Published_ 26 July 2023

လက်သည်းကိုက်ခြင်း၊ ဆံပင်နှုတ်ခြင်း၊ အသားဆိတ်ခြင်းစတဲ့ လက္ခဏာတွေ လျော့ပါးရန်ရည်ရွယ်ပြီး နည်းလမ်းအသစ်ဖြင့် ၆ ပတ်ကြာစမ်းသပ်မှု ပြုလုပ်ခဲ့ရာ စမ်းသပ်ပါဝင်သူ ၅၃ ရာခိုင်နှုန်းမှာ အကျိုးသက်ရောက်မှုရှိခဲ့ကြောင်း မြင်တွေ့ခဲ့ရပါတယ်။

ဒီလိုအလေ့အကျင့်တွေ ပြေပျောက်ဖို့နည်းလမ်းတွေထဲမှာ အရေပြားကို ညင်သာစွာထိတွေ့ခြင်း၊ လက်ချောင်းထိပ်များဖြင့် အသာအယာပွတ်ခြင်း၊ လက်ဖဝါး လက်အနောက်ဖက်ဖြင့် ပွတ်ခြင်းတို့ကို အနည်းဆုံးတစ်နေ့ ၂ ကြိမ်ပြုလုပ်ရမှာဖြစ်ကြောင်း JAMA Dermatology မှာ ဗုဒ္ဓဟူးနေ့က ဖော်ပြခဲ့ပါတယ်။

ထိုသို့သော ခန္ဓာကိုယ်ကို တစ်ခုခုလုပ်နေတတ်တဲ့ လက္ခဏာတွေက တစ်ကမ္ဘာလုံးလူဦးရေ ၅ ရာခိုင်နှုန်းလောက်မှာ ရှိနေပြီး အနာဖေးများ၊ အမာရွတ်များ၊ အကွက်ထခြင်းများ ဖြစ်ပေါ်စေနိုင်ပါတယ်။

စိတ်ဖိစီးမှုဖြစ်တဲ့အခါ ဆံပင်ဆွဲနှုတ်ခြင်း၊ လက်သည်းကိုက်ခြင်းတို့ ပြုလုပ်တတ်တဲ့ လူ ၂၆၈ ယောက်ကို စမ်းသပ်ခဲ့ကြပါတယ်။

၈၀ ရာခိုင်နှုန်းသောလူတွေက လက္ခဏာတိုးတက်လာကာ ကျေနပ်နေကြပြီး ၈၆ ရာခိုင်နှုန်းလောက်က အခြားသူတွေကိုပါ အကြံပြုချင်ကြပါတယ်။

အဓိကကတော့ ကိုယ့်ခန္ဓာကိုယ်ကို အသာအယာထိတွေ့ရမှာဖြစ်ပြီး ဖိစီးမှုဖြစ်နေရင် အားသိပ်မထည့်ဘဲ မြန်မြန်ရွေ့လျားရမှာ ဖြစ်ကြောင်း ဂျာမနီ ဟမ်းဘတ်အက်ပင်ဒေါ့ဖ် ဆေးဘက်ဆိုင်ရာတက္ကသိုလ်စင်တာမှ စာတမ်းပြုစုသူ'စတက်ဖန်မိုရစ်ဇ်'က ပြောပြခဲ့ပါတယ်။

ထိုသို့ပြုလုပ်ချင်စိတ်ကို ဆန့်ကျင်တဲ့လုပ်ရပ်ဖြင့် လက္ခဏာလျော့ပါးလာအောင် ပြုလုပ်လို့ရပါတယ်။

ဥပမာအားဖြင့် ဆံပင်ဆွဲနှုတ်ချင်လာတဲ့အခါ အရေပြားကို ဆွဲဆိတ်ချင်လာတဲ့အခါ လက်သီးကို ကျစ်ကျစ်ပါအောင် ဆုပ်ထားတာမျိုးဖြစ်ကြောင်း မာဆာချူဆက်အထွေထွေဆေးရုံနဲ့ ဟားဗတ်ဒ်ဆေးဘက်ဆိုင်ရာတက္ကသိုလ်မှ စိတ်အထူးကုဆရာဝန် 'နာတာရှာဘေလန်'က NBC News သို့ ရှင်းပြခဲ့ပါတယ်။

စိတ်ကျရောဂါပျောက်ဆေးလိုမျိုး ဆေးဝါးများဖြင့် သက်သာစေနိုင်ဖွယ်ရှိပေမယ့် ဒီလိုလက္ခဏာတွေမှာ အသုံးပြုရန်အတွက်တော့ မည်သို့သော ဆေးဝါးကွပ်ကဲရေးအဖွဲ့ကမှ တိတိကျကျ အသိအမှတ်မပြုထားပါဘူး။
Source: NY Post.
#World_Health
#YMG #Yangon_Times

Published_ 26 July 2023

မြန်မာ-တရုတ် နှစ်နိုင်ငံပူးပေါင်းဆောင်ရွက်မှုစီမံကိန်းများ ဆက်လက်အကောင် အထည်ဖော်ရေး နိုင်ငံခြားရေးဝန်ကြီးနှင့် တရုတ်သံအမတ်ကြီးတို့ နေပြည်တော်၌ ဆွေးနွေးခဲ့ကြောင်း သိရပါတယ်။

နိုင်ငံခြားရေးဝန်ကြီးဌာနဝန်ကြီး ဦးသန်းဆွေသည် မြန်မာနိုင်ငံ ဆိုင်ရာ တရုတ်နိုင်ငံ သံအမတ်ကြီး မစ္စတာချန်းဟိုင်အား ဇူလိုင် ၂၅ ရက်တွင် နေပြည်တော်ရှိ နိုင်ငံခြားရေး ဝန်ကြီးဌာန၌ လက်ခံတွေ့ဆုံစဉ် ဆွေးနွေးခဲ့တာဖြစ်ပါတယ်။

ထိုသို့တွေ့ဆုံစဉ် ရှိရင်းစွဲ ဆွေမျိုးပေါက်ဖော်ဆက်ဆံရေးနှင့် ပူးပေါင်းဆောင်ရွက်မှု များကို ပိုမို တိုးတက်ခိုင်မာရေး၊ နှစ်နိုင်ငံနယ်စပ်ဒေသ တည်ငြိမ်အေးချမ်းရေး မြှင့်တင်ရန် ဆက်လက် ပူးပေါင်းဆောင်ရွက်သွားရေး ဆွေးနွေးကြပါတယ်။

ထို့ပြင် မြန်မာနိုင်ငံ ဖွံ့ဖြိုးတိုးတက်ရေး ကြိုးပမ်းအားထုတ်မှုများတွင် တရုတ်နိုင်ငံမှ အပြုသဘော ဆက်လက်ကူညီဆောင်ရွက်ပေးသွားမည့် ကိစ္စများအပါအဝင် ဒေသတွင်း နှင့် နိုင်ငံတကာမျက်နှာစာ အထူးသဖြင့် အာဆီယံနှင့် ကုလသမဂ္ဂတို့တွင် အကျိုးတူ ပူးပေါင်း ဆောင်ရွက်ရေးကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြောင်း သတင်းရရှိ ပါတယ်။
ygm_mnn
#Yangon_Media_Group.
#local_news
#YMG #Yangon_Times

Published_ 26 July 2023

ဆိုရှယ်မီဒီယာအသုံးပြုချိန်ကို တစ်နေ့လျှင် ၁၅ မိနစ်မျှ လျှော့ချခြင်းဖြင့် ကျန်းမာရေး သိသိသာသာ တိုးတက်စေနိုင်ကြောင်း ဖေဖော်ဝါရီ ၈ ရက်နေ့က လေ့လာဖော်ပြခဲ့ပါတယ်။

ဆိုရှယ်မီဒီယာ လျှော့ချအသုံးပြုခြင်းရဲ့ အကျိုးသက်ရောက်မှုတွေအပေါ် သုတေသနပြုမှုတွေကြား ကွာဟချက်ကို Technology in Behavioral Science ဂျာနယ်မှာ သုံးသပ်လေ့လာခဲ့ပါတယ်။

ဆိုရှယ်မီဒီယာ အသုံးပြုခြင်းကြောင့် အထီးကျန်ခြင်း၊ စိုးရိမ်ပူပန်ခြင်း၊ စိတ်ဓာတ်ကျခြင်းတို့အပြင် ကောင်းစွာမအိပ်ရခြင်း၊ ကိုယ်လက်လှုပ်ရှားမှုနည်းခြင်းစတဲ့ ရုပ်ပိုင်းဆိုင်ရာပြဿနာတွေပါ ဖြစ်လာနိုင်ကြောင်း အခြားသုတေသနတွေမှာလည်း တွေ့ရှိထားပါတယ်။

ဗြိတိန်အခြေစိုက်တက္ကသိုလ် ၆ ခုမှ စမ်းသပ်ခံမယ့်သူ အယောက် ၅၀ ကို ခေါ်ယူခဲ့ကြကာ အားလုံးက အသက် ၁၈ နှစ်မှ ၃၀ ကြားဖြစ်ကြပါတယ်။

စမ်းသပ်ခံသူတွေကို အဖွဲ့ ၃ ဖွဲ့ခွဲကာ ၁၆ ယောက်က ဆိုရှယ်မီဒီယာသုံးစွဲချိန် မပြောင်းလဲခဲ့ပါဘူး။

၁၇ ယောက်ကတော့ အသုံးပြုချိန်လျှော့ချခဲ့ကာ နောက်ထပ် ၁၇ ယောက်ကတော့ ဆိုရှယ်မီဒီယာအသုံးပြုချိန် လျှော့ချတဲ့အပြင် လေ့ကျင့်ခန်းပြုလုပ်ခြင်း စာဖတ်ခြင်းတို့ဖြင့် အစားထိုးစမ်းသပ်ခဲ့ကြပါတယ်။

ဒီနောက် စမ်းသပ်ပါဝင်သူအားလုံးကို သူတို့ရဲ့ ဆိုရှယ်မီဒီယာအသုံးပြုပုံ၊ ကျန်းမာရေး၊ အိပ်စက်ခြင်းအခြေအနေ၊ အထီးကျန်ရမှု၊ စိုးရိမ်ပူပန်စိတ်၊ စိတ်ဓာတ်ကျခြင်းစတာတွေကို တိုင်းတာအကဲဖြတ်ခဲ့ပါတယ်။

လှုပ်ရှားမှုတွေ မပါဝင်ဘဲ ဆိုရှယ်မီဒီယာအသုံးပြုချိန် လျှော့ချသူတွေက မလျှော့တဲ့သူတွေထက် ကျန်းမာရေးမှာ ပိုမိုကောင်းမွန်လာကြောင်း တွေ့ရှိခဲ့ပါတယ်။

ဒါပေမဲ့ စိတ်ပိုင်းဆိုင်ရာ ကျန်းမာရေးမှာတော့ ထူးထူးခြားခြား မတိုးတက်လာပါဘူး။

ဆိုရှယ်မီဒီယာကို လျှော့ချအသုံးပြုပါက ရုပ်ပိုင်းဆိုင်ရာ ကျန်းမာရေးနဲ့ စိတ်ပိုင်းဆိုင်ရာအခြေအနေတွေ တိုးတက်လာနိုင်တယ်လို့ ဆွမ်ဆီးတက္ကသိုလ်မှ စိတ်အထူးကုပရော်ဖက်ဆာ 'ဖီးလ်ရိဒ်'က ပြောပြခဲ့ပါတယ်။

ဆိုရှယ်မီဒီယာအသုံးပြုခြင်းနဲ့ ကျန်းမာရေးကဏ္ဍတို့ကြား တိုက်ရိုက်ဆက်စပ်နေသလားဆိုတာ၊ အခြားလှုပ်ရှားမှုပြုလုပ်ခြင်းတို့က သက်ရောက်မှုရှိသလားဆိုတာတွေကို အတည်ပြုဖို့တော့ ကျန်ရှိနေပါသေးတယ်လို့ ဆိုပါတယ်။

လူတွေကို လျှော့ချသုံးစွဲခိုင်းတာထက်စာရင် သူတို့စိတ်နဲ့သူတို့ လျှော့ချသုံးစွဲတာက ပိုပြီးသက်ရောက်နေနိုင်ပါတယ်။
Source: The Jerusalem Post.
#World_Health
#Local_News
#YMG #Yangon_Times

မြန်မာနိုင်ငံနှင့် ရုရှားနိုင်ငံတို့အကြား ဥပဒေရေးရာကဏ္ဍနှင့် တရားစီရင်ရေး ဆိုင်ရာကဏ္ဍများတွင် နှစ်နိုင်ငံအကြား ပူးပေါင်းဆောင်ရွက်မှုများ တိုးတက်ဆောင်ရွက်သွားမယ်လို့သိရှိရပါတယ်။

နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ဟာ ယနေ့ ဇူလိုင် ၂၅ရက်က  ရုရှားဖက်ဒေရေးရှင်းနိုင်ငံ၊ တရားရုံးချုပ်၊ တရားသူကြီးချုပ် H.E. Mr. Vyacheslav Lebedev ဦးဆောင်သည့် ကိုယ်စားလှယ်အဖွဲ့အား နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး၊ သံတမန်ဆောင်ဧည့်ခန်းမ၌ လက်ခံတွေ့ဆုံစဉ် နှစ်ဘက်ဆွေးနွေးခဲ့ကြတာ ဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီအပြင် မြန်မာနိုင်ငံနှင့်ရုရှားနိုင်ငံတို့အကြား သံတမန်ဆက်ဆံရေးဆိုင်ရာ တိုးတက်ကောင်းမွန်မှုအခြေအနေများ၊ ဥပဒေရေးရာကိစ္စရပ်များနှင့်တရား စီရင်ရေးဆိုင်ရာ ကိစ္စရပ်များတွင် ပူးပေါင်းဆောင်ရွက်မှုများ တိုးမြှင့်ဆောင်ရွက်သွားမည့်အခြေအနေများ၊ မြန်မာနိုင်ငံမှ ဥပဒေပညာရှင်များရုရှားနိုင်ငံတွင် ဥပဒေပညာရပ်များ လေ့လာနိုင်မည့် အခြေအနေများ၊နှင့် နှစ်နိုင်ငံအကြား ကဏ္ဍပေါင်းစုံတွင် ပူးပေါင်းဆောင်ရွက်လျက်ရှိမှု အခြေအနေများနှင့် ပတ်သက်၍ ရင်းနှီးပွင့်လင်းစွာဆွေးနွေးခဲ့ကြတယ်လို့လည်း သတင်းထုတ်ပြန်ထားပါတယ်။

အဆိုပါ တွေ့ဆုံပွဲသို့ ဗိုလ်ချုပ်မှူးကြီး မင်းအောင်လှိုင်နှင့်အတူ ကောင်စီတွဲဖက်အတွင်းရေးမှူး ဒုတိယ ဗိုလ်ချုပ်ကြီး ရဲဝင်းဦး၊ ပြည်ထောင်စုတရားသူကြီးချုပ် ဦးထွန်းထွန်းဦး၊ ဥပဒေရေးရာဝန်ကြီးဌာန ပြည်ထောင်စုဝန်ကြီး ဒေါက်တာ ဒေါ်သီတာဦး တို့တက်ရောက်ကြပြီး ရုရှားဖက်ဒရေးရှင်းနိုင်ငံ၊ တရားရုံးချုပ်၊ တရားသူကြီးချုပ် H.E. Mr. Vyacheslav Lebedev နှင့်အတူ ကိုယ်စားလှယ်အဖွဲ့ဝင်များနှင့် မြန်မာနိုင်ငံဆိုင်ရာ ရုရှားဖက် ဒရေးရှင်းနိုင်ငံသံရုံးမှ တာဝန်ရှိသူများ တက်ရောက်ခဲ့ကြကြောင်း လည်းသိရှိရပါတယ်။

-ymg/knl

#MyanmarRussia

ပင်လယ်ပြင်တွင်မျောပါခဲ့ရကာ ကယ်ဆယ်ခံရပြီးနောက် ကမ္ဘာ့ခွေးများနေ့ကိုပိုင်ရှင်အသစ်နှင့်ကျင်းပနိုင်ခဲ့သည့်ခွေးလေးဘယ်လာ

ပစိတ်သမုဒ္ဒရာထဲမှာ နှစ်လကျော်ကြာ မျောပါနေခဲ့တဲ့ ဩစတြေးလျလူမျိုး 'တင်မ်ရှာဒေါ့ခ်'ကို အဖော်ပြုပေးနေခဲ့တဲ့ 'ဘယ်လာ'ဆိုတဲ့ခွေးဟာ သူ့ရဲ့ပိုင်ရှင်အသစ်ဖြင့် ကမ္ဘာ့ခွေးများနေ့ကို သောကြာနေ့က ကျင်းပခဲ့ပါတယ်။
#World News
#Published_ 25 July 2023
#YMG #Yangon_Times

#Daily_News
Published_ 25 July 2023

၁။ မလေးရှားရောက် မြန်မာနိုင်ငံသားများ နိုင်ငံကူးလက်မှတ် ပျောက် ဆုံး/ပျက်ဆီးအတွက် ဒဏ်ကြေးတိုးမြှင့်မည်

၂။ လာမည့်အပတ်အတွင်း စားအုန်းဆီဈေး အနည်းငယ်တက်ရန်ရှိ ၊ ဈေးရင်းအတိုင်းလိုက်လံရောင်းပေးမည်ဟုဆို

၃။ ၂၀၂၂- ၂၀၂၃ ဘဏ္ဍာနှစ်အတွင်း  အမေရိကန်ဒေါ်လာ ၁၈၂ သန်းတန်ဖိုးရှိ အုန်းသီး ၃၁၉တန်ကို တင်ပို့နိုင်ဟုဆို

၄။ ပင်လယ်ပြင်တွင် မျောပါခဲ့ရကာ ကယ်ဆယ်ခံရပြီးနောက် ကမ္ဘာ့ခွေးများနေ့ကို ပိုင်ရှင်အသစ်နှင့်ကျင်းပနိုင်ခဲ့သည့် ခွေးလေးဘယ်လာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 25 July 2023

ရန်ကုန်တိုင်းအစိုးရအဖွဲ့က ယနေ့ ဇူလိုင် (၂၅)ရက်တွင် လှိုင်သာယာမြို့နယ်အတွင်း နေထိုင်သော ပြည်သူများအတွက် ဆီနှင့် စားသောက်ကုန်ပစ္စည်းအချို့ကို သင့်တော်သောဈေးနှုန်းဖြင့်ရောင်းချပေးခဲ့ကြောင်း သိရသည်။

ယင်းသို့ ရောင်းချပေးရာတွင် လှိုင်သာ ယာအရှေ့ (၃)ရပ်ကွက်တွင် နံနက် (၉)နာရီမှ (၁၁)နာရီအထိ စားအုန်းဆီ (၁၁၀) ပိဿာ၊ ကြက်ဥ (၄,၀၀၀)လုံး၊ ထမင်း ကြက်ဥနှင့် (၅)ပွဲ ကြက်သားနှင့် (၁၀)ပွဲ ငါးဆုပ်နှင့် (၃)ပွဲကို ဈေးနှုန်းချိုသာစွာဖြင့် ရောင်းချပေးခဲ့ရကြောင်း ဆိုသည်။

ရန်ကုန်တိုင်းဒေသကြီးအစိုးရအ‌နေဖြင့် အများပြည်သူများ သင့်တော်သောဈေးနှုန်းဖြင့် ဝယ်ယူစားသောက်နိုင်ရန်နေ့စဉ် မြို့နယ်များအလိုက် ရွေ့လျားစနစ်ဖြင့် ရောင်းချပေးလျက်ရှိသည်။

တိုင်းအစိုးရက ရောင်းချရာတွင် စားအုန်းဆီ (၁) ပိဿာ ကျပ် (၅၀,၀၀) ၊ ကြက်ဥ (၁)လုံး ကျပ် (၂၀၀)၊ ထမင်းကြက်ဥနှင့် (၁)ပွဲ ကျပ် (၅၀၀)၊ ကြက်သားနှင့် (၁)ပွဲ ကျပ် (၈၀၀)၊ ငါးဆုပ်နှင့် (၁)ပွဲ ကျပ်(၈၀၀)တို့ဖြင့်ရောင်းချပေးလျက်ရှိကြောင်း သိရသည်။
Yangon Times/my
#Local_News
#YMG #Yangon_Times

Published_ 25 July 2023

ဗိုလ်တထောင်စေတီတော်တွင် ဝါတွင်းကုသိုလ်ပြုအလှူအဖြစ် ‘မေတ္တာသွေးလှူဒါန်းပွဲ’ကျင်းပသွား မည်ဖြစ်ကြောင်းဂေါပကအဖွဲ့ထံမှသိရသည်။

ဗိုလ်တထောင်ဘဏာတော်ထိန်းဂေါပကအဖွဲ့မှကြီးမှူးပြီး မေတ္တာသွေးလှူဒါန်းပွဲအား ဩဂုတ်လ၆ရက်တွင် ဗိုလ်တထောင်စေတီတော် ဆိပ်ကမ်းလုပ်သားပေါင်းစုံဓမ္မာရုံမှာကျင်းပပြုလုပ်သွားမည်ဖြစ်သည်။

အဆိုပါ သွေးလှူဒါန်းပွဲသည် ဒုတိယအကြိမ်မြောက်ကျင်းပသည့် သွေးလှူဒါန်းပွဲဖြစ်ပြီး စေတီတော်ဝန်ထမ်း များနှင့်အတူ ဘုရားဖူးပြည်သူများပါတပါတည်း ကုသိုလ်ပြုသွေးလာရောက်လှူဒါန်းနိုင်ကြောင်းသိရသည်။
Yangon_Time/tthl

Published_ 25 July 2023

မုန်တိုင်းဒဏ်သင့်ရခိုင်ပြည်နယ်၊စစ်တွေမြို့တွင်သွေးလွန်တုပ်ကွေးထိန်းချုပ်နိုင်ရန်အတွက် အလိုတော်ပြည့် ကယ်ဆယ်ရေးစခန်းနှင့် အကူအညီတောင်းခံလာသည့် နေအိမ်(၇၀)ကျော်ကိုခြင်ဆေးများဖြန်းပေးခဲ့ကြောင်း မေတ္တာရောင်ခြည်ဖောင်ဒေးရှင်းမှသိရသည်။

မိုးရာသီကာလ သွေးလွန်တုပ်ကွေးရောဂါအဖြစ်များနေသည့်အတွက် ခြင်ဆေးများဖြန်းပက်ပေးသည့် လုပ်ငန်းများကိုဆောင်ရွက်ပေးနေပြီး အခမဲ့ခြင်ဆေးဖြန်းပေးနိုင်ရန်အလှူရှင်များအနေဖြင့် ခြင်သတ်ဆေးရည်များပါဝင်လှူဒါန်းပေးနိုင်သည်ဟုဆိုသည်။

စစ်တွေအခြေစိုက် မေတ္တာရောင်ခြည်ဖောင်ဒေးရှင်းအနေဖြင့် ဇူလိုင်လလယ်ပိုင်းမှစပြီး ခြင်များပေါက်ဖွား မှုများသည့်နေအိမ်များ၊ဘုန်းတော်ကြီးကျောင်းများ၊စာသင်ကျောင်းများကို ခြင်ဆေးများလိုက်လံဖြန်းပေး နေပြီးခြင်ဆေးဖြန်းလိုသူများအနေဖြင့်ဆက်သွယ်အကူအညီတောင်းခံနိုင်သည်ဟုသိရသည်။
Yangon_Time/Tthl
#Local_News
#YMG #Yangon_Times

ထိုးသတ်မယ့်ပွဲစဉ်အပေါ် ပရိတ်သတ်ကလည်း စိတ်ဝင်စားမှုမြင့်တက်နေ

ပထမအကြိမ်တွေ့ဆုံထိုးသတ်မှုလို အမှတ်ပေးစနစ်မပါဝင်ဘဲ၊ အလဲထိုးအနိုင်စနစ်နဲ့ ယှဉ်ပြိုင်ထိုးသတ်သွားရမှာဖြစ်
Yangon Time/my
#Local_News
#Published_ 25 July 2023
#YMG #Yangon_Times

Published_ 25 July 2023

ရန်ကုန်တိုင်းဒေသကြီး၊ မရမ်းကုန်းမြို့နယ် ၊ သီရိမဂ်လာစျေးဘက်အသွား တံတားဘက်အတက်တွင် သက်ကြီးပိုင်း အမျိုးသား ၁ဦး ကားတိုက်ခံရ၍သေဆုံးခဲ့ကြောင်း မြတ်ကုသိုလ်လူမှုကယ်ဆယ်ရေးအသင်းက သိရသည်။

ဖြစ်စဥ်မှာ ဇူလိုင်လ ၂၅ရက် ည ၇နာရီ ၅၀မိနစ်အချိန်ခန့်က ရန်ကုန်တိုင်းဒေသကြီး၊ မရမ်းကုန်းမြို့နယ်၊ဘုရင့်နောင်လမ်းမကြီး၊ ဘုရင့်နောင်နှစ်ထပ်ဂုံးတံတား၊ သီရိမဂ်လာစျေးဘက်အသွား တံတားအတက်တွင် ကားတိုက် မှုဖြစ်ခဲ့ခြင်းဖြစ်သည်။

"လူ ၁ဦးကားတိုက်ခံထားရတယ်လို့ အနီးပတ်ဝန်းကျင်က ဖုန်းဆက်အကူအညီတောင်းလာတာ။
သေဆုံးသူက အသက် ၅၀အရွယ် ဦးအောင်အောင်လို့သိရတယ်" ဟု အဆိုပါလူမှုကူညီရေးအသင်းကသိရသည်။

သေဆုံးသူအား မြတ်ကုသိုလ်လူမှုကယ်ဆယ်ရေးအသင်းမှ (နာ/ကူ)ဖြင့် မြောက်ဥက္ကလာဆေးရုံ  သို့ပို့ဆောင်ကူညီပေးကြောင်းလည်း သိရသည်။
Yangon-Times/BM
#Local_News
#YMG #Yangon_Times

ရွှေဈေးမကစားရန် လမ်းညွှန်မှာကြားထား

‘ကျပ်၂၀၀၀၀တန်ထွက်မယ့် သတင်းထွက်ပေါ်လာပြီးနောက် ရွှေဈေးပုံမှန်အတိုင်းပဲရှိနေဖို့ သက်ဆိုင်ရာကရော ရန်ကုန်တိုင်းဒေသကြီး ရွှေလုပ်ငန်းရှင်များအသင်းကရော ရွှေလုပ်ငန်းရှင်တွေကိုမှာကြားလမ်းညွှန်ထားတယ်’ ဦးမျိုးမြင့်၊ဥက္ကဌ(ရန်ကုန်တိုင်းဒေသကြီးရွှေလုပ်ငန်းရှင်များအသင်း)
Yangon Times/tthl
#Local_News
#Published_ 25 July 2023
#YMG #Yangon_Times