#Local_News
Published_ 23 May 2023

ရန်ကုန်တိုင်းအတွင်း ဈေးနှုန်းမြင့်ကွန်ဒိုများ အရောင်းအဝယ်အေးနေသော်လည်း မီနီကွန်ဒိုများသာအရောင်းအဝယ်ဖြစ်နေကြောင်း ဆောက်လုပ်ရေးကုမ္ပဏီများထံမှ သိရသည်။

ရန်ကုန်တိုင်းအတွင်း သိန်းခြောက်ထောင်နှင့်အထက်ကွန်ဒိုများမှာ အရောင်းအဝယ်အေးနေပြီး ရန်ကင်း၊ တောင်ဥက္ကလာပ အပါအဝင်မြို့နယ်တချို့ရှိ မီနီကွန်ဒိုများမှာ အရောင်းအဝယ်သွက်ကြောင်း အကျိုးဆောင်များက ပြောသည်။

“အရင်တုန်းက ဘဏ်တွေက Home Loan တွေ တအားပေးတဲ့ အချိန်မှာအရောင်းအဝယ်ဖြစ်တာပေါ့။ Home Loan တွေက အခုမှပြန်စဖို့ ဘဏ်တွေကပြင်နေတာကြတာလေ။ နည်းနည်းအရှိန်တော့ ပြန်ယူနေပြီ”ဟု ဆောက်လုပ်ရေး လုပ်ငန်းရှင်တစ်ဦးက ပြောသည်။

ရန်ကုန်မြို့ရှိ မီနီကွန်ဒိုဈေးနှုန်းများမှာ တောင်ဥက္ကလာပမြို့နယ်၌ ၁၉ ပေ၊ ၅၄ ပေတိုက်ခန်းတစ်ခန်းလျှင် သိန်း ၁၆၀၀ ကျော်ပေါက်ဈေးရှိပြီး စမ်းချောင်းမြို့နယ်၌ ၂၅ ပေ၊ ၅၀ ပေ တိုက်ခန်းတစ်ခန်းလျှင် သိန်း ၁၆၀၀ ကျော်ပေါက်ဈေး ရှိကြောင်း၊ မရမ်းကုန်းမြို့နယ်၌ ၂၉ ပေ၊ ၄၀ ပေတိုက်ခန်းတစ်ခန်းလျှင် သိန်း၂၀၀၀ ခန့်ပေါက်ဈေးရှိကြောင်း၊ သင်္ဃန်ကျွန်းမြို့နယ်၌ ၁၉ ပေ၊ ၅၄ ပေတိုက်ခန်းတစ်ခန်းလျှင် သိန်း ၁၈၀၀ ခန့်ပေါက်ဈေးရှိကြောင်း အိမ်ခြံမြေအကျိုးဆောင်များထံမှ သိရသည်။

#ymg/ppk #Local_News #ဈေးနှုန်းမြင့်ကွန်ဒို #မီနီကွန်ဒို
#အရောင်းအဝယ်ဖြစ် #Yangon-Media-Group

#World_Politics
Published 23 May 2023

အမေရိကန်အောက်လွှတ်ဥက္ကဌ 'ကီဗင်မက္ကာသီ'နဲ့ သမ္မတ'ဂျိုးဘိုင်ဒင်'တို့ဟာ တနင်္လာနေ့က အကြွေးကန့်သတ်ချက်ကိစ္စအကြောင်း အိမ်ဖြူတော်မှာ ဆက်လက်ဆွေးနွေးခဲ့ရာ သဘောတူညီမှုမရရှိဘဲ အဆုံးသတ်ခဲ့ပေမယ့် သဘောတူညီချက်တစ်ခုကို အကောင်အထည်ဖော်ပြီး မကြုံစဖူးကြွေးမြီပြဿနာကို ရှောင်ရှားနိုင်မယ်လို့ ယုံကြည်ကြောင်း ထုတ်ဖော်ပြောဆိုခဲ့ကြပါတယ်။

ဇွန်လ ၁ ရက်နေ့နောက်ဆုံးထားပြီး ကွန်ဂရက်လွှတ်တော်မှ သဘောတူညီချက်တစ်ခု ရရှိနိုင်မလားလို့ မေးတဲ့အခါမှာ အပြီးသတ်နိုင်မယ်လို့ ယုံကြည်ကြောင်း မက္ကာသီက တနင်္လာနေ့အစည်းအဝေးပွဲအပြီးမှာ သတင်းထောက်တွေကို ပြောကြားခဲ့ပါတယ်။

ထိုဇွန်လ ၁ ရက်နေ့မှာပဲ အမေရိကန်ပြည်ထောင်စုမှ ဘေလ်ပေးဆောင်ရမယ့်ငွေတွေလည်း ကုန်ဆုံးသွားနိုင်ကြောင်း ဘဏ္ဍာရေးဝန်ကြီး'ဂျဲနတ်ယယ်လန်'က ထပ်လောင်းပြောကြားလိုက်ပါတယ်။

ဆွေးနွေးမှုက အကျိုးသက်ရောက်မှုရှိခဲ့ပြီး ရှေ့ဆက်သွားရမယ့် တစ်ခုတည်းသောနည်းလမ်းက နှစ်ဖက်သဘောတူညီချက်ရရှိဖို့ သစ္စာရှိရှိလုပ်ဆောင်ရန်လိုအပ်ကြောင်း ဘိုင်ဒင်နဲ့ မက္ကာသီတို့ ထပ်မံပြောကြားလိုက်ပါတယ်။

အချို့အပိုင်းတွေမှာ သဘောထားကွဲလွဲမှုရှိနေပေမယ့် ဦးဆောင်ညှိနှိုင်းသူများ၊ ဝန်ထမ်းများအနေဖြင့် ရှေ့ဆက်ရမယ့်လမ်းကြောင်းကို ဆက်လက်ဆွေးနွေးသွားမှာဖြစ်ကြောင်း ဘိုင်ဒင်ကမှတ်ချက်ပြုလိုက်ပါတယ်။

ရီပတ်ဘလစ်ကန်တွေနဲ့ ဒီမိုကရက်တစ်ပါတီနှစ်ဖက်စလုံးအတွက် လက်ခံနိုင်လောက်မယ့် သဘောတူညီချက်ရရှိရန် နှစ်ဦးစလုံးအနေနဲ့လိုအပ်ကြောင်း ဘိုင်ဒင်ကဆိုပါတယ်။

ဘိုင်ဒင်ဟာ အာရှခရီးစဉ်မှ တဝက်တပျက်ဖြင့်ပြန်လာကာ လွှတ်တော်ခေါင်းဆောင်များနဲ့ ဆက်လက်ညှိနှိုင်းရန် ဝါရှင်တန်ဒီစီသို့ ပြန်လည်ရောက်ရှိခဲ့ပါတယ်။

ဘိုင်ဒင်အစိုးရအဖွဲ့နဲ့ အောက်လွှတ်တော်ရီပတ်ဘလစ်ကန်တို့ဟာ စည်းကျော်ခဲ့ကြပြီး တစ်ဖက်သားကိုအပြစ်တင်ပြောဆိုကာ တိုင်းပြည်ကြွေးမြီပေးဆောင်ရန် ပျက်ကွက်ခြင်းမှရှောင်ရှားရန် လိုအပ်ကြောင်း အလေးပေးပြောကြားလိုက်ပါတယ်။

ရေနံနဲ့ သဘာဝဓာတ်ငွေ့စီမံကိန်းများအပြင် သန့်ရှင်းစွမ်းအင်စီမံကိန်းများ အရှိန်မြှင့်ပေါ်ထွက်လာစေမယ့် ဒေါ်လာ ၆၀ ဘီလီယံတန်ဖိုးရှိ ကိုဗစ်ကယ်ဆယ်ရေးငွေများနဲ့ ပြုပြင်ပြောင်းလဲခွင့်ပြုခြင်းအပါအဝင် အလားအလာရှိတဲ့ သဘောတူညီချက်တစ်ရပ်မှာ နှစ်ဖက်စလုံးက အပေးအယူလုပ်မယ့်အပိုင်းတွေရှိနေတဲ့ အရိပ်အယောင်မြင်တွေ့ရပါတယ်။

ဇွန်လ ၁ ရက်နေ့မှာ ဘေလ်ပေးမဆောင်နိုင်ရင် ကွန်ဂရက်လွှတ်တော်နှစ်ရပ်စလုံးအတွက် အကျပ်အတည်းဖြစ်ပေါ်စေမှာဖြစ်ပါတယ်။

မည်သည့်ဥပဒေမူကြမ်းမဆို မဲခွဲမဆုံးဖြတ်ခင် အထက်လွှတ်တော်မရောက်မီ အောက်လွှတ်တော်အနေနဲ့ ၇၂ နာရီအချိန်လိုအပ်ကြောင်း မက္ကာသီကပြောပြခဲ့ပါတယ်။

၂၀၁၁ ခုနှစ်က ကြွေးမြီကန့်သတ်ချက် မြှင့်တင်ခြင်းနဲ့ပတ်သက်ပြီး အလားတူအငြင်းပွားမှုဖြစ်ခဲ့ကာ ဈေးကွက်များစီးပွားရေးကျဆင်းခဲ့ပါတယ်။

ကြွေးမြီဆောင်ရန်ပျက်ကွက်ပါက ဘဏ္ဍာရေးဈေးကွက်ကို ပြင်းထန်စွာထိခိုက်စေခြင်း၊ အပေါင်နှုန်းနဲ့ အကြွေးဝယ်ကတ်များ အတိုးနှုန်းတက်လာခြင်း၊ အစိုးရဝန်ထမ်းများ လူမှုဖူလုံရေးလက်ခံသူများ ငွေမရရှိနိုင်ခြင်းတို့ကြုံတွေ့ရနိုင်ကာ စီးပွားရေးလုပ်ငန်းများနဲ့ ပြည်သူများအနေဖြင့် ငွေချေးရန်အခက်အခဲဖြစ်စေနိုင်ပါတယ်။

အကြွေးကန့်သတ်ချက်မမြှင့်တင်နိုင်ပါက ဘယ်လိုဘေလ်မျိုးကို မပေးရမလဲဆိုတာကို ဆုံးဖြတ်ရန်ခက်ခဲသွားလိမ့်မယ်လို့ ဘဏ္ဍာရေးဝန်ကြီးက ဆိုပါတယ်။

Source: NPR #World_Politics #ဘိုင်ဒင်နှင့်မက္ကာသီ #ကြွေးမြီကန့်သတ်ချက်အစည်းအဝေးပွဲ
#YMG #Yangon_Media_Group

#Local_News
Published_ 23 May 2023

ကိုရီးယားသမ္မတနိုင်ငံ၊ Gwangju မြို့၊ Kimdaejung Convention Center ၌ ၂၀၂၃ ခုနှစ်၊ ဩဂုတ်လ ၃၀ ရက်နေ့မှ စက်တင်ဘာလ ၁ ရက်နေ့အထိ ကျင်းပပြုလုပ်မည့် Artificial Intelligence Technology-Plus 2023 (AI TECH+ 2023) သို့ မြန်မာနိုင်ငံမှ လုပ်ငန်းရှင် ကိုယ်စားလှယ်များ ပါဝင်တက်ရောက်ပြသနိုင်ကြောင်း ဖိတ်ကြားလာကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

လက်ရှိမှာ AI နည်းပညာဟာ IT လောကမှာ ရေပန်းစားလာပြီး သတင်းနှင့်စာနယ်ဇင်းလုပ်ငန်း၊ အနုပညာလုပ်ငန်းစသည်တို့အပြင် လူမှုကွန်ယက်စာမျက်နှာများတွင် အသုံးပြုနိုင်သည့်နည်းပညာတစ်ခုဖြစ်ကြောင်း သိရသည်။

အဆိုပါပြပွဲသည် ကိုရီးယားသမ္မတနိုင်ငံတွင် AI ကဏ္ဍအတွက် တစ်ကမ္ဘာလုံးမှ ပညာရှင်များ စုဝေးဆွေးနွေးရာ နေရာတစ်ခုအဖြစ် ဖန်တီးသွားမည့် ပထမခြေလှမ်းပင်ဖြစ်ပါကြောင်း၊ AI TECH+ 2023 ကို လာရောက်မည့်သူများသည် စီးပွားရေးအချိတ်အဆက်များ ရရှိနိုင်ပြီး၊ ၎င်းတို့၏ စီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် အထောက်အကူရရှိနိုင်မည်ဖြစ်ပါကြောင်း၊ ပါဝင်ပြသခြင်းဖြင့် နိုင်ငံတကာမှ စီးပွားရေးလုပ်ငန်းများနှင့် ချိတ်ဆက်တွေ့ဆုံမှုများနှင့် ဆွေးနွေးပွဲများ ဆောင်ရွက်နိုင်မည့် အခွင့်အလမ်းများ ရရှိနိုင်မည်ဖြစ်ကြောင်းသိရသည်။

အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာ ကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် This email address is being protected from spambots. You need JavaScript enabled to view it. ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ ဆက်သွယ်၍ ချိတ်ဆက်ပြသနိုင်ကြောင်း သိရသည်။

#ymg/ynzw #Local_News #AIနည်းပညာပြပွဲ
#YMG #Yangon_Media_Group

#Local_News
Published_ 23 May 2023

အကောင်ခွန်ဦးစီးဌာနအနေဖြင့် ကုန်ပစ္စည်းရှင်းလင်းထုတ်ယူသည့် လုပ်ငန်းစဉ်များဆောင်ရွက်ရာတွင် Online Banking ၊ Internet Banking တို့မှ တဆင့် Online Payment စနစ်ဖြင့် မေလ ၂၃ ရက်နေ့ (ယနေ့)မှစတင်ပေးဆောင်နိုင်ပြီဖြစ်ကြောင်း အကောက်ခွန်ဦးစီးဌာနမှ ထုတ်ပြန်ထားသည်။

Online Payment စနစ်ဖြင့်ပေးဆောင်ရာတွင် KBZ Bank AYA bank၊ CB Bank တို့မှ တဆင့်ပေးဆောင်နိုင်ကြောင်း ထုတ်ပြန်ချက်အရသိရသည်။

Online Payment ကိုဆောင်ရာတွင် ကုန်ပစ္စည်း တင်ပို့သူများ သို့မဟုတ် တင်သွင်းသူများအနေဖြင့် သက်ဆိုင်ဘဏ်များ၏ သတ်မှတ်ချက်များနှင့်အညီ Bank အကောင့်ဖွင့်လှစ်ထားရှိဖို့လိုအပ်ကြောင်းသိရသည်။ အဆိုပါOnline Payment စနစ်ကို ရန်ကုန် သီလဝါ အထူးစီးပွားရေးဇုန်အပါအဝင် ရန်ကုန်ဧရိယာ( A1,A3,A4,A5,A6,A9) တိုတွင် စတင်အသုံးပြုနိုင်ပြီဖြစ်ကြောင်းသိရသည်။

#ymg/ynzw #Local_News #အခွန်ပေးဆောင်ရာတွင် Online Payment
#YMG #Yangon-Media-Group

Published 23 May 2023

ကမ္ဘောဒီးယားမှာရှိတဲ့ နိုင်ငံခြားသံအမတ်အချို့ဟာ သူ့ကိုရှေ့မှာလက်ဆွဲနှုတ်ဆက်နေကြပေမယ့် နောက်ကွယ်မှာ နောက်ကျောကို ဓားနှင့်ထိုးနေကြတယ်လို့ ကမ္ဘောဒီးယားဝန်ကြီးချုပ် ဟွန်ဆန်က ပြင်းထန်စွာဝေဖန်ပြောဆို လိုက်ပါတယ်။

မေ၂၂ရက်က သီဟာနုဗီလီ အထူးစီးပွားရေးဇုန်မှာ ရပ်ဝန်းတစ်ခု လမ်းကြောင်းတစ်သွယ်အစီအစဉ် ၁၀နှစ်ပြည့်အထိမ်း အမှတ်အဖြစ် တာယာစက်ရုံအသစ်တစ်ခုဖွင့်ပွဲမှာ သူက ယင်းကဲ့သို့ ပြောကြားခဲ့တာဖြစ်ပါတယ်။

“ ကမ်ဆိုခါ Kem Sokha ကိုလွှတ်ပေးဖို့ ကျွန်တော်က ဘုရင်မင်းမြတ်နှင့် တရားရုံးကိုပြောနိုင်ပါတယ်။ ဒါပေမယ့် ကျွန်တော်မလုပ်နိုင်ဘူး။ ဘာဖြစ်လို့လဲဆိုတော့ ကျွန်တော့်ကိုလက်ဆွဲနှုတ်ဆက်ပြီး စော်ကားမော်ကားလုပ်နေကြတဲ့ သံတမန်အချို့ကို ကျွန်တော်မယုံလို့ပဲ။ အဲဒါကြောင့် သူ့ကို ကျွန်တော် ခွင့်လွှတ်မပေးနိုင်ဘူး။ ဒါကို အချို့သံတမန်တွ နားလည်သင့်တယ်။  ကမ္ဘောဒီးယားမှာ သံတမန်လုပ်နေကြတဲ့  နိုင်ငံခြားသားတွေကို ကျွန်တာ် အယုံအကြည်မရှိဘူး။ ဘာဖြစ်လို့လဲဆိုတော့ သူတို့ဟာ ကျွန်တော့်ကိုစော်ကားတယ်။ ကျွန်တော့်ရဲ့ အချုပ်အခြာနှင့် နိုင်ငံကိုစော်ကားတယ်” လို့ မစ္စတာဟွန်ဆန်ကပြောပါတယ်။

“ အဲဒါကြောင့် သူတို့နှင့် ကျွန်တော်အလုပ်မလုပ်နိုင်ဘူး။ ခင်ဗျားတို့က ကမ္ဘောဒီးယားမှာ အလုပ်လုပ်ချင်ကြတာလား။ ဒါမှမဟုတ် အတိုက်အခံအုပ်စုလူနည်းနည်းလေးနှင့် အလုပ်လုပ်ချင်ကြတာလား” လို့ သူက ဆက်ပြောပါတယ်။

“လက်ရှိအခြေအနေနှာ အချို့သော နိုင်ငံခြားသံတမန်တွေဟာ အတိုက်အခံအုပ်စု အနည်းငယ်ကလေးကို အာရုံစိုက်ထား ကြတယ်။ ဒါပေမယ့် တစ်နိုင်ငံလုံးအဖြစ်နှင့် နိုင်ငံ့ခေါင်းဆောင်အပေါ်အာရုံမစိုက်ဘူး” လို့သူကပြောပါတယ်။

နိုင်ငံခြားမိတ်ဆွေတွေဟာ ကမ္ဘောဒီးယားရဲ့ ငြိမ်းချမ်းရေးနှင့်လွတ်လပ်ရေးအတွက် ကမ္ဘောဒီးယားပြည်သူတွေရဲ့ ဆန္ဒကို လေးစားရလိမ့်မယ်လို့ သူယုံကြည်တယ်လို့လည်းဆိုပါတယ်။

ဒါဟာ နိုင်ငံခြားသားတွေရဲ့ ပြဿနာမဟုတ်ဘူး။ ဒါဟာ ကမ္ဘောဒီးယားရဲ့ ပြည်တွင်းပြဿနာဖြစ်တယ်။ အဲဒါကြောင့် ကိုယ့်ပြဿနာကို ကမ္ဘောဒီးယားကပဲ ကိုယ်တိုင်ဖြေရှင်းသင့်တယ်” လို့ သူကပြောပါတယ်.

Source Khmer Times

#ကမ္ဘောဒီးယားဝန်ကြီးချုပ်ဟွန်ဆန်

#ကမ္ဘောဒီးယားနိုင်ငံရေး

#YangonMediaGroup

#World_Science
Published 23 May 2023

လွန်ခဲ့တဲ့နှစ်ပေါင်း ၄.၅၀၀ ခန့်က လူ့ယဉ်ကျေးမှုသမိုင်းမှာ နမ်းရှုတ်ခြင်းနဲ့ပတ်သက်တဲ့ အစောဆုံးမှတ်တမ်းကို သုတေသီများမကြာမီက ရှာဖွေတွေ့ရှိခဲ့ကာ ရှေးဟောင်းအရှေ့အလယ်ပိုင်းမှာ တည်ရှိခဲ့တာဖြစ်တယ်လို့ အထောက်အထားများက ဖော်ပြနေပါတယ်။

၂,၅၀၀ ဘီစီခန့် အစောဆုံးမီဆိုပိုတေးမီးယန်းလူ့အဖွဲ့အစည်းဟာ နမ်းရှိုက်ခြင်းကို စတင်ကျင့်သုံးခဲ့တယ်လို့ အထောက်အထားများဖော်ပြနေပါတယ်။

Science ဂျာနယ်မှာဖော်ပြခဲ့တဲ့ဆောင်းပါးအရ နမ်းရှိုက်ခြင်းကနေ အအေးမိအနာလိုမျိုး ပါးစပ်မှကူးစက်တတ်တဲ့ရောဂါတွေ ပျံ့နှံ့တာကိုလည်း သက်သေပြနေပါတယ်။

ရင်းနှီးဖော်ရွေမှုအရ နမ်းခြင်းဟာ ခေတ်ကာလယဉ်ကျေးမှုအလျောက် လူသားတွေအသုံးပြုကြပေမယ့် ချစ်ခြင်းသဘောတရားအရ နမ်းရှိုက်တာကတော့ ယဉ်ကျေးမှုအရ ဖြစ်လာဖွယ်မရှိဘူးလို့ ယူဆရပါတယ်။

တွေ့ရှိချက်အသစ်ရ နမ်းခြင်းဟာ ရှေးခေတ်ကတည်းက ယဉ်ကျေးမှုအမျိုးမျိုးဖြစ်နေတဲ့ လူသားများကြား ချစ်ခင်ရင်းနှီးမှုအစိတ်အပိုင်းတစ်ခုဖြစ်ပြီး နေရာအတိအကျတစ်ခုဆီကနေ ဆင်းသက်လာတာမဟုတ်ပါဘူး။

မီဆိုပိုတေးမီးယန်းကျမ်းဂန်များအရ နမ်းခြင်းဟာ အိမ်ထောင်သည်တွေကြား ကျင့်သုံးကြပြီး လက်မထပ်ရသေးသူများ ချစ်ကျွမ်းဝင်တဲ့အခါမှာလည်း စိတ်ဆန္ဒရှိခြင်းရဲ့အစိတ်အပိုင်းတွေလို့ ယူဆနိုင်ပါတယ်။

ရွှံ့စေးပြားအထောက်အထား ထောင်ပေါင်းများစွာ ယနေ့တိုင်ရှိနေဆဲဖြစ်ပြီး ရှေးခေတ်ကာလကတည်းက နမ်းရှိုက်ခြင်းဟာ ချစ်ခြင်းဆိုင်ရာ အစိတ်အပိုင်းဖြစ်သလို မိသားစုဝင် မိတ်ဆွေများရင်းနှီးမှုရဲ့ အစိတ်အပိုင်းဖြစ်ကြောင်း ပြသနေပါတယ်။

ရေယုန်ဗိုင်းရပ်စ်လို ရောဂါတွေ မရည်ရွယ်ဘဲ ကူးစက်ပျံ့နှံ့စေခဲ့တာဖြစ်နိုင်ကြောင်း ဆက်လက်အကြံပြုခဲ့ကြပါတယ်။

ထိုကျမ်းဂန်စာသားတွေဟာ ခေတ်ကာလရဲ့ မတူညီတဲ့ယဉ်ကျေးမှုနဲ့ ဘာသာရေးအယူအဆများ လွှမ်းမိုးနိုင်တဲ့စာများဖြစ်တာကြောင့် တန်ဖိုးသတ်မှတ်လို့မရနိုင်ကြောင်း သုတေသီများပြောကြားခဲ့ပါတယ်။

Source: WION #World_Science #နှစ်ပေါင်း(၄,၅၀၀) #နမ်းရှုတ်ခြင်းအစောဆုံးမှတ်တမ်း
#YMG #Yangon_Media_Group

#Local_News
Published_ 23 May 2023

ကမ္ဘောဇသာဒီရွှေနန်းတော်ကြီးအား ပြန်လည်ပြုပြင်ထိန်းသိမ်းမှုများကို သမိုင်းမှတ်တမ်းမှတ်ရာများ၊ မြေနန်းပြသာဒ်မှတူးဖော်ရရှိသည့် ရှေးလက်ရာများအတိုင်း ဆောင်ရွက်ရန် နစက ဥက္ကဌက ပြောကြားခဲ့သည်။

မေလ ၂၂ ရက်က နိုင်ငံတော်စီမံအုပ်ချုပ်ရေးကောင်စီဥက္ကဋ္ဌနိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်၏ ပဲခူးတိုင်းဒေသကြီးခရီးစဉ်အတွင်း အထက်ပါအတိုင်း ပြောကြားခဲ့ခြင်း ဖြစ်သည်။

ပြတိုက်သို့ လာရောက်လေ့လာသူများ အလွယ်တကူ လေ့လာနိုင်ရေး ခေတ်နှင့်လျော်ညီစွာ ခင်းကျင်းပြသထားရှိရန်၊ ဘုရင့်နောင် မင်းတရားကြီး စီးနင်းအသုံးပြုခဲ့သည့် ရထားတော်ကြီးကို မူလအရွယ်အစားအတိုင်း ရှေးမူမပြတ်ပြန်လည် တည်ဆောက်၍ ပြသထားရန်၊ကမ္ဘောဇသာဒီရွှေနန်းတော်ကြီးအတွင်း သန့်ရှင်းသာယာလှပစေရေး အမြဲမပြတ်ဆောင်ရွက်နေရန်၊ဟံသာဝတီမြို့တော်ဟောင်းနေရာကို ပြန်လည်ဖော်ထုတ်ထိန်းသိမ်းနိုင်ရေးတာဝန်ရှိသူများ အနေဖြင့် ဆောင်ရွက်ရန် တို့ကို ပြောကြားခဲ့ကြောင်းလည်း သိရသည်။

ယင်းအပြင် ကမ္ဘောဇသာဒီရွှေနန်းတော်အတွင်း ယခင်မြေနန်းပြသာဒ်ဆောင်နေရာမှ တူးဖော်ရရှိသည့် ကျွန်းတိုင်များကိုပြသထားရှိမှု၊ နန်းတော်အား ပြန်လည်ပြုပြင်ထိမ်းသိမ်းရန်ဆောင်ရွက်လျက်ရှိမှု၊ နန်းတော်ပြတိုက်အတွင်း ရှေးဘုရင်များအသုံးပြုခဲ့သည့် အသုံးအဆောင် ပစ္စည်းများပြသထားရှိမှုများ၊ဟံသာဝတီရှေးဟောင်းသုတေသန ပြတိုက်အတွင်း ခင်းကျင်းပသထားသည့်ရှေးဟောင်းဗုဒ္ဓရုပ်ပွားတော်များနှင့် ရှေးဟောင်းအသုံးအဆောင်ပစ္စည်း များကိုလည်းကောင်း၊ ဘမရာသနပလ္လင်တော်ဆောင်အတွင်း ခင်းကျင်းထားရှိမှုများကို နစက ဥက္ကဌက ကြည့်ရှုခဲ့ကြောင်းလည်း သိရသည်။

မြန်မာသက္ကရာဇ် ၉၁၅ (အေဒီ ၁၅၅၃ )ခုနှစ်တွင် ဘုရင့်နောင်မင်းတရားကြီးသည်ဟံသာဝတီဒေသ၌ အကျယ်အဝန်း ၃၄၀၀ စတုရန်းမီတာရှိကာ မြို့ရိုးပတ်လည် တစ်ဖက်တစ်ချက်စီတွင် မြို့တံခါး ၅ ပေါက်ပါရှိပြီး စုစုပေါင်း မြို့တံခါး ၂၀ ဖြင့် တည်ဆောက်ထားသည့် ကြီးကျယ်ခမ်းနားသည့်နန်းတော်သစ်တစ်ခုကို တည်ဆောက်ခဲ့ပြီး “ကမ္ဘောဇသာဒီ”ဟု ခေါ်တွင်စေခဲ့ကြောင်း၊ မြန်မာသက္ကရာဇ် ၉၄၃ ခုနှစ်(အေဒီ ၁၅၈၁)ခုနှစ်၊ သက်တော်၆၆ နှစ်တွင် ဘုရင့်နောင်မင်းတရားကြီး နတ်ရွာစံခဲ့ပြီး သားတော်နန္ဒဘုရင်လက်ထက်တွင် ဟံသာဝတီမြို့ ပျက်စီးခဲ့ရကာ “ကမ္ဘောဇသာဒီ”နန်းတော်ကြီးမှာလည်း မီးရှို့ဖျက်ဆီးခံခဲ့ရကြောင်း၊ ထို့နောက် နှစ်ပေါင်း ၄၀၀ ကျော်ခန့် အပျက်အဆီးများအောက်တွင်တိမ်မြုပ်ပျောက်ကွယ်ခဲ့ရသည့် “ကမ္ဘောဇသာဒီ”နန်းတော်ကြီးကို ရှေးဟောင်းသုတေသနဦးစီးဌာနမှ ၁၉၉၀ ပြည့်နှစ် နှစ်ဆန်းပိုင်းမှ ၁၉၉၇ ခုနှစ်အထိ သုတေသနပြု တူးဖော်ခြင်းလုပ်ငန်းများကို ဆောင်ရွက်ခဲ့ကြောင်း၊ မြေနန်းပြသာဒ်ဆောင်နေရာအား ၁၉၉၃ခုနှစ်၊ ဒီဇင်ဘာ ၁၃ ရက်တွင်စတင် သုတေသနပြု တူးဖော်ခဲ့ရာ မြေနန်းပြဿဒ်ဆောင်၊စနုဆောင်၊ လက်ဝဲဝင်းဆောင်နှင့် လက်ယာဝင်းဆောင်တို့၏ အုတ်ခုံပန္နက်များကို တွေ့ရှိခဲ့ကြောင်း၊ အဆိုပါနေရာများမှ ကျွန်းတိုင်လုံး အကြွင်းအကျန်များကိုတွေ့ရှိခဲ့ရပြီးအချို့ ကျွန်းတိုင်များတွင် ပေးပို့ဆက်သသူများ၏ အမည်များကိုရေးထိုးထားသည်ကို တွေ့ရှိရကြောင်း၊ ဘုရင့်နောင်မင်းတရားကြီး၏ မြေနန်းပြဿဒ်ဆောင်၊ လက်ဝဲဝင်းဆောင်၊လက်ယာဝင်းဆောင်နှင့် စနုဆောင်တို့ကို ပုံစံတူပြန်လည်တည်ဆောက်ရေးအတွက် တူးဖော်တွေ့ရှိရသည့် ပန္နက်ပုံ၊ မှတ်တမ်းအထောက်အထားများနှင့်ညှိနှိုင်း၍ ပုံစံတူပြန်လည် တည်ဆောက်ထားခြင်းဖြစ်ကြောင်းနှင့် ပြည်တွင်း၊ ပြည်ပမှ လာရောက်လေ့လာသူများဖြင့် စည်ကားလျက်ရှိကြောင်း သိရသည်။

အဆိုပါ ခရီးစဉ်အတွင်း ပဲခူးမြို့ နယ်၊ ဥဿမြို့သစ်၊ ပဲခူးတက္ကသိုလ်အနီးတွင် တည်ထားကိုးကွယ်သည့်နှစ်ပေါင်း ၁၀၀၀ ကျော်သက်တမ်းရှိပြီဖြစ်သည့် သမိုင်းဝင် ကျိုက်ပညာယျစေတီတော်မြတ်ကြီး ပြုပြင်မွမ်းမံခြင်းလုပ်ငန်းဆောင်ရွက်ထားရှိမှုအခြေအနေများကို ကြည့်ရှုကာစေတီတော်မြတ်ကြီးအား ပန်း၊ ရေချမ်း၊ ဆီမီး ကပ်လှူပူဇော်ပြီး စေတီတော်ကြီးအတွက် ဘက်စုံအလှူငွေများကို ပေးအပ်လှူဒါန်းခဲ့ကြောင်း သိရသည်။

ယင်း နှစ်ပေါင်း ၁၀၀၀ ကျော်သက်တမ်းရှိပြီဖြစ်သော သမိုင်းဝင် ကျိုက်ပညာယျစေတီတော်မြတ်ကြီး ၏ ရင်ပြင်တော်မှာဘုရားဖူးအများအပြားလာရောက်ပါက အဆင်ပြေနိုင်မည်မဟုတ်သောကြောင့် အထက်ပစ္စယံ၊ အလယ်ပစ္စယံနှင့် အောက်ပစ္စယံတို့ကိုတိုးချဲ့ ဆောင်ရွက်သွားရန်လိုကြောင်း နစက ဥက္ကဌက ပြောကြားခဲ့ကြောင်း၊ စေတီတော်ကြီး ပုရိဝုဏ်အတွင်း သန့်ရှင်းသာယာလှပရေး၊ ရေဝင်ရေထွက်ကောင်းမွန်ရေး၊ မွန်ဘုရားဖြစ်သည့်အတွက် မွန်လက်ရာများလည်း ပါဝင်ရန်လိုကြောင်း နှင့် နှစ်ပေါင်း ၁၀၀၀ကျော်သက်တမ်းရှိပြီဖြစ်သည့် သမိုင်းဝင်ကျိုက်ပညာယျစေတီတော်မြတ်ကြီး ပြုပြင်မွမ်းမံမည့် လုပ်ငန်းကဏ္ဍများ၌ ရဟန်း၊ ရှင်လူ၊ အများပြည်သူတို့ ပါဝင်ကုသိုလ်ယူနိုင်ရေးအတွက်လည်း နိဗ္ဗာန်အကျိုး မျှော်၍ နှိုးဆော်ရန်မှာကြားခဲ့ကြောင်း သိရသည်။

၎င်းအပြင် ပဲခူးမြို့ မဇင်းရပ်ကွက်ရှိ ဒုတိယမြန်မာနိုင်ငံတော်ကြီးကို တည်ထောင်တော်မူခဲ့သော ဟံသာဝတီဆင်ဖြူများရှင် ဘုရင့်နောင်မင်းတရားကြီး ကိုယ်တော်တိုင်တည်ထားကိုးကွယ်ခဲ့သည့် ဆုတောင်းပြည့်စွယ်တော်ရှင် မဟာစေတီတော်မြတ်ကြီး၊ “ရှင်ပင်သာလျောင်း” ခေါ် “ရွှေသာလျောင်း” ရုပ်ပွားတော်မြတ်ကြီး ၊ရွှေမော်ဓော စေတီတော်မြတ်ကြီး တို့ကို ရောက်ရှိကြပြီး စေတီတော်မြတ်ကြီးအား ဖူးမြော်ကြည်ညိုကာ ပန်း၊ ရေချမ်း၊ ဆီမီးကပ်လှူပူဇော်၍စေတီတော်မြတ်ကြီးအတွက် ဘက်စုံအလှူငွေများကိုပေးအပ်လှူဒါန်းခဲ့ကြောင်း သိရသည်။

ရွှေမော်ဓောစေတီတော်သမိုင်းပြတိုက် အတွင်းခင်းကျင်းပြသထားသည့် ရှေးဟောင်းလက်ရာ ဗုဒ္ဓရုပ်ပွားတော်များ၊ လက်ဝတ်ရတနာများ၊ အသုံးအဆောင်ပစ္စည်းများကို နစက ဥက္ကဌ ကြည့်ရှုပြီး ရှေးဟောင်းလက်ရာများသည် သမိုင်းကိုပြသနေခြင်းပင်ဖြစ်သည့်အတွက် မပျောက်ပျက်၊ မပျက်စီးအောင် စနစ်တကျထိန်းသိမ်းကြရန်လည်း ပြောကြားခဲ့ကြောင်း သိရသည်။

#ymg/pl #Local_News #ကမ္ဘောဇသာဒီရွှေနန်းတော်ကြီး
#YMG #Yangon_Media_Group

#Local_News
Published-23 May 2023

ဆိုက်ကလုန်းမုန်တိုင်း"မိုခါ"ကြောင့် ထိခိုက်ပျက်စီးမှုများဖြစ်ခဲ့သည့် ရခိုင်ပြည်နယ် အတွင်း ဇွန်လဆန်းပိုင်းတွင် လျှပ်စစ်မီးရရှိနိုင်မည်ဖြစ်ကြောင်း လျှပ်စစ်ဓာတ်အားဖြန့်ဖြူးရေးလုပ်ငန်းမှ ဦးဆောင်ညွှန်ကြားရေးမှူး ဦးရဲတိုးက ပြောကြားထားသည်။

ရခိုင်ပြည်နယ်အတွင်း မိုခါမုန်တိုင်းဒဏ်ကြောင့် လျှပ်စစ်ဓာတ်အား ဖြန့်ဖြူးမှုအပိုင်းမှာ ပျက်စီးဆုံးရှုံးမှုများ ဖြစ်ပေါ် ခဲ့တဲ့အတွက် လျှပ်စစ်ကျွမ်းကျင်ဝန်ထမ်းများစေလွှတ်ပြီး လျှပ်စစ်ဓာတ်အားအမြန်ဆုံး ပြန်လည်ရရှိရေး အဖွဲ့(၂၇)ဖွဲ့နဲ့  ဆောင်ရွက်လျက်ရှိကြောင်း နစက၏သတင်းထုတ်ပြန်ချက်အရ သိရသည်။

မုန်တိုင်းဖြစ်ပြီးနောက်ပိုင်းမှစတင်၍ ဓာတ်အားလိုင်းရုံးတွေမှ ဝန်ထမ်းပေါင်း ၁,၀၀၀ ကျော်၊ စက်၊ ယာဉ်၊ ယန္တယား (၆၂)စီးနဲ့ ဆောင်ရွက်လျက်ရှိပြီး ဇွန်လဆန်းပိုင်းတွင် လျှပ်စစ်မီး ရရှိနိုင်မှာဖြစ်ကြောင်း လျှပ်စစ်ဓာတ်အား ဖြန့်ဖြူးရေးလုပ်ငန်းမှ ဦးဆောင်ညွှန်ကြားရေးမှူး ဦးရဲတိုးသွင်က ပြောကြားထားကြောင်း သိရသည်။

#ymg/pl #Local_News #ရခိုင်ပြည်နယ် #လျှပ်စစ်မီးပြန်လည်ရရှိနိုင်
#YMG #Yangon-Media-Group

#World_Health
Published 23 May 2023

စိတ်ဖိစီးမှုဆိုတာ သဘာဝအတိုင်းဖြစ်လေ့ဖြစ်ထရှိပြီး ရေရှည်ဖြစ်လာတဲ့အခါ ရုပ်ပိုင်းဆိုင်ရာရော စိတ်ပိုင်းဆိုင်ရာကျန်းမာရေးမှာပါ ဆိုးကျိုးဖြစ်ပေါ်လာစေနိုင်ပါတယ်။

စိတ်ဖိစီးမှုကြောင့် ခန္ဓာကိုယ်တွင်းမှာ ကော်တီဆောလ်လိုမျိုး ဟော်မုန်းများထွက်လာကာ ကိုယ်ခံအားကိုသက်ရောက်စေပြီး ရောင်ရမ်းမှုဖြစ်ပေါ်စေပါတယ်။

ဒီလိုအခြေအနေကနေ အင်ပျဉ်ထခြင်းလိုမျိုး အရေပြားပြဿနာများ ပိုမိုဆိုးရွားစေပါတယ်။

ဒါ့အပြင် အဆီဓာတ်ထုတ်လုပ်မှုများလာကာ ဝက်ခြံပိုထွက်လာနိုင်ပြီး သမင်ဖြူလိုရောဂါမျိုးလည်း ဖြစ်ပွားတတ်ပါတယ်။

အစ္စရေးလ်မှာဆိုရင် စိတ်ဖိစီးမှုကြောင့် အင်ပျဉ်ဖြစ်ပွားသူ သိန်းပေါင်းများစွာရှိနေကာ ရောဂါရှာဖွေသိရှိလေ့မရှိပါဘူး။

အင်ပျဉ်ဆိုတာက ခန္ဓာကိုယ်နေရာအမျိုးမျိုးမှာ နီရဲယားယံကွက်တွေ ပေါ်လိုက်ပျောက်လိုက်ဖြစ်တာပါ။

အလွန်ယားယံတတ်ပြီး လှုပ်ရှားသွားလာနေရာမှ မထင်မှတ်ပဲပေါ်လာတတ်ပါတယ်။

အင်ပျဉ်၊ ဓာတ်မတည့်ခြင်း၊ အခြားအရေပြားပြဿနာတွေကြား မှားယွင်းတတ်တာကြောင့် ရက်အတော်ကြာယားယံခြင်းမျိုး မပျောက်သွားဘူးဆိုရင် အရေပြားဆရာဝန်နဲ့ ပြသသင့်ပါတယ်။

အထူးသဖြင့် ရင်ကျပ်မျိုးရိုးလိုက်သူ၊ မျက်စိဓာတ်မတည့်ဘဲရောင်ရမ်းသူ၊ အရေပြားဓာတ်မတည့်ခြင်းဖြစ်ပွားတဲ့ သူတွေမှာ ဂရုစိုက်သင့်ပါတယ်။

စိတ်ဖိစီးမှုအပြင် ကူးစက်ရောဂါ၊ ဆေးဝါးအချို့၊ အပင် သတ္တဝါနှင့်ထိတွေ့ခြင်း၊ အတွင်းရောဂါများကြောင့်လည်း ဖြစ်ပွားတတ်ပါတယ်။

လက်၊ ခြေထောက်၊ ရင်ဘတ်၊ ဝမ်းဗိုက်တို့မှာ အင်ပျဉ်ပေါ်ပေါက်တာကတော့ အသက်အန္တရာယ်မဖြစ်နိုင်ပေမယ့် အချို့လူတွေမှာ အရေပြားအောက် တစ်ရှူးပျော့ရောင်ရမ်းခြင်းပါ ဖြစ်ပေါ်တတ်ပါတယ်။

ဒီလိုရောင်ရမ်းခြင်းက မျက်နှာ၊ မျက်ခွံ၊ နှုတ်ခမ်း၊ နားရွက်၊ ပါးစပ်၊ လက်၊ ခြေ၊ မျိုးပွားအင်္ဂါများမှာပါ ဖြစ်ပေါ်တတ်ကာ နာကျင်ခြင်းပါ ခံစားရတတ်ပါတယ်။

အသက်ရှူလမ်းကြောင်း လျှာတို့မှာပါ ကူးစက်လာရင်တော့ အသက်ရှူလမ်းကြောင်းပိတ်ဆို့နိုင်ကာ အသက်အန္တရာယ်ဖြစ်စေနိုင်ပါတယ်။

ပထမဆုံးကုသနည်းကတော့ ရောင်ရမ်းခြင်းကိုလျှော့ချပေးနိုင်မယ့် ဟစ္စတာမင်းဆန့်ကျင်ပစ္စည်းတွေပါပဲ။

ဒီဆေးရဲ့သက်ရောက်မှုက ငိုက်မျဉ်းစေတာကြောင့် တွက်ချက်ပြီးမှ အသုံးပြုသင့်ပါတယ်။

အခုဆိုရင် အဆင့်မြင့်တဲ့ဆေးဝါးများပေါ်ပေါက်လာကာ IGE ပဋိပစ္စည်းထုတ်လုပ်မှုကို ဆန့်ကျင်ပေးတာဖြစ်ပါတယ်။

အင်ပျဉ်ဖြစ်လို့ မပျောက်ဘူးဆိုရင် သိကျွမ်းနားလည်တဲ့ အရေပြားအထူးကုနဲ့ ပြသသင့်ပါတယ်။

Source: The Jerusalem Post #World_Health #အရေပြားနီရဲယားယံခြင်း
#YMG #Yangon_Media_Group

Published 22 May 2023

ဖိလစ်ပိုင်ရဲ့ အထင်ကရနေရာတစ်ခုဖြစ်တဲ့ နှစ်၁၀၀နီးပါးသက်တမ်းရှိ  မနီလာဗဟိုစာတိုက်ကြီး  တနင်္ဂနွေညက မီးလောင်ကျွမ်းမှုဖြစ်ပွားခဲ့ရာ လူ(၇)ဦး ဒဏ်ရာအနည်းငယ်ရရှိခဲ့ပါတယ်။

တနင်္ဂနွေည သန်းခေါင်ယံမတိုင်ခင်ကလေးမှာ မီးစတင်လောင်ကျွမ်းခဲ့တာဖြစ်ပြီး ရောမနှင့်ဂရိရှေးဟောင်းဂန္တဝင်ပုံစံ အထပ်ငါးထပ်ပါ အဲဒီ မနီလာဗဟိုစာတိုက်ကြီးအဆောက်အဦကြီးကို (၇)နာရီကျော်ကြာ မီးငြိမ်းးသတ်ခဲ့ရပါတယ်။

#YangonMediaGroup

#မနီလာဗဟိုစာတိုက်ကြီးမီးလောင်

#မနီလာဗဟိုစာတိုက်ကြီး

#Local_News
Published_ 22 May 2023

အခုနှစ်မှာ မုတ်သုန်အဝင်ရက်ပိုင်းနောက်ကျနေပြီးမုတ်သုန်စဝင်ချိန်မှာ တနင်္သာရီတိုင်းအပါအဝင် မြန်မာနိုင်ငံတောင်ပိုင်းဒေသတွေနဲ့မြစ်ဝကျွန်းပေါ်ဒေသတွေမှာ မိုးသက်လေပြင်းကျရောက်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Local_News #မုတ်သုန်အဝင် #တနင်္သာရီတိုင်းနှင့်ဒေသအချို့ #မိုးသက်လေပြင်းတိုက်ခတ်နိုင်
#YMG #Yangon_Media_Group

#Asia_Technology
Published 20 May 2023

တရုတ်နိုင်ငံမှာ စိုက်ပျိုးရေးကစလို့ ဆိပ်ကမ်းထောက်ပံ့ပို့ဆောင်ရေးနဲ့ လုပ်ငန်းလည်ပတ်ရေး ကဏ္ဍတိုင်းမှာ ဉာဏ်ရည်တု(AI)ကို အသုံးချနေပါတယ်။

#Asia_Technology #တရုတ်နိုင်ငံ #ဉာဏ်ရည်တု(AI)စနစ်
#YMG #Yangon_Media_Group