#Local_News
Published_2 February 2023

ယခုဘဏ္ဍာနှစ်အတွင်း မြန်မာ-ဘင်္ဂလားဒေ့ရှ် နယ်စပ်ကုန်သွယ်ရေးမှ အမေရိကန်ဒေါ်လာ ၂၃ ဒသမ ၄၇ သန်းရရှိထားပြီး ယမန်နှစ်ထက် တစ်သန်းကျော်ပိုရရှိထားကြောင်း စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနက ဖော်ပြထားသည့် ကုန်သွယ်မှုစာရင်းများအရ သိရသည်။

ဘင်္ဂလားဒေ့ရှ်နယ်စပ်မှ အမေရိကန်ဒေါ်လာ ၂၅ ဒသမ ၁၇ သန်း ပို့ကုန်ဝင်ငွေ ရရှိထားပြီး သွင်းကုန်တင်သွင်းမှုမှ အမေရိကန်ဒေါ်လာ ၀ ဒသမ ၁၆ သန်းဝင်ငွေရရှိထားကြောင်း သိရသည်။

မြန်မာ-ဘင်္ဂလားဒေ့ရှ်နယ်စပ်ကုန်သွယ်ရေးစခန်းများဖြစ်တဲ့ စစ်တွေဂိတ်မှ အမေရိကန်ဒေါ်လာ ၁၀၂ ဒသမ ၂၀ သန်းဖြင့်အများဆုံးကုန်သွယ်မှုပြုလုပ်ထားပြီး ဒီဘဏ္ဍာနှစ်အတွင်း စစ်တွေနှင့် မောင်တောနယ်စပ် ကုန်သွယ်ရေးစခန်း နှစ်ခှမှ ရေထွက်ကုန်အများဆုံးတင်ပို့ခဲ့ခြင်းဖြစ်ကြောင်း သိရသည်။

အဆိုပါ ကုန်သွယ်ရေးစခန်းနှစ်ခုမှ ရေထွက်ကုန် ၆၅ ရာခိုင်နှုန်း၊ ကုန်ခြောက် ၃၅ ရာခိုင်နှုန်း တင်ပို့နေပြီး ရေထွက်ကုန်တင်ပို့မှုမှာ မွေးမြူရေးငါးမြစ်ချင်း၊ ငါးမုန့်မည်း၊ ငါးသလောက်၊ ငါးနီတူခြောက်နဲ့ ငါးမှုန့်ခြောက်များ ပါဝင်ပြီး ကုန်ခြောက်များတွင် မန်ကျည်းသီး၊ ချင်း၊ ကြက်သွန်၊ ထန်းလျက်အစရှိသည့် ကုန်ခြောက်များပါဝင်ကြောင်း သိရသည်။

#ymg/sth
#Yangon_Media_Group

#Local_News
Published_2 February 2023

ဗီယက်နမ်နှင့် မြန်မာပူးပေါင်း၍ မွေးရာပါ နှလုံးရောဂါကလေးလူနာ ၁၃ ဦးကို ခွဲစိတ်ရန်မလိုသောနည်းဖြင့် ကုသမှုအောင်မြင်ခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

ဗီယက်နမ်နိုင်ငံ ဟိုချီမင်းမြို့ Children Hospital-1 မှ ကလေးနှလုံးအထူးကုဆရာဝန် Dr. Do Nguyen Tin နှင့် ခုတင် ၅၅၀ ဆံ့ ကလေးဆေးရုံကြီး-ရန်ကုန် နှလုံးကုသ ဆောင်မှပါမောက္ခ(ကလေးနှလုံး) ဒေါက်တာခင်မောင်ဦး တို့ ဦးဆောင်သည့် ကလေးနှလုံးကုဆရာဝန်များ ပူးပေါင်း ၍ ပြီးခဲ့သည့်၂၀၂၂ ခုနှစ် ဒီဇင်ဘာလ ၁၅ ရက်မှ ၁၆ ရက်ထိ မွေးရာပါ နှလုံးရောဂါကလေးလူနာများအား ခွဲစိတ်ကုသရန်မလိုသော နည်းဖြင့် ကုသပေးခဲ့ကြခြင်းဖြစ်ကြောင်း သိရသည်။

အဆိုပါ ကလေးများအား ခွဲစိတ်ကုသရန်မလိုသော နည်းဖြင့် နှလုံးပိုက်သွင်းစမ်းသပ်ကုသစက်အသုံးပြုကာ အဆို့ဖြင့်ပိတ်၍ကုသခြင်း၊ ဘောလုံးဖြင့်ချဲ့၍ ကုသခြင်းများ ဖြင့် ကုသမှုများဆောင်ရွက်ပေးခဲ့ရာ ၂၀၂၃ ခုနှစ် ဖေဖော်ဝါရီ ၁ ရက်အထိ ကလေးလူနာခြောက်ဦး ပြန်လည်ခေါ်ယူကြည့်ရှုရာတွင် လူနာများ၏အခြေအနေ တိုးတက်ကောင်းမွန်ကြောင်း၊ကျန်ကလေး လူနာခုနစ်ဦးအားလည်း ၂၀၂၃ခုနှစ် မတ်လအတွင်းတွင် ပြန်လည် ကြည့်ရှုမည်ဖြစ်ကြောင်း သိရသည်။

မွေးရာပါနှလုံးရောဂါ ကလေးလူနာများကို နှလုံးပိုက်သွင်း၍ အဆို့ဖြင့်ပိတ်၍ကုသခြင်း၊ ဘောလုံးဖြင့်ချဲ့၍ ကုသခြင်းများကို ခုတင် ၅၅၀ ဆံ့ ကလေးဆေးရုံကြီး-ရန်ကုန်တွင် နှလုံးဆေးကုသဆောင်မှ ကလေးနှလုံးအထူးကု ဆရာဝန်များ၊နိုင်ငံခြားမှ ကျွမ်းကျင်သော ကလေးနှလုံးအထူးကု ဆရာဝန်များက ကုသလျက် ရှိရာ ၂၀၁၅ ခုနှစ် သြဂုတ်လမှ ၂၀၂၃ ခုနှစ် ဖေဖော်ဝါရီလ ၁ ရက်ထိ ကလေးလူနာ ၁၄၀၃ ဦးကို အောင်မြင်စွာကုသနိုင်ခဲ့ပြီးဖြစ်ကြောင်း သိရသည်။

#ymg/mt
#Yangon_Media_Group

#Local_News
Published_2 February 2023

ရန်ကုန်တိုင်းဒေသကြီး၊ သန်လျင်မြို့နယ်တွင် Faw ကားက Suzuki ကားကိုတိုက်၍ မောင်းပြေးသွားသည့်အတွက် နှစ်ဦးဒဏ်ရာရသည့် ဖြစ်စဉ် ယနေ့ ဖေဖော်ဝါင်္ရလ ၂ ရက် နံနက်ပိုင်းက ဖြစ်ပွားခဲ့ကြောင်း သိရသည်။

"မနက် ၈ နာရီခွဲလောက်ကဖြစ်တာ၊ အုတ်ဖိုစု နားလေးမှာပါ။လမ်းက ခြောက်လမ်းသွားလမ်းမကြီးလေ၊ ကားက မြေသယ်တဲ့ Faw ကား ၊ အဖြူရောင်ပဲ၊ ဝင်တိုက်တာ အတိုက်ခံရတဲ့ Suzuki ကားပေါ်က လူတွေ ဒဏ်ရာရတာပေါ့။ ကားလည်း မှောက်တယ်"ဟု ဒေသခံတစ်ဦးက ဆိုသည်။

ယင်းဖြစ်စဉ်ကြောင့် Suzuki ယာဉ်ပေါ်လိုက်ပါလာသော အမျိုးသား နှစ်ဦး ထိခိုက်ဒဏ်ရာရသွားသည့်အတွက် ဒေသခံ လူမှုကယ်ဆယ်ရေးအသင်းက သန်လျင်မြို့နယ် ပြည်သူ့ဆေးရုံကို ပို့ဆောင်ပေးခဲ့ကြကြောင်း သိရသည်။

#ymg/mt
#Yangon_Media_Group

#Local_News
Published_2 February 2023

ရခိုင်ပြည်နယ်တောင်ပိုင်း အမ်းမြို့နယ်ကိုဗဟိုပြု၍ အင်အားရစ်(ခ်)တာ စကေး(၄ ဒသမ ၃) အဆင့်ရှိ မြေငလျင်တစ်ခုလှုပ်သွားကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနက သိရသည်။

ယနေ့ ဇန်နဝါရီ ၂ ရက် မြန်မာစံတော်ချိန် ၇ နာရီ ၃၄ မိနစ် ၅၃ စက္ကန့်တွင် စစ်တွေမြေင လျင်စခန်းမှ အရှေ့တောင်ဘက် (၈၇)မိုင်ခန့်အကွာ၊ အမ်းမြို့၏အရှေ့မြောက်ဘက် ၁၃မိုင်ခန့်အကွာ ၊ မြောက်လတ္တီတွဒ်(၉၄.၂၀) ဒီဂရီ၊ အရှေ့လောင်ဂျီတွဒ်(၉၄.၂၀)ဒီဂရီ၊ အနက်(၅၇) ကီလိုမီတာကို ဗဟိုပြု၍ လှုပ်ရှားသွားခြင်းဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်

ယင်းငလျင်ကြောင့် ထိခိုက်ပျက်စီးမှု ရှိ၊ မရှိကိုမူ မသိရသေးပေ။

#ymg/mt
#Yangon _Media_Group

#World_Military
Published 2 February 2023

မြောက်ကိုရီးယားရဲ့ နျူကလီးယားလက်နက် ရည်မှန်းချက်များကြီးထွားလာခြင်းကို တန်ပြန်ရန်အတွက် အမေရိကန်က တောင်ကိုရီးယားနဲ့အတူ ပူးတွဲစစ်ရေးလေ့ကျင့်မှုများ တိုးချဲ့ဆောင်ရွက်လာခြင်းအပေါ် မြောက်ကိုရီးယားက အမေရိကန်ကို ကြာသပတေးနေ့မှာ အပြင်းထန်ဆုံး တုန့်ပြန်လိုက်ပါတယ်။

ဒါဟာ မဟာမိတ်နိုင်ငံတွေက စည်းကျော်တဲ့အနေအထားရောက်အောင် ပြုလုပ်နေကြတယ်လို့ ဆိုလိုက်ပါတယ်။

အမေရိကန်ကာကွယ်ရေးဝန်ကြီး 'လွိုက်အော်စတင်'က တောင်ကိုရီးယားနဲ့ ပူးပေါင်းစစ်ရေးလေ့ကျင့်မှုများကို မြှင့်တင်ဆောင်ရွက်ထားကြောင်း၊ ကိုရီးယားကျွန်းဆွယ်မှာ တိုက်လေယာဉ်များ၊ လေယာဉ်တင်သင်္ဘောကြီးများအပါအဝင် အဆင့်မြင့်စစ်ရေးကိရိယာများ တိုးမြှင့်နေရာချသွားမှာဖြစ်ကြောင်း အင်္ဂါနေ့က ဆိုးလ်မြို့မှာရောက်ရှိစဉ် ပြောကြားသွားပါတယ်။

သူ့ရဲ့ပြောကြားချက်အပေါ် ပြုံယမ်းနိုင်ငံခြားရေးဝန်ကြီးက တုန့်ပြန်ပြောကြားလိုက်တာ ဖြစ်ပါတယ်။

အမေရိကန်တို့က B-1B, F-22, F-35 တိုက်လေယာဉ်များကို တောင်ကိုရီးယားနဲ့အတူ တောင်ကိုရီးယားအနောက်ရေပြင်မှာ ဗုဒ္ဓဟူးနေ့က ပျံသန်းလေ့ကျင့်ခဲ့ကြောင်း တောင်ကိုရီးယားကာကွယ်ရေးဝန်ကြီးက ဆိုပါတယ်။

မြောက်ကိုရီးယားတို့ နျူကလီးယားလက်နက်သုံးလာခဲ့ရင် ထိရောက်စွာတုန့်ပြန်ဆောင်ရွက်နိုင်ရန် အမေရိကန်နဲ့ တောင်ကိုရီးယားတို့က ယခုလအတွင်း ပုံစံတူဖန်တီးထားတဲ့ လေ့ကျင့်မှုတွေပြုလုပ်ဖို့ စီစဉ်နေကြပါတယ်။

မြောက်ကိုရီးယားနိုင်ငံခြားရေးဝန်ကြီးဌာနမှ ပြောရေးဆိုခွင့်ရပုဂ္ဂိုလ်ရဲ့ ပြောကြားချက်အရ မဟာမိတ်နိုင်ငံတွေ စစ်ရေးတိုးချဲ့လေ့ကျင့်ခြင်းက ကိုရီးယားကျွန်းဆွယ်မှာ စစ်ပွဲဖြစ်ပွားလာနိုင်တယ်လို့ ဆိုပါတယ်။

မဟာမိတ်တွေရဲ့ ဘယ်လိုစစ်ရေးအန္တရာယ်မျိုးကိုမဆို နျူကလီးယားတပ်ဖြင့် တုန့်ပြန်ဖို့အသင့်ပြင်ထားကြောင်း ဖော်ပြထားပါတယ်။

အမေရိကန်နဲ့ တောင်ကိုရီးယားတို့ ပူးပေါင်းစစ်ရေးလေ့ကျင့်မှုတွေကို မြောက်ကိုရီးယားက ကျူးကျော်နိုင်ချေရှိတယ်လို့ ကာလကြာရှည်စွာသတ်မှတ်ခဲ့ကြကာ မဟာမိတ်တွေကတော့ ထိုစစ်ရေးပြခြင်းက ကာကွယ်ရေးလေ့ကျင့်မှုသာဖြစ်ကြောင်း ပြောကြားထားပါတယ်။

မြောက်ကိုရီးယားက ပြီးခဲ့တဲ့နှစ်အတွင်း ဒုံးကျည်စမ်းသပ်မှု အမြောက်အများပြုလုပ်ခဲ့ပါတယ်။

အော်စတင်လာရောက်ခြင်းက အမေရိကန်အနေနဲ့ မြောက်ကိုရီးယားနျူကလီးယားရန်ကို ရင်ဆိုင်နေရတဲ့ မဟာမိတ်နိုင်ငံကို ထိရောက်ပြတ်သားစွာ ကာကွယ်ပေးဖို့ရာ ဖြစ်ပါတယ်။

Source: AP News
#Yangon_Media_Group

#World_Health
Published 2 February 2023

အိမ်နေနေရင်း ဒါမှမဟုတ် ညအိပ်ရင်းဝတ်ကြတဲ့ ညအိမ်ဝတ်စုံတွေကို ဘယ်လောက်ကြာရင် လျှော်သင့်သလဲဆိုတာကို သိထားသင့်ပါတယ်။

Pretty You London မှ ကျွမ်းကျင်ပညာရှင်တွေက ပြောကြားရာမှာ ညအိပ်ဝတ်စုံတွေဟာ ပိုးမွှားပေါက်ဖွားရာနေရာဖြစ်နေနိုင်တယ်လို့ ဆိုလိုက်ပါတယ်။

လူတွေက ညအိပ်ဝတ်စုံတွေကို အောက်ခံမပါဘဲ ပုံမှန်ဝတ်ကြလေ့ရှိပါတယ်။

ညအိပ်စဉ် ၆ နာရီကနေ ၈ နာရီလောက်အထိ ခန္ဓာကိုယ်အရေပြားနဲ့ ထိကပ်နေတာကြောင့် ဘက်တီးရီးယားနဲ့ အခြားပိုးမွှားတွေ ပေါက်ဖွားရာနေရာဖြစ်နေတယ်လို့ ပြောပြသွားပါတယ်။

ဘယ်နှကြိမ်ဝတ်ပြီးရင် လျှော်သင့်လဲဆိုတာ အခြေအနေပေါ်မူတည်ပေမယ့် ညအိပ်တဲ့အခါမှာပဲ ဝတ်တယ်ဆိုရင်တော့ ၃/၄ ညလောက်ဝတ်ပြီးတဲ့အခါ လျှော်သင့်ပါပြီ။

ရေချိုးခန်းထွက်တဲ့အခါမှာပဲ ဝတ်တယ်ဆိုရင်တော့ တစ်ပတ်လောက်အထိ မလျှော်ဘဲဝတ်နိုင်ပါတယ်။

ဘယ်လိုပဲ အသုံးပြုဝတ်ဆင်သည်ဖြစ်စေ တစ်ပတ်တစ်ခါတော့ အနည်းဆုံးလျှော်ပေးသင့်ပါတယ်။

ချွေးထွက်များတဲ့လူတွေဆိုရင် ညအိပ်ဝတ်စုံကို မကြာခဏပိုပြီးလျှော်ပေးဖို့ လိုအပ်ပါတယ်။

ဒါ့အပြင် စားတဲ့အခါ၊ အိပ်တဲ့အခါ၊ အလုပ်လုပ်တဲ့အခါတွေမှာရော ထပ်ခါထပ်ခါဝတ်မယ်ဆိုရင် ပိုပြီးလျှော်ပေးသင့်ပါတယ်။

အဲဒီအခါမျိုးတွေမှာ ခန္ဓာကိုယ်ကထွက်တဲ့ ချွေးအဆီတွေ၊ ဘက်တီးရီးယားတွေ စုပြုံလာနိုင်ပါတယ်။

အိမ်ကနေ အလုပ်လုပ်ရတဲ့သူတွေမှာလည်း သက်တောင့်သက်သာဖြစ်စေရန် ညအိပ်ဝတ်စုံကို တစ်နေလုံးဝတ်တတ်တာကြောင့် ပုံမှန်ထက်ပိုပြီး လျှော်ပေးသင့်ပါတယ်။

Source: Metro
#Yangon_Media_Group

#Myanmar_News
Published 2 Feb 2023

ပြည်နယ်ဝန်ကြီးချုပ်(၁)ဦး၊ ပြည်ထောင်စုရွေးကောက်ပွဲကော်မရှင်အဖွဲ့ဝင်(၃)ဦး၊ အဂတိလိုက်စားမှုတိုက်ဖျက်ရေးကော်မရှင်အဖွဲ့ဝင်(၁)ဦးနှင့် ဒုဝန်ကြီး(၁)ဦးတို့ကို တာဝန်မှအနားယူခွင့်ပြုလိုက်ပါတယ်။

Ymg/knl
#Yangon_Media_Group

#Myanmar_News
Published 2 Feb 2023

နစက ကောင်စီဝင်ဖြစ်သွားတဲ့ တိုင်းဒေသကြီးနှင့်ပြည်နယ်ဝန်ကြီးချုပ်(၃)ဦးနှင့် တာဝန်မှနှုတ်ထွက်ခွင့်ပြုလိုက်တဲ့ ပြည်နယ်ဝန်ကြီးချုပ်(၁)ဦးနေရာမှာ တိုင်းဒေသကြီးနှင့်ပြည်နယ် ဝန်ကြီးချုပ်(၄)ဦးကို အသစ်ခန့်အပ်လိုက်ပါတယ်။

Ymg/knl
#Yangon_Media_Group

#Myanmar_News
Published 1 Feb 2023

နစက ဗဟိုအကြံပေးအဖွဲ့သို့ ပြောင်းလဲတာဝန်ပေးခံရတဲ့ ပြည်ထောင်စုရာထူးဝန်အဖွဲ့ ဥက္ကဋ္ဌဒေါက်တာမောင်မောင်နိုင်ရဲ့နေရာမှာ ဦးစစ်အေး ကို ဥက္ကဋ္ဌသစ်အဖြင့် ခန့်အပ်လိုက်ပါတယ်။ အဲဒီအပြင် နိုင်ငံခြားရေးဝန်ကြီးဌာနပြည်ထောင်စုဝန်ကြီးအဖြစ်ပြောင်းလဲခန့်အပ်ခံရတဲ့ အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌ ဦးသန်းဆွေရဲ့ နေရာမှာ ဟိုတယ်နှင့်ခရီးသွားလာရေးပြည်ထောင်စုဝန်ကြီးဖြစ်ခဲ့တဲ့ ဒေါက်တာဋ္ဌေးအောင်ကို ခန့်အပ်လိုက်ပါတယ်။

Ymg/knl
#Yangon_Media_Group

#Myanmar_News
Published 2 Feb 2023

နစက, က ပြည်ထောင်စုအစိုးရအဖွဲ့ကို ပြင်ဆင်ဖွဲ့စည်းလိုက်ပါတယ်။အစိုးရအဖွဲ့သစ်မှာ ဒုတိယဝန်ကြီးချုပ် (၅)ဦးအထိ တိုးချဲ့ခန့်အပ်ခဲ့ပါတယ်။ နိုင်ငံခြားရေးဝန်ကြီးဌာန၊စိုက်ပျိုးရေး မွေးမြူရေးနှင့်ဆည်မြောင်းဝန်ကြီးဌာန၊ ဟိုတယ်နှင့်ခရီးသွားလာရေးဝန်ကြီးဌာနနှင့်တိုင်းရင်းသားလူမျိုးရေးရာဝန်ကြီးဌာနတွေမှာ ပြည်ထောင်စုဝန်ကြီးတွေကို အပြောင်းအလဲလုပ်ခဲ့ပါတယ်။

Ymg/knl
#Yangon_Media_Group

#World_Health
Published 2 February 2023

သားအိမ်ခေါင်းကင်ဆာဟာ HPV ဗိုင်းရပ်စ်ကူးစက်ခြင်းကြောင့်ဖြစ်တဲ့ ကင်ဆာအကျိတ်တစ်မျိုးဖြစ်ပါတယ်။

ဒီဗိုင်းရပ်စ်ဟာ ကမ္ဘာပေါ်မှာ လိင်ပိုင်းဆိုင်ရာထိတွေ့မှုမှ ကူးစက်လေ့ရှိတဲ့ အဖြစ်အများဆုံးရောဂါပိုးအဖြစ် သတ်မှတ်ခံထားရပါတယ်။

ဘယ်လိုလိင်ကူးစက်မှုမှမဆို ကူးစက်တတ်ပြီး လိင်အင်္ဂါမှာ ကင်ဆာမဖြစ်မီပြောင်းလဲမှုများ၊ သားအိမ်ခေါင်းကင်ဆာ၊ ဗိုင်းရပ်စ်ကြွက်နို့၊ အဖုများဖြစ်တတ်ပါတယ်။

HPV မှာ မျိုးကွဲပေါင်း ၁၅၀ ကျော်ရှိကာ အမျိုးအစား ၂၀ လောက်က အကျိတ်ပြောင်းလဲမှုများ၊ သားအိမ်ခေါင်းကင်ဆာ၊ ပါးစပ်မှလိင်ဆက်ဆံခြင်းကနေ ပါးစပ်နဲ့ လည်ချောင်းတို့မှာ အကျိတ်များဖြစ်လာစေပါတယ်။

အမျိုးသမီးအများစုနဲ့ အမျိုးသားတွေက လိင်ဆက်ဆံပြီး ဦးဆုံးနှစ်များအတွင်း HPV ကူးစက်တတ်ပါတယ်။

HPV ကူးစက်တဲ့အခါ ရောဂါလက္ခဏာမပြတတ်ဘဲ ပထမ ၁ နှစ် ၂ နှစ်အတွင်း ခန္ဓာကိုယ်ရဲ့ ခုခံအားစနစ်ကနေ သဘာဝအတိုင်းကာကွယ်ပေးသွားပါတယ်။

ဒီဗိုင်းရပ်စ်က အဖြစ်များတာကြောင့် အမျိုးသမီးတစ်ဦးအနေနဲ့ ကူးစက်နိုင်ချေ ၈၀ ရာခိုင်နှုန်းရှိနေပါတယ်။

ကူးစက်သူအမျိုးသမီးအနည်းငယ်မှာ ဗိုင်းရပ်စ်က ခန္ဓာကိုယ်ထဲမှာနေပြီး သားအိမ်ခေါင်းဆဲလ်တွေထဲမှာ တသက်လုံးတည်ရှိနေပါတယ်။

ကင်ဆာဖြစ်စေတဲ့ ဗိုင်းရပ်စ်မျိုးကွဲတွေ ကူးစက်တဲ့အခါမှာတော့ ရောဂါလက္ခဏာပြလာကြပါတယ်။

ဗိုင်းရပ်စ်အဆက်မပြတ်ထိတွေ့ပြီး ဆေးလိပ်သောက်၊ သားဆက်ခြားဆေးသုံးတဲ့သူတွေမှာ အကျိတ်ကင်ဆာဖြစ်နိုင်ချေ ပိုများပါတယ်။

ကူးစက်သူ ၉၀ ရာခိုင်နှုန်းလောက်က လက္ခဏာမပြကြသလို ကင်ဆာမဖြစ်မီပြောင်းလဲမှုတွေ ဖြစ်ပေါ်လာရင်တောင် အများစုက လက္ခဏာမပြကြပါဘူး။

ဒါကြောင့် သားအိမ်ခေါင်းကင်ဆာစစ်ဆေးဖို့က အရေးကြီးနေပါတယ်။
Pap test နဲ့ HPV test တို့ဖြင့် ကင်ဆာအကျိတ်ပြောင်းလဲမှုတွေကို စောစီးစွာတွေ့ရှိနိုင်ကာ သားအိမ်ခေါင်းကင်ဆာဖြစ်နိုင်ချေနဲ့ အသက်သေဆုံးမှုတို့ကို ထိရောက်စွာလျှော့ချနိုင်မှာဖြစ်ပါတယ်။

ကင်ဆာဖြစ်နိုင်တဲ့ ဗိုင်းရပ်စ်မျိုးကွဲတွေကို ထိရောက်စွာကာကွယ်ပေးနိုင်တဲ့ သားအိမ်ခေါင်းကင်ဆာကာကွယ်ဆေး ရှိနေပါပြီ။

မိန်းကလေးများအနေနဲ့ ပထမဦးဆုံးလိင်မှုအတွေ့အကြုံမရမီ ကာကွယ်ဆေးထိုးသင့်ပြီး သားအိမ်ခေါင်းမှာ ကင်ဆာဖြစ်နိုင်ချေကို သိသိသာသာလျှော့ချပေးနိုင်မှာ ဖြစ်ပါတယ်။

သားအိမ်ခေါင်းကင်ဆာက ကာကွယ်လို့ရတဲ့ ကင်ဆာအမျိုးအစားဖြစ်ပြီး မိန်းကလေးငယ်တွေကို ကာကွယ်ဆေးထိုးပေးကာ ပုံမှန်စစ်ဆေးသင့်ပါတယ်။

ဒီလို ၂၁ ရာစုမှာ သားအိမ်ခေါင်းကင်ဆာ ဆိုးရွားလာခြင်းမျိုးနဲ့ သေဆုံးရခြင်းမျိုး မကြုံတွေ့သင့်တော့ပါဘူး။

Source: The Jerusalem Post
#Yangon_Media_Group

#Myanmar_News
Published 2 Feb 2023

နစက ကောင်စီဝင်ဟောင်းများ အများဆုံးပါဝင်တဲ့ နစကရဲ့ ဗဟိုအကြံပေးအဖွဲ့ကိုဖွဲ့စည်းလိုက်ပါတယ်။ အဖွဲ့ခေါင်းဆောင်က တိုင်းရင်းသား လူမျိုးရေးရာဝန်ကြီးဌာနပြည်ထောင်စုဝန်ကြီးတာဝန်ယူခဲ့သူဖြစ်ပါတယ်။

Ymg/knl
#Yangon_Media_Group