#Local_News
Published_ 22 February 2023

ဆန်ဈေးကြီးမြှင့်တက်မှု အခြေအနေကြောင့် အခြေခံအလုပ်သမား၊ဝန်ထမ်းမိသားစုများကို သက်သာသောဈေးနှုန်းဖြင့် ဝယ်ယူရရှိနိုင်စေရန် ဧည့်မထဆန် (10Kg) (၅)ပြည်ခန့်တစ်အိတ်ကို ကျပ်တစ်သောင်းဖြင့် မြန်မာနိုင်ငံဆန်စပါးအသင်းချုပ်မှ ဆက်လက်ရောင်းချပေးသွားမည်ဖြစ်ကြောင်း သိရသည်၊၊

စက်ရုံ၊ အလုပ်ရုံ၊ ကုမ္ပဏီအဖွဲ့အစည်းများနှင့် ဝင်ငွေနည်းပါးသော အခြေခံဝန်ထမ်း မိသားစုများအတွက် သက်သာသောဈေးနှုန်းဖြင့် ဆန်ရောင်းချပေးမည့် အစီအစဉ်ဖြစ်ပြီး 10Kg ရှိ ဆန်အိတ်ရေ စုစုပေါင်း (၂၁၆၆၀၀)ခန့်ကို ရောင်းချပေးခဲ့ပြီးဖြစ်သည်ဟု ဆိုသည်၊၊

ငွေပေးသွင်းဝယ်ယူနိုင်ရန်လည်းကောင်း၊ လှိုင်သာယာ၊ ရွှေပြည်သာစက်ရုံများသို့ မှာယူသည့် အရေအတွက်အပေါ်မူတည်၍ အရောက်ပို့ပေးခြင်း၊ သို့မဟုတ်သတ်မှတ်နေရာ၌လာရောက်ထုတ်ယူခြင်းများစီစဉ်ဆောင်ရွက်နိုင်ရန်အတွက် လည်းကောင်း ဖုန်း 09400067270 ၊viber 09400067260 သို့ ဆက်သွယ်ဆောင်ရွက်နိုင်ကြောင်း ထုတ်ပြန်ချက်တွင်ဖော်ပြထားသည်၊၊

#ymg/tthl #Local_News #Rice #အလုပ်သမား
#YMG #Yangon_Media_Group

#Local_News
Published_ 23 February 2023

တက္ကသိုလ်ဝင်စာမေးပွဲအတွက် ညပိုင်းစာကြည့်ချိန် ညနေ(၅)နာရီမှ(၁၀)နာရီအတွင်း အများပြည်သူအုပ်စုအတွင်းမှ ဓာတ်အားသုံးစွဲနေသည့်လုပ်ငန်းရှင်များအနေဖြင့် လျှပ်စစ်ဓာတ်အားဖြင့် လုပ်ငန်းများဆောင်ရွက်ခြင်းမပြုရန် အသိပေးပန်ကြားကြောင်း ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းက ထုတ်ပြန်လိုက်သည်၊၊

အဆိုပါ အသိပေးပန်ကြားချက်သည် အများပြည်သူအုပ်စုအတွင်း ဓာတ်အားသုံးစွဲနေသော စီးပွားရေးနှင့် စက်မှုလက်မှုလုပ်ငန်းရှင်များသို့ အသိပေးပန်ကြား ခြင်းဖြစ်သည်ဟုဆိုသည်၊၊

ထုတ်ပြန်ချက်တွင် (၂၀၂၂-၂၀၂၃) ပညာသင်နှစ် တက္ကသိုလ်ဝင်တန်းစာမေးပွဲများကို မတ်လ(၈)ရက်မှ (၁၈)ရက်အထိ ကျင်းပပြုလုပ်သွားမည်ဖြစ်ပြီး မတ်လ(၁) ရက်မှ ၂၀ ရက်အတွင်းတက္ကသိုလ်ဝင်စာမေးပွဲကာလတွင် စာမေးပွဲဖြေဆိုမည့် ကျောင်းသား၊ ကျောင်းသူများ ညပိုင်းစာကြည့်နိုင်ရေးအတွက် ဓာတ်အားတိုးတက်ဖြန့်ဖြူးနိုင်ရန်ဓာတ်အားထုတ်လုပ်မှုတိုးမြှင့်ရေးကိုလျှပ်စစ်စွမ်းအားဝန်ကြီးဌာနမှ စီမံဆောင်ရွက်လျက်ရှိကြောင်း၊ အများပြည်သူအုပ်စုအတိုင်း ဓာတ်အားသုံးစွဲနေသော ရပ်ကွက်/ကျေးရွာအတွင်းရှိ စီးပွားရေးနှင့် စက်မှုလက်မှုလုပ်ငန်းများအား မတ်လ(၁)ရက်မှ(၂၀)ရက်အထိ ညနေ(၅)နာရီမှ (၁၀)နာရီအထိ ကန့်သတ်ချိန်အတွင်း ဌာနမှဖြန့်ဖြူးသည့် လျှပ်စစ်ဓာတ်အားဖြင့် လုပ်ငန်းဆောင်ရွက်ခြင်းမပြုကြပါရန် အသိပေးပန်ကြားလိုက်ခြင်းဖြစ်ကြောင်း ထုတ်ပြန်ချက်တွင်ဖော်ပြထားသည်၊၊

ကန့်သတ်ချိန်အတွင်းဌာနမှ ဖြန့်ဖြူးသည့်လျှပ်စစ်ဓာတ်အားဖြင့် လုပ်ငန်းဆောင်ရွက်ကြောင်း စစ်ဆေးတွေ့ရှိရပါက အုပ်ချုပ်မှုနည်းလမ်းအရ အရေးယူဆောင်ရွက်သွားမည်ဖြစ်ပါကြောင်း အသိပေးကြေညာထားကြောင်းသိရသည်၊၊

#ymg/tthl
#Yangon_Media_Group

#World_Health
Published 23 February 2023

ပင်မစတမ်ဆဲလ်အစားထိုးကုသနည်းဖြင့် HIV ဝေဒနာရှင်‌‌တွေကိုကုသခဲ့ရာမှာ ရောဂါပျောက်ကင်းသွားသူ ၅ ယောက်မြောက်ပေါ်ထွက်လာပြီလို့ လေ့လာတွေ့ရှိခဲ့ပါတယ်။

ဂျာမနီလူမျိုးကို ၂၀၁၃ ခုနှစ်မှာ အစားထိုးကုသမှုပြုလုပ်ခဲ့ကာ ၂၀၁၈ မှာ ဗိုင်းရပ်စ်ပိုးသတ်ဆေးတွေ ရပ်ဆိုင်းလိုက်ပေမယ့် ယခုမတိုင်ခင်အထိတော့ ရောဂါပျောက်ကင်းမှန်း အတည်မပြုနိုင်ခဲ့ပါဘူး။

အန္တရာယ်ကြီးတဲ့ AIDS ရောဂါကြောင့် ၂၀၂၁ ခုနှစ်မှာ ကမ္ဘာတဝှမ်းတွင် သေဆုံးသူ သန်း ၄၀ ကျော်ရှိခဲ့ကြောင်း WHO က ဆိုပါတယ်။

ကုသနည်းတွေအနေနဲ့ HIV ကနေ AIDS ဖြစ်မလာအောင် တားဆီးနိုင်ပေမယ့် မလွယ်ကူလှပါဘူး။

ဒီ‌ဗိုင်းရပ်စ်ကို သေချာပေါက်ကုသနိုင်တဲ့ မရှိပေမယ့် အချို့လူတွေကတော့ HIV ကို ကုသနိုင်ခဲ့ပါတယ်။

ပင်မစတမ်ဆဲလ်အစားထိုးကုသခြင်းက ဆေးပညာပိုင်းမှာ အားသာချက်တွေရှိသလို ဘေးထွက်ဆိုးကျိုးလည်း များပါတယ်။

ဒီကုသနည်းက အသက်အန္တရာယ်ထိပါးနိုင်ချေပါ မြင့်မားနေတာကို သတိပြုမိဖို့လည်း လိုပါတယ်။

ဒါကြောင့် ဒီနည်းလမ်းကို လွယ်လင့်တကူအသုံးမပြုကြဘဲ အဆိုးရွားဆုံးအခြေအနေမှသာ ကုသကြတာဖြစ်ပါတယ်။

ပင်မစတမ်ဆဲလ်အစားထိုးကုသခြင်းဟာ HIV ရော သွေးအားနည်းရောဂါရှိသူတွေမှာသာ စွန့်စားပြီးကုသတာဖြစ်ပါတယ်။

လေ့လာချက်အရ ထိုလူနာမှာ ဗိုင်းရပ်စ်ပိုးသတ်ဆေးတွေ အသုံးမပြုတော့တာတောင် HIV မတွေ့ရတော့ပါဘူး။

ကုသနည်းတွေ အသုံးမပြုဘဲနဲ့ HIV ပျောက်ကင်းသွားခဲ့တဲ့ အချို့လူတွေလည်း ရှိနေပါတယ်။

#Source: The Jerusalem Post #World_Health #HIV #AIDS
#YMG #Yangon_Media_Group

#Local_News
Published-22 February 2023

ပုဂံရှေးဟောင်းသုတေသနပြတိုက်ကို လာရောက်တဲ့ ရဟန်းသံဃာ၊ သီလရှင်၊ ကလေး၊ ကျောင်းသား၊ ကျောင်းသူတွေကို အခမဲ့ ဝင်ရောက်ကြည့်ရှုခွင့်ပြုထားတယ်လို ရှေးဟောင်းသုတေသနနှင့်အမျိုးသားပြတိုက် ဦးစီးဌာန(ပုဂံဌာနခွဲ) က သိရပါတယ်။

#Local_News #ပုဂံရှေးဟောင်းသုတေသနပြတိုက်
#YMG #Yangon_Media_Group

#World_Entertainment
Published 22 February 2023

ဆူဒန်နိုင်ငံမှာ ပြုလုပ်တဲ့ အပတ်စဉ်ဟာသပြဇာတ်ဟာ အကျော်ကြားဆုံးဖျော်ဖြေရေးဏ္ဍတစ်ခု ဖြစ်လာပါတယ်။

#World_Entertainment #စစ်ဘေးဒဏ်ခံစား#ဆူဒန်
#YMG#Yangon_Media_Group

#Local_News
Published_ 22 February 2023

၂၀၂၃ ခုနှစ်၊ တက္ကသိုလ်ဝင်စာမေးပွဲကို မတ်လ (၈) ရက်မှာ စတင်ကျင်းပသွားမှာဖြစ်ပြီး တက္ကသိုလ်ဝင်စာမေးပွဲဖြေဆိုခွင့်ကတ်ပြားတွေ ထုတ်ယူနိုင်ပြီဖြစ်တယ်လို့ မြန်မာနိုင်ငံစာစစ်ဦးစီးဌာနမှ သိရပါတယ်၊၊

#Education #Exam #YMG
#Yangon_Media_Group

#Local_News
Published_ 22 February 2023

ရခိုင်ရိုးရာသင်္ကြန်ဟာ အရှေ့တောင်အာရှမှာ အစောဆုံးကျင်းပခဲ့တဲ့သင်္ကြန်ဖြစ်ပြီး မြတ်စွာဘုရားပွင့်တော်မူချိန်လွန်ခဲ့တဲ့ နှစ်ပေါင်း ၂၅၀၀ ကျော် ကာလကတည်းက စတင်ကျင်းပလာတဲ့ သင်္ကြန်ပွဲတော်ဖြစ်တယ်လို့ ရခိုင်စာပေနှင့်ယဉ်ကျေးမှုအဖွဲ့(ရန်ကုန်)မှ သိရပါတယ်၊၊

#ရခိုင်ရိုးရာသင်္ကြန် #သက်တမ်း၂၀၀၀#Local_News
#YMG #Yangon_Media_Group

#Local_News
Published_ 22 February 2023

၂၀၂၃ ခုနှစ်ဖေဖော်ဝါရီ အစပိုင်းကစပြီး ဈေးဆက်တိုက်မြင့်တက်လာတဲ့ ပြည်တွင်းဆန်ဈေးဟာ လက်ရှိအချိန်အထိ ဈေးမြင့်တက်နေတယ်လို့ ပြည်တွင်းဆန်ဈေးကွက်ထဲက စုံစမ်းသိရှိရပါတယ်။

#Rice #Business# ပြည်တွင်းဆန်ဈေးကွက်
#YMG #Yangon_Media_Group

#DailyNews
Published_ 22 February 2023

၁။ ပြည်တွင်းဆန်ဈေးကွက် ဈေးနှုန်းအမြင့်ပိုင်းသို့ရောက်ရှိနေ

၂။ ရခိုင်ရိုးရာသင်္ကြန်သည် အစောဆုံးသင်္ကြန်ဖြစ်ပြီး နှစ်သက်တမ်း၂၀၀၀ ကျော်ရှိပြီဖြစ်ဟုဆို

၃။ တက္ကသိုလ်ဝင်စာမေးပွဲမတ်လ(၈)ရက် စတင်ကျင်းပမည်၊ စာမေးပွဲဖြေဆိုခွင့် ကတ်ပြားထုတ်ယူနိုင်ပြီဟုဆို

၄။ စစ်ဘေးဒဏ်ခံစားခဲ့ရသည့် ဆူဒန်သားတို့အတွက် လူရွှင်တော်အဖွဲ့မှအပတ်စဉ်ဟာဒယရွှင်ဆေးတိုက်ကျွေးလျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 22 February 2023

ယာယီရပ်ထားတဲ့ passport လုပ်ငန်းစဉ်တွေကို မကြာတော့တဲ့ အချိန်မှာ ပြန်ပြီးတော့ စတင်တော့မယ်လို့ နစက သတင်းပြန်ကြားရေးအဖွဲ့က သိရပါတယ်။

#Local_News #Passport #နိုင်ငံကူးလက်မှတ်
#YMG ##Yangon_Media_Group

#Local_News
Published-22 February 2023

ရန်ကုန်တိုင်းဒေသကြီး ဒဂုံမြို့သစ်(ဆိပ်ကမ်း)မြို့နယ်၊ (၉၄)ရပ်ကွက်ရှိ ရပ်ကွက်အုပ်ချုပ်ရေးမှူးရုံးကို ဖေဖော်ဝါရီလ ၁၉ ရက်က သေနတ်ဖြင့် ဝင်ရောက်ပစ်ခတ်ခဲ့သောကြောင့် ရာအိမ်မှူးနှစ်ဦးသေဆုံးကာ ရပ်ကွက်အုပ်ချုပ်ရေးအဖွဲ့မှ လေးဦးဒဏ်ရာရရှိခဲ့ကြောင်း မြန်မာနိုင်ငံ ရဲတပ်ဖွဲ့က ယနေ့ထုတ်ပြန်လိုက်သည်။

လုံခြုံရေးတပ်ဖွဲ့ဝင်များက သွားရောက်စစ်ဆေးရာ အဆိုပါ ရပ်ကွက်နေ ရာအိမ်မှူး ဦးထွန်းထွန်းဝင်း(၄၆)နှစ် (ဘ)ဦးလှအောင်၊ ရာအိမ်မှူး ဦးဝင်းမြင့်(၆၀)နှစ် (ဘ)ဦးကြင်၊ ရာအိမ်မှူး ဦးမြင့်ဝေ(ခ)ဦးပု(၅၂)နှစ် (ဘ)ဦးထွန်းခင်၊ ဆယ်အိမ်မှူး ဦးဖြိုးကိုကိုအောင် (၂၈)နှစ် (ဘ)ဦးသန်းမြင့်၊ ရုံးအကူ ဦးအောင်ဝင်း(၃၁)နှစ် (ဘ)ဦးခင်ဝင်း၊ ရာအိမ်မှူး ဒေါ်ခင်ဆွေဝင်း (၆၅)နှစ် (ဘ)ဦးပူခိတို့ ရုံး၌လုပ်ငန်းများ ဆောင်ရွက်နေစဉ် နစက ဆန့်ကျင်အဖွဲ့မှ အမျိုးသား ၃ ဦးက ဆိုင်ကယ် ၂ စီးဖြင့် ရုံးအရှေ့သို့ရောက်ရှိလာပြီး ရုံးအတွင်းဝင်ရောက်ကာ သေနတ်ဖြင့် ပစ်ခတ် ထွက်ပြေးသွားခဲ့ခြင်းဖြစ်ကြောင်း သိရသည်။

ယင်းကြောင့် ဦးထွန်းထွန်းဝင်းနှင့် ဦးဝင်းမြင့်တို့တွင် ကျည်ထိမှန်ဒဏ်ရာများရရှိကာ အခင်းဖြစ်နေရာ၌သေဆုံးခဲ့ပြီး ဦးမြင့်ဝေ(ခ)ဦးပု၊ ဦးဖြိုးကိုကိုအောင်၊ ဒေါ်ခင်ဆွေဝင်းနှင့် ဦးအောင်ဝင်းတို့တွင် ကျည်ထိမှန်ဒဏ်ရာများ ရရှိခဲ့ကြကြောင်း မြန်မာနိုင်ငံ ရဲတပ်ဖွဲ့၏ ထုတ်ပြန်ချက်အရ သိရသည်။

#ymg/mt #Crime #Local_News #ဒဂုံဆိပ်ကမ်း(၉၄)
#ရာအိမ်မှူးနှစ်ဦးသေဆုံး #YMG #Yangon_Media_Group

#Local_News
Published-22 February 2023

ကွယ်လွန်သွားကြပြီ ဖြစ်သော ထပ်ဆင့် အကယ်ဒမီ သီဟတင်စိုးနှင့် အကယ်ဒမီ ဇင်မာဦးတို့ ဇနီးမောင်နှံတို့၏ ရင်သွေးများအား သီဟတင်စိုး၏ ညီမအရင်းဖြစ်သူ ခင်စံပါယ်ဦးက စောင့်ရှောက်မည်ဖြစ်ကြောင်း သိရသည်။

ခင်စံပါယ်ဦးက သူ၏ ခင်ပွန်းဖြစ်သူ Ayarwady Lu Min (Lu Minn) facebook လူမှုကွန်ရင်ကတစ်ဆင့် အထက်ပါအတိုင်း ရေးသားထားခြင်းလည်း ဖြစ်သည်။

"ကိုညာဆုံးတာ ၄ လမပြည့်သေးဘူးကိုကြီးရေ၊ အကိုတွေထဲမှာသဘောအကောင်းဆုံး၊ မဇင်မာမဆုံးခင်က သမီးကို ကလေးတွေကိုအပ်သွားတယ်၊ အမေ့ကိုလည်း သမီးကနေတစ်ဆင့်တောင်းပန်ကန်တော့သွားတယ်၊ အမေက ကိုကြီးတို့ကိုခွင့်လွတ်ပါတယ်တဲ့၊ သမီးလေးစပယ်ဖူးငုံဦးက မဇင်မာမရှိတော့ကတည်းက သမီးတို့အိမ်မှာပဲနေတာ။ အခုတော့သူ့သမီးလေးကို စိတ်ချထားသွားခဲ့ပြီ၊ ကလေး၂ယောက်ကို သမီးတို့အတတ်နိုင်ဆုံးစောင့်ရှောက်ပါ့မယ် ကိုကြီးရေ၊ အေးချမ်းတဲ့ဘုံဘဝကို စိတ်ဖြောင့်ဖြောင့်နဲ့သွားပါနော်"ဟု ရေးသားထားခြင်း ဖြစ်သည်။

သီဟတင်စိုးသည် ဖေဖော်ဝါရီလ ၂၁ ရက်နေ့ မွန်းလွဲပိုင်းက နှလုံးရောဂါဖြင့် သင်္ကန်းကျွန်း စံပြဆေးရုံအသွား ကွယ်လွန်ခဲ့ခြင်း ဖြစ်ပြီး အသက် ၅၇ နှစ်အရွယ်ရှိပြီ ဖြစ်ကာ သူ၏ ဇနီးဖြစ်သူ အကယ်ဒမီ သရုပ်ဆောင်ဇင်မာဦးက လွန်ခဲ့သည့် ၂၀၂၁ ခုနှစ် မတ်လ ၁၁ ရက်တွင်အဆုတ်ကင်ဆာရောဂါဖြင့် အသက် ၅၁ နှစ်အရွယ်တွင် ကွယ်လွန်ခဲ့ခြင်းလည်း ဖြစ်သည်။

ယင်းတို့တွင် သားတစ်ဦးနှင့် သမီးတစ်ဦး ကျန်ရစ်ခဲ့ခြင်း ဖြစ်သည်။

သီဟတင်စိုး၏ ဈာပနာကို ဖေဖော်ဝါရီလ ၂၃ ရက် မွန်းလွဲ (၂) နာရီအချိန် ရေဝေးသုသာန်၌ မီးသင်္ဂြိုလ်သွားမည် ဖြစ်ကြောင်းလည်း သိရသည်။

#ymg/mt #Myanmar_Actor #YMG
#Yangon_Media_Group