#Local_News
Published_ 3 February 2023

မန္တလေးတိုင်းဒေသကြီး၊ ပုသိမ်ကြီးမြို့နယ်လမ်းဘေးတစ်နေရာတွင်သေဆုံးနေသော အမျိုးသားမှာမည်သူမည်ဝါဟု မသိရသေးကြောင်း မြရည်နန္ဒာလူမှုကယ်ဆယ်ရေးအဖွဲ့တာဝန်ရှိသူတစ်ဦးက ပြောသည်။

အဆိုပါ အမျိုးသားရုပ်အလောင်းကိုတွေ့ရှိကြောင်း ဖေဖော်ဝါရီလ ၁ ရက် ညနေ ၄ နာရီကျော် အချိန်တွင် သိရသောကြောင့် အသင်းအနေဖြင့် သွားရောက်၍ ကူညီခဲ့ကြခြင်းဖြစ်ကြောင်း သိရသည်။

"သေသူကတော့ လူလတ်ပိုင်းပဲ၊ သူ့ရဲ့ပါးမှာ ဖူးရောင်နေတဲ့ ဒဏ်ရာရှိတယ်၊ လက်မှာက ဆေးထိုးအပ်ရာတွေ လေးနေရာလောက်တွေ့တယ်။အခု ကြားသိရသလောက်ကတော့ ချမ်းမြသာစီမြို့နယ်ထဲကလို့ သိရတယ်။ ဒါပေမဲ့ မိသားစုက အကြောင်းမကြားဘူး၊ ၃ ရက်လောက် စောင့်လို့မှ ဆက်သွယ်လာသူမရှိဘူးဆိုရင် ပိုင်ရှင်မဲ့အနေနဲ့ ဆေးရုံကနေ သဂြိုဟ်ရမယ်"ဟု ယင်းအသင်းတာဝန်ရှိသူက ပြောသည်။

လက်ရှိတွင် သေဆုံးနေသူ၏ ရုပ်အလောင်းကို မြရည်နန္ဒာလူမှုကယ်ဆယ်ရေးအဖွဲ့က မန္တလေးဆေးရုံကြီးရင်ခွဲရုံသို့ အပ်နှံရာ PR နံပါတ် 03 ဖြင့် လက်ခံထားကြောင်း သိရသည်။

#ymg/mt
#Yangon_Media_Group

#World_Health
Published 3 February 2023

သင်ဟာ မျက်နှာသစ်တဲ့အခါ နည်းလမ်းမှားယွင်းနေတာမျိုး ဖြစ်နိုင်ကြောင်း အရေပြားကျွမ်းကျင်ပညာရှင်များက ဆိုပါတယ်။

အလွန်အမင်းပွတ်တိုက်ခြင်း၊ ရေပူအသုံးပြုခြင်း၊ မျက်နှာမိတ်ကပ်ဖျက်ဆေး အများအပြားသုံးစွဲခြင်းတို့က တကယ်ကိုအမှားကြီးတွေ ဖြစ်နေနိုင်ပါတယ်။

ထိုနည်းလမ်းတွေက သင့်အရေပြားရဲ့ သဘာဝအကာအရံကို ဖျက်ဆီးနိုင်ပြီး အသားအရည်ခြောက်သွေ့ကာ ချွေးပေါက်ပိတ်စေပါတယ်။

MailOnline က အရေပြားကျွမ်းကျင်ပညာရှင်များနဲ့ ပြောကြားကာ မျက်နှာအသားအရည်သန့်ရှင်းနေစေဖို့ ရှောင်ကြဉ်သင့်တဲ့ နည်းလမ်းတွေအကြောင်း ဆွေးနွေးခဲ့ပါတယ်။

(၁) သုံးစွဲသောအလှကုန်ပစ္စည်းများလွန်းခြင်း

ဆိုရှယ်မီဒီယာတွေမှာ ကြော်ငြာသမျှ ပစ္စည်းတွေ လိုက်လံသုံးစွဲတာကတော့ မဖြစ်သင့်ပါဘူး။

ဓာတုပစ္စည်းအများအပြားကို မျက်နှာပေါ်တင်တဲ့အခါ အရေပြားမှ သဘာဝအဆီဓာတ်တွေ ပျက်စီးပြီး ခြောက်သွေ့စေပါတယ်။

ဘာမင်ဂမ်ဆေးခန်းတစ်ခုမှ ဒေါက်တာ'ဆာလွန်မီဒါရာရှီ'က နံနက်ခင်းမှာ မျက်နှာသစ်၊ စိုစွတ်မှုပေးသောအရည်၊ SPF တို့ကိုသာ လိမ်းဖို့ဆိုပါတယ်။

ဒါ့အပြင် ဆပ်ပြာတုံးဖြင့် မျက်နှာသစ်ခြင်းက အရေပြားကို ကြမ်းတမ်းခြောက်သွေ့စေပါတယ်။

(၂) မျက်နှာကိုပွတ်တိုက်ခြင်း

မျက်နှာသစ်တဲ့အခါ ပွတ်တိုက်ခြင်းက ဆဲလ်သေတွေ၊ အဆီတွေ၊ အညစ်အကြေးတွေကို ဖယ်ရှားနိုင်တာမှန်ပေမယ့် ကျန်းမာတဲ့ဆဲလ်တွေကိုပါ ပါသွားစေနိုင်ပါတယ်။

အရေပြားရှိ ဆဲလ်သေတွေဖယ်ရှားဖို့ ကြမ်းကြမ်းတမ်းတမ်းမဟုတ်ဘဲနဲ့ နူးညံ့စွာဖြင့်သာ ပွတ်တိုက်သင့်ပါတယ်။

(၃) မကြာခဏမျက်နှာသစ်ခြင်း

တစ်နေ့ကို နှစ်ကြိမ်မျက်နှာသစ်ခြင်းက အသင့်တော်ဆုံးလို့ ပညာရှင်များဆိုကြပါတယ်။

နှစ်ကြိမ်ထက်ပိုရင်တော့ အရေပြားခြောက်သွေ့ခြင်း၊ အထိမခံခြင်း၊ အစက်အပြောက်ပေါ်ခြင်းတို့ ဖြစ်တတ်ပါတယ်။

(၄) ရေပူအသုံးပြုခြင်း

ရေပူကိုအသုံးပြုချင်တယ်ဆိုရင် အပူချိန်လျော့ကျအောင် ပြုလုပ်သင့်ပါတယ်။

ရေပူလွန်းခြင်း၊ အေးလွန်းခြင်းဟာ အဆီထွက်ခြင်းကိုပိုဆိုးစေပါတယ်။
ဒီအတွက် ရေနွေးနွေးဖြင့်သစ်ပေးခြင်းက မျက်နှာအတွက် အကောင်းဆုံးဖြစ်ပါတယ်။

(၅) တစ်ခါသုံးအဝတ်စဖြင့်မျက်နှာသုတ်ခြင်း

တစ်ခါသုံးမျက်နှာသုတ်အဝတ်စတွေက မျက်နှာကို တခဏအတွင်း သန့်စင်သွားစေပေမယ့် ပညာရှင်တွေကတော့ ဒါတွေဟာ ရေရှည်အတွက်မသင့်တော်ဘူးလို့ ဆိုကြပါတယ်။

ထိုအဝတ်စတွေက အညစ်အကြေးအားလုံးကို မဖယ်ရှားနိုင်တာကြောင့် အမှုန်အမွှားတွေကျန်ခဲ့ပြီး ချွေးပေါက်ပိတ်စေပါတယ်။

Source: Daily Mail
#Yangon_Media_Group

#Local_News
Published_ 3 February 2023

မြန်မာနိုင်ငံအပါအဝင် အာဆီယံဒေသတွင်းနိုင်ငံများတွင် အရက်သောက်သုံးမှုထိန်းချုပ်ရေး၊ အရက်မသောက်သုံးရေးနေ့ (Alcohol Free Days) သတ်မှတ်ရေးများကို ကျန်းမာရေးဝန်ကြီးဌာနမှ ထည့်သွင်းဆွေးနွေးခဲ့ကြောင်း သိရသည်၊၊

မြန်မာနိုင်ငံမှ အိမ်ရှင်အဖြစ်လက်ခံကျင်းပသည့် (၇) ကြိမ်မြောက် အာဆီယံကျန်းမာသော နေထိုင်မှုစနစ်မြှင့်တင်ရေး ကျန်းမာရေးဆိုင်ရာ အစုအဖွဲ့-၁ အစည်းအဝေး ဒုတိယနေ့တွင် ယင်းလုပ်ငန်းများ ဆောင်ရွက်ရန်ထည့်သွင်းဆွေးနွေးခဲ့သည်၊၊

အစည်းအဝေးတွင် မြန်မာနိုင်ငံမှသဘာပတိအဖြစ်တာဝန်ယူပြီး အရက်သောက်သုံးမှုထိန်းချုပ်ရေး၊ အရက်မသောက်သုံးရေးနေ့ (Alcohol Free Days) သတ်မှတ်ရေး၊ ထိခိုက်မှုအန္တရာယ်ကာကွယ်ရေးနှင့်စပ်လျဉ်း၍ အဖွဲ့ဝင်နိုင်ငံများ၏ အတွေ့အကြုံနှင့် အလေ့အကျင့်ကောင်းများ ဖလှယ်နိုင်ရေး၊ ယာဉ်ထိခိုက်မှုဆိုင်ရာသတင်းအချက်အလက်အစီရင်ခံစာ ပြုစုနိုင်ရေးအတွက် စံနှုန်းများသတ်မှတ်ရေး၊ လုပ်ငန်းခွင်ဆိုင်ရာရောဂါများအား စောင့်ကြည့် စစ်ဆေးခြင်းနှင့် အချက်အလက်များ‌ဖော်ထုတ်သတ်မှတ်ခြင်းဆိုင်ရာ အာဆီယံဆိုင်ရာလမ်းညွှန်များ အားအပြီးသတ်ရေးဆွဲရေးနှင့် အတွေ့အကြုံများကို ဖလှယ်နိုင်ရန် ဒေသဆိုင်ရာနှီးနှောဖလှယ်ပွဲ တစ်ခုအား ၂၀၂၅ခုနှစ် အတွင်းကျင်းပရေး၊ ကိုဗစ် - ၁၉ ကပ်ရောဂါကာလအတွင်း စိတ်ကျန်းမာရေးနှင့် လူမှုရေးဆိုင်ရာအထောက်အပံ့ပေးနိုင်ရေးအတွက် အာဆီယံဆိုင်ရာ မူဘောင်ပြုစုနိုင်ရေးနှင့် ပျိုရွယ်သူနှင့် ကလေးကျန်းမာရေးလုပ်ငန်းစဉ်များတွင် အဆိုပါကိစ္စရပ်အား ထည့်သွင်းဆောင်ရွက်နိုင်ရေးအတွက် လမ်းညွှန်ကို အချောသတ် ပြုစုရေးစသည့် ခေါင်းစဉ်များဖြင့် ဆွေးနွေးခဲ့သည်၊၊

ယင်းအပြင် အာဆီယံဒေသတွင်း ဆေးလိပ်နှင့်ဆေးရွက်ကြီးသောက်သုံးမှုထိန်းချုပ်ရေးနှင့်စပ်လျဉ်း၍ ဒီဂျစ်တယ်မီဒီယာ လှုပ်ရှားမှုများဆောင်ရွက်ရေး၊ အီလက်ထရောနစ်စီးကရက်ထိန်းချုပ်ရေး၊ ဆေးလိပ်နှင့် ဆေးရွက်ကြီးဆိုင်ရာ မူဝါဒချမှတ်ခြင်းနှင့် ထိန်းချုပ်ရေးလုပ်ငန်းများ ဆောင်ရွက်ရာတွင် ထုတ်လုပ်သူများ၏ နှောင့်ယှက်ဟန့်တားမှုများမှကာကွယ်တားဆီးရေး၊ ဆေးလိပ်နှင့်ဆေးရွက်ကြီးထွက်ပစ္စည်းများကို စံသတ်မှတ်ချက်များနှင့်အညီ ထုပ်ပိုးခြင်းနှင့် စပ်လျဉ်း၍ အဖွဲ့ဝင်နိုင်ငံများမှ သဘောတူညီချက်ရယူရေးများကိုဆောင်ရွက်ခဲ့ကြောင်း သိရသည်၊၊

အစည်းအဝေး ဒုတိယနေ့ညနေပိုင်းတွင် ဖိလစ်ပိုင်နိုင်ငံမှ သဘာပတိအဖြစ် တာဝန်ယူ၍ ပဏာမကျန်းမာရေးနှင့် အထက်အဆင့် ကျန်းမာရေးဝန် ဆောင်မှုများတွင် စိတ်ကျန်းမာရေးဆိုင်ရာ ဝန်ဆောင်မှု ထည့်သွင်းနိုင်ရေးလမ်းညွှန် ပြုစုရေး၊ ဘွဲကြိုအဆင့် ဆရာဝန်သင်တန်းနှင့် သူနာပြုသင်တန်းများတွင် စိတ်ကျန်းမာရေးဆိုင်ရာများ ထည့်သွင်းပို့ချနိုင်ရေး၊ သက်ကြီးရွယ်အို အဖွဲ့အစည်းဆိုင်ရာ အာဆီယံ ဗဟိုဌာန (ASEAN Centre for Active Ageing and Innovation - ACAI) ၏လုပ်ငန်းဆောင်ရွက်မှု အခြေအနေနှင့် ကျန်းမာရေးပညာပေးအထောက် အကူပြုပစ္စည်းများကို အသုံးပြုရေး၊ အဖြစ်များသော မှတ်ဉာဏ်လျော့ပါးလာသော ရောဂါ (Dementia)ကို ပြုစုစောင့်ရှောက်ရေး၊ အဖွဲ့ဝင်နိုင်ငံများအကြား အသိပညာဖလှယ်ရေး၊ အာဟာရပြည့်ဝ၍ ကျန်းမာရေးနှင့် ညီညွတ်သောအစားအသောက်များ စားသုံးမှုမြှင့်တင်ရေး လုပ်ငန်းစဉ်(၂၀၂၁-၂၀၂၅) အား အကောင်အထည်ဖော်ဆောင်ရွက်ရေး၊ ဒေသတွင်း မိခင်နိုတိုက်ကျွေးရေး ညီလာခံနှင့် အာဟာရဖွံ့ဖြိုးမှု စောင့်ကြည့်လေ့လာရေး အလုပ်ရုံဆွေးနွေးပွဲကျင်းပရေး၊ ကျန်းမာရေးနှင့် ညီညွတ်သောစား သောက်မှုပုံစံမြှင့်တင်ရေးနှင့် ကျောင်းကျန်းမာရေးအခြေပြုအာဟာရဖွံ့ဖြိုးရေးလမ်းညွှန်များ ပြုစုနိုင်ရေး စသည့်ခေါင်းစဉ်များကို ဆွေးနွေးခဲ့ကြောင်းလည်း သိရသည်၊၊

#ymg/tthl
#Yangon_Media_Group

#Myanmar_News
Published 2 Feb 2023

တိုင်းဒေသကြီးနှင့် ပြည်နယ်(၈)ခုအတွင်းရှိ မြို့နယ်(၃၇)မြို့နယ်တွင် စစ်အုပ်ချုပ်ရေး (Martial Law) အာဏာကို ကျင့်သုံးရန် ဖွဲ့စည်းပုံ အခြေခံဥပဒေပုဒ်မ ၄၁၉ အရအပ်နှင်းလိုက်တယ်လို့ နစက,က အမိန့်ထုတ်ပြန်ပါတယ်။ နစကရဲ့ စစ်အုပ်ချုပ်ရေးအမိန့် ၁/၂၀၂၃မှ ၇/၂၀၂၃ အထိ ယနေ့ ဇန်နဝါရီ (၂)ရက် ရက်စွဲဖြင့်ထုတ်ပြန်လိုက်တာဖြစ်ပါတယ်။

အဆိုပါအမိန့်များအရ

-စစ်ကိုင်းတိုင်းဒေသကြီးတွင် အင်းတော်၊ ဗန်းမောက်၊ ကောလင်း၊ပင်လယ်ဘူး၊ မြောင်၊ ဆားလင်းကြီး၊ ပုလဲ၊ ယင်းမာပင်၊ ခင်ဦး၊ တန့်ဆည်နှင့်ရေဦးမြို့နယ် စုစုပေါင်း (၁၁)မြို့နယ်

- ချင်းပြည်နယ်တွင် တီတိန်၊ တွန်းဇံ၊ ဖလမ်း၊ ကန်ပက်လက်၊ မတူပီ၊ ထန်တလန်နှင့် ဟာခါးမြို့နယ် စုစုပေါင်း(၇)မြို့နယ်

-မကွေးတိုင်းဒေသကြီးတွင် ဂန့်ဂေါ၊ထီးလင်း၊ဆော၊ပေါက်၊မြိုင် မြို့နယ် စုစုပေါင်း(၅)မြို့နယ်

-ပဲခူးတိုင်းဒေသကြီးတွင် ထန်းတပင်၊အုတ်ဖို၊နတ်တလင်း၊ပေါင်းတည်၊ပေါက်ခေါင်း စုစုပေါင်း (၅)မြို့နယ်

-မွန်ပြည်နယ်တွင် ရေးမြို့နယ် စုစုပေါင်း(၁)မြို့နယ်

-ကရင်ပြည်နယ်တွင် ကြာအင်းဆိပ်ကြီးနှင့် ကော့ကရိတ်မြို့နယ် စုစုပေါင်း(၂)မြို့နယ်

-တနင်္သာရီတိုင်းဒေသကြီးတွင် တနင်္သာရီနှင့် ပုလောမြို့နယ် စုစုပေါင်း (၂)မြို့နယ်

-ကယားပြည်နယ်တွင် ဒီမော့ဆို၊ဖရူဆို၊ရှားတောနှင့်ဘောလခဲမြို့နယ် စုစုပေါင်း (၄)မြို့နယ် တို့ဖြစ်ကြောင်း သိရပါတယ်။

အဆိုပါစစ်အုပ်ချုပ်ရေးအမိန့်အရ သက်ဆိုင်ရာ အနောက်မြောက်တိုင်းစစ်ဌာနချုပ်တိုင်းမှူး၊တောင်ပိုင်းတိုင်းစစ်ဌာနချုပ် တိုင်းမှူး၊အရှေ့တောင်တိုင်းစစ်ဌာနချုပ်တိုင်းမှူး၊ကမ်းရိုးတန်းဒေသတိုင်းစစ်ဌာနချုပ်တိုင်းမှူးနှင့် ဒေသကွပ်ကဲမှုစစ်ဌာနချုပ် (လွိုင်ကော်) ဒေသကွပ်ကဲရေးမှူးတွေကို အုပ်ချုပ်ရေးနှင့် တရားစီရင်ရေးဆိုင်ရာ စစ်အုပ်ချုပ်ရေး Martial Law အာဏာကို ကျင့်သုံးဖို့ အပ်နှင်းခဲ့တာဖြစ်ပါတယ်။

ထိုသို့ဆောင်ရွက်ရာမှာ စစ်အုပ်ချုပ်ရေးဒေသအတွင်းရှိ ဒေသအာဏာပိုင် အဖွဲ့အစည်းအဆင့်ဆင့်တို့သည် ယင်းတို့နှင့် သက်ဆိုင်သည့်လုပ်ငန်းတာဝန်များကို အနောက်မြောက်တိုင်းစစ်ဌာနချုပ် တိုင်းမှူး၊ တောင်ပိုင်း တိုင်းစစ်ဌာနချုပ်တိုင်းမှူး၊ အရှေ့တောင်တိုင်းစစ်ဌာနချုပ်တိုင်းမှူး၊ ကမ်းရိုးတန်းဒေသတိုင်းစစ်ဌာနချုပ်တိုင်းမှူးနှင့် ဒေသကွပ်ကဲမှုစစ်ဌာနချုပ်(လွိုင်ကော်) ဒေသကွပ်ကဲရေးမှူးတို့၏ ကွပ်ကဲမှုအရ ဆောင်ရွက်ရမည်လို့ ဖော်ပြပါရှိပါတယ်။

#ymg/knl

#Myanmar

#Myanmar_Politics

#Yangon_Media_Group

#World_Health
Published 3 February 2023

ယာဉ်ကြောပိတ်ဆို့မှုအတွင်း အချိန် ၂ နာရီမျှ လောင်စာဆီအိတ်ဇောငွေ့တွေကို ရှူရှိုက်မိပါက ဦးနှောက်လုပ်ဆောင်ချက်နဲ့ သိမြင်နိုင်စွမ်းတို့ကို ထိခိုက်စေကြောင်း လေ့လာတွေ့ရှိထားပါတယ်။

ယာဉ်ကြောပိတ်ခြင်းကနေထွက်ရှိတဲ့ လေထုညစ်ညမ်းမှုဟာ မှတ်ဉာဏ်ပြဿနာတွေနဲ့ ဆက်စပ်နေပြီး တာရှည်ထိတွေ့ခြင်းဖြင့် အန္တရာယ်ကြီးကြီးမားမား သက်ရောက်စေနိုင်ပါတယ်။

အချိန် ၂ နာရီအတွင်းမှာပင် ထိခိုက်မှုက ထင်ရှားကြောင်း ကနေဒါမှ သုတေသီများ တွေ့ရှိခဲ့ကြပါတယ်။

လေထုညစ်ညမ်းခြင်းက အာရုံကြောဆိုင်ရာကျန်းမာရေးကို ထိခိုက်စေရုံမက အကြောင်းအရာအမျိုးမျိုးကြောင့် အသက်ဆုံးပါးနိုင်ချေလည်း များစေပါတယ်။

ဗြိတိသျှကိုလံဘီယာတက္ကသိုလ်နဲ့ ဗစ်တိုးရီးယားတက္ကသိုလ်မှ သုတေသီများက အသက် ၁၉ နှစ်မှ ၄၉ နှစ်ကြား လူ ၂၅ ဦးကို သန့်စင်စစ်ထုတ်ထားတဲ့လေနဲ့ ဒီဇယ်အိတ်ဇောပါတဲ့လေတို့ကို မိနစ် ၁၂၀ ကြာအောင် သပ်သပ်စီရှူရှိုက်ခိုင်းခဲ့ပါတယ်။

အငွေ့မရှူခင်နဲ့ ရှူပြီးချိန်တို့မှာ MRI စကင်ရိုက်ကူးကာ ဦးနှောက်လှုပ်ရှားမှုများကို စစ်ဆေးခဲ့ကြပါတယ်။

အိတ်ဇောငွေ့တွေကို ရှူရှိုက်ခြင်းကြောင့် ဦးနှောက်ကနေ အခြားအစိတ်အပိုင်းနဲ့ ဆက်သွယ်ဆောင်ရွက်ချက်များ လျော့ကျသွားတာကို ‌တွေ့ရှိခဲ့ကြပါတယ်။

စိတ်ကျန်းမာရေးပညာရှင် ဒေါက်တာ'ယိုဒီဂေါ်ရီလုခ်'က ညစ်ညမ်းလေထုထိတွေ့ခြင်းဖြင့် သိမြင်နိုင်စွမ်းကျဆင်းကာ စိတ်ကျဝေဒနာခံစားရနိုင်ပါတယ်လို့ ဆိုပါတယ်။

ဒီတွေ့ရှိချက်တွေကို နောက်ထပ်လေ့လာဖို့လိုသေးပေမယ့် လူတွေရဲ့ တွေးခေါ်နိုင်စွမ်း၊ လုပ်ကိုင်နိုင်စွမ်းတို့ကို ထိခိုက်စေနိုင်တာတော့ အမှန်ဖြစ်နိုင်ပါတယ်။

Source: Daily Mail
#Yangon_Media_Group

#Local_News
Published_2 February 2023

CNG ဂတ်စ်ဆိုင်တွေမှာ YBS ယာဉ်တွေအနေနဲ့ အချိန်ကြာမြင့်စွာတန်းစီစောင့်ဆိုင်းနေရတာကြောင့် သီးသန့်ဂတ်စ်ဖြည့်နိုင်ရန် တိုင်းအစိုးရအဖွဲ့ထံတင်ပြထားတယ်လို့ YRTC ကနေ သိရပါတယ်။

#Yangon_Media_Group

#Asia_ReslEstate
Published 2 February 2023

ကိုဗစ်ကပ်ဘေးကြောင့် ရပ်တန့်နေခဲ့တဲ့ ထိုင်းနိုင်ငံအိမ်ခြံမြေဈေးကွက်ဟာ တရုတ်မှရင်းနှီးမြှုပ်နှံသူများ ပြန်လည်ဝင်ရောက်လာခြင်းကြောင့် ပြန်လည်အသက်ဝင်လာမယ်လို့ ထိုင်းနိုင်ငံမှ အိမ်ခြံမြေလုပ်ငန်းရှင်များ ယုံကြည်နေကြပါတယ်။

#Yangon_Media_Group

#Local_News
Published_2 February 2023

ယခုဘဏ္ဍာနှစ်ရဲ့ ကိုးလကျော်ကာလအတွင်းမှာ ပြည်ပကိုဆန် မက်ထရစ်တန်ချိန်၁ ဒသမ ၈ သန်းကျော် တင်ပို့ထားပြီးဖြစ်တယ်လို့ မြန်မာနိုင်ငံဆန်စပါးအသင်းချုပ်က ဖော်ပြထားတဲ့စာရင်းတွေအရ သိရပါတယ်။

#Yangon_Media_Group

#Local_News
Published_ 2 February 2023

လူငယ်တွေအနေနဲ့ ဗယ်လင်တိုင်းဒေးချစ်သူများနေ့မှာ သိသိရက်နဲ့မိုက်ပြီး အကာအကွယ်မဲ့လိင်ပျော်ရွှင်မှုတွေ မပြုလုပ်ဖို့လိုအပ်တယ်လို့ ခုခံကျနဲ့ ကာလသားရောဂါအထူးကုဆရာဝန်ကြီးဒေါက်တာမျိုးသန့်ကသတိပေး ပြောကြားပါတယ်၊၊

#Yangon_Media_Group

#Local_News
Published_2 February 2023

ပြည်တွင်းစက်သုံးဆီဈေးနှုန်းဟာ ယခုရက်ပိုင်းအတွင်း အတက်အကျမမှန်တာကြောင့် ယာဉ်မောင်းတွေအနေနဲ့ အခက်ကြုံတွေ့နေရတယ်လို့ သိရပါတယ်။

#Yangon_Media_Group

#DailyNews
Published_ 2 February 2023

၁။ ပြည်တွင်းစက်သုံးဆီဈေးနှုန်း အတက်အကျ မမှန်မှုကြောင့် ယာဉ်မောင်းများအခက်ကြုံ

၂။ ဗယ်လင်တိုင်းဒေးတွင် သိသိရက်နှင့်မိုက်ပြီး အကာအကွယ်မဲ့လိင်ပျော်ရွှင်မှု မလုပ်ရန်လို

၃။ ကိုးလကျော်ကာလအတွင်း ပြည်ပသို့ ဆန်တန်ချိန် ၁ ဒသမ ၈ သန်းကျော်တင်ပို့ထား

၄။ တရုတ်ဝယ်လက်များ ပြန်လည်ဝင်ရောက်လာ၍ ထိုင်းနိုင်ငံ၏ အိမ်ခြံမြေဈေးကွက်ပြန်လည် စည်ကားလာရန်မျှော်မှန်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 2 February 2023

တိုက်ကြီးမြို့နယ်တွင်းမှာရှိတဲ့ ခိုကိုးရာမဲ့ ဘိုးဘွားတွေကို သေဆုံးချိန်အထိ တာဝန်ယူပြီး အိမ်တိုင်ရာရောက် လစဉ်စားနပ်ရိက္ခာနဲ့ငွေကြေးတွေ ထောက်ပံ့ပေးနေတယ်လို့ တိုက်ကြီးမြို့နယ်ရှိ ခိုကိုးရာမဲ့အဖိုးအဖွားများ စောင့်ရှောက်ရေးနှင့် လူမှုကူညီရေးအသင်းမှ သိရပါတယ်၊၊

#Yangon_Media_Group