#LocalNews
Published_ 23 March 2023

၂၀၂၂ ခုနှစ် ဧပြီလ ၁ ရက်မှ ၂၀၂၃ ခုနှစ် မတ်လ ၁၀ ရက်အထိ ပြည်ပသို့ ပင်လယ်ရေကြောင်းမှ ပြောင်းတန်ချိန် ၁၁ သိန်းတင်ပို့ထားကြောင်း မြန်မာနိုင်ငံပဲမျိုးစုံ၊ ပြောင်းနှင့်နှမ်းကုန်သည်များအသင်း ကသိရသည်။

ကုန်သည်တွေအနေနဲ့ ပြောင်းကို လွတ်လွတ်လပ်လပ်တင်ပို့နိုင်ပြီးMOU ထိုးစရာမလိုကြောင်းနှင့်လက်ရှိတွင် နိုင်ငံပေါင်း ၇၀ ကို ပဲ၊ ပြောင်း၊ နှမ်းတင်ပို့လျက်ရှိကြောင်းကသိရသည်။

နှစ်စဉ် ပြည်တွင်း၌ တစ်နှစ်အတွင်းစိုက်ပျိုးထုတ်လုပ်သည့် ပြောင်းတန်ချိန်သည် ၂ ဒသမ ၃ သန်းနှင့် ၂ ဒသမ ၆ သန်းကြားထွက်ရှိပြီး နယ်စပ်ကုန်သွယ်ရေးလမ်းကြောင်းကနေတစ်ဆင့် ထိုင်းနိုင်ငံသို့ မတ်လ ၁ ရက်မှစတင်ပြီး အခွန်ကင်းလွတ်ခွင့်ဖြင့် သြဂုတ်လ ၃၁ ရက်အထိ တင်ပို့နေခြင်းဖြစ်ကြောင်း သိရသည်။

လက်ရှိ မြန်မာ့ပြောင်းကို ဒေသတွင်းနိုင်ငံများ၏ လိုအပ်ချက်ရှိမှုကြောင့် ဝယ်လိုအားရှိနေဆဲဖြစ်ပြီး ဗိယက်နမ်၊ဖိလစ်ပိုင်အန္ဒိယအပါအဝင်နိုင်ငံအများအပြားကဝယ်ယူလျက်ရှိသည်။

ပြောင်းတင်ပို့ရာတွင် နယ်စပ်မှတင်ပို့နေသည့် ကုန်သည်အချို့သည် ၆၅-၃၅ စနစ်ကြောင့် အဆင်မပြေမှုများရှိနေကြောင်း ကုန်သည်များ၏ ပြောပြချက်အရ သိရသည်။

ymg/ppk
#Yangon-Media-Group

#LocalNews
Published_ 24 March 2023

စစ်ကိုင်းတိုင်း၊ ပုလဲမြို့နယ်၊ နှောကန်ရွာ အရှေ့ဘက်ရှိ ဆောက်လုပ်ရေးရုံးခွဲ ယနေ့ ညနေပိုင်းက မီးလောင်မှုဖြစ်ပွားခဲ့ကြောင်း သိရသည်။

မတ်လ ၂၃ ရက်၊ ယနေ့ ညနေ ၃ နာရီခန့်တွင် ပုလဲမြို့နယ်၊ နှောကန်ရွာအရှေ့ဘက်ပုလဲ၊ ဂန့်ဂေါ်လမ်းဘေးရှိ ဆောက်လုပ်ရေးရုံးခွဲ မီးလောင်ပျက်စီးသွားခဲ့ကြောင်း ဒေသခံများထံမှ သိရသည်။

တောမီးရှို့ထားရာကနေ ရုံးအဆောက်အဦပါ မီးလောင်သွားခြင်းဖြစ်ပြီးမီးငြိမ်းသက်ဖို့ ကြိုးစားရာတွင်ရာသီဥတုပူပြင်းခြင်းနှင့် ရေအလွယ်တကူမရတာကြောင့်ဟု ဒေသတွင်းကူညီစောင့်ရှောက်ရေးအဖွဲ့ဝင် တစ်ဦးက ပြောသည်။

ပျက်ဆီးဆုံးရှုံးမှုတန်ဖိုးကိုတွက်ချက်နေဆဲဖြစ်ပြီထိခိုက်ဒါဏ်ရာရရှိသူမရှိကြောင်းသိရသည်။

ymg/ppk
#Yangon-Media-Group

#World_Health
Published 24 March 2023

ခန္ဓာကိုယ်အတွက် အကောင်းဆုံးအစားအစာထဲမှာ ဟင်းသီးဟင်းရွက်များပါဝင်ပြီး စားရန်အသင့်တော်ဆုံးစာရင်းတွေကို လူတွေသိချင်ကြပါတယ်။

ဘယ်လိုဟင်းရွက်သီးနှံပဲဖြစ်ဖြစ် အစာချေခြင်း၊ ဦးနှောက်လုပ်ဆောင်ချက်တို့ကို ကူညီပေးကာ အသားအရည်ပုံသဏ္ဍာန်ကောင်းမွန်စေခြင်း၊ ဆံကေသာကောင်းမွန်စေခြင်း၊ အသက်ရှည်ခြင်းတို့ကို ပံ့ပိုးပေးနိုင်ပါတယ်။

ဒါကြောင့် ပုံမှန်စားသုံးပေးသင့်တဲ့ ဟင်းသီးဟင်းရွက် ၅ မျိုးကို ဖော်ပြပေးလိုက်ပါတယ်။

(၁) ပန်းဂေါ်ဖီစိမ်း
ပန်းဂေါ်ဖီစိမ်းတစ်ပန်းကန်မှာ လိုအပ်တဲ့အာဟာရများအဖြစ် ဗိုက်တာမင်-ကေ ၁၁၆ ရာခိုင်နှုန်း၊ ဗိုက်တာမင်-စီ ၁၃၅ ရာခိုင်နှုန်းအပြင် ဖောလစ်အက်ဆစ်၊ မန်းဂနိစ်၊ ပိုတက်ဆီယမ်တို့ လုံလောက်စွာပါဝင်ပါတယ်။

သူ့မှာပါဝင်တဲ့ ဒြပ်ပေါင်းအမျိုးမျိုးနဲ့ အင်ဇိုင်းတွေက ကင်ဆာအမျိုးမျိုးပြန်ဖြစ်ခြင်းမှ ကာကွယ်ပေးနိုင်ဖွယ်ရှိပါတယ်။

(၂) ခရမ်းရောင်ဂေါ်ဖီ
သူ့မှာ အမျှင်ဓာတ် ၂ ဂရမ်၊ နေ့စဉ်လိုအပ်တဲ့ ဗိုက်တာမင်-စီ ၈၅ ရာခိုင်နှုန်းပါဝင်သလို ကျန်းမာရေးအကျိုးကျေးဇူးရစေတဲ့ အန်သိုဆိုင်ယာနင်လည်း ပါဝင်ပါတယ်။

အဲဒီဓာတ်တိုးဆန့်ကျင်ပစ္စည်းက သွေးကြောကျဉ်းခြင်းကို ကာကွယ်တဲ့အပြင် မကောင်းတဲ့ကိုလက်စ်ထရောလ်တွေ ဓာတ်တိုးခြင်းမှ ကာကွယ်ပေးပါတယ်။

(၃) မုန်လာဥနီ
မုန်လာဥနီက အမြင်အာရုံကို ထိန်းသိမ်းပေးပြီး ဗိုက်တာမင်-အေ၊ ဗိုက်တာမင်-စီ၊ ဗိုက်တာမင်-ကေ၊ ပိုတက်ဆီယမ်တို့ပါဝင်ပါတယ်။

လိမ္မော်ရောင်ဖြစ်စေတဲ့ ဘီတာကယ်ရိုတင်းက ကင်ဆာဖြစ်ခြင်းမှ ကာကွယ်ပေးပြီး ဆီးကျိတ်ကင်ဆာဖြစ်နိုင်ချေ ၅ ရာခိုင်နှုန်းလျှော့ချပေးနိုင်ကြောင်း တွေ့ရှိထားပါတယ်။

(၄) သကြားမုန်လာ
သကြားမုန်လာအပြင် ဟင်းနုနွယ်၊ ကိုက်လံ၊ အခြားဟင်းရွက်များပါဝင်ပြီး မဂ္ဂနီဆီယမ်အပြည့်ပါဝင်တာကြောင့် ကြွက်သား အာရုံကြောလုပ်ဆောင်ချက်၊ သွေးတွင်းဂလူးကို့စ်၊ သွေးပေါင်ချိန်တို့ကို ထိန်းညှိပေးပါတယ်။

(၅) ကြက်သွန်ဖြူ
ရိုးရာဆေးဘက်ဆိုင်ရာများအရ ရောဂါအမျိုးမျိုးကာကွယ်ကုသရာမှာ ကြက်သွန်ဖြူကိုအသုံးပြုကြပါတယ်။

လေ့လာချက်များအရ ကြက်သွန်ဖြူက ဘက်တီးရီးယားအချို့ကို သေစေနိုင်ပြီး ရောဂါကူးစက်မှုနဲ့ အစာအဆိပ်သင့်ခြင်းတို့ကို ကာကွယ်ပေးနိုင်ပါတယ်။

Source: The Jerusalem Post.
#Yangon_Media_Group

#LocalNews
Published-24 March 2023

နိုင်ငံတော်၏ငြိမ်းချမ်းရေးဆွေးနွေးရေးအဖွဲ့နှင့် “ဝ” ပြည်သွေးစည်းညီညွတ်ရေးပါတီ (UWSP) ၊ အမျိုးသားဒီမိုကရက်တစ်မဟာမိတ်အဖွဲ့ (NDAA) နှင့် ရှမ်းပြည်တိုးတက်ရေးပါတီ (SSPP) ကိုယ်စားလှယ်အဖွဲ့တို့ နှစ်ရက်တာတွေ့ဆုံ၍ ငြိမ်းချမ်းရေးကိစ္စများ ဆွေးနွေးခဲ့ကြကြောင်း သိရသည်။

အဆိုပါဆွေးနွေးပွဲကို မတ်လ ၂၂ ရက် နှင့် ၂၃ ရက် တို့တွင် နေပြည်တော်ရှိ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန၌ ပြုလုပ်ခဲ့ကြခြင်းဖြစ်ကြောင်း သိရသည်။

ယင်းတွင် အဖွဲ့အသီးသီး၏ လိုလားချက်များ၊ ဒေသဖွံ့ဖြိုးရေးကိစ္စ၊ ဒေသတည်ငြိမ်ရေးကိစ္စ၊ ရွေးကောက်ပွဲ ကျင်းပရေး ကိစ္စ၊ ငြိမ်းချမ်းရေးညီလာခံ ကျင်းပရေးကိစ္စနှင့် ဖွဲ့စည်းပုံအခြေခံဥပဒေ (၂၀၀၈ ခုနှစ်)မှ အခြေခံကျသော ပုဒ်မများကို ပြင်ဆင်နိုင်ရေး အပြန်အလှန် ဆွေးနွေးညှိနှိုင်းခဲ့ကြကာနှစ်ဖက် အပြီးသတ်ရရှိလာသည့် သဘောတူညီချက်များကို အတည်ပြုလက်မှတ်ရေးထိုး အပြန်အလှန်လဲလှယ်ခဲ့ကြကြောင်း သိရသည်။

၎င်း တွေ့ဆုံဆွေးနွေးပွဲသို့ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ပြည်ထောင်စုအစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီး၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီဥက္ကဋ္ဌ၊ ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်၊ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဒုတိယဗိုလ်ချုပ်ကြီး မိုးမြင့်ထွန်း၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီ အတွင်းရေးမှူး ဒုတိယဗိုလ်ချုပ်ကြီး ဝင်းဗိုလ်ရှိန်၊ ညှိနှိုင်းရေးကော်မတီ အဖွဲ့ဝင်များ၊ “ဝ” ပြည်သွေးစည်းညီညွတ်ရေးပါတီ (UWSP) မှ ဒုတိယဥက္ကဋ္ဌ ဦးလော့ယာကု၊ အမျိုးသားဒီမိုကရက်တစ်မဟာမိတ်အဖွဲ့ (NDAA) မှ ဒုတိယဥက္ကဋ္ဌ ဦးစန်ပေ့၊ ရှမ်းပြည်တိုးတက်ရေးပါတီ(SSPP)မှ ဗဟိုနိုင်ငံရေးဦးဆောင်အဖွဲ့ဝင် စဝ်ဆေပိုင်ဖနှင့် ငြိမ်းချမ်းရေးဆွေးနွေးရေးကိုယ်စားလှယ်များ တက်ရောက်ခဲ့ကြခြင်းဖြစ်သည်။

ymg/mt
#Yangon_Media_Group

#World_News
Published 24 March 2023
နေလုံးကြီးပေါ်က ကောင်းကင်သို့ ကျစ်ကျစ်တောက်ပူနေတဲ့ ပလတ်စ်မာအငွေ့များတက်လာကာ ကမ္ဘာဂြိုဟ် ၁၄ လုံးစာပမာဏမြင့်တက်သွားပြီး ကမ္ဘာဂြိုဟ်အရွယ်အစားမျှအလုံးများခွဲထွက်ကာ ပြန်လည်ဆုတ်ခွာသွားပါတယ်။

ထိုထိတ်လန့်ဖွယ်အဖြစ်အပျက်ကို နက္ခတ္တဗေဒပညာရှင်များ၊ အပျော်တမ်းပညာရှင်များနဲ့ နက္ခတ္တဓာတ်ပုံဆရာများကပါ မျက်မြင်တွေ့ရှိခဲ့ကြပါတယ်။

နေစကြဝဠာစနစ်ထဲမှာ အမြင့်ဆုံးဖြစ်နိုင်တဲ့ လေဆင်နှာမောင်းရဲ့ပုံတွေကို နာဆာဆိုလာဒိုင်နမစ်စောင့်ကြည့်ရေးစခန်းက ဖမ်းယူရရှိခဲ့ပါတယ်။
ဆိုလာလေဆင်နှာမောင်းက နေရဲ့ မြောက်ဝင်ရိုးစွန်းမှာ ဖြစ်ပေါ်ခဲ့ကာ ၃ ရက်ကြာအောင် တည်ရှိနေခဲ့ပြီး သံလိုက်ဓာတ်ငွေ့တိမ်တိုက်အဖြစ် လျော့မသွားခင် ၁၂၀,၀၀၀ ကီလိုမီတာလောက်အထိ ကမ္ဘာဂြိုဟ် ၁၄ လုံးစာခန့် မြင့်တက်သွားခဲ့ပါတယ်။

အဲဒီနောက် ဆိုလာလေဆင်နှာမောင်းက လျော့ကျသွားကာ အာကာသထဲသို့ ပုံစံအမျိုးမျိုးဖြင့် ပျံ့ထွက်သွားပါတယ်။
ဒါပေမဲ့ ကျွန်ုပ်တို့ဂြိုဟ်ကတော့ လေဆင်နှာမောင်းရဲ့သက်ရောက်မှုကို ကြုံတွေ့ရနိုင်ဖွယ်မရှိဘူးလို့ Space Weather က တင်ပြခဲ့ပါတယ်။

နေပေါ်ကို ကမ္ဘာဂြိုဟ်အရွယ်အစားမျှရှိတဲ့ အရာတွေကျရောက်လာတာဟာ ငရဲကဲ့သို့ထင်မှတ်ရဖွယ်ရှိကြောင်း နက္ခတ္တဗေဒပညာရှင်များက ဖော်ပြခဲ့ကြပါတယ်။

"ကမ္ဘာဂြိုဟ် ၁၄ လုံးစာလောက်မြင့်တဲ့ လေဆင်နှာမောင်းတန်းကြီးက နေပေါ်မှာ အရောင်တွေထွက်ပြီး ကျရောက်နေခဲ့ပါတယ်" လို့ နက္ခတ္တဓာတ်ပုံပညာရှင်'အန်ဒရူမက်ကာသီ'က တွစ်တာမှာဖော်ပြခဲ့ပါတယ်။
ပြီးခဲ့တဲ့ရက်ပိုင်းအတွင်း နေလုံးကြီးဟာလည်း အလွန်လှုပ်ရှားနေခဲ့ပြီး မျက်နှာပြင်ပေါ်မှာ နေပြောက်အနည်းဆုံး ၆ ခုဖြစ်ပေါ်လာကြောင်း ယူကေအာကာသရာသီဥတုခန့်မှန်းသူတစ်ဦးက ဆိုလိုက်ပါတယ်။

ဆိုလာမီးတောက်များနဲ့ ပလတ်စ်မာပေါက်ကွဲမှုများက နေရဲ့အရှေ့တောင်ဘက်စွန်းရှိ နေပြောက်တစ်ခုမှာ လာမယ့်ရက်ပိုင်းအတွင်း ဖြစ်ပေါ်နိုင်မယ်လို့ ခန့်မှန်းထားပါတယ်။

အခုလက်ရှိမှာ နေပေါ်မှာ ဆိုလာလေများ အပြင်းအထန်တိုက်ခတ်နေပြီး လေထုအထက်ပိုင်းရှိ အပေါက်နှစ်ပေါက်ကနေ လေများထုတ်လွှတ်နေပါတယ်။

ကမ္ဘာ့သံလိုက်စက်ကွင်းနဲ့ ဆိုလာလေထိတွေ့မှုကနေ ဘူမိသံလိုက်မုန်တိုင်းများ ဖြစ်ပေါ်လာနိုင်ချေရှိနေပါတယ်။

Source: WION.
#Yangon_Media_Group

#LocalNews
Published_ 23 March 2023

မြန်မာနိုင်ငံကို ပြည်ပမှလေကြောင်းခရီးနဲ့ ပြန်လည်ဝင်ရောက်လာမယ့်သူတွေ လိုက်နာရမည့်ကျန်းမာရေးဆိုင်ရာသတ်မှတ်ချက်တွေကို မတ်လ(၂၂)ရက်ရက်စွဲနဲ့ ထပ်မံထုတ်ပြန်လိုက်တယ်လို့သိရပါတယ်၊

#YMG#Yangon_Media_Group

#World_Fashion
Published 22 March 2023

အီရတ်နိုင်ငံ ဘဂ္ဂဒက်မြို့မြောက်ဘက်ထန်းတောတစ်ခုမှာ ဖက်ရှင်မော်ဒယ်လ်တွေက လျှောက်လမ်းညီပေါ်မှာ တစ်ပတ်ရစ်အဝတ်အစားများဝတ်ဆင်ကာ မော်ဒယ်လ်ရှိးလျှောက်ပြခဲ့ကြပြီး ဖက်ရှင်လောကရဲ့ သဘာဝပတ်ဝန်းကျင်အပေါ် သက်ရောက်မှုကို သတိပြုမိစေရန် ကြိုးပမ်းလာကြပါတယ်။

#YMG#Yangon_Media_Group

Published 23 March 2023

ယူကေနှင့် ဆွစ်ဇာလန်တို့က ပညာရှင်နှစ်ဦက ဒီမိုကရေစီရဲ့အနှစ်သာရအပေါ်အမြင်တွေကို ပြောကြားခဲ့ကြပါတယ်။ ပြည်သူတွေဟာ သူတို့ဘဝတွေအတွက် ရလာဒ်တွေအပေါ် ပိုပြီးစိုးရိမ်ပူပန်မှုတွေရှိနေကြတယ်လို့လည်း ပြောလိုက်ပြီး တရုတ်နိုင်ငံရဲ့ ပြည်သူ့ဗဟိုပြုဖွံ့ဖြိုးတိုးတက်ရေးအတွေးအခေါ်ဟာ အနောက်နိုင်ငံတွေထက် ပိုပြီးဒီမိုကရေစီဆန်တယ် လို့လည်း သူတို့က ဆိုကြပါတယ်။

Source: CCTV+

#တရုတ်ဒီမိုကရေစီ

#ဆွစ်ဇာလန်နှင့်ယူကေပညာရှင်

#YangonMediaGroup

#LocalNews
Published_ 23 March 2023

ရန်ကုန်-မန္တလေး အမြန်လမ်း၊ မိုင်တိုင် ၂၈၄ မိုင် ၂ ဖာလုံမှာ ရပ်ထားတဲ့ ကုန်တင်ကားကို လိုက်ထရပ်ကား နောက်ကဝင်တိုက်လို့ အမျိုးသား ၂ ဦး သေဆုံးပြီး အများအပြားထိခိုက်ဒဏ်ရာရရှိခဲ့တယ်လို့ ကူညီကယ်ဆယ်ရာမှာ ပါဝင်သူတစ်ဦးက YMG ကို ပြောပါတယ်။

#YMG#Yangon_Media_Group

#LocalNews
Published_ 23 March 2023

သင်္ကြန်နားနီးလာချိန်မှာ ရဟန်းခံရှင်ပြုအလှူတော်မင်္ဂလာပွဲတွေမှာအသုံးပြုဖို့အတွက် မြန်မာ့အိုးစည်ဒိုးပတ်တွေ အဝယ်လိုက်လာပြီး ရောင်းအားတွေတက်လာတယ်လို့ အိုးစည်ဒိုးပတ် အရောင်းလုပ်ငန်းတွေထံမှ သိရပါတယ်၊၊

#YMG#Yangon_Media_Group

Published 23 March 2023

ထိုင်းနိုင်ငံတွင် ယခုနှစ်ကုန်ပိုင်းခန့်၌ Really Cool လို့ အမည်ပေးထားတဲ့ လေကြောင်းလိုင်းအသစ်  စတင်ပျံသန်းမှာ ဖြစ်တယ်လို့ သိရပါတယ်။

Really Cool လေကြောင်းလိုင်းဟာ ယင်းရဲ့ခရီးစဉ်တွေကို ဇွန်လမှာ ကြေညာပေးဖြစ်ပြီး နိုင်ငံတကာခရီးစဉ်တွေကို ပျံသန်းသွားမှာဖြစ်တယ်လို့ စီအီးအို ပက်တီဆာရာဆင်က ပြောပါတယ်။

“ Really Cool ကို မိတ်ဆက်ပေးဖို့ အဆင်သင့်ဖြစ်နေလို့ ကျွန်တော်တို့ စိတ်လှုပ်ရှားနေပါတယ်။ကျွန်တော်တို့‌ လေကြောင်းလိုင်းဟာ ခရီးသည်တွေအတွက် ထူးခြားကောင်းမွန်တဲ့ အတွေ့အကြုံတွေကို ပေးအပ်သွားမှာဖြစ်ပါတယ်” လို့ သူက ဆက်ပြောပါတယ်။

Really Cool လေကြောင်းရဲ့ဆောင်ပုဒ်က အနာဂတ်ကို ကျွန်ုပ်တို့ပျံသန်းသည်"We Fly the Future" ဖြစ်ပြီး ဇိမ်ခံနှင့် ဘတ် ဂျက် လေကြောင်းနှစ်မျိုးရဲ့ ကြားအလယ်အဆင့်မှာထားရှိပျံသန်းမယ်လို့ဆိုပါတယ်။

လေကြောင်းလိုင်းအသစ်ဟာ ယခင်ရှိခဲ့တဲ့စံနှုန်းတွေကို ကျော်လွန်ပြီး ဘေးအန္တရာယ်ကင်းရှင်းရေးနှင့် ဝန်ဆောင်မှုကို တိုးမြှင့်ဆောင်ရွက်သွားမယ်လို့ ကတိပြုပါတယ်လို့  ယခင် ဈေးနှုန်းချိုလေကြောင်းလိုင်း Nok Air မှာ စီအီးအိုလုပ်ခဲ့တဲ့  မစ္စတာ ပက်တီကဆက်လက်ပြောဆိုပါတယ်။

“ ခရီးသည်တွေကို ထူးခြားကောင်းမွန်တဲ့ အတွေ့အကြုံပေးရုံမျှမဟုတ်ဘဲ ဒီလေကြောင်းလိုင်းသစ်ဟာ ထိုင်းရဲ့ ခရီးသွား လုပ်ငန်းကို ပြန်လည်ရှင်သန်လာစေမှာဖြစ်တယ်” လို့ လေကြောင်းလိုင်းသစ်ကြေညာတဲ့ပွဲကို တက်ရောက်လာတဲ့ ဘန်ကောက်မြို့တော်ဝန် ချက်ချတ် စစ်တီပန့်က ပြောပါတယ်။

ထိုင်းနိုင်ငံ ခရီးသွားလုပ်ငန်းအာဏာပိုင်အဖွဲ့က ၂၀၂၃ခုနှစ်မှာ နိုင်ငံခြားသား ခရီးသည် သန်း၃၀ ဝင်ရောက်ဖို့ မျှော်မှန်းထားတယ်လို့  နေရှင်းသတင်းဌာနကရေးသားပါတယ်။

ဒီမျှော်မှန်းချက်ရရှိဖို့အတွက် ထိုင်းနိုင်ငံဟာ လေကြောင်းလိုင်းနှင့် ခရီးစဉ်တွေကို တိုးချဲ့ရလိမ့်မယ်လို့ အဆိုပါ သတင်းဌာနက ဆက်လက်ရေးသားပါတယ်။

Source CNA-

#Really Cool လေကြောင်းလိုင်းသစ်

#ထိုင်းလေကြောင်းလိုင်းသစ်

#ထိုင်းခရီးသွားလုပ်ငန်း

#YangonMediaGroup

#LocalNews
Published_ 22 March 2023

မတ်လ ၂၂ရက်နေ့က တရုတ်နိုင်ငံ ချုံချင့်ပိရှန်းဒေမှ စီးပွားရေးလုပ်ငန်းရှင်များအနေနဲ့ လျှပ်စစ်သုံးယာဉ် EV ကားထုတ်လုပ်မှုအခြေအနေများကို မြန်မာလုပ်ငန်းရှင်များနဲ့ ကုန်သည်စက်မှုအသင်းချုပ်ရုံးမှာလာရောက်ဆွေးနေပါတယ်။

#YMG#Yangon_Media_Group