#World_Military
Published 22 August 2022

တောင်ကိုရီးယားနဲ့ အမေရိကန်တိုက တနင်္လာနေ့မှာ သူတို့ရဲ့နှစ်စဉ်စစ်ရေး ပူးပေါင်းလေ့ကျင့်မှုများနဲ့ ကွင်းဆင်းလေ့ကျင့်မှုများ စတင်ဆောင်ရွက်နေပြီဖြစ်ကြောင်း သက်ဆိုင်ရာအရာရှိများက အသိပေးလိုက်ပါတယ်။

ဒါဟာ မြောက်ကိုရီးယားဘက်မှ နောက်ထပ်လက်နက်စမ်းသပ်ပစ်လွှတ်လာနိုင်တဲ့ အခြေအနေအတွက် မဟာမိတ်အဖွဲ့များက အသင့်ပြင်ဆင်နေတဲ့သဘော မြင်နေရပါတယ်။

နွေရာသီစစ်ရေး လေ့ကျင့်မှုအဖြစ် ယခုနှစ်မှာ Ulchi Freedom Shield လို့ အမည်ပေးထားကာ စက်တင်ဘာ ၁ ရက်နေ့မှာ ပြီးဆုံးသွားဖို့ သတ်မှတ်ထားပါတယ်။

ဒီမတိုင်ခင်မှာတော့ မေလကမှ သမ္မတရာထူးရရှိထားတဲ့ တောင်ကိုရီးယားသမ္မတ'ယွန်းဆော့ယော'က နှစ်နိုင်ငံစစ်ရေးပူးတွဲလေ့ကျင့်မှုများကို ပုံမှန်အတိုင်း ပြန်လည်ဆောင်ရွက်သွားရန်နဲ့ မြောက်ကိုရီးယားရဲ့ ခြိမ်းခြောက်မှုတွေကို ဟန့်တားသွားရန် ကတိပြုခဲ့ပါတယ်။

ပြီးခဲ့တဲ့နှစ်များအတွင်း ကိုဗစ်ကပ်ရောဂါအခြေအနေအပြင် အရင်သမ္မတလက်ထက်က မြောက်ကိုရီးယားနဲ့ ပြန်လည်ဆက်ဆံဖို့ ကြိုးပမ်းခဲ့တာကြောင့် အမေရိကန်နဲ့ တောင်ကိုရီးယား ပူးတွဲစစ်ရေးလေ့ကျင့်မှုက ယုတ်လျော့သွားခဲ့ပါသေးတယ်။

စစ်ရေးပြခြင်းက ကျူးကျော်ဖို့အတွက် လေ့ကျင့်ပြင်ဆင်ခြင်းဖြစ်တယ်လို့ မြောက်ကိုရီးယားက သတ်မှတ်ထားတာ ဖြစ်ပါတယ်။

တောင်ကိုရီးယားနဲ့ အမေရိကန်တို့ စစ်ရေးလေ့ကျင့်မှု အကြိုစတင်ပြုလုပ်ပြီးနောက်မှာပဲ ပြီးခဲ့တဲ့အပတ်မှာ မြောက်ကိုရီးယားက အွန်ချွန်အနောက်ကမ်းရိုးတန်းမြို့ကနေ ပဲ့ထိန်းဒုံးကျည် ၂ စင်း စမ်းသပ်ပစ်လွှတ်ခဲ့ပါတယ်။

ယခုနှစ်အတွင်း မြောက်ကိုရီးယားဟာ ဒုံးကျည်စမ်းသပ်ပစ်လွှတ်မှုများ အရှိန်မြှင့်လုပ်ဆောင်ခဲ့ပြီးဖြစ်ကာ ၇ ကြိမ်မြောက် နျူကလီးယားစမ်းသပ်မှုကိုလည်း အချိန်မရွေးပစ်လွှတ်နိုင်တဲ့ အနေအထားရှိကြောင်း ဆိုးလ်မှ တာဝန်ရှိသူများက ပြောကြားထားပါတယ်။

မြောက်ကိုရီးယားအနေနဲ့ နျူကလီးယားလက်နက်ဖယ်ရှားဖို့ အစီအစဉ်ရှိပါက တောင်ကိုရီးယားအစိုးရက စီးပွားရေးထောက်ပံ့မှုများ ပံ့ပိုးသွားမှာဖြစ်ကြောင်း သမ္မတကအသိပေးလိုက်ပေမယ့် မြောက်ကိုရီးယားက လက်မခံဘဲ လူသိထင်ရှားတုံ့ပြန်ဝေဖန်လိုက်ပါတယ်။

မဟာမိတ်အဖွဲ့စစ်ရေးလေ့ကျင့်မှုအတွင်း ကွင်းဆင်းလေ့ကျင့်ခြင်းအစီအစဉ် ၁၁ မျိုးပြုလုပ်သွားမှာဖြစ်ပြီး စစ်သားထောင်နဲ့ချီပါဝင်မယ့် တပ်မတော်အဆင့်လေ့ကျင့်မှုလည်း ပါဝင်မှာဖြစ်ကြောင်း တောင်ကိုရီးယားကာကွယ်ရေးဝန်ကြီးဌာနက ထုတ်ပြန်ထားပါတယ်။

ဆိုးလ်မြို့တော်ကို ပစ်မှတ်ထားတဲ့ မြောက်ကိုရီးယားဒုံးကျည်ခြိမ်းခြောက်မှုတွေကို တန်ပြန်နိုင်ရန် ဒုံးကျည်ခြေရာခံစနစ်များနဲ့ ဟန့်တားဖျက်ဆီးရေးစနစ်များကို အဆင့်မြှင့်ပြုလုပ်သွားမယ်လိုလည်း ပြောကြားခဲ့ပါတယ်။

ပြီးခဲ့တဲ့နှစ်များအတွင်း တောင်ကိုရီးယားနဲ့ ဂျပန်တို့ကြား ဆက်ဆံရေးဆိုးရွားလာခဲ့ပေမယ့် ၂၀၁၇ ခုနှစ်နောက်ပိုင်း အမေရိကန်၊ တောင်ကိုရီးယားနဲ့ ဂျပန်နိုင်ငံတို့ပူးပေါင်းပြီး ဟာဝိုင်အီကမ်းရိုးတန်းမှာ ပဲ့ထိန်းဒုံးကျည်ကာကွယ်ရေးလေ့ကျင့်မှုများကို ပြုလုပ်ခဲ့ကြပါတယ်။

Source: Reuters
#Yangon_Media_Group

#World_Technology
Published 22 August 2022

ကမ္ဘာပေါ်က လက်ကိုင်ဖုန်းတွေမှာပါတဲ့ ကင်မရာတွေဟာ တစ်နှစ်ထက်တစ်နှစ်ပိုကောင်းလာကြပြီး အခုဆိုရင် လေဖြတ်ခြင်းအန္တရာယ်ရှိ/မရှိကိုပါ ကင်မရာဖြင့် သိရှိနိုင်တော့မှာဖြစ်ပါတယ်။

သုတေသီများက လူတွေရဲ့လည်ပင်းထဲက သွေးကြောအကျယ်ကို တိုင်းတာနိုင်မယ့် နည်းပညာအား တီထွင်လိုက်ပါတယ်။

ထိုနည်းပညာကတော့ ခေတ်မီစမတ်ဖုန်းဖြင့် လည်ပင်းကို စက္ကန့် ၃၀ ကြာ စစ်ဆေးဖတ်ရှုရတာဖြစ်ပါတယ်။

လည်ပင်းသွေးကြောကျဉ်းမြောင်းခြင်းက လေဖြတ်ခြင်းကိုဖြစ်စေတဲ့ အဓိကအကြောင်းအရင်းတွေထဲက တစ်ခုဖြစ်ပါတယ်။

ထိုင်ဝမ်မှ သုတေသီများက 2014 iPhone 6 ဖုန်းဖြင့် သက်ကြီးလူနာအယောက် ၂၀၀ ကျော်ရဲ့လည်ပင်းတွေကို ဗီဒီယိုရိုက်ကူးခဲ့ပါတယ်။

လူနာတွေကို ပက်လက်လှန်လှဲခိုင်းပြီး လက်ကိုင်ဖုန်းတပ်ဆင်ထားတဲ့သေတ္တာခွံထဲ ဦးခေါင်းကိုထည့်သွင်းစေပါတယ်။

ထို့နောက် အဆိုပါနည်းပညာဖြင့် သွေးကြောကျဉ်းပြီး လေဖြတ်ခြင်းအန္တရာယ်ရှိတဲ့ လူနာတွေ ၁၀ ယောက်မှာ ၉ ယောက်နှုန်းတွေ့ရှိခဲ့ပါတယ်။

အဆိုပါ တွေ့ရှိချက်က တကယ်အံ့ဩဖွယ်ရာတွေ့ရှိမှုဖြစ်တယ်လို့ ထိုင်ဝမ်တက္ကသိုလ်ဆေးရုံမှ ဒေါက်တာ'ရှန်လီကောင်'က ပြောပြခဲ့ပါတယ်။

ဗီဒီယိုဖြင့် ရှာဖွေတဲ့နည်းလမ်းက လွယ်ကူတာကြောင့် လက်ကိုင်ဖုန်းဖြင့် အသုံးပြုနိုင်အောင်ဖန်တီးပြီး လူပေါင်းများစွာရဲ့အသက်ကို ကယ်တင်နိုင်တော့မယ်လို့ ဆိုပါတယ်။

လက်ရှိမှာတော့ လေဖြတ်ခြင်းအန္တရာယ်ကို ရောဂါစစ်ဆေးရာမှာ ဈေးကြီးတဲ့ အာထရာဆောင်း၊ စီတီ၊ အမ်အာရ်အိုင်နည်းလမ်းများ အသုံးပြုနေရပါတယ်။

စမတ်ဖုန်းဖြင့် စစ်ဆေးရုံနဲ့ ဆရာဝန်တွေဆီ သွားစရာမလိုတော့ဘဲ ၅ မိနစ်အတွင်း မိမိဘာသာ စစ်ဆေးနိုင်တော့မှာဖြစ်ပါတယ်။

လေဖြတ်ခြင်းဆိုတာက ဦးနှောက်ကို သွေးရောက်ရှိမှု ပြတ်တောက်ကာ အသက်အန္တရာယ်ကို ခြိမ်းခြောက်နေတဲ့ အရေးပေါ်အခြေအနေဖြစ်ပါတယ်။

ယူကေရော အမေရိကန်မှာပါ လေဖြတ်ခြင်းကြောင့် အသက်ဆုံးရှုံးမှုနဲ့ ကိုယ်လက်အင်္ဂါဆုံးရှုံးမှုများ အဓိကဖြစ်ပွားနေရပါတယ်။

လေဖြတ်ခြင်းအန္တရာယ်ရှိနေတဲ့သူတွေကို ရောဂါစောစီးစွာရှာဖွေသိရှိဖို့က အလွန်အရေးကြီးကြောင်း ဒေါက်တာ'ကောင်'က ပြောပြပါတယ်။

အရင်က ရောဂါလက္ခဏာမရှိတဲ့သူတွေမှာ လေဖြတ်ခြင်းဖြစ်ပွားသူ နှစ်စဉ် ၂ ရာခိုင်နှုန်းမှ ၅ ရာခိုင်နှုန်းရှိနေပါတယ်။

Apple iPhone 6 ဖြင့် ဗီဒီယိုစမ်းသပ်ရိုက်ကူးရာမှာ ဗီဒီယိုလှုပ်ရှားမှုနည်းပညာဖြင့် လည်ပင်းသွေးကြောတွေကို ပစ်ဇယ် ၁ ကွက်ချင်းစီ ဆန်းစစ်သွားတာဖြစ်ပြီး အဆီစုပုံခြင်းကြောင့်ဖြစ်လာတဲ့ လက္ခဏာလေးတွေကို ရှာဖွေပေးပါတယ်။

အဆိုပါ စမ်းသပ်မှုတွင် သွေးကြောကျဉ်းခြင်းဖြစ်နေတဲ့ဖြစ်စဉ် ၈၇ ရာခိုင်နှုန်းကို ဗီဒီယိုနည်းပညာဖြင့် မှန်ကန်စွာတွေ့ရှိခဲ့ပါတယ်။

ဆေးလိပ်သောက်ခြင်း၊ အစားအစာအဟာရဓာတ်မပြည့်ဝခြင်း၊ ကိုယ်လက်လှုပ်ရှားမှုမရှိခြင်းတို့ကလည်း သွေးပေါင်ချိန်တိုးခြင်းနဲ့ ကိုလက်စ်ထရောပမာဏမြင့်တက်ခြင်းတို့ကို ဖြစ်စေကာ လေဖြတ်ခြင်းအန္တရာယ်များစေပါတယ်။

Source: Daily Mail
#Yangon_Media_Group

#World_Health
Published 22 August 2022

ကမ္ဘာတဝန်းက ကင်ဆာရောဂါဖြစ်ပွားမှုများကို လေ့လာကြည့်တဲ့အခါ တဝက်နီးပါးခန့်က ဆေးလိပ်နဲ့အရက်ကြောင့်ဖြစ်တယ်လို့ ကမ္ဘာ့စမ်းသပ်ချက်က ဩဂုတ် ၁၉ ရက်နေ့မှာ ဖော်ပြခဲ့ပါတယ်။

နေထိုင်မှုပုံစံကို ပြောင်းလဲလိုက်ရင်တော့ ရောဂါဖြစ်နိုင်ချေကို လျှော့ချနိုင်မှာ ဖြစ်ပါတယ်။

ဘီလ်ဂိတ်စ်ဖောင်ဒေးရှင်းက ထောက်ပံ့ပြီး Lancet ဂျာနယ်မှာ ဖော်ပြခဲ့ရာမှာ ကမ္ဘာ့ပေါ်မှာ ကင်ဆာကြောင့်သေဆုံးခြင်းရဲ့ ၄၄.၄ ရာခိုင်နှုန်းက အကြောင်းအရာ တစ်ခုတည်းကြောင့် ဖြစ်ပါတယ်။

ထိုလေ့လာမှုမှာ ကမ္ဘာတဝန်းမှ သုတေသီပေါင်း ထောင်နဲ့ချီပြီး ပါဝင်ခဲ့ပါတယ်။

ကင်ဆာဖြစ်ရတဲ့ အကြောင်းအရင်း ၃၄ မျိုးတွေ့ရှိခဲ့ကာ ကင်ဆာဖြစ်နိုင်ချေအများဆုံး အကြောင်းအရာက ဆေးလိပ်ဖြစ်ပြီး ၃၃.၉ ရာခိုင်နှုန်း ပါဝင် ပတ်သက်နေပါတယ်။

သူ့နောက်မှာတော့ အရက်က ၇.၄ ရာခိုင်နှုန်းနဲ့ တည်ရှိနေပါတယ်။

ကင်ဆာကြောင့် သေဆုံးရတဲ့ အမျိုးသားတဝက်ကျော်လောက်က ထိုအကြောင်းအရာတွေကြောင့်ဖြစ်ပြီး အမျိုးသမီးတွေကတော့ ၃ ပုံ ၁ ပုံခန့်ရှိပါတယ်။

၂၀၁၉ ခုနှစ်တုန်းက တစ်ကမ္ဘာလုံးအရ ကင်ဆာဖြစ်ရခြင်းအကြောင်းအရာတွေဟာ နေထိုင်မှုပုံစံကြောင့်ဖြစ်ပြီး ထိုနေထိုင်မှုပုံစံကို ပြုပြင်ပြီး လျှော့ချအောင်ပြုလုပ်နိုင်ကြောင်း လေ့လာချက်မှာ ဖော်ပြထားပါတယ်။

"ကင်ဆာဖြစ်လာနိုင်တဲ့ ပြဿနာတွေက ကမ္ဘာနဲ့တဝှမ်းကြီးထွားလာပါတယ်၊ ဆေးလိပ်သောက်ခြင်းကလည်း ကင်ဆာဖြစ်နိုင်ချေအရှိဆုံး အချက်ဖြစ်နေဦးမှာဖြစ်ပြီး အခြားအကြောင်းအရာတွေကတော့ အပြောင်းအလဲရှိနေနိုင်ပါတယ်"လို့ ဝါရှင်တန်ဆေးတက္ကသိုလ်မှ ဒေါက်တာ'ခရစ္စတိုဖာမာရေး'က ပြောပြခဲ့ပါတယ်။

ကင်ဆာဖြစ်ရတဲ့ အကြောင်းအရင်းတဝက်လောက်က ဆေးလိပ်မဟုတ်တာကြောင့် ရောဂါစောစောသိပြီး ထိထိရောက်ရောက်ကုသမှုခံယူမယ်ဆိုရင် ကာကွယ်နိုင်ချေရှိနေဦးမှာပါ။

Source: The Straits Times Monday
#Yangon_Media_Group

Published_ 21 Aug 2022

 မြန်မာသူရ ကျောက်မျက် ကုမ္ပဏီပိုင်ရှင် နှင့် ယာဉ်မောင်းတို့ကို ဖမ်းဆီးပြီး သူ၏ပိုင်ဆိုင်မှုများကိုလည်း အကြမ်းဖက်မှုဥပဒေအရ ချိတ်ပိတ်သိမ်းဆည်းလိုက်တယ်လို့  ဩဂုတ် ၂၁ ရက် ဒီကနေ့မှာ နစက,က သတင်းထုတ်ပြန်လိုက်ပါတယ်။

ထို့ပြင် ဖားကန့်မြိုနယ်၊ နမ္မဖြစ်ကျေးရွာရှိ မြန်မာသူရကျောက်မျက် ကုမ္ပဏီ ခြံဝန်းအတွင်းရှိ နေအိမ်အိပ်ခန်းအတွင်းမှ Sigsauer ပစ္စတို ၁ လက်၊ ၎င်းကျည် ၁၂ တောင့်၊ ကျည်အိမ် ၂ ခုတိုအား သိမ်းဆည်းရမိခဲ့ကြောင်း ထုတ်ပြန်ချက်မှာ ဖော်ပြထားပါတယ်။

ကိုမွန်သူအောင်နှင့် ကို ကျော်သူရတို၏ ထွက်ဆိုချက်များအရ ကချင်ပြည်နယ်၊ ချင်းပြည်နယ်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီးအတွင်းရှိ လက်နက်ကိုင် PDF အဖွဲ့တွေကို ငွေကြေးထောက်ပံ့ပေးမှု (၃၅) ကြိမ်၊ ငွေကျပ် ၁၉၄၇ သိန်း၊ ALPHARD ကား ၁ စီး၊ အမေရိကန်ဒေါ်လာ ၁၀၀၀၀ နှင့် တရုတ်ယွမ် ၁၉၀၀၀။ ကျောက်မျက်လုပ်ငန်းရှင်များကိုယ်စားပြု၍ စစ်ကိုင်းတိုင်းဒေသကြီးအတွင်းရှိ PDF အဖွဲတွေကို ငွေကြေးထောက်ပံ့ပေးမှု (၃)ကြိမ်၊ ငွေကျပ် ၁၃၃ သိန်း၊အိပန်ဆယ်လိုအား ငွေကြေးထောက်ပံ့ပေးမှု(၇)ကြိမ်၊ ငွေကျပ်သိန်း ၃၉၀၀ ။ မန္တလေးတိုင်းဒေသကြီးအတွင်းရှိ CDM ဝန်ထမ်းများအား ထောက်ပံ့ပေးမှု (၃)ကြိမ်၊ ငွေကျပ်သိန်း ၁၂၀ ။ မန္တလေးမြိုအတွင်း ဆန္ဒပြသူတွေကို ငွေကျပ်သိန်း ၅၀ ဖြစ်ကြပြီး စုစုပေါင်းငွေကျပ် ၆၁၅၀ သိန်း၊ ALPHARD ကား ၁ စီး၊ အမေရိကန်ဒေါ်လာ ၁၀၀၀၀ ၊ တရုတ်ယွမ် ငွေ ၁၉၀၀၀ တိုအား ထောက်ပံ့ကူညီခဲ့တယ်လို့ နစကရဲ့သတင်းထုတ်ပြန်ချက်မှာ အသေးစိတ်ဖော်ပြထားပါတယ်။

 အဲဒါကြောင့် အကြမ်းဖက်မှု တိုက်ဖျက် ရေး ဥပဒေအရ ပြစ်မှုနှင့်သက်ဆိုင်သော နေအိမ်၊ ရွေ့ပြောင်းနိုင်သောပစ္စည်း၊ မရွေ့ပြောင်း နိုင်သော ပစ္စည်းများအား ၂၀၂၂ ခုနှစ်၊ ဩဂုတ်လ ၁၈ ရက်မှ ၂၀ ရက်နေ့အထိ နိုင်ငံဘဏ္ဍာအဖြစ် ချိတ်ပိတ်သိမ်းဆည်းခဲ့မှုများမှာ ၂၀၂၂ ခုနှစ်၊ ဩဂုတ်လ ၁၈ ရက်တွင် ချမ်းအေးသာစံမြိုနယ်၊ ကန်ကောက်ရပ်ကွက်၊ ၃၃ လမ်းနှင့် ၅၂ လမ်းထောင့်ရှိ မြန်မာသူရကျောက်မျက်ကုမ္ပဏီနှင့် နေအိမ်ခြံဝန်းအတွင်းရှိ အဆောက်အဦ ၄ လုံး၊ မော်တော်ယာဉ်မျိုးစုံ ၅ စီး။ ချမ်းအေးသာစံမြိုနယ်၊ ပြည်ကြီးပျော်ဘွယ်အနောက်ရပ်ကွက်၊ ၈၈(ဘီ)လမ်း၊ ၃၄ လမ်းနှင့် ၃၅ လမ်းကြားရှိ အဆောက်အဦ ၃ လုံး၊ မော်တော်ယာဉ်မျိုးစုံ ၂ စီး၊ မီးစက် ၂ လုံး၊ ကျောက်စိမ်းဖြတ်သားမျိုးစုံ တန် ၈၀ ခန့်။ ၂၀၂၂ ခုနှစ်၊ ဩဂုတ်လ ၁၉ ရက်တွင် နေပြည်တော်ကောင်စီနယ်မြေ၊ ဥတ္တရသီရိမြိုနယ်၊ ဥတ္တသီရိရပ်ကွက်၊ စစ်ကိုင်းလမ်းနှင့် သဇင်(၆)လမ်းထောင့်ရှိ ခြံဝန်းနှင့် အဆောက်အဦ ၁ လုံး။ ဒက္ခိဏသီရိမြိုနယ်၊ ကြာပင်အုပ်စု၊ ကျောက်မျက်ကွက်သစ်၊ လုံးခင်းလမ်းရှိ ခြံဝန်းနှင့် အဆောက်အဦ ၂ လုံး။ ကချင်ပြည်နယ်၊ မြစ်ကြီးနားမြို၊ ရွှေအိုက်ရပ်ကွက်၊ ရွှေလမ်းမကြီးဘေး၊ A လမ်း နှင့် B လမ်းကြားရှိ ခြံဝန်းနှင့် အဆောက်အဦ ၁ လုံး။ ဖားကန့်မြိုနယ်၊ နမ္မဖြစ်ကျေးရွာရှိ မြန်မာသူရကျောက်မျက်ကုမ္ပဏီခြံဝန်းအတွင်း၌ အဆောက်အဦမျိုးစုံ ၁၈ လုံး၊ ကျောက်စိမ်းဖြတ်သားနှင့် အရိုင်းတုံး မျိုးစုံ ၁၉၃ တန်၊ မီးခံသေတ္တာ ၂ လုံး၊ MITSUBISHI အမျိုးအစားပစ္စည်းတင် မော်တော်ယာဉ် ၁ စီး။ ၂၀၂၂ ခုနှစ်၊ ဩဂုတ်လ ၂၀ ရက်တွင် ကချင်ပြည်နယ်၊ ဖားကန့်မြိုနယ်၊ ဆိပ်မူ ကျေးရွာအုပ်စု၊ စပေါ့ကျေးရွာရှိ ၁၀ ဧကကျယ်ဝန်းသည့် ကုမ္ပဏီလုပ်ကွက်နှင့် အဆောက်အဦမျိုးစုံ ၇ လုံး၊ ကျောက်ဖောက်စက် ၄ လုံး၊ ကျောက်ဖြတ်စက် အကြီး ၄ လုံး၊ ကျောက်ဖြတ်သား တန် ၃၀၊ မြေသယ်ယာဉ် မျိုးစုံ ၁၄ စီး၊ ရေသယ်ယာဉ် ၂ စီး၊ ဘက်ဟိုးယာဉ် ၅ စီး။

မြန်မာသူရကျောက်မျက်ကုမ္ပဏီ ပိုင်ရှင် ပိုင်ဆိုင်သည့် နေအိမ်၊ ရွေ့ပြောင်းနိုင်သောပစ္စည်း၊ မရွေ့ပြောင်းနိုင်သောပစ္စည်းများ စုစုပေါင်း ကာလတန်ဖိုး ငွေကျပ်သိန်းပေါင်း ၁၁၈၄၄၉ ခန့်အား နိုင်ငံဘဏ္ဍာအဖြစ် ချိတ်ပိတ်သိမ်းဆည်းခဲ့ကြောင်း ထုတ်ပြန်ချက်မှာ ဖော်ပြထားပါတယ်။

 ကျောက်မျက်လုပ်ငန်းလုပ်ကိုင်လျက်ရှိသည့် အခြားစီးပွားရေးလုပ်ငန်းရှင်များသည်လည်း အလားတူ ထောက်ပံ့ကူညီမှုများ ဆောင်ရွက်ပေးလျက်ရှိကြောင်း ဖော်ထုတ်သိရှိရသဖြင့် ကွင်းဆက်တရားခံများအား ဆက်လက်ဖော်ထုတ်နေတယ်လို့လည်း ထုတ်ပြန်ချက်မှာ ဖော်ပြထားပါတယ်။

ygm_mnn

#Yangon_Media_Group

#LocalNews
Published_21 August 2022

ကရင်ပြည်နယ်အတွင်း ဓာတ်အားပေးတာဝါတိုင် နှစ်ခု ဖောက်ခွဲခံရ၍ မြို့နယ်လေးခုတွင် ဓာတ်အားပြတ်တောက်နေကြောင်း နစက သတင်းထုတ်ပြန်ရေးအဖွဲ့ သိရသည်။

သြဂုတ်လ ၂၀ ရက် ည ၁၁ နာရီခန့်က ကရင်ပြည်နယ် ၊ကော့ကရိတ်မြို့နယ်၊ကော့နွဲရွာအနီးရှိ ဓာတ်အားပေးတာဝါတိုင်နှစ်ခု မိုင်းထောင်ဖောက်ခွဲဖျက်ဆီးခံလိုက်ရခြင်းကြောင့် ကရင်ပြည်နယ်အတွင်းရှိမြို့နယ်အချို့တွင် ဓာတ်အားပြတ်တောက်နေခြင်းဖြစ်ကြောင်း သိရသည်။

ပျက်စီးသွားသော တိုင်များမှာ မော်လမြိုင်-မြဝတီဓာတ်အားလိုင်း ၂၃၀ KV တာဝါတိုင်အမှတ် ၁၇၂ နှင့် ၁၇၃ တို့ဖြစ်ပြီး တိုင်အမှတ် ၁၇၂ တွင် အောက်ခြေအနည်းငယ် ပျက်စီးကာ တိုင်အမှတ် ၁၇၃ မှာ မြေပြင်သို့ လဲကျပျက်စီးသွားကြောင်း၊လျှပ်စစ်ပြတ်တောက်နေသော မြို့နယ်များမှာ ကျုံဒိုး၊ကော့ကရိတ်၊မြဝတီနှင့် ကြာအင်းဆိပ်ကြီးတို့ဖြစ်ကြောင်း သိရသည်။

ymg/mt
#Yangon_Media_Group

#Local_News
Published - 21 August 2022

ပြည်တွင်းမတ်ပဲဈေးကွက်ဟာ သယ်ယူပို့ဆောင်စရိတ်မြင့်တက်မှု ၊လက်ကျန်လျော့နည်းမှုနဲ့ ဒေါ်လာဈေးနှုန်းမြင့်မားမှုတို့ကြောင့် အရောင်းအဝယ်အေးနေတယ်လို့ ကုန်သည်တွေဆီကနေ သိရပါတယ်။

#Yangon_Media_Group

#Local_News
Published_ 21 Aug 2022

တစ်နိုင်ငံလုံး ထာဝရငြိမ်းချမ်းရေးရရှိရန်နှင့် လက်နက်ကိုင်ပဋိပက္ခချုပ်ငြိမ်းရေးတို့အတွက် ရည်ရွယ်၍ နစက ဥက္ကဋ္ဌရဲ့ ငြိမ်းချမ်းရေးဆွေးနွေးရန် ဖိတ်ခေါ်ချက်အရ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) ဥက္ကဋ္ဌ ခွန်သူရိန် ဦးဆောင်သည့် ငြိမ်းချမ်းရေးကိုယ်စားလှယ်အဖွဲ့သည် တောင်ကြီးမြို့မှလည်းကောင်း၊ လားဟူဒီမိုကရက် တစ်အစည်းအရုံး(LDU) ဥက္ကဋ္ဌ ကျာဆော်လမွန် ဦးဆောင်သည့် ငြိမ်းချမ်းရေးကိုယ်စားလှယ်အဖွဲ့သည် တာချီလိတ်မြို့မှလည်းကောင်း၊ ရခိုင်ပြည်လွတ်မြောက်ရေးပါတီ(ALP) ဒုတိယဥက္ကဋ္ဌ စောမြရာဇာလင်း ဦးဆောင်သည့် ငြိမ်းချမ်းရေးကိုယ်စားလှယ်အဖွဲ့သည် စစ်တွေမြို့မှလည်းကောင်း ဒီကနေ့မွန်းလွဲပိုင်းတွင် နေပြည်တော်သို့ ရောက်ရှိကြပါတယ်။

ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) ငြိမ်းချမ်းရေးကိုယ်စားလှယ်အဖွဲ့သည် နေပြည်တော်ရှိ Horizon Lake View Resort သို့လည်းကောင်း၊ လားဟူဒီမိုကရက်တစ် အစည်းအရုံး(LDU) ငြိမ်းချမ်းရေးကိုယ်စားလှယ်အဖွဲ့နှင့် ရခိုင်ပြည် လွတ်မြောက်ရေးပါတီ(ALP) ငြိမ်းချမ်းရေးကိုယ်စားလှယ်အဖွဲ့တို့သည် နေပြည်တော်လေဆိပ်သို့လည်းကောင်း ယနေ့မွန်းလွဲပိုင်းတွင် အသီးသီးသီးရောက်ရှိခဲ့ကြပါတယ်။

တိုင်းရင်းသားလက်နက်ကိုင် အဖွဲ့အစည်းများမှ ငြိမ်းချမ်းရေးကိုယ်စားလှယ် အဖွဲ့များနှင့် ပထမအကြိမ် တွေ့ဆုံဆွေးနွေးမှုများကို ၂၀၂၂ ခုနှစ် မေလမှ ဩဂုတ်လအတွင်း ဆောင်ရွက်ခဲ့ပြီး၊ ထိုသို့တွေ့ဆုံဆွေးနွေးရာတွင် ပါတီစုံဒီမိုကရေစီစနစ်ခိုင်မာရေး၊ ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေး၊ ပြည်ထောင်စုငြိမ်းချမ်းရေးနှင့် ဖွံ့ဖြိုးတိုးတက်ရေးတို့အတွက် ဆက်လက်ကြိုးပမ်းကြရန် သဘောတူညီနိုင်ခဲ့ကြောင်း သိရပါတယ်။

ယခုဒုတိယအကြိမ် လာရောက်ဆွေးနွေးရာတွင်လည်း တိုင်းရင်းသားလက်နက်ကိုင် အဖွဲ့အစည်းများ၏ နိုင်ငံရေးလိုလားချက်နှင့် အနာဂတ်လုပ်ငန်းစဉ်များကို ရင်းနှီးပွင့်လင်းစွာ ဆွေးနွေးညှိနှိုင်းရန် လမ်းဖွင့်ထားကြောင်းနှင့် ငြိမ်းချမ်းရေးဆွေးနွေးပွဲသို့ မလာရောက်သေးသည့် တိုင်ရင်းသားလက်နက်ကိုင် အဖွဲ့အစည်းများကိုလည်း မည်သည့်အခြေအနေမျိုးတွင်မဆို ကြိုတင်ကန့်သတ်ချက်မထားဘဲ လာရောက်ဆွေးနွေးနိုင်ရန် ဖိတ်ခေါ်ထားကြောင်း သတင်းရရှိပါတယ်။

ygm_mnn
#Yangon_Media_Group

#Local_News
Published_20 August 2022

မန္တလေးနန်းမြို့ရိုးနဲ့ နန်းပြဿဒ်တွေကို ပညာရှင်တွေရဲ့အကြံဉာဏ်တွေရယူပြီး စီမံချက်နဲ့ပြုပြင်ထိန်းသိမ်းရေးလုပ်ငန်းတွေ လုပ်ဆောင်နေတယ်လို့ ရှေးဟောင်း သုတေသနနှင့် အမျိုးသားပြတိုက်ဦးစီးဌာန(စီမံ) ညွှန်ကြားရေးမှူးဦးအောင်အောင်ကျော်က ပြောပါတယ်၊၊

#Yangon_Media_Group

#LocalNews
Published_21 August 2022

မလေးရှားနိုင်ငံတွင် မေလ တစ်ရက်မှ မှ သြဂုတ်လ ၁၅ ရက်ထိ ရခိုင်ပြည်နယ်က လာရောက်သူများအနက် လူတစ်ထောင်ကျော် အဖမ်းခံထားရပြီးဖြစ်ကြောင်း ရခိုင်ဒုက္ခသည်များ ကူညီရေးဗဟို၏ တာဝန်ရှိသူက YMG ကို ပြောသည်။

"မလေးရှားမှာ အော်ပရာစီ စီမံချက်ဟာ ငရဲခန်းပဲ၊အခုနောက်ပိုင်းမှာ စီမံချက်ကြောင့် ဝင်ဖမ်းတာတွေကို သတင်းမထုတ်တော့ဘူး၊ကျွန်တော်တို့အနေနဲ့တော့ အဖမ်းခံရတဲ့ ရခိုင်တိုင်းရင်းသားတွေ ပြန်လည် လွတ်မြောက်ရေး၊လွတ်မြောက်ပြီးရင်လည်း မလေးရှားမှာ လုံလုံခြုံခြုံ နေထိုင်လို့ရအောင်ကူညီတာ၊မြန်မာနိုင်ငံကို ပြန်မယ်ဆိုရင်လည်း ငွေကြေးမရှိတဲ့သူတွေကို ငွေကြေးထောက်ပံ့တာ စသဖြင့် ကူညီပေးတာတွေကို လုပ်ပါတယ်"ဟု ယင်းတာဝန်ရှိသူက ပြောသည်။

အဖမ်းခံထားရသူများအနေဖြင့် ရဲစခန်းမှတစ်ဆင့် အကျဉ်းထောင်များတွင် အကျဉ်းကျကာ သတ်မှတ် မလေးရှားဥပဒေအတိုင်း ပြစ်ဒဏ်ကျခံပြီးပါက ထိန်းသိမ်းရေးစခန်းများတွင် ဆက်လက်နေထိုင်ကြရကာ ယင်းမှတစ်ဆင့် နေရပ်များကို ပြန်ခွင့်ရှိကြောင်းလည်း သိရသည်။

ယင်းအဖမ်းခံရသူများအနေဖြင့် မလေးရှားနိုင်ငံသို့ ထိုင်း-မလေးရှားနယ်စပ် ကလန်းတန်းပြည်နယ်၊ နယ်စပ်ဖြတ်ကျော်ဝင်ရောက်ခြင်းဖြစ်ပြီး အဖမ်းခံရသူများအနေဖြင့်လည်း အဆိုပါနယ်စပ်များတွင် အဖမ်းခံရသည်က များပြားကြောင်းလည်း သိရသည်။

လက်ရှိတွင်အဖမ်းခံရသူများအား ကူညီနိုင်ရန် မလေးရှားရှိ ရခိုင်ဒုက္ခသည်များဗဟိုအနေဖြင့် အချက်အလက်များစာရင်းပြုစုနေကာ မလေးရှားနိုင်ငံရှိ သက်ဆိုင်သည့်အဖွဲ့အစည်းများ၊ မိသားစုများ၊ မိတ်ဆွေအပေါင်းအသင်းများနှင့် ပူးပေါင်းကူညီပေးရန်လုပ်ဆောင်နေကြခြင်းဖြစ်ကြောင်း သိရသည်။

ymg/mt
#Yangon_Media_Group

#LocalNews
Published_21 August 2022

မိုင်းဖုန်းဆရာတော်ကြီး မနက်ဖြန် သြဂုတ်လ ၂၂ ရက်တွင် ထိုင်းနိုင်ငံမှ ရှမ်းပြည်နယ် တာချီလိတ်သို့ ကြွရောက်လာမည်ဖြစ်ကြောင်း သိရသည်။

ထိုင်းနိုင်ငံတွင် ဆေးကုသမှုခံယူရာမှ ပြီးခဲ့သည့် သြဂုတ်လ ၁၈ ရက် မွန်းလွဲပိုင်းတွင် ဆေးရုံကဆင်းလာခဲ့ပြီးဖြစ်ကြောင်း သိရသည်။

ဩဂုတ်လ ၁ ရက်တွင် မိုင်းကျတ်ဂူတွင်းမှ အဓိဌာန်အောင်မြင်ထွက်လာသည့် မိုင်းဖုန်းဆရာတော်ကြီးအနေဖြင့် ယင်းအချိန်မှစကာ တရားဟောခြင်း၊ခရီးသွားခြင်းများပြုလုပ်ပြီးနောက် ကျန်းမာရေး အားနည်းလာသည့်အတွက် ဩဂုတ်လ ၁၀ ရက် တွင် ထိုင်းနိုင်၎င်း ဆေးဝါးကုသမှု စတင်ခံယူခဲ့ရခြင်းလည်း ဖြစ်သည်။

ymg/mt
#Yangon_Media_Group

TV Yangon Times Matters အစီအစဉ်
Published - 21 August 2022

အစီအစဉ်တင်ဆင်သူ ဆရာဟိန်းလတ်က သုတေသီမောင်မောင်နှင့်အတူ

- "ငယ်ငယ်ကပုခက်နဲ့မအိပ် ဓါတ်စက်နဲ့ပဲအိပ်ခဲ့တာ အခုချိန်ထိ ဓါတ်ပြားပေါင်းတစ်သောင်းကျော် စုဆောင်းထားမိနေပြီဖြစ်တဲ့အကြောင်း

- စာအုပ်ဈေးနှုန်းတွေ မြင့်နေတဲ့ကြားက ထုတ်ချင်တဲ့စာအုပ်‌လေးတွေကို ရအောင်ထုတ်မှာပါ အသက် ၇၃ နှစ်မှာ မထုတ်ဖြစ်ခဲ့ရင် ယူကြုံးမရဖြစ်ရမှာစိုးလို့ပါဆိုတဲ့ အကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published-21 Aug 2022

တူရကီနိုင်ငံ အရှေ့တောင်ပိုင်း မြို့တစ်မြို့မှာ ဩဂုတ် ၂၀ရက်က  ထရပ်ကားကြီးတစ်စီးက လမ်းသွားလမ်းလာတွေကို တစ်ရှိန်ထိုး ဝင်တိုက်မိတဲ့အတွက် အနည်းဆုံးလူ ၁၆ ဦးသေဆုံးပြီး ၂၉ ဦး ဒဏ်ရာရရှိခဲ့ကြတယ်လို့ ကျန်းမာရေးဝန်ကြီးကပြောပါတယ်။

လော်ရီကားကြီးရဲ့ ဘရိတ်ပေါက်သွားပြီး ဒါစ်မြို့က လူအုပ်ကြားထဲ ဝင်တိုက်မိတာဖြစ်တယ်” လို့ ကျန်းမာရေးဝန်ကြီး ဖာရက်တင်ကိုကာက တွစ်တာမှာရေးထားပါတယ်။

ဒါဟာ တူရကီမှာ တစ်ရက်တည်း ဒုတိယမြောက် အကြီးအကျယ်ကားမတော်တဆမှုဖြစ်ပါတယ်။ ယခုအဖြစ်အပျက် မတိုင်ခင်မှာ ဂါဇီယန်တက်ပြည်နယ်မှာ ဘတ်စ်ကာတစ်စီးနှင့် အရေးပေါ်လူနာတင်ယာဉ်တို့ အပြင်းအထန်တိုက်မိပြီး လူ၁၆ ဦးသေဆုံးခဲ့ရကြောင်း ဒေသခံမီဒီယာတွေက သတင်းပေးပို့ကြပါတယ်။

Source AFP

#Turkey_Truck_accident

#Truck_Hit_Crowd_16_killed

#Turkey_Derik