#Local_News
Published _ 1 December 2022

စစ်ကိုင်းတိုင်းဒေသကြီး၊ အင်းတော်မြို့နယ်၊ အောင်ချမ်းသာရပ်ကွက်ရှိ အင်းတော်မြို့မရဲစခန်းကို လက်နက်ကိုင်တစ်ဖွဲ့က နိုဝင်ဘာလ ၂၉ ရက် ညနေပိုင်းတွင် ၄၀ မမ ဗုံးပစ်လောင်ချာများဖြင့် ရမ်းပစ်ခတ်ခဲ့သောကြောင့် ရဲစခန်းအနီး လူနေရပ်ကွက်များအတွင်း ကျရောက်ပေါက်ကွဲခဲ့သောကြောင့် အရပ်သားအမျိုးသမီး ၇ ဦးထိခိုက်ဒဏ်ရာရရှိခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

လက်နက်ကိုင်များက ရဲစခန်း၏ မြောက်ဘက် ၄ ဖာလုံခန့်အကွာရှိ ဗန်းမောက်လမ်းဆုံဘက်မှ ၄၀ မမဗုံးပစ်လောင်ချာများဖြင့် ရမ်းပစ်ခတ်တိုက်ခိုက်ခဲ့သောကြောင့် လုံခြုံရေးတပ်ဖွဲ့ဝင်များက ပြန်လည်ခုခံပစ်ခတ်ခဲ့ရာ သက္ကယ်ကျင်းကျေးရွာဘက်သို့ ဆုတ်ခွာထွက်ပြေးသွားခဲ့ကြကြောင်း သိရသည်။

လက်နက်ကိုင်အဖွဲ့တစ်ခု ပစ်ခတ်သော ဗုံးသီးများမှာ ရဲစခန်းအနီး လူနေရပ်ကွက်များအတွင်းသို့ ကျရောက်ပေါက်ကွဲခဲ့မှုကြောင့် ဒေါ်စိန်ရင် (၅၀)နှစ်၊ ဒေါ်မိုးဥမ္မာကျော် (၄၇)နှစ်၊ ဒေါ်သဲကော(၃၂)နှစ်၊ ဒေါ်ဝါဝါခိုင်(၅၁)နှစ်၊ ဒေါ်မိမိငယ်(ခ)မငယ်(၄၃)နှစ်၊ ဒေါ်ခင်ထွေးစိန် (၃၇)နှစ်နှင့် ဒေါ်ကေသွယ်ဝင်း (၄၆)နှစ်တို့ ၇ ဦးတို့ ဗုံးစထိမှန်ဒဏ်ရာရရှိခဲ့ကြကြောင်း သိရသည်။

#ymg/mt
#Yangon_Media_Group

#Local _News
Published _ 1 December 2022

တနင်္သာရီတိုင်း၊ ထားဝယ်မြို့နယ်၊ ဇဟာကျေးရွာအနီးတွင် နိုဝင်ဘာလ ၃၀ ရက်ညနေပိုင်းတွင် အန်ဇာတုံးကားတစ်စီး အရှိန်မထိန်းနိုင်ဘဲတိမ်းမှောက်ခဲ့သည်ဟု မြန်မာနိုင်ငံမီးသတ်တပ်ဖွဲ့ဌာနချုပ်နှင့် ဇဗ္ဗူသီရိလူမှုကူညီရေးအသင်းတို့ထံမှ သိရှိရသည်။

ယမန်နေ့ညနေ ၄ နာရီ ၁၀ မိနစ်ကျော်ခန့်က ထားဝယ်မြို့နယ်၊ ဇဟာကျေးရွာအနီးတွင် အန်ဇာတုံး(အဖြူရောင်)ကားသည် အရှိန်မထိန်းနိုင်ဘဲ တိမ်းမှောက်ခဲ့ကြောင်း သတင်းအရ ထားဝယ်ခရိုင်မီးသတ်စခန်း၊ ဇမ္မူသီရိလူမှုကူညီရေးအသင်း၊ ထားဝယ်ကြက်ခြေနီအသင်းများမှ ကူညီကယ်ဆယ်ရေးလုပ်ငန်းများပြုလုပ်ခဲ့ကြောင်း သိရသည်။

ဖြစ်စဉ်ကြောင့် ကားပေါ် လိုက်ပါလာသည့် အမျိုးသား ၁ ဦးနှင့် အမျိုးသမီး ၆ ဦးတို့အနက် အမျိုးသမီး ၁ ဦးမှာ ထိခိုက်ဒဏ်ရာများရရှိ၍ အခင်းဖြစ်နေရာ၌ပင် သေဆုံးသွားခဲ့ကြောင်း သိရသည်။

ဒါ့အပြင် အမျိုးသမီး ၄ ဦးလည်း ထိခိုက်ဒဏ်ရာများရရှိခဲ့သဖြင့် ဇဗ္ဗူသီရိလူမှုကူညီရေးအသင်းကားဖြင့် ထားဝယ်မြို့ပြည်သူ့ဆေးရုံကြီးသို့ပို့ဆောင်ပေးခဲ့ကြကြောင်းလည်း သိရသည်။

#ymg/NN
#Yangon_Media_Group

#Local_News
Published _ 1 December 2022

အများပြည်သူကို ဖြန့်ဖြူးဆောင်ရွက်နေသောလျှပ်စစ်တာဝါတိုင်များကို လက်နက်ကိုင်အဖွဲ့က မိုင်းခွဲဖျက်ဆီးမှု အကြိမ်ကြိမ်ပြုလုပ်၍ ပြန်လည်ပြုပြင်ရန်သွားရောက်သည့် လျှပ်စစ်ဝန်ဖမ်းများကို ထပ်မံပစ်ခတ်သဖြင့် သေဆုံးသည့်လျှပ်စစ်ဝန်ထမ်း ၁၉ ဦးနှင့်ဒဏ်ရာရဝန်ထမ်း ၅၆ ဦးထိ ရှိလာပြီ ဖြစ်ကြောင်း လျှပ်စစ်စွမ်းအားဝန်ကြီးဌာနက သိရသည်။

"တာဝါတိုင်တွေကို အကြိမ်ကြိမ် ဖျက်ဆီးတယ်၊ ဖောက်ခွဲတယ်။ ချိုးပစ်တယ်၊ သွားပြင်တဲ့ ဝန်ထမ်းတွေကို ပစ်တယ်၊အခုဆိုရင် သေဆုံးသွားတဲ့ဝန်ထမ်း ၁၉ ယောက် ရှိပြီ၊ ထိခိုက်ဒဏ်ရာရတာ က ၅၆ ယောက် ရှိပြီ၊ ဒါပေမဲ့လည်း ကျွန်တော်တို့အနေနဲ့ အများပြည်သူကို လျှပ်စစ်မီးပေးနိုင်ဖို့ ဆက်ပြီးတော့ ဘယ်လို ပြုပြင်ရင် ရမလဲဆိုတာကို ချင့်ချိန်ပြီး လုပ်နေကြပါတယ်။သက်ဆိုင်ရာနယ်မြေတွေကလုံခြုံရေးအဖွဲ့တွေနဲ့ ပူးပေါင်းပြီးတော့ လုပ်နေပါတယ်"ဟု လျှပ်စစ်စွမ်းအားဝန်ကြီးဌာန၏ အရာထမ်းတစ်ဦးက ပြောသည်။

ယင်းအပြင် နိုဝင်ဘာလ ၂၉ ရက် ညနေပိုင်းက မွန်ပြည်နယ်၊ ကျိုက်ထိုမြို့နယ်လျှပ်စစ်ရုံး၌ တာဝန်ထမ်း‌ဆောင်လျက်ရှိသော မြို့နယ်လျှပ်စစ်အင်ဂျင်နီယာတစ်ဦးကို ပြီးခဲ့သည့်လုပ်ကြံခဲ့၍ သေဆုံးခဲ့ရသောကြောင့် ယခုအခါ လျှပ်စစ်စွမ်းအားဝန်ကြီးဌာန၏ ဝန်ထမ်းများအား လုပ်ကြံပစ်ခတ်မှု(၂၄) ကြိမ် ရှိပြီ ဖြစ်ကြောင်းလည်း သိရသည်။

ပြီးခဲ့သည့် နိုဝင်ဘာလ ၂၈ ရက် ကလည်း အများပြည်သူကို ဖြန့်ဖြူးဆောင်ရွက်နေသော ၂၃၀ ကေဗွီ ညောင်ပင်ကြီး-ချောင်းကူး မဟာဓာတ်အားလိုင်းကို လက်နက်ကြီးဖြင့် ပစ်ခတ်ခဲ့သဖြင့် မြို့(၁၃)မြို့ ဓာတ်အားပြတ်တောက်ခဲ့သည့်အပြင် မကွေးတိုင်းဒေသကြီး၊ ကျွန်းချောင်းရှိ (၂၀ ဒသမ ၅၄)မဂ္ဂါဝပ် သဘာဝဓာတ်ငွေ့သုံးအင်ဂျင် စက်ရုံမှဝန်ထမ်းများကို ခြိမ်းခြောက်ငွေတောင်းခံခဲ့သဖြင့် နိုင်ငံခြားသားဝန်ထမ်းများ ထွက်ခွာခဲ့ရကာ ဓာတ်အားပေးစက်ရုံကို ရပ်တန့်ခဲ့ရပြီး ဓာတ်အားထုတ်လုပ်မှု လျော့နည်းခဲ့ရခြင်းများ ဖြစ်ပေါ်ခဲ့သေးကြောင်း သိရသည်။

၎င်းအပြင် လက်နက်ကိုင်အဖွဲ့က ဓာတ်အားပေးစက်ရုံ၊ ခွဲရုံ၊ ရုံးနှင့် ဝန်ထမ်းအိမ်ရာများသို့ ဝင်ရောက်ဖောက်ခွဲပစ်ခတ်ဖျက်ဆီးမှု (၂၀၉)ကြိမ်၊အများပြည်သူသို့ ဖြန့်ဖြူးပေးလျက်ရှိသည့် မဟာဓာတ်အားလိုင်းတာဝါ (၄၈)တိုင်နှင့် ဖြန့်ဖြူးရေးလိုင်း (၄၉)တိုင်တို့ကို ဖျက်ဆီးဖောက်ခွဲခဲ့သဖြင့် လျှပ်စစ်ဓာတ်အား (၁၆၀) မဂ္ဂါဝပ်ခန့် လျော့နည်းခဲ့ကာ အချို့သောနေရာများတွင် ပြုပြင်ဆောင်ရွက်ခြင်းမပြုလုပ်နိုင်သေးသဖြင့် ပြည်သူလူထုသို့ လျှပ်စစ်ဖြန့်ဝေပေးနိုင်မှုမရှိကြောင်းလည်း လျှပ်စစ်စွမ်းအားဝန်ကြီးဌာနက သိရသည်။

#ymg/mt
#Yangon_Media_Group

#World_Health
Published 1 December 2022

အသီးအရွက်များ၊ အစေ့အဆန်များ၊ ပဲအမျိုးမျိုးတို့ကို အဓိကထားစားသုံးတဲ့ ယောက်ျားတွေဟာ အူမကြီးကင်ဆာဖြစ်နိုင်ချေ ၅ ပုံ ၁ ပုံလျှော့ချနိုင်ကြောင်း လေ့လာတွေ့ရှိထားပါတယ်။

အမျိုးသမီးတွေမှာလည်း စမ်းသပ်ခဲ့ပေမယ့် အသီးအနှံစားသုံးခြင်းနဲ့ ကင်ဆာဖြစ်နိုင်ချေလျော့ကျခြင်းတို့ကြား ဆက်စပ်မှုမရှိခဲ့ပါဘူး။

အသီးအရွက်တွေနဲ့ အစေ့အဆန်တွေမှာပါတဲ့ ဓာတ်တိုးဆန့်ကျင်ပစ္စည်းတွေဟာ ကင်ဆာဖြစ်စေတဲ့ရောင်ရမ်းခြင်းကို လျှော့ချပေးကာ အူမကြီးကင်ဆာဖြစ်နိုင်ချေလျော့နည်းစေပါတယ်။

လေ့လာမှုလုပ်ရာမှာ စမ်းသပ်ခံသူတွေ စားသုံးတဲ့အထဲက အစားအစာတွေကို အမျိုးအစားခွဲလိုက်ပြီး ကျန်းမာရေးအတွက် ကောင်းမွန်တဲ့ အသီးအရွက်များ၊ အတော်အသင့်ညီညွတ်တဲ့ အပင်ထွက်အစားအစာများနဲ့ သားငါးများဆိုပြီး ခွဲထားပါတယ်။

"အူမကြီးကင်ဆာက ကမ္ဘာပေါ်မှာ တတိယအဖြစ်အများဆုံး ကင်ဆာဖြစ်ပြီး အမျိုးသား ၂၃ ဦးမှာ ၁ ဦးနှုန်းနဲ့ အမျိုးသမီး ၂၅ ဦးမှာ ၁ ဦးနှုန်း ဖြစ်ပွားလေ့ရှိပါတယ်။

အမျိုးသားတွေကြား ဒီဆက်စပ်မှုက လူမျိုးအပေါ်လည်း မူတည်ပါသေးတယ်။

အသီးအရွက်နှင့်ပဲအမျိုးမျိုးစားသုံးခြင်းက အူမကြီးကင်ဆာဖြစ်နိုင်လျှော့ချနိုင်တယ်ဆိုတဲ့ သုတေသနလေ့လာချက်ကို ကြိုဆိုလိုက်ကြောင်း၊ သားကြီးငါးကြီးများကို လျှော့စားသင့်ပြီး အသင့်ထုပ်ပိုးထားတဲ့ အစားအစာများကို ရှောင်ရှားသင့်ကြောင်း ကမ္ဘာ့ကင်ဆာသုတေသနရန်ပုံငွေအဖွဲ့မှ ဒေါက်တာ'ဟယ်လန်ခရော့ကာ'က ပြောကြားလိုက်ပါတယ်။

ကျန်းမာရေးအတွက် ညီညွတ်မျှတတဲ့ အစားအစာစားသုံးခြင်းဖြင့် ကိုယ်အလေးချိန်မှန်ကန်ပြီး ကင်ဆာဖြစ်နိုင်ချေကို လျှော့ချပေးနိုင်တာဖြစ်ပါတယ်။

ဆေးလိပ်နှင့်အရက် ရှောင်ရှားခြင်း၊ နေရောင်အောက် တိုက်ရိုက်ထိတွေ့မှုတို့မှ ရှောင်ရှားခြင်းဖြင့်လည်း ကင်ဆာဖြစ်နိုင်ချေကို လျှော့ချနိုင်ပါတယ်။

Source: Daily Mail
#Yangon_Media_Group

#Local_News
Published_1 December 2022

နိုဝင်ဘာလအတွင်း အောင်ဘာလေထီလက်မှတ် ရောင်းရမှုသည် ပြီးခဲ့သည့်လများထက် ကျပ်သန်း ၂၀၀ ကျော်ဖိုး တိုးလာကြောင်း အောင်ဘာလေသိန်းဆုဌာနခွဲ၏ သတင်းထုတ်ပြန်ချက်အရ သိရသည်။

နိုဝင်ဘာလအတွင်း ထီစာအုပ် ၃၉၀၀၀၀ ကျော်ရောင်းချခဲ့ပြီး ရောင်းရငွေ စုစုပေါင်းတန်ဖိုးသည် ကျပ်သန်း ၃၉၀၀ ကျော်ရှိကြောင်း၊ ပြီးခဲ့သည့် အောက်တိုဘာလအတွင်း ထီလက်မှတ်ရောင်းရငွေမှာ ကျပ်သန်း ၃၇၀၀ ကျော်သာရှိကြောင်းသိရသည်။

အဆိုပါ ရောင်းရငွေ ကျပ်သန်း ၃၉၀၀ ကျော်ထဲမှ ၇၀ ရာခိုင်နှုန်းဖြစ်သည့် ကျပ်သန်း ၂၇၀၀ ကျော်ကို ထီဆုငွေအဖြစ် ခွဲဝေချီးမြှင့်သွားမည်ဖြစ်ကြောင်း ကြေညာချက်တွင် ဖော်ပြထားသည်။

ဒီဇင်ဘာ ၁ ရက်တွင် ချီးမြှင့်မည့် အောင်ဘာလေထီမှာ အထူးဆုကြီးအဖြစ် ကျပ်သိန်း ငါးထောင် ၁ ဆု နှင့် ကျပ်သိန်း တစ်ထောင် ၁ ဆု တ့ို ပါဝင်ပြီး ဆုတစ်ဆုချင်း ဆုမဲတွေနှင့် ဝေဝေဆာဆာပဒေသ ဆုမဲများ ပါဝင်မည်ဖြစ်ကြောင်း ဖော်ပြထားသည်။

#ymg/sth
#Yangon_Media_Group

#Local_News
Published_1 Dec 2022

ကိုဗစ်-၁၉ ရောဂါဖြစ်ပွားမှုကြောင့် ၂၀၂၀ ပြည့်နှစ်၊ ဖေဖော်ဝါရီလ နောက်ပိုင်း ရပ်နားထားခဲ့ရသော ကျောက်ကပ်အစားထိုးခွဲစိတ်ကုသမှုကို အထူးကုဆေးရုံကြီး (ခုတင်-၅၀၀) ရန်ကုန်၌ နိုဝင်ဘာ ၂၉ရက်တွင်အောင်မြင်စွာ ပြန်လည်ဆောင်ရွက်နိုင်ခဲ့ပါတယ်။

အထူးကုဆေးရုံကြီး(ခုတင်-၅၀၀)-ရန်ကုန်မြို့တွင် လူနာ မခင်ညိုညိုထွေး၊ အသက် (၂၃) နှစ်၊ အလှူရှင် မသင်းပြည့်ပြည့်မိုး၊ အသက်(၂၅)နှစ် ညီအစ်မအတွဲအား ကျောက်ကပ် အစားထိုးခွဲစိတ်ကုသခြင်းကို နိုဝင်ဘာ ၂၉ ရက်၊ နံနက်(၈)နာရီ (၄၅)မိနစ်မှစတင်၍ ဆောင်ရွက်ခဲ့ရာ မွန်းလွဲ(၁)နာရီ (၁၅)မိနစ်တွင် ခွဲစိတ်ကုသမှု အောင်မြင်စွာ ဆောင်ရွက်ပြီးစီးခဲ့ပြီး လူနာနှင့်ကျောက်ကပ်အလှူရှင်တို့၏ ကျန်းမာရေးအခြေအနေ ကောင်းမွန်ကြောင်းနှင့် အထူးကြပ်မတ်ကုသဌာန၌ထားရှိ၍ စောင့်ကြည့်ကုသမှု ဆောင်ရွက်ပေးလျက် ရှိကြောင်း သိရပါတယ်။

အထူးကုဆေးရုံကြီး(ခုတင်-၅၀၀)-ရန်ကုန်တွင် ဆေးရုံကြီးစတင်ဖွင့်လှစ်သည့် ၂၀၁၄ ခုနှစ် မှစတင်၍ ကျောက်ကပ်အစားထိုးခွဲစိတ်ကုသမှုများစတင်၍ ဆောင်ရွက်ခဲ့ရာ ၂၀၁၄ ခုနှစ်တွင် (၄)ကြိမ်၊ ၂၀၁၅ ခုနှစ်တွင် (၁၀)ကြိမ်၊ ၂၀၁၆ ခုနှစ်တွင် (၁၀)ကြိမ်၊ ၂၀၁၇ ခုနှစ်တွင် (၉)ကြိမ်၊ ၂၀၁၈ ခုနှစ်တွင် (၉)ကြိမ်၊ ၂၀၁၉ ခုနှစ်တွင် (၁၀)ကြိမ်နှင့် ၂၀၂၀ ပြည့်နှစ် ဖေဖော်ဝါရီလအထိ (၂)ကြိမ်၊ စုစုပေါင်း (၅၄)ကြိမ် အောင်မြင်စွာခွဲစိတ်ကုသမှု ဆောင်ရွက်ပေးနိုင်ခဲ့ပြီး ယခုအကြိမ်သည်(၅၅)ကြိမ်မြောက် ကျောက်ကပ် အစားထိုး ခွဲစိတ်ကုသမှုဖြစ်ကြောင်း သတင်းရရှိပါတယ်။

ygm_mnn
#Yangon_Media_Group

#World_Health
Published 1 December 2022

မြောက်ကာရိုလိုင်းနားမှ အသက် ၃၀ အရွယ်ရှိ 'အီသန်ဘရက်ရှော'ဟာ ရင်ဘတ်အောင့်ပြီး နှလုံးဖောက်ခြင်းဝေဒနာခံစားခဲ့ရတာကြောင့် ဆေးရုံတက်လိုက်ရပါတယ်။

ဆေးရုံမှဆင်းပြီးနောက် ကုသပေးခဲ့တဲ့ ဆရာဝန်တွေ၊ ဆေးဝန်ထမ်းတွေ၊ မိသားစုတွေကို အမြဲကျေးဇူးတင်စိတ်ထားခဲ့ရာ နှလုံးရောဂါအခြေအနေတိုးတက်လာပြီး နှလုံးဖောက်နိုင်ချေနည်းပါးလာတယ်လို့ ခံစားလာရပါတယ်။

ကျေးဇူးတင်ခြင်းနဲ့ ရောဂါဖြစ်ပွားနိုင်ချေတို့ကြား လက်တွေ့သက်ရောက်မှုရှိတယ်ဆိုတာကို သုတေသီတွေ အသေအချာသက်သေမပြနိုင်ပေမယ့် လေ့လာချက်တွေအရတော့ အကျိုးကျေးဇူးများစွာ ရှိနေပါတယ်။

- နှလုံးခုန်နှုန်းလျှော့ချပေးခြင်း

- သွေးပေါင်ချိန်ကျစေခြင်း

- ဝေဒနာအလျင်အမြန်သက်သာစေခြင်း

- အသက်ရှူနှုန်းထိန်းညှိပေးခြင်း

- ကိုယ်ခံအားမြှင့်တင်ခြင်း

- မှတ်ဉာဏ်တိုးတက်စေခြင်း

- စိတ်အခြေအနေ တိုးတက်စေခြင်း

- အိပ်ပျော်စေခြင်း

- နာတာရှည်ကိုက်ခဲခြင်းကို လျော့ကျစေခြင်း

- ရောင်ရမ်းမှုကိုလျှော့ချပေးခြင်း

ကျေးဇူးသိစိတ်ရှိတဲ့အခါ ဦးနှောက်ထဲမှာ ပျော်ရွှင်ခြင်းဟော်မုန်းများ ထွက်ပေါ်လာကာ နေထိုင်မှုဘဝပိုမိုကောင်းမွန်လာပြီး ရောဂါများကိုကာကွယ်ပေးနိုင်ပါတယ်။

(၁) နှလုံးရောဂါကာကွယ်ပေးခြင်း

ကျေးဇူးတင်တတ်တဲ့သူတွေမှာ နှလုံးကျန်းမာရေးတိုးတက်စေပြီး နှလုံးရောဂါဖြစ်နိုင်ချေကို လျှော့ချပေးနိုင်ပါတယ်။

(၂) ဆီးချိုရောဂါကာကွယ်ပေးခြင်း

ကျေးဇူတင်တတ်သူတွေဟာ လေ့ကျင့်ခန်းပြုလုပ်ခြင်း၊ ကျန်းမာရေးညီညွတ်မျှတဲ့ အစားအစာစားသုံးခြင်းတို့ ပိုမိုပြုလုပ်လာကြကာ ဆီးချိုဖြစ်နိုင်ချေများတဲ့ အလေ့အထတွေကို ရှောင်ရှားတတ်ကြပါတယ်။

(၃) ကင်ဆာကာကွယ်ပေးခြင်း

ကင်ဆာအမျိုးအစားအများစုဟာ ရောင်ရမ်းခြင်းကြောင့် ဖြစ်ရတာဖြစ်ပြီး ကျေးဇူးတင်တတ်တဲ့သူတွေမှာ ရောင်ရမ်းခြင်းကိုလျှော့ချနိုင်တာကြောင့် ကင်ဆာကာကွယ်ပေးနိုင်တာဖြစ်ပါတယ်။

(၄) တုပ်ကွေးကာကွယ်ပေးခြင်း

ကျေးဇူးတင်တတ်ခြင်းဖြင့် ကိုယ်ခံအားစနစ်နဲ့ စိတ်အခြေအနေတို့ကို တိုးတက်စေကာ ရာသီအလိုက်ဖြစ်တတ်တဲ့ ဗိုင်းရပ်ရောဂါတွေကို ကာကွယ်ပေးနိုင်ပါတယ်။

(၅) မှတ်ဉာဏ်ချို့ယွင်းမှုကို ကာကွယ်ပေးနိုင်ဖွယ်ရှိ

ကျေးဇူးတင်တတ်ခြင်းဟာ ဦးနှောက်နဲ့ အာရုံကြော်လုပ်ဆောင်မှုများကို တိုးတက်စေကာ အာရုံကြောချိတ်ဆက်မှုများ၊ အသိဉာဏ်များ၊ စိတ်ခံစားမှုထိန်းချုပ်မှုများကို တိုးတက်စေနိုင်ပါတယ်။

(၆) အိပ်မပျော်ခြင်းကို ကာကွယ်ပေးခြင်း

ကျေးဇူးတင်တတ်သူတွေက စိုးရိမ်ကြောင့်ကြစိတ်တွေ၊ ပူပန်စိတ်တွေမရှိတာကြောင့် ညဘက်အိပ်တဲ့အခါ ကောင်းစွာအိပ်ပျော်စေပါတယ်။

Source: The Healthy
#Yangon_Media_Group

#Local_News
Published_ 1 December 2022

ပထမအကြိမ် မြန်မာ-ရုရှား ပူးတွဲအကြမ်းဖက်မှုတိုက်ဖျက်ရေးကော်မတီ အစည်းအဝေးကို နိုဝင်ဘာ ၃၀ ရက်နံနက်ပိုင်းက နေပြည်တော်ရှိ Hilton Hotel ၌ ကျင်းပခဲ့ကြောင်း သိရပါတယ်။

အဆိုပါအစည်းအဝေးသို့ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး မိုးမြင့်ထွန်းနှင့် ကော်မတီဝင် မြန်မာ့တပ်မတော်မှ အရာရှိကြီးများတက်ရောက်ကြပြီး ရုရှားတပ်မတော်၊ စစ်ဦးစီးချုပ်ရုံးအကြီးအကဲနှင့် ပထမဒုတိယကြည်းတပ်ဦးစီးချုပ် Colonel-General Kim Alexey Rostislavovich နှင့် ကော်မတီဝင်ရုရှားတပ်မတော်မှ အရာရှိကြီးများ တက်ရောက်ကြပါတယ်။

ဦးစွာ ပထမအကြိမ် မြန်မာ-ရုရှား အကြမ်းဖက်မှုတိုက်ဖျက်ရေးကော်မတီ ပူးတွဲ ဥက္ကဌများဖြစ်ကြသည့် ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး မိုးမြင့်ထွန်းနှင့် ရုရှားတပ်မတော်၊ စစ်ဦးစီးချုပ်ရုံးအကြီးအကဲနှင့် ပထမဒုတိယကြည်းတပ် ဦးစီးချုပ် Colonel-General Kim Alexey Rostislavovich တိုက နှုတ်ခွန်းဆက် စကားများပြောကြားကြပါတယ်။

ထို့နောက် အကြမ်းဖက်မှုတိုက်ဖျက်ရေးကော်မတီပူးတွဲဥက္ကဋ္ဌ နှစ်ဦးက အစည်း အဝေးအစီအစဉ်အားအတည်ပြုကြပြီး အစည်းအဝေးတက်ရောက်လာသူများနှင့်အတူ အမှတ်တရစုပေါင်းဓာတ်ပုံရိုက်ကြပါတယ်။

အစည်းအဝေးတွင်မြန်မာ-ရုရှားအကြမ်းဖက်မှုတိုက်ဖျက်ရေးပူးပေါင်း ဆောင်ရွက်မှု ဆိုင်ရာကိစ္စရပ်များကို နှစ်ဖက်ရင်းနှီးပွင့်လင်းစွာ အမြင်ခြင်းဖလှယ် အပြန်အလှန်ဆွေးနွေး ကြကြောင်း သတင်းရရှိပါတယ်။

ygm_mnn
#Yangon_Media_Group

#Local_News
Published _30 November 2022

ရခိုင်ပြည်နယ်မှာ ပြီးခဲ့တဲ့ နိုဝင်ဘာလ ၂၆ ရက်နေ့ကစလို့ တပ်မတော်နဲ့ AA အဖွဲ့တို့ အပစ်အခတ်ရပ်စဲပြီးတဲ့နောက် နယ်စပ်ကုန်သွယ်ရေးစခန်းတွေ ပြန်လည်လည်ပတ်လာပါတယ်။

#Yangon_Media_Group

#World_Innovation
Published 30 November 2022

အဏ္ဏဝါအပင်များမှ ဇီဝချေဖျက်ခြင်းထုပ်ပိုးမှုများ ဖန်တီးနေတဲ့ ဗြိတိန်လုပ်ငန်းတစ်ခုကို ပြင်သစ်နဲ့စပိန်မှ ကျောင်းသားဟောင်းနှစ်ဦးက တည်ထောင်ခဲ့တာ ဖြစ်ပါတယ်။

#Yangon_Media_Group

Published 30 Nov 2022

ရုရှားလေတပ်နှင့် တရုတ်လေတပ်တို့ဟာ အာရှပစိဖိတ်မှာ ပူးတွဲ လေ့ကျင့်ပျံသန်းမှုတွေ ပြုလုပ်ခဲ့ကြပါတယ်။ အဲဒီပူးတွဲ လေ့ကျင့်မှုတွေကို မှတ်တမ်းတင်ထားတဲ့ ဗွီဒီယိုကို ရုရှားကာကွယ်ရေးဝန်ကြီးဌာနက နိုဝင်ဘာ (၃၀)ရက်မှာ ထုတ်ပြန်ခဲ့ ပါတယ်။ “ ရုရှား လေတပ်ရဲ့ Tu-95ms မဟာဗျူဟာမြောက် ဒုံးကျည်တင် လေယာဉ်တွေနှင့် တရုတ်လွတ်မြောက်ရေး  တပ်မတော်ရဲ့ Xian-6k အပါအဝင် မဟာဗျူဟာမြောက် ဗုံးကြဲလေယာဉ်တွေပါဝင်တဲ့ လေယာဉ်အုပ်စုဟာ ဂျပန်နှင့် အရှေ့ တရုတ်ပင်လယ်အပေါ်ကနေ ကင်းထောက်ပျံသန်းမှုတွေပြုလုပ်ခဲ့ကြတယ်”လို့ ကြေငြာချက်မှာ ဖော်ပြထားပါတယ်။

Source: AFP

#Joint_air_patrols_Strategic_Planes

#Russia_China_Joint_Air_Patrols

#Asia_Pacific_Politics

#Local_News
Published_ 30 November 2022

အခုဆောင်းတွင်းကာလမှာ ဝေးလံခေါင်သီတဲ့ကချင် ပြည်နယ်ကကျေးလက်နေပြည်သူတွေအတွက် အနွေးထည်၊ စောင်နဲ့ကျောင်းသုံးစာအုပ်တွေအပါ အဝင်စာအုပ်စာပေတွေ လိုအပ်နေတယ်လို့ ဒေသခံတွေထံမှ သိရပါတယ်၊၊

#Yangon_Media_Group