#Local_News
Published_ 24 December 2022

ပြည်တွင်းဆောက်လုပ်ရေးလုပ်ငန်းများအတွက် လိုအပ်သည့် သံမဏိများ ထုတ်လုပ်နိုင်ရန်အတွက် ကုန်ကြမ်းပစ္စည်းများရှိပြီးဖြစ်သောကြောင့် ပြည်တွင်း၌ သံမဏိထုတ်လုပ်ခြင်းလုပ်ငန်းများကို ဆောင်ရွက်မည်ဆိုပါက မည်သည့်တိုင်းရင်းသားလုပ်ငန်းရှင်များကိုမဆို အားပေးဆောင်ရွက်သွားမည်ဖြစ်ကြောင်း နစက ဥက္ကဌက ဒီဇင်ဘာလ ၂၃ ရက်တွင် နေပြည်တော်၌ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်(UMFCCI) ညီနောင်အသင်းအဖွဲ့များနှင့် တွေ့ဆုံစဉ်ပြောသည်။

နိုင်ငံတော်အနေဖြင့် ဖွံ့ဖြိုးရေးအရ ချေးငွေများ ရှိသကဲ့သို့ စီးပွားရေးအရ ထုတ်ချေးပေးသည့် ချေးငွေများကို ရင်းနှီးမြှုပ်နှံသူများအတွက် တတ်နိုင်သမျှ ထုတ်ချေးပေးလျက်ရှိကြောင်းနှင့် ရင်းနှီးမြှုပ်နှံမှုနှင့်ပတ်သက်၍ အားပေးနေကြောင်း၊ လက်ရှိတွင် လျှပ်စစ်ဓာတ်အားထုတ်လုပ်ရေးလုပ်ငန်း စီမံကိန်းများအနက်အချို့မှာ အကြောင်းအမျိုးမျိုးကြောင့်ရပ်တန့်ခဲ့ရသဖြင့် လျှပ်စစ်ဓာတ်အားလုံလောက်မှုမရှိသေးသောကြောင့် နေရောင်ခြည်စွမ်းအင်သုံးလျှပ်စစ်ဓာတ်အားထုတ်လုပ်ခြင်းနှင့် လေအားလျှပ်စစ်ဓာတ်အား ထုတ်လုပ်ခြင်းလုပ်ငန်း များကို ဆောင်ရွက်ကြရန်၊ စပါးခွံလောင်စာသုံး Gastifire ဖြင့် လျှပ်စစ် ဓာတ်အားထုတ်လုပ်ခြင်းကိုလည်း လက်တွေ့အသုံးချကြရန်လည်း ပြောကြားခဲ့ကြောင်း သိရသည်။

လက်ရှိ ဓာတ်မြေဩဇာစက်ရုံများကို လည်ပတ်နိုင်ရန်အတွက် ကြိုးပမ်းဆောင်ရွက်လျက်ရှိသည့်အပြင် မွေးမြူရေးလုပ်ငန်းများမှထွက်ရှိလာသည့် စွန့်ပစ်ပစ္စည်းများကို ဇီဝမြေဩဇာများအဖြစ် အသုံးချနိုင်ခြင်း၊ အီးအမ်ဘိုကာချီကဲ့သို့သော သဘာဝမြေဩဇာများကိုလည်း အသုံးပြုနိုင်ကြောင်းလည်း ယင်းကဆိုသည်။

နစက တာဝန်ယူချိန်ကာလက အကြောင်းအမျိုးမျိုးကြောင့် ဘဏ်များပြိုလဲမှုမရှိစေရေး ထိန်းသိမ်းဆောင်ရွက်ခဲ့ရကြောင်း၊ ယင်းအချိန်က ဘဏ်လုပ်ငန်းများ ရပ်တန့်ခဲ့ရသော်လည်း ယခုအခါ ဘဏ်လုပ်ငန်းများ ပြန်လည်လည်ပတ်လာပြီဖြစ်ကြောင်းလည်း နစက ဥက္ကဌက ပြောကြားခဲ့ကြောင်း သိရသည်။

#ymg/mt
#Yangon_Media_Group

#Health_Mindset
Published 24 December 2022

တစ်ဦးတစ်ယောက်ဟာ မပြည့်စုံဘဲ အခက်အခဲပြဿနာများရှိတတ်ပေမယ့် ထိုသူ့အပေါ်စိတ်ဝင်စားလာတတ်တာဟာ ရင်ခုန်စိတ်လှုပ်ရှားဖွယ်ကောင်းတာကြောင့် လူတွေဟာ ယုတ္တိသဘောနဲ့ စိတ်ခံစားမှုတို့ကြား ပြတ်သားအောင် နေချင်ကြပါတယ်။

ကမ္ဘာတဝှမ်းကလူတွေ ခံစားကြဖူးတဲ့ ချစ်ခြင်းမေတ္တာက မတူကွဲပြားတဲ့ ယဉ်ကျေးမှုအသိုင်းအဝိုင်း၊ ဘာသာစကားတို့ကိုပါ ကျော်ဖြတ်လာတတ်ပါတယ်။

'ဘင်ဂျမင်ကာဗယ်လက်ဇယ်'က စိတ်ပညာဘွဲ့ရပါရဂူဖြစ်ပြီး ချစ်ခြင်းမေတ္တာနောက်ကွယ်က ဆင့်ကဲဖြစ်စဉ်တွေကို နက်ရှိုင်းစွာစူးစမ်းလေ့လာခဲ့ပါတယ်။

ဆင့်ကဲပြောင်းလဲမှုအရ ကြည့်မယ်ဆိုရင် အချစ်မေတ္တာဟာ နှစ်ဦးနှစ်ဖက်အသုံးဝင်တဲ့ ပတ်သက်မှုတစ်ခုထက် မပိုဘူးလို့ ရှင်းပြလိုက်ပါတယ်။

ကလေးရယူလောက်တဲ့ အချိန်ကာလအထိတော့ လူတွေဟာ တစ်လင်တစ်မယားစနစ်ကို ပိုမိုနှစ်သက်လာကြတယ်လို့ Nature ဂျာနယ်မှာဖော်ပြထားပါတယ်။

အခုခေတ်တင်မဟုတ် လွန်ခဲ့တဲ့နှစ်ထောင်သောင်းကတည်းက ကိုယ့်ရဲ့စံပြလက်တွဲဖော်ကို ရှာဖွေရတာဟာ ခက်ခဲရှုပ်ထွေးလှပါတယ်။

လူသားမျိုးရိုးတွေဟာ အနာဂတ်မျိုးဆက်တွေဆီ ရောက်လာတဲ့အခါမှာတော့ ချစ်ခြင်းမေတ္တာအဖြစ် ဆင့်ကဲပြောင်းလဲလာတာဖြစ်ပါတယ်။
အချစ်သာမရှိဘူးဆိုရင် စုံတွဲတွေ တစ်ယောက်နဲ့တစ်ယောက် သည်းမခံနိုင်ဖြစ်နေမှာပါ။

ချစ်ခြင်းမေတ္တာဆိုတာဟာ လိင်မှုကိစ္စနဲ့ မျိုးဆက်ပြန့်ပွားရေးအတွက်သာ ပေါ်ပေါက်လာတာမဟုတ်ဘူးလို့ ယုံကြည်နေကြတဲ့ သိပ္ပံပညာရှင်တွေရှိပါတယ်။

လိင်တူတွေကြား မေတ္တာမျှလာကြတာကလည်း ကလေးမယူဘဲနဲ့ ဆက်လက်လက်တွဲသွားနိုင်တယ်လို့ ပြသနေရာရောက်ပါတယ်။
ကလေးရှိရှိ/မရှိရှိ အချစ်ကိုဦးစားပေးခံစားတဲ့အခါ ရေရှည်ခိုင်မြဲတတ်ကြပါတယ်။

တစ်ဦးတစ်ယောက်ကို ချစ်မိတဲ့အခါ အခြားလူတွေက သူ့လောက်ဆွဲဆောင်မှုမရှိကြဘူးလို့ ထင်မြင်ယူဆတတ်ကြပါတယ်။

အချစ်ကြောင့် မနာလို စွဲလမ်းမှုတွေ ပေါ်ပေါက်လာတတ်ပြီး ကိုယ်ချစ်တဲ့သူတွေကြောင့်ပဲ ထိခိုက်နာကျင် ရူးမူးတတ်ကြပါသေးတယ်။

ဒါပေမဲ့ ဒီလိုရှုပ်ထွေးလှတဲ့ခံစားချက်တွေကပဲ တစ်ယောက်နဲ့တစ်ယောက် အကာအကွယ်ပေးနေကြတာဖြစ်ပါတယ်။

အချစ်ကြောင့် စုံလုံးကန်းပြီး ဆုံးဖြတ်ချက်တွေမှားသွားတယ်ဆိုရင် ဆက်လက်ပြီး အကြုံပြုဖော်ပြထားပါတယ်။

အချစ်နဲ့ကံကြမ္မာကို ယုံစားခြင်းက သေချာပေါက်မှားယွင်းတယ်လို့ သိထားကြပေမယ့် လက်တွဲဖော်ကောင်းနဲ့ ရေရှည်ခိုင်မြဲနိုင်တာကြောင့် သင့်တင့်ကောင်းမွန်တဲ့ ရွေးချယ်မှုဖြစ်ပါတယ်။

အချစ်ကြောင့် စုံလုံးကန်းတယ်ဆိုတာက အကြိမ်များစွာ စိတ်ပျက်ရတာတောင် အံ့ဩမှုတွေကြုံတွေ့ရမယ်လို့ ဆက်လက်ယုံကြည်နေခြင်းကြောင့် ဖြစ်ပါတယ်။

Source: The Jerusalem Post
#Yangon_Media_Group

#Local_News
Published_ 24 December 2022

ကရင်ပြည်နယ်၊ ကော့ကရိတ်မြို့၊ အမှတ်(၇)ရပ်ကွက်ရှိ ခင်နိမ်းမူဂိတ်(၃)၌ လုံခြုံရေး ဆောင်ရွက်လျက်ရှိသည့် လုံခြုံရေးတပ်ဖွဲ့ဝင်များအား ဒီဇင်ဘာလ၂၂ ရက်က လက်နက်ကြီး၊ လက်နက်ငယ်များဖြင့် ပစ်ခတ် တိုက်ခိုက်ခဲ့သောကြောင့် လူ ၉ ဦး ဒဏ်ရာရရှိခဲ့ကြကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ဒီဇင်ဘာလ ၂၂ ရက် ညနေ ၃ နာရီ ကျော်အချိန်က အဆိုပါ ဂိတ်၏ အရှေ့မြောက်ဘက် မီတာ ၂၀၀ ခန့်နှင့် မီတာ ၃၀၀ ခန့်အကွာနေရာများမှနေ၍ လက်နက်ကြီး၊ လက်နက်ငယ်များဖြင့် လာရောက်နှောင့်ယှက်ပစ်ခတ် တိုက်ခိုက်ခဲ့ခြင်း ဖြစ်ကြောင်း၊ယင်းလက်နက်ကြီးကျည်များမှာ ဂိတ်အနီးရှိ အမှတ်(၇)ရပ်ကွက်အတွင်းသို့ ကျရောက်ပေါက်ကွဲခဲ့သဖြင့် ဒေသခံပြည်သူ အမျိုးသား ၆ ဦးနှင့် အမျိုးသမီး ၃ ဦး ထိခိုက် ဒဏ်ရာများ ရရှိခဲ့ကြောင်းယင်း ထုတ်ပြန်ချက်တွင် ဖော်ပြထားသည်။

အဆိုပါ ဒဏ်ရာရရှိသူများအား လုံခြုံရေးတပ်ဖွဲ့ဝင်များက ကော့ကရိတ် ခရိုင်၊ ပြည်သူ့ဆေးရုံကြီးသို့ ပို့ဆောင်ဆေးကုသမှုပေးခဲ့ပြီး ၎င်းမှတစ်ဆင့် တောင်ကလေးမြို့ နယ်မြေခံတပ်မတော်ဆေးရုံသို့ ဆက်လက် ပို့ဆောင်ဆေးကုသမှုခံယူစေလျက် ရှိကြောင်းနှင့် ပါဝင်ပတ်သက်သူများအား ဖော်ထုတ်ဖမ်းဆီး၍ ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေး တပ်ဖွဲ့ဝင်များက စုံစမ်းဖော်ထုတ်လျက်ရှိကြောင်းလည်း သိရသည်။

#ymg/mt
#Yangon_Media_Group

Published 23 Dec 2022

ခရစ်ယာန်ဘာသာဂိုဏ်းပေါင်းစုံအသီးသီးမှဆရာတော်ကြီးများနှင့် ဘာသာပေါင်းစုံ အကြီးအကဲများ မြန်မာနိုင်ငံငြိမ်းချမ်းရေးရရှိနိုင်ရေး တစ်နိုင်သမျှပါဝင်ဆောင်ရွက်ပေးကြဖို့ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က ပြောကြားပါတယ်။

ယနေ့ ဒီဇင်ဘာ ၂၃ ရက်ညနေက ရန်ကုန်မြို့ Holy Cathedral Churchမှာ ကျင်းပတဲ့ ခရစ်တော်မွေးနေ့(ခရစ္စမတ်) ကျေးဇူးတော်ချီးမွမ်းခြင်းအခမ်းအနားကို တက်ရောက်လာတဲ့ နစက ဥက္ကဋ္ဌက ယခုလိုထည့်သွင်းပြောကြားခဲ့တာ ဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။

“ ပြည်ထောင်စုသမ္မတမြန်မာနိုင်ငံတော်ကြီး ထာဝရငြိမ်းချမ်းရေးရရှိနိုင်ရေးအတွက် မိမိတို့တက်နိုင်တဲ့ဘက်က တတ်နိုင်သမျှနည်းလမ်းတွေနှင့် အုတ်တစ်ချပ်သဲတစ်ပွင်အဖြစ် ပါဝင်ဆောင်ရွက်ပေးကြဖို့ပြောကြားလိုပါတယ်” လို့ ဗိုလ်ချူပ်မှူးကြီးက အခမ်းအနား တက်ရောက်လာကြသူတွေကိုပြောကြားခဲ့ပါတယ်။

နစကအနှေင့် ငြိမ်းချမ်းရေးတံခါးတွေအမြဲဖွ်လှစ်ထားပြီး တပ်မတော်အနေနှင့်လည်း ငြိမ်းချမ်းရေးအတွက် အမြဲအသင့်ရှိနေတယ်လို့ နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ်ကထပ်လောင်း အတည်ပြုပြောကြားခဲ့ပါတယ်။

 အဲဒီအပြင်  ဘာသာရေးကိုအလွဲသုံးစားပြုပြီး နိုင်ငံသားများအကြား စည်းလု့းညီညွတ်မှုပျက်ပြားအောင်၊ပြိုကွဲအောင် လုပ်ဆောင်နေတာတွေကိုလည်း အစဉ်သတိပြုကာကွယ်ဖို့လိုအပ်တယ်လို့ သူကဆက်လက်ပြောဆိုပါတယ်။

အဲဒီနောက် ဂိုဏ်းချုပ်ဆရာတော်ကြီး ကာဒီနယ်ချားလ်စ်ဘိုက “ မြန်မပြည်သူပြည်သားအားလုံး စစ်မှန်တဲ့ငြိမ်းချမ်းရေးရရှိပြီး ခန္ဓာစိတ်ဝမ်း ငြိမ်းချမ်းကြပါစေကြောင်း၊ဘာသာရေး၊စီးပွားရေး၊လူမှုရေးမှအစအလုံးစုံ အဆင်ပြေချောမွေ့ကြပါစေကြောင်းနှင့် ငြိမ်းချမ်းသာယာဝပြောပြီးဝမ်းမြောက်ခြင်းတွေနှင့် ပြည့်ဝနိုင်ကြပါစေကြောင်း ခရစ္စမတ်ဆုမွန်စကားပြောကြားခဲ့ပါတယ်။

အဲဒီနောက် ဂိုဏ်းချုပ်ဆရာတော်ကြီး ကာဒီနယ်ချားလ်စ်ဘို၊သာသနာပိုင်ချုပ်ကြီး စတီဗင်သန်းမြင့်ဦးနှင့် သိက္ခာတော်ရ ဆရာ ဒေါက်တာအေးမင်းတို့က ခရစ္စမတ်အမှတ်တရလက်ဆောင်ပန်းချီကားကို နစက ဥက္ကဋ္ဌနှင့်ဇနီးဖြစ်သူထံ အမှတ်တရ ပေးအပ်ခဲ့ပြီး နစက ဥက္ကဋ္ဌနှင့်ဇနီးကလည်း ခရစ္စမတ်လက်ဆောင်နှင့် အလှူငွေတွေပြန်လည်ပေးအပ်ခဲ့ တယ်လို့ သတင်းထုတ်ပြန်ချက်မှာ ဖော်ပြထားပါတယ်။

ယနေ့ပွဲကို ဘမြန်မာနိုင်ငံခရစ်ယာန်အသင်းတော်များကောင်စီ၊ ပြည်ထောင်စုသမ္မတမြန်မာနိုင်ငံတော် ကတ်သလစ် ဆရာတော်ကြီးများ၊မြန်မာနိုင်ငံ ဧဝံဂေလိခရစ်ယာန်မဟာမိတ်အဖွဲ့ချုပ်၊မြန်မာနိုင်ငံ ခရစ်တော်သာသနာပြန့်ပွားမှု ပူးပေါင်းဆောင်ရွက်ရေအဖွဲ့တွေက စုပေါင်းကျင်းပခဲ့တာဖြစ်ပြီး အခမ်းအနားအပြီးမှာ ဗိုလ်ချုပ်မှူးကြီးနှင့်အဖွဲ့ဟာ တက်ရောက်လာသူများနှင့်အတူ မိတ်သဟာယညစာစားပွဲ အတူသုံးဆောင်ခဲ့ကြတယ်လို့ သိရှိရပါတယ်။

-ymg/knl

#Yangon_Media_Group

#Local_News
Published_23 December 2022

ဒီနှစ်ရဲ့ခရီးသွားရာသီမှာတော့ ပြည်တွင်းခရီးသွားတွေ အပါအဝင် ပြည်ပခရီးသွားဧည့်သည်တွေဟာ ပင်လယ်ကမ်းခြေဒေသကို အများဆုံးလည်ပတ်မှုရှိနေတယ်လို့ ခရီးသွားလုပ်ငန်းလုပ်ကိုင်သူတွေထံကနေ သိရပါတယ်။

#Yangon_Media_Group

Published 23 December 2022

စပိန်ရဲတပ်ဖွဲ့ဟာ အက်ဖ်ဘီအိုင်ရဲ့ အလိုအရှိဆုံးဝရမ်းပြေး ၁၀ဦးထဲက တစ်ဦးဖြစ်တဲ့ နယူးဇီလန်သာတစ်ဦးကို ဒီဇင်ဘာ ၂၁ ရက်က မက်ဒရစ်မြို့မှာ ဖမ်းဆီးခဲ့တယ်လို့ သတင်းထုတ်ပြန်ပါတယ်။

သူဟာ လိင်ကုန်ကူးမှုနှင့် ကလေးသူငယ်လိင်မဖွယ်မရာပြုမှုတို့ဖြင့် အမေရိကန်ပြည်ထောင်စုက တစ်သက်တစ်ကျွန်း ထောင်ဒဏ်ချမှတ်ခံထားရသူဖြစ်ပါတယ်။

Source AFP

#FBI's_10 most_wanted_fugitives

#Spanish_Polish_arrest_fugitive

#FBI

#World_Entertainment
Published 23 December 2022

ပဲလေ့စ်ဂါနီယာရဲ့ မြေအောက်ခန်းထဲမှာ ပဲရစ်အော်ပရာမှ အကမယ်'ဗယ်လင်တိုင်းကိုလာဆန်တေ'ဟာ ဘဲလေးအကဖိနပ်ရဲ့အတွင်းပိုင်းကို စက်နဲ့အခြောက်မခံခင်မှာ အရောင်တင်ဆီဖြင့် သုတ်လိမ်းနေပါတယ်။

#Yangon_Media_Group

#Local_News
Published_ 23 December 2022

ထိန်းသိမ်းရေးတွေ ဆောင်ရွက်ဖို့အရေးတကြီးလိုအပ်နေတဲ့ ပုထိုးသားများ ဘုရားအပါအဝင် ပုဂံဘုရား(၈)ဆူကို ထိန်းသိမ်းရေးလုပ်ငန်းတွေဆောင်ရွက်ပေးနေတယ်လို့ Heritage TRUST -Team မှ သိရပါတယ်၊၊

#Yangon_Media_Group

#Local_News
Published_23 December 2022

ပြည်ပကနေ နိုင်ငံခြားဖြစ်ဆေးဝါးတွေ တင်သွင်းတဲ့အခါ ကုန်သွယ်ရေးဦးစီးဌာနကို တိုက်ရိုက်လျှောက်ထားခွင့်ပြုထားခွင့်ပေးထားပါတယ်။ ဒါပေမယ့် တိုက်ရိုက်လျှောက်ထားခွင့် ပြုထားပေမယ့် နိုင်ငံခြားဖြစ်ဆေးဝါးတွေဟာ ဈေးနှုန်းက ကျဆင်းလာခြင်းမရှိပဲ ဆက်လက်မြင့်နေတယ်လို ဝယ်ယူသုံးစွဲသူတွေထံကနေ သိရပါတယ်။

#Yangon_Media_Group

#Local_News
Published_23 December 2022

ပြည်ပနိုင်ငံတွေကို နိုင်ငံအတွင်းက ထုတ်လုပ်ထွက်ရှိတဲ့ ပို့ကုန်အမယ်တွေ တင်ပို့ရောင်းချမှုကနေ နိုင်ငံခြားဝင်ငွေ အမေရိကန်ဒေါ်လာ (၁၅ ဒသမ ၅) ဘီလီယံရရှိဖို့ လျာထားတယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနကနေ သိရပါတယ်။

#Yangon_Media_Group

#DailyNews
Published _ 23 December 2022

၁။ ပို့ကုန်မှ နိုင်ငံခြားငွေ ဒေါ်လာ ၁၅ ဘီလီယံကျော် ရရှိရန်မျှော်မှန်းထား

၂။ နိုင်ငံခြားဖြစ်ဆေးဝါးများ ဈေးဆက်လက်မြင့်တက်နေဆဲဖြစ်

၃။ ပုထိုးသားများဘုရားအပါအဝင် ပုဂံဘုရား(၈)ဆူကို ထိန်းသိမ်းရေးများ ဆောင်ရွက်ပေးနေ

၄။ စင်ပေါ်၌အဆင်ပြေချောမွေ့စွာ ဘဲလေးအကကပြနိုင်ရန် ဖိနပ်များကိုအထူးပြင်ဆင်ထိန်းညှိဝတ်ဆင်ကြရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 23 December 2022

အခုရက်ပိုင်းအတွင်း ဒေသအချို့မှာ မြူထူထပ်မှာဖြစ်လို့ ရေယာဉ်၊လေယာဉ်နဲ့ မော်တော်ယာဉ်တွေ နံနက်ခင်းပိုင်းမှာ သွားလာရာမှာသတိပြုသွားလာဖို့လိုတယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာန၊ ညွှန်ကြားရေးမှူးဦးလှထွန်းက ပြောပါတယ်၊၊

#Yangon_Media_Group