင်သူ ဦးဇော်မင်းထွန်းသည် ဇနီးဖြစ်သူနှင့်အတူ နေအိမ်ရှေ့ရပ်ထားသည့် လိုက်ထရပ်ယာဉ်နောက်ခန်းတွင်ထိုင်နေစဉ် ဓမ္မရောင်ခြည်လမ်းအတိုင်းမောင်းလာသည့် ဆိုင်ကယ်တစ်စီးပေါ်တွင် နောက်မှလိုက်လာသူက သေနတ်ဖြင့်ခြောက်ချက်ပစ်ခတ်သွားသဖြင့် ဦးဇော်မင်းထွန်းမှာဦးခေါင်း၊ ဝမ်းဗိုက်၊ ပေါင်တို့တွင် ထိမှန်ဒဏ်ရာလေးချက်ဖြင့် အခင်းဖြစ်နေရာတွင်ပင် သေဆုံးသွားပါတယ်။

ထပ်မံပြသန်လျင်မြို့နယ်၊ ဘုရားကုန်းအုပ်စု၊ ဘုရားကုန်း ကျေးရွာ၊ ဘုရားကုန်းမီးပွိင့်လမ်းဆုံအနီးတွင် ဧပြီလ ၁၈ ရက်နေ့ နံနက် ၁၁ နာရီခွဲအချိန်တွင် ဆိုင်ကယ် ကယ်ရီသမားတစ်ဦးကို သေနတ်ဖြင့်ပစ်ခတ်သွားခဲ့ပြီး သေဆုံးသူမှာ သန်လျင်မြို့နယ်၊ ကညင်ပင်ရပ်ကွက်၊ ကညင်ပင် ၂ လမ်းနေ ဆိုင်ကယ်ကယ်ရီမောင်းနှင့် အရန်မီးသတ်ဖြစ်သူ လှဆန်းဦး (၃၄) နှစ်ဖြစ်ပြီး ၎င်းသည် သန်လျင်-ကျောက်တန်းလမ်းနှင့် သန်လျင်-သုံးခွ လမ်းဆုံ၊ ဘုရားကုန်းမီးပွိင့်ရှိ ယာဉ်ထိန်း Police Box အနီး ဆိုင်ကယ်ကယ်ရီဂိတ်တွင် ခရီးသည် စောင့်ဆိုင်းနေစဉ် ဆိုင်ကယ်တစ်စီးဖြင့် လူ ၂ ဦးက သေနတ်ဖြင့် ပစ်ခတ်ထွက်ပြေးသွားသဖြင့် ဝဲရင်အုံ ထိမှန်ဒဏ်ရာ ၁ ချက်၊ ဝဲချိုင်းအောက် ထိမှန်ဒဏ်ရာ ၁ ချက် နှင့် ဝမ်းဗိုက် ယာဘက် ထိမှန်ဒဏ်ရာ ၂ ချက်တို့ရရှိခဲ့သဖြင့် အခင်းဖြစ်ရာတွင် သေဆုံးခဲ့တဲ့ဖြစ်စဥ်တွေ ဖြစ်ပွားခဲ့ပါတယ်။

ymg/hm
#Yangon_Media_Group

#WorldHealth
Published 19 April 2022

မိမိအိပ်ရေးမဝခဲ့ဘူးလို့ တစ်စုံတစ်ယောက်ကိုပြောမိတာနဲ့ ဘယ်လိုဘယ်ပုံအိပ်စက်သင့်ကြောင်း ဆရာလုပ်ကြတာမျိုး ကြုံတွေ့ရဖူးမှာပါ။

"နောက်ကျမှအိပ်ရာဝင်လို့လား? မအိပ်ခင်အစားစားလိုက်လို့လား? မင်းအိပ်ခန်းက ပူလွန်းနေလား အေးလွန်းနေလား အရမ်းလင်းနေလား?"စသဖြင့် မေးကြပါလိမ့်မယ်။

ခေါင်းအုံးနားမှာ လက်ကိုင်ဖုန်းမထားဖို့၊ နံနက်ခင်းမှာ ဖြည့်စွက်အားဆေးသောက်ဖို့၊ စားသောက်နည်းပုံစံပြောင်းလဲဖို့လိုအပ်ကြောင်း ပြောကြမှာဖြစ်ပါတယ်။

အိပ်ရေးဝဖို့ တစ်ယောက်နဲ့တစ်ယောက် လိုအပ်ချက်တွေမတူပေမယ့် ယေဘုယျအားဖြင့် အယူမှားတွေနဲ့ အယူအဆမှန်နည်းလမ်းတွေကို ဖော်ပြလိုက်ပါတယ်။

(၁) အိပ်ရာစောစောဝင်သင့်တယ်ဆိုတဲ့အယူမှား
အိပ်စက်ခြင်းကျွမ်းကျင်ပညာရှင်'ဂျိမ်းစ်ဝီလ်ဆန်'က "သင်ဟာ စောစောအိပ်ရာထတတ်တဲ့သူမဟုတ်ဘူးဆိုရင် အိပ်ရာစောစောဝင်ခြင်းက ပိုမိုဆိုးရွားစေနိုင်ပါတယ်"လို့ ဆိုပါတယ်။
လူအများစုအနေနဲ့ ည ၁၀ နာရီအိပ်ရာဝင်ခြင်းက စောလွန်းတယ်လို့ သူကသတ်မှတ်ထားပါတယ်။
"စောစောအိပ်ရာထဲဝင်လို့ အိပ်မပျော်ဘူးဆိုရင် စိတ်ဖိစီးမှုများလာပြီး အိပ်ပျော်တော့မှာမဟုတ်ပါဘူး"

(၂) ညတိုင်း ၈ နာရီပြည့်အောင်အိပ်စက်စရာမလို
တစ်နေ့တာအိပ်စက်ခြင်းမှာ ၈ နာရီပြည့်အောင် အိပ်စက်ဖို့အရေးကြီးပါတယ်။
ဒါပေမဲ့လည်း တကယ်တမ်းတော့ ၈ နာရီပြည့်အောင် မအိပ်ရတဲ့ညတွေက ပိုများပါတယ်။
ဒါဟာစိတ်ပူစရာတော့မလိုပါဘူး။ ၈ နာရီပြည့်အောင် အိပ်စရာမလိုပါဘူး။
အိပ်ရေးဝ/မဝဆိုတာက မနက် ၁၀ နာရီ ၁၁ နာရီလောက်ရောက်တဲ့အခါ နွမ်းနယ်နေလား တက်တက်ကြွကြွရှိနေလားဆိုတာကိုကြည့်ပြီး ဆုံးဖြတ်လို့ရပါတယ်။

(၃) တီဗီကြည့်ခြင်းက အိပ်ချင်စိတ်ဖြစ်ပေါ်လာစေတယ်ဆိုတဲ့ အယူမှား
တီဗီနဲ့ လက်ကိုင်ဖုန်းကြည့်ခြင်းက အိပ်ပျော်စေတဲ့ မယ်လတိုနင်ဟော်မုန်းထွက်ရှိမှုကို အနှောင့်အယှက်ဖြစ်စေပါတယ်။
အိပ်ရာမဝင်ခင် တီဗီကြည့်ခြင်းက စိတ်ပြေလက်ပျောက်အနားရစေပေမယ့် စိတ်ဖိစီးမှုပမာဏများပြားလာစေပါတယ်။

(၄) ပင်ပန်းလာရင် နေ့ခင်းဘက်တရေးအိပ်သင့်တယ်ဆိုတဲ့ အယူမှား
ညဘက်အိပ်ရေးပျက်လို့ နေ့ခင်းဘက်တရေးတမောအိပ်စက်ခြင်းဖြင့် ညဘက်မှာအိပ်စက်ချင်တဲ့စိတ်လျော့နည်းစေပါတယ်။
"တရေးတမောအိပ်ခြင်းက အဆင်ပြေတယ်ဆိုပေမယ့် ညဘက်မအိပ်ချင်တာမျိုးဖြစ်ပေါ်လာနိုင်ပါတယ်" လို့ 'ဂျိမ်းစ်'ကဆိုပါတယ်။

(၅) အရက်သေစာသောက်စားခြင်းက အိပ်ရေးမဝစေနိုင်
ညမအိပ်ခင် တစ်ခွက်တလေသောက်သုံးလေ့ရှိကြပေမယ့် နှစ်နှစ်ခြိုက်ခြိုက်အိပ်ပျော်စေမှာမဟုတ်ပါဘူး။
အရက်သေစာသောက်ခြင်းက အိပ်ပျော်ရာမှာအထောက်အကူဖြစ်ပေမယ့် နှစ်ခြိုက်စွာအိပ်ပျော်စေနိုင်မှာမဟုတ်ပါဘူး

(၆) ရုံးပိတ်ရက်တွေကျမှ အတိုးချအိပ်စက်လို့ရတယ်ဆိုတဲ့ အယူမှား
တနင်္လာနေ့မှ သောကြာနေ့အထိ မနက်တိုင်း ၇ နာရီထလို့ ပိတ်ရက်တွေမှာ ၁၀ နာရီမှအိပ်ရာထတာက ပိုမိုအိပ်ရေးဝစေမှာမဟုတ်ပါဘူး။
တနင်္ဂနွေနေ့မှာ နောက်ကျမှအိပ်ရာထတဲ့အတွက် ညဘက်ကျမအိပ်ချင်ဘဲဖြစ်နေတတ်ပါတယ်။

(၇) စောင်ထူခြုံခြင်းက ပိုမိုအိပ်ပျော်စေတယ်ဆိုတဲ့ အယူမှား
စောင်ခြုံထားတဲ့အလေးချိန်ကြောင့် အိပ်ပျော်လွယ်စေတယ်လို့ ယူဆတဲ့သူတွေရှိပါတယ်။
ဟိုတယ်မှာ စောင်တွေညပ်ထားတာကိုထုတ်ပြီး အိပ်တတ်တဲ့သူဆိုရင် စောင်ထူကြီးနဲ့အိပ်ရင် ကောင်းကောင်းအိပ်ပျော်မှာမဟုတ်ပါဘူး။

(၈) တစ်နေ့ကို ၅ နာရီထက်ပိုမိုအိပ်စက်သင့်
အိပ်ချိန် ၃ နာရီထက်ပိုမအိပ်ရပေမယ့် ပုံမှန်လုပ်ကိုင်နိုင်သေးတယ်လို့ ပြောနေတဲ့သူတွေကို မယုံစားလိုက်ပါနဲ့။
တစ်နေ့ကို အိပ်ချိန် ၅ နာရီအောက်ပဲရှိတယ်ဆိုရင် နှလုံးရောဂါ၊ လေဖြတ်ခြင်နဲ့ ပျမ်းမျှသက်တမ်းတိုတောင်းခြင်းတို့ ဖြစ်ပေါ်လာနိုင်ပါတယ်။

(၉) ဟောက်ခြင်းက အန္တရာယ်မဖြစ်စေနိုင်ဘူးဆိုတဲ့ အယူမှား
ဘေးမှာအိပ်နေတဲ့သူ ဟောက်တတ်တယ်ဆိုရင် တကယ်ကိုစိတ်အနှောင့်အယှက်ဖြစ်စေပါတယ်။
ဒါဟာ အိပ်ပျော်နေစဉ်အသက်ရှူကြပ်ခြင်းလက္ခဏာ ဖြစ်ပေါ်တာဖြစ်ပြီး နှလုံးခုန်ရပ်ခြင်း၊ အဝလွန်ခြင်း၊ သွေးတိုးခြင်းစတဲ့ဝေဒနာတွေနဲ့ ဆက်စပ်နေပါတယ်။

(၁၀) အိပ်ရာမထခင်မှိန်းမောခြင်းက ပိုမိုအိပ်ရေးဝစေမှာမဟုတ်
အိပ်ရာနှိုးစက်ကို စောစောပေးပြီး ဆက်လက်မှိန်းမောခြင်းကို ပြုလုပ်တတ်ကြတာဟာ တကယ်တော့အကျိုးမရှိပါဘူး။
ဆက်ပြီးမှိန်းမှောနေတာဟာ အိပ်ပျော်သွားတယ်ဆိုရင်တောင် နှစ်နှစ်ခြိုက်ခြိုက်အိပ်ပျော်တာမျိုးမဟုတ်ပါဘူး။

Source: The US Sun
#Yangon_Media_Group

#WorldHealth
Published 19 April 2022

အသက်ရှူထုတ်လိုက်တဲ့ လေကိုအသုံးပြုပြီး SARS-CoV-2 ဗိုင်းရပ်စ်ကို စမ်းသပ်စစ်ဆေးတဲ့ ပထမဦးဆုံး ကိုဗစ်စမ်းသပ်ပစ္စည်းကို FDA ကအရေးပေါ်အသုံးပြုခွင့်ပြုလိုက်ပြီဖြစ်ကြောင်း ကြေညာလိုက်ပါတယ်။

InspectIR ကိုဗစ်စမ်းသပ်ပစ္စည်းဟာ အချိန် ၃ မိနစ်တည်းဖြင့် အဖြေသိရှိနိုင်မှာဖြစ်ပါတယ်။
အခုလိုအသိအမှတ်ပြုလိုက်ခြင်းက ကိုဗစ်ရောဂါရှာဖွေရေးမှာ နောက်ထပ်တီထွင်ဖန်တီးမှုတစ်ခုဖြစ်ကြောင်း FDA စက်ပစ္စည်းနှင့်ဓာတ်ရောင်ခြည်ဌာနမှ ညွှန်ကြားရေးမှူး'ဂျက်ဖ်ရှုရန်'က ပြောကြားလိုက်ပါတယ်။

ဒီစမ်းသပ်ပစ္စည်းကို အသိအမှတ်ပြုဖို့ စမ်းသပ်စစ်ဆေးရာမှာ ကိုဗစ်ရောဂါလက္ခဏာရှိသူတွေရော မရှိသူတွေပါ ပါဝင်တဲ့အယောက် ၂,၄၀၀ ကိုစမ်းသပ်ခဲ့တာဖြစ်ပါတယ်။

အဆိုပါစမ်းသပ်မှုမှာ ရောဂါသိရှိမှုနှုန်း ၉၁.၂ ရာခိုင်နှုန်း၊ တိကျမှုနှုန်း ၉၉.၃ ရာခိုင်နှုန်း၊ ရောဂါပိုးမရှိကြောင်းခန့်မှန်းတိကျမှုနှုန်း ၉၉.၆ ရာခိုင်နှုန်း ရှိခဲ့ပါတယ်။

ထို့နောက် အိုမီခရွန်မျိုးဗီဇကွဲကို အဓိကထားပြီး နောက်ထပ်စမ်းသပ်မှုပြုလုပ်ခဲ့ကြပါတယ်။
InspectIR ကိုဗစ်စမ်းသပ်ပစ္စည်းမှာ ဓာတ်ငွေ့ခွဲခြားခြင်းနည်းပညာကိုအသုံးပြုထားပြီး SARS-CoV-2 ပါဝင်တဲ့ အငွေ့ပျံအော်ဂဲနစ်ဒြပ်ပေါင်းတွေကို ရှာဖွေပေးနိုင်တာဖြစ်ပါတယ်။

ဒီစမ်းသပ်ပစ္စည်းကို ကုသဖို့အခြေခံကျတဲ့နည်းလမ်းအဖြစ် မယူဆသင့်ဘဲ မော်လီကျူးစမ်းသပ်နည်းဖြင့် ရောဂါပိုးတွေ့ရှိဖို့အတည်ပြုသင့်ကြောင်း၊ ရောဂါပိုးမတွေ့ရှိကြောင်းကိုတော့ လတ်တလောထိတွေ့ဆက်ဆံမှု၊ ကိုဗစ်ရောဂါဖြစ်ပွားခဲ့မှုသမိုင်းကြောင်းနဲ့ ရောဂါလက္ခဏာတွေရှိ/မရှိကိုကြည့်ပြီး ဆုံးဖြတ်သင့်ကြောင်း FDA က ဖော်ပြထားပါတယ်။

ထုတ်လုပ်ရေးကုမ္ပဏီအနေနဲ့ တစ်ပတ်ကို ပစ္စည်း ၁၀၀ ခန့်ထုတ်လုပ်နိုင်ဖို့ မျှော်လင့်ထားပါတယ်။
ပစ္စည်းတစ်ခုဟာ တစ်နေ့ကို အသက်ရှူထုတ်စစ်ဆေးခြင်းအကြိမ်ပေါင်း ၁၆၀ ခန့် ပြုလုပ်နိုင်မှာဖြစ်ပါတယ်။

စမ်းသပ်စစ်ဆေးရမည့်အရေအတွက်က တစ်လကို ၆၄,၀၀၀ လောက် ပိုမိုများပြားလာနိုင်ကြောင်း ခန့်မှန်းထားရပါတယ်။

Source: Healio.
#Yangon_Media_Group

Published 19 April 2022

ပြီးခဲ့တဲ့ အောက်တိုဘာက သူတို့အမြွှာရင်သွေးကလေးတွေရတော့မယ်လို့ကြေညာခဲ့တဲ့ ပေါ်တူဂီရှေ့တန်းတိုက်စစ်မှူး ခရစ်တီယာနိုရော်နယ်ဒိုနှင့်သူ့ရဲ့ပါတနာ ဂျော်ဂျီနာ ရိုဒရီဂက်စ်တို့က သူတို့ရဲ့အမြွှာထဲက တစ်ယောက် ကွယ်လွန်သွားပြီလို့ တနင်္လာနေ့က ကြေညာခဲ့ပါတယ်။

“ ကျွန်တော်တို့ရဲ့ သားကလေးတစ်ယောက် ကွယ်လွန်သွားတဲ့အကြောင်း အထူးဝမ်းနည်းစွာပြောပါတယ်”  လို့  သူတို့က ပူးတွဲကြေညာချက်တစ်စောင်ကို ဆိုရှယ်မီဒီယာမှာ ထုတ်ပြန်ပါတယ်။

“ ဘယ်မိဘမဆို ခံစားနိုင်တဲ့ အကြီးမားဆုံးထိခိုက်နာကျင်မှုဖြစ်ပါတယ်” လို့ သူတို့ကပြောပါတယ်။

“ဒီအခိုက်အတန့်မှာ  မျှော်လင့်ခြင်းတွေ ပျော်ရွှင်ခြင်းတွေနှင့် ကျွန်တော်တို့နေနိုင်ဖို့ သမီးလေးကပဲ ခွန်အားတွေပေးနေပါတယ်” လို့ သူတို့က သတင်းထုတ်ပြန်ပါတယ်။

ဒီလိုခက်ခဲတဲ့အချိန်မှာ သူတို့ကိုယ်ရေးကိုယ်တာ လျှို့လျှို့ဝှက်ဝှက်နေထိုင်မှုအတွက် သူတို့က တောင်းဆိုပြီး  ကုသမှုနှင့် အားပေးမှုတွေပြုလုပ်ခဲ့ကြတဲ့ ဆရာဝန်တွေ၊သူနာပြုတွေနှင့် ပညာရှင်တွေကို သူတို့အတွဲက ကျေးဇူးတင်ကြောင်းပြောပါတယ်။

အသက် ၃၇နှစ်ရှိပြီဖြစ်တဲ့ ရော်နယ်ဒိုဟာ ကမ္ဘာ့အကောင်းဆုံးကစားသမား (၅)ကြိမ်ရရှိထားပါတယ်။ရီယဲလ်မက်ဒရစ်နှင့် ဂျူဗင်တပ်စ်တို့မှာ ဆုဖလားတွေ အများကြီးနှင့် နိုင်ပွဲတွေကစားပေးပြီးနောက် သူဟာ  ပြီးခဲ့တဲ့ နှစ်က မန်ချက်စတာယူနိုက်တက်မှာ ပြန်ကစားခဲ့ပါတယ်။

Source Reuters

#WorldArts
Published 18 April 2022

တရုတ်နိုင်ငံမှဓာတ်ပုံဆရာတစ်ဦးဟာ အသက်(၇၀)အရွယ်သူ့ရဲ့အဖွားကို ဓာတ်ပုံမော်ဒယ်အဖြစ်သရုပ်ဆောင်စေခဲ့ပါတယ်။ အဖွားကတော့ အင်တာနက်မှာဆယ်လီဖြစ်လာပြီး သူ့ရဲ့ဓာတ်ပုံလက်ရာတွေကလည်း မေတ္တာတရားတွေနဲ့ထူးခြားဆန်းပြားနေခဲ့ပါတယ်။

#Yangon_Media_Group

Published 18 April 2022

အာရှပစိဖိတ်ဒေသဟာ အင်အားကြီးနိုင်ငံတွေရဲ့ ကစားပွဲအတွက် စစ်တုရင်ခုံမဟုတ်ဘူးလို့ တရုတ်နိုင်ငံကပြောပါတယ်။ အာဆီယံနိုင်ငံတွေဟာ ပထဝီနိုင်ငံရေး ယှဉ်ပြိုင်မှုမှာ နယ်ရုပ်တွေမဟုတ်ဘူးလို့ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် ဝမ်ဝေဘင်က ဧပြီ ၁၈ရက်နေ့ တနင်္လာနေ့က ပြောပါတယ်။

ဝါရှင်တန်ဒီစီတွင် အမေရိကန်သမ္မတ ဂျိုးဘိုင်ဒင်က အာဆီယံခေါင်းဆောင်များနှင့် မေ၁၂ရက်နှင့် ၁၃ရက်များတွင် တွေ့ဆုံ၍ ထိပ်သီးဆွေးနွေးပြုလုပ်မည့်အစီအစဉ်နှင့်ပတ်သက်၍ ဝမ်ဝေဘင်းက ပုံမှန်သတင်းစာရှင်းလင်းပွဲတစ်ခုတွင် မှတ်ချက်ပေးခဲ့ခြင်းဖြစ်ပါတယ်။

Source AFP

Published 18 April 2022

၂၂ကြိမ်မြောက် “ထရန်ဗာစီဒီပဲရစ်” ပွဲအတွက် ဂန္ထဝင်ကားများက ပါရီမြို့လမ်းတွေပေါ် ဧပြီ(၁၇)ရက်က အလှပြ မောင်းနှင် ခဲ့ကြရာ ကားချစ်သူတွေ သဘောကျခဲ့ကြပါတယ်။

ပါရီကိုဖြတ်သန်းမောင်းနှင်ခြင်း လို့ အဓိပ္ပါယ်ရတဲ့ အဲဒီကားမောင်းပွဲမှာ ရှေးဟောင်း ဂန္ထဝင်ကားမျိုးစုံ ဝင်ရောက် မောင်းနှင်ကြမှာ ဖြစ်ပါတယ်။

Source AFP

#LocalNews
Published - 18 April 2022

ပြီးခဲ့တဲ့ သင်္ကြန်ရုံးပိတ်ရက်ကာလအတွင်း ပုဂံဒေသသို့ ပြည်တွင်းခရီးသွားများ စံချိန်တင်ဝင် ရောက်ခဲ့တယ်လို့ သိရပါတယ်။

#Yangon_Media_Group

#LocalNews
Published_18 April 2022

ဦးဖြိုးမင်းသိန်းနှင့်ပတ်သက်သော ဒေါ်အောင်ဆန်းစုကြည်၏ အဂတိအမှုကို ယနေ့ ဧပြီလ ၁၈ ရက်တွင် အပြီးသတ်လျှောက်လဲချက်ပေးခဲ့ပြီး နောက်တစ်ပတ်တွင်အမိန့်ချမည်ဖြစ်ကြောင်း ရှေ့နေအသိုင်းအဝိုင်းက ပြောသည်။

"ဧပြီလ ၂၆ ရက်နေ့ အမိန့်ချမယ်။ဒီနေ့ အပြီးသတ် လျှောက်လဲချက်ပေးတယ်။လျှောက်လဲချက်ကို အကျယ်တဝင့်ပေးတာတွေ့ရတယ်။ဒီအမှုနဲ့ပတ်သက်ပြီးတော့ ရာဇဝတ်ကျင့်ထုံးနဲ့ မကိုက်ညီဘူးဆိုတာကို လျှောက်လဲတာတွေ့ပါတယ်။ဦးဖြိုးမင်းသိန်းက ပေးပါတယ်ဆိုတာလည်း မပေါ်လွင်ခဲ့တဲ့ အကြောင်းပေါ့။တရားလိုပြသက်သေကလည်း သေချာ မပြနိုင်ဘူး။ဒါကြောင့် မငြိစွန်းဘူးပေါ့။တရားခွင်ကို ဒေါ်အောင်ဆန်းစုကြည်လာတာ အဖြူရောင်ဝတ်ထားတယ်။ဦးဖြိုးမင်းသိန်းနဲ့ ပတ်သက်တဲ့အမှုဟာ ဒေါ်အောင်ဆန်းစုကြည်အတွက်ကတော့ ဂုဏ်သိက္ခာနဲ့ ဆိုင်ပါတယ်ပေါ့။ရဟတ်ယာဉ်တို့ ဘာတို့ဆိုတာက လုပ်ငန်း ကိစ္စတွေလေ။ဒါကြောင့် ရှေ့နေကလည်း ပီပီပြင်ပြင် လျှောက်လဲတာကိုတွေ့ရပါတယ်"ဟု ရှေ့နေအသိုင်းအဝိုင်းနှင့် နီးစပ်သူက ပြောသည်။

ရန်ကုန်တိုင်း ဝန်ကြီးချုပ်ဟောင်း ဦးဖြိုးမင်းသိန်းက ရွှေ ၇ ပိဿာနှင့် ဒေါ်လာ ၆ သိန်း လာဘ်ပေးခဲ့သည်ဟုဆိုသော အဂတိအမှုနှင့် ပတ်သက်၍ ပြီးခဲ့သည့် မတ်လ ၁၄ ရက်ရုံးချိန်းတွင် နိုင်ငံတော်၏ အတိုင်ပင်ခံပုဂ္ဂိုလ်ဟောင်း ဒေါ်အောင်ဆန်းစုကြည်အား စစ်ဆေးခဲ့ရာ စွပ်စွဲမှုများ မမှန်ကန်ကြောင်း ထွက်ဆိုခဲ့ပြီး ဖြစ်သည်။

ဦးဖြိုးမင်းသိန်းအနေဖြင့် ရန်ကုန်တိုင်းဒေသကြီးအတွင်း လုပ်ဆောင်ချက်များအပေါ် ထောက်ခံပေးရန်ဟုဆိုကာ ၂၀၁၇ ခုနှစ် ၊ ၂၀၁၈ ခုနှစ် ၊ ၂၀၁၉ ခုနှစ်တိုတွင် ဒေါ်အောင်ဆန်းစုကြည်ထံသို့ အကယ်ဒမီအခေါက်ရွှေ ၇ ပိဿာနှင့် ဒေါ်လာ ၆ သိန်းအား ၃ ကြိမ်းခွဲ၍ လက်ရောက်ပေးအပ်ခဲ့ကြောင်း နစက ထံ ထွက်ဆိုထားခြင်းဖြစ်သည်။

ယင်းထွက်ဆိုချက်နှင့် ပတ်သက်၍ ဒေါ်အောင်ဆန်းစုကြည်အား အဂတိလိုက်စားမှုတိုက် ဖျက်ရေးဥပဒေ ပုဒ်မ ၅၅ ဖြင့် တရားစွဲဆိုခဲ့ကာ ပြီးခဲ့သည့် ၂၀၂၁ ခုနှစ် အောက်တိုဘာ ၁ ရက်ရုံးချိန်းတွင် ဦးဖြိုးမင်းသိန်းကိုယ်တိုင် တရား လိုပြသက်သေ တဦးအနေဖြင့် တရားခွင်အတွင်း သက်သေလာရောက်ထွက်ဆိုခဲ့ကြောင်းလည်း သိရသည်။

ymg/mt
#Yangon_Media_Group

#LocalNews
Published - 18 April 2022

ဓာတ်မြေသြဇာတစ်အိတ်ကို ယခင်က ငွေကျပ် ၂ သောင်းကျော်ရှိရာကနေ ယခုအခါ ၉၀,၀၀၀ ကျော်အထိ ဈေးမြင့်တတ်နေတဲ့အတွက် တောင်သူတွေ အခက်အခဲဖြစ်နေပါတယ်။

#Yangon_Media_Group

#LocalNews
Published -18 April 2022

ဘရိတ်ပေါက်တဲ့ကားတစ်စီးက ဆိုင်ကယ်တစ်စီးကို ၀င်ရောက်တိုက်မိခဲ့ပြီး ထိုမှတစ်ဆင့် လမ်းဘေးရှိ လူနေအိမ်ကိုပါ ထပ်မံဝင်ရောက်တိုက်မိခဲ့သည့် ယာဥ်တိုက်မှုဖြစ်စဥ်တစ်ခု ဒီကနေ့ နံနက်ပိုင်းက မော်လမြိုင်မြို့မှာ ဖြစ်ပွားခဲ့တယ်လို့ သိရပါတယ်။

ဖြစ်စဥ်မှာ ယနေ့ ဧပြီ ၁၈ ရက်၊ နံနက် ၁၁ နာရီ အချိန်ခန့်က မော်လမြိုင်မြို့ စျေးကြိုမီးပွိင့် သီရီမြိုင်ဘက်အဆင်းလမ်း(ကညန)ရုံးနားတွင် (၆)ဘီး ကုန်တင်ဒိုင်နာယာဥ်တစ်စီး ဘရိတ်ပေါက်၍ ထိုးဆင်းလာပြီး ဆိုင်ကယ်တစ်စီးနှင့် လူနေအိမ်ကို ဝင်ရောက်တိုက်မိခဲ့တာဖြစ်ပါတယ်။

အဆိုပါ ဖြစ်စဥ်ကြောင့် လူတစ်ဦး(အမျိုးသားတစ်ဦး) ထိခိုက်ဒဏ်ရာရခဲ့ပြီး ဒေသခံလူမှုကယ်ဆယ်ရေးအသင်းတွေက ဒဏ်ရာရလူနာကို မော်လမြိုင်ဆေးရုံကြီးသို့ ကူညီပို့ဆောင်ပေးခဲ့ရတယ်လို့ သိရပါတယ်။

Photo - ရာမညအရေးပေါ်လူမှုကယ်ဆယ်ရေးအဖွဲ့

ymg/kg
#Yangon_Media_Group

#LocalNews
Published - 18 April 2022

မြန်မာနိုင်ငံတွင် ပဋိပက္ခတွေချုပ်ငြိမ်းပါစေလို့ ဗြိတိန် ဝေလမင်းသား ဆုမွန်ကောင်းတောင်းလိုက်ပါတယ်။

ဒါ့အပြင် ပြည်သူတွေနဲ့ ထိုက်တန်တဲ့ တောက်ပတဲ့အနာဂတ်တွေ ရရှိပါစေလို့လည်း မြန်မာနှစ်သစ်ကူးအတွက် ဝေလမင်းသားက ဆုမွန်ကောင်းတောင်းပေးခဲ့တာပါ။

အဆိုပါ ဆုမွန်ကောင်းတောင်းလွှာတွင် "ရဲစွမ်းသတ္တိပြည့်၀တဲ့ မြန်မာပြည်သူတွေရဲ့ အတာသင်္ကြန်ပွဲတော်နဲ့ မြန်မာ့နှစ်သစ်ကူးအခါသမယကို ရောက်ရှိလာတာနဲ့အမျှ မြန်မာနိုင်ငံအနှံ့က မိတ်ဆွေတွေ၊ လူ့ဘောင်အဖွဲ့အစည်းအသီးသီးက လွတ်လပ်မှုနဲ့ လူ့အခွင့်အရေးမြှင့်တင်ဖို့အတွက် လုပ်ဆောင်နေကြတဲ့ ပြည်သူအားလုံးနဲ့အတူ လိုအပ်နေတဲ့ လူသားချင်းစာနာမှု အကူအညီများရရှိရေးအတွက် ကြိုးပမ်းလုပ်ဆောင်နေကြသူတွေအားလုံးကို သတိရမိပါတယ်။ မြန်မာနိုင်ငံမှာ ပဋိပက္ခတွေ ချုပ်ငြိမ်းပြီး ပြည်သူတွေနဲ့ ထိုက်တန်တဲ့ တောက်ပတဲ့အနာဂတ်တွေ ရရှိပါစေလို့မျှော်လင့်ရင်း ဆုမွန်ကောင်းတောင်းလိုက်ပါတယ်။ မြန်မာပြည်သူတွေကို မမေ့လျော့ဘဲ တစ်သားတည်းအမြဲအတူရှိနေပါတယ်"လို့ ဗြိတိန်ဝေလမင်းသား၏ ဆုမွန်ကောင်းတောင်း လွှာမှာ ဖော်ပြထားတာပါ။

မြန်မာနှစ်သစ်ကူးအတွက် ဗြိတိန်နိုင်ငံ ဝေလမင်းသားထံမှ ဆုမွန်ကောင်းတောင်းလွှာကို UK in Myanmar က မြန်မာ့နှစ်ဆန်းတစ်ရက်နေ့မှာ ထုတ်ပြန်ခဲ့တာဖြစ်ပါတယ်။

ymg/kg
#Yangon_Media_Group