#Local_News
Published_ 1 April 2023

ရခိုင်ပြည်နယ် စစ်တွေမြို့ ကျက်သရေဆောင် လောကာနန္ဒာစေတီတော်မြတ်ကြီးအား ရတနာစိန်ဖူးတော်၊ ငှက်မြတ်နားတော် တင်လှူပူဇော်ပွဲနှင့် ဗုဒ္ဓါဘိသေက အနေကဇာတင် မဟာမင်္ဂလာအခမ်းအနားကို မတ်လ ၃၁ ရက်က ပြုလုပ်ခဲ့ကြောင်း သိရသည်။

ယင်းအခမ်းအနားသို့ နိုင်ငံတော်သံဃမဟာနာယကအဖွဲ့၊ တွဲဖက်အကျိုးတော်ဆောင်၊ မင်းပြားမြို့ ပရိယတ္တိဓမ္မိကာရာမစာသင်တိုက် ပဓာနနာယက အဂ္ဂမဟာသဒ္ဓမ္မဇောတိကဓဇ၊ အဂ္ဂမဟာဂန္ထဝါစကပဏ္ဍိတ ဘဒ္ဒန္တဣန္ဒာစရိယ မင်းပြားဆရာတော်ကြီးအမှူးပြုသည့် ဆရာတော်၊ သံဃာတော်အရှင်သူမြတ်များ ကြွရောက်ချီးမြှင့်တော်မူကြကာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်၊ ဇနီးဒေါ်ကြူကြူလှ၊ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦးနှင့် ဇနီး၊ ကောင်စီဝင်များနှင့်ဇနီးများ၊ ပြည်ထောင်စုဝန်ကြီးများ၊ ရခိုင်ပြည်နယ်ဝန်ကြီးချုပ်နှင့်ဇနီး၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ)နှင့် ဇနီး၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများနှင့် ဇနီးများ၊ အနောက်ပိုင်းတိုင်းစစ်ဌာနချုပ်တိုင်းမှူး၊ ဖိတ်ကြားထားသည့် ဧည့်သည်တော်များ၊ အရာရှိ၊ စစ်သည်၊ မိသားစုများ၊ ဝတ်အသင်းအဖွဲ့များနှင့် ဒေသခံပြည်သူများ တက်ရောက်ခဲ့ကြကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် အဖွဲ့ဝင်များက စေတီတော်လိုဏ်အတွင်းရှိ ဗုဒ္ဓရုပ်ပွားတော်မြတ်အား ဖူးမြော်ကြည်ညို၍ မြသပိတ်ဆွမ်းတော်နှင့် ပန်း၊ ရေချမ်း၊ ဆီမီး တို့ကို ဆက်ကပ်လှူဒါန်းခဲ့ကြောင်း၊ နမောတဿသုံးကြိမ်ရွတ်ဆို ဘုရားကန်တော့၍ အခမ်းအနားဖွင့်လှစ်ပြီး ဘုရားဒါယကာ၊ ဒါယိကာမများက ရတနတ္တ ပူဇာဂါထာတော်နှင့် သဗ္ဗသင်္ဂါဟက မေတ္တာပို့လင်္ကာတို့ကို ရွတ်ဆိုပွားများပူဇော်ကြကြောင်း သိရသည်။

အဆိုပါ ရခိုင်ပြည်နယ် စစ်တွေမြို့ ကျက်သရေဆောင် လောကာနန္ဒာစေတီတော်မြတ်ကြီးသည် စစ်တွေမြို့ ရဲနွယ်စုရပ်ကွက်မေယုလမ်းနှင့် သတ္တုဌာနလမ်းဆုံ၌ တင့်တယ်သပ္ပာယ်စွာ တည်ရှိလျက်ရှိပြီး နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဥက္ကဋ္ဌ ဗိုလ်ချုပ်မှူးကြီး သန်းရွှေအမှူးပြုသည့် စေတနာရှင်အလှူရှင်များက ၁၉၉၅ ခုနှစ် ဖေဖော်ဝါရီ ၁၈ ရက်မှစ၍ တည်ထားကိုးကွယ်ရေးလုပ်ငန်းများကို စတင်ဆောင်ရွက်ခဲ့ကာ ၁၉၉၉ ခုနှစ် ဖေဖော်ဝါရီ ၂၈ ရက်တွင် ရွှေထီးတော်တင် မဟာမင်္ဂလာအခမ်းအနားနှင့် မတ် ၂ ရက်တွင် စေတီတော်ကြီး အနေကဇာတင်အခမ်းအနားတို့ကို ကျင်းပပြုလုပ်ပြီးစီးခဲ့ကြောင်း သိရသည်။

“လောကာနန္ဒာ” ဟူသည့် အဓိပ္ပာယ်မှာ လူ့လောက၊ နတ်လောက၊ ဗြဟ္မာလောကတို့၏ ကိုးကွယ်ဆည်းကပ်ပူဇော်ရာဟူ၍ အဓိပ္ပာယ်ရကြောင်းနှင့် စေတီတော်ကြီးမှာ ဉာဏ်တော်အမြင့် ၁၀၈ တောင်၊ ပေအားဖြင့် ၁၆၂ ပေ၊ အချင်း ၂၃၂ ပေ၊ ရင်ပြင်တော်အကျယ် ၄၅၉ ပေ ရှိပြီး အရံစေတီတော်ရှစ်ဆူရှိကြောင်း၊ စေတီတော်၏ မုခ်ပေါက်လေးဘက်ကို ရှေးဟောင်းရခိုင်လက်ရာပုံစံများနှင့် ကျောက်ကို ထွင်းဆစ်ပြုလုပ်ထားပြီး အတွင်းနံရံလေးဘက်တွင် ဗုဒ္ဓမြတ်စွာဘုရား၏ ဖြစ်တော်စဉ် ၅၅၀ ဇာတ်နိပါတ်တော်များကို မြန်မာမှုပန်းတမော့လက်ရာ ရုပ်လုံး၊ ရုပ်ကြွများဖြင့် ကျောက်ဆစ်အနုလက်ရာ ပြောင်မြောက်စွာ ထွင်းထုထားရှိကြောင်း သိရသည်။

လိုဏ်ဂူတော်အတွင်းတွင် အရပ်လေးမျက်နှာသို့ မျက်နှာမူနေသည့် ကကုသန်ဘုရား၊ ကောဏာဂုံဘုရား၊ ကဿပဘုရား၊ ဂေါတမဘုရားရှင်တို့၏ ကြေးသွန်းဆင်းတုတော်လေးဆူမှာ ရခိုင်ရှေးခေတ်လက်ရာပုံစံ များဖြင့်ထုဆစ်ထားသည့် ကျောက်သားပလ္လင်များပေါ်တွင် သပ္ပာယ်စွာ ကိန်းဝပ်စံပယ်တော်မူလျက်ရှိကြောင်း၊ စေတီတော်ကြီးကို နိုင်ငံတော်အစိုးရ၊ တပ်မတော်၊ ဒေသခံတိုင်းရင်းသားပြည်သူများ၊ စေတနာရှင်အလှူရှင်များက ခေတ်အဆက်ဆက် ပြုပြင်မွမ်းမံထိန်းသိမ်းခဲ့ကြကြောင်း၊ ယခုအခါတွင်လည်း စေတီတော်မြတ်ကြီး ရေရှည်တည်တံ့ ခိုင်မြဲရေးအတွက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် အမှူးပြုသည့် ခုနစ်ရက်သားသမီး စေတနာရှင်အလှူရှင်များစုပေါင်း၍ စေတီတော်ကြီးအတွင်းလိုဏ်အပါအဝင် ဘက်စုံပြုပြင် မွမ်းမံခဲ့ကြခြင်းဖြစ်ကြောင်းနှင့် ရတနာစိန်ဖူးတော်၊ ငှက်မြတ်နားတော် တင်လှူပူဇော်ပွဲနှင့် ဗုဒ္ဓါဘိသေက အနေကဇာတင် မဟာမင်္ဂလာအခမ်းအနား ကျင်းပပြုလုပ်ခဲ့ကြခြင်း ဖြစ်ကြောင်း သိရသည်။

ymg/mt
#စစ်တွေမြို့ #လောကာနန္ဒာစေတီတော်မြတ်ကြီး #ငှက်မြတ်နားတော်တင်လှူပူဇော် #YMG #Yangon_Media_Group

#Local_News
Published_ 1 April 2023

မန္တလေးတိုင်းဒေသကြီး နွားထိုးကြီးမြို့နယ် ဘုန်းကြီးကျောင်းဓမ္မာရုံရေစက်ချပွဲမှ ပြန်လာသည့်ကား မိုင်းခွဲခံရ၍ တစ်ဦးဒဏ်ရာရခဲ့ကြောင်း သိရသည်။

မတ်လ ၃၁ ရက်က လျှော်ဖြူကျေးရွာ၏ အနောက်မြောက်ဘက်မီတာ ၈၀၀ ခန့်အကွာ နွားထိုးကြီး-မြင်းခြံသွား ကားလမ်းဝဲဘက် ၁၅ ပေခန့်အကွာ၌ လက်လုပ်အဝေးထိန်းမိုင်း တစ်လုံးပေါက်ကွဲခဲ့မှုကြောင့် အရပ်သားတစ်ဦးဒဏ်ရာ ရရှိခဲ့ခြင်း ဖြစ်သည်။

နွားထိုးကြီးမြို့နယ် ဝက်လူးကျေးရွာ၌ ဘုန်းကြီးကျောင်းဓမ္မာရုံရေစက်ချပွဲမှ မင်းဘူးမြို့သို့ ပြန်လည်မောင်းနှင်လာသော ဂီတစက်ဝိုင်းတေးဂီတအဖွဲ့သား ၁၀ ဦး လိုက်ပါလာသည့် Super Custom အမျိုးအစားယာဉ်သည် လျှော်ဖြူကျေးရွာ၏ အနောက်မြောက်ဘက် မီတာ ၈၀၀ ခန့် အကွာသို့ရောက်ရှိချိန် လက်လုပ်အဝေးထိန်းမိုင်းတစ်လုံး ပေါက်ကွဲခဲ့သဖြင့် ယာဉ်ပေါ်တွင်လိုက်ပါလာသည့် မင်းဘူးမြို့ အမှတ်(၁)ရပ်ကွက်နေ ဒေါ်ဇွန်ဇင်ဇင်ထွန်းတွင် မိုင်းစထိမှန်ဒဏ်ရာများ ရရှိခဲ့ကြောင်း သိရသည်။

ယင်းကြောင့် ဒဏ်ရာရသူအား နွားထိုးကြီးမြို့နယ် ပြည်သူ့ဆေးရုံသို့ပို့ဆောင် ဆေးကုသမှုခံယူစေလျက်ရှိကြောင်း သိရသည်။

ymg/mt
#ဘုန်းကြီးကျောင်း #ဓမ္မာရုံရေစက်ချပွဲ #မိုင်းခွဲခံရ
#YMG #Yangon_Media_Group

Published 1 April 2023

မြန်မာနိုင်ငံတွင် ပညာရေးတွင် လူဦးရေ၏ ၆၀ ရာခိုင်နှုန်းခန့်သည် ပဉ္စမတန်းအောက်သာရှိသည့်အတွက် နိုင်ငံအတွက်အန္တရာယ်ရှိသည့် အနေအထားဖြစ်တယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောကြားပါတယ်။

ရခိုင်ပြည်နယ်ကိုရောက်ရှိနေတဲ့ နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ဟာ မတ်လ ၃၁ရက် မွန်းလွဲပိုင်းတွင် ရခိုင်ပြည်နယ်အစိုးရအဖွဲ့နှင့် ပြည်နယ်အဆင့် ဌာနဆိုင်ရာတာဝန်ရှိသူများအား ပြည်နယ်အစိုးရအဖွဲ့ရုံး အစည်းအဝေးခန်းမ၌ တွေ့ဆုံအမှာစကားပြောကြားရာမှာ ထည့်သွင်းပြောကြားခဲ့တာဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။

အဲဒါကြောင့်  နစက အနေဖြင့် တစ်နိုင်ငံလုံး၏ ပညာရေးကဏ္ဍမြှင့်တင်နိုင်ရေးအတွက် KG + 9 အထိ မသင်မနေရစနစ်ဖြင့် သင်ကြားပေးလျက်ရှိတယ်လို့ ဗိုလ်ချူပ်မှူးကြီးက ပြောပါတယ်။

ရခိုင်ပြည်နယ်အတွင်း အခြေခံပညာတတ်မြောက်မှုနှင့် တန်းစဉ်ကူးပြောင်းမှုများလည်းနည်းပါးသည်ကို တွေ့ရှိရတဲ့အတွက်  ပညာရေးမှာ ကွာဟချက်ကြီးမားနေတာကြောင့် ပညာရေးအားနည်းပါက အသိအမြင်နှင့် အတွေးအခေါ်များသည်လည်း အားနည်းလာမည်ဖြစ်ပြီး တစ်ဦးတစ်ယောက်ချင်းနှင့် ဒေသ၏ဖွံ့ဖြိုးတိုးတက်မှုကို အားနည်းစေမည်ဖြစ်တယ်လို့လည်း နစက ဥက္ကဋ္ဌကဆက်လက်ပြောဆိုပါတယ်။

ရခိုင်ပြည်နယ်သည် ကောင်းမွန်သည့် ရေခံမြေခံများကို ပိုင်ဆိုင်ထားပြီး စိုက်ပျိုးမွေးမြူရေးလုပ်ငန်းများကို အောင်မြင်အောင်ဆောင်ရွက်နိုင်မည်ဆိုပါက ဒေသဖွံ့ဖြိုးတိုးတက်မှုကို များစွာအထောက်အကူပြုစေမှာဖြစ်တဲ့အတွက်  လူသားအရင်းအမြစ်ကောင်းများ လိုအပ်နေတယ်လို့လည်း နစက ဥက္ကဋ္ဌကဆက်လက်ပြောဆိုပါတယ်။အဲဒါကြောင့် လူသားအရင်းအမြစ်များဖွံ့ဖြိုးတိုးတက်ရေးအတွက် စိုက်ပျိုးမွေးမြူရေးနှင့် နည်းပညာအထက်တန်းကျောင်းများကို ဖွင့်လှစ်သင်ကြားပေးလျက်ရှိကြောင်းနှင့် အဆိုပါ သင်တန်းကျောင်းများမှ အောင်မြင်ပြီးသူများအနေဖြင့် စိုက်ပျိုးရေးသိပ္ပံ၊ မွေးမြူရေးသိပ္ပံနှင့် နည်းပညာသိပ္ပံများသို့ ဆက်လက်တက်ရောက်နိုင်ပြီး ယင်းမှတစ်ဆင့် သက်ဆိုင်ရာတက္ကသိုလ်၊ ကောလိပ်များသို့ ဆက်လက်ပညာသင်ကြားနိုင်မည်ဖြစ်တယ်လို့လည်း သူကပြောဆိုတယ်လို့ သတင်းထုတ်ပြန်ချက်မှာ ဖော်ပြထားပါတယ်။

အဆိုပါတွေ့ဆုံပွဲအတွင်းမှာ တာဝန်ရှိသူတွေက စစ်တွေကွန်ပျူတာ တက္ကသိုလ်၊ စစ်တွေနည်းပညာတက္ကသိုလ်တို့တွင် ကျောင်းသား၊ ကျောင်းသူအဆောင် လိုအပ်ချက်များကို ဖြည့်ဆည်းပေးစေလိုတဲ့ကိစ္စတွေကို နစက ဥက္ကဋ္ဌထံတင်ပြခဲ့ကြတယ်လို့သိရှိရပါတယ်။

-ymg/knl

#ဗိုလ်ချူပ်မှူးကြီးမင်းအောင်လှိုင်

#နစကဥက္ကဋ္ဌစစ်တွေတွင်ပြည်နယ်အဆင့်တာဝန်ရှိသူများနှင့်တွေ့ဆုံ

#YAngonMediaGroup

#World_Politics
Published_ 1 April 2023

ရုရှားသမ္မတ'ဗလာဒီမာပူတင်'က ကမ္ဘာ့နိုင်ငံရေးမှာ အနောက်တိုင်းလွှမ်းမိုးမှုပပျောက်ရေးကို ဦးစားပေးလုပ်ဆောင်မယ့် နိုင်ငံခြားရေးမူဝါဒအသစ်တစ်ခုကို မတ်လ ၃၁ ရက်နေ့မှာ ချမှတ်ခဲ့ပါတယ်။

ယူကရိန်းနိုင်ငံ ဘူချာမှ ရုရှားတပ်များဆုတ်ခွာခဲ့ရတာ တစ်နှစ်ပြည့်တဲ့အချိန်မှာ အခုလိုဗျူဟာအသစ်ထွက်ပေါ်လာတာဖြစ်ပါတယ်။

ယူကရိန်းအရှေ့ဘက် ဘက်ခ်မွတ်မြို့မှာလည်း ရုရှားတပ်တွေဟာ ယူကရိန်းတပ်တွေရဲ့ခုခံမှုတွေကို ရင်ဆိုင်နေရပြီး မြို့ကိုထိန်းချုပ်ရန်ခက်ခဲနေပါတယ်။

"ရုရှားဖက်ဒရေးရှင်းဟာ ကမ္ဘာ့နိုင်ငံရေးမှာ အမေရိကန်နဲ့ အခြားသောမရင်းနှီးတဲ့နိုင်ငံတွေရဲ့ လွှမ်းမိုးမှုအငွေ့အသက်များ ပပျောက်ရေးကို ဦးစားပေးဆောင်ရွက်ရန် ရည်ရွယ်ထားပါတယ်" လို့ စာမျက်နှာ ၄၂ မျက်နှာပါစာတမ်းကို AFP က ဖော်ပြထားပါတယ်။

အဆိုပါမူဝါဒဆိုင်ရာစာတမ်းအသစ်က အနောက်နိုင်ငံဟာ ရုရှားအတွက်ခြိမ်းခြောက်မှုလို့ ယူဆထားကြောင်း ရုရှားနိုင်ငံခြားရေးဝန်ကြီး 'ဆာဂျီလက်ဗ်ရော့ဗ်'က ဆိုပါတယ်။

အမေရိကန်ပြည်ထောင်စု ရုရှားဆန့်ကျင်ရေးဝါဒကို အဓိကလှုံ့ဆော်နေတဲ့သူဖြစ်တယ်လို့ လက်ဗ်ရော့ဗ်က ဆိုလိုက်ပါတယ်။

ဒါ့အပြင် နိုင်ငံခြားရေးမူဝါဒစာတမ်းထဲမှာ တရုတ်နဲ့အိန္ဒိယတို့ကိုတော့ အဓိကမဟာမိတ်များအဖြစ် ဖော်ညွှန်းထားတာကိုလည်း တွေ့မြင်ရမှာဖြစ်ပါတယ်။

ယူရေးရှားတိုက်ရှိ ချစ်ကြည်ရင်းနှီးတဲ့ အချုပ်အခြာအာဏာပိုင်နိုင်ငံများနဲ့ ဖွံ့ဖြိုးတိုးတက်မှုတို့မှာ ဆက်ဆံရေးပိုမိုနက်ရှိုင်းဖို့ကလည်း အရေးကြီးကြောင်း အလေးပေးဖော်ပြထားပါတယ်။

လွတ်လပ်မျှတတဲ့ကမ္ဘာရဲ့ အခြေခံအုတ်မြစ်တိုက်ပွဲဟာ ယူကရိန်းမြေမှာဖြစ်ပွားနေပြီး မကောင်းဆိုးဝါးရုရှားတွေ ဒီနေရာမှာပဲ ကျရှုံးပါလိမ့်မယ်လို့ ယူကရိန်းသမ္မတ'ဇယ်လန်စကီ'က ပြောကြားလိုက်ပါတယ်။

ဘူချာမြို့မှာ ရုရှားတပ်တွေက လက်နက်မဲ့အရပ်သားများကို တရားဥပဒေပြင်ပသတ်ဖြတ်မှုများပြုလုပ်တယ်လို့ အစောပိုင်းမှာပြောကြားထားပါတယ်။

ဒါတွေကို လုံးဝခွင့်လွှတ်မှာမဟုတ်သလို ချုပ်ကိုင်ခြယ်လှယ်သူအားလုံးကို အပြစ်ပေးသွားမှာပါလို့ ဇယ်လန်စကီက ဆိုရှယ်မီဒီယာမှာ ပြောကြားခဲ့ပါတယ်။

ဘီလာရုစ်နိုင်ငံက ရုရှားနဲ့ ယူကရိန်းတို့ ငြိမ်းချမ်းရေးရယူရန်တိုက်တွန်းခဲ့ပေမယ့် ဘီလာရုစ်မြေပေါ်မှာ ရုရှားနျူကလီးယားလက်နက်တွေ နေရာချထားဖို့ကိုလည်း အသင့်ဖြစ်နေပြီလို့ ကြေညာထားပါတယ်။

Source: WION
#ရုရှားသမ္မတပူတင် #အနောက်နိုင်ငံကြီးစိုးမှုပပျောက်ရေး #နိုင်ငံခြားရေးမူဝါဒအသစ် #YMG #Yangon_Media_Group

#World_Health
Published 1 April 2023

ကျားအင်္ဂါမထောင်မတ်နိုင်တဲ့ အခြေအနေကို ကုသပေးနိုင်မယ့် နှာခေါင်းအစက်ချဆေးကို သိပ္ပံပညာရှင်များ စမ်းသပ်လျက်ရှိပါတယ်။

နာရီဝက်ကျော်လောက်အချိန်ယူရတဲ့ Viagra လို ဆေးမျိုးထက်စာရင် ဒီဆေးက အချိန် ၅ မိနစ်လောက်ဖြင့် အလုပ်ဖြစ်စေမှာပါ။

Spontan လို့အမည်ပေးထားတဲ့ နှာခေါင်းအစက်ချဆေးမှာ vardenafil ဆေးကိုအသုံးပြုထားပြီး အိပ်ရာထဲမှာအခက်အခဲဖြစ်နေတဲ့ သူတွေအတွက်အထောက်အကူပြုတဲ့ဆေးအဖြစ် NHS က အသိအမှတ်ပြုထားပါတယ်။

နှာခေါင်းထဲထည့်လိုက်တာနဲ့ သွေးကြောထဲကိုလျင်မြန်စွာ စုပ်ယူသွားမှာဖြစ်ကာ အတူမနေမီအချိန်မှာတင် အသုံးပြုနိုင်မှာဖြစ်ပါတယ်။

အဆိုပါနှာခေါင်းအစက်ချဆေးနဲ့ သာမန်ဆေးတွေကို နှိုင်းယှဉ်ပြီး ဘေးကင်းစိတ်ချရလားဆိုတာကို သက်သေပြမှာဖြစ်ပါတယ်။

အစောပိုင်းစမ်းသပ်ချက်များအရ ၅ မိနစ်ကနေ ၁၅ မိနစ်အတွင်း သွေးစီးဆင်းမှုကောင်းမွန်စေပြီး ယောက်ျားသားတွေ အသင့်ဖြစ်နေစေမှာပါ။

ယူကေမှာ အသက် ၄၀ ကျော်လူဦးရေ တဝက်ခန့်က အင်္ဂါမထောင်မတ်နိုင်တဲ့ဝေဒနာ ခံစားနေရပြီး ဒါတွေဟာ အသက်အရွယ်၊ အရက်၊ စိတ်ဖိစီးမှု၊ သွေးတိုးတို့ကြောင့် ဖြစ်တာပါ။

NHS က ဒီပြဿနာကို စမ်းသပ်ဖြေရှင်းဖို့ ယူရိုငွေ ၁၈.၂ သန်းအသုံးပြုခဲ့ပါတယ်။

ယခုလအတွင်း ယူကေရှိကျန်းမာရေးအကြီးအကဲများက ထိုဝေဒနာအတွက်ဆေးတစ်မျိုးကို ဆေးညွှန်းစာမပါဘဲရောင်းချဖို့ ခွင့်ပြုခဲ့ပါတယ်။

ဆေးတွေအပြိုင်အဆိုင်ပေါ်လာတာကြောင့် ရွေးချယ်စရာများလာတဲ့အပြင် ထောင်မတ်နိုင်စွမ်းကိုလည်း တိုးတက်စေမှာဖြစ်ပါတယ်။
Source: The Sun
#ယောက်ျားများပန်းသေသည့်အခြေအနေ #နှာခေါင်းအစက်ချဆေးသစ်
#YMG#Yangon_Media_Group

#Local_News
Published_ 1 April 2023

ဓာတ်အားလိုင်းချိတ်ဆက်ခြင်းလုပ်ငန်းများ ဆောင်ရွက်ရန်ရှိ၍ မြို့နယ်အချို့၌ ဧပြီလ(၁)ရက်နှင့်(၂)ရက်နေ့များတွင် လျှပ်စစ်ဓာတ်အားပြတ်တောက်မှု ရှိမည်ဖြစ်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက အသိပေးထုတ်ပြန်ထားသည်၊၊

ထုတ်ပြန်ချက်တွင် လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာန၊ ၂၃၀ ကေဗွီ ၊ ခရမ်းပင်မဓာတ်အားခွဲရုံ၏ အဝင် / အထွက် ဓာတ်အားလိုင်း နှင့် ၂၃၀ ကေဗွီ၊ ကမာနတ် - သီလဝါဓာတ်အားလိုင်းအား ချိတ်ဆက်ခြင်း လုပ်ငန်းကို (၁.၄.၂၀၂၃) ရက်နေ့ ၊ နံနက် (၀၆:၀၀) နာရီအချိန်မှ (၁၉:၀၀) နာရီအချိန်အထိလည်းကောင်း၊ (၂.၄.၂၀၂၃) ရက်နေ့၊ နံနက် (၀၆:၀၀) နာရီအချိန်မှ (၁၉:၀၀) နာရီအချိန်အထိလည်းကောင်း ဓာတ်အားပိတ်၍လုပ်ငန်းဆောင်ရွက် သွားမည်ဖြစ်ကြောင်း ......

သို့ဖြစ်ပါ၍ အဆိုပါလုပ်ငန်းဆောင်ရွက်နေစဉ်ကာလအတွင်း ဒဂုံမြို့သစ်(ဆိပ်ကမ်း)မြို့နယ်၊ ဒဂုံမြို့သစ် (အရှေ့ပိုင်း)မြို့နယ်၊ ဒဂုံမြို့သစ်(မြောက်ပိုင်း)မြို့နယ်၊ သာကေတမြို့နယ်၊ ဒေါပုံမြို့နယ်၊ သင်္ဃန်းကျွန်းမြို့နယ်၊ သန်လျင်မြို့နယ်၊ ကျောက်တန်းမြို့နယ်၊ သုံးခွမြို့နယ်၊ ခရမ်းမြို့နယ်နှင့် ကျောက်တံတားမြို့နယ်များတွင် ယာယီဓာတ်အား ပြတ်တောက်မှု ရှိမည်ဖြစ်ပါကြောင်းနှင့် အရေးကြီးနေရာများ ဓာတ်အားပြတ်တောက်မှု မရှိစေရေးကို အလေးထား ဆောင်ရွက် သွားမည်ဖြစ်ပါကြောင်း မိဘပြည်သူများထံသို့ လေးစားစွာ အသိပေးပန်ကြားအပ်ကြောင်း ဖော်ပြထားသည်၊၊

ymg/tthl
#မြို့နယ်အချို့တွင်လျှပ်စစ်ဓာတ်အားပြတ်တောက်ရန်ရှိ
#YMG #Yangon_Media_Group

#Local_News
Published_ 31 March 2023

မတ်လ ၂၉ ရက်နေ့ က မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များသည် သတင်းအရ သက်သေများနှင့်အတူ မြစ်ကြီးနားမြို့၊ တပ်ကုန်းရပ်ကွက်၊ လမ်းသွယ်(၅)နေ မနူးမိုင် ငှားရမ်းနေထိုင်သည့် နေအိမ်အား ၀င်ရောက်ရှာဖွေရာ ၎င်းနှင့်အတူ အခန်းအတွင်းမှ စိတ်ပြောင်းဆေးဝါးများရောစပ်ထားသောအမှုန့် (Happy Water)အလေးချိန် ၁၂၅ ဂရမ်အား တွေ့ရှိသိမ်းဆည်းရမိခဲ့ကြောင်းသိရသည်။

ထပ်မံထွက်ဆိုချက်အရ မြစ်ကြီးနားမြို့၊ စီတာပူရပ်ကွက်ရှိ နေအိမ်အတွင်းမှ စိတ်ပြောင်းဆေးဝါးများရောစပ် ထားသောအမှုန့်(Happy Water)အလေးချိန် ၉၀၀ ဂရမ်၊ စုစုပေါင်း စိတ်ပြောင်းဆေးဝါးများရောစပ်ထားသောအမှုန့် (Happy Water)အလေးချိန် ၁.၀၂၅ ကီလို(ဒေသကာလပေါက်ဈေးတန်ဖိုးငွေကျပ်သိန်း ၁၂၃၀)အား တွေ့ရှိ သိမ်းဆည်းရမိခဲ့သည်။

တရားခံဖြစ်သူ မနူးမိုင်(၂၅)နှစ်အား ပလနနယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း CCDAC MYANMAR မှ သိရသည်။

ymg/ppk
#ကချင်ပြည်နယ် # မြစ်ကြီးနားမြို့ #(Happy Water) စိတ်ပြောင်းဆေးဝါး #ဖမ်းဆီးရမိ
#YMG #Yangon_Media_Group

#World_Health
Published 1 April 2023

အိန္ဒိယမှာ နာတာရှည်ကျောက်ကပ်ရောဂါတွေ အတော်လေးအဖြစ်များပြီး အများစုက ရောဂါမတွေ့ရှိကြဘူးလို့ ကျွမ်းကျင်သူများယုံကြည်နေပါတယ်။

ကျောက်ကပ်တွေက အညစ်အကြေးစစ်ထုတ်ခြင်းအတွက် အရေးပါတဲ့အင်္ဂါဖြစ်ပါတယ်။

နံရိုးအိမ်အောက်ဘက်မှာ ပဲကြီးစေ့ပုံသဏ္ဍာန်ဖြင့် အင်္ဂါနှစ်ခုရှိပြီး ပိုလျှံနေတဲ့အရည်တွေနဲ့ သွေးတွင်းရှိအညစ်အကြေးများ ဖယ်ရှားခြင်းကဲ့သို့ အရေးကြီးတဲ့လုပ်ငန်းဆောင်တာများ လုပ်ဆောင်ပေးပါတယ်။

ခန္ဓာကိုယ်ရဲ့ pH အနေအထား၊ ဆား၊ ပိုတက်ဆီယမ်ပမာဏတို့ကို ထိန်းညှိပေးပါတယ်။

ခန္ဓာကိုယ်အနှံ့သို့ အောက်ဆီဂျင်ပို့ဆောင်ပေးတဲ့ သွေးနီဥထုတ်လုပ်မှုကို ထိန်းချုပ်ပေးမယ့် ဟော်မုန်းတွေလည်း ထုတ်လုပ်ပေးပါတယ်။

နေထိုင်စားသောက်မှုပုံစံ မမှန်ကန်ခြင်းတို့ကြောင့် ကျောက်ကပ်ထိခိုက်တတ်ပြီး အသံတိတ်ဒုက္ခပေးတတ်တာကြောင့် ရောဂါလက္ခဏာတွေကို စောစီးစွာသိရဖို့ အရေးကြီးပါတယ်။

ဖြစ်နိုင်ချေလက္ခဏာတွေကို မစစ်ဆေးပါက နာတာရှည်ဖြစ်လာနိုင်ပါတယ်။

၉၀ ရာခိုင်နှုန်းလောက်က နောက်ဆုံးအဆင့်မတိုင်ခင်အထိ လက္ခဏာမတွေ့ရကြောင်း ဆီးနှင့်ကျောက်ကပ်ဆရာဝန်'ရှရီနီဗာဆာပရာဆက်'က ဆိုပါတယ်။

"သွေးရည်ကြည် creatinine ၊ ဆီး albumin စစ်ဆေးခြင်းနည်းလမ်းများဖြင့် ရောဂါရှာဖွေနိုင်ပြီး နောက်ပိုင်းအဆင့်တွေရောက်တဲ့အခါ လူနာက တစ်ကိုယ်လုံးမှာ ဖောရောင်လာပါတယ်" လို့ ကျောက်ကပ်ခွဲစိတ်ဆရာဝန်'ယိုဂျက်ရှ်ကူမာချာဘရာ'က ပြောပြခဲ့ပါတယ်။

သွေးပေါင်ချိန်များခြင်းက ကျောက်ကပ်ရောဂါရဲ့ အစောပိုင်းလက္ခဏာများ ဖြစ်နေနိုင်ပါတယ်။

သွေးတိုး၊ ဆီးချို၊ အဝလွန်ခြင်းရှိတဲ့ လူနာတွေဟာ ကျောက်ကပ်လုပ်ဆောင်ချက်များကို ပုံမှန်စစ်ဆေးသင့်တယ်လို့ ဒေါက်တာပရာဆက်က ဆိုပါတယ်။

အချိန်နဲ့အမျှ ကျောက်ကပ်တွေကို စစ်ဆေးသင့်ပြီး ဆီးချို၊ သွေးတိုး၊ နာတာရှည်ကျောက်ကပ်ရောဂါမျိုးရိုးရှိသူတွေ အဖြစ်များနိုင်ပါတယ်။

အစောပိုင်းအဆင့်တွေမှာ ကျောက်ကပ်လုပ်ဆောင်စစ်ဆေးနည်း၊ ဆီးစစ်ဆေးနည်း၊ သွေးပေါင်ချိန်တို့ဖြင့် စစ်ဆေးနိုင်သလို ထိုအဆင့်တွေမှာ သင့်လျော်တဲ့အတိုင်းအတာဖြင့် ရောဂါအခြေအနေကို ပြောင်းလဲပစ်နိုင်ချေရှိပါတယ်။

Source: India Today

#ကျောက်ကပ်ရောဂါ #လက္ခဏာများ
#YMG #Yangon_Media_Group

#Local_News
Published_ 31 March 2023

သင်္ကြန်တွင်း ပိတ်ရက်ရှည်ကာလတွေမှာ မြန်မာနိုင်ငံသားတွေအနေနဲ့ ပြည်ပခရီးစဉ်တွေအဖြစ်အိန္ဒိယ၊ ထိုင်းနဲ့စင်ကာပူနိုင်ငံတို့ကို အများဆုံးသွားရောက်လည်ပတ်နေတယ်လို့ မြန်မာနိုင်ငံခရီးသွားလုပ်ငန်းရှင်များအသင်းထံမှ သိရပါတယ်၊၊

#Local_News #သင်္ကြန်ကာလ #ပြည်ပခရီးစဉ် #အိန္ဒိယ #ထိုင်းနှင့်စင်ကာပူ #YMG#Yangon_Media_Group

#Asia_Development
Published 31 March 2023

ကန္တာရထဲမှ ကမ္ဘာ့အကြီးဆုံး လေစွမ်းအင်နဲ့ ဆိုလာစွမ်းအင်ဓာတ်အားစခန်းကြီးကို တရုတ်နိုင်ငံရဲ့ သတ္တမမြောက်အကြီးဆုံးကန္တာရထဲမှာ ဆောက်လုပ်နေပြီဖြစ်ပါတယ်။

#Asia_Development

#ကန္တာရ #ကမ္ဘာ့အကြီးဆုံး #ဆိုလာစွမ်းအင်ဓာတ်အား

#YMG#Yangon_Media_Group

Published 31 March 2023

အိန္ဒိယနိုင်ငံက ဟိန္ဒူ ဘုရားကျောင်းမှာ  ကြမ်းခင်း တစ်ခုပြိုကျခဲ့ရာ အခု မတ်လ ၃၁ရက်သောကြာနေ့အထိ သေဆုံးသူ ၃၅ ဦးရှိလာပြီး ကယ်ဆယ်ရေးလုပ်ငန်းတွေဆက်လက်လုပ်ဆောင်နေပါတယ်။

အိန္ဒိယနိုင်ငံ အလယ်ပိုင်းက အင်ဒိုးမြို့ရဲ ဟိန္ဒူဘုရားကျောင်းထဲမှာရှိတဲ့  အများသုံးလှေကားထစ်ရေတွင်းကြီးကိုဖုံးအုပ်ပေးထားတဲ့ ကြမ်းခင်းပြိုကျပြီးနောက် ဒါဇင်ပေါင်းများစွာသော ဝတ်ပြုဆု တောင်းသူတွေ အဲဒီရေတွင်းကြီးထဲ ပြုတ်ကျသေဆုံးခဲ့ကြရတာဖြစ်ပါတယ်။

Source AFP

#အိန္ဒိယနိုင်ငံဟိန္ဒူဘုရားကျောင်းဝင်းကြမ်းခင်းပြိုကျ

#အိန္ဒိယဟိန္ဒူပွဲတော်ကြမ်းခင်းပြိုကျ

#YangonMediaGroup

#Local_News
Published_ 31 March 2023

မကွေးတိုင်း၊ သရက်မြို့ ရုံးရပ်ကွက်ရှိ ဇက်ဆိပ်တွင် မတ် ၃၀ ရက်(ယနေ့)နံနက်က အမျိုးသားတစ်ဦး ရေနစ်ပျောက်ဆုံးသွားခဲ့ကြောင်း မြန်မာနိုင်ငံမီးသတ်တပ်ဖွဲ့ဌာနချုပ်မှ သိရပါတယ်။

#Local_News #သရက်မြို့ #အမျိုးသားတစ်ဦး #ရေနစ်သေဆုံး
#YMG#Yangon_Media_Group