#LocalNews
Published _25 December 2022

မန္တလေးမြို့ ပြည်ကြီးတံခွန်မြို့နယ်ရှိ လမ်းဘေးတစ်ခုတွင် အသတ်ခံထားရသောဒဏ်ရာများဖြင့်သေဆုံးနေသည့် အမျိုးသားအလောင်းတစ်လောင်းကို တွေ့ရှိခဲ့ကြောင်း မြရည်နန္ဒာလူမှုကယ်ဆယ်ရေးအဖွဲ့က ယနေ့ ဒီဇင်ဘာလ ၂၅ ရက် တွင် ဖော်ပြထားသည်။

"ညကတည်းက လူသက်ခံရတဲ့အလောင်းတွေ့ရှိတာပါ၊ကန်သာယာရပ်ကွက်၅၉ A လမ်း၁၀၄-၁၀၅ကြားမှာပါ။ဒီနေ့မနက် ၈ နာရီလောက်က သတင်းပေးတဲ့အတွက် သွားရောက်ကူညီဆောင်ရွက်ပေးခဲ့တာပါ"ဟု အဆိုပါ အဖွဲ့၏ တာဝန်ရှိသူက ပြောသည်။

အဆိုပါသေဆုံးသူမှာ ချမ်းမြသာစည်မြို့နယ်၊ ကန်သာယာရပ်ကွက်တွင် နေထိုင်သူတစ်ဦးဖြစ်ပြီး မည်သည့်အကြောင်းကြောင့် ယခုကဲ့သို့ အသတ်ခံရသည်ကို မသိရသေးကြောင်း၊ အလောင်းကို မန္တလေးဆေးရုံကြီးသို့ အသင်းယာဉ်ဖြင့် ပို့ဆောင်ပေးခဲ့ကြောင်းလည်း သိရသည်။

photo- မြရည်နန္ဒာလူမှုကယ်ဆယ်ရေးအဖွဲ့
ymg/mt
#Yangon_Media_Group

#LocalNews
Published_ 25 December 2022

ရန်ကုန်တိုင်းဒေသကြီးအတွင်း နယူးရီးယား နိုင်ငံတကာနှစ်သစ်ကူးကာလတွင် ဗြောက်အိုး၊မီးရှူး၊မီးဒုံး(ရှူးဒိုင်း)ထုတ်လုပ်ရောင်းချ၊ဖြန့်ဖြူး၊ပစ်ဖောက်ခြင်းများမပြုလုပ်ရန် ရန်ကုန်တိုင်းဒေသကြီး အစိုးရ အဖွဲ့မှ ထုတ်ပြန်ထားသည်၊၊

နိုင်ငံတကာနှစ်သစ်ကူးကာလတွင် ဗြောက်အိုး၊မီးရှူး၊မီးဒုံး(ရှူးဒိုင်း)ထုတ်လုပ်ရောင်းချ၊ဖြန့်ဖြူး၊ပစ်ဖောက်ခြင်းများမပြုလုပ်ရန် ရန်ကုန်တိုင်းဒေသကြီးအစိုးရအဖွဲ့မှ နှစ်စဉ်နှစ်တိုင်း သတိပေးချက်ထုတ်ပြန်လေ့ရှိပြီး ယခုနှစ်တွင်လည်းမပြုလုပ်ရန် ထုတ်ပြန်ခြင်းဖြစ်သည်ဟုဆိုသည်၊၊

ရန်ကုန်တိုင်းဒေသကြီးအတွင်း နှစ်သစ်ကူးကာလ ဗြောက်အိုး၊မီးရှူး၊မီးဒုံး(ရှူးဒိုင်း)ထုတ်လုပ်ရောင်းချ၊ဖြန့်ဖြူး၊ပစ်ဖောက်မှုများကြောင့် ပြည်သူများအထိတ်တလန့်ဖြစ်စေခြင်း၊မသမာသူများမှ ရပ်ရွာအေးချမ်းသာယာရေးနှင့် လုံခြုံရေးကို ထိခိုက်အောင်ပြုလုပ်လာနိုင်ခြင်းကြောင့် ဗြောက်အိုး၊မီးရှူး၊မီးဒိုင်းထုတ်လုပ်ရောင်းချ၊ဖြန့်ဖြူး၊ပစ်ဖောက်ခြင်းများမပြုလုပ်ကြရန်နှင့် လိုက်နာခြင်းမရှိပါက တည်ဆဲဥပဒေအရအရေးယူမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့၏ ထုတ်ပြန်ချက်အရသိရသည်၊၊

ymg/tthl
#Yangon_Media_Group

#Local_News
Published 25 December 2022

၂၀၂၃ ခုနှစ်တွင် ဖြစ်ပေါ်လာနိုင်တဲ့ အကြမ်းဖက်မှုအခြေအနေတွေအပေါ် ကြိုတင်ကာကွယ်ရေး အစီအမံတွေ လုပ်ဆောင်သွားကြဖို့ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး စိုးထွဋ်က မကြာသေးခင်ကပြုလုပ်ခဲ့တဲ့ အစည်းအဝေးတစ်ခုတွင် ပြောကြားခဲ့ပါတယ်။

အကြမ်းဖက်မှု တိုက်ဖျက်ရေးဗဟိုအဖွဲ့ရဲ့ အစည်းအဝေးတစ်ခုကို ဒီဇင်ဘာ ၂၃ ရက်က နေပြည်တော်မှာ ကျင်းပခဲ့ရာမှာ အဆိုပါအဖွဲ့ရဲ့ ဥက္ကဋ္ဌတာဝန်ယူထားတဲ့ ပြည်ထဲရေးဝန်ကြီးက ပြောကြားခဲ့တာဖြစ်တယ်လို့ နစကရဲ့ သတင်း ထုတ်ပြန်ချက်အရသိရပါတယ်။

၂၀၂၃ ခုနှစ်တွင် ဖြစ်ပေါ်လာနိုင်သည့် အကြမ်းဖက်မှုအခြေအနေများအပေါ် ကြိုတင်ကာကွယ်ရေးအစီအမံများ၊ လုံခြုံ မှုနှင့်တရားဥပဒေစိုးမိုးရေးထိရောက်မှုရှိရန် စီမံဆောင်ရွက်ထားမှုများ၊ အစွန်းရောက်မှုများ ကြိုတင်ကာကွယ်ရေး နှင့် အကြမ်းဖက်ဖြစ်စဉ်များကို လက်ဦးမှုရယူဖော်ထုတ်နိုင်ရေး စီစဉ်ဆောင်ရွက်သွားရန်စတဲ့အချက်တွေကို ပြည်ထဲရေးဝန်ကြီးက ပြောကြားခဲ့တာဖြစ်တယ်လို့ အဆိုပါသတင်းထုတ်ပြန်ချက်မှာ ဖော်ပြထားပါတယ်။

တက်ရောက်လာကြတဲ့ ဗဟိုအဖွဲ့ဝင်တွေက “အကြမ်းဖက်မှုတားဆီးနှိမ်နင်းရေးကဏ္ဍတွင် လုံခြုံရေးနှင့် သတင်းအချက်အလက်များ ရယူစုဆောင်းပူးပေါင်းဆောင်ရွက်ခဲ့မှု၊သတင်းမှန်ပြန်ကြားရေးဆောင်ရွက်မှုများ၊သတင်းအချက်အလက်နှင့် ပူးပေါင်းဆောင်ရွက်မှု၊ သတင်းတုများ တိုက်ဖျက်ရေး၊ ပြည်သူများ အကြမ်းဖက်ခံရမှု၊ နိုင်ငံပိုင်/ ပုဂ္ဂလိကပိုင် အဆောက် အဦနှင့်ဈေးများ၊ အရေးကြီးပစ္စည်းများ ဖောက်ခွဲ/ဖျက်ဆီးခံရမှု၊ လျှပ်စစ်တာဝါတိုင်၊ ဖုန်းတာဝါတိုင်များ ဖျက်ဆီးခံရ မှုများနှင့်စပ်လျဉ်း၍ ပြန်လည်ထူထောင်ရေး၊ ကြိုတင်ကာကွယ်ရေး နှင့်တားဆီးနှိမ်နင်းရေးတို့တွင် ပူးပေါင်း ဆောင်ရွက်ခဲ့ မှုများ၊ နယ်မြေအလိုက် အကြမ်းဖက်မှုတိုက်ဖျက်ရေးဆောင်ရွက်ချက်များနှင့် ဆက်လက်ဆောင်ရွက်မည့် အစီအမံများ၊ တားဆီးနှိမ်နင်းရေးလုပ်ငန်းများ၊ တရားစွဲဆိုရေး၊ ရန်ပုံငွေထူထောင်ရေး ဆောင်ရွက်ထားမှုများ၊ နိုင်ငံတကာပူးပေါင်းဆောင်ရွက်မှုနှင့် ပြည်ပရောက်အကြမ်းဖက်သမားများနှင့်ပတ်သက်၍ သံတမန်နည်းလမ်းဆောင်ရွက်မှုတွေ၊ ဥပဒေနှင့် နည်းဥပဒေဆိုင်ရာကိစ္စရပ်တွေကို ရှင်းလင်းဆွေးနွေးတင်ပြခဲ့ကြတယ်လို့ သိရှိရပါတယ်။

ymg/knl
#Yangon_Media_Group

#Local_News
Published_ 25 December 2022

တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီး ဦးတင်မောင်ဆွေသည် ဒီဇင်ဘာလ ၂၃ ရက်နေ့တွင် ပေကျင်းမြို့၊ CP center ၌ ကျင်းပသည့် အာဆီယံ-တရုတ်စင်တာ တည်ထောင်ခြင်း (၁၁) နှစ်ပြည့် အထိမ်းအမှတ်နှင့် အာဆီယံ- တရုတ် စင်တာ၏ အတွင်းရေးမှူးချုပ် H.E. Mr. Shi Zhongjun ၏ စတင်တာဝန်ယူခြင်း အထိမ်းအမှတ်အဖြစ် ကျင်းပသည့်အခမ်းအနားသို့ တက်ရောက်ခဲ့ကြောင်း သိရပါတယ်။

အခမ်းအနားတွင် အာဆီယံ-တရုတ်နိုင်ငံတို့အကြား ပူးပေါင်းဆောင်ရွက်ရေးဆိုင်ရာ သတင်းများကို တရုတ်ပြည်သူများ သိရှိစေရန် တရုတ်နိုင်ငံ၏ နာမည်ကြီး ဆိုရှယ်မီဒီယာ ပလက်ဖောင်းတစ်ခုဖြစ်သည့် Tautiao တွင် အာဆီယံ-တရုတ်စင်တာ၏ တရားဝင် မီဒီယာစာမျက်နှာ ဖွင့်လှစ်ခြင်းနှင့် Overview of Trade among RCEP Member States အစီရင်ခံစာနှင့် 2021 ASEAN-China Media Cooperation အစီရင်ခံစာ လွှင့်တင်ခြင်းတို့ကိုလည်း ဆောင်ရွက်ခဲ့ကြပါတယ်။

အဆိုပါအခမ်းအနားသို့ တရုတ်နိုင်ငံ၊ နိုင်ငံခြားရေးဝန်ကြီးဌာန၊ အာရှရေးရာဦးစီး ဌာန၊ညွှန်ကြားရေးမှူးချုပ်၊ အာဆီယံ-တရုတ်စင်တာ၏ အထွေထွေ အတွင်းရေးမှူးချုပ်၊ လာအိုသံအမတ်ကြီး၊ ထိုင်းသံအမတ်ကြီး၊ စင်ကာပူသံအမတ်ကြီး၊ အင်ဒိုနီးရှားနိုင်ငံ သံရုံးဒုတိယအကြီးအကဲ၊ မလေးရှားနိုင်ငံသံရုံး ဒုတိယအကြီးအကဲနှင့် ပေကျင်းမြို့ အခြေ စိုက် အာဆီယံသံရုံးမှ သံတမန်များ၊ တရုတ်နိုင်ငံခြားရေးဝန်ကြီးဌာနမှ အရာထမ်းများ၊ အာဆီယံ-တရုတ်စင်တာမှ ဝန်ထမ်းများ တက်ရောက်ခဲ့ကြောင်း သိရပါတယ်။

ထို့ပြင် မြန်မာသံအမတ်ကြီးသည် အာဆီယံ-တရုတ် စင်တာ၊ အထွေထွေ အတွင်းရေးမှူးချုပ် H.E. Mr. Shi Zhongjun နှင့် သီးခြားစီတွေ့ဆုံခဲ့ကြပြီး အာဆီယံ-တရုတ် စင်တာအောက်မှ မြန်မာနိုင်ငံ၏ ကျေးလက်ဒေသဖွံ့ဖြိုးတိုးတက်ရေးအတွက် ပူးပေါင်းဆောင်ရွက်သွားနိုင်မည့် စီမံကိန်းများ၊ ပူးပေါင်းဆောင်ရွက်သွားမည့် အခြေအနေများ၊ မီဒီယာကဏ္ဍတွင် ပူးပေါင်းဆောင်ရွက်သွားမည့်အစီအစဉ်များ၊ နှစ်နိုင်ငံ စီးပွားရေးနှင့် ကုန်သွယ်မှုမြှင့်တင်ရေးအစီအစဉ်များတွင် ပူးပေါင်းဆောင်ရွက်သွားရေး ဆွေးနွေးခဲ့ကြောင်း သတင်းရရှိပါတယ်။

ygm_mnn
#Yangon_Media_Group

Published 25 December 2022

အွန်လိုင်းကနေ သူ့ကို ပေါက်တောက်တောက် trolls လုပ်တာတွေနှင့် ဝေဖန်တာတွေအပေါ် တဲ့တိုးနှင့် တည်ငြိမ်မှုမရှိ တုန့်ပြန်တတ်တဲ့ ဘောလီဝုဒ်မင်းသား အဘီရှက် ဘချန်းဟာ ဘင်္ဂလားဒေ့ရှ်စာရေးဆရာမ တက်ဆလီမာနက်ဆရင်းရဲ့ တွစ်တာပို့အပေါ် လတ်တလော ပြန်လည်တုန့်ပြန်ခဲ့ပါတယ်။ တက်ဆီလီမာက သူနှင့် သူ့ဖခင် ဘောလီဝုဒ်စူပါစတား  အမီတာဘချန်းကို  နှိုင်းယှဉ်ဝေဖန်ရေးသားခဲ့တာပါ။

ကြာသပတေးနေ့မှာ တက်ဆလီမာက “ အာမီတာ ဘချန်းကြီးဟာ သူ့သား အဘီရှက်ဘချန်းကို သိပ်ချစ်မြတ်နိုးပါတယ်။ သူ့သားဟာ သူ့ရဲ့ ပါရမီအရည်အချင်းတွေအားလုံးကို အမွေဆက်ခံပြီး အတော်ဆုံးဖြစ်လိမ့်မယ်လို့ သူကထင်ခဲ့တယ်။ အဘီရှက်က ကောင်းပါတယ်။ ဒါပေမယ့် အဖေလိုတော့ ပါရမီထူးချွန်တယ်လို့ ကျွန်မမထင်ဘူး” လို့ တွစ်တာမှာ ရေးခဲ့ပါတယ်။

အဲဒီ”တွိ” ကို အဘီရှက်က ပြန်လည်တုန့်ပြန်ခဲ့ပါတယ်။

“ သိပ်မှန်တာပေါ့ အမျိုးသမီးကြီးရာ..။ ပါရမီထူးချွန်မှုနှင့် အခြားကိစ္စတွေမှာ ဘယ်သူမှ သူနှင့် တူအောင် ယှဉ်လို့ကို မရပါဘူး။ သူဟာ အမြဲတမ်း အတော်ဆုံးဖြစ်နေမှာပါ။ ကျွန်တော်ကတော့ သူ့သားဖြစ်ရတာ အလွန့်အလွန်ကို ဂုဏ်ယူတယ်” လို့ သူက လက်အုပ်ချီတဲ့အီမိုဂျီပုံကလေနှင့်ပြန်တုန့်ပြန်ခဲ့ပါတယ်။

ဒီနှစ်ယောက်ကို နှိုင်းယှဉ်ပြီး မပြောသင့်ဘူးလို့ ပရိဿတ်တော်တော်များများက တက်ဆလီမာကို ထောက်ပြပြီး တုန့်ပြန်ခဲ့ကြပါတယ်။ လူတစ်ဦးက..

“ ဒါကြောင့် သူဟာ အဆင့်သတ်မှတ်မခံရတာဖြစ်မယ်။ ပြီးတော့ ဒါဟာစိတ်မကောင်းစရာပါ။ သူဟာ လူအများစုထက် ပိုသာတာပဲ။ ဒါပေမယ့် အမြဲတမ်း အဖေဖြစ်သူနှင့် နှိုင်းယှဉ်အပြောခံနေရတာလေ”

“ မဒမ်ရေ..။ အမီတာဘချန်းဟာ ဂန္တဝင်အနုပညာသမားကြီးပါ။ ဘဝမှာတစ်ခါသာကြုံရသလိုမျိုး၊ ဆာချင် တက်ဒူခါ တို့ ဒီလစ်ဆာအတ်တိ့၊ မက်ဂျစ်ဂျွန်ဆန်၊မာလွန်ဘရန်ဒိုတို့လိုပါ။သူ့ဖခင်ထက်သာတဲ့ သားတစ်ယောက်ယောက်များရှိရင် ပြစမ်းပါ။ ဖခင်ဟာ သူ့ပုံစံနှင့်သူသွားနေပါတယ်။ ခင်ဗျားကခင်ဗျား၊အဖေကအဖေပဲ” လို့ နောက်တစ်ဦးက တွစ်တာမှာ ပြန်တုန့်ပြန်ပါတယ်။

မင်းသားဆန်နီယယ်ရှက်တီက အဘီရှက်ရဲ့ တွစ်တာပို့စ်မှာ အနီရောင်အသည်းပုံကလေးပေးပြီး တုန့်ပြန်ပေးခဲ့ပေမယ့်   နောက်ပိုင်းမှာ ပြန်ဖျက်သွားပါတယ်။

အဘီရှက်ဘချန်းကို စိတ္တဇသည်းထိတ်ရင်ဖိုဇာတ်ကား 'Breathe: Into The Shadows Season 3' မှာ နောက်ဆုံးတွေ့ ရပါတယ်။ သူဟာ နက်ဖလစ်ရဲ့'Dasvi' ဇာတ်ကားမှာလည်း Filmfare OTT Awards 2022 ကပေးတဲ့ အကောင်းဆုံးသရုပ်ဆောင်ဆုကို ရရှိခဲ့ပါတယ်။ Dasvi ဇာတ်ကားဟာ Web Original ဆုမှာလည်း အကောင်းဆုံး ဇာတ်ကားဆုရရှိခဲ့ပါတယ်။

Source WION

#Amitabh_Bachchan

#Abhishek_Bachchan

#Taslima_Nasreen

#LocalNews
Published _25 December 2022

၂၀၂၂ ခုနှစ်တွင် နိုင်ငံခြားသားရင်းနှီးမြှုပ်နှံမှုလုပ်ငန်းသစ် ၄၁ ခု ဝင်ရောက်ခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာန က သိရသည်။

ဇန်နဝါရီလကနေ အခုဒီဇင်ဘာလ ဒုတိယပတ်ထိ နိုင်ငံခြားသားရင်းနှီးမြှုပ်နှံမှုလုပ်ငန်းသစ်က ၄၁ ခုအပြင် မြန်မာနိုင်ငံသားရင်းနှီးမြှုပ်နှံမှု လုပ်ငန်းသစ်က ၁၂ခု ရှိသောကြောင့် စုစုပေါင်း ရင်းနှီးမြှုပ်နှံမှု ၅၃ ခုရှိပြီး ရင်းနှီးမြှုပ်နှံမှု ပမာဏ ကျပ် ၁၉ ဒသမ ၃၉၆ ဘီလီယံ ကျော် နှင့် ကန်ဒေါ်လာ ၇၄ ဒသမ ၄၆၂သန်း ရှိကြောင်း သိရသည်။

အဆိုပါ ရင်းနှီးမြှုပ်နှံမှုများက ပြည်တွင်းလုပ်သား ၃၅၇၉၂ ဦးအလုပ်အကိုင်ရရှိခဲ့ကြကြောင်း၊ ရင်းနှီးမြှုပ်နှံမှုများမှာ ဝန်ဆောင်မှုလုပ်ငန်းများ၊ စက်မှုလုပ်ငန်းများ၊ ထုတ်ကုန်လုပ်ငန်းများ ဖြစ်ကြောင်းလည်း သိရသည်။

ထုတ်ကုန်လုပ်ငန်းတွင် အိတ်အမျိုးမျိုးထုတ်လုပ်ရောင်းချသောလုပ်ငန်းများ အပြင် CMP စနစ်နှင့် အဝတ်အထည်အမျိုးမျိုးချုပ်လုပ်သောလုပ်ငန်းများ၊ အထည်ချုပ်လုပ်ငန်းများတွင် အသုံးပြုသော ပလတ်စတစ်အိတ်အမျိုးမျိုးထုတ်လုပ်သည့် လုပ်ငန်းများ၊ ပြည်တွင်း CMP အထည်ချုပ်လုပ်ငန်းများတွင် ပြန်လည်ရောင်းချသော လုပ်ငန်းများ၊စသည်တို့ ဖြစ်ကြောင်း သိရသည်။

ymg/mt
#Yangon_Media_Group

Published 25 December 2022

ဘင်္ဂလားဒေ့ရှ်ဝန်ကြီးချုပ် ရှိတ်ဟာဆီနာဟာ အာဝါမီအဖွဲ့ချုပ် ပါတီရဲ့ ဥက္ကဋ္ဌအဖြစ် စနေနေ့က သက်တမ်း (၁၀)ကြိမ် ဆက်တိုက် ရွေးချယ်ခံခဲ့ရပါတယ်။ အဲဒါကြောင့် ဟာဆီနာဟာ အာဝါမီအဖွဲ့ချုပ်မှာ ၁၉၈၁ ခုနှစ်ကတည်းက ဥက္ကဋ္ဌ အဖြစ် တာဝန်ယူခဲ့တဲ့ သက်တမ်းအရှည်ဆုံး ပါတီဥက္ကဋ္ဌဖြစ်လာခဲ့ပါတယ်။

၂၀၂၄ ခုနှစ်စောစောပိုင်းမှာ အာဝါမီအဖွဲ့ချုပ်ဟာ အထွေထွေရွေးကောက်ပွဲကျင်းပပေးဖို့ ပြင်ဆင်နေတဲ့အလျောက် ပါတီဟာ အိုဘိုင်ဒူလ်ကေဒါကို ၂၂ကြိမ်မြောက်အမျိုးသားကောင်စီ အထွေထွေအတွင်းရေးမှူးအဖြစ် တံခါးပိတ်အစည်းအဝေးကနေ ရွေးချယ်ပေးခဲ့ပါတယ်။

ဒါကာမြို့တော်အလယ်က ဇာတ်ရုံကြီးတစ်ခုမှာ ကျင်းပတဲ့ အမျိုးသားကောင်စီကို ဘင်္ဂလားဒေ့ရှ်နိုင်ငံတစ်လွှားက ကောင်စီဝင် ခုနှစ်ထောင်ခန့် တက်ရောက်ခဲ့ကြတယ်လို့ ပြည်တွင်းသတင်းဌာနတွေက သတင်းထုတ်ပြန်ပါတယ်။ အစည်းအဝေးအပြီးမှာ ဇာတ်ရုံနှင့်ကပ်လျက် ဆာဟရာဝါဒီယူဒိုင်ယန်ကွင်းထဲမှာ လူထုချီတက်ပွဲတစ်ခု ကျင်းပခဲ့ပါတယ်။

ဝန်ကြီးချုပ်ဟာ ဆူဟရာဝါဒီယူဒိုင်ယန်ကွင်းထဲကို မနက်၁၀နာရီ၂၀မိနစ်မှာရောက်ရှိလာပြီး နိုင်ငံတော်အလံလွှင့် တင်ခြင်း၊ချိုးဖြူများနှင့်ဘောလုံးများလွှတ်တင်ခြင်းဖြင့် ကောင်စီကိုဖွင့်လှစ်ခဲ့ပါတယ်လို့ ဒေလီစတားသတင်းစာက ရေးသားပါတယ်။

အာဝါမီအဖွဲ့ချုပ်ရဲ့အကြီးတန်းခေါင်းဆောင်တစ်ဦးဖြစ်တဲ့ အာမီယာဟိုစိန်အာမူက ဟာဆီနာကို ပါတီဥက္ကဋ္ဌအဖြစ် အဆိုတင်သွင်းခဲ့တာဖြစ်ပြီး အစည်းအဝေးတက်သူအားလုံးက ကန့်ကွက်သူမရှိ အတည်ပြုပေးခဲ့တာလို့ ပီတီအိုင် သတင်းအေဂျင်စီကပြောပါတယ်။

အချို့ပါတီခေါင်းဆောင်းတွေက ဒီ ကွန်ဖရင့်ကြီးကနေအားကောင်းတဲ့ခေါင်းဆောင်မှုကို သူတို့မျှော်လင့်တယ်လို့ သတင်းဌာနကိုပြောပါတယ်။

လာမယ့်ရွေးကောက်ပွဲမတိုင်ခင် ပါတီကို အားကောင်းကောင်းနှင့် ဦးဆောင်နိုင်မယ့်သူတစ်ဦးလိုတယ်လို့လည်း သူတို့ကပြောပါတယ်။

ပါတီစည်းမျဉ်းအရ အသက် ၇၅နှစ်အရွယ်ရှိပြီဖြစ်တဲ့ ဟာဆီနာဟာ ပါတီဥက္ကဋ္ဌအဖြစ် နောက်ထပ် ၃နှစ်  တာဝန်ထမ်းဆောင်ရမှာဖြစ်ပါတယ်။သူဟာ ၁၉၇၅ခုနှစ်ဩဂုတ်လကတည်းက အိန္ဒိယမှာ အဝေးရောက်ပြည်ပြေးတစ်ဦး အဖြစ်နေထိုင်ခဲ့ရပြီး ဘင်္ဂလားဒေ့ရှ်ပြန်ရောက်ပြီး ၁၉၈၁ခုနှစ်ကတည်းက ပါတီကို ဦးဆောင်ခဲ့တာဖြစ်ပါတယ်?

Source: WION

#Sheikh_Hasina

# Chief_of_Awami_League

#Bangladesh_Politics

#World_Health
Published 25 December 2022

အချိုမုန့်တွေ၊ အငန်မုန့်တွေ ကြိုက်တဲ့သူတွေအတွက်တော့ အာလူးကြော်တစ်ပြား၊ ဒိုးနတ်တစ်ခုလောက်နဲ့ မကျေနပ်နိုင်ပါဘူး။

ဒါဟာ စိတ်ကိုမချုပ်တည်းနိုင်ခြင်းတစ်ခုတည်းကြောင့်တော့ မဟုတ်ပါဘူး၊ မျိုးဗီဇတစ်ခုနဲ့လည်း သက်ဆိုင်နေပါတယ်။

CRTC1 ဆိုတဲ့မျိုးဗီဇဟာ လူသားတွေမှာ အဝလွန်ခြင်းနဲ့ သက်ဆိုင်နေတယ်လို့ လတ်တလောတွေ့ရှိထားပါတယ်။

CRTC1 ကို ကြွက်တွေမှာ ဖျက်ဆီးလိုက်တဲ့အခါ အဝလွန်လာကြတာကြောင့် CRTC1 က အဝလွန်ခြင်းကို တားဆီးပေးတယ်ဆိုတဲ့ သဘောဖြစ်ပါတယ်။

CRTC1 က အဝလွန်ခြင်းကို တားဆီးပေးထားတယ်ဆိုတဲ့ ဖြစ်စဉ်ကို ရှင်းလင်းရန် အိုဆာကာမက်ထရိုပိုလီတန်တက္ကသိုလ်ရှိ တွဲဖက်ပရော်ဖက်ဆာ'ရှီဂျီနိုဘူမက်ဆုမူရာ'ဦးဆောင်တဲ့ သုတေသီအဖွဲ့က MC4R ကိုဖော်ပြတဲ့ အာရုံကြောတွေကို အာရုံစိုက်လေ့လာခဲ့ပါတယ်။

MC4R က ကြွက်တွေနဲ့ လူသားတွေမှာ အစာစားချင်စိတ်နဲ့ စွမ်းအင်သုံးစွဲခြင်းတို့ကို ထိန်းညှိရာမှာ အရေးပါပြီး MC4R ချို့တဲ့ပါက အစားစားချင်စိတ်ကို မထိန်းချုပ်နိုင်ခြင်း၊ စွမ်းအင်သုံးစွဲမှုနည်းပါးခြင်း၊ ဂလူးကို့စ်ဇီဝဖြိုခွဲမှုယိုယွင်းခြင်းတို့ ဖြစ်ပေါ်နိုင်ကြောင်း ဖော်ပြထားပါတယ်။

ဒါကြောင့် CRTC1 နဲ့ MC4R ချို့တဲ့တဲ့အခါ စားချင်စိတ်မထိန်းချုပ်နိုင်ခြင်း၊ အဝလွန်ခြင်း၊ အင်ဆူလင်အလုပ်မလုပ်သဖြင့် ဂလူးကို့စ်မချေဖျက်နိုင်ခြင်းတို့ ဖြစ်ပေါ်နိုင်ပါတယ်။

ပိတ်ဆို့ထားတဲ့ MC4R ဆိုင်ရာ အာရုံကြောများမှလွဲပြီး ပုံမှန်အားဖြင့် CRTC1 ကိုဖော်ပြတဲ့ ကြွက်မျိုးကွဲတစ်မျိုးကိုဖန်တီးကာ အဝလွန်ခြင်းနဲ့ ဆီးချိုရောဂါရှိ အာရုံကြောများမှာ CRTC1 ဆုံးရှုံးခြင်းရဲ့အကျိုးကို စစ်ဆေးခဲ့ကြပါတယ်။

ပုံမှန်အစာကျွေးတဲ့အခါ MC4R မှာ CRTC1 မရှိတဲ့ကြွက်တွေက သာမန်ထက်စာရင် ခန္ဓာကိုယ်အလေးချိန် မပြောင်းလဲသော်လည်း အဆီဓာတ်များတဲ့အစာတွေကျွေးတဲ့အခါ ပိုမိုဝလာခဲ့ပြီး ဆီးချိုဖြစ်လာပါတယ်။

ထိုလေ့လာမှုကြောင့် ဦးနှောက်ထဲက CRTC1 မျိုးဗီဇပါဝင်ပတ်သက်မှုက ကယ်လီရီများတဲ့အစာတွေ၊ အချိုဓာတ်များပြီး အဝလွန်စေတဲ့အစာတွေ အလွန်အကျွံမစားမိအောင် ကူညီပေးကြောင်း၊ ဒါဟာ လူတွေ အစားကျူးရတဲ့ အကြောင်းကို ပိုမိုနားလည်လာဖို့ မျှော်လင့်ရကြောင်း ဖော်ပြသွားပါတယ်။

Source: The Jerusalem Post
#Yangon_Media_Group

#LocalNews
Published _25 December 2022

ဒေသတွင်း အင်အားဖြန့်ကြက် နိုင်စွမ်းရှိသည့် စစ်ရေယာဉ်ကြီးများ ဆက်လက်တည်ဆောက်သွားရန် နစက ဥက္ကဌ က ဒီဇင်ဘာလ ၂၄ ရက်က ပြုလုပ်သော (၇၅)နှစ်မြောက် စိန်ရတုတပ်မတော်(ရေ)နေ့အထိမ်းအမှတ် စစ်ရေယာဉ်များတပ်တော်ဝင်ခြင်းနှင့် မြန်မာနိုင်ငံ ကမ်းခြေစောင့်တပ်ဖွဲ့သို့ လွှဲပြောင်းတပ်တော်ဝင်ခြင်း အခမ်းအနားတွင်ပြောကြားခဲ့သည်။

တပ်မတော်(ရေ)ကို တည်ဆောက်ရာတွင် ပထမအဆင့်အနေဖြင့် မြန်မာ့ပင်လယ်ပြင် သီးသန့်စီးပွားရေးဇုန်အထိ အပြည့်အဝကာကွယ်နိုင်သည့် သုံးဘက်မြင် စစ်ဆင်နိုင်စွမ်းရှိ တိုက်ပွဲဝင်အသင့်ရေတပ် (Three Dimensional Combat Ready Navy)အဆင့်သို့ ရောက်ရှိနေပြီဖြစ်ကာ ဒုတိယအဆင့်အနေဖြင့် အိန္ဒိယသမုဒ္ဒရာအတွင်းရှိ မြန်မာ့ပင်လယ်ပြင်နှင့်ဆက်စပ်ပင်လယ်ပြင်များသို့ အင်အား ဖြန့်ကြက်နိုင်စွမ်းရှိသည့်ရေတပ် (Adjacent Force Projection Navy/ Regional Navy)အဖြစ် တည်ဆောက်လျက်ရှိကြောင်းနှင့် ရေရှည်တွင် အကျိုးစီးပွားများဆက်စပ်တည်ရှိရာ ရေပြာသို့ အင်အားပို့လွှတ်နိုင်သည့်ရေတပ် (Blue Water Navy Ambition) အဖြစ် တည်ဆောက်သွားမည်ဖြစ်ကြောင်းလည်း ယင်းကဆိုသည်။

မြန်မာ့ပင်လယ်ပြင်အကျယ်အဝန်း စတုရန်းရေမိုင် ၁၄၀၀၀၀ ကျော် ရှိပြီး ကမ်းရိုးတန်းအရှည် ရေမိုင် ၁၃၀၀ ခန့်ရှိသည့်အတွက် ဆိပ်ကမ်းကြီးများနှင့် ပင်လယ်ပြင်ဆက်သွယ်ရေးလမ်းကြောင်း (Sea Line of Communication) များကို အပြည့်အဝအသုံးချပြီး သမုဒ္ဒရာဖြတ်ကျော် ရေကြောင်းကုန်သွယ်မှုလုပ်ငန်း (Seaborne Trade)များကို ထိထိရောက်ရောက်ဖော်ဆောင်ရန် အခွင့်အလမ်းများရှိ ကြောင်း၊ မျက်မှောက်ခေတ် ကြုံတွေ့နေရသည့် စစ်ဆင်ရေး သဘောသဘာဝအရ တပ်မတော်(ရေ)အနေနဲ့ သမားရိုးကျစစ်ဆင်ရေးများအတွက် ပင်လယ်ပြင်တိုက်ပွဲဝင် နိုင်ရေး (Open Sea Battle) ကို ပြင်ဆင်နေရသကဲ့သို့ လက်ရှိလုံခြုံရေးအခြေအနေ များအရ မြစ်တွင်းစစ်ဆင်ရေးကိုလည်း အထူးအလေးထား ဆောင်ရွက်လာရ ကြောင်း၊ တပ်တော်ဝင်သည့် ၂၃ မီတာ တပ်ဖွဲ့တင်ကမ်းထိုးရေယာဉ်များကို မြန်မာ့ရေမြေ လိုအပ်ချက်အတိုင်း ဆန်းသစ်တီထွင်ကာ ပိုမိုတောင့်တင်းခိုင်မာသည့် Armor Plate များနှင့် တည်ဆောက်ထားခြင်းဖြစ်ပြီး မြစ်တွင်းစစ်ဆင်ရေး၊ လုံခြုံရေးနှင့် တပ်ဖွဲ့တင် တိုက်ခိုက်ရေးတာဝန်များ ထမ်းဆောင်နိုင်ရေးအတွက် အဓိကရည်ရွယ်ခြင်းဖြစ် ကြောင်းလည်း ၎င်းက ပြောသည်။

ယခုစစ်ရေယာဉ်များပေါ်တွင် ခြေလျင်တပ်ဖွဲ့များတင်ဆောင်ပြီး ရေကြောင်း ပစ်ကူပေးနိုင်ရန်နှင့် ကမ်းထိုးကမ်းတက် စစ်ဆင်ရေးများဆောင်ရွက်နိုင်ရန်ရည်ရွယ်ပြီး တည်ဆောက်ပေးခဲ့သည့်အပြင် စစ်ရေယာဉ်(မုတ္တမ)ပေါ်သို့ တင်ဆောင်ကာ ဘက်စုံသုံးတပ်ဖွဲ့တင် ကမ်းထိုးရေယာဉ်တာဝန်များကိုပါ ထမ်းဆောင် သွားနိုင်မည် ဖြစ်ကြောင်း၊ ဧရာဝတီ၊ ချင်းတွင်းနှင့် ဧရာဝတီ မြစ်ဝကျွန်းပေါ်ဒေသ မြစ်ကြီးများအတွင်း ရေကြောင်းလုံခြုံရေးများ၊ စစ်ဆင်ရေးများ ထိ ရောက်စွာ ဆောင်ရွက်နိုင်ရန်အတွက် ရေတိမ်မြစ်တွင်းသွား စစ်ရေယာဉ်များကိုလည်း တည်ဆောက်သွားကြရမည်ဖြစ်ကြောင်း လည်း နစက ဥက္ကဌက ပြောသည်။

ဒီဇင်ဘာလ ၂၄ ရက်က တပ်တော်ဝင်ခဲ့သည့် Super Dvora အမြန်သွားကင်းလှည့် ရေယာဉ်များ ကို ပြည်ပမှနည်းပညာလွှဲပြောင်းရယူခဲ့ပြီး တပ်မတော်(ရေ) အင်ဂျင်နီယာပညာရှင်များ ကိုယ်တိုင် နည်းပညာမြင့်တည်ဆောက်နိုင်ခဲ့သည့် ရေယာဉ်များဖြစ်ကာ ရေမိုင် ၄၀ ကျော် မြန်နှုန်းမြင့်ခုတ်မောင်းနိုင်ကာ ရန်သူ့ရေတပ်ဖွဲ့ကို Swarming Tactics နှင့် ကြားဖြတ်တိုက်ခိုက်ရေး တာဝန်များကိုပါ ထမ်းဆောင်နိုင်မည်ဖြစ်ကြောင်း၊ မြန်မာနိုင်ငံ၏ ကျွန်းပေါင်း ၁၄၀၀ ကျော်ရှိသည့် ကမ်းရိုးတန်းရေပြင်တွင် မည်သည့် ကျူးကျော်မှုမျိုးကိုမဆို ကျွန်းကြိုကျွန်းကြားမှ စစ်နည်းဗျူဟာမြောက် မြန်နှုန်းမြင့် မောင်းနှင်ပြီး တားဆီးချေမှုန်းတိုက်ခိုက်နိုင်ရန် ရည်ရွယ်တည်ဆောက်ခဲ့ခြင်းဖြစ်ပြီး Super Dvora တည်ဆောက်ခဲ့သည့် အတွေ့အကြုံ များစွာ ရှိပြီးဖြစ် သဖြင့် ယခုထက် အရွယ်ပမာဏပိုမိုကြီးမားပြီး စွမ်းဆောင်ရည်မြင့်သည့် သင်္ဘောမျိုး တည်ဆောက်နိုင်ရန်အတွက်လည်း ကြိုးပမ်းသွားရန်လိုကြောင်း၎င်းက ဆိုသည်။

တိုက်ပွဲဝင်စစ်ရေယာဉ်များတွင် တာဝန်ထမ်း ဆောင်မည့် စစ်သည်တော်များအား တစ်ဦးချင်းအရည်အချင်း တိုးတက်စေရန် ရုရှား၊ တရုတ်၊ အိန္ဒိယ စသည့်နိုင်ငံများအပါအဝင် နိုင်ငံအများအပြားသို့ စေလွှတ်တက်ရောက်စေခဲ့ပြီးဖြစ်သည့်အပြင်
၂၀၁၅ ခုနှစ်မှစတင်ပြီး ပြည်တွင်း၌လည်း Mobile Training Team နည်းပြများအား ခေါ်ယူလျက် အရာရှိ၊ စစ်သည်အများအပြားကို လေ့ကျင့်သင်ကြား ပေးနိုင်ခဲ့ပြီးဖြစ်ကြောင်း၊ အမျိုးသားအရာရှိ၊ စစ်သည်များသာမက အမျိုးသမီးအရာရှိ၊ စစ်သည်များကိုပါ လေ့ကျင့်မွေးထုတ်ပေးနိုင်ခဲ့ကာ အမျိုးသမီး အရာရှိ၊ စစ်သည် များလည်း စစ်ရေယာဉ်များတွင် တာဝန်ပေးအပ်ပြီး ပင်လယ်ပြင်စစ်ဆင်ရေးနှင့် လေ့ကျင့် ရေး များတွင် လက်ရှိတာဝန်ထမ်းဆောင်နေပြီဖြစ်ကြောင်း သိရသည်။

တပ်မတော်(ရေ)ကို ယခင်ကစစ်ရေယာဉ်(မေယု)ဖြင့် စတင်ခဲ့ပြီး ၁၉၉၀ ပြည့်နှစ်မှစ၍ အဆင့်ဆင့်ပြောင်းလဲတိုးတက်လာခဲ့ကာ အမြန်သွားတိုက်ခိုက်ရေး ရေယာဉ်များမှတစ်ဆင့် ကိုယ်ပိုင်ဒီဇိုင်းရေးဆွဲပြီး ကိုယ်တိုင်တည်ဆောက်နိုင်သည့် စစ်ရေယာဉ်များအဖြစ် တိုးတက်ထုတ်လုပ်နိုင်ခဲ့ကြောင်းလည်း သိရသည်။

ymg/mt
#Yangon_Media_Group

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် (၇၅)နှစ်မြောက် စိန်ရတုတပ်မတော်(ရေ) နှစ်ပတ်လည်နေ့ အထိမ်းအမှတ်အခမ်းအနားသို့ တက်ရောက်အမှာစကားပြောကြား

#Yangon_Media_Group

#World_Health
Published 25 December 2022

လိင်စိတ်ဆန္ဒနည်းပါးတဲ့ အမျိုးသားတွေဟာ စောစီးစွာအသက်ဆုံးရှုံးနိုင်ချေ ၂ ဆနီးပါးရှိနေကြောင်း PLOS One ဂျာနယ်မှာ ဖော်ပြထားပါတယ်။

လိင်စိတ်ဆန္ဒရှိခြင်းနဲ့ ရောဂါဘယအသက်ဆုံးရှုံးနိုင်ချေတို့ကြား ဆက်စပ်မှုကိုရှာဖွေရန်အတွက် ယာမာဂါတာတက္ကသိုလ်မှ သုတေသီများက အမျိုးသား ၈ ထောင်ကျော်နဲ့ အမျိုးသမီး ၁၂,၀၀၀ ကျော်တို့ကို လေ့လာခဲ့ပါတယ်။

သက်ကြီးရွယ်အိုတွေမှာ လိင်ပိုင်းလှုပ်ရှားမှုနဲ့ ကျေနပ်မှုရခြင်းတို့က စိတ်ကျန်းမာရေးသုခအတွက် အကျိုးရှိစေတယ်လို့ ယူဆထားကြပေမယ့် လိင်စိတ်ဆန္ဒနဲ့ အသက်ရှည်ခြင်းတို့ကြား ပတ်သက်မှုကိုတော့ မလေ့လာမိခဲ့ကြပါဘူး။

စစ်ဆေးမေးမြန်းရာမှာ လိင်မှုစိတ်ဝင်စားခြင်းနဲ့ ပတ်သက်ပြီး အလုံးစုံမေးမြန်းခဲ့ကြပါတယ်။

လိင်ပိုင်းဆိုင်ရာ စိတ်ဝင်စားမှုနည်းသူတွေဟာ အသက်ပိုမိုကြီးရင့်ခြင်း၊ သောက်စားခြင်း၊ ဆီးချိုရှိခြင်း၊ အရယ်အမောနည်းခြင်း၊ စိတ်ဖိစီးမှုများခြင်း၊ ပညာရေးနိမ့်ပါးခြင်းတို့တွေ့ရကြောင်း ဖော်ပြခဲ့ပါတယ်။

ရလဒ်များအရ လိင်စိတ်ဆန္ဒနည်းပါးတဲ့ အသက် ၄၀ ကျော်အမျိုးသားတွေဟာ ကင်ဆာကြောင့်သေဆုံးနိုင်ချေ ၁.၉၄ ဆပိုများပြီး နှလုံးရောဂါကြောင့် သေဆုံးနိုင်ချေ ၁.၃၆ ဆပိုများပါတယ်။

အမျိုးသားများ လိင်စိတ်ဆန္ဒနည်းပါးရခြင်းဟာ ကျန်းမာရေးနဲ့မညီညွတ်တဲ့ စားသောက်နေထိုင်မှုစရိုက်တွေကြောင့် ဖြစ်ပါတယ်။

အမျိုးသမီးတွေလည်း အမျိုးသားတွေထက် စိတ်ဆန္ဒနည်းပါးခြင်း ၂ ဆ ကျော်ပိုများပေမယ့် အသက်အန္တရာယ်ကြားဆက်စပ်မှုတော့ ရှိမနေပါဘူး။

လိင်စိတ်ဆန္ဒနဲ့ အသက်ရှည်ခြင်းတို့ကြား ဆက်စပ်မှုကို မရှင်းပြနိုင်ပေမယ့် ဒါဟာ နာတာရှည်ရောဂါဖြစ်စေတဲ့ မကောင်းတဲ့နေထိုင်စားသောက်မှုပုံစံတွေကြောင့် ဖြစ်နိုင်ပါတယ်။

ခန္ဓာကိုယ်ကျန်းမာရေးကောင်းမွန်ဖို့အတွက် လိင်မှုပိုင်းဆိုင်ရာမှာလည်း ကျန်းမာနေဖို့လိုအပ်တာကိုတော့ ထောက်ခံရမှာဖြစ်ပါတယ်။

ဒီလေ့လာချက်က ဂျပန်တစ်နေရာမှာသာ လူအနည်းစုကိုလေ့လာခဲ့တာဖြစ်ပြီး တစ်ကမ္ဘာလုံးတော့ မဟုတ်သေးပါဘူး။

Source: NY Post
#Yangon_Media_Group

#Local_News
Published_ 24 December 2022

မွန်ပြည်နယ်မှာ လာမယ့်၂၀၂၃ ခုနှစ်မှာ ကျန်းမာရေးဝန်ကြီးဌာနရဲ့ဘက်ဂျက်နဲ့တစ်ပတ်ကို မျက်စိအတွင်းတိမ်လူနာ(၁၅)ဦး အခမဲ့ခွဲစိတ်ကုသပေးနိုင်တော့မယ်လို့ မွန်ပြည်နယ်ပြည်သူ့ကျန်းမာရေးဦးစီးဌာနမှူးထံမှ သိရပါတယ်၊၊

#Yangon_Media_Group