#Health_Matters
Published - 4 Feb 2023

- Lipids ကို အချို့ အလှကုန်ပစ္စည်းတွေမှာ တွေ့ရတဲ့အတွက် အရေပြားထိန်းသိမ်းရေးအပါအဝင် ခန္ဓာကိုယ်အတွက် ဘယ်လိုအကျိုးရှိနေသလဲ။ ဘာတွေရောသတိထားသင့်သလဲ??

#Yangon_Media_Group

#Local_News
Published_4 February 2023

၂၀၂၃ ခုနှစ်ရဲ့ ဇန်နဝါရီလမှာ ပြည်ပကို ဆန်နဲ့ ဆန်ကွဲတင်ပို့မှုဟာ မက်ထရစ်တန်ချိန် ၂၆၀၀၀၀ ကျော်တင်ပို့ခဲ့ပြီး ပြီးခဲ့တဲ့ ၂၀၂၂ ခုနှစ် ဒီဇင်ဘာလထက် တင်ပို့မှုမြင့်တက်ခဲ့တယ်လို့ မြန်မာနိုင်ငံဆန်စပါးအဖွဲ့ချုပ်ကနေ သိရပါတယ်။

#Yangon_Media_Group

#Health_Matters
Published - 4 Feb 2023

- Lipids ဟာ လူသားတစ်ဦးကျန်းမာရေးအတွက် ဘယ်လောက်အရေးပါသလဲ??

#Yangon_Media_Group

#DailyNews
Published_ 4 February 2023

၁။ ဒီဇင်ဘာလအတွင်း ပြည်ပသို့ ဆန်၊ ဆန်ကွဲ မက်ထရစ်တန်ချိန် ၂၂၀၀၀၀ ကျော်တင်ပို့ခဲ့

၂။ City Taxi အဖြစ် အစီးရေ ၁၀၀ ကျော် လာရောက်မှတ်ပုံတင်ထား

၃။ အကြောင်းအမျိုးမျိုးကြောင့် သေဆုံးသွားသူများ၏ ဖြစ်စဉ်များကိုစာနာစိတ်ဖြင့် မျှဝေကြရန်လိုဟုဆို

၄။ လာဖိုလ်ဂျူနီဂန္တဝင်ဂီတပွဲအား ပြင်သစ်နိုင်ငံနန့်စ်မြို့ရှိ ရထားပေါ်တွင် ဖျော်ဖြေကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Health_Matters
Published - 4 Feb 2023

- ပထမဆုံးအနေနှင့် ခန္ဓာတည်ဆောက်မှုမှာ ပါဝင်တဲ့ Lipids အဆီဓာတ်တွေရဲ့လုပ်ဆောင်မှုအကြောင်းရှင်းပြစေချင်ပါတယ်??

#Yangon_Media_Group

#Local_News
Published_4 February 2023

နစက ဦးတည်ချက်(၁၂)ရပ်တွင် တည်ငြိမ်အေးချမ်းရေး၊ တရားဥပဒေစိုးမိုးရေးနှင့် လမ်းပန်းဆက်သွယ်မှု လုံခြုံချောမွေ့စေရေးအချက်ပါဝင်လာကြောင်း နစက သတင်းထုတ်ပြန်ရေးအဖွဲ့၏ ထုတ်ပြန်ချက်အရ သိရသည်။

မူလက ဦးတည်ချက် (၉) ရပ်သာရှိသော်လည်း ဖေဖော်ဝါရီလ ၃ ရက်တွင် အသစ် ထပ်မံ ထုတ်ပြန်ရာတွင် အထက်ပါအတိုင်း ပါဝင်လာခြင်းလည်း ဖြစ်သည်။

ယခင် ဦးတည်ချက် ၉ ရပ် ၏ ၁။ နိုင်ငံရေးခေါင်းစဉ်တွင် (က) စစ်မှန်၍စည်းကမ်းပြည့်ဝသော ပါတီစုံဒီမိုကရေစီစနစ်ကို တရားမျှတမှုအပြည့်ကျင့်သုံးပြီး ဒီမိုကရေစီနှင့် ဖက်ဒရယ် စနစ်ကို အခြေခံသည့်

ပြည်ထောင်စုကို တည်ဆောက်နိုင်ရေး

(ခ) တစ်နိုင်ငံလုံးထာဝရငြိမ်းချမ်းရေးရရှိရေးအတွက် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA)ပါအတိုင်း အလေးထားလုပ်ဆောင်ရေး(ဂ) လွတ်လပ်၍တက်ကြွပြီး ဘက်မလိုက်သော နိုင်ငံခြားရေးမူဝါဒကို ကျင့်သုံးပြီး နိုင်ငံများအကြား ငြိမ်းချမ်းစွာ အတူ ယှဉ်တွဲနေထိုင်ရေး“မူ”ကို ဆက်လက်လိုက်နာကျင့်သုံးရေး တို့ ပါဝင်ပြီး ယခု အသစ်ပြောင်းလဲသော ဦးတည်ချက် ၁၂ ရပ် ၏ ၁။ နိုင်ငံရေးခေါင်းစဉ်တွင် အဆိုပါ မူလ သုံးချက်လုံးတူညီကာ အသစ်အနေဖြင့်

(ဂ) လွတ်လပ်၍တက်ကြွပြီး ဘက်မလိုက်သော နိုင်ငံခြားရေးမူဝါဒကို

ကျင့်သုံးပြီး နိုင်ငံများအကြား ငြိမ်းချမ်းစွာအတူယှဉ်တွဲနေထိုင်ရေး “မူ”ကို ဆက်လက် လိုက်နာကျင့်သုံးရေး။(ဃ) ပြည်ထောင်စုတစ်ဝန်း တည်ငြိမ်အေးချမ်းရေး၊ တရားဥပဒေစိုးမိုးရေးနှင့် လမ်းပန်းဆက်သွယ်မှု လုံခြုံချောမွေ့စေရေး။ ဟူသော အချက် အသစ်များကို ထည့်သွင်းထားခြင်း ဖြစ်သည်။

ယင်းအပြင် ယခင် ဦးတည်ချက် ၉ ရပ် ၏ ၂။စီးပွားရေးခေါင်းစဉ်တွင်(က) စိုက်ပျိုးရေးနှင့် မွေးမြူရေးကိုအခြေခံသည့် ကုန်ထုတ်လုပ်မှုကို ခေတ်မီနည်းစနစ်များဖြင့် ပိုမိုဖွံ့ဖြိုးတိုးတက်အောင် ဆောင်ရွက်ပြီး အခြားစီးပွားရေးကဏ္ဍများကိုလည်း ဘက်စုံဖွံ့ဖြိုးတိုးတက်အောင် တည်ဆောက်ရေး( ခ ) ဈေးကွက်စီးပွားရေးစနစ် တည်ငြိမ်အောင်ဖော်ဆောင်ပြီး နိုင်ငံတကာရင်းနှီးမြှုပ်နှံမှုများကို ဖိတ်ခေါ်၍ တိုင်းရင်းသား ပြည်သူတစ်ရပ်လုံး၏ စီးပွားရေးဖွံ့ဖြိုးတိုးတက်အောင် တည်ဆောက်ရေး ဟူ၍ ဖော်ပြထားပြီး အသစ်ထုတ်ပြန်သော ဦးတည်ချက် ၁၂ ရပ် ၏ ၂။စီးပွားရေးခေါင်းစဉ်၏(က)(ခ)တို့မှာ မူလအတိုင်း ဖြစ်ကာ (ဂ) ပြည်တွင်းစီးပွားရေးလုပ်ငန်းများကို အားပေးကူညီပြီး နိုင်ငံတော်၏ ထုတ်ကုန်များစွာထုတ်လုပ်နိုင်သည့် အလုပ် အကိုင်အခွင့်အလမ်းများ ဆောင်ရွက်ဖော်ဆောင်ရေးဆိုသော နေရာတွင် (ဂ)ပြည်တွင်းစီးပွားရေးလုပ်ငန်းများကို အားပေးကူညီပြီး နိုင်ငံတော်၏ ထုတ်ကုန်များစွာ ထုတ်လုပ်နိုင်သည့် အလုပ်အကိုင်အခွင့်အလမ်းများ ဆောင်ရွက်ဖော်ဆောင်ရေး၊ ဆိုသော အချက် နေရာတွင် ( ဂ ) သွင်းကုန်အစားထိုးရန်နှင့် ပို့ကုန်မြှင့်တင်နိုင်ရေး ဒေသထွက်ကုန်ကြမ်းများကို အခြေခံသည့် အသေးစား၊ အငယ်စား၊ အလတ်စား စီးပွားရေးလုပ်ငန်း (MSME)များကို ရေရှည်အာမခံချက်ရှိအောင် အားပေးကူညီပြီး နိုင်ငံတော်၏ ထုတ်ကုန်များစွာ ထုတ်လုပ်နိုင်သည့် အလုပ်အကိုင် အခွင့်အလမ်းများ ဆောင်ရွက်ဖော်ဆောင်ရေးဟူ၍ကို အစားထိုးထားကြောင်း သိရသည်။

၎င်းအပြင် (ဃ) တိုင်းပြည်သာယာဝပြောရေးနှင့် စားရေရိက္ခာဖူလုံရေးတို့အတွက် ပြည်သူ့ လူမှုစီးပွားဘဝ ဖွံ့ဖြိုးတိုးတက်အောင် ဆောင်ရွက်ရေးဆိုသည့် အချက်တစ်ခုထပ်မံ ဖြည့်စွက်ထားသေးကြောင်းလည်း နစက ၏ ထုတ်ပြန်ချက်တွင် ဖော်ပြထားသည်။

မူလ ဦးတည်ချက်(၉)ရပ် ၏ ၃။ လူမှုရေးခေါင်းစဉ်တွင် (က) စစ်မှန်သောမျိုးချစ်စိတ်ဓာတ်ဖြစ်သည့် ပြည်ထောင်စုစိတ်ဓာတ် ရှင်သန်ထက်မြက်ရေး (ခ) တိုင်းရင်းသားလူမျိုးအပေါင်းတို့၏ ဓလေ့ထုံးတမ်းအစဉ်အလာများကို လေးစားလိုက်နာပြီး အမျိုးသားယဉ်ကျေးမှု စရိုက်လက္ခဏာများ မပျောက်ပျက်အောင် ထိန်းသိမ်းစောင့်ရှောက်ရေး (ဂ) တစ်မျိုးသားလုံး ကျန်းမာကြံ့ခိုင်ရေးနှင့် ပညာရည်မြင့်မားရေး ဟု ပါဝင်သော်လည်း ယခု အသစ်ဖြစ်သည့် ဦးတည်ချက်(၁၂)ရပ်၏ ၃။ လူမှုရေး ခေါင်းစဉ်တွင် (က) စစ်မှန်သောမျိုးချစ်စိတ်ဓာတ်ဖြစ်သည့် ပြည်ထောင်စုစိတ်ဓာတ် ရှင်သန် ထက်မြက်ရေး။(ခ) တိုင်းရင်းသားလူမျိုးအပေါင်းတို့၏ ဓလေ့ထုံးတမ်းအစဉ်အလာများကို လေးစား လိုက်နာပြီး အမျိုးသားရေးစိတ်ဓာတ်ကိုအခြေခံသည့် .. ကိုးကွယ်ယုံကြည်မှု၊ ယဉ်ကျေးမှု၊ အမျိုးသားရေးစရိုက်လက္ခဏာများ မပျောက်ပျက်အောင် ထိန်းသိမ်း စောင့်ရှောက်ရေး။(ဂ) နိုင်ငံ၏အခြေခံကျန်းမာရေးစောင့်ရှောက်မှုကို ပိုမိုခိုင်မာအောင်တည်ဆောက်၍ တစ်မျိုးသားလုံး သက်ရှည်ကျန်းမာသည့် ကျန်းမာရေးစနစ်ဖြစ်ပေါ်လာရေး။(ဃ) ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်တည်ဆောက်ရေးအတွက် လိုအပ်သည့် လူ့စွမ်းအားအရင်းအမြစ်များမွေးထုတ်နိုင်ရန် ဘက်စုံပညာရေး ကဏ္ဍမြှင့်တင်ရေး ဆိုသော အချက်များ ပါဝင်ကြောင်း သိရသည်။

အလားတူ နစက အနေဖြင့် ရှေ့လုပ်ငန်းစဉ်(၅)ရပ်တွင် မူလက(၁) ပြည်ထောင်စုရွေးကောက်ပွဲကော်မရှင်ကို ပြန်လည်ဖွဲ့စည်းပြီး မဲစာရင်းများ စစ်ဆေးခြင်းများအပါအဝင် လုပ်ဆောင်သင့်၊ လုပ်ဆောင်ထိုက်သည်များကို ဥပဒေနှင့်အညီ ဆက်လက်လုပ်ဆောင်သွားမည်။(၂) လတ်တလောဖြစ်ပွားနေဆဲဖြစ်သည့် COVID-19 ကပ်ရောဂါကာကွယ် ရေးလုပ်ငန်းများကို အရှိန်အဟုန်မပျက် ထိထိရောက်ရောက် ဆက်လက် ဆောင်ရွက်သွားမည်။(၃) COVID-19 ကပ်ရောဂါကြောင့် ထိခိုက်ခဲ့သည့်စီးပွားရေးလုပ်ငန်းများကို ဖြစ်နိုင်သမျှနည်းလမ်းများဖြင့် အမြန်ဆုံးကုစားသွားမည်။ (၄) တစ်နိုင်ငံလုံး ထာဝရငြိမ်းချမ်းရေးရရှိရေးအတွက် တစ်နိုင်ငံလုံးပစ်ခတ် တိုက်ခိုက်မှုရပ်စဲရေးသဘောတူစာချုပ် (NCA) ပါ သဘောတူညီချက်များ အတိုင်း ဖြစ်နိုင်သမျှအလေးထားလုပ်ဆောင်သွားမည်။(၅) အရေးပေါ်ကာလဆိုင်ရာ ပြဋ္ဌာန်းချက်များနှင့်အညီ ဆောင်ရွက်ပြီးစီးပါက ဖွဲ့စည်းပုံအခြေခံဥပဒေ (၂၀၀၈ ခုနှစ်)နှင့်အညီ လွတ်လပ်ပြီး တရားမျှတ သောပါတီစုံဒီမိုကရေစီအထွေထွေရွေးကောက်ပွဲအား ပြန်လည်ကျင်းပ၍ အနိုင်ရသည့်ပါတီအား ဒီမိုကရေစီစံနှုန်းများနှင့်အညီ နိုင်ငံတော်တာဝန် အား လွှဲအပ်နိုင်ရေး ဆက်လက်ဆောင်ရွက်သွားမည် ဟု ပါရှိသော်လည်း ယခု အသစ်ထုတ်ပြန်ရာတွင် နံပါတ်(၄)နှင့်(၅)သာ တူညီပြီး ကျန်သည့် နံပါတ်(၁)(၂)(၃)တို့ကို ပြောင်းလဲထားသည်။

မူလ နံပါတ်(၁)(၂)(၃) နေရာတွင် ၁။ ပြည်သူတို့၏ လူမှုစီးပွားဘဝလုံခြုံရေးအတွက် ပြည်ထောင်စုတစ်ဝန်းလုံး တည်ငြိမ် အေးချမ်းရေးနှင့် တရားဥပဒေစိုးမိုးရေး အပြည့်အဝရရှိစေရန် အလေးထား လုပ်ဆောင်မည်။၂။ တိုင်းပြည်သာယာဝပြောရေးနှင့်စားရေရိက္ခာဖူလုံရေးအတွက် ပြည်သူလူထု ဗဟိုပြုဖွံ့ဖြိုးရေးလုပ်ငန်းများကို လူမှုစီးပွားဘဝဖွံ့ဖြိုးတိုးတက်စေရန် ဆောင်ရွက် သွားမည်။၃။ စစ်မှန်စည်းကမ်းပြည့်ဝသည့် ပါတီစုံဒီမိုကရေစီစနစ် ခိုင်မာစေရေးနှင့်ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေး လုပ်ငန်းစဉ်များကို ဆက်လက်ဆောင်ရွက်သွားမည် ဟူသော အကြောင်းအရာများကို အစားထိုးထားခြင်းလည်း ဖြစ်ကြောင်းသိရသည်။

#ymg/mt
#Yangon_Media_Group

#Local_News
Published_4 February 2023

ရခိုင်ပြည်နယ်တောင်ပိုင်း၊ သံတွဲမြို့တွင် ဆင်စခန်းတစ်ခုကို ဇန်နဝါရီလ ၂ ရက် နံနက်က ထပ်မံဖွင့်လှစ်ခဲ့သောကြောင့် ယခင်က "တလယ်နယ်ဆင်စခန်း"နှင့်ဆိုပါက သံတွဲမြို့နယ်အတွင်း ဆင်စခန်းနှစ်ခု ရှိလာပြီ ဖြစ်ကြောင်း သိရသည်။

အသစ် ဖွင့်လှစ်လိုက်သည့် ဆင်စခန်းအမည်မှာ "စာနီတောင်"ဆင်စခန်းဖြစ်ပြီး သံတွဲသစ်ထုတ်လုပ်ရေးအနီးတွင် တည်ရှိကာ သံတွဲမြို့ အထွက်၊ ငပလီမြို့နှင့် (၆)မိုင်အကွာ သံတွဲ-ဂွ ကားလမ်းမကြီးဘေး၊ မြေအကျယ် ၄ ဒသမ ၃၆ ဧက ပေါ်တွင် ဖွင့်လှစ်ထားခြင်းဖြစ်ကြောင်း သိရသည်။

ဆင်စခန်းဖွင့်ချိန်မှာ နံနက် ၈ နာရီမှ နံနက် ၁၁ နာရီထိ တစ်ကြိမ်၊ ညနေ ၂ နာရီမှ ညနေ ၄ နာရီထိ တစ်ကြိမ် ပိတ်ရက်မရှိ ဖွင့်လှစ်ပေးမည် ဖြစ်ကြောင်း သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ မြန်မာ့သစ်လုပ်ငန်းက သိရသည်။

ပလီကမ်းခြေသို့ အပန်းဖြေ အနားယူရန်လာရောက်သည့် ပြည်တွင်း၊ပြည်ပခရီးသွား ဧည့်သည်များအားအမှီပြု၍ သဘာဝအခြေခံ ခရီးသွားလုပ်ငန်းတစ်ခုဖွံ့ဖြိုးလာစေရန်ရည်ရွယ်ဖွင့်လှစ်ခြင်း ဖြစ်ကြောင်း၊ ဆင်စခန်းသို့လာရောက် အပန်းဖြေအနားယူလိုသူများအနေဖြင့် စခန်းအတွင်းဝင်ကြေး ပြည်တွင်း လူတစ်ဦးလျှင်တစ်ထောင်ကျပ်၊ နိုင်ငံခြားသားတစ်ဦးလျှင် တစ်သောင်းခွဲကျပ်၊ ဆင်စီးမည့်သူများအတွက် လူတစ်ဦး လျှင် ငါးထောင်ကျပ်၊ ဆင်စာကျွေးလိုသူများ အနေဖြင့် အစာတစ်ဗန်းလျှင် သုံးထောင်ကျပ် သတ်မှတ်ထားကြောင်းလည်း သိရသည်။

#ymg/mt
#Yangon_Media_Group

#Local_News
Published_4 February 2023

သုဝဏ္ဏတံတားအဆင်းတွင် မီးပွိုင့်မိ၍ ရပ်နေသည့် အိမ်စီးကားမောင်းနှင်သူအား အမည်မသိအမျိုးသား (၂) ဦးမှ ဓားဖြင့်ထိုးသည့် ဖြစ်စဉ်ဖြစ်ပွားခဲ့ကြောင်း မိုးစေတနာပရဟိတအသင်းမှ သိရသည်။

အဆိုပါဖြစ်စဉ်သည် ယနေ့ ဖေဖော်ဝါရီ (၄) ရက် နေ့လယ်ပိုင်းတွင် ဖြစ်ပွားခဲ့ခြင်းဖြစ်ကြောင်းသိရသည်။

“ကျွန်တော်တို့ဆီကို ကားတိုက်မှုဖြစ်ပြီးတော့ ဓားနဲ့ထိုးသွားတယ်လို့ သိရတာပေါ့။ ရောက်သွားတဲ့အချိန်မှာ ဘေးကလူတွေပြောတဲ့အရပေါ့ ကားတစ်စီးနဲ့လာတယ်၊ ဓားနဲ့ထိုးပြီးထွက်ပြေးသွားတယ်ပေါ့ နှစ်ယောက်ကပေါ့နော်။ အထိုးခံရတဲ့သူကိုလည်း မီးပွိုင့်မှာဈေးရောင်းတယ့်သူတွေက တက္ကစီတစ်စီးကိုအကူအညီတောင်းပြီးစံပြဆေးရုံကို ပိုပေးလိုက်တယ်ပေါ့။ ဒါကဈေးသည်တွေရဲ့ ပြောပြချက်အရ သိရတာပေါ့”ဟု မိုးစေတနာပရဟိတအသင်းမှ တာဝန်ရှိသူတစ်ဦးက ပြောသည်။

ဓားဖြင့်ထိုးခဲ့သည့် အမျိုးသား (၂) ဦးမှာ အိမ်စီးကား၏သော့အား ရိုက်ချိုးဖျက်ဆီးသွားခဲ့သဖြင့် တာဝန်ရှိသူများမှ ကရိန်းကားဖြင့် အိမ်စီးကားကို ဆွဲသွားခဲ့ရကြောင်း သိရသည်။ လက်ရှိတွင်လည်း ဓားဖြင့်ထိုးခံရသည့် မိသားစုဝင်များနှင့် အဆက်အသွယ်ရပြီဖြစ်ကြောင်း သိရသည်။

crd-Than Htike Aung

#ymg/sth
#Yangon_Media_Group

#Asia_Politics
Published 4 February 2023

တောင်ကိုရီးယားမှ နာမည်ပျက်နိုင်ငံရေးသမားဟောင်း'ချိုကု'ဟာ သူ့ကလေးတွေရဲ့ ကျောင်းဝင်ခွင့်အတွက် စာရွက်စာတမ်း အတုပြုလုပ်ခဲ့တာကြောင့် ‌သောကြာနေ့က ထောင်ဒဏ် ၂ နှစ်ချမှတ်ခံလိုက်ရပါတယ်။

သူ့ရဲ့လုပ်ရပ်ကြောင့် နိုင်ငံရေးကွဲလွဲမှုတွေ ဖြစ်လာစေပြီး လူငယ်မဲဆန္ဒရှင်တွေ စိတ်ပျက်စရာ ဖြစ်ခဲ့ရပါတယ်။

ဥပဒေရေးရာပရော်ဖက်ဆာလည်းဖြစ်တဲ့ ချိုကုက ရာထူးမှနှုတ်မထွက်ခင်မှာ သမ္မတဟောင်း'မွန်းဂျယ်အင်'ရဲ့ အဓိကလက်ထောက်ဖြစ်ခဲ့ပြီး ၂၀၁၉ ခုနှစ်က လာဘ်ပေးလာဘ်ယူမှု၊ စာရွက်စာတမ်းလိမ်လည်မှုအပါအဝင် အမှုတစ်ဒါဇင်ဖြင့် တရားစွဲခံခဲ့ရပါတယ်။

ယင်း၏သားနဲ့သမီးတို့ကို ဂုဏ်သိက္ခာရှိ အထက်တန်းကျောင်းနဲ့ တက္ကသိုလ်များသို့ တက်ရောက်နိုင်ရန်အတွက် စာရွက်စာတမ်းအတု ပြုလုပ်မှု၊ မွန်းဂျယ်အင်ရဲ့လူယုံတစ်ဦးပါဝင်တဲ့ အကျင့်ပျက်ခြစားမှုကို စုံစမ်းစစ်ဆေးမှုအတွင်း ဩဇာအာဏာသုံး၍ ဝင်ရောက်စွက်ဖက်နှောင့်ယှက်မှုတို့ဖြင့် ဆိုးလ်ဗဟိုခရိုင်တရားရုံးက ချိုကုကို စွဲချက်တင်ခဲ့ပါတယ်။

မွန်းဂျယ်အင်အစိုးရအဖွဲ့နဲ့ ဒီမိုကရက်တစ်ပါတီရဲ့ ဘက်မမျှတခြင်းနဲ့ အရေခြုံခြင်းတို့ကို မဲဆန္ဒရှင်တွေ စိတ်ပျက်လက်ပျက်ဖြစ်နေတဲ့အချိန်မှာ ချိုကုကျဆုံးလာခြင်းကလည်း မွန်းဂျယ်အင်အတွက် ထိုးနှက်ချက်ဖြစ်စေခဲ့ကာ တရားမျှတမှုနဲ့ ပြုပြင်ပြောင်းလဲရေးအတွက် တောင်းဆိုလာကြပါတယ်။

ထိုအချိန်က ချိုကုနဲ့ အခြားအကျင့်ပျက်ခြစားမှု အရှုပ်တော်ပုံတွေကို အစိုးရရှေ့နေချုပ်အဖြစ် စုံစမ်းစစ်ဆေးခဲ့တဲ့ 'ယွန်းဆော့ယောလ်'က အခုလက်ရှိသမ္မတဖြစ်လာခဲ့ပါတယ်။

ချိုကုက သူအမှားမလုပ်ဘူးလို့ ငြင်းဆိုလိုက်ကာ အယူခံဝင်ဖို့ဆုံးဖြတ်ခဲ့ပါတယ်။

ချိုကုရဲ့ဇနီးဖြစ်ပြီး တက္ကသိုလ်ပရော်ဖက်ဆာဖြစ်တဲ့ 'ချန်ကျန်ရှင်မ်'ဟာလည်း သားဖြစ်သူကို ဥပဒေကျောင်းတက်ရောက်နိုင်စေရန်နဲ့ သမီးဖြစ်သူကို 'ဆေးကျောင်းတက်စေနိုင်ရန် ချိုကုနဲ့ပူးပေါင်းကာ စာရွက်စာတမ်းများအသုံးချခဲ့ကြောင်း တရားရုံးက ပြောကြားလိုက်ပါတယ်။

ချန်ကျန်ရှင်မ်ကတော့ မိသားစုရေးရာအပေါ် မမှန်မကန်ပြုမှုများအတွက် ထောင်ဒဏ် ၄ နှစ်ကျခံထားပြီးဖြစ်ကာ သမီးဖြစ်သူကို ဆေးကျောင်းတက္ကသိုလ်က ဝင်ခွင့်ဖျက်သိမ်းခဲ့ပါတယ်။

ဒါ့အပြင်က ချိုကုက ဆေးကျောင်းထံမှ ပညာသင်ဆုအနေနဲ့ လာဘ်ယူခဲ့တာကြောင့် တရားရုံးက ဒဏ်ငွေဝမ် ၆ သန်းချမှတ်ခဲ့ပါတယ်။
ဒါ့အပြင် နိုင်ငံရေးအသိုင်းအဝိုင်းရဲ့ တောင်းဆိုချက်အရ သံသယဖြစ်ဖွယ်ကိစ္စရပ်များအား ပုံမှန်စစ်ဆေးပြုလုပ်ချက်မှာ ချိုကုက အာဏာအလွဲသုံးစားလုပ်ကာ ပိတ်ပင်ခဲ့တဲ့အတွက်လည်း တာဝန်အကျိုးဆက်တွေနဲ့ ရင်ဆိုင်နေရပါတယ်။

ချိုကုကို သမ္မတရွေးကောက်ခံတစ်ဦးအနေနဲ့ ယူဆခဲ့ကြပေမယ့် အဆိုပါဖြစ်ရပ်များကြောင့် တိုင်းပြည်အတွင်း အစွန်းနှစ်ဖက်ကွဲပြားစေခဲ့ကာ လူငယ်အများစုက သူ့ကိုထုတ်ပစ်ဖို့ တောင်းဆိုကြသလို ထောက်ခံသူတွေကတော့ ရှေ့နေတွေကို စွပ်စွဲခဲ့ကြပါတယ်။
သောကြာနေ့က တရားရုံးအပြင်ဘက်မှာ ဆန္ဒပြသူဒါဇင်ခန့်စုဝေးခဲ့ကြပြီး အချို့က ချိုကုကို ရှုတ်ချကြကာ အချို့ကတော့ ကာကွယ်ထောက်ခံခဲ့ကြပါတယ်။

Source: Reuters
#Yangon_Media_Group

#World_Health
Published 4 February 2023

အမေရိကန်မှာ အသက်အန္တရာယ်ရှိ မှိုရောဂါတစ်မျိုးပျံ့ပွားနေပြီး ဒါဟာ ရာသီဥတုပြောင်းလဲမှုကြောင့် ဖြစ်နိုင်တယ်လို့ သိပ္ပံပညာရှင်များ ယုံကြည်နေကြပါတယ်။

တုပ်ကွေးထက် ဆယ်ဆပိုပြီး အသက်အန္တရာယ်ရှိတဲ့ ဗယ်လီဖီဗာရောဂါဖြစ်ပွားမှုနှုန်းက အဆ ၂၀ မြင့်တက်လာပါတယ်။

Coccidioides လို့ခေါ်တဲ့ မှိုကြောင့် ရောဂါဖြစ်ပွားတာဖြစ်ပြီး မြေကြီးနှိုးဆွမိတဲ့အခါ လေထဲသို့ ပေါက်ဖွားနိုင်တဲ့အမှုန်တွေ လွင့်ထွက်လာပါတယ်။

ဒီအမှုန်တွေကို များသောအားဖြင့် ဆောက်လုပ်ရေးလုပ်သားတွေ ရှူရှိုက်မိကြပါတယ်။

ဒီမှိုက ပူနွေးခြောက်သွေ့တဲ့နေရာတွေမှာ ပေါက်ရောက်လေ့ရှိပြီး ကူးစက်မှု ၉၇ ရာခိုင်နှုန်းက အရီဇိုးနားနဲ့ ကယ်လီဖိုးနီးယားတို့မှာဖြစ်ခဲ့ပေမယ့် အခုဆိုရင် အခြားဒေသတွေကိုပါ စတင်ကူးစက်နေပြီဖြစ်ကာ ၂၁၀၀ ခုနှစ်မှာ ပြည်နယ် ၁၇ ခုအထိ ကူးစက်သွားမယ်လို့ မျှော်မှန်းထားပါတယ်။

HBO မှပြသတဲ့ The Last of Us ဇာတ်ကားမှာ မှိုတစ်မျိုးက ကူးစက်ခံရတဲ့လူတွေကို သွေးစုပ်ဖုတ်ကောင်ဇွန်ဘီတွေအဖြစ် ပြောင်းလဲစေခဲ့တာကြောင့် လူအများစိတ်ဝင်စားနေချိန်မှာ အခုလိုကူးစက်မှုတွေ မြင့်တက်နေတာဖြစ်ပါတယ်။

ဗယ်လီဖီဗာကတော့ ဇွန်ဘီအဖြစ် မပြောင်းလဲစေပေမယ့် အချို့လူတွေကို ဘေးအန္တရာယ်ဖြစ်စေကာ ကူးစက်သူ ၁၀၀ မှာ ၁ ယောက် သေဆုံးနိုင်ချေရှိပါတယ်။

မြေကြီးထဲကထွက်လာတဲ့ မှိုအမှုန်တွေကို လူတွေ သတ္တဝါတွေ ရှူရှိုက်မိတဲ့အခါ အသက်ရှူလမ်းကြောင်းကနေတဆင့် အဆုတ်ထဲကိုရောက်ရှိသွားကာ မျိုးပွားပြီး ရောဂါတွေဖြစ်လာစေပါတယ်။

ကူးစက်မှုအများစုကတော့ ရောဂါအပျော့စားသာခံစားရကာ ရက်ပိုင်းအတွင်း သက်သာသွားကြသလို သက်ရှိအချင်းချင်းမှ မကူးစက်နိုင်ပါဘူး။

တစ်ခါတရံမှာတော့ ညဘက်ချွေးပြန်ခြင်း၊ အဆစ်နာခြင်း၊ နီမြဲရောင်ရမ်းခြင်းတို့ ဖြစ်တတ်ပါတယ်။

၁၀ ရာခိုင်နှုန်းလောက်က ရောဂါပြင်းထန်တတ်ကာ သက်သာပျောက်ကင်းရန် လနဲ့ချီကြာတတ်ပါတယ်။

သွေးကြောထဲကနေ ဦးနှောက်၊ အရေပြား၊ အသည်းတို့ကို ရောက်သွားတတ်ပြီး ဦးနှောက်အမြှေးပါးနဲ့ အရည်တို့ကို ကူးစက်စေကာ ဦးနှောက်အမြှေးရောင်ရောဂါ ခံစားရတတ်ပါတယ်။

ရာသီဥတုပြောင်းလဲဖောက်ပြန်မှုများကြောင့် ထိုမှိုက ခြောက်သွေ့ရာ မြောက်ပိုင်းသို့ ကူးစက်လာနိုင်ကြောင်း GeoHealth ဂျာနယ်မှာ ဖော်ပြထားပါတယ်။

ဒီရောဂါက ကုသရခက်ခဲသလို ကာကွယ်ဆေးလည်း မရှိသေးပါဘူး။
ဗယ်လီဖီဗာကာကွယ်ဆေးကို ဆယ်စုနှစ်တိုင်အောင် တီထွင်ဖို့ကြိုးစားနေကြပေမယ့် ၁၉၈၀ ခုနှစ်တွေမှာ လူသားတွေနဲ့စမ်းသပ်ရာမှာ အဆင်မပြေခဲ့ပါဘူး။

Source: Daily Mail
#Yangon_Media_Group

#World_Health
Published 4 February 2023

အဆီဓာတ်များတဲ့ အစားအစာတွေကို ပုံမှန်စားသောက်ခြင်းဖြင့် ဦးနှောက်ကနေ ကယ်လိုရီထိန်းချုပ်နိုင်စွမ်းကို နိမ့်ပါးစေတယ်လို့ လေ့လာတွေ့ရှိထားပါတယ်။

ကြွက်တွေနဲ့ စမ်းသပ်မှုပြုလုပ်ခဲ့ရာမှာ အဆီဓာတ်များသော ဒါမှမဟုတ် ကယ်လိုရီများသော အစာကျွေးပြီးနောက် စားလိုက်တဲ့အစာကို ကယ်လိုရီမျှခြေဖြစ်အောင်ထိန်းညှိပေးတဲ့ ဦးနှောက်ရဲ့လုပ်ဆောင်ချက်ကို ကျဆင်းစေကြောင်း တွေ့ရှိခဲ့ပါတယ်။

ဦးနှောက်ရဲ့လုပ်ဆောင်ချက်တွေကို သိရှိနားလည်ခြင်းဖြင့် အဝလွန်ခြင်းကိုဖြစ်စေတဲ့ လွန်ကြူးစွာစားသောက်မိခြင်း အကြောင်းအရင်းတွေနဲ့ ဆေးကုသနည်းလမ်းများ တိုးတက်အောင် အကူအညီပေးနိုင်ဖွယ်ရှိပါတယ်။

အဝလွန်ခြင်းကနေ နှလုံးသွေးကြောရောဂါများ၊ ဆီးချိုရောဂါတို့ ဖြစ်ပွားနိုင်တာကြောင့် လူအများကျန်းမာရေးအတွက် သတိထားရမှာဖြစ်ပါတယ်။

အမေရိကန် ပန်စတိတ်ဆေးပညာကောလိပ်မှ ဒေါက်တာ'ကီယာစတင်းဘရောင်းနင်း'က ပြောကြားရာမှာ "ကယ်လိုရီဝင်ရောက်ခြင်းကို အက်စ်ထရိုဆိုက်တွေက ခဏတာထိန်းသိမ်းပေးပါတယ်၊ အက်စ်ထရိုဆိုက်တွေက အစာအိမ်ကိုထိန်းချုပ်ဖို့ရာ အချက်ပြလမ်းကြောင်းကို လှုံ့ဆော်ပေးပါတယ်၊ အဆီများတဲ့အစားအစာတွေကို ၄/၅ ရက်လောက် စားမိသွားရင် အက်စ်ထရိုဆိုက်တွေကို သက်ရောက်စေပါတယ်၊ ၁၀ ရက်ကနေ ၁၄ ရက်လောက်အထိ ဆက်တိုက်စားမိရင်တော့ အက်စ်ထရိုဆိုက်တွေက အလုပ်မလုပ်နိုင်တော့ဘဲ ကယ်လိုရီဝင်ရောက်မှု ထိန်းသိမ်းနိုင်စွမ်း ပျောက်ဆုံးသွားပါတယ်၊ ထိုအခါ အစာအိမ်သို့ အချက်ပြခြင်းကိုပါ အနှောင့်အယှက်ဖြစ်လာပြီး နှောင့်နှေးစေပါတယ်" လို့ ဆိုပါတယ်။

ပုံမှန်ဆိုရင် အစာခြေစနစ်ကနေ အစားအစာဖြတ်ဆင်းခြင်းကိုကြည့်ပြီး အစာအိမ်ပြည့်ပြီလား အစာမရှိဘူးလားဆိုတာကို တုန့်ပြန်စေပါတယ်။

အက်စ်ထရိုဆိုက်တွေ အလုပ်မလုပ်နိုင်တဲ့အခါ ထိုလုပ်ငန်းစဉ်ကြီး ထိခိုက်သွားပြီး အချက်ပြခြင်းနှောင့်နှေးသွားကာ အစာအိမ်ပြည့်လား မပြည့်လားဆိုတာကို မှန်ကန်အောင် သတင်းမပို့နိုင်တော့ပါဘူး။

ကြွက်တွေမှာ စမ်းသပ်ခဲ့တဲ့ရလဒ်တွေက လူတွေမှာလည်း အလားတူဖြစ်ပွားသလားဆိုတာကိုသိရဖို့ လူသားတွေနဲ့စမ်းသပ်ရဦးမှာဖြစ်ပါတယ်။

"အက်စ်ထရိုဆိုက်တွေ အလုပ်မလုပ်ဘဲ အချက်ပြခြင်းအားနည်းခြင်းကြောင့် အစားပိုစားမိတာလား ဒါမှမဟုတ် အစားပိုစားမိလို့ ဒီလိုဖြစ်ရတာလားဆိုတာကို သိရှိအောင် လေ့လာရဦးမှာပါ၊ ကယ်လိုရီထိန်းချုပ်နိုင်စွမ်း ပျောက်ဆုံးတာကို ပြန်လည်လှုံ့ဆော်ပေးဖို့ နည်းလမ်းရှိလားဆိုတာကိုလည်း သိချင်နေကြပါပြီ" လို့ ဒေါက်တာ'ကီယာစတင်းဘရောင်းနင်း'က ပြောကြားသွားပါတယ်။

Source: WION
#Yangon_Media_Group

#Local_News
Published_ 3 February 2023

စားဝတ်နေရေးခက်ခဲကြပ်တည်းနေတဲ့ အလွှာစုံက ဂီတလောကသားတွေကို စားနပ်ရိက္ခာတွေထောက် ပံ့ပေးနေတယ်လို့ မြန်မာနိုင်ငံဂီတအစည်းအရုံးဥက္ကဌ ဦးလွင်မြင့်က ပြောပါတယ်၊၊

#Yangon_Media_Group