Published 7 Feb 2023

တူရကီနှင့်ဆီးရီးယားနိုင်ငံတွေမှာ ယမန်နေ့ တနင်္လာနေ့က လှုပ်ရှားသွားတဲ့ငလျင်ကြီးကြောင့် သေဆုံးသူ ၄၃၀၀ကျော်ရှိပြီး ကယ်ဆယ်ရေးသမားတွေဟာ အပျက်အစီးအပုံကြီးတွေကြားထဲ ပိတ်မိနေတဲ့အသက်ရှင်ကျန်ရစ်နိုင်သူတွေကို ရှာဖွေနေကြပါတယ်။

တနင်္လာနေ့ လင်းအားကြီး မနက် (၄)နာရီမှာ လှုပ်ရှားတဲ့ငလျင်ကြီးဟာ ဒေသတအတွင်း ရာစုနှစ်တစ်စုအတွက် အပြင်းထန်ဆုံးငလျင်ကြီးတွေထဲက တစ်ခုဖြစ်ပါတယ်?

တူရကီမှာ လူအနည်းဆုံး ၂၉၂၁ ဦးသေဆုံးပြီး လူပေါင်း ၁၅၈၀၀ ဦးကျော်ဒဏ်ရာရရှိခဲ့ပါတယ်။ အိမ်နီးချင်းဆီးရီးယားမှာ လည်း အနည်းဆုံး လူပေါင်း ၁၄၅၁ ဦးသေဆုံးခဲ့ပါတယ်။ အဲဒီအထဲက သေဆုံးသူ ၇၁၁ ဦးဟာ အစိုးရထိန်းချုပ်ထားတဲ့ ဒေသတွေ ဖြစ်တဲ့ အလီပို၊ဟာမာ၊လာတာကီးယားနှင့် တာတပ်စ်တို့ကဖြစ်ပါတယ်။

ကုလသမဂ္ဂကတော့ သေဆုံးသူပေါင်း ၂၀,၀၀၀ ကျော်လိမ့်မယ်လို့ ခန့်မှန်းထားပြီး နိုင်ငံတကာမှ

တူရကီနှင့်ဆီးရီးယားတွင်ငလျင်ကြောင့်သေဆုံးသူ ၄၃၀၀ကျော်ဖြစ်လာ

ငလျင်လှုပ်စဉ်အဆောက်အဦီကြီးများပြိုကျသည့်ရုပ်သံများဆိုရှယ်မီဒီယာများတွင်ပျံ့နှံ့

အကူအညီများလည်းစတင်ရောက်ရှိလို့လာနေပါတယ်။

ဆိုရှယ်မီဒီယာတွေမှာ ငလျင်ကြီးလှုပ်ရှားနေစဉ် အဆောက်အဦတွေပြိုကျခဲ့တာကို ရိုက်ကူးပြီးပို့စ်တွေတင်ခဲ့ကြရာ အဆိုပါ ရုပ်သံအပိုင်းအစတွေကို လူကြည့်အလွန်များနေပါတယ်။

News Source: CNN and Agencies

#Turkey_Syria_Earthquakes

#Turkey

#Syria

#Local_News
Published_ 7 February 2023

ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၅)ရပ်ကွက်၊ ကမ္ဘာအေးဘုရားလမ်း၊ MPT Exchange ရုံးတွင် မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့ဌာနချုပ်မှ သိရသည်၊၊

ဖေဖော်ဝါရီ ၇ ရက် မနက် ၁၀ နာရီ ၂၃ မိနစ်တွင် လောင်ကျွမ်းခဲ့တာဖြစ်ပြီး မြန်မာနိုင်ငံမီးသတ်တပ်ဖွဲ့ဌာနချုပ်မှ မီးသတ်ယာဉ်များ၊ မရမ်းကုန်းမြို့နယ် မီးသတ်စခန်းမှ မီးသတ်ယာဉ်များ ထွက်ခွာငြှိမ်းသတ်လျက်ရှိကြောင်း သိရသည်၊၊

MPT Exchange ရုံးတွင် မီးလောင်ကျွမ်းမှုကြောင့် MPTလိုင်းများယာယီပြတ်တောက်နိုင်ကြောင်း MPT မှ အသိပေး ဖော်ပြထားသည်၊၊

#ymg/tthl
#Yangon_Media_Group

#World_Health
Published 7 February 2023

ကယ်လီဖိုးနီးယားတောင်ပိုင်းတက္ကသိုလ်မှ လေ့လာချက်အသစ်အရ လျှပ်စစ်ကားတွေနဲ့ အဆုတ်ကျန်းမာရေးအခြေအနေတို့ကြား ဆက်စပ်လာနိုင်ချေကို ထုတ်ဖော်ပြသခဲ့ပါတယ်။

လူအယောက် ၁,၀၀၀ ရှိ လျှပ်စစ်ကားအစီး ၂၀ အတွက် ရင်ကြပ်ဝေဒနာအရေးပေါ်တက်ရောက်မှုနှုန်း နှစ်စဉ် ၃.၂ ရာခိုင်နှုန်းနည်းပါးသွားကြောင်း တွေ့ရှိခဲ့ကြပါတယ်။

ဒါ့အပြင် အသက်ရှူလမ်းကြောင်းစနစ်ကို အန္တရာယ်ဖြစ်စေတဲ့ နိုက်ထရိုဂျင်ဒိုင်အောက်ဆိုဒ်ပမာဏလည်း လျော့နည်းသွားခဲ့ပါတယ်။

လျှပ်စစ်ကားအသုံးပြုနှုန်း အတော်နည်းပါးနေသေးပေမယ့် လေထုသန့်စင်မှုနဲ့ ကျန်းမာရေးဆိုင်ရာမှာ သိသာကွဲပြားနေပါတယ်။

အလွန်ကြောက်စရာကောင်းတဲ့ ရာသီဥတုဖောက်ပြန်မှုအကြောင်း ဆွေးနွေးကြရာမှာ လျှပ်စစ်ကားများ ပြောင်းလဲအသုံးပြုခြင်းကလည်း အဓိကသော့ချက်တစ်ခုဖြစ်နေကြောင်း ပြည်သူ့ကျန်းမာရေးသိပ္ပံပရော်ဖက်ဆာ ဒေါက်တာ'ဆန်ဒရာအက်ကယ်လ်'က ပြောပြခဲ့ပါတယ်။

လေထုညစ်ညမ်းခြင်းက အသက်အန္တရာယ်အလွန်များစေပြီး ညစ်ညမ်းတဲ့လေထုကို ကြာရှည်ရှူသွင်းမိပါက ကျန်းမာရေးပြဿနာ ဆိုးရွားစေနိုင်တဲ့အပြင် အသက်အန္တရာယ်ကိုပါ ဖြစ်စေပါတယ်။

နှစ်စဉ် လူ ၉ သန်းဟာ လေထုညစ်ညမ်းမှုပြဿနာများကြောင့် သေဆုံးထားကြောင်း သိရှိရကာ လေကိုသန့်စင်နိုင်ပါက ထိုပြဿနာအများစုကို ဖြေရှင်းနိုင်မှာဖြစ်ပါတယ်။

ကမ္ဘာပေါ်ရှိ လူဦးရေရဲ့ ၉၉ ရာခိုင်နှုန်းဟာ အဆိပ်သင့်လေများကို ရှူရှိုက်နေရပြီး ရောဂါလက္ခဏာများအနေဖြင့် ချောင်းဆိုး၊ နှာချေ၊ ပန်းနာရင်ကြပ်၊ ကင်ဆာတို့ ဖြစ်ကြရပါတယ်။

ဒါ့အပြင် လေထုညစ်ညမ်းမှုရဲ့ လက်ငင်းသက်ရောက်မှုတွေမှာတော့ ကားအိတ်ဇောငွေ့ရှူရှိုက်မိရာကနေ ဦးနှောက်လုပ်ဆောင်ချက် ကျဆင်းစေကြောင်း ဆိုထားကြပါတယ်။

လျှပ်စစ်ကားအသုံးပြုခြင်းက ဒီပြဿနာတွေကို ဖြေရှင်းနိုင်ရေးအတွက် အစိတ်အပိုင်းငယ်တစ်ခုမျှသာဖြစ်ပေမယ့် သူတို့ရဲ့သက်ရောက်မှုတွေကို နောက်ထပ်ပိုပြီးလေ့လာဆန်းစစ်ဖို့ သုတေသီများ တိုက်တွန်းနေကြပါတယ်။

ဒေသတွင်းမှာပင် ပြုပြင်ပြောင်းလဲမှုလုပ်ပြီး ဒေသတွင်းပြည်သူတွေကို ကျန်းမာရေးတိုးတက်အောင် ပြုလုပ်ပေးနိုင်ရင် ဥပဒေရေးရာအမှုထမ်းတွေနဲ့ လူအများဆီကိုပါ ရောက်ရှိသွားနိုင်ကြောင်း ဒေါက်တာ'အဲရစ်ကာဂါစီယာ'က ပြောကြားသွားပါတယ်။

Source: New York Post
#Yangon_Media_Group

#World_Military
Published 7 February 2023

တပ်မတော်နှစ်ပတ်လည်အထိမ်းအမှတ်အတွက် ပြင်ဆင်နေတဲ့ မြောက်ကိုရီးယားဟာ စစ်ရေးလေ့ကျင့်မှုများ တိုးချဲ့ပြုလုပ်ပြီး နိုင်ငံရဲ့စစ်ပွဲအသင့်ပြင်အနေအထားကို တိုးမြှင့်သွားမယ်လို့ ခေါင်းဆောင်'ကင်မ်ဂျုံအန်'က ကတိပြုပြောကြားခဲ့ကြောင်း နိုင်ငံပိုင်မီဒီယာက အင်္ဂါနေ့မှာ ဖော်ပြလိုက်ပါတယ်။

တနင်္လာနေ့က အာဏာရအလုပ်သမားပါတီရဲ့ ဗဟိုစစ်ကော်မရှင်အစည်းအဝေးမှာ ကင်မ်ဂျုံအန်က ဦးဆောင်ဆွေးနွေးခဲ့ကာ တာဝန်ရှိသူများက ယခုနှစ်အတွက် အဓိကစစ်ရေးနဲ့နိုင်ငံရေးတာဝန်များ၊ စစ်တပ်တည်ဆောက်ရေးဦးတည်ချက်နဲ့ ပတ်သက်တဲ့ ရေရှည်ကိစ္စရပ်များအကြောင်း ဆွေးနွေးခဲ့ကြတယ်လို့ KCNA သတင်းဌာနက ဆိုပါတယ်။

"ကြုံတွေ့လာရနိုင်တဲ့အခြေအနေနဲ့ စစ်ပွဲအတွက် ပိုမိုတင်းကျပ်စွာ ကြိုတင်ပြင်ဆင်နိုင်ရေးတို့မှာ ကိုရီးယားပြည်သူ့စစ်တပ်(KPA) ရဲ့စစ်ဆင်ရေးနဲ့ တိုက်ခိုက်ရေးလေ့ကျင့်မှုတွေ ပိုမိုလုပ်ဆောင်ကာ အဆက်မပြတ်တိုးချဲ့ရေးကိစ္စရပ်များ ဆွေးနွေးခဲ့ကြပါတယ်" လို့ KCNA က ဖော်ပြခဲ့ပါတယ်။

မြောက်ကိုရီးယားဟာ ဗုဒ္ဓဟူးနေ့မှာ လက်နက်ကိုင်တပ်များရဲ့ နှစ်ပတ်လည်နေ့အတွက် စစ်ရေးပြသမှုပြုလုပ်သွားမှာဖြစ်ပါတယ်။

ဂြိုဟ်ပုံရိပ်တွေထဲမှာ မြောက်ကိုရီးယားတပ်တွေက ပြုံယမ်းမြို့မှာ စစ်ရေးပုံစံများဖြင့် လေ့ကျင့်နေကြပုံကို မြင်တွေ့ရပြီး တောင်ကိုရီးယားဘက်က အဆိုပါလှုပ်ရှားမှုတွေကို စောင့်ကြည့်နေကြောင်း ဆိုထားပါတယ်။

မကြာသေးမီရက်ပိုင်းက အမေရိကန်နဲ့ မဟာမိတ်တပ်များရဲ့ စစ်ရေးလေ့ကျင့်မှုများကို မြောက်ကိုရီးယားက ကြာသပတေးနေ့မှာ ပြစ်တင်ရှုတ်ချလိုက်ပြီး ယင်းတို့လုပ်ရပ်က စည်းကျော်သွားပြီဟုဆိုခဲ့ကာ ကိုရီးယားကျွန်းဆွယ်ကို စစ်ပွဲဇုန်ဖြစ်လာအောင် ခြိမ်းခြောက်နေတယ်လို့ ပြောကြားခဲ့ပါတယ်။

အမေရိကန်ကာကွယ်ရေးဝန်ကြီး'လွိုက်အော်စတင်'က တောင်ကိုရီးယားဆီ အလည်လာရောက်ခြင်းကို မြောက်ကိုရီးယားနိုင်ငံခြားရေးဝန်ကြီးက ရှုတ်ချလိုက်ပြီး အမေရိကန်တို့ ပြဿနာရန်ဆောင်စေတဲ့ မူဝါဒတွေ လိုက်နာနေသရွေ့ တွေ့ဆုံဆွေးနွေးရေးကို စိတ်မဝင်စားကြောင်း ဆိုခဲ့ပါတယ်။

မြောက်ကိုရီးယားရဲ့ လက်နက်တိုးတက်လာမှုကို တန်ပြန်ပြီး စစ်ပွဲမဖြစ်ပွားစေရန်အတွက် အမေရိကန်နဲ့ တောင်ကိုရီးယားတို့က စစ်ရေးတိုးချဲ့လေ့ကျင့်လာကာ ဗျူဟာမြောက်လက်နက်တေွ ပိုမိုချမှတ်လာမှာဖြစ်ကြောင်း 'အောင်စတင်'နဲ့ တောင်ကိုရီးယားနိုင်ငံခြားရေးဝန်ကြီးတို့က ပြောကြားခဲ့ကြပါတယ်။

ဖိလစ်ပိုင်မှာ အော်စတင် ခရီးထောက်နားစဉ်မှာလည်း မြောက်ကိုရီးယားနဲ့တင်းမာမှုအကြောင်း မေးမြန်းခဲ့ရာမှာ အမေရိကန်ရဲ့ရည်မှန်းချက်က တည်ငြိမ်ရေးနဲ့လုံခြုံရေးကို ပိုမိုမြှင့်တင်ရန်နဲ့ တောင်ကိုရီးယားကို ဆက်လက်ကာကွယ်ရေးတို့ဖြစ်ကြောင်း ပြောကြားခဲ့ပါတယ်။

Source: Reuters
#Yangon_Media_Group

#World_Health
Published 7 February 2023

လွန်ခဲ့တဲ့နှစ်တွေမှာ ကင်ဆာရှိပြီဆိုရင် အသက်ဆုံးပါးနိုင်တဲ့ အခြေအနေဖြစ်ခဲ့ပေမယ့် ဆေးပညာတိုးတက်လာတဲ့အခါမှာတော့ ကင်ဆာအတော်များများကို ထိရောက်စွာကုသနိုင်တဲ့နည်းလမ်းတွေ ရှိလာပြီဖြစ်ပြီး ကာကွယ်နိုင်တဲ့ ကိရိယာများပင် ထွက်ပေါ်နေပါပြီ။

ဖေဖော်ဝါရီ ၄ ရက်နေ့ ကမ္ဘာ့ကင်ဆာနေ့မှာ အီချီလော့ဗ်ဆေးရုံ ကင်ဆာဌာနမှ ညွှန်ကြားရေးမှူးပရော်ဖက်ဆာ 'အီဒိုဝုဖ်'က ကင်ဆာအကြောင်း ပြောပြခဲ့ပါတယ်။

ကင်ဆာဆိုတာက သေခြင်းတရားလို့ ခေါ်စရာမလိုတော့သလို အဆိုးဆုံးအရာလည်း မဟုတ်ပါဘူးလို့ ပြောပြပါတယ်။

နောက်ပိုင်းနှစ်တွေမှာ ကင်ဆာကုသခြင်းနဲ့ပတ်သက်ပြီး အလွန်တိုးတက်လာပါတယ်။

ကင်ဆာဖြစ်ပွားနိုင်ချေက လျော့ကျလာပြီး ပြန်လည်သက်သာနိုင်ချေက မြင့်တက်လာတာကြောင့် ကောင်းမွန်တဲ့အခြေအနေဖြစ်ကြောင်း ဆိုပါတယ်။

တိုးတက်မှုတွေထဲမှာ ကြိုတင်ကာကွယ်ရေးနည်းလမ်းများ၊ စစ်ဆေးခြင်းနည်းလမ်းများကြောင့်လို့ ပြောရမှာဖြစ်ပါတယ်။

"ကင်ဆာကို စောစီးစွာတွေ့ရှိရင် ကုသမှုအနည်းငယ်ပဲ လိုအပ်ပါမယ်၊ ကုသမှုတွေလုပ်ရမယ်ဆိုရင်လည်း အရင်ကနဲ့ယှဉ်ရင် အများကြီးပြောင်းလဲသွားပါပြီ၊ ဓာတုကုထုံးတွေပြုလုပ်ဆဲဆိုပေမယ့် ပြင်းထန်မှုနည်းပါးတဲ့ အခြားနည်းလမ်းတွေလည်း ပေါင်းစပ်အသုံးပြုနေပါပြီ" လို့ ပြောကြားခဲ့ပါတယ်။

အခုခေတ်ကုသနည်းတွေက လူနာအများစုမှာ ကုသနိုင်မှာဖြစ်ပြီး ကင်ဆာကနေ ပြန်လည်သက်သာနိုင်ပြီဖြစ်ပါတယ်။

အခုဆိုရင် သွေးစစ်ဆေးနည်းများဖြင့် အကျိတ်ငယ်လေးများကိုပင် တွေ့ရှိနိုင်စေရန် စမ်းသပ်ထုတ်လုပ်နေကြပြီဖြစ်ပါတယ်။

ကင်ဆာဖြစ်တဲ့အခါ လူအများစုက အကြောင်းအရင်းကို သိချင်ကြပေမယ့် အမြဲတမ်းတော့ မသိနိုင်ပါဘူး။

ကင်ဆာဖြစ်ရခြင်းမှာ ၅ ရာခိုင်နှုန်းခန့်က မျိုးရိုးလိုက်ခြင်းကြောင့် ဖြစ်ပါတယ်။

ဆေးလိပ်သောက်ခြင်း စတဲ့ပတ်ဝန်းကျင်အ‌ေခြအ‌ေနကြောင့် မျိုးဗီဇပြောင်းလဲခြင်းကနေ ၃၀-၃၅ ရာခိုင်နှုန်းရှိပြီး ၆၀ ရာခိုင်နှုန်းကတော့ တိကျတဲ့အကြောင်းအရင်း မရှိကြပါဘူး။

Source: The Jerusalem Post
#Yangon_Media_Group

#Local_News
Published _7 February 2023

မြန်မာ့အကြီးမားဆုံး ငါးမွေးမြူရေးစီမံကိန်းကြီးတစ်ခု ဧရာဝတီတိုင်းအတွင်း တည်ဆောက်နေကြောင်း နစက သတင်းထုတ်ပြန်ရေးအဖွဲ့က သိရသည်။

အဆိုပါ စီမံကိန်းကို Global Earth Agro & Aqua Industry Public Co., Ltd က ဧရာဝတီတိုင်းဒေသကြီး၊ ပန်းတနော်မြို့နယ်၊ မိုးကုတ်ဒီးဒုတ်ကွင်းအတွင်း၌ အကောင်အထည်ဖော်ဆောင်ရွက်နေခြင်း ဖြစ်သည်။

ယင်းစီမံကိန်းတွင်သိပ္ပံနည်းကျ အဆင့်မြင့်ခေတ်မီငါးသားဖောက်ခြင်းနှင့် ငါးမွေးမြူခြင်း၊ ကုန်ချောပြုပြင်ထုတ်လုပ်ခြင်း၊ ငါးပေါင်းမှုန့်နှင့် အစာတောင့်ထုတ်လုပ်ခြင်းတို့ပါဝင်သောကြောင့် မြန်မာနိုင်ငံ၏ အကြီးမားဆုံး စီမံကိန်းကြီးတစ်ခုဖြစ်ကြောင်း သိရသည်။

ယခုအခါ သိပ္ပံနည်းကျဖြင့် ငါးတန် အထီး၊ အမ (Breeders) တစ်သိန်း နှစ်သောင်းကို ပြုစုထားရှိပြီး နေ့စဉ်ငါးသားပေါက်(ငါးမှုန်) သိန်း ၄၀ ကောင်ရေကို ထုတ်လုပ်လျက်ရှိကြောင်း၊ လက်ရှိ အချိန်တွင် ငါးသန်၊ငါးဖြန်း ကောင်ရေ သိန်း ၂၅၀ ခန့်နှင့် အသားတိုးငါးကောင်ရေ သိန်း ၂၅၀ ခန့်အား မွေးမြူထားရှိကြောင်း သိရသည်။

သိပ္ပံနည်းကျအဆင့်မြင့် ခေတ်မီငါးမွေးမြူထုတ်လုပ်ခြင်း စီမံကိန်းကြီးသည် ငါးသားပေါက်မွေးမြူသည်မှ ငါးအဆင့်မြင့်ကုန်ချောများ ရရှိသည်အထိ ပါဝင်သည့် စီမံကိန်းကြီးတစ်ခုဖြစ်သဖြင့်လူဦးရေအမြောက်အမြားကို အလုပ်အကိုင် အခွင့်များ ဖော်ဆောင်ပေးနိုင်မည်ဖြစ် သကဲ့သို့ နိုင်ငံ့စီးပွားဖွံ့ဖြိုးတိုးတက်ရေးအတွက်လည်း များစွာ အကျိုးဖြစ်ပေါ်စေနိုင်သည့် စီမံကိန်းကြီးတစ်ခုဖြစ်ကြောင်းလည်း သိရသည်။

#ymg/mt
#Yangon_Media_Group

Published 6 Feb 2023

ဆီရီးယားနိုင်ငံ မြောက်ပိုင်း အလီပိုပြည်နယ်မှာ ငလျင်ကြီးလှုပ်ပြီးနောက် ဒုတိယမြောက်နောက်ဆက်တွဲငလျင်ကြီးတစ်ခုထပ်မံလှုပ်ရှားတဲ့အခါ အဆောက်အဦတစ်ခုပြိုကျသွားတာကို  ဆီရီးယားမြို့ပြကာကွယ်ရေးဌာနကထုတ်ပြန်တဲ့ ရုပ်သံမှာတွေ့မြင်ရပါတယ်။

ရာစုနှစ်တစ်စုအတွင်း အင်အားအပြင်ဆုံး ၇.၈အဆင့်ရှိ ငလျင်ကြီး တူရကီနှင့် ဆီးရီးယားနိုင်ငံတို့မှာ ဖေဖော်ဝါရီ(၆)ရက် အရုဏ်တက်အချိန်က လှုပ်ရှားခဲ့တဲ့အတွက် အဆောက်အဦများစွာပြိုကျပြီး နောက်ဆုံးရသတင်းများအရ လူပေါင်း ၂၂၀၀ကျော်ခန့်ဟာ အိပ်နေရင်းနှင့်ပဲ သေဆုံးခဲ့ကြရပါတယ်။

Source AFP

#Turkey_Syria

#Turkey_Syria_Earthquakes

Footage released by the Syrian

#Local_News
Published_ 6 February 2023

မြန်မာနိုင်ငံရဲ့ စီးပွားရေးဟာ အခု၂၀၂၃ ခုနှစ်မှာ ဆက်ပြီးတော့ ဖွံ့ဖြိုးတိုးတက်နေမယ်လို့ ထိုင်းနိုင်ငံအခြေစိုက် Siam Commercial Bank ၏ စီးပွားရေးစုံစမ်းလေ့လာမှု စင်တာ(SCB EIC) အစီရင်ခံစာက ဆိုထားပါတယ်။

#Yangon_Media_Group

#World_Foods
Published 6 February 2023

ဂျပန်နိုင်ငံမှာ ငွေကြေးဖောင်းပွလာပြီး အစားအစာ ကုန်ကြမ်းပစ္စည်းများ ဈေးတက်လာတာကြောင့် ဆူရှီဈေးနှုန်းများ သိသိသာသာမြင့်တက်လာကာ လူအများက ဈေးသက်သာတဲ့အခြားစားစရာများကို ရွေးချယ်လာကြပါတယ်။

#Yangon_Media_Group

Published 6 Feb 2023

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ဟာ မြန်မာနိုင်ငံကို ရောက်ရှိနေတဲ့ ရုရှားဖက်ဒရေးရှင်းနိုင်ငံပိုင် အဏုမြူစွမ်းအင်ကော်ပိုရေးရှင်း ROSATOM State Corporations ၏ ညွှန်ကြားရေးမှူးချုပ် Mr. Alexey Evgenievich Likhachev နှင့်  နျူကလီးယား စွမ်းအင်နည်းပညာ ကို ငြိမ်းချမ်းစွာအသုံးပြုရေးအတွက် နည်းပညာပူးပေါင်းဆောင် ရွက်ရေးအခြေအနေများနှင့် ပတ်သက်၍ ယနေ့ ဖေဖော်ဝါရီ (၆)ရက်က ရန်ကုန်မြို့မှာ ဆွေးနွေးခဲ့ကြတယ်လို့ သတင်းမှန်ပြန်ကြားရေးရဲ့ သတင်းထုတ်ပြန်ချက်အရသိရပါတယ်။

ဗိုလ်ချုပ်မှူးကြီး မင်းအောင်လှိုင်ဟာ အဏုမြူစွမ်းအင်ကော်ပိုရေးရှင်း ROSATOM State Corporations ၏ ညွှန်ကြားရေးမှူးချုပ် Mr. Alexey Evgenievich Likhachev ဦးဆောင်တဲ့  အဖွဲ့ဝင်တွေကို ယနေ့ ဖေဖော်ဝါရီ (၆)ရက် နံနက်ပိုင်းတွင် ရန်ကုန်မြို့ရှိ ဇေယျာသီရိဗိမာန်၊ ဧည့်ခန်းမဆောင်၌ လက်ခံတွေ့ဆုံစဉ်အတွင်း ဆွေးနွေးခဲ့ကြခြင်းဖြစ်ပါတယ်။

နျူကလီးယားစွမ်းအင်ကို လျှပ်စစ်ဓာတ်အား ထုတ်လုပ် ရေးကဲ့သို့သောလုပ်ငန်း အပါအဝင် ကျန်းမာရေးနှင့် စိုက်ပျိုးရေးဆိုင်ရာကိစ္စရပ်များ တွင်အကျိုးရှိစွာ အသုံးပြုဆောင်ရွက် နိုင်မည့် အခြေအနေများနှင့် နျူကလီးယား စွမ်းအင်နည်းပညာ ကို ငြိမ်းချမ်းစွာအသုံးပြုရေးအတွက် နည်းပညာပူးပေါင်းဆောင် ရွက်ရေးအခြေအနေများနှင့် ပတ်သက်၍ ရင်းရင်းနှီးနှီးဆွေးနွေးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

အဆိုပါ တွေ့ဆုံပွဲသို့ နစက ဥက္ကဋ္ဌနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ သိပ္ပံနှင့် နည်း ပညာဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိန်းကျော်၊ လျှပ်စစ်စွမ်းအား ဝန်ကြီးဌာန ပြည်ထောင်စုဝန်ကြီး ဦးသောင်းဟန်နှင့်တာဝန်ရှိသူတို့ တက်ရောက် ကြပြီး ROSATOM State Corporations ၏ ညွှန်ကြားရေးမှူးချုပ်နှင့်အတူ မြန်မာနိုင်ငံ ဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး H.E.Mr. Nikolay LISTOPADOV နှင့် တာဝန်ရှိသူများ တက်ရောက်ခဲ့ကြပါတယ်။

-ymg/knl

#Myanmar

#Myanmar_Russia

#Local_News
Published_ 6 February 2023

အခုရက်ပိုင်းအတွင်း တနင်္သာရီတိုင်း၊ ကချင်ပြည်နယ်နဲ့ စစ်ကိုင်းတိုင်းအထက်ပိုင်းတွေမှာ မိုးထစ်ချုန်းရွာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ထုတ်ပြန်ချက်အရ သိရပါတယ်၊၊

#Yangon_Media_Group

#Local_News
Published_ 6 February 2023

အိမ်ခြံမြေအကျိုးဆောင်လုပ်ငန်း လုပ်လိုသူတွေအနေနဲ့ နောက်ပိုင်းမှာ သတ်မှတ်ချက်နဲ့ ပြည့်စုံမှ အိမ်ခြံမြေအကျိုးဆောင်လုပ်ငန်းလိုင်စင်ရနိုင်တော့မှာဖြစ်တယ်လို့ မြန်မာနိုင်ငံအိမ်ခြံမြေဝန်ဆောင်မှုအသင်းမှ သိရပါတယ်၊၊

#Yangon_Media_Group