#World_Health
Published 14 September 2022

ရေ၊ သံပယိုသီး၊ ချီယာစေ့တိုပါဝင်တဲ့ ဖျော်ရည်ဟာ အစာအိမ်ထဲကချိုးတွေကို ဖယ်ရှားပေးကာ ခန္ဓာကိုယ်တွင်းကို သန့်စင်ပေးနိုင်တယ်လို့ 'ဒါရိုင်းဂျော့ဖာ'က ပြောကြားခဲ့ပါတယ်။

ဒီဖျော်ရည်က ဝမ်းချုပ်ခြင်း၊ ဖောရောင်ခြင်း၊ အရက်နာကျခြင်းတို့ကိုပါ သက်သာစေတယ်လို့ ဆိုကြပါတယ်။

ဒီသောက်စရာထဲမှာ ပါဝင်တဲ့ ချီယာစေ့က စုပ်ယူအားကောင်းပြီး အမျှင်ဓာတ်များပါဝင်ကာ အရည်ထဲထည့်လိုက်ရင် ပွလာပါတယ်။

အစာချေစနစ်ကို ကောင်းမွန်စေပြီး အူထဲက ကောင်းကျိုးပြုဘက်တီးရီးယားများကို အားဖြည့်စေပါတယ်။

အူကျန်းမာရေးကို ကောင်းမွန်စေတာက အစာချေစနစ်ကို မြှင့်တင်ပေးတာတော့ မဟုတ်ပါဘူး။

ခန္ဓာကိုယ်ထဲမှာ ဒီအလုပ်တွေက အလိုအလျောက်လုပ်ဆောင်နေတာဖြစ်ပြီး အစာမြန်မြန်ကြေအောင် ထိန်းချုပ်လို့မရပါဘူး။

အချို့လူတွေက ဝမ်းချုပ်သက်သာတာနဲ့ အစာချေစနစ်ကောင်းတာကို ရောထွေးနေတတ်ကြပါတယ်။

သောက်သုံးနည်းပုံစံကတော့..

- ရေတစ်ဖန်ခွက်

- ချီယာစေ့ ထမင်းစားဇွန်း ၂ ဇွန်း၊ သံပယိုသီး ၁ လုံး အရည်ညှစ်ထည့်

- ဆားကို လက်ဘက်ရည်ဇွန်း ၈ ပုံ ၁ ပုံထည့်

- မွှေပြီးတော့ ချီယာစေ့က ရေကိုစုပ်ယူသွားအောင် ၁၅ မိနစ်ခန့်ထား

- နောက်တစ်ခါမွှေပြီး သောက်ပါ

နောက်ပိုင်းကျရင်တော့ ချီယာစေ့ကို တဖြည်းဖြည်းချင်း များများထည့်နိုင်ပါတယ်။

ချီယာစေ့ ၂ ဇွန်းမှာ အမျှင်ပမာဏ ၁၀ ဂရမ်မျှပါဝင်ပြီး လူကြီးများအနေနဲ့ တစ်နေ့ကို ၁၀ ဂရမ်မျှ သောက်သုံးနိုင်ပါတယ်။

ဒီအရည်ထဲမှာ ကျန်းမာစေတဲ့ ပါဝင်ပစ္စည်းများပါဝင်ပေမယ့် ရေကိုသံပယိုသီးနဲ့ ဖျော်သောက်တာကတင် အစာချေစနစ်ကို ကောင်းမွန်စေပါတယ်။

သံပယိုရော၊ ချီယာစေ့ရော ထည့်သောက်နိုင်ပေမယ့် အနည်းငယ်သာထည့်ဖို့ အကြံပေးထားပါတယ်။

Source: The Jerusalem Post
#Yangon_Media_Group

#Local_News
Published _13 September 2022

မိုင်းဆွဲတိုက်ခိုက်ခံရတဲ့ မွန်ပြည်နယ် ရေးမြို့ အောင်မင်္ဂလာ လူမှုကူညီရေးအသင်းယာဉ်မောင်းရဲ့ လည်ပင်းနဲ့ မျက်စိမှာ စိုက်ဝင်နေတဲ့ မိုင်းစတွေကို ခွဲစိတ်ရဖို့ ရှိနေပါတယ်။

#Yangon_Media_Group

#World_Technology
Published 13 September 2022

ဗင်နီဇွဲလားမှ ရုပ်ရှင်ထုတ်လုပ်သူလည်းဖြစ်၊ ပြိုင်ကားဝါသနာရှင်လည်းဖြစ်၊ စားသောက်ဆိုင်ပိုင်ရှင်လည်းဖြစ်တဲ့ လူတစ်ဦးဟာ ဆိုလာစွမ်းအင်အသုံးပြုတဲ့ မော်တော်ကားများကို ထုတ်လုပ်နိုင်ခဲ့ပြီး မကြာခင် အများအပြားထုတ်လုပ်နိုင်ဖို့ မျှော်လင့်နေပါတယ်။

#Yangon_Media_Group

Published 13 Sept 2022

ရာဖလီတိုက်ဂျက်လေယာဉ်အပါအဝင်  ပြင်သစ်စစ်လေယာဉ်အချို့ဟာ တနင်္လာနေ့က အင်ဒိုနီးရှားရဲ့ လေပိုင်နက်ထဲမှာ သရုပ်ပြပျံသန်းပြပါတယ်။ ဒီလေယာဉ်တွေကို အင်ဒိုနီးရှားက ဝယ်ယူထာတာဖြစ်ပြီး ရောက်ရှိမယ့်ရက်ကို စောင့်ဆိုင်းနေတာ ဖြစ်ပါတယ်။

ရာဖလီတိုက်လေယာဉ်သုံးစင်ဟာ ဂျာဗားနှင့် ဆုမတ်တြာ ကျွန်းတွေအကြား ဆန်ဒါရေလက်ကြား အပေါ်ကနေ ဝေဟင်ပေါ်မှာ သိုလှောင်ကန် သယ်ယူပို့ဆောင်ရေးလေယာဉ်ထံမှ လေယာဉ်ဆီတွေကို ဖြည့်တာကိုလက်တွေ့ပြသခဲ့ပါတယ်။

ပြင်သစ်လေယာဉ်တွေဟာ မြောက်ပိုင်းဩစတြေလျမှာ ၂၀၂၂ ခုနှစ် ပစ်ချ်ဘလက် နိုင်ငံစုံလေ့ကျင့်ခန်းမှာ ပါဝင်ခဲ့ပြီး အင်ဒိုနီးရှားမှာ ခရီးတစ်ထောက်နားခဲ့တာပါ။

အင်ဒိုနီးရှားဟာ ပြင်သစ်နှင့် စာချုပ်တစ်ုချုပ်ဆိုခဲ့ပြီး အဲဒီစာချုပ်ထဲမှာ အာရှပစိဖိတ်မှာ ပြင်သစ်နှင့် စစ်ရေးဆက်ဆံရေး အင်အားကောင်းအောင် နှင့် ရာဖလီစစ်လေယာဉ် ၄၂စင်းကို ဝယ်ယူမှုလည်းပါဝင်ပါတယ်။ အဲဒီအပြင် အင်ဒိုနီးရှားဟာ A-400 သယ်ယူပို့ဆောင်ရေးလေယာဉ်နှစ်စင်းကိုလည်း မှာထားပါတယ်။

“ ဒီကိုလာတာဟာ အင်ဒိုပစိဖိတ်အတွက် ပြင်သစ်ရဲ့ မဟာဗျူဟာ အစိတ်အပိုင်းတစ်ခုအဖြစ်ပါ။ ကျွန်တော်တို့က Airbus A330) MRTTs တွေသုံးပြမယ်။ ရာဖလီတွေသုံးပြမယ်။ A-400 သုံးပြမယ်။ ဒါဟာ ကျွန်တော်တို့ရဲ့လေတပ်ဟာ ကမ္ဘာအထိ ရောက်ရှိနေတာပဲဖြစ်တယ်” လို့ ပြင်သစ်လေတပ်က လေတပ်ဦးစီးချုပ် ဗိုလ်ချုပ် စတီဖင်းဂရိုအင်ကပြောပါတယ်။

“ဒီလို အဆင့်မြင့်ကိရိယာတွေပြသတာဟာ တည်ငြိမ်တဲ့ ကမ္ဘာကြီးတစ်ခုအတွက် အတူတကွလုပ်ဆောင်ဖို့ ဘုံဆန္ဒတစ်ခုဆိုတာ ရှင်းနေပါတယ်။ တရားဥပဒေစိုးမိုးရေးနှင့် လွတ်လပ်စွာရေကြောင်းသွာလာရေးအခြေခံတဲ့ အင်ဒိုပစိဖိတ် မြော်မြင်မှုတစ်ခုကို အင်ဒိုနီးရှားနှင့်ပြင်သစ်တို့ အတူတကွမျှဝေကြတာဖြစ်တယ် “ လို့ အင်ဒိုနီးရှားနိုင်ငံဆိုင်ရာ ပြင်သစ်သံအမတ် အိုလီဗှယာချမ်ဘတ်က ပြောပါတယ်။

“အင်ဒိုနီးရှားရဲ့ကာကွယ်ရေးကို တောင့်တင်းခိုင်မာအောင် ရာဖလီဂျက် (၆)စင်းနှင့် A-400 နှစ်စင်းတို့ကို ပြင်သစ်က ဝယ်ယူဖို့ ကျွန်တော်တို့ မကြာသေးခင်က နှစ်နိုင်ငံလက်မှတ်ရေးထိုးခဲ့ပါတယ်”လို့ အင်ဒိုနီးရှား ဒုတိယကာကွယ်ရေးဝန်ကြီး မူဟာမက် ဟာရင်ဒရာ ကပြောပါတယ်။

“ ဥရောပမှာဖြစ်နေတဲ့ ယူကရိန်းနှင့်ရုရှား ပဋိပက္ခဟာ ကျွန်တော်တို့လုံခြုံရေးကိုခြိမ်းခြောက်မှုတည်ရှိနေတယ်ဆိုပြီး ကျွန်တော်တို့ကို သတိပေးခေါင်းလောင်းထိုးလိုက်တာပဲ။ အဲဒါကြောင့် အင်ဒိုနီးရှားလုံခြုံရေးကိုပိုမိုအားကောင်းအောင် ကျွန်တော်တို့ အခြားနည်းလမ်းတွေ အမြဲရှာကြံနေတာဖြစ်တယ်” လို့ သူကဆက်ပြောလိုက်ပါတယ်။

Source AFP

#Rafale_fighter_jets

#Indonesia_France_Airforce_ties

#Indonesia_Defense

#Local_News
Published_ 13 September 2022

အခုရက်ပိုင်းအတွင်း ပုဂံဒေသမှာ မိုးရွာသွန်းမှုတွေကြောင့် ပုဂံဘုရားနဲ့ရှေးဟောင်းအဆောက်အအုံအချို့ မိုးရေစိမ့်တာ၊ မုခ်ကပ်အနည်းငယ်ပဲ့ကျတာတွေ ဖြစ်ပေါ်ခဲ့တယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာန(ပုဂံဌာနခွဲ)မှ သိရပါတယ်၊၊

#Yangon_Media_Group

#Local_News
Published _ 13 September 2022

၂၀၂၂-၂၀၂၃ ဘဏ္ဍာနှစ် ငါးလအတွင်း ပြည်ပကို လက်ခစား CMP စနစ်နဲ့ချုပ်ပြီး အထည်တင်ပို့မှုကနေ အမေရိကန်ဒေါ်လာသန်း(၁၅၀၀) ကျော်ရရှိခဲ့တယ်လို့ မြန်မာနိုင်ငံအထည်ချုပ်လုပ်ငန်းရှင်များ အသင်းဆီက သိရပါတယ်။

#Yangon_Media_Group

#Local_News
Published - 13 September 2022

မြန်မာ-တရုတ်နယ်စပ် ကုန်သွယ်ရေးကို တရုတ်ယွမ်ငွေနဲ့ ပြန်လည်အသုံးပြုခွင့်ပေးထားတယ်လို့ သတင်းတွေထွက်ပေါ်နေတာဖြစ်ပါတယ်။ ဒါဟာ တရားဝင်စာမထွက်ထားသေးဘူးလို့ မူဆယ်ဆန်စပါးကုန်စည်ဒိုင်ကနေ သိရပါတယ်။

#Yangon_Media_Group

#DailyNews
Published _ 13 September 2022

၁။ မြန်မာ-တရုတ်နယ်စပ်ကုန်သွယ်ရေး ယွမ်ငွေပြန်လည်အသုံးပြုခွင့် တရားဝင် စာမထွက်သေးဟုဆို

၂။ ငါးလအတွင်း အထည်တင်ပို့မှု ဒေါ်လာသန်း ၁၅၀၀ ကျော်ရရှိ

၃။ မိုးရေကြောင့် ပုဂံဘုရားအချို့ မိုးရေစိမ့်ခြင်းနှင့်မုခ်ကပ်အနည်းငယ်ပဲ့ကျခြင်းများဖြစ်ပေါ်

၄။ လျှပ်စစ်ဓာတ်အားနှင့် လောင်စာဆီပြတ်လတ်နေသည့် ဗင်နီဇွဲလားနိုင်ငံတွင် ဆိုလာစွမ်းအင်သုံးကားတီထွင်ထုတ်လုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published _13 September 2022

လူ ၂၂ ယောက်ကို ကိုက်ထားတဲ့ ခွေးရူးရဲ့ ဦးခေါင်းကို မြို့နယ် ကျန်းမာရေးဦးစီးဌာနကို ပေးပို့ထားတယ်လို့ သိရပါတယ်။

#Yangon_Media_Group

#Local_News
Published _13 September 2022

ရှမ်းပြည်နယ်မြောက်ပိုင်း၊ မူဆယ်မြို့သိန်းသန်းချီ ကားကြီးကွင်းထဲမှ ကမ္ဘောဇဘဏ်ခွဲ (၃) ကိုရှိ ကမ္ဘောဇဘဏ်ခွဲ (၃)ကို ယနေ့ စက်တင်ဘာလ ၁၃ ရက် မွန်းလွဲပိုင်းက လက်နက်ကိုင်တစ်စုဝင်ပစ်၍ ၃ ဦးသေ ဆုံးကာ ၁ ဦးဒဏ်ရာရကြောင်း ဒေသခံ သတင်းရင်းမြစ်များထံမှ သိရသည်။

အဆိုပါ ပစ်ခတ်ခံရသူ (၄) ဦးမှာ ဘဏ် လုံခြုံရေးယူထားသူများ ဖြစ်ကြောင်း၊ ယခုအခါ ထိခိုက်ဒဏ်ရာရရှိသူနှင့် သေဆုံးသူများကို လူမှုရေးပရဟိတအသင်း၏ ယာဉ်ဖြင့် လာရောက် သယ်ဆောင်သွားကြကြောင်း၊

အဆိုပါ ဖြစ်စဉ်၏ CCTV မှတ်တမ်း ရုပ်သံတစ်ခုတွင် မော်တော်ဆိုင်ကယ်တစ်စီးကို လူနှစ်ဦးစီးလာကာ ဘဏ်ရှေ့ရှိ လုံခြုံရေးတာဝန်ကျသူများဟု ယူဆရသူများအား ဆိုင်ကယ်ပေါ်ကဆင်းကာ သေနတ်ဖြင့် ပစ်လိုက်ရာ နေရာ၌ပင် လဲကျသွားသည်ကို တွေ့ရသည်။

photo-CJ
#ymg/mt
#Yangon_Media_group

#Local_News
Published _ 13 September 2022

စင်ကာပူနိုင်ငံတွင် အလုပ်ရမည်ဟုဆိုကာ ပြည်ပအလုပ်အကိုင်အေဂျင်စီအချို့၏ နာမည်များသုံး၍ ငွေလိမ်လည်မှုတွေရှိနေကြောင်း အလုပ်သမားအရေး လှုပ်ရှားသူတွေထံမှ သိရသည်။

စင်ကာပူတွင် အလုပ်ရမည်ဟုဆိုကာ လူတစ်ဦးလျင် ဝန်ဆောင်ခ ကျပ်သိန်း ၆၀ နီးပါး တောင်းယူလိမ်လည်နေခြင်းဖြစ်ကြောင်း ၎င်းတို့က ဆိုထားသည်။

"မိန်းကလေးတွေရော၊ ယောကျာ်းလေးတွေရော အလိမ်ခံနေရတာ တော်တော်များတယ်။ ပွဲစားကနေ ချိတ်ပြီးဖြစ်နေတာ။ ဝန်ဆောင်ခကို စာချုပ်စာတမ်းနဲ့ပေးတာပဲ။ တကယ်တော့ သူတို့ပေးလိုက်တဲ့ဟာက အေဂျင်စီမဟုတ်ဘဲ အလိမ်အညာဖြစ်နေတာ။ ပိုက်ဆံပေးပြီးမှ မသွားရတာတွေ အများကြီး"ဟု ရွှေ့ပြောင်းအလုပ်သမားအရေး ကူညီနေသူများထံမှ သိရသည်။

စင်ကာပူနိုင်ငံဟာ မြန်မာလုပ်သား အများဆုံးသွားရောက်သည့် နိုင်ငံများအနက် တစ်နိုင်ငံဖြစ်ပြီး ကိုဗစ်ကပ်ရောဂါကာလအလွန်တွင် သွားရောက်လုပ်ကိုင်သူအများဆုံး နိုင်ငံတစ်ခုလည်း ဖြစ်သည်။

သွားရောက်လုပ်ကိုင်လိုသူများသလို လိမ်လည်တာလည်း များနေကြောင်း ပြည်ပအလုပ်အကိုင်အေဂျင်စီတချို့မှ ဆိုထားသည်။

"ခေါ်တာတော့ ခေါ်တယ်။ အရေအတွက် အကန့်အသတ်ရှိတယ်။ ဒါကို အခွင့်ကောင်းယူပြီး လိမ်နေတာတွေက ပိုများနေတယ်"ဟု ပြည်ပအလုပ်အကိုင်အေဂျင်စီ လုပ်ငန်းရှင်တစ်ဦးက ပြောသည်။

စင်ကာပူနိုင်ငံတွင် မြန်မာလုပ်သား တစ်သိန်းနီးပါးရောက်ရှိနေကြောင်းလည်း သိရှိရသည်။

စင်ကာပူ၌ အလုပ်လုပ်လိုသူများ အနေဖြင့် ချိတ်ဆက်ထားသည့် အေဂျင်စီဟာ တရားဝင်ရပ်တည်လုပ်ကိုင်မှု ရှိ၊ မရှိ အရင်လေ့လာရန်လိုအပ်ကြောင်း ပြည်ပအလုပ် အကိုင် အေဂျင်စီများမှ တိုက်တွန်းထားရှိသည်။

#ymg/NN
#Yangon_Media_Group

#Local_News
Published _13 September 2022

ရန်ကုန်သို့လိုက်ပါမည့် ဘင်္ဂါလီတစ်ဦးအား ခေါ်ဆောင်လာသူတစ်ဦးနှင့်အတူ စစ်တွေလေဆိပ်၌ စက်တင်ဘာလ ၁၂ ရက်ကတွင် ဖမ်းမိခဲ့ကြောင်း သိရသည်။

အပြည်ပြည်ဆိုင်ရာ မြန်မာ့လေကြောင်းလိုင်းဖြင့် ရန်ကုန်မြို့သို့လိုက်ပါရန်လေယာဉ်ကွင်း၌ လေဆိပ်တာဝန်ရှိသူများက မှတ်ပုံတင်များစစ်ဆေးစဉ် ဖမ်းဆီးရမိခဲ့ခြင်းဖြစ်ကြောင်း ရခိုင်ပြည်နယ် အစိုးရက ထုတ်ပြန်ထားသည်။

မှတ်တင်ပုံတင်များစစ်ဆေးစဉ် ရန်ကုန်တိုင်းဒေသကြီး ဒဂုံမြို့သစ်(ဆိပ်ကမ်း)မြို့နယ်နေသူ အသက် ၅၁ နှစ်အရွယ် ဒေါ်သန်းနုချေ နှင့် ၇ခိုင်ပြည်နယ်၊ စစ်တွေမြို့နယ်၊ အမြင့်ကျွန်းကျေးရွာနေသူအသက် ၂၄ နှစ်အရွယ် မသီတာတို့ ၂ ဦး ကိုင်ဆောင်လာသည့် မှတ်ပုံတင်များမှာ အခြားသူတစ်ဦး၏ ကတ်ပြားများကို ငှားရမ်းကိုင်ဆောင်လာကြောင်း သံသယရှိသဖြင့် ဆက်လက်စစ်ဆေးခဲ့ရာ အထက်ပါအတိုင်း အမှုပေါ်ပေါက်ခဲ့ခြင်း ဖြစ်ကြောင်း သိရသည်။

ဒေါ်သန်းနုချေမှာ ပေါက်တောမြို့နယ်၊ နန်းရောင်ကျေးရွာရှိ သားဖြစ်သူ ညီညီစိုးအား ခေါ်ယူရန် ရန်ကုန်မှ စစ်တွေသို့ စက်တင်ဘာလ ၂ ရက်တွင် ရောက်ရှိခဲ့ပြီး စစ်တွေမြို့၊ စက်ရုံစုရပ်ကွက်ရှိ တူမတော်စပ်သူ၏ နေအိမ်၌ တည်းခိုနေထိုင်ခဲ့ကြောင်း၊ စစ်တွေမြို့၌ တည်းခိုနေထိုင်စဉ် ယခင်ကသိကျွမ်းခဲ့သည့် မူဟာမတ်ရော်ဖီး အုန်းတောကြီး(တောင်) ကျေးရွာနေထိုင်သူမှ ၎င်း၏တူမဖြစ်သူ မအယ်စမာဘီဘီအား ဆေးကုသနိုင်ရေး ရန်ကုန်မြို့သို့ ခေါ်ဆောင်ပေးပါက လေယာဉ်လက်မှတ် ကုန်ကျစရိတ်နှင့် ပို့ဆောင်ခအဖြစ် စရံငွေ ၅ သိန်းကျပ် ပေးမည်ဖြစ်ပြီး ဆေးကုသပြီးနောက် စစ်တွေမြို့သို့ ပြန်လည်ရောက်ရှိပါက ငွေ ၅ သိန်းကျပ် ထပ်မံပေးမည်ပြောဆိုသဖြင့် ဒေါ်သန်းနုချေက ရန်ကုန်တွင် ၎င်းနှင့်အတူ နေထိုင်သည့်သားဖြစ်သူ ဘိုမင်းစိုး၏ ဇနီး မသီတာ မှတ်ပုံတင်ဖြင့် ဘူးသီးတောင်မြို့နယ်၊ ဖုံညိုလိပ်ရွာနေသူ အသက် ၁၄ နှစ် အရွယ် မအယ်စမာဘီဘီ အား ရန်ကုန်သို့ ခေါ်ဆောင်ခြင်းဖြစ်ကြောင်း သိရသည်။

ယခုအခါ ၎င်းတို့ ၂ ဦးကို စစ်တွေမြို့မရဲစခန်းတွင် ဖမ်းဆီးချုပ်နှောင်ထားပြီး ဥပဒေနှင့်အညီ အမှုဖွင့်အရေးယူရန် ဆောင်ရွက်လျက်ရှိကြောင်း သိရသည်။

#ymg/mt
#Yangon_Media_Group