#Local_News
Published_ 19 October 2022

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနဝန်ကြီး ဦးမြင့်ကြိုင်သည် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) ၏ မြန်မာနိုင်ငံဆိုင်ရာ ဌာနေကိုယ်စားလှယ် Ms. Hai Kyung Jun နှင့်အဖွဲ့ကို အောက်တိုဘာ ၁၈ ရက် မွန်းလွဲပိုင်းတွင် နေပြည်တော်၌ လက်ခံတွေ့ဆုံဆွေးနွေးခဲ့ပါတယ်။

ထိုသို့တွေ့ဆုံစဉ် ဝန်ကြီးဌာနနှင့် UNDP-UNHCR တို့အကြားနားလည်မှုစာချွန်လွှာ လက်မှတ်ရေးထိုး၍ ရခိုင်ပြည်နယ်၊ ဘူးသီးတောင်နှင့် မောင်တောမြို့နယ်များအတွင်း ဒေသခံပြည်သူများအတွက် အကျိုးသက်ရောက်မှု ထိရောက်မြန်ဆန်သည့် လုပ်ငန်းဆိုင်ရာစီမံကိန်းများ အကောင်အထည်ဖော်ဆောင်ရွက်မှု၊ MoU မူဘောင်အရ ရခိုင်ပြည်နယ် ဖွံ့ဖြိုးတိုးတက်ရေးလုပ်ငန်းများ ပူးပေါင်းဆောင်ရွက်နေမှုတို့ကို ဆွေးနွေးခဲ့ပါတယ်။

ရခိုင်ပြည်နယ်မှ နေရပ်စွန့်ခွာသွားသူများ ပြန်လည်လက်ခံရေးအတွက် မြန်မာ-ဘင်္ဂလားဒေ့ရှ် နှစ်နိုင်ငံပူးပေါင်းဆောင်ရွက်နေမှုနှင့်
ယင်းလုပ်ငန်းစဉ်အပေါ် မလိုလားသည့် အဖွဲ့များက နှောင့်ယှက်ဟန့်တားဆောင်ရွက်နေမှုကိုလည်း ပြောကြားခဲ့ပါတယ်။

ထို့ပြင် ရခိုင်ပြည်နယ်အတွင်း လုံခြုံရေးအခြေအနေအရ ဆောင်ရွက်နိုင်သမျှနေရာများကို သွားရောက်ဆောင်ရွက်ခွင့်ရရှိရေး ကူညီဆောင်ရွက်ပေးနိုင်ရေး အခြေအနေများ၊ မောင်တောဒေသတွင် တာဝန်ထမ်းဆောင်နေသည့် UNHCR ဝန်ထမ်းများ နေခွင့်နှင့် ခရီးသွားလာခွင့် ထပ်မံတိုးမြှင့်တင်ပြမှုအပေါ် ခွင့်ပြုပေးနိုင်ရေး အခြေအနေကို ပြောကြားခဲ့ပါတယ်။

မြန်မာနိုင်ငံအနေဖြင့် နေရပ်စွန့်ခွာသွားသူများ ပြန်လည်လက်ခံရေးအတွက်အဆင်သင့်ပြင်ဆင်ဆောင်ရွက်ထားရှိမှုနှင့် ယင်းသို့ဆောင်ရွက်မှုအပေါ် ကုလသမဂ္ဂ အပါအဝင် နိုင်ငံတကာအဖွဲ့အစည်းများသို့ ပြန်လည်ရှင်းလင်းပြောကြားပေးနိုင်ရေး အခြေအနေများနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သတင်းရရှိပါတယ်။

#ygm_mnn
#Yangon_Media_Group

#World_News
Published 19 Oct 2022

ဂျပန်နိုင်ငံမှာ ကားတစ်စီးဝင်တိုက်မိလို့ ဂျပန်ရဲ့ ရှေးအကျဆုံး ရှေးဟောင်း အိမ်သာ ပျက်စီးသွားရတယ်လို့ ဂျပန်နိုင်ငံ မိုင်အင်နီချီ သတင်းစာက သတင်းရေးသားပါတယ်။

အောက်တိုဘာ ၁၇ရက် မနက်၉နာရီခွဲခန့်မှာ ကျိုတိုမြို့ ဟီဂါရှီယားမားရပ်ကွက်က တိုဖူကူဂျီဘုရားကျောင်းရဲ့ ကြမ်းပြင်ပေါ်မှာရှိတဲ့ တိုဆူးအိမ်သာကို ကားတစ်စီးက ဝင်တိုက်ခဲ့တာဖြစ်ပါတယ်။ အဲဒီတိုဆူးအိမ်သာကို နိုင်ငံရဲ့ အရေးကြီးတဲ့ ယဉ်ကျေးမှုအမွေအနှစ်အဖြစ်သတ်မှတ်ထားတာပါ။

တိုဆူးအိမ်သာနေရာကို မူရိုမာချီခေတ်(၁၃၃၆-၁၅၇၃)ရဲ့ ပထမခေတ်တစ်ဝက်အတွင်းမှာ ဇင်ဗုဒ္ဓဘာသာ ဘုရားကျောင်းတစ်ကျောင်းမှာ တည်ဆောက်ခဲ့တာဖြစ်ပါတယ်။ အဆိုပါအိမ်သာကို အသုံးမပြုတာကြာပြီဖြစ်ပြီး ဂျပန်နိုင်ငံရဲ့ ရှေးအကျဆုံး အိမ်သာအဖြစ်သိထားကြပါတယ်။

အသက် ၃၀ အရွယ်အမျိုးသားတစ်ဦးဟာ ကားကို နောက်ဆုတ်ရာမှာ မှားယွင်းစွာဆုတ်မိပြီး မတော်တဆ တိုက်မိခဲ့တာဖြစ်တယ်လို့ ကျိုတိုဟီဂါရှီယာမာ ရဲစခန်းကပြောပါတယ်။ အဲဒီကားဟာ တိုဆူးအိမ်သာခန်းဝကို ဝင်တိုက်တဲ့အတွက် အခန်းရဲ့ တံခါးတွေအစိတ်အပိုင်းအချို့နှင့် နံရံတို့ပျက်စီးခဲ့ရပါတယ်။ ဒဏ်ရာရသူတော့ မရှိပါဘူး။

Source :Mainichi
#Japan’s_Oldest_Toilet
#Tosu_toilet
#Japan_Culture
#Yangon_Media_Group

#World_Health
Published 19 October 2022

အခုခေတ်မှာ တီဗီ၊ လက်ကိုင်ဖုန်းစတဲ့ပစ္စည်းများ အကြည့်များလာတာကြောင့် အသက် ၆ နှစ်ခန့်ကလေးတွေဟာ လူကြီးတွေခံစားရလေ့ရှိတဲ့ မျက်လုံးပြဿနာမျိုးခံစားရနိုင်တယ်လို့ ကျွမ်းကျင်သူများက သတိပေးလိုက်ပါတယ်။

မျက်လုံးခြောက်သွေ့ရောဂါဆိုတာက မျက်ရည်အလုံအလောက် မထုတ်လုပ်နိုင်ဘဲ မျက်လုံးအတွက် ချောမွေ့ခြင်းမရှိတော့တာပါ။

ဒီအခြေအနေဟာ အသက် ၅၀ နဲ့ ၆၀ လူကြီးတွေမှာ ဖြစ်တတ်ပြီး မကုသဘဲနေလိုက်ရင် မျက်လုံးကြမ်းတမ်းခြင်း၊ နာကျင်နီရဲခြင်း၊ မျက်လုံးအထိမခံနိုင်ခြင်းများ ဖြစ်လာတတ်ပါတယ်။

ဒီခံစားမှုမျိုးဟာ ကြက်သွန်နီလှီးရင်း မွှန်တဲ့ခံစားမှုမျိုးနဲ့ နှိုင်းယှဉ်လို့ရပါတယ်။

မျက်စိအထူးကုဆရာဝန်'ဆာရာဖာရန့်'က မူလတန်းအရွယ်ကလေးများကို စတင်လေ့လာကြည့်ခဲ့ပါတယ်။

မျက်စိခြောက်သွေ့ခြင်းဖြစ်ရတာဟာ တီဗီ၊ ဖုန်းအကြည့်များလာခြင်းကြောင့်ဖြစ်ပြီး မျက်တောင်ခတ်နှုန်း သိသိသာသာကျဆင်းလာပါတယ်။

လွန်ခဲ့တဲ့ ၁၅ နှစ် ဆေးခန်းစဖွင့်တုန်းက ဒီလိုမျိုးဖြစ်တဲ့ကလေးမျိုး တစ်ယောက်တောင်မတွေ့ခဲ့ရကြောင်း၊ အခုနောက်ပိုင်းနှစ်တွေမှာတော့ မျက်လုံးခြောက်သွေ့ခြင်းခံစားရတဲ့ ကလေးတွေ ပိုပိုများလာကြောင်း၊ အငယ်ဆုံးလူနာဆိုရင် အသက် ၆ နှစ်မျှသာ ရှိသေးကြောင်း ပြောပြခဲ့ပါတယ်။

ကလေးငယ်တွေမှာ မိတ်ကပ်လိမ်းလာကြတာကလည်း မျက်လုံးတစ်ရှူးတွေကို ထိခိုက်စေပြီး မကုသဘဲထားလိုက်ရင် မျက်ခွံထဲရှိ မျက်ရည်ထုတ်လုပ်တဲ့ဂလင်းများ တသက်တာပျက်စီးသွားနိုင်ပါတယ်။

မျက်လုံးခြောက်သွေ့ခြင်းအတွက် ဆေးဝါးပစ္စည်းများထုတ်လုပ်နေတဲ့ Thea Pharmaceuticals မှ ဒေါက်တာ'မက်သယူးအော်လ်ဆန်'က အသက်အရွယ်မရွေး မျက်လုံးများကို သေချာသတိထားစောင့်ကြည့်သင့်ကြောင်း၊ ဒီရောဂါက ဘဝအခြေအနေအပေါ် သက်ရောက်မှုကြီးမားကြောင်း ပြောပြသွားပါတယ်။

Source: Daily Mail
#Yangon_Media_Group

#World_Health
Published 19 October 2022

ငှက်တွန်သံနားဆင်ခြင်းက လူတွေရဲ့စိတ်အခြေအနေကို ကောင်းမွန်စေရုံမက ကယောင်ခြောက်ခြားစိတ်ဖြစ်ခြင်းကိုလည်း လျှော့ချပေးနိုင်ကြောင်း ဂျာမနီနိုင်ငံ မက်ဇ်ပလန့်ခ်တက္ကသိုလ်မှ သုတေသီများက ပြောကြားလိုက်ပါတယ်။

ပတ်ဝန်းကျင် အာရုံကြောသိပ္ပံအဖွဲ့မှ စာတမ်းပြုစုသူပါရဂူ'အီမေလ်စတော့ဘ်'က လူတစ်ဦးချင်းစီအပေါ် သဘာဝပတ်ဝန်းကျင်ရဲ့ သက်ရောက်မှုကို လေ့လာရန်အတွက် လူ ၂၉၅ ဦးကို အွန်လိုင်းမှစစ်တမ်းကောက်ယူကာ ဆူညံသံတွေနဲ့ ငှက်တေးသီသံတို့က စိတ်အခြေအနေနဲ့ မှတ်ဉာဏ်စွမ်းဆောင်ရည်အပေါ် ဘယ်လိုသက်ရောက်လဲဆိုတာကို လေ့လာခဲ့ကြပါတယ်။

စမ်းသပ်ခံများကို ဆူညံသံနဲ့ ငှက်တေးသီသံအမျိုးမျိုးကို ၆ မိနစ်ကြာနားထောင်စေခဲ့ပါတယ်။

နားမထောင်ခင်နဲ့ နားထောင်အပြီးမှာ သူတို့ရဲ့ စိတ်ပိုင်းဆိုင်ရာနဲ့ မှတ်ဉာဏ်စွမ်းရည်တို့ကို စစ်ဆေးနိုင်မယ့် မေးခွန်းများ မေးမြန်းခဲ့ပါတယ်။

ထို့နောက် တွေ့ရှိချက်များကို Scientific Reports ဂျာနယ်မှာ ဖော်ပြခဲ့ပါတယ်။

ကျန်းမာတဲ့လူတွေဟာလည်း စိုးရိမ်သောကတွေ ယာယီအကြောက်လွန်ခြင်းများ ခံစားရနိုင်ပါတယ်။

မေးခွန်းမေးတဲ့ပုံစံက စိတ်ဓာတ်ကျခြင်း၊ စိုးရိမ်ပူပန်ခြင်း၊ ကြောက်ရွံ့ခြင်းတို့ကို စစ်ဆေးတာမျိုးမဟုတ်ဘဲ လူတို့ရဲ့သဘောထားကို ခွဲခြားသိမြင်စေကာ ယင်းသဘောထားများအပေါ် ငှက်များရဲ့တေးသီသံက အကျိုးသက်ရောက်မှုရှိ/မရှိကို ဖော်ထုတ်ချင်တာဖြစ်ကြောင်း 'စတော့ဘ်'က ပြောပြပါတယ်။

ယခင်စိတ်ပိုင်းဆိုင်ရာအချက်အလက်များမှာလည်း သဘာဝပတ်ဝန်းကျင်အသံတွေက လူသားတို့ရဲ့ စိတ်ကျန်းမာရေးအခြေအနေနဲ့ အသိဉာဏ်တို့အပေါ် လွှမ်းမိုးမှုရှိကြောင်း ဖော်ပြထားပါတယ်။

ဒါ့အပြင် မြို့ပြလူနေမှု များပြားလာခြင်းက စိတ်ကျန်းမာရေးထိခိုက်စေတာမျိုး အဖြစ်များလာကြပါတယ်။

၂၀၀၅ ခုနှစ်လေ့လာချက်တစ်ခုမှာလည်း စိတ်ကစဉ့်ကလျားဖြစ်ခြင်းရဲ့ ၃၀ ရာခိုင်နှုန်းလောက်ဟာ မြို့ပြလူနေမှုကြောင့် ဖြစ်တယ်လို့ ဖော်ပြထားပါတယ်။

အခုဂျာမနီလေ့လာမှုအသစ်မှာ ငှက်တွေရဲ့တေးသီသံကို နားထောင်ခြင်းဟာ စိုးရိမ်ပူပန်စိတ်နဲ့ ကယောင်ခြောက်ခြားဖြစ်ခြင်းတို့ကို သိသိသာသာလျော့ကျစေပါတယ်။

တေးသီသံတွေက စိတ်ဓာတ်ကျဆင်းခြင်းကိုတော့ မသက်သာစေပေမယ့် ဆူညံသံတွေကတော့ စိတ်ဓာတ်ကျခြင်းအခြေအနေကို ပိုမိုဆိုးရွားစေပါတယ်။

ငှက်တေးသီသံတွေကို ကက်ဆက်ဖွင့်နားဆင်တာမျိုးလည်း ပြုလုပ်နိုင်ပေမယ့် သဘာဝအသံကတော့ ပိုပြီးသက်ရောက်ရှိစေပါတယ်။

သဘာဝပတ်ဝန်းကျင်နေရာတစ်ခုမှာ တစ်နာရီလမ်းလျှောက်ပေးခြင်းကလည်း စိတ်ဖိစီးမှုကို ပြေလျော့စေတယ်လို့ သိရှိထားပါတယ်။

Source: The Jerusalem Post
#Yangon_Media_Group

#Local_News
Published-18 October 2022

ယခုဘဏ္ဍာနှစ်ရဲ့ ခြောက်လကျော်ကာလအတွင်းမှာ ပြည်ပကို ပဲတင်ပို့မှုမှာ တန်ချိန် သုည ဒသမ ၈၃ သန်း တင်ပို့ခဲ့ပြီး တန်ဖိုးအားဖြင့် အမေရိကန်ဒေါ်လာ ၆၅၅ ဒသမ ၀၁ သန်းဝင်ငွေရရှိထားတယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနရဲ့ စာရင်းတွေအရ သိရပါတယ်။

#Yangon_Media_Group

Published 18 Oct 2022

မော်လမြိုင်ဒေသတွင် အပြည်ပြည်ဆိုင်ရာလေဆိပ်နှင့် ပင်လယ်ဆိပ်ကမ်းတို့ကို တည်ဆောက်ရန်စီစဉ်နေတယ်လို့ နစကဥက္ကဋ္ဌကပြောကြားပါတယ်။

အောက်တိုဘာ ၁၈ ရက် က မွန်ပြည်နယ်မော်လမြိုင်တွင် ကျင်းပသည့် မွန်ပြည်နယ်ရှိ အသေးစား၊အငယ်စားနှင့်အလတ်စား စီးပွားရေး MSMEလုပ်ငန်းရှင်များနှင့်တွေ့ဆုံဆွေးနွေးပွဲတွင် ထည့်သွင်း ပြောကြားခဲ့ခြင်း ဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။

“မော်လမြိုင်မှာ ယခင်က ပင်လယ်ဆိပ်ကမ်းရှိခဲ့ပေမယ့် အကြောင်းအမျိုးမျိုးကြောင့် ယခုအသုံးပြုမှုမရှိတော့ပါဘူး။ အဲဒါကြောင့် မော်လမြိုင်ဒေသတွင် ပင်လယ်ဆိပ်ကမ်းတစ်ခု တည်ဆောက်နိုင်ရေးအတွက် စီမံဆောင်ရွက်ချက်ရှိနေပါတယ်။ အလားတူပဲ မော်လမြိုင်ဒေသတွင် အပြည်ပြည်ဆိုင်ရာလေဆိပ်တည်ဆောက်နိုင်ရေး စီမံဆောင်ရွက်နေပါတယ်။ နောင်တစ်ချိန်မှာ မော်လမြိုင်ဒေသသကို ခရီးသွားတွေပိုမိုဝင်ရောက်လာစေဖို့နှင့် လေကြောင်းမှ ကုန်စည်စီးဆင်းမှုတွေကို မြှင့်တင်ဆောင်ရွက်ဖို့ ရည်ရွယ်ဆောင်ရွက်နေတာဖြစ်ပါတယ်” ဟု ဗိုလ်ချူပ်မှူးကြီးမင်းအောင်လှိုင်ကပြောပါတယ်။

ပြည်ပမှ သွင်းကုန်တွေထိန်းချုပ်ပေးတဲ့အတွက် ပြည်တွင်းစက်မှုလုပ်ငန်းတွေ အားကောင်းလာပြီး အလုပ်အကိုင်တွေ ပိုများလာကြောင်း၊နိုင်ငံတွင် ၂၀၁၈/၂၀၁၉ ခုနှစ်ခန့်မှစပြီး စီးပွားရေးကျဆင်းခဲ့ပေမယ့် ယခုအခါ နိုင်ငံရဲ့ စီးပွားရေးဟာ ပြနလည် တည်ငြိမ်ကောင်းမွန်လာပြီဖြစ်တယ်လို့လည်း နစက ဥက္ကဋ္ဌက ဆက်လက်ပြောဆိုတယ်လို့ သတင်းထုတ်ပြန်ချက်မှာဖော်ပြထားပါတယ်။

တွေ့ဆုံပွဲမှာ မွန်ပြည်နယ် စီးပွားရေးလုပ်ငန်းရှင်တွေက လိုအပ်ချက်တွေနှင့် နိုင်ငံတော်က ပံ့ပိုးဆောင်ရွက်ပေးစေလိုတဲ့ အခြေအနေတွေကိုလည်းဆွေးနွေးတင်ပြခဲ့တယ်လို့ သတင်းထုတ်ပြန်ချက်ကဆိုပါတယ်။

သူတို့ရဲ့တင်ပြချက်တွေထဲမှာ ရော်ဘာလုပ်ငန်းပိုမိုဖွံ့ဖြိုးတိုးတက်ဖို့ပံ့ပိုးကူညီပေး စေလိုရေး၊ဆားထုတ်လုပ်ရေးလုပ်ငန်းတွေမှာ နေရောင်ခြည်စွမ်းအင်သုံးလျှပ်စစ်ဖြင့် အစားထိုးသုံးစွဲနိုင်ရေး၊ ဆားကို ပြည်တွင်းပြည်ပရောင်းချရာမှာ အဆင့်မြင့်ဆားတွေထုတ်လုပ်နိုင်ဖို့ နိုင်ငံတော်ကကူညီပေးရေး၊ ငါးမွေးမြူရေး၊ စက်မှုဇုန်လုပ်ငန်းများနှင့်  ယက်ကန်းလုပ်ငန်းများတွင် အရင်းမပျောက်မတည်ချေးငွေများနှင့်  အတိုးနှုန်းသက်သာသည့်ချေးငွေတွေထုတ်ချေပေးရေး၊ သံရည်ကျိုလုပ်ငန်းနှင့် သတ္ထုထုတ်လုပ်မှုလုပ်ငန်းများအတွက် ကုန်ကြမ်းများ ဈေးနှုန်းသက်သာစွာရရှိစေရေးတွေပါဝင်တယ်လို့သိရပါတယ်။

စိုက်ပျိုးရေး၊မွေးမြူရေး၊ကုန်ထုတ်လုပ်မှု၊စွမ်းအင်နှင့် ခရီးသွားလုပ်ငန်းဆိုင်ရာများနှင့်ပတ်သက်ပြီး မွန်ပြည်နယ်အတွင်း အလားအလာများနှင့် ဆောင်ရွက်သင့်တာတွေကိုလည်း ဗိုလ်ချူပ်မှူးကြီးက ပြောကြားခဲ့ကြောင်း သတင်းထုတ်ပြန်ချက်မှာ ဖော်ပြထားပါတယ်။

အိမ်နီးချင်းနိုင်ငံတွေနှင့် ကုန်သွယ်မှုစာရင်းဇယားတွေကို တိုက်ဆိုင်စစ်ဆေးကြည့်တဲ့အခါ ၅၀ ရာခိုင်နှုန်းခန့် ကွာဟနေတာတွေ့ရပြီး ယင်းသည် တရားမဝင်ကုန်သွယ်မှုများရှိနေခြင်းကြောင့်ဖြစ်တယ်လို့လည်း နစက ဥက္ကဋ္ဌက ပြောဆိုပြီး အချို့သော EAO ဟာ တရားမဝင်ကုန်သွယ်ရေးတွေမှာ ပါဝင်လျက်ရှိနေတယ်လို့လည်း သူက ထုတ်ဖော်ပြောဆိုခဲ့ပါတယ်။

နစက ဥက္ကဋ္ဌဟာ တိုင်းဒေသကြီးနှင့်ပြည်နယ်အလိုက် အသေးစား၊အငယ်စားနှင့်အလတ်စားစက်မှုလုပ်ငန်းMSME စီးပွားရေးလုပ်ငန်းရှင်များနှင့် ဆက်တိုက်တွေ့ဆုံမှုတွေပြုလုပ်နေတာဖြစ်ပြီး ယမန်နေ့ကလည်း ကရင်ပြည်နယ်က လုပ်ငန်းရှင်တွေနှင့် တွေ့ဆုံခဲ့ပါတယ်။

-ymg/knl

#Mon_State_Myanmar

#Myanmar_MSME

#SG_Min_Aung_Hlaing

#World_Agriculture
Published 18 October 2022

ပြင်သစ်နိုင်ငံ ဟော့တီဆွန်းမှာ နေရောင်ခြည်စွမ်းအင်သုံးဆိုလာပြားတွေအောက်ကနေ ပဲပိစပ်တွေကို ကောက်ရိတ်စက်ဖြင့် အခက်အခဲမရှိ ရိတ်သိမ်းနိုင်ပါတယ်။

#Yangon_Media_Group

#Local_News
Published _ 18 october 2022

လက်ရှိ ရန်ကုန်မြို့မှာရှိတဲ့ Down town မြို့နယ်တွေဖြစ်ကြတဲ့ ဗိုလ်တထောင်၊ ပုစွန်တောင်၊ ကျောက်တံတား၊ လမ်းမတော်နဲ့ လသာ စတဲ့မြို့နယ်တွေမှာ အိမ်အဌားတွေပိုများလာတယ်လို့ အိမ်ခြံမြေဝန်ဆောင်မှုအသင်းတွေဆီကနေ သိရပါတယ်။

#Yangon_Media_Group

Published 18 Oct 2022

ကမ္ဘာပေါ်မှာ အကြီးဆုံးစိန်ပွင့်တွေထဲက တစ်ပွင့်ဖြစ်တဲ့ ရွှေကနေရီလို့အမည်ပေးထားတဲ့ ညိုဝါရောင် စိန်တစ်ပွင့်ကို ယူအေအီးနိုင်ငံ ဒူဘိုင်းမြို့က ဆာသူဘီကုမ္ပဏီမှာ ပြသထားပါတယ်။ အဲဒီ ရွှေကနေရီစိန်ပွင့်ကြီးဟာ အလေးချိန်အားဖြင့် ၃၀၃.၁ ကာရက်ရှိပါတယ်။

အဆိုပါစိန်ကြီးဟာ အပြစ်အနာအဆာကင်းပြီး အမေရိက ကျောက်မျက်သိပ္ပံက အတွင်းမှာ အပြစ်အနာအဆာကင်းတဲ့ စိန် အဖြစ် အဆင့်အတန်းသတ်မှတ်ပေးထားပါတယ်။

ဒီလို ရင်သပ်ရှုမောစရာ စိန်ကြီးရဲ့အရွယ်အစားအတိုင်းက ကမ္ဘာပေါ်မှာ ရှာတွေ့ထားတာ စုစုပေါင်း စိန်ပွင့်ကြီးငါးပွင့်ပဲ ရှိပါသေးတယ်။ နောက်ပြီးထူးခြားချက်က ရွှေကနေရီစိန်ကြီးဟာ အဲဒီကြီးမားတဲ့ စိန်ပွင့်ကြီးထွေတဲက တစ်ပွင့်ကနေ ပြန်လည်ဖြတ်တောက်သွေးယူထားတာဖြစ်ပါတယ်။

Source AFP

#Golden_Canary

#Brownish-yellow_Diamond

#Sotheby_Dubai

#Local_News
Published_18 October 2022

ငြိမ်းချမ်းရေးဖြစ်စဉ်ဦးဆောင်မှုအဖွဲ့ (PPST) က တိုင်းရင်းသားလက်နက်ကိုင် အဖွဲ့တွေနဲ့ ၂၀၂၂ ခုနှစ် မကုန်မီ တွေ့ဆုံမှာ ဖြစ်တယ်လို့ PPST ရဲ့ ပြောရေးဆိုခွင့်ရှိသူ ဗိုလ်မှူးကြီး စောကျော်ညွန့် ကပြောပါတယ်။

#Yangon_Media_Group

#Local_News
Published_18 October 2022

ယခုဘဏ္ဍာနှစ်ရဲ့ ခြောက်လကျော်ကာလအတွင်းမှာ ပြည်ပကိုရေထွက်ကုန်ပစ္စည်းတင်ပို့မှုမှ အမေရိကန်ဒေါ်လာ ၃၆၁ ဒသမ ၈၃ သန်းရရှိထားတယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနရဲ့ ဖော်ပြထားတဲ့ စာရင်းတွေအရ သိရပါတယ်။

#Yangon_Media_Group

#DailyNews
Published _ 18 October 2022

၁။ ၆ လကျော်အတွင်း ပြည်ပသို့ရေထွက်ကုန်ပစ္စည်းတင်ပို့မှု ကန်ဒေါ်လာ ၃၆၁ ဒသမ ၈၃ သန်းရရှိထား

၂။ ငြိမ်းချမ်းရေးဖြစ်စဉ်ဦးဆောင်မှုအဖွဲ့က တိုင်းရင်းသားလက်နက်ကိုင် အဖွဲများနှင့် ယခုနှစ်မကုန်မီ တွေ့ဆုံမည်ဟုဆို

၃။ ရန်ကုန်ရှိ Down Town မြို့နယ်များတွင် အိမ်အဌားများ ပိုများလာဟုဆို

၄။ ဆိုလာပြားများအောက် စိုက်ပျိုးထားသည့် ပဲပိစပ်များအား ပေါင်းစပ်ကောက်ရိတ်စက်ဖြင့်ရိတ်သိမ်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group