#Local_News
Published_5 June 2023

မန္တလေးတိုင်းဒေသကြီး၊ မြင်းခြံမြို့နယ်တွင် အမှတ်(၄)ရပ်ကွက်၊ နယ်မြေ(၁၁)ရှိ ရေတွင်းအတွင်းသို့ ဇွန်လ ၅ ရက်နေ့မနက်ပိုင်းက အမျိုးသား (၂)ဦး ပြုတ်ကျနေကြောင်းသတင်းရရှိတာကြောင့် အချိန်နာရီဝက်ခန့် ကူညီကယ်ဆယ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှသိရသည်။

ကူညီကယ်ဆယ်ပေးခဲ့ပေမယ့်လည်း အဆိုပါအမျိုးသား၂ဦးကို သေဆုံးလျှက် ဆယ်ယူနိုင်ခဲ့ကြောင်း အဖြူရောင်လက်များပရဟိတ လူမှုကူညီရေးအသင်းမှ သိရသည်။

အဆိုပါ ဖြစ်စဉ်အား မြင်းခြံခရိုင်/မြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ပြီး ကျား(၂)ဦး(သေဆုံး)ကို အဖြူရောင်လက်များပရဟိတ လူမှုကူညီရေးအသင်းယာဉ်ဖြင့် မြင်းခြံခရိုင်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#ymg/ynzw #Local_News #မြင်းခြံ #ရေတွင်းထဲပြုတ်ကျသည့်အမျိုးသားနှစ်ဦး #YMG #Yangon_Media_Group

#Ukraine_Crisis
Published 5 June 2023

ယူကရိန်းတောင်ပိုင်း ဒိုနက်စ်ဒေသရှေ့တန်းတလျှောက်ရှိ နေရာ ၅ နေရာမှာ ရုရှားတပ်တွေက ယူကရိန်းအဓိကထိုးစစ်ကြီးကို တားဆီးခဲ့ပြီး ယူကရိန်းအားပေးတပ်ဖွဲ့ဝင်ရာနဲ့ချီ သေဆုံးခဲ့ကြောင်း ရုရှားဘက်က တနင်္လာနေ့မှာ ပြောကြားလိုက်ပါတယ်။

အဆိုပါတိုက်ခိုက်မှုဟာ ရုရှားတပ်တွေသိမ်းထားတဲ့ နယ်မြေတွေကိုပြန်လည်သိမ်းယူမယ့် ယူကရိန်းတန်ပြန်ထိုးစစ်စတင်ခြင်း ဟုတ်လားမဟုတ်လားဆိုတာတော့ ရှင်းရှင်းလင်းလင်း မသိရသေးပါဘူး။

ရုရှားထိန်းချုပ်နယ်မြေတွေကို စတင်ထိုးဖောက်ဝင်ရောက်မယ်လို့ သံသယရှိထားတဲ့ ဒိုနက်စ်တောင်ပိုင်းမှာ ယူကရိန်းတို့က စက်ယန္တရား ၆ ခုနဲ့ တင့်ကားတပ်ရင်း ၂ ခုကို တိုက်ခိုက်ခဲ့ကြောင်း ရုရှားကာကွယ်ရေးဝန်ကြီးဌာနက ပြောကြားလိုက်ပါတယ်။

"မိမိတို့ရဲ့အရေးအကြီးဆုံးနေရာက ခံတပ်တွေကို ရန်သူက ထိုးဖောက်ကျော်ဖြတ်ဖို့ရည်ရွယ်တယ်လို့မြင်ပြီး ရန်သူတွေ အောင်မြင်မှုမရခဲ့ဘူး" လို့ ကာကွယ်ရေးဝန်ကြီးဌာနက မော်စကိုစံတော်ချိန် နံနက် ၁ နာရီခွဲမှာ တယ်လီဂရမ်၌ ကြေညာခဲ့ပါတယ်။

ယူကရိန်းသံချပ်ကာယာဉ်အများအပြား ကွင်းပြင်ထဲမှာ ထိမှန်ပြီးနောက် ပေါက်ကွဲသွားပုံတွေကို ရုရှားကာကွယ်ရေးဝန်ကြီးဌာနက ဗီဒီယိုထုတ်လွှင့်ပြသခဲ့ပါတယ်။

ရုရှားတပ်တွေက ယူကရိန်းတပ်သား ၂၅၀ ကို သတ်နိုင်ခဲ့ကာ တင့်ကား ၁၆ စင်း၊ ခြေလျင်တိုက်ခိုက်ရေးယာဉ် ၃ စင်း၊ တိုက်ခိုက်ရေးသံချပ်ကာယာဉ် ၂၁ စင်းတို့ကိုလည်း ဖျက်ဆီးနိုင်ခဲ့တယ်လို့ ဆိုပါတယ်။

ယူကရိန်းနယ်မြေရှိ ရုရှားစစ်ဆင်ရေးတွေကို တာဝန်ယူနေတဲ့ ရုရှားစစ်ဦးစီးချုပ်'ဗယ်လာရီဂျရာဆိုင်မော့'က ယူကရိန်းတိုက်ခိုက်တဲ့နေရာမှာ ရှိနေခဲ့ပါတယ်။

ရုရှားတပ်တွေကို တန်ပြန်တိုက်ခိုက်ရန် ယူကရိန်းဘက်က လနဲ့ချီပြင်ဆင်နေခဲ့တယ်လို့ ယူကရိန်းအရာရှိများနဲ့ CIA ညွှန်ကြားရေးမှူး'ဝီလီယံဘန်းစ်'တို့က ပြောကြားလိုက်ကာ ရုရှားသမ္မတ'ဗလာဒီမာပူတင်'ရဲ့မောက်မာမှုကို ထိုးဖောက်နိုင်မယ်လို့ ပြောကြားခဲ့ပါတယ်။

ယူကရိန်းသမ္မတ'ဗိုလိုဒီမီယာဇယ်လန်စကီ'က တန်ပြန်ထိုးစစ်ဆင်ရန် အသင့်ဖြစ်နေပေမယ့် အောင်မြင်မှုရဖို့ အချိန်ယူရမှာဖြစ်ပြီး အဆုံးအရှုံးများနိုင်တယ်လို့ ဝေါလ်စထရိဂျာနယ်နဲ့ အင်တာဗျူးမှာ ပြောကြားခဲ့ပါတယ်။

ရုရှားစစ်သားတွေ ယူကရိန်းနယ်မြေကနေ တစ်ယောက်မကျန် ရှင်းမထုတ်မနိုင်မချင်း ရပ်တန့်သွားမှာမဟုတ်ဘဲ အဆိုပါကျူးကျော်မှုကို နယ်ချဲ့ပုံစံသိမ်းပိုက်မှုအဖြစ် ယူကရိန်းဘက်က ဆိုလိုက်ပါတယ်။

စစ်ပွဲကပြင်းထန်နေပြီး အနောက်နိုင်ငံက ဆက်စပ်တိုက်ခိုက်လာကြောင်းနဲ့ ရုရှားရဲ့သယံဇာတကြီးကို ဖော်ထုတ်ရန် ရည်ရွယ်နေတယ်လို့ ရုရှားကဆိုလိုက်ပါတယ်။

အနောက်နိုင်ငံက ယူကရိန်းအနေနဲ့ ရုရှားကိုအနိုင်ရစေချင်ပေမယ့် ရုရှားကိုပျက်စီးစေချင်တယ်ဆိုတာကိုတော့ ငြင်းဆန်ထားပါတယ်။

နေတိုး(NATO)နဲ့ရုရှားတို့ကြား ထိပ်တိုက်တွေ့ဆုံပါက တတိယကမ္ဘာစစ်ကိုဦးတည်နေကြောင်း အမေရိကန်သမ္မတ'ဂျိုးဘိုင်ဒင်'က မနှစ်က ပြောကြားထားပါတယ်။

Source: Reuters #Ukraine_Crisis #ယူကရိန်းတပ်သားရာနဲ့ချီသေဆုံး
#YMG #Yangon_Media_Group

#Local_News
Published_5 June 2023

ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ သံသုမာ(၁၀)လမ်းထိပ်ရှိ ၁၄/၁ရပ်ကွက်တွင် မေလ ၅ ရက်နေ့ မနက်ပိုင်း ၁၀ နာရီကျော်ခန့်က မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

အဆိုပါမီးလောင်ကျွမ်းမှုမှာ 9 Plus KTV ဖြစ်ပြီး မီးလောင်ရသည့်အကြောင်းအရင်းကို မသိရှိရသေးကြောင်း ခရီးသွားပြည်သူများနှင့် ဒေသခံများထံမှ သိရသည်။

အဆိုပါမီးလောင်မှုကို မိနစ် ၃၀ နီးပါးမီးငြှိမ်းသတ်ခဲ့ရပြီး တောင်ဥက္ကလာပမြို့နယ် မီးသတ်စခန်းမှ မီးသတ်ယာဉ်(၄)စီး၊ ရေသယ်ယာဉ်(၁)စီး၊ သင်္ဃန်းကျွန်းမြို့နယ် မီးသတ်စခန်းမှ မီးသတ်ယာဉ်(၂)စီး၊ ရေသယ်ယာဉ်(၁)စီး၊ ရန်ကင်းမြို့နယ် မီးသတ်စခန်းမှ မီးသတ်ယာဉ်(၁)စီး၊ ရေသယ်ယာဉ်(၁)စီး၊ နာရေးကူညီမှုအသင်းမှ မီးသတ်ယာဉ်(၁)စီး၊ ရေသယ်ယာဉ်(၁)စီး၊ အရှေ့ပိုင်းခရိုင်မီးသတ်ဦးစီးမှူးရုံးမှ မီးသတ်ယာဉ်(၂)စီး၊ ရေသယ်ယာဉ်(၁)စီး၊ ၁၉၁(၁)စီး၊ ရွှေရောင်သမိုင်းလူမှုကူညီရေးအသင်းမှ ရေသယ်ယာဉ်(၁)စီးတိုဖြင့် ထွက်ခွာငြှိမ်းသတ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

#ymg/ynzw #Local_News #တောင်ဥက္ကလာပမြို့နယ် #9_Plus_Ktv မီးလောင်
#YMG #Yangon_Media_Group

#Local_News
Published_5 June 2023

မြဝတီကုန်သွယ်ရေးဇုန်မှ ထိုင်းနိုင်ငံသို့ ပို့ကုန်တင်ပို့မှုအနေဖြင့် ဧပြီလ ၁ရက်နေ့မှ မေလ၂၉ရက်နေ့အထိ ပို့ကုန် ကန်ဒေါ်လာသန်း (၈၆.၂၉၃) သန်း၊ သွင်းကုန် ကန်ဒေါ်လာသန်း (၁၉၃.၀၃၅)သန်း ဆောင်ရွက်နိုင်ခဲ့ပြီး စုစုပေါင်း ကုန်သွယ်မှုပမာဏ (၂၇၉.၃၂၈)ကန်ဒေါ်လာသန်း ဆောင်ရွက်နိုင်ခဲ့ကြောင်း စီးပွားရေးနှင့်ကူးသန်းရောင်းဝယ်ရေး၀န်ကြီးဌာန ၏ ထုတ်ပြန်ချက်အရသိရသည်။

လယ်ယာထွက်ကုန်ပစ္စည်းများ တင်ပို့မှုမှာ ဒန့်ဒလွန်စေ့ခြောက်၊ မိဿလင်ခြောက်၊ ငရုတ်၊ ကြက်သွန်နီ၊ ပြောင်း၊ ဂျင်းနွယ်ဝင်တစ်မျိုး၊ ခွေးလျားစေ့(အနက်)၊ ကန့်ချုပ်နီ၊ မန်ကျည်းသီး၊ လင်းနေမြစ်နှင့် ဂေါ်ဖီထုပ်တို့ ဖြစ်ပြီး ရေထွက်ကုန်ပစ္စည်းများမှာ ဂုံး၊ ခရု၊ ပုဇွန်၊ ငါးမွှေတိုး၊ ငါးခွေးလျှာ၊ ဝသုံးလုံး ကဏန်း၊ ငါးမြစ်ချင်းစီဖောင်း၊ ကျောက်ငါး၊ ကုလားကုတ်၊ ငါးပါးနီ၊ မီးတံသွယ်ငါးခြောက်၊ ပုဇွန်ခြောက်၊ ငါးတီး၊ ငါးသလောက်၊ ကကူယံ၊ ငါးကွင်းရှပ်ငါးဆယ်နယ်နှင့် သဲကဏန်းတို့ဖြစ်ကြောင်းလည်းသိရသည်။

ယခုအခါ ထိုင်းနိုင်ငံမှ ခရီးသွားလုပ်ငန်းများ ပြန်လည်စတင်ခြင်းကြောင့် စားသောက်ကုန်လုပ်ငန်းများ တွင်ကျယ်စွာဆောင်ရွက်လာခြင်းနှင့် စားသောက် ဆိုင်များတွင် အသုံးပြုရန် လိုအပ်ချက်ကြောင့် ဝယ်လိုအားမြင့်တက်နေ၍ ယခင်နှစ်ကထက် ပိုမိုတင်ပို့နိုင်ခဲ့ ခြင်းဖြစ်ကြောင်း စီးပွားနှင့်ကူးသန်းရောင်း၀ယ်ရေး၀န်ကြီးဌာနမှသိရသည်။

 သွင်းကုန်တင်သွင်းမှု အနေဖြင့် တိရစ္ဆာန်အစာ၊ တိရစ္ဆာန်ဆေးဝါး၊ စက်ဘီး၊ စာရေးကိရိယာ၊ ကားအပိုပစ္စည်း၊ အဝတ်အထည်၊ ဆောက်လုပ်ရေးလုပ်ငန်းသုံးပစ္စည်း၊ အလှကုန်ပစ္စည်း၊ ဆိုင်ကယ်အပို ပစ္စည်း၊ လျှပ်စစ်ပစ္စည်း၊ ဓာတ်မြေဩဇာ၊ ငါးဖမ်းကိရိယာ၊ စားသောက်ကုန်၊ ဖိနပ်နှင့် ဖိနပ်ကုန်ကြမ်းပစ္စည်း၊ သစ်သီး၊ အထည်ချုပ်၊ အိမ်သုံးပစ္စည်း၊ စက်ရုံသုံးပစ္စည်း၊ LPG (ဓာတ်ငွေ့ရည်)၊ စက်နှင့် စက်ပစ္စည်း ကိရိယာ၊ လူသုံးကုန်ပစ္စည်း၊ ကုန်ကြမ်းပစ္စည်း၊ ယန္တရားအပိုပစ္စည်း၊ အားကစားပစ္စည်း၊ စက်ဆီ/ချောဆီ၊ ဆေးပစ္စည်းနှင့် အိမ်သုတ်ဆေးတို့ တင်သွင်းလျှက်ရှိကြောင်း စီးပွားကူးသန်း၀န်ကြီးဌာနမှထုတ်ပြန်ထားပါသည်။

#ymg/ynzw #Local_News #မြန်မာ-ထိုင်းနယ်စပ် #မြ၀တီကုန်သွယ်ရေးဇုန်
#YMG #Yangon_Media_Group

#Local_News
Published_5 June 2023

ရှမ်းပြည်နယ်အရှေ့ပိုင်း၊ တာချီလိတ်မြိုနယ် ဝမ်လုံးရွာ အဝင်လမ်းမဘေးတွင် မေလ ၄ရက်နေ့ညပိုင်းက အမျိုးသားတစ်ဦး ဦးခေါင်း၌ ဒဏ်ရာများဖြင့်သေဆုံးလျှက်ရှိကြောင်း ဦးလှမိုး တာချီလိတ် လူမှုကူညီရေးအဖွဲ့မှ သိရသည်။

တာချီလိတ်မြို ဝမ်လုံးရွာ အဝင်လမ်းမဘေးတွင် လူ ၁ ဦး ဦးခေါင်းထိခိုက်ဒဏ်ရာများဖြင့် သေဆုံးနေသည့်အတွက် ပတ်ဝန်းကျင်မှ ပြည်သူများက အကူညီတောင်းခံလာခဲ့သည့်အတွက်သွားရောက်အကူညီပေးခဲ့ အဆိုပါပရဟိတအသင်းမှ တာဝန်ခံတစ်ဦးကပြောသည်။

အဆိုပါ ဖြစ်စဉ်နှင့်ပတ်သက်ပြီး တာဝန်ကျ ယာဉ်ထိန်းရဲတပ်ဖွဲ့သို့ အကြောင်းကြားပြီး ဦးခေါင်ကွဲဒဏ်ရာဖြင့် သေဆုံးနေသော အသက် (30)ကျော်အမျိုးသား၏ ရုပ်အလောင်းအား တာဝန်ရှိသူများစစ်ဆေးပြီးသည်နှင့် တာချီလိတ်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

#ymg/ynzw #Local_News #ဦးခေါင်းထိခိုက်ဒဏ်ရာများဖြင့်သေဆုံး
#YMG #Yangon_Media_Group

#World_Health
Published 5 May 2023

ကလေးငယ်တွေ မြေကြီးပေါ်မှာဆော့ကစားရင်း ညစ်ပတ်နေတဲ့လက်တွေကို ပါးစပ်ထဲထည့်မိပြီး ဖုန်တွေကိုစားမိတာမျိုး ဖြစ်လေ့ရှိပါတယ်။

ထိုအခါမှာ လူကြီးမိဘတွေက ဒီလုပ်ရပ်ကိုတားပြီး ကလေးတွေရဲ့လက်တွေ မျက်နှာတွေကို သုတ်ပေးလေ့ရှိပါတယ်။

ထိုမြေကြီးမှာ တိရိစ္ဆာန်အညစ်အကြေးတွေ ဓာတုပစ္စည်းတွေ မပါဝင်ဘူးဆိုရင် ထိုမြေကြီးဟာ စားသုံးဖို့ဘေးကင်းပါတယ်။

မြေမှုန်တစ်ဂရမ်မှာ ဘက်တီးရီးယားဆဲလ် ၁ ဘီလီယံကျော်ပါဝင်ပြီး ရောဂါကာကွယ်ပေးမယ့် ကိုယ်ခံအားစနစ်အတွက် လေ့ကျင့်ပေးသလို ပြုမူပါတယ်။

ကိုယ်ခံအားစနစ်ကို လေ့ကျင့်ပေးနေဖို့လိုအပ်ပြီး အဆက်မပြတ်လုပ်ဆောင်နေဖို့လိုအပ်ကြောင်း၊ အဲဒီလိုမဟုတ်ရင် ရောဂါတွေပိုမိုဝင်ရောက်လာနိုင်ကြောင်း ချီကာဂိုတက္ကသိုလ်မှ ညွှန်ကြားရေးမှူးဒေါက်တာ'ဂျက်ခ်ဂီလ်ဘတ်'က ပြောကြားခဲ့ပါတယ်။

တိရိစ္ဆာန်တွေနဲ့ အပင်တွေဆီက အဏုဇီဝအမှုန်တွေနဲ့ ထိတွေ့ရာကနေ ကလေးတွေမှာ ရောဂါကူးစက်နိုင်ချေ နည်းပါးလာလိမ့်မယ်လို့ ဆိုပါတယ်။

အပြင်မှာထွက်ကစားလေ့ရှိတဲ့ ကလေးတွေဟာ အိမ်ထဲမှာ တီဗီ၊ iPad ကြည့်နေတဲ့ကလေးတွေထက် ပိုပြီးကျန်းမာပါတယ်။

ထိုမြေကြီးတွေဟာ တိရိစ္ဆာန်တွေနဲ့ အပင်ဆွေးမြေ့ပစ္စည်းတွေနဲ့ ပါဝင်ဖွဲ့စည်းထားကာ ဘက်တီးရီးယား ၂၅,၀၀၀ ခန့်ပါဝင်ပါတယ်။

လူသာ ကျန်းမာနေမယ်ဆိုရင် မြေကြီးစားမိလို့ နေမကောင်းဖြစ်တာမျိုး မဖြစ်နိုင်ပါဘူး။

ကိုယ်ခံအားချို့တဲ့တဲ့ကလေးတွေနဲ့ ဒဏ်ရာရှိနေတဲ့ကလေးတွေကတော့ မြေကြီးမှာ မကစားသင့်ပါဘူး။

တစ်ခါတရံမှာ လူတွေက ဓာတုဆေးရည်တွေ ပက်ဖျန်းတာမျိုး၊ တိရိစ္ဆာန်အညစ်အကြေးတွေ ရှိနေတာမျိုးတဲ့အခါမှာတော့ မြေကြီးကိုမစားသင့်ပါဘူး။

အကျိုးဖြစ်စေတဲ့မြေကြီးတွေထဲမှာ ဓာတ်မတည့်၍နှာချေခြင်း၊ အစားအစာမတည့်ခြင်း၊ အရေပြားဓာတ်မတည့်ခြင်းလိုမျိုး ဖြစ်နိုင်ချေနည်းစေပါတယ်။

အပြင်မှာကစားပြီးတဲ့အခါမှာတော့ သေချာလက်ဆေးကြောတာမျိုးတော့ ပြုလုပ်ပေးသင့်ပါတယ်။

Source: Fatherly #World_Health #ဆော့ကစားရင်းမြေမှုန်စားမိခြင်း #ကိုယ်ခံအားစနစ်အတွက်ကောင်းမွန်စေကြောင်း #YMG #Yangon_Media_Group

#World_Health
Published 5 May 2023

ဩစတြေးလျ မဲလ်ဘုန်းရှိ မိုနက်ရှ်တက္ကသိုလ်မှ သိပ္ပံပညာရှင်များက ဦးနှောက်ရဲ့ပုံပန်းသဏ္ဍာန်ဟာ လူတစ်ယောက်ရဲ့ စဉ်းစားပုံ၊ ခံစားရပုံ၊ ပြုမူပုံတွေအပေါ် များစွာလွှမ်းမိုးနေတယ်လို့ တွေ့ရှိခဲ့ပါတယ်။

ဦးနှောက်အတွင်းရှိ နျူရွန်ချိတ်ဆက်မှုဟာ ဦးနှောက်လုပ်ဆောင်ချက်ကို တွန်းအားပေးနေတယ်လို့ သိပ္ပံပညာရှင်များထင်မြင်ခဲ့ကြပါတယ်။

လက်ရှိ သုတေသနပြုချက်များအရ ရှုပ်ထွေးတဲ့ချိတ်ဆက်မှုတွေထက်စာရင် ဦးနှောက်အကွက်များ၊ ပုံသဏ္ဍာန်များ၊ ခေါက်ရာများက ပိုပြီးသက်ရောက်နေနိုင်ကြောင်း တွေ့ရှိခဲ့ပါတယ်။

သိပ္ပံပညာရှင်တွေက လူ ၂၅၅ ယောက်ရဲ့ဦးနှောက်ကို ဓာတ်မှန်ရိုက်ကာ မတူညီတဲ့ဦးနှောက်ပုံစံ ၁ သောင်းကျော်ကို လေ့လာခဲ့ကြကာ ဦးနှောက်ပုံသဏ္ဍာန်ရဲ့ သက်ရောက်ပုံတွေကို နှိုင်းယှဉ်ခဲ့ကြပါတယ်။

တုန်ခါမှုသဘာဝပုံစံတွေကို ဖော်ပြနေတဲ့ eigenmode စနစ်ကို ဦးနှောက်လှုပ်ရှားမှုမှာ ထည့်သွင်းခဲ့ပါတယ်။

စာတမ်းပြုစုသူ'ဂျိမ်းစ်ပန်'က ဦးနှောက်ဂျီဩမေတြီနဲ့ ဦးနှောက်လုပ်ဆောင်ချက်မှာပါဝင်တဲ့ အခန်းကဏ္ဍကိုနှိုင်းယှဉ်ကာ ကျောက်တုံးတစ်ခုကြောင့် ဖြစ်ပေါ်လာတဲ့ ရေကန်အတွင်း လှိုင်းလုံးကြီးရဲ့ပုံသဏ္ဍာန်နဲ့ အရွယ်အစားကို နှိုင်းယှဉ်ခဲ့ပါတယ်။

ဂျီဩမေတြီက လှိုင်းပုံသဏ္ဍာန်ကိုလမ်းညွှန်ပေးတဲ့အတွက် လူတွေက မတူညီတဲ့အလုပ်တွေကို လုပ်ဆောင်တဲ့အခါ မြင်ရတဲ့လှုပ်ရှားမှုပုံစံတွေနဲ့ ဆက်စပ်နေပါတယ်လို့ ရှင်းပြခဲ့ပါတယ်။

ဦးနှောက်ပုံသဏ္ဍာန်များကို ထည့်သွင်းစဉ်းစားခြင်းဖြင့် ဒီမန်ရှာ၊ စိတ်ကစဉ့်ကလျားဖြစ်ခြင်း၊ စိတ်ဓာတ်ကျခြင်းလိုမျိုး ရောဂါတွေနဲ့ဆက်စပ်နေတဲ့ ဦးနှောက်လုပ်ဆောင်ချက်များရဲ့ အကျိုးသက်ရောက်မှုများကို သိပ္ပံပညာရှင်များ နားလည်သဘောပေါက်စေရန် ကူညီပေးနိုင်ကြောင်း မှတ်ချက်ပြုခဲ့ပါတယ်။

Source: NY Post #World_Health ##ဦးနှောက်ပုံသဏ္ဍာန် #လူတစ်ယောက်၏ အတွေးအခေါ်အပြုအမူ
#YMG #Yangon_Media_Group

Published 4 June 2023

၂၀၂၃ ခုနှစ်၊ ဇွန်လ (၄)ရက်နေ့ မြန်မာစံတော်ချိန် (၂၁:၀၀)နာရီအချိန်တွင် မိုးလေဝသနှင့်ဇလဗေဒညွှန်ကြားမှုဦးစီးဌာနမှ ထုတ်ပြန်သည့် ကပ္ပလီပင်လယ်ပြင်နှင့် ဘင်္ဂလားပင်လယ်အော်အခြေအနေကို အောက်ပါအတိုင်း ထုတ်ပြန်ထားပါတယ်။-

(က) (၅.၆.၂၀၂၃)ရက်နေ့မှ (၈.၆.၂၀၂၃)ရက်နေ့အတွင်းဘင်္ဂလားပင်လယ်အော်အရှေ့အလယ်ပိုင်း၊ အရှေ့တောင်ပိုင်းနှင့် ယင်းနှင့်ဆက်စပ်လျက်ရှိသော ကပ္ပလီပင်လယ်ပြင်မြောက်ပိုင်းတို့တွင် လေထုမငြိမ်မသက်မှုဖြစ်ပေါ်ရာမှ လေဖိအားနည်းရပ်ဝန်း (LowPressure Area)တစ်ခု ဖြစ်ပေါ်လာနိုင်ခြေရှိသည်ဟု ခန့်မှန်းထားခဲ့သော်လည်း ယနေ့မြန်မာစံတော်ချိန် (၂၀:၃၀)နာရီအချိန် တိုင်းထွာချက်များအရ လေဖိအားနည်းရပ်ဝန်း(Low Pressure Area)ဖြစ်ပေါ်နိုင်သည့် အခြေအနေ လျော့နည်းသွားပြီး၊ မုတ်သုံလေအားကောင်းလာနိုင်သည့်အခြေအနေသာ ဖြစ်ပေါ်နိုင်ကြောင်း ခန့်မှန်းရပါသည်။

(ခ) အဆိုပါ လေဖိအားနည်းရပ်ဝန်း(Low Pressure Area)ဖြစ်ပေါ်နိုင်သည့် အခြေအနေလျော့နည်းသွားသော်လည်း မုတ်သုံလေအားကောင်းလာနိုင်ခြင်းကြောင့် (၈.၆.၂၀၂၃)ရက်နေ့မှ (၁၅.၆.၂၀၂၃)ရက်နေ့အတွင်း နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊တနင်္သာရီတိုင်းဒေသကြီး၊ ရှမ်းပြည်နယ်(တောင်ပိုင်းနှင့် အရှေ့ပိုင်း)၊ ချင်းပြည်နယ်၊ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ အချို့ ဒေသများတွင် ဒေသအလိုက်နှင့် နေရာကွက်၍ မိုးကြီးခြင်းများနှင့်အတူ လေပြင်းတိုက်ခတ်ခြင်းများ ဖြစ်ပေါ်နိုင်ပါသည်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည်တစ်နာရီလျှင် (၃၅)မိုင်မှ မိုင်(၄၀)ခန့်အထိ တိုက်ခတ်နိုင်သည်ဟု ခန့်မှန်းရ ပါ သည်။လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင်(၉)ပေမှ (၁၂)ပေခန့် ရှိနိုင်ပါသည်။

အကြံပြုချက်

၂။ အဆိုပါဖြစ်ပေါ်လာနိုင်သည့် မုတ်သုံလေအားကောင်းလာနိုင်ခြင်းကြောင့် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်းများ ဖြစ်ပေါ်နိုင်ပါသဖြင့် ကြိုတင်သတိပြုနေထိုင်ကြပါရန်နှင့် ပြည်တွင်းလေကြောင်းပျံသန်းရေး၊ မြန်မာ့ကမ်းရိုးတန်းတစ်လျှောက်နှင့်ကမ်းလွန် ပင်လယ်ပြင်တို့ရှိကမ်းနီး၊ကမ်းဝေးငါးဖမ်းရေယာဉ်များ ၊သင်္ဘောများအနေဖြင့်လည်းကြိုတင် သတိပြုနိုင်ပါရန် အသိပေးနှိုးဆော်အပ်ပါသည်။

-ymg/knl

#လေဖိအားနည်းဖြစ်နိုင်ချေလျော့ပါး

#မြန်မာရာသီဥတု

#YangonMediaGroup

Published 4 June 2023

ရှမ်းပြည်နယ်(တောင်ပိုင်း)၊ ဖယ်ခုံမြို့နယ်၊ ညောင်ကုန်းအမှတ်(၅)ရပ်ကွက်ရှိ အမှတ်(၁)အခြေခံပညာအထက်တန်းကျောင်း ကို အကြမ်းဖက်သမားများက ဇွန် ၃ရက်ညပိုင်းတွင် အကြောင်းမဲ့မီးရှို့ဖျက်ဆီးခဲ့ကြတယ်လို့ နစကရဲ့ သတင်းထုတ်ပြန်ချက်အရသိရပါတယ်။

ထိုသို့ အကြမ်းဖက်သမားများ၏ မီးရှို့ဖျက်ဆီးမှုကြောင့် အဆိုပါကျောင်းဝန်းအတွင်းရှိ အလျား ၂၁၀ ပေ၊ အနံ ၃၀ ပေ၊ အမြင့် ၂၂ပေခန့် ရှိ အခန်း ၈ ခန်းပါ သွပ်မိုး၊ ပျဉ်ကာ၊ ပျဉ်ခင်း တစ်ထပ်ကျောင်းဆောင်တစ်ဆောင်မီးလောင်ပျက်စီးဆုံးရှုံးခဲ့ကြောင်း သိရှိရပါတယ်။

အဆိုပါကျောင်းသည် ဇွန် ၁ ရက်တွင်စတင်ဖွင့် လှစ်ခဲ့ကာ ဆရာ၊ ဆရာမ ၄၀ ဦး၊ ကျောင်းသား၊ ကျောင်းသူ ၁ဝ၅၈ ဦးဖြင့်ဖွင့်လှစ်ပညာ သင်ကြားလျက်ရှိနေတာဖြစ်ပါတယ်။

-ymg/knl

#ဖယ်ခုံအထက(၁)မီးရှို့ဖျက်ဆီးခံရ

#မြန်မာ့နိုင်ငံရေး

#YangonMediaGroup

#TV Yangon Times Matters အစီအစဉ်
Published_ 4 June 2023

အစီအစဉ်တင်ဆင်သူ ဆရာဟိန်းလတ်က (မြန်မာနိုင်ငံသဘင်အစည်းအရုံး(ဗဟို)) ပြန်ကြားရေးမှူးပတ္တမြားကေခိုင်နှင့်အတူ

ပရိုဂျူဆာအနေနဲ့ ရုပ်ရှင်လောကပြန်ဝင်လာခဲ့တာဖြစ်ပြီး ရုပ်ရှင်၊ ဗီဒီယိုတွေရိုက်ဖြစ်တဲ့အချိန် သဘင်နဲ့ပတ်သတ်ပြီးကိုယ့်မှာတာဝန်ရှိတာလို့ ခံစားမိခဲ့တာဖြစ်ကြောင်း

သဘင် နှစ် (၁၃ဝ)ပြည့် စလုပ်ဖြစ်ရာကနေ သဘင်တစ်ခေတ်ပြန်လည်ဆန်းသစ်ဖြစ်ခဲ့ရာကနေ သဘင်နဲ့ပတ်သတ်တဲ့ပွဲလေးစီစဉ်ဖြစ်ခဲ့တာဖြစ်ကြောင်း

မာလာမြိုင်သဘင်ပွဲတော်ကိုမျိုးဆက်သစ်မင်းသားတွေနဲ့စဉ်ဆက်မပြတ်တက်ဆက်ပေးဖြစ်နေတဲ့အကြောင်း "စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #ပြန်ကြားရေးမှူးပတ္တမြားကေခိုင်
#YMG #Yangon_Media_Group

Published 4 June 2023
Akademi Pyay Ti Oo and Academy Eindra Kyaw Zin donated 300,000 kyats to the people affected by the Mo Cha storm today (June 4th) at the fundraising event. Today is the third and last day of the fund-raising event held at the National Theater on Myoma School Road, Yangon, where film, music and drama artists gather and performe their talents.

#TV Yangon Times Matters အစီအစဉ်
Published_ 4 June 2023

အစီအစဉ်တင်ဆင်သူ ဆရာဟိန်းလတ်က (မြန်မာနိုင်ငံသဘင်အစည်းအရုံး(ဗဟို)) ပြန်ကြားရေးမှူးပတ္တမြားကေခိုင်နှင့်အတူ

ပရိုဂျူဆာအနေနဲ့ ရုပ်ရှင်လောကပြန်ဝင်လာခဲ့တာဖြစ်ပြီး ရုပ်ရှင်၊ ဗီဒီယိုတွေရိုက်ဖြစ်တဲ့အချိန် သဘင်နဲ့ပတ်သတ်ပြီးကိုယ့်မှာတာဝန်ရှိတာလို့ ခံစားမိခဲ့တာဖြစ်ကြောင်း

သဘင် နှစ် (၁၃ဝ)ပြည့် စလုပ်ဖြစ်ရာကနေ သဘင်တစ်ခေတ်ပြန်လည်ဆန်းသစ်ဖြစ်ခဲ့ရာကနေ သဘင်နဲ့ပတ်သတ်တဲ့ပွဲလေးစီစဉ်ဖြစ်ခဲ့တာဖြစ်ကြောင်း

မာလာမြိုင်သဘင်ပွဲတော်ကိုမျိုးဆက်သစ်မင်းသားတွေနဲ့စဉ်ဆက်မပြတ်တက်ဆက်ပေးဖြစ်နေတဲ့အကြောင်း "စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #ပြန်ကြားရေးမှူးပတ္တမြားကေခိုင်
#YMG #Yangon_Media_Group