#World_Health
Published 13 September 2022

ကလေးငယ်တွေ မနက်စာမလွတ်တမ်းစားသင့်တဲ့အကြောင်း လေ့လာကြရာ မနက်စာမစားတဲ့ကလေးတွေဟာ စိုးရိမ်ပူပန်ခြင်း၊ ကိုယ့်ကိုယ်ကိုတန်ဖိုးမထားခြင်း၊ စိတ်ခံစားချက်မကောင်းခြင်းစတဲ့ အပြုအမူဆိုးများပေါ်ပေါက်လာနိုင်ချေ ၃ ဆပိုများနေပါတယ်။

သုတေသီတွေက စပိန်မှ အသက် ၄ နှစ်နဲ့ ၁၄ နှစ်ကြားကလေး ၃,၇၀၀ ကို စစ်တမ်းကောက်ယူပြီး မနက်စာစားတဲ့အကျင့်က သူတို့ရဲ့စိတ်ကျန်းမာရေးကို ဘယ်လောက်အထိသက်ရောက်လဲဆိုတာကို လေ့လာခဲ့ကြပါတယ်။

ဒါ့အပြင် အပြင်ဆိုင်တွေမှာ မနက်စာစားတာကလည်း အိမ်မှာစားတာထက် စိတ်ကျန်းမာရေးအခြေအနေ ပေါ်ပေါက်နိုင်ချေရှိနေကြောင်း တွေ့ရှိခဲ့ပါတယ်။

မနက်စာမစားတဲ့အခါ ကလေးတွေက တစ်နေ့လုံးအားအင်လုံလောက်စွာ မရရှိတော့ပါဘူး။

ဒီလိုအခြေအနေမျိုးမကြုံရအောင် ကလေးတွေအနေနဲ့ နေ့စဉ်မနက်စာစားသုံးသင့်တယ်လို့ ဒေါက်တာ'ဟိုဆေးဖရန်ဆစ္စကိုလိုပက်ဇ်ဂီလ်'က ဖော်ပြခဲ့ပါတယ်။

'လိုပက်ဇ်ဂီလ်'က အိမ်မှာပဲ အဟာရပြည့်ဝတဲ့မနက်စာစားသုံးခြင်းက အဓိကအချက်ဖြစ်ကြောင်း၊ ဆိုင်တွေမှာစားသုံးခြင်း၊ အချို့သောအစားအစာများကို စားသုံးခြင်းတိုကလည်း ကလေးတွေမှာ လူမှုပေါင်းသင်းဆက်ဆံရေးပြဿနာများ ဖြစ်နိုင်ချေနဲ့ဆက်စပ်နေကြောင်း ပြောပြခဲ့ပါတယ်။

ကလေးတွေရဲ့မိဘတွေကို သူတို့ကလေးတွေ မနက်စာစားတဲ့ပုံစံ၊ အစားအစာတွေအကြောင်း မေးမြန်းပြီးနောက် သူတို့ရဲ့ အပြုအမူ ပေါင်းသင်းဆက်ဆံရေးအခြေအနေကိုလည်း မေးမြန်းခဲ့ကြပါတယ်။

အသက်အရွယ်၊ ကျား/မ၊ ဒေသနေရာ စတဲ့အချက်အလက်တွေနဲ့ မပတ်သက်အောင်လည်း မှတ်တမ်းတင်ခဲ့ကြပါတယ်။

ထိုအခါ မနက်စာမစားတဲ့ကလေးတွေက စားတဲ့ကလေးတွေထက် အမူအရာမမှန်တဲ့ပြဿနာမျိုးဖြစ်နိုင်ချေ ၃.၂၉ ဆပိုများနေခဲ့ကာ ဆိုင်တွေမှာ စားလေ့ရှိတဲ့ ကလေးတွေကတော့ ၂.၀၆ ဆ ပိုများပါတယ်။

စားသောက်ဆိုင်တွေမှာ မနက်စာစားတာက ကျန်းမာရေးနဲ့မညီညွတ်တာကြောင့် ဒီလိုပြဿနာဖြစ်နိုင်ကြောင်း ယူဆနေကြပါတယ်။

စားတဲ့အမျိုးအစားတွေအရ ပေါင်မုန့်မီးကင်၊ အဟာရကွေကာတိုက ဒီလိုပြဿနာဖြစ်နိုင်ချေ ၃၁ ရာခိုင်နှုန်းပိုများကာ ကြက်ဥ၊ ချိစ်၊ အသားပြားတွေမပါဘဲစားသောက်ရင်တော့ မူမမှန်တဲ့ပြဿနာဖြစ်နိုင်ချေ ၄၄ ရာခိုင်နှုန်းလျော့နည်းပါတယ်။

ဒါ့အပြင် မနက်စာကို အိမ်မှာစားဖို့တိုက်တွန်းတာကလည်း ကျန်းမာစေမယ့်နည်းလမ်းဖြစ်ပါတယ်။

ကလေးတွေမှာ စိတ်ကျန်းမာရေးပြဿနာလျော့ကျစေဖို့ ကာဗိုဟိုက်ဒရိတ်နဲ့ နို့ထွက်ပစ္စည်းစားသုံးသင့်ပေမယ့် အဆီများတဲ့ ဝက်ပေါင်ခြောက်၊ ကြက်ဥတို့ကို မစားသင့်ပါဘူး။

Source: The Jerusalem Post
#Yangon_Media_Group

#World_Art
Published 12 September 2022

ပြင်သစ်နိုင်ငံပဲရစ်မြို့ နိုထာဒမ်းဘုရားကျောင်းရဲ့ ပန်းချီကားကြီး ၂၂ ချပ်ကို ပြန်လည်ပြုပြင်မွမ်းမံရန်အတွက် လူအများအပြားက အချိန်မီအောင် ကြိုးပမ်းဆောင်ရွက်နေကြရပါတယ်။

#Yangon_Media_Group

#Local_News
Published-12 September 2022

လက်ရှိပြည်ပကို ပဲတင်ပို့မှုအခြေအနေမှာ လက်ကျန်ပဲတွေကိုသာ တင်ပို့နေရတာဖြစ်တယ်လို့ မြန်မာနိုင်ငံပဲမျိုးစုံ၊ ပြောင်းနှင့်နှမ်းကုန်သည်များအသင်းကနေ သိရပါတယ်။

#Yangon_Media_Group

Published 12 Sept 2022

မြောက်ကိုးရီးယားခေါင်းဆောင် ကင်မ်ဂျုန်းအန်က နိုင်ငံရဲ့ နျူကလီးယားနိုင်ငံအဆင့်အတန်းဟာ နောက်ပြန်လှည့်သွားလို့ မရတော့ဘူးလို့ ပြောလိုက်ပါတယ်။

ပြုံးယမ်းဟာ သမားရိုးကျတိုက်ခိုက်မှုနှင့်ရင်ဆိုင်နေရတာတွေပါ အပါအဝင် တိုက်ခိုက်မှုတွေရှိလာတဲ့အခါ ကာကွယ်မှုအရ နျူကလီးယားတိုက်ခိုက်မှုပြုလုပ်ဖို့ အဆင်သင့်ဖြစ်စေရေး ကြေညာတဲ့ ဥပဒေတစ်ခု အတည်ပြုပြီးနောက် သူက ယင်းကဲ့သို့ ပြောကြားခဲ့ခြင်းဖြစ်ပါတယ်။

သောကြာနေ့က မြောက်ကိုရီးယား နိုင်ငံပိုင်မီဒီယာ KCTVက  ထုတ်လွှင့်တဲ့ သူ့ရဲ့ မိန့်ခွန်းမှာ သူက “ နျူကလီးယားအင်အား မူဝါဒကို ဥပဒေအဖြစ်ပြဋ္ဌာန်းလိုက်ခြင်းကြောင့် ကျွန်တော်တို့နိုင်ငံကို နျူကလီးယားလက်နက်နိုင်ငံအဖြစ် အဆင့်အတန်းကို ‌မပြောင်းလဲနိုင်တော့ပါဘူး” လို့ ထည့်သွင်းပြောကြားခဲ့ပါတယ်။

Source AFP/KCTV

#Kim_Jong_Un

#Nuclear_state

#North_Korea

#Local_News
Published _ 12 September 2022

ပြီးခဲ့တဲ့ ၂၀၂၁ ခုနှစ်ရဲ့ မိုးသီးနှံနှင့်ဆောင်းသီးနှံစိုက်ပျိုးရာသီတွင် စစ်ကိုင်းတိုင်းဒေသကြီးအတွင်း ပဲပုပ်ဧက ၃၇၀၀ ကျော်စိုက်ပျိုးခဲ့ပြီး ယခုနှစ် ဆောင်းသီးနှံစိုက်ပျိုးရာသီမှာတော့ ပဲပုပ်ဧက ၁သောင်းအထိ စိုက်ပျိုးသွားမှာဖြစ်တယ်လို့ စစ်ကိုင်းတိုင်းဒေသကြီး၊ စိုက်ပျိုးရေးဦးစီးဌာနမှ သိရပါတယ်။

#Yangon_Media_Group

#Local_News
Published - 12 September 2022

လာမယ့် သီတင်းကျွတ်လဆန်းပိုင်းလောက်ကစပြီး ကျိုက်ထီးရိုး၊ စားသောက်တန်းရှိ စားသောက်ဆိုင်၊ ထမင်းဆိုင်နဲ့အခြားဆိုင်းခန်းပေါင်း(၁၀၀)ကျော်ကို ပြန်ဖွင့်သွားဖို့ရှိတယ်လို့ ကျိုက်ထီးရိုးရှိစားသောက်ဆိုင်ပိုင်ရှင် ဦးကြည်လွင်ထံမှ သိရပါတယ်၊၊

#Yangon_Media_Group

#Local_News
Published _ 12 September 2022

ထိုင်းနိုင်ငံတောင်ပိုင်း၊ ကော့စမွေကျွန်းမှာရှိတဲ့ ဇိမ်ခံဟိုတယ် (Chaweng Blue Lagoon The Teak Wing) မှာ ထိုင်းဘတ် ၁၄ သန်းနီးပါး တန်ဖိုးရှိတဲ့ပစ္စည်းတွေအခိုးခံရတဲ့ကိစ္စမှာ မြန်မာနိုင်ငံသား ၃ ယောက် ဖမ်းဆီးစစ်ဆေးခံနေရပါတယ်။

#Yangon_Media_Group

#DailyNews
Published _ 12 September 2022

၁။ ကျိုက်ထီးရိုးရှိ စားသောက်ဆိုင်နှင့် ထမင်းဆိုင်များ ပြန်ဖွင့်ရန်ပြင်ဆင်နေ

၂။ စစ်ကိုင်းတိုင်းဒေသကြီးအတွင်း ယခုနှစ်ဆောင်းသီးနှံစိုက်ပျိုးရာသီတွင် ပဲပုပ်ဧက ၁သောင်း တိုးချဲ့စိုက်ပျိုးသွားမည်

၃။ လက်ကျန်ပဲများကိုသာ ပြည်ပသို့တင်ပို့နေရဟုဆို

၄။ နိုထာဒမ်းဘုရားကျောင်းမှ ပျက်စီးသွားသောပန်းချီပိတ်ကားများအား အချိန်မီပြီးစီးအောင် မွမ်းမံလျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published 12 Sept 2022

ရှမ်းပြည်နယ်( အရှေ့ပိုင်း)တာချီလိတ်မြို့တွင် မိုးများ အဆက်မပြတ်ရွာသွန်းမှုကြောင့် ယနေ့နံနက် အစောပိုင်း ၅ နာရီအချိန်ခန့်မှစ၍ ရေများတဖြည်းဖြည်းပြန်လည် မြင့်တက်လျက်ရှိပြီး ယခုအချိန်၌ စိုးရိမ်ရေမှတ်အထက်ကျော်လွန်လျက်ရှိနေပါတယ်။

#Yangon_Media_Group

#Local_News
Published-12 Setember 2022

မြို့တွင်းပြေးဆွဲနေသည့် YBS ယာဉ်လိုင်းများမှ ယာဉ်စီးခပိုမိုကောက်ခံသည့် ယာဉ်အစီးရေ ၅၃၉ စီးကို အရေးယူဆောင်ရွက်ထားကြောင်း ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီမှ သိရသည်။

သတ်မှတ်ထားသည့် ယာဉ်စီးခထက် ပိုမိုကောက်ခံသည့် ယာဉ်လိုင်းပေါင်း ၁၅ လိုင်းမှ ယာဉ်အစီးရေ ၅၃၉ စီးကို CNG ထုတ်ယူခွင့် သုံးလ၊ ခြောက်လ နှင့် ၅၀၀ အထက်တောင်းသည့် ပြစ်မှုနှင့် ယာဉ်အကူပါရှိသည့်ယာဉ်လိုင်းကို CNG ထုတ်ယူခွင့် တစ်နှစ်ပိတ်သိမ်းထားကြောင်း သိရသည်။

“ ယာဉ်စီးခပိုတောင်းတဲ့ယာဉ်လိုင်းတွေကို ထိရောက်စွာအရေးယူဆောင်ရွက်နေပါတယ်။ တိုင်ကြားတဲ့ ခရီးသည်တွေလည်းရှိပါတယ်။ ယာဉ်စီးခကို တိုးမြှင့်ကောက်ခံခွင့်မပြုထားပါဘူး။ ကျွန်တော်တို့အဖွဲ့တွေကလည်း ရှောင်တခင်စစ်ဆေးမှုတွေ ပြုလုပ်ပါတယ်”ဟု ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီမှ တွဲဖက်အတွင်းရေးမှူး ဦးလျန်ကျင့်မာန်က ပြောသည်။

ရန်ကုန်မြို့တွင်း၌ နေ့စဉ်ယာဉ်လိုင်းပေါင်း ၁၁၆ လိုင်း၊ ယာဉ်အစီးရေ ၃၂၅၀ စီးပုံမှန်ပြေးဆွဲပေးနေပြီး ခရီးသည် ၁၃ သိန်းဝန်းကျင်ကို နေ့စဉ်ပို့ဆောင်ပေးနေကြောင်း သိရသည်။ ယင်းအပြင် YPS ကတ်စနစ်ဖြင့် စိးနင်းသူခရီးသည်ဦးရေဟာ ငါးသောင်းပတ်ဝန်းကျင်ရှိပြီး တိုးတက်လာကြောင်း သိရသည်။

ဆက်လက်၍ YPS ကတ်ဖြင့် ယာဉ်စီးခပေးချေသည့်အခါတွင် ယခင်လို ဂိတ်စ-ဂိတ်လယ်-ဂိတ်ဆုံး မှတ်တိုင်သတ်မှတ်သည့် ဖြတ်ပိုင်းခရိးစဉ်နှင့်မကောက်ခံတော့ဘဲ စီးနင်းသည့် မှတ်တိုင်အရေအတွက်ကိုသာ အခြေခံကောက်ခံသည့်စနစ်ကို စမ်းသပ်ဆောင်ရွက်နေကြောင်းလည်းသိရသည်။

#Ymg/STH
#Yangon_Media_Group

#Local_News
Published_ 12 September 2022

နိုင်ငံတကာလုပ်သားများ ရွှေ့ပြောင်းသွားလာခြင်း စီမံခန့်ခွဲမှုဆိုင်ရာ ငါးနှစ် စီမံချက်ကို ဆက်လက်အကောင်အထည်ဖော်နေမှုကို နေပြည်တော်မှာ ဆွေးနွေးခဲ့ကြောင်း သိရပါတယ်။

အလုပ်သမားဝန်ကြီးဌာနနှင့် IOM တို့ ပူးပေါင်းဆောင်ရွက်ခဲ့သည့် နိုင်ငံတကာလုပ်သားများ ရွှေ့ပြောင်းသွားလာခြင်း စီမံခန့်ခွဲမှုဆိုင်ရာ အမျိုးသား (၅) နှစ်တာ လုပ်ငန်း စီမံချက် (၂၀၁၃-၂၀၁၇) ကို ရေးဆွဲအကောင်အထည်ဖော် ဆောင်ရွက်ခဲ့ပြီး (၂၀၁၈-၂၀၂၂) ငါးနှစ်စီမံချက်ကို ဆက်လက်အကောင်အထည်ဖော် ဆောင်ရွက်နေတာဖြစ်ပါတယ်။

အလုပ်သမားဝန်ကြီးဌာနဝန်ကြီး ဒေါက်တာပွင့်ဆန်းသည် ရွှေ့ပြောင်းသွားလာ နေထိုင်ခြင်းဆိုင်ရာ နိုင်ငံတကာအဖွဲ့အစည်း (IOM) မှ Chief of Mission ဖြစ်သူ Mr. Dragan Aleksoski အား စက်တင်ဘာ ၁၂ ရက် နံနက်ပိုင်းတွင် နေပြည်တော်၌ လက်ခံ တွေ့ဆုံစဉ်ဆွေးခဲ့တာြဖစ်ပါတယ်။

ထို့ပြင် ကိုဗစ်-၁၉ ကပ်ရောဂါကြောင့် ဆောင်ရွက်ဆဲ လုပ်ငန်းအစီအစဉ်များ ဆိုင်းငံ့ခဲ့ရ၍ ဆက်လက် အကောင်အထည်ဖော် ဆောင်ရွက်ရန် ကျန်လုပ်ငန်းများလည်း ဆွေးနွေးခဲ့ပါတယ်။

ရွှေ့ပြောင်းသွားလာမှု များပြားသည့် ဒေသများတွင် အလုပ်အကိုင် အခွင့်အလမ်း များ ဖော်ထုတ်၍ စွန့်ဦးတီထွင် လုပ်ငန်းများအတွက် လိုအပ်တဲ့ ကျွမ်းကျင်မှုနှင့် အသိပညာများ ဖြန့်ဖြူးပေးနိုင်ရေး အသိပညာပေးအစီအစဉ်များကို အလုပ်သမားဝန်ကြီးဌာနနှင့် IOM ရုံးတို့ ပူးပေါင်းဆောင်ရွက်မည့် ကိစ္စရပ်များလည်း ပါဝင်တယ်လို ဆိုပါတယ်။

#ygm_mnn
#Yangon_Media_Group

#Local_News
Published - 12 September 2022

ကာကွယ်၍ရသည့် ကင်ဆာရောဂါများအကြောင်း သိရှိပြီး ကြိုတင်ကာကွယ်နိုင်ရန်"သက်ကြီးကင်ဆာကာကွယ် ရေးနှင့်စောတွေ့ရေး" အွန်လိုင်းအလုပ်ရုံဆွေးနွေးပွဲကို ရွှေရောင်နှင်းဆီကင်ဆာ ဖောင်ဒေးရှင်းမှလာမယ့်အောက်တိုဘာလ(၁)ရက်တွင် ကျင်းပသွားမည်ဖြစ်ကြောင်းသိရသည်၊၊

အဆိုပါ အလုပ်ရုံဆွေးနွေးပွဲတွင် သက်ကြီးရွယ်အိုများတွင် ဖြစ်ပွားနိုင်သည့် ကင်ဆာရောဂါများအကြောင်း၊ ကင်ဆာရောဂါလက္ခဏာများ၊ကြိုတင်ကာကွယ်နိုင်မည့် အကြောင်းအရာများကို Zoom meeting ဖြင့် ဆွေးနွေးပွဲ ပြုလုပ်သွားမည်ဖြစ်သည်၊၊

"ကင်ဆာသည် အသက်ကြီးလာတဲ့အခါမှာ ကင်ဆာပိုအဖြစ်များလာတယ်၊၊ ကာကွယ်လိုရတယ်၊၊ ငယ်စဥ်ကတည်းက ဘဝတစ်လျှောက်လုံးမှာ ကျန်းမာရေးနဲ့ညီညွတ်တဲ့နေထိုင်မှုပြုမယ်ကျင့်ကြံလုပ်ကိုင်စားသောက်နေထိုင်တယ်ဆိုရင် ကင်ဆာအချိုကိုတော့ ကာကွယ်လို့ရတယ်၊၊ ဒါပေမယ့်အချို့က ကာကွယ်လိုမရဘူး၊၊ ကာကွယ်လို့မရတာ(ကင်ဆာ) တွေစောသိမှဖြစ်ပါမယ်၊၊ ဒါကြောင့်မိုလို့ "သက်ကြီးကင်ဆာကာကွယ် ရေးနှင့်စောတွေ့ရေး" အလုပ်ရုံဆွေးနွေးပွဲကို ကျင်းပသွားမှာဖြစ်ပါတယ်၊၊ ရည်ရွယ်ချက်ကတော့ မိသားစုဗဟိုပြုကာကွယ်ဖို့၊ စောတွေ့ဖို့နဲ့ကုသဖိုဖြစ်ပါတယ်"လို့ ရွှေရောင်နှင်းဆီကင်ဆာ ဖောင် ဒေးရှင်းဥက္ကဌ ကင်ဆာအထူးကုသမားတော်ကြီး ပါမောက္ခဒေါ်ရင်ရင်ထွန်းက YMG ကို ပြောသည်၊၊

"သက်ကြီးကင်ဆာကာကွယ်ရေးနှင့် စောတွေ့ရေး" အွန်လိုင်းအလုပ်ရုံဆွေးနွေးပွဲတွင် ရွှေရောင်နှင်းဆီကင်ဆာဖောင်ဒေးရှင်းနာယက သမားတော်ကြီး ပါမောက္ခဒေါ်မာလာသန်းက အဖွင့်အမှာစကားပြောကြားမည်ဖြစ်ပြီး သွေးရောဂါအထူးကုသမားတော်ကြီးပါမောက္ခ ဒေါက်တာရဲမြက သက်ကြီးကင်ဆာဇီဝဖြစ်စဥ်၊ သက်ကြီးကင်ဆာကာကွယ်ရေးခေါင်းစဥ်ဖြင့်လည်းကောင်း၊ ရွှေရောင်နှင်းဆီကင်ဆာ ဖောင် ဒေးရှင်းဥက္ကဌ ကင်ဆာအထူးကုသမားတော်ကြီး ပါမောက္ခဒေါ်ရင်ရင်ထွန်းက သက်ကြီးကင်ဆာစောတွေ့ရန် စစ်ဆေးခြင်း ခေါင်းစဥ်ဖြင့်လည်းကောင်း၊ ပါမောက္ခဦးမြင့်ဟန်က ကျန်းမာစွာအသက်ရှည်ခြင်းစသည့် ခေါင်းစဥ်ဖြင့်လည်းကောင်းဆွေးနွေးကြမည် ဖြစ်သည်၊၊

ယင်းဆွေးနွေးပွဲကို ကိုယ်တိုင်ကင်ဆာအကြောင်း သိရှိလိုသည့် သက်ကြီးရွယ်အိုများ၊ မိသားစုအတွင်း ဘိုးဘွား ၊မိဘနှင့်သက်ကြီးရွယ်အိုများရှိသည့် လူငယ်လူရွယ်များ တက်ရောက်ပါဝင်ဆွေးနွေးသင့်သည်ဟု ရွှေ ရောင်နှင်းဆီကင်ဆာ ဖောင် ဒေးရှင်းဥက္ကဌ ကင်ဆာအထူးကုသမားတော်ကြီး ပါမောက္ခဒေါ်ရင်ရင်ထွန်း ကအကြံပြုပြောကြားထားသည်၊၊

တက်ရောက်ပါဝင် ဆွေးနွေးလိုသူများရွှေ ရောင်နှင်းဆီကင်ဆာ ဖောင် ဒေးရှင်း၊ ရုံးဖုန်း၀၉ ၂၅၀၅၀ ၇၀၈၃ (သိုမဟုတ်)၀၉ ၂၅၀၅၀၇၀၈၄သို ဆက်သွယ်စာရင်းပေးသွင်းရမည်ဖြစ်ပြီး အောက်တိုဘာလ(၁)ရက် မွန်းလွဲ ၁း၀၀နာရီမှ ၃း၀၀နာရီအတွင်းအွန်လိုင်းအလုပ်ရုံဆွေးနွေးပွဲကျင်းပသွားမည်ဖြစ်ကြောင်းသိရသည်၊၊

#ymg/tthl
#Yangon_Media_Group