#LocalNews
Published_ 1st January 2023

တနင်္သာရီတိုင်းဒေသကြီး၊ မြိတ်မြို့အနီး မြန်မာ့ပင်လယ်ပြင် ၊ မြိတ်မြို့၏ အနောက်မြောက်ဘက် ရေမိုင် ဒသမ ၅ မိုင်အနီး ငါးဖမ်းဝါးလတ်လှေတစ်စီး မီးလောင်ရာတွင် ၃ ယောက် ဒဏ်ရာရရှိခဲ့ကြောင်း သိရသည်။

ဒီဇင်ဘာလ ၃၁ ရက်က အဆိုပါမီးလောင်မှုဖြစ်ပွားနေသည်ကို ပင်လယ်ပြင်အတွင်း လုံခြုံရေး ဆောင်ရွက်နေသော တပ်မတော်(ရေ)မှ တပ်ဖွဲ့ဝင်များက သွားရောက်ကူညီကယ်ဆယ်ရေးများ ပြုလုပ်ခဲ့ရခြင်းဖြစ်သည်။

မီးလောင်သော ငါးဖမ်းလှေမှာ သုခမောင်(၇)ငါးဖမ်းဝါးလတ်လှေဖြစ်ပြီး မြန်မာနိုင်ငံရေကြောင်းရဲတပ်ဖွဲ့မှ ရေယာဉ်များ၊ မြန်မာနိုင်ငံမီးသတ်တပ်ဖွဲ့ဝင်များ တင်ဆောင်ထားသည့် အရပ်ဘက်ရေယာဉ်များနှင့်အတူ ဝိုင်းဝန်းမီးငြှိမ်းသတ်ခဲ့ရကြောင်း၊လှေပေါ်ပါ လှေသား ၃ ဦး မီးလောင်ဒဏ်ရာများရရှိခဲ့သဖြင့် ယခုအခါ မြိတ်မြို့၊ ပြည်သူ့ဆေးရုံကြီးတွင် ဆေးကုသမှု ခံယူနေကြကြောင်း သိရသည်။

ymg/mt
#Yangon_Media_Group

#Local_News
Published_ 1st January 2023

(၇၅) နှစ်မြောက် စိန်ရတု လွတ်လပ်ရေးနေ့ အထိမ်းအမှတ် ဂုဏ်ထူးဆောင်ဘွဲ့များကို ယနေ့ ဇန်နဝါရီလ ၁ ရက်တွင် ချီးမြှင့်အပ်နှင်းခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

၂၀၂၃ ခုနှစ် (၇၅) နှစ်မြောက် စိန်ရတု လွတ်လပ်ရေးနေ့ အထိမ်းအမှတ် ဂုဏ်ထူးဆောင်ဘွဲ့များ ချီးမြှင့်အပ်နှင်းခြင်း အခမ်းအနားကို ယနေ့နံနက်ပိုင်းတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး သဘင်ဆောင်၌ ကျင်းပခဲ့ခြင်းဖြစ်ပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေ စည်သူ၊ သတိုးသီရိသုဓမ္မ မင်းအောင်လှိုင် တက်ရောက်အမှာစကားပြောကြားကာ ဂုဏ်ထူးဆောင်ဘွဲ့များ ပေးအပ်ချီးမြှင့်ခဲ့ကြောင်း သိရသည်။

၂၀၂၂ ခုနှစ်အတွင်း ချီးမြှင့်ခဲ့သည့် ဂုဏ်ထူးဆောင်ဘွဲ့ရရှိသူ (၇၄၄) ဦးကို ပေးအပ်ချီးမြှင့်ရာတွင် ယနေ့ ပထမနေ့အခမ်းအနားတွင် အဂ္ဂမဟာ သီရိသုဓမ္မဘွဲ့ရရှိသူ(၃)ဦး၊ သတိုးသီရိသုဓမ္မဘွဲ့ရရှိသူ (၁)ဦး၊ အဂ္ဂမဟာ သရေစည်သူဘွဲ့ရရှိသူ (၄)ဦး၊ သတိုးမဟာသရေစည်သူဘွဲ့ရရှိသူ (၂)ဦး၊ မဟာ သရေစည်သူဘွဲ့ရရှိသူ (၆)ဦး၊ သရေစည်သူဘွဲ့ရရှိသူ (၁၁)ဦး၊ စည်သူဘွဲ့ရရှိသူ (၇၈)ဦး၊ သီဟသူရဘွဲ့ရရှိသူ (၁) ဦး၊ သူရဘွဲ့ရရှိသူ (၄)ဦး၊ ဇေယျကျော်ထင်ဘွဲ့ရရှိသူ (၅၀)ဦး၊ ဝဏ္ဏကျော်ထင်ဘွဲ့ရရှိသူ (သံအမတ်ကြီးများ) (၂၈)ဦး၊ ဝဏ္ဏကျော်ထင် ဘွဲ့ရရှိသူ (အကြံပေးပုဂ္ဂိုလ်) (၈)ဦး၊ စုစုပေါင်း (၂၀၆)ဦးတို့ကို လက်ရောက် ချီးမြှင့်ခဲ့ကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ၊ သတိုးသီရိသုဓမ္မ မင်းအောင်လှိုင်က အဂ္ဂမဟာသီရိသုဓမ္မဘွဲ့နှင့် အဂ္ဂမဟာ သရေ စည်သူဘွဲ့ရရှိကြသည့် နိုင်ငံတော်ဝန်ကြီးချုပ်(ငြိမ်း)ဦးနု(ကိုယ်စား)သမီး ဒေါ်သန်းသန်းနု အားလည်းကောင်း၊ နိုင်ငံတော်သမ္မတ(ငြိမ်း) ဦးစန်းယု (ကိုယ်စား) သမီး ဒေါ်လဲ့လဲ့ယု အားလည်းကောင်း၊ နိုင်ငံတော်ဝန်ကြီးချုပ်(ငြိမ်း) ဗိုလ်ချုပ်မှူးကြီး စောမောင် (ကိုယ်စား) သား ဦးသီဟစောအားလည်းကောင်း ဂုဏ်ထူးဆောင်ဘွဲ့များ ပေးအပ်ချီးမြှင့်ခဲ့ကြောင်းသိရသည်။

ယင်းနောက် ပြည်ထောင်စုစည်သူသင်္ဂဟဘွဲ့ဖြစ်သည့် အဂ္ဂမဟာသရေစည်သူ ဘွဲ့ရရှိသည့် နိုင်ငံတော်ဝန်ကြီးချုပ်(ငြိမ်း) ဦးနေဝင်း (ကိုယ်စား) သမီး ဒေါက်တာ ခင်စန္ဒာဝင်းအားလည်းကောင်း၊ သတိုးမဟာသရေစည်သူဘွဲ့ရရှိကြသည့် ကာကွယ်ရေး ဦးစီးချုပ်(ငြိမ်း) ဗိုလ်ချုပ်ကြီးသူရကျော်ထင် (ကိုယ်စား) ဦးသန့်ကျော်အားလည်းကောင်း၊ မဟာသရေစည်သူဘွဲ့ရရှိကြသည့် နိုင်ငံတော်စီမံအုပ်ချုပ်ရေးကောင်စီ ဒုတိယ ဥက္ကဋ္ဌ၊ ဒုတိယဝန်ကြီးချုပ်၊ ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေး ဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ နိုင်ငံတော်ဝန်ကြီးချုပ်(ငြိမ်း) ဦးဗဆွေ (ကိုယ်စား) သမီး ဒေါ်နေရည်ဗဆွေ၊ နိုင်ငံတော်ဝန်ကြီးချုပ်(ငြိမ်း) သူရ ဦးထွန်းတင် (ကိုယ်စား)သား ဦးရဲမြင့်ထွန်း၊ ဒုတိယကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်ကြီး အေးကို(ငြိမ်း) (ကိုယ်စား) မြေး ဒေါ်မေသက်ကျော်၊ ဒုတိယကာကွယ်ရေး ဦးစီးချုပ် (ကြည်း) ဒုတိယဗိုလ်ချုပ်ကြီးထွန်းရီ(ငြိမ်း) (ကိုယ်စား) သား ဦးဇော်ထွန်းနှင့် ဒုတိယ ဝန်ကြီးချုပ်(ငြိမ်း) ဦးကျော်ငြိမ်း (ကိုယ်စား) သမီး ဒေါ်ချိုချိုကျော်ငြိမ်းတို့ကို လည်းကောင်း ဂုဏ်ထူးဆောင်ဘွဲ့များ ပေးအပ်ချီးမြှင့်ခဲ့ကာသရေစည်သူဘွဲ့၊ စည်သူဘွဲ့၊ သီဟသူရဘွဲ့၊ သူရဘွဲ့၊ ဇေယျ ကျော်ထင်ဘွဲ့၊ ဝဏ္ဏကျော်ထင်ဘွဲ့ရရှိကြသူများအား ဂုဏ်ထူးဆောင်ဘွဲ့များ ပေးအပ် ချီးမြှင့်ခဲ့ကြောင်း သိရသည်။

ဂုဏ်ပြုချီးမြှင့်ထိုက်သူအား ဂုဏ်ပြုချီးမြှင့်ခြင်းသည် မင်္ဂလာတရားတော်နှင့်အညီ ဆောင်ရွက်ခြင်းလည်းဖြစ်ပြီး တိုင်းပြည် အတွက် ကြိုးပမ်းဆောင်ရွက်ခဲ့မှုများအပေါ် ယခုကဲ့သို့ မှတ်တမ်းတင်ဂုဏ်ပြုချီးမြှင့်ခြင်း ခံရသကဲ့သို့ အနာဂတ်ကာလတွင်လည်း နိုင်ငံတော်ကြီး ရေရှည်တည်တံ့ခိုင်မြဲရေး၊ အေးချမ်းသာယာရေး၊ ခေတ်မီဖွံ့ဖြိုးတိုးတက်ရေးအတွက် မိမိတို့၏ သားစဉ်မြေးဆက်များကိုပါ ကြိုးပမ်းဆောင်ရွက်စေရန် စံနမူနာကောင်းများ ပြကြပါဟုလည်း နစက ဥက္ကဌက အခမ်းအနားတွင် တိုက်တွန်းခဲ့သည်။

နိုင်ငံတော်အတွက် မိမိအသက်ခန္ဓာကို ပဓာနမထားဘဲ ကြံ့ခိုင်သည့် စိတ်ဓာတ်၊ စံတင်ထိုက်သည့် စွမ်းရည်၊ ဂုဏ်ယူထိုက်သည့် စွန့်စားခြင်းမျိုးဖြင့် ထူးထူးချွန်ချွန် ဆောင်ရွက်ခဲ့သည့် ဂုဏ်ပြုသင့်ဂုဏ်ပြုထိုက်သူများအား ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်းရန် စိစစ်ရေးအဖွဲ့က ၂၀၀၉ ခုနှစ်၊ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များဆိုင်ရာ ပြဋ္ဌာန်းချက်နှင့် ၂၀၁၄ ခုနှစ်၊ ဂုဏ်ထူးဆောင်ဘွဲ့များ၊ ဂုဏ်ထူးဆောင် တံဆိပ်များဆိုင်ရာပြဋ္ဌာန်းချက်များကို ဖြည့်စွက်ပြဋ္ဌာန်းချက် များနှင့်အညီ စိစစ်ပြီးထောက်ခံတင်ပြချက်များအရ ယခုကဲ့သို့ ဂုဏ်ပြုချီးမြှင့်အပ်နှင်းခြင်း အခမ်းအနား ကျင်းပပြုလုပ်ချီးမြှင့်ရခြင်းဖြစ်ကြောင်းလည်း သိရသည်။

ymg/mt
#Yangon_Media_Group

#TV Yangon Times Matters အစီအစဉ်
Published - 1 Jan 2023

အစီအစဉ်တင်ဆင်သူ ဆရာဟိန်းလတ်က ဦးစိုးလင်းဟိန်း (Uncle ZAN Art & Watch Gallery)နှင့် အတူ

-"နာရီကို ငယ်ငယ်ကတည်းကကြိုက်တာဆိုတော့ တစ်ခါတစ်လေ ဈေးကြီးတာမျိုးမဟုတ်ဘဲ စိတ်ကူးထဲမှ ာကြိုက်တဲ့နာရီမျိုးစုံပတ်ဖြစ်လေ့ရှိကြောင်း

-တန်ဖိုးရှိနာရီဆိုတာထက် ရှားပါးနာရီတွေကို ပိုစုဖြစ်တယ် နာရီချစ်သူအချင်းချင်း ရောင်းဝယ်လဲလှယ်တာလုပ်လေ့ရှိကြောင်း

-နိုင်ငံခြားကဝင်တဲ့ နာရီတွေလည်းရှိတယ် နာရီတစ်လုံးစုဆောင်းတော့မယ်ဆိုရင် အတုလားအစစ်လား အချက်အလက်တွေကို သေချာလေ့လာစုဆောင်းလေ့ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published 1 Jan 2023

လာမယ့်နှစ်မှာ ငလျင်ကြောင့် ထိခိုက်ခဲ့ရတဲ့ မန္တလေးနန်းတွင်းအဆောက်အအုံတွေ မန္တလေးတိုင်းအတွင်းရှိ ရှေးဟောင်းအမွေအနှစ်တွေနဲ့ အင်းဝဘုရားတွေကို ပြုပြင်ထိန်းသိမ်းသွားမှာဖြစ်တယ်လို့ မန္တလေးတိုင်းရှိ ရှေးဟောင်းသုတေသနဌာနမှ သိရပါတယ်၊၊

#Yangon_Media_Group

TV Yangon Times Matters အစီအစဉ်
Published - 1 Jan 2023

အစီအစဉ်တင်ဆင်သူ ဆရာဟိန်းလတ်က ဦးစိုးလင်းဟိန်း(Uncle ZAN Art & Watch Gallery)နှင့်အတူ

-"နာရီကို ငယ်ငယ်ကတည်းကကြိုက်တာဆိုတော့ တစ်ခါတစ်လေ ဈေးကြီးတာမျိုးမဟုတ်ဘဲ စိတ်ကူးထဲမှာ ကြိုက်တဲ့နာရီမျိုးစုံပတ်ဖြစ်လေ့ရှိကြောင်း

-တန်ဖိုးရှိနာရီဆိုတာထက် ရှားပါးနာရီတွေကို ပိုစုဖြစ်တယ် နာရီချစ်သူအချင်းချင်း ရောင်းဝယ်လဲလှယ်တာလုပ်လေ့ရှိကြောင်း

-နိုင်ငံခြားကဝင်တဲ့ နာရီတွေလည်းရှိတယ် နာရီတစ်လုံးစုဆောင်းတော့မယ်ဆိုရင် အတုလားအစစ်လား အချက်အလက်တွေကို သေချာလေ့လာစုဆောင်းလေ့ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published 1 Jan 2023

YBS စီးခရီးသည်တွေအနေနဲ့ ယာဉ်ပေါ်မှာလုံခြုံမှုရှိစေရန်အတွက် ယာဉ်လိုင်းတွေမှာ Telematics စနစ်တပ်ဆင်နေတာဖြစ်တယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) ကနေ သိရပါတယ်။

#Yangon_Media_Group

#TV Yangon Times Matters အစီအစဉ်
Published - 1 Jan 2023

အစီအစဉ်တင်ဆင်သူ ဆရာဟိန်းလတ်က ဦးစိုးလင်းဟိန်း(Uncle ZAN Art & Watch Gallery)နှင့်အတူ

-"နာရီကို ငယ်ငယ်ကတည်းကကြိုက်တာဆိုတော့ တစ်ခါတစ်လေ ဈေးကြီးတာမျိုးမဟုတ်ဘဲ စိတ်ကူးထဲမှာ ကြိုက်တဲ့နာရီမျိုးစုံပတ်ဖြစ်လေ့ရှိကြောင်း

- တန်ဖိုးရှိနာရီဆိုတာထက် ရှားပါးနာရီတွေကို ပိုစုဖြစ်တယ် နာရီချစ်သူအချင်းချင်း ရောင်းဝယ်လဲလှယ်တာလုပ်လေ့ရှိကြောင်း

- နိုင်ငံခြားကဝင်တဲ့ နာရီတွေလည်းရှိတယ် နာရီတစ်လုံးစုဆောင်းတော့မယ်ဆိုရင် အတုလားအစစ်လား အချက်အလက်တွေကို သေချာလေ့လာစုဆောင်းလေ့ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published: 1 January 2023

ပါလက်စတိုင်းနယ်မြေများကို အစ္စရေးသိမ်းပိုက်ထားမှုအပေါ် နိုင်ငံတကာတရားရုံး(အိုစီဂျေ)ထံမှ ဥပဒေကြောင်းအရ စဉ်းစားရန်အချက်ကိုတောင်းခံထားသည့် ကုလသမဂ္ဂအထွေထွေညီလာခံရဲ့ မဲပေးမှုကို အစ္စရေးဝန်ကြီးချုပ် ဘင်ဂျမင် နာတာယာဟုက ပြင်းထန်စွာဝေဖန်လိုက်ပါတယ်။

“ ဂျူးပြည်သူတွေဟာ သူတို့ရဲ့ကိုယ်ပိုင်မြေ ရော ကျွန်တော်တို့ရဲ့ထာဝရမြို့တော်ဂျေရုစလင်မှာရော သိမ်းပိုက်သူတွေ မဟုတ်ကြဘူး။ ဘယ်လိုကုလသမဂ္ဂဆုံးဖြတ်ချက်ကမှ သမိုင်းရဲ့အမှန်တရာကို ပုံဖျက်ပစ်လို့မရနိုင်ဘူး” လို့ နာတာယာဟုက ဗွီဒီယိုနှင့်သတင်းစကားပါးလိုက်တာဖြစ်ပါတယ်။

အစ္စရေးဟာ စက်ဆုပ်ဖွယ်ကောင်းတဲ့ဆုံးဖြတ်ချက်ကို လိုက်ပါဆောင်ရွက်မှာမဟုတ်ဘူးလို့လည်း သူကဖြည့်စွက်ပြောပါတယ်။

နာတာယာဟုဟာ ဒီတစ်ပတ်ကမှ ဝန်ကြီးချုပ်ရာထူးတာဝန်ရယူခဲ့တာဖြစ်ပါတယ်။ အခြေချနေရာတိုးချဲ့တာကို ဦးစားပေးလုပ်ငန်းအဖြစ်ထားရှိဖို့ဆောင်ရွက်နေပြီး သူတို့ တည်ဆောက်ထားတဲ့ အနောက်ဘက်ကမ်းခြေနယ်မြေကို ကျူးကျော်လိုတဲ့ ပါတီတွေတွေကို ထည့်သွင်းထားတဲ့ အစိုးရတစ်ခုကို သူက ဦးဆောင်နေပါတယ်။

ပါလက်စတိုင်းတွေက အနောက်ဘက်ကမ်းခြေကို  ဂါဇာနှင့် အရှေ့ဂျေရုစလင်နှင့်အတူ ပါလက်စတိုင်းနိုင်ငံအတွက် သိမ်းပိုက်ဖို့ကြိုးစားနေပါတယ်။ အနောက်ဘက်ကမ်းခြေမှာ အစ္စရေးတွေအခြေချမှုကို နိုင်ငံအများစုက တရားမဝင်ဘူး လို့ရှုမြင်ထားကြပါတယ်။ အစ္စရေးကတော့ သမိုင်းနှင့် သမ္မာကျမ်းစာတို့နှင့် ဒီမြေကို စည်းနှောင်ပြီး အဲဒီအမြင်ကို ပြင်းပြင်းထန်ထန် အငြင်းပွားခဲ့ပါတယ်။

သည်ဟေ့ဂ်အခြေစိုက် အိုစီဂျေကို ကမ္ဘာ့တရားရုံးအဖြစ်လည်းသိကြပြီး ကုလသမဂ္ဂရဲ့ နိုင်ငံအချင်းချင်းအငြင်းပွားမှုကို ဖြေရှင်းကြရတဲ့ ထိပ်တန်းတရားရုံးတစ်ခုလည်းဖြစ်ပါတယ်။သူ့ဆုံးဖြတ်ချက်ဟာ တရားဝင်ဖြစ်စေပေမယ့် အိုင်စီဂျေဟာ အဲဒါကို အတင်းအကျပ်လိုက်နာစေဖို့အခွင့်အာဏာမရှိပါဘူး။

အစ္စရေးရဲ့ သိမ်းပိုက်အခြေချကျူးကျော်နေထိုင်မှုတွေနှင့်ပတ်သက်လို့ ဥပဒေပိုင်းအရ အကျိးဆက်တွေအပေါ် အကြံပြုချက်ပေးဖို့ ကုလသမဂ္ဂအထွေထွေညီလာခံက အိုင်စ်ီဂျေကိုတောင်းခံလိုက်တာဖြစ်ပါတယ်။

နာတာယာဟုရဲ့ အစိုးရအဖွဲ့ဝင်တွေက အဲဒီအခြေချနေထိုင်မှုကို ဖွံ့ဖြိုးရေးစီမံကိန်းတွေ။ ဘတ်ဂျက်တွေနှင့် ခွင့်ပြုချက်မရှိဘဲ ရှေ့တန်းကင်းစခန်းတွေကို ခွင့်ပြုတာတွေနှင့် လုပ်ဆောင်ဖို့ ဆုံးဖြတ်ထားပါတယ်။

Source: Reuters

#Israeli_slammed_UNGA_decision

#Benjamin_Netanyahu

#Israel_Palestinie

#Local_News
Published_ 1st Jan 2023

လက်တွေ့ကျသည့် ငြိမ်းချမ်းရေးဆွေးနွေးမှု လုပ်ငန်းစဉ်များကို ဆက်လက်အကောင်အထည်ဖော်ဆောင်ရွက်နိုင်ရေး၊ ပြည်သူလူထုတစ်ရပ်လုံး လိုလားတောင့်တလျက်ရှိသည့် ထာဝရငြိမ်းချမ်းရေးရရှိရေးတို့အတွက် နိုင်ငံတော်ကာကွယ်ရေးနှင့် အုပ်ချုပ်မှုဆိုင်ရာကိစ္စရပ်များအပြင် နိုင်ငံတော်အစိုးရ၏ လုံခြုံရေးနှင့် အုပ်ချုပ်ရေးဆိုင်ရာယန္တရားများကို နှောင့်ယှက်ထိပါး၍တိုက်ခိုက်ချိန်မှအပ တပ်မတော်၏ စစ်ရေး ဆိုင်ရာလှုပ်ရှားမှုများကို ၂၀၂၃ ခုနှစ်၊ ဇန်နဝါရီလ ၁ ရက်မှ ဒီဇင်ဘာလ ၃၁ ရက်အထိ ထပ်မံတိုးမြှင့်ရပ်စဲလိုက်ကြောင်း တပ်မတော်ကာကွယ်ရေးဦးစီးချုပ်ရုံး က ၂ဝ၂၂ ခုနှစ် ၊ ဒီဇင်ဘာလ ၃၁ ရက် ည တွင် ထုတ်ပြန်လိုက်သည်။

လက်ရှိတွင် တပ်မတော်အနေဖြင့် နိုင်ငံတော်တာဝန်များကို ထမ်းဆောင်နေသည်မှာ တစ်နှစ်နှင့် ၁၁ လကာလသို့ ရောက်ရှိခဲ့ပြီဖြစ်ကာ ပါတီစုံဒီမိုကရေစီစနစ် ခိုင်မာစေရေးနှင့် ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေးအတွက် ရှေ့လုပ်ငန်းစဉ် ၅ ရပ် ချမှတ်ဆောင်ရွက် လျက်ရှိပြီး ရှေ့လုပ်ငန်းစဉ်၏ စတုတ္ထအချက်ဖြစ်သည့် “တစ်နိုင်ငံလုံးထာဝရ ငြိမ်းချမ်းရေး ရရှိရေးအတွက် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)ပါ သဘောတူညီချက်များအတိုင်း ဖြစ်နိုင်သမျှ အလေးထားလုပ်ဆောင်သွားမည်”ဟူသောလုပ်ငန်းစဉ်ကို အကောင်အထည်ဖော်နိုင်ရေးအတွက် ငြိမ်းချမ်းရေးလုပ်ငန်းစဉ်များကို စဉ်ဆက်မပြတ် အကောင်အထည်ဖော်လျက်ရှိကြောင်း သိရသည်။

နစက ဥက္ကဋ္ဌ က ပြီးခဲ့သည့် ၂၀၂၂ ခုနှစ်၊ ဧပြီလ ၂၂ ရက်က ပြည်သူများသို့ ပြောသည့် ငြိမ်းချမ်းရေးနှင့် ပတ်သက်သောမိန့်ခွန်းတွင်တိုင်းရင်းသား လက်နက်ကိုင်အဖွဲ့များ၏ ခေါင်းဆောင်များနှင့် ကိုယ်တိုင်တွေ့ဆုံ၍ ရိုးသားပွင့်လင်းစွာ ဆွေးနွေးနိုင်ရေး ဖိတ်ခေါ်ခဲ့ရာ ယနေ့ အထိ NCA လက်မှတ်ရေးထိုးပြီးဖြစ်သည့် DKBA၊ KNU- KNLA/PCI PNLO၊ NMSP၊ ALPI RCSS(SSA)၊ LDU စသည့် အဖွဲ့ ခုနှစ်ဖွဲ့နှင့် လက်မှတ် ရေးထိုးခြင်း မပြုရသေးသည့် UWSA၊ NDAAI SSPP(SSA) စသည့် အဖွဲ့ သုံးဖွဲ့၊ စုစုပေါင်း အဖွဲ့ ၁၀ တို့မှ ကိုယ်စားလှယ်အဖွဲ့များနှင့် နှစ်ကြိမ်တိုင်တိုင် တွေ့ဆုံဆွေးနွေးနိုင်ခဲ့ကြောင်းလည်း သိရသည်။

တွေ့ဆုံဆွေးနွေးခဲ့ရာတွင် အပြုသဘောဆောင်သည့် ဆွေးနွေးမှုရလာဒ်များကို ဖော်ဆောင်နိုင်ခဲ့သောကြောင့် ငြိမ်းချမ်းရေး လုပ်ငန်းစဉ်များကို ဆက်လက်ဆောင်ရွက်လျက်ရှိပြီး ဖွဲ့စည်းပုံအခြေခံဥပဒေ (၂၀၀၈ ခုနှစ်)နှင့် တစ်နိုင်ငံလုံးပစ်ခတ် တိုက်ခိုက်မှုရပ်စဲရေး သဘောတူစာချုပ် (NCA)တို့ကို အခြေခံသည့် ငြိမ်းချမ်းရေးလမ်းကြောင်းကို ဆက်လက်ဖော်ဆောင်သွားမည်ဖြစ်ကြောင်းလည်း အဆိုပါ ထုတ်ပြန်ချက်တွင် ဖော်ပြထားသည်။

နစက အနေဖြင့် တစ်နိုင်ငံလုံး ထာဝရငြိမ်းချမ်းရေးရရှိစေရေး၊ ငြိမ်းချမ်းရေးလုပ်ငန်းစဉ်များကို ပိုမိုတိုးမြှင့်ဆောင်ရွက်နိုင်ရေး၊ မြန်မာနိုင်ငံတစ်ဝန်းလုံး၌ ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေး လုပ်ငန်းစဉ်များကို ထိရောက်စွာ ဆောင်ရွက်နိုင်ရေးရည်ရွယ်၍ တပ်မတော်အနေဖြင့် နိုင်ငံတော်ကာကွယ်ရေးနှင့် အုပ်ချုပ်မှုဆိုင်ရာကိစ္စရပ်များ၊ နိုင်ငံတော်အစိုးရ၏ လုံခြုံရေးနှင့် အုပ်ချုပ်ရေးဆိုင်ရာ ယန္တရားများကို နှောင့်ယှက်ထိပါး၍ တိုက်ခိုက်ချိန်မှအပ ၂၀၁၈ ခုနှစ်၊ ဒီဇင်ဘာလ ၂၁ ရက်မှ ၂၀၂၂ ခုနှစ်၊ ဒီဇင်ဘာလ ၃၁ ရက်အထိ ၄ နှစ်ကျော်ကာလတိုင် ပစ်ခတ်တိုက်ခိုက်မှုရပ်စဲရေးအတွက် ထုတ်ပြန်ချက် ပေါင်း(၂၁)ကြိမ် ထုတ်ပြန်ခဲ့ပြီးဖြစ်ကြောင်း သိရသည်။

ymg/mt
#Yangon_Media_Group

Published: 1 January 2023

တစ်နိုင်ငံလုံးအကြားအလပ်မရှိ ရွေးကောက်ပွဲကျင်းပနိုင်ဖို့နှင့် တိုင်းပြည်ကိုမူလအခြေအနေအတိုင်း အေးချမ်းစေဖို့ ဆောင်ရွက်နေတယ်လို့ နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ကပြောကြားပါတယ်။

၂၀၂၃ခုနှစ် နှစ်သစ်ကူး နှုတ်ခွန်းဆက်စကားပြောကြားရာမှာ ဗိုလ်ချုပ်မှူးကြီးက အဆိုပါအတိုင်းပြောကြားခဲ့တာ ဖြစ်ပါတယ်။

“ကျွန်တော်တို့ လက်နက်ကိုင်ပဋိပက္ခ တွေ ဖြေရှင်းနိုင်ရင် တိုင်းရင်းသားတွေနဲ့ တိုင်းရင်းသားဒေသတွေရဲ့အခွင့်အရေး ပိုမိုဆောင်ရွက်ပေးနိုင်မှာပဲဖြစ်ပါတယ်။ တိုင်းရင်းသားညီအစ်ကိုမောင်နှမတွေ ဒီမိုကရေစီ အခွင့်အရေးတွေ မဆုံးရှုံးစေဖို့ တိုင်းရင်းသားဒေသတွေအပါအဝင် တစ်နိုင်ငံလုံး နေရာအနှံ့ အကြားအလပ်မရှိ ရွေးကောက်ပွဲကျင်းပနိုင်ဖို့ ကြိုးစားဆောင်ရွက်လျက် ရှိပါတယ်။ တိုင်းပြည်ကို မူလအခြေအနေအတိုင်းအေးချမ်းစေဖို့ ဆောင်ရွက်နေပါတယ်” လို့ နစက ဥက္ကဋ္ဌက ပြောကြားခဲ့တာပါ။

လွတ်လပ်ရေးရတာ (၇၅)နှစ်ပြည့်တော့မှာဖြစ်ပေမယ့် လွတ်လပ်ရေးရဲ့အရသာကို အပြည့်အဝမခံစားကြရသေးဘူးလို့ လက်နက်ကိုင် ပဋိပက္ခတွေကို ရည်ညွန်းပြီး ဗိုလ်ချုပ်မှူးကြီးက ပြောပါတယ်။

“လွတ်လပ်ရေးနဲ့အတူပေါက်ဖွားလာတဲ့ လက်နက်ကိုင်ပဋိပက္ခတွေကို တတ်နိုင်သမျှချုပ်ငြိမ်းအောင် ကျွန်တော်တို့ ဆောင်ရွက် ခဲ့ပါတယ်။ ငြိမ်းချမ်းရေးကို ကျွန်တော်ကိုယ်တိုင် ဖိတ်ခေါ်ပြီးဆွေးနွေးခဲ့ပါတယ်။ ဆွေးနွေးပြီးသမျှ တိုင်းရင်းသားလက်နက်ကိုင်အဖွဲ့တွေနဲ့ ငြိမ်းချမ်းရေးအတွက် ဆွေးနွေးမှုများအပေါ်မှာ အလားအလာကောင်းတဲ့ သဘောတူညီမှုများ ရရှိခဲ့ပါတယ်။ မိမိဒေသ၊ မိမိလူမျိုးရဲ့ကောင်းကျိုးကို တကယ့်ရင်ထဲက စစ်မှန်တဲ့စေတနာ၊ မေတ္တာ အမှန်တရားနဲ့ လိုလားဖို့ပဲအရေးကြီးပါတယ်” လို့ သူကပြောပါတယ်။

၂၀၂၃ခုနှစ်ဟာ လွတ်လပ်ရေးစိန်ရတုနှစ်ဖြစ်လို့ မြန်မာ့နိုင်ငံရေး အချိုးအကွေ့တစ်ခုမှာ သမိုင်းကောင်းတစ်ခု ဖန်တီးနိုင်မယ့် အခွင့်အရေးကောင်းတစ်ခုကို တိုင်းရင်းသားပြည်သူတွေ ပိုင်ဆိုင်ခွင့်ရတဲ့နှစ်တစ်နှစ်ဖြစ်ပြီး အဲဒီအခွင့်အရေးကို အရယူနိုင်ဖို့မျှော်လင့်တယ််လို့လည်း ဆိုပါတယ်။

ဒီမိုကရေစီနှင့် ဖက်ဒရယ်စနစ်ကို အခြေခံတဲ့ ြည်ထောင်စုတည်ဆောက်ရေး အတွက် ယခုရှိပြီးသားထက်ပိုမိုတဲ့ ပေါင်းစည်းညီညွတ်မှုများနဲ့ ရှေ့ကိုခရီးဆက်ရမှာပဲ ဖြစ်လို့ နစက အနေနဲ့ ဘက်ပေါင်းစုံကနေ ရှိသမျှတံခါးများအားလုံးဖွင့်လျက် လက်ကမ်းကြိုလျက် ရှိနေပါတယ်လို့ ငြိမ်းချမ်းရေးဆွေးနွေးပွဲများကို ဆက်စပ်ရည်ညွန်းပြီး ဗိုလ်ချူပ်မှူးကြီးက နှစ်သစ်နှုတ်ခွန်းဆက်စကားမှာ ထည့်သွင်းပြောကြားခဲ့ကြောင်းသိရပါတယ်။

ymg/knl

#Myanmar_Politics

#World_Health
Published 1 Jan 2023

အစားအသောက်တွေ မုန့်တွေပိုစားဖြစ်တဲ့အခါ ဆားပမာဏလည်း မြင့်မားစွာစားသုံးမိပါလိမ့်မယ်။

လေ့လာချက်အသစ်အရ လိုအပ်တာထက် ဆားပိုမိုစားသုံးမိတဲ့အခါ စိတ်အခြေအနေထိခိုက်လာတတ်ပါတယ်။

ခန္ဓာကိုယ်ထဲ ဆားပမာဏများလာတဲ့အခါ သွေးပေါင်ချိန်ပါမြင့်တက်လာပြီး လေဖြတ်ခြင်းနဲ့ နှလုံးရောဂါဖြစ်နိုင်ချေ များလာပါတယ်။

ဆားရဲ့သက်ရောက်မှုက ရုပ်ပိုင်းဆိုင်ရာကျန်းမာရေးအပြင် အပြုအမူနဲ့ စိတ်ဖိစီးမှုကိုပါ တိုးများလာစေကြောင်း Cardiovascular Research မှာ ဖော်ပြထားပါတယ်။

ဆားတိုင်းအားလုံး မကောင်းတာတော့ မဟုတ်ပါဘူး။

အဟာရဓာတ်တွေ ဆဲလ်တွေကနေ အဝင်အထွက်ပြုလုပ်တဲ့နေရာမှာ ဆိုဒီယမ်က အဓိကထိန်းညှိပေးပါတယ်။

ခန္ဓာကိုယ်ထဲမှာ ကလိုရိုက်ဒ်နဲ့ပေါင်းစပ်ဖို့ ဆိုဒီယမ်ဓာတ် အနည်းငယ်သာလိုအပ်ပါတယ်။

အမေရိကန်နဲ့ နိုင်ငံအများစုမှာ နေ့စဉ်ဆားစားသုံးမှုက လိုအပ်တာထက် ကျော်လွန်နေပါတယ်။

သုတေသနအဖွဲ့က ကြွက်တွေကိုအဖွဲ့ခွဲကာ ဆားပုံမှန်စားသုံးခိုင်းတဲ့အဖွဲ့၊ ဆိုဒီယမ်နည်းပါးစွာစားသုံးခိုင်တဲ့အဖွဲ့နဲ့ ဆားမြင့်မားစွာစားသုံးခိုင်တဲ့အဖွဲ့ဆိုပြီး သတ်မှတ်လိုက်ပါတယ်။

အချိန် ၈ ပတ်ကြာသည်အထိ မနက်နဲ့ညနေတိုင်း သူတို့ရဲ့စိတ်ဖိစီးမှုဟော်မုန်းတွေကို တိုင်းတာခဲ့ပြီး သွေးနမူနာများရယူခဲ့ပါတယ်။

အဲဒီနောက် ဟိုက်ပိုသဲလမတ်စ်၊ အသည်း၊ ကျောက်ကပ်၊ နှလုံးတို့နဲ့ပတ်သက်တဲ့ မျိုးရိုးဗီဇအချက်အလက်များအတွက် တစ်ရှူးနမူနာများ စုဆောင်းခဲ့ပါတယ်။

ဆားပမာဏသွေးထဲမှာ များတဲ့အခါ ဆိုဒီယမ်ဓာတ်များခြင်းအခြေအနေဖြစ်ပြီး အရည်မမျှတဘဲဖြစ်လာပါတယ်။

စားပွဲတင်ဆားအစား ဆားပမာဏနည်းတဲ့ ဆိုဒီယမ်ကလိုရိုက်ဒ်နဲ့ ပိုတက်ဆီယမ်ကလိုရိုက်ဒ်တို့ ပြောင်းလဲအသုံးပြုနိုင်ကြောင်း သုတေသီများအကြုံပြုထားပါတယ်။

Source: The Jerusalem Post
#Yangon_Media_Group

#World_Health
Published 1 January 2023

ယခင်ကမကြုံဖူးတဲ့ ပြဿနာတွေကို ဖြေရှင်းနိုင်စွမ်းပေးတဲ့ ဦးနှောက်အစိတ်အပိုင်းတွေကို ဗြိတိန်သုတေသီများက အသိဉာဏ်စီးဆင်းမှုအဖြစ် ဖော်ထုတ်လိုက်ပါတယ်။

အသိဉာဏ်စီးဆင်းမှုဟာ ပညာရေးနဲ့ အသက်မွေးဝမ်းကျောင်းဆိုင်ရာအောင်မြင်မှု၊ လူမှုရေးအခြေအနေ၊ အသက်ရှည်ကျန်းမာရေးအပြင် မှတ်ဉာဏ်ကဲ့သို့ သိရှိမှုစွမ်းရည်များစွာနဲ့ဆက်စပ်နေပါတယ်။

ခက်ခဲရှုပ်ထွေးတဲ့ စဉ်းစားနိုင်စွမ်းတွေဖြင့် နေ့စဉ်လှုပ်ရှားမှုတွေမှာ အသုံးချနိုင်တာကိုတွေ့ရပါတယ်။

အသိဉာဏ်စီးဆင်းမှုက လူသားတွေရဲ့အပြုအမူမှာ အဓိကကျပေမယ့် သိမြင်နိုင်စွမ်းတစ်ခုတည်း ဒါမှမဟုတ် ယင်းတို့ရဲ့အစုအဝေးတစ်ခုနဲ့ ဦးနှောက်ဆက်နွယ်မှုသဘောသဘာဝနဲ့ ပတ်သက်ပြီး အငြင်းပွားနေဆဲဖြစ်ပါတယ်။

အသိဉာဏ်စီးဆင်းမှုကို အကောင်းဆုံးစမ်းသပ်နိုင်တဲ့ Raven APM ကိုအသုံးပြုပြီး ဦးနှောက်အကျိတ် ဒါမှမဟုတ် လေဖြတ်လူနာ ၂၂၇ ယောက်ကို စူးစမ်းလေ့လာခဲ့ပါတယ်။

သူတို့ရဲ့ချဉ်းကပ်ပုံက ရောဂါဖြစ်စဉ်ကြောင့် ဒါမှမဟုတ် သိမြင်နိုင်စွမ်းကိုဖော်ပြနေတဲ့အပိုင်းတွေရဲ့ ချိတ်ဆက်မှုတွေကို အတူတကွဖော်ပြတဲ့ တွက်ချက်မှုကွန်ရက်အဖြစ် ဦးနှောက်ရှိအချက်အလက်များကြားဆက်ဆံရေးကို ဖော်ထုတ်ကြပါတယ်။

အသိဉာဏ်စီးဆင်းမှု ချို့ယွင်းတဲ့သူတွေမှာ ဦးနှောက်အနှံ့ပျံနှံ့နေတာထက်စာရင် ညာဘက်အရှေ့မှာထိခိုက်မှုရှိနေတဲ့ လူနာတွေမှာ ပိုပြီးတွေ့ရပါတယ်။

ဦးနှောက်အကျိတ်နဲ့ လေဖြတ်ခြင်းကဲ့သို့ ဦးနှောက်ထိခိုက်မှုတွေကို ဦးနှောက်ထိခိုက်ထားသူများနဲ့ ဒီမန်ရှာတို့လို အာရုံကြောပြဿနာလူနာတွေမှာ တွေ့ရှိကြရပါတယ်။

ဦးနှောက်ညာဘက်အရှေ့ပိုင်းဟာ ပြဿနာဖြေရှင်းနိုင်စွမ်း ကျိုးကြောင်းဆီလျော်နိုင်စွမ်းစတဲ့ အသိဉာဏ်စီးဆင်းမှု မြင့်မားတဲ့စွမ်းဆောင်ရည်တွေအတွက် အရေးကြီးကြောင်း ပထမဆုံးတွေ့ရှိခဲ့တာဖြစ်တယ်လို့ ပရော်ဖက်ဆာ'လီဆာဆီပိုလော့တီ'က ပြောပြခဲ့ပါတယ်။

ဦးနှောက်ထိခိုက်မှုတွေကို ပိုမိုလေ့လာခြင်းဖြင့် ဦးနှောက်နဲ့ သိရှိနိုင်စွမ်းတို့ကြားပတ်သက်မှုကို ထုတ်ဖော်နိုင်မှာဖြစ်ကာ အာရုံကြောပြဿနာတွေကို ဖြေရှင်းနိုင်မှာဖြစ်တယ်လို့ ပြောပြသွားပါတယ်။

Source: The Jerusalem Post
#Yangon_Media_Group