#Local_News
Published_ 14 April 2023

သင်္ကြန်အကြိုနေ့တွင် သံလွင်မြစ်အတွင်းသို့ အမျိုးသား ၁ ဦး ရေဆင်းကူးရာမှပျောက်ဆုံးသွားခဲ့သည်ဟု မာဃလူမှုကူညီရေးအသင်းမှ သိရသည်။

ဧပြီ ၁၃ ရက်ညနေ ၅ နာရီ ၁၅ မိနစ်ခန့်ကအမျိုးသားတစ်ဦး ရေနစ်​ပျောက်ဆုံးနေကြောင်း သတင်းရရှိတဲ့အတွက် ကူညီကယ်ဆယ်မူများပြုလုပ်ခဲ့ရာ မတွေ့ရှိသည့်အတွက် ယနေ့မနက်ပိုင်းတွင်ထပ်မံရှာဖွေမူများပြုလုပ်ခဲ့ကြောင်းအဆိုပါအသင်းမှသိရသည်။

ပတ်ဝန်းကျင်မှမျက်မြင်များပြောကြားချက်အရ ရေနစ်ပျောက်ဆုံးသွားသူဟာ အရက်မူးနေကြောင်း အသတ်အလတ်ပိုင်းအရွယ်ခန့်ရှိကြောင်း မာဃလူမှုကူညီရေးအသင်းမှ တာ၀န်ခံက YMG ကိုပြောသည်။

ရေနစ်ပျောက်ဆုံးသွားသည့် အမျိုးသားအား မာဃလူမှုကူညီရေးအသင်းမှ ဧပြီ ၁၄ ရက်(ယ နေ့)နံနက် ၇ နာရီမှစတင်ကာ သံလွင်မြစ်တစ် လျှောက်တွင် စက်လှေများဖြင့်စတင်ရှာဖွေလျက်ရှိ​ပြီး နေ့လည် ၁၁ နာရီအထိမတွေ့ရှိသေး​ကြောင်းအဆိုပါအသင်းမှသိရသည်။
ymg/ynzw
#Local_News #သံလွင်မြစ် #ရေဆင်းကူးသည့်အမျိုးသားပျောက်ဆုံးနေ
#YMG #Yangon_Media_Group

#Local_News
Published_ 14 April 2023

ဧပြီလ(၁၂)ရက်ကပျောက်ဆုံးသွားသည့် အင်းစိန်မြို့နယ်နေ တက်စီယာဥ်မောင်းကို ကြို့ကုန်းအနောက်သစ်တောဝင်း ခြုံပုတ်အတွင်းမှ ဓားဒဏ်ရာသုံးချက်ဖြင့် သေဆုံးလျက်ပြန်တွေ့ကြောင်းကနောင် နာကူ/ရှင်ကူ အသင်းမှ သိရသည်၊၊

ဧပြီလ(၁၂)ရက်ကအဆိုပါတက်စီယာဥ်မောင်း ပျောက်ဆုံးသွား၍ အမျိုးသမီးဖြစ်သူမှသူ၏လူမှုကွန်ယက်ပေါ်တွင် လူပျောက်ကြေညာတင်ပြီးရှာဖွေခဲ့သည်၊၊

ဧပြီလ(၁၃)ရက်တွင် တက်စီကားကိုပြန်ရှာတွေ့ခဲ့ပြီး ဧပြီလ(၁၄)ရက်ရောက်မှ သေဆုံးသူ၏ရုပ်အလောင်းကိုပြန်ရှာတွေ့ခဲ့ခြင်းဖြစ်သည်၊၊

"ပြန်ရှာတွေ့ပါပြီ၊၊အင်းစိန်ကြို့ကုန်းအနောက် သစ်တောဝန်း ခြုံပုတ်ထဲမှာ ဓားဒဏ်ရာသုံးချက်နဲ့သေဆုံးလျက်ပြန်တွေ့ပါတယ်၊၊ဟုတ်ပါတယ် တက်စီယာဥ်မောင်း ကိုပေါ်ထင်ကျော်ပါ၊၊အသက်(၂၉) နှစ်ပါ၊၊

ဧပြီလ၁၂ရက်ကပျောက်သွားတာ၊၊ဒီနေ့၁၄ရက် နံနက်၁၀နာရီဝန်းကျင်ကပြန်တွေ့ပါတယ်၊၊

သူ့အဖေနဲ့ သူ့အစ်ကိုတို့လာပါတယ်"ဟု ကနောင် နာကူ/ရှင်ကူ အသင်းမှတာဝန်ရှိသူတစ်ဦးက YMGကိုအတည်ပြုပြောသည်၊၊

သေဆုံးသူသည် အင်းစိန်ပေါက်တော ချမ်းမြေ့စည်ပင်ဝန်းမှာ နေထိုင်သူဖြစ်ပြီး ၄င်းမောင်းနှင်သည့် တက်စီယာဥ်အမှတ် Car No.AA.5674အတူပျောက်ဆုံးခဲ့ပြီးဧပြီလ(၁၄)ရက်ရောက်မှ ဓားဒဏ်ရာသုံးချက်ဖြင့် သေဆုံးလျက်ပြန်တွေ့ခြင်းဖြစ်ကြောင်းသိရသည်၊၊
ymg/tthl
#Local_News #အင်းစိန် #ပျောက်ဆုံးနေသည့်တက်စီယာဥ်မောင်း # ဓားဒဏ်ရာသုံးချက်
#YMG #Yangon_Media_Group

#Local_News
Published_ 14 April 2023

မဟာဝိဇယစေတီတော်တွင် နှစ်ဆန်းတစ်ရက်နေ့၌ ဆုတောင်းအဓိဌာန်ပြည့်စေမည့်နေမင်းပူဇော်ပွဲ၊ဇီဝိတဒါနငှက်လွှတ်ခြင်းနှင့်ငါးလွှတ်ခြင်းအခမ်း အနားများကျင်းပသွားမည်ဖြစ်ကြောင်း ဂေါပကအဖွဲ့ထံမှသိရသည်၊၊

စေတီတော်ဂန္ဓကုဠီတိုက်အတွင်းရှိ မြတ်စွာဘုရားဆင်းတုတော်အား တစ်နှစ်လုံးတွင်နှစ်ဆန်းတစ်ရက်နေ့တစ်ရက်တည်းသာနေမင်း၏အလင်းရောင်တိုက်ရိုက်ကျရောက်ပြီး နေမင်းပူဇော်ချိန်ဖြစ်၍ ယင်းအချိန်တွင်ဆုတောင်းအဓိဌာန်ပြုပါက ဆုတောင်း ပြည့်သည်ဟုယူဆကြပြီး နှစ်ဆန်းတစ်ရက်နေ့တွင် နေမင်းပူဇော်ပွဲကျင်းပကြမည်ဖြစ်သည်၊၊

"အခုနှစ်မှာ မြန်မာနှစ်ဆန်းတစ်ရက်နေ့ မနက်၈နာရီ ၃၅မိနစ်မှာ အရှေ့အရပ်မှတစ်ကြိမ်၊မွန်းလွဲ ၃နာရီ ၂၅မိနစ်မှာ အနောက်အရပ်မှတစ်ကြိမ် ၂ကြိမ်တိုင်တိုင် နေမင်းရဲ့အလင်းရောင်နဲ့ဦးခိုက်မှာဖြစ်ပါတယ်၊၊အဲဒီ့အချိန်မှာ နေမင်းပူဇော်ပွဲပြုလုပ်ပြီး ဆုတောင်း အဓိဌာန်ပြုနိုင်ပါတယ်၊၊ဒီ့အပြင် မဟာဝိဇယစေတီတော်မှာ နှစ်ဆန်းတစ်ရက်နေ့မှာ မြို့နယ်အသီးသီးကစုပေါင်းပြီးဇီဝိတဒါန ငှက်လွှတ်ပွဲ၊ငါးလွှတ်ပွဲအခမ်းအနားတွေကျင်းပသွားဖို့ရှိပါတယ်"ဟု မဟာဝိဇယစေတီတော်ဂေါပကအဖွဲ့တာဝန်ရှိသူတစ်ဦးက YMGကိုပြောသည်၊၊

မဟာဝိဇယစေတီတော်တွင်ကျင်းပမည့်ငါးလွှတ်ပွဲအခမ်းအနားအတွက် ငါးလုပ်ငန်းဦးစီးဌာနမှ ငါးကောင်ရေ(၁၅၀၀)ပေးထားပြီးအလှူရှင်များကလည်း သီးသန့်ဝယ်ယူလွှတ်သွားမည်ဖြစ်ကြောင်း သိရသည်၊၊
ymg/tthl
#Local_News #နှစ်ဆန်းတစ်ရက်နေ့ #မဟာဝိဇယစေတီတော် #နေမင်းပူဇော်ပွဲ #ငှက်လွှတ်ခြင်းနှင့်ငါးလွှတ်ခြင်းအခမ်းအနားများကျင်းပ #YMG #Yangon_Media_Group

#World_News
Published_ 14 April 2023

အမေရိကန်နဲ့ မဟာမိတ်များကို ကမ္ဘာမှာအရှက်ရစေတဲ့ ထိပ်တန်းလျှို့ဝှက် အရေးကြီးအချက်အလက်များ အွန်လိုင်းပေါက်ကြားခဲ့တဲ့ကိစ္စအတွက် အသက် ၂၁ နှစ်အရွယ်အမေရိကန်လေကြောင်းစောင့်ကြပ်ရေးအဖွဲ့ဝင် 'ဂျက်ခ်ဒေါက်ဂလပ်စ်တက်ဆယ်ရာ'ကို FBI က ကြာသပတေးနေ့မှာ ဖမ်းဆီးလိုက်ပါတယ်။

စစ်ရေးကိရိယာများဝတ်ဆင်ထားတဲ့ ဖက်ဒရယ်လ်အေးဂျင့်တွေက သံချပ်ကာကားဖြင့် ဘော့စ်တွန်တောင်ပိုင်း မိုင် ၅၀ အကွာ မာဆာချူဆက်စ် ဒိုက်တန်မြို့ရှိ နေအိမ်မှာ အိမ်နေရင်းအဝတ်အစားဝတ်ထားတဲ့ တက်ဆယ်ရာထံကို ရောက်ရှိလာခဲ့ကြပါတယ်။

သတင်းပေါက်ကြားမှု ကျယ်ကျယ်ပြန့်ပြန့်ထွက်ရှိလာပြီးနောက် တစ်ပတ်အကြာမှာ အခုလိုဖမ်းဆီးခဲ့တာဖြစ်ပြီး ဒီလိုပေါက်ကြားမှုကြောင့် ထိခိုက်ရတဲ့အခြေအနေတွေကို အမေရိကန်က ထုတ်ဖော်ပြောကြားထားပါတယ်။

ထိုပေါက်ကြားမှုတွေထဲမှာ အမေရိကန်က သူ့ရဲ့မဟာမိတ်တွေကို လျှို့ဝှက်ထောက်လှမ်းတာတွေ ပါဝင်နေတာကြောင့် အရှက်ရစရာဖြစ်ခဲ့ပြီး ယူကရိန်းစစ်ရေးအခြေအနေရဲ့ အားနည်းချက်လည်း ပေါ်ထွက်လာခဲ့ပါတယ်။

၂၀၁၀ ခုနှစ်က WikiLeaks ဝက်ဘ်ဆိုက်မှာ အချက်အလက်ဗီဒီယိုပေါင်း ၇ သိန်းကျော်ပေါ်ထွက်ခဲ့ပြီးနောက်ပိုင်း ယခုအချက်အလက်ပေါက်ကြားခြင်းဟာ အဆိုးရွားဆုံးလုံခြုံရေးချိုးဖောက်မှုလို့ ယူဆရပါတယ်။

တက်ဆယ်ရာရဲ့ တာဝန်ထမ်းဆောင်မှုမှတ်တမ်းများအရ သူဟာ မာဆာချူဆက်စ်ရှိ အိုတစ်အမျိုးသားလေကြောင်းကာကွယ်ရေးစခန်းမှာ ပထမတန်းအဆင့်လေယာဉ်မှူးတစ်ဦးဖြစ်ပါတယ်။

၂၀၁၉ ခုနှစ်က လေကြောင်းစောင့်ကြပ်ရေးတပ်ထဲဝင်ရောက်ခဲ့ပြီး အိုင်တီကျွမ်းကျင်ပညာရှင်အဖြစ် လုပ်ကိုင်ခဲ့ပါတယ်။

နိုင်ငံတော်ထိပ်သီးကာကွယ်ရေး အချက်အလက်များအား ခွင့်ပြုချက်မရှိဘဲ ဖယ်ရှားခြင်း၊ ထိန်းသိမ်းခြင်း၊ ထုတ်လွှင့်ခြင်းကိစ္စတွေကို စုံစမ်းစစ်ဆေးမှုမှာ ပတ်သက်နေတဲ့အတွက် တက်ဆယ်ရာကိုဖမ်းဆီးခဲ့တာဖြစ်ကြောင်း ရှေ့နေချုပ်'မာရစ်ဂါလန်း'က သတင်းထောက်တွေကို ပြောပြခဲ့ပါတယ်။

အေးဂျင့်တွေက မာဆာချူဆက်စ် ဒိုက်တန်မြောက်ပိုင်းရှိနေအိမ်တစ်ခုမှာ တရားဥပဒေစိုးမိုးရေးအတိုင်း လုပ်ဆောင်ခဲ့ကြောင်း FBI က ပြောကြားခဲ့ပါတယ်။

တက်ဆယ်ရာကို လက်ထိပ်ခတ်ပြီး ယာဉ်ရဲ့အနောက်ဘက်ခန်းမှာထားကာ ဖမ်းဆီးခေါ်ဆောင်သွားပုံကို Aerial သတင်းဗီဒီယိုမှာ ဖော်ပြထားပါတယ်။

တက်ဆယ်ရာအနေနဲ့ ဘယ်လိုအမှုမျိုးနဲ့ ရင်ဆိုင်ရမလဲဆိုတာ တရားစိုးမိုးရေးဌာနက မဖော်ပြသေးပေမယ့် နိုင်ငံတော်ကာကွယ်ရေးအချက်အလက်များကို ဆန္ဒအလျောက်ထိန်းသိမ်းထားရှိခြင်းနဲ့ ထုတ်လွှင့်ခြင်းဆိုင်ရာ ရာဇဝတ်ပြစ်မှုများ ဖြစ်နိုင်ဖွယ်ရှိပါတယ်။

ဒီလိုပြစ်မှုမျိုးက ဘေးအန္တရာယ်ဖြစ်စေဖို့ မရည်ရွယ်ဘူးဆိုရင်တောင် ထောင်ဒဏ် ၁၀ နှစ်လောက်အထိ ကျခံရဖွယ်ရှိတယ်လို့ တရားစိုးမိုးရေးဌာန လုံခြုံရေးရှေ့နေဟောင်း'ဘရန်ဒန်ဗန်ဂရက်'က ဆိုပါတယ်။

ပေါက်ကြားမှုက အလွန်ထိခိုက်နစ်နာစေတဲ့အတွက် ထောင်ဒဏ်ကြီးကြီးမားမားကျခံရဖွယ်ရှိတယ်လို့ ဆိုပါတယ်။

တက်ဆယ်ရာကို သောကြာနေ့မှာ ရုံးတင်စစ်ဆေးမှာဖြစ်ကြောင်း အမေရိကန်အစိုးရရှေ့နေရုံးမှ ပြောရေးဆိုခွင့်ရှိသူက ပြောပြပါတယ်။

တက်ဆယ်ရာနဲ့ ကျောင်းအတူတူတက်ခဲ့ပြီး အနီးနားတဝိုက်မှာနေထိုင်နေတဲ့ အသက် ၂၂ နှစ်အရွယ်'အက်ဒီဆူဇာ'က တက်ဆယ်ရာမှာ လွန်ခဲ့တဲ့နှစ်တွေတုန်းက အစွန်းရောက်သဘောမျိုး မတွေ့ခဲ့ရဘဲ ပြဿနာရှာတတ်တဲ့လူမျိုးမဟုတ်ကာ အေးအေးဆေးဆေးနေတတ်သူဖြစ်ကြောင်း ပြောပြသွားပါတယ်။
Source: Reuters
#YMG #Yangon_Media_Group

Published 14 April 2023

တရုတ်သမ္မတရှီကျင့်ဖျင်ဟာ တရုတ်ပြည်သူ့လွတ်မြောက်ရေးတပ်မတော် တောင်ပိုင်းတိုင်းရေတပ်ဌာနချုပ်ကို ဧပြီ၁၁ ရက်က သွားရောက်ခဲ့ပြီး တရုတ်စစ်တပ်ရဲ့ မျက်နှာစာအားလုံးမှာ ခေတ်မီအောင် အဆင့်မြှင့်တင်ကြဖို့ အလေးပေး ပြောဆိုသွားတယ်လို့ တရုတ်နိုင်ငံပိုင်မီဒီယာတွေက သတင်းထုတ်ပြန်ပါတယ်။

တရုတ်ကွန်မြူနစ်ပါတီရဲ့  ဗဟိုကော်မတီ အထွေထွေအတွင်းရေးမှူးအပြင်  ဗဟိုစစ်ကော်မရှင်ရဲ့ ဥက္ကဋ္ဌ လည်းဖြစ်တဲ့ ရှီ က မျက်နှာစာအားလုံးခေတ်မီအောင်အဆင့်မြှင့်ဖို့နှင့် လေ့ကျင့်ရေးနှင့် တိုက်ပွဲဝင်အသင့်အနေအထားဖြစ်အောင် တိုးမြှင့် လုပ်ဆောင်ကြဖို့လည်း တိုက်တွန်းသွားပါတယ်။

Source CCTV+

#တရုတ်သမ္မတရှီကျင့်ဖျင်

#တရုတ်ပြည်သူ့လွတ်မြောက်ရေးတပ်မတော်_တောင်ပိုင်းတိုင်းရေတပ်ဌာနချုပ်

#YangonMediaGroup

#World_Health
Published _14 April 2023

ကိုယ်အလေးချိန်လွန်ကဲခြင်းဟာ သက်တမ်းတိုစေနိုင်တယ်လို့ အရင်ကတည်းက တွေ့ရှိထားသလို အသက်အရွယ်ကြီးတဲ့အချိန်မှ ကိုယ်အလေးချိန်လျော့ကျတာကလည်း အလားတူအန္တရာယ်ရှိစေကြောင်း လေ့လာတွေ့ရှိထားပါတယ်။

အသက် ၆၅ နှစ်ကျော်မှ ကိုယ်အလေးချိန်ကျသူများဟာ ပျမ်းမျှ ၄ နှစ်တာကာလအတွင်း အသက်သေဆုံးနိုင်ချေ ၃ ပုံ ၁ ပုံခန့် များလာနိုင်ကြောင်း JAMA Network ဂျာနယ်မှာ ဖော်ပြထားပါတယ်။

အသက်ကြီးသူတွေမှာ ကိုယ်အလေးချိန်ပြောင်းလဲသွားတဲ့ အခြေအနေတွေကို သိပ်ပြီးမဖော်ပြထားကြပါဘူး။

သူတို့ရဲ့လေ့လာချက်က ကိုယ်အလေးချိန်လျော့ကျခြင်းသာမက ဝိတ်ကျခြင်းကြောင့် သေဆုံးနိုင်ချေများတာကိုပါ ထည့်တွက်ထားကြပါတယ်။

လေ့လာမှုထဲမှာ နှလုံးသွေးကြောရောဂါ၊ ဒီမန်ရှာ၊ မသန်မစွမ်း၊ နာတာရှည်ရောဂါမရှိကြတဲ့ အသက် ၇၀ နှင့်အထက် ဩစတြေးလျလူမျိုး ၁၆,၀၀၀ ကျော်၊ အသက် ၆၅ နှစ်နှင့်အထက် အမေရိကန်လူမျိုး ၂,၄၀၀ ကျော်တို့ကို လေ့လာခဲ့ပါတယ်။

အဲဒီနောက် ၄ နှစ်ကြာတဲ့တိုင်အောင် နှစ်စဉ်ကိုယ်အလေးချိန်နဲ့ ခါးအတိုင်းအတာတို့ကို တိုင်းတာခဲ့ကာ ကိုယ်အလေးချိန်တက်လာခြင်းက စောစီးစွာအသက်ဆုံးရှုံးနိုင်ချေနဲ့ မသက်ဆိုင်ကြောင်း သုတေသီများတွေ့ရှိခဲ့ကြပါတယ်။

ကိုယ်အလေးချိန် ၁၀ ရာခိုင်နှုန်းကျော် ကျဆင်းသွားတဲ့အမျိုးသားတွေဟာ ကိုယ်အလေးချိန်တသမတ်တည်းရှိတဲ့ အမျိုးသားတွေထက် စောစီးစွာသေဆုံးနိုင်ချေ ၂၉၀ ရာခိုင်နှုန်းနီးပါးပိုများကြောင်း တွေ့ရှိရပါတယ်။

ကိုယ်အလေးချိန် ၅ ရာခိုင်နှုန်းကနေ ၁၀ ရာခိုင်နှုန်းကျော်ကျသွားတဲ့ အမျိုးသမီးတွေကတော့ အသက်သေဆုံးနိုင်ချေ ၁၁၄ ရာခိုင်နှုန်းပိုများကြောင်း တွေ့ရှိခဲ့ကြပါတယ်။

ကျား/မမရွေး အဝလွန်ရာကနေ ကိုယ်အလေးချိန် ၅ ရာခိုင်နှုန်းကျော်ကျဆင်းလာသူတွေဟာ စောစီးစွာသေဆုံးနိုင်ချေ ပိုများနေပါတယ်။

ဒါ့အပြင် ကိုယ်အလေးချိန် ၁၀ ရာခိုင်နှုန်းလျော့ကျလာသူတွေဟာ ကင်ဆာဖြစ်နိုင်ချေ ပိုများနေသလို အမျိုးသမီးတွေမှာ ကင်ဆာကြောင့်သေဆုံးနိုင်ချေ ၁.၇၈ ဆပိုများနေပါတယ်။

စမ်းသပ်ခံသူတွေရဲ့ အစားအသောက်ပုံစံနဲ့ လေ့ကျင့်လှုပ်ရှားမှုတွေကိုတော့ ထည့်သွင်းတွက်ချက်မခြင်းမရှိပါဘူး။
Source: The Jerusalem Post
#World_Health #ကိုယ်အလေးချိန်ကျဆင်းလာခြင်း #စောစီးစွာအသက်ဆုံးပါးနိုင်ချေမြင့်မား
#YMG #Yangon_Media_Group

#World_Health
Published_ 14 April 2023

အမေရိကန်လူမျိုးတွေဟာ သွေးပေါင်ချိန်တိုးခြင်းကို သေချာမထိန်းသိမ်းကြဘူးလို့ ရောဂါထိန်းချုပ်ကာကွယ်ရေးစင်တာ(CDC)က စိုးရိမ်းနေပါတယ်။

သွေးပေါင်ချိန်တိုးလာတာနဲ့အမျှ အခြားရောဂါများဖြစ်တဲ့ နှလုံးရောဂါ၊ နှလုံဖောက်ခြင်း၊ လေဖြတ်ခြင်းတို့ ဖြစ်နိုင်ချေပိုများကြောင်း သတိပေးလိုက်ပါတယ်။

လူတွေက သွေတိုးရောဂါကို သေချာထိန်းချုပ်ခြင်းမရှိတာကြောင့် နှလုံးရောဂါ၊ လေဖြတ်ခြင်းတို့ကနေ နှစ်စဉ်နှစ်တိုင်း အမေရိကန်လူမျိုးတစ်သန်းနီးပါး သေဆုံးနေကြရတယ်လို့ ဖော်ပြလိုက်ပါတယ်။

သွေးတိုးခြင်းကိုကာကွယ်ထိန်းချုပ်နိုင်မယ့် နည်းလမ်းတွေထဲမှာ ရေဓာတ်ထိန်းသိမ်းခြင်းကလည်း အရေးပါနေပါတယ်။

ရေသောက်လိုက်တာနဲ့ ချက်ချင်းသွေးပေါင်ချိန်ကျသွားတာမဟုတ်ပေမယ့် ကွဲပြားမှုတော့ ခံစားရပါလိမ့်မယ်။

လူသားနှလုံးရဲ့ ၇၃ ရာခိုင်နှုန်းကိုရေဖြင့်ဖွဲ့စည်းထားတာကြောင့် ရေဓာတ်ထိန်းသိမ်းခြင်းဖြင့် သွေးပေါင်ချိန်ထိန်းညှိရာမှာ အရေးပါပါတယ်။

ရေဓာတ်ခန်းခြောက်သွားရင် ရှိသင့်တဲ့ဆိုဒီယမ်ပမာဏထက် ပိုများလာကာ အငန်ဓာတ်က သွေးပေါင်ချိန်တက်စေပါတယ်။

သွေးပေါင်ချိန်ထိန်းသိမ်းတယ်ဆိုရာမှာ အရမ်းများမနေအောင်သာ ထိန်းသိမ်းရတာမျိုးမဟုတ်ပါဘူး။

ကိုယ်တွင်းအင်္ဂါအားလုံးက သွေးစီးဆင်းလည်ပတ်မှုကောင်းမွန်တဲ့အပေါ် မှီခိုနေရတာကြောင့် သွေးပေါင်ချိန် များလွန်းခြင်း၊ နည်းလွန်းခြင်းမဖြစ်စေဖို့ အရေးကြီးကြောင်း NYU လောင်ဂုန်ဆေးရုံမှ နှလုံးအထူးကု'ရှာလင်းရောင်'က ပြောပြခဲ့ပါတယ်။

သွေးပေါင်ချိန်ဆိုတာက သွေးပမာဏအပေါ် မူတည်နေကြောင်း၊ သွေးပမာဏကျဆင်းတဲ့အခါ သွေးပေါင်ချိန်ကျသွားပြီး သွေးပျံ့နှံ့ဖို့အတွက် နှလုံးကပိုအားစိုက်ရကြောင်း WebMD ဆေးဘက်ဆိုင်ရာအမှုဆောင်ချုပ်'ဂျွန်ဝှိုက်'က ပြောကြားခဲ့ပါတယ်။

အရည်ဓာတ်မလုံလောက်တဲ့အခါ သွေးပမာဏက ခန္ဓာကိုယ်အတွက် ကောင်းစွာမထောက်ပံ့နိုင်ဘဲ မူးဝေခြင်းလက္ခဏာမျိုး ခံစားရတတ်ပါတယ်။

သွေးပေါင်ချိန်နည်းတဲ့လူတွေက ရေသောက်လိုက်ခြင်းဖြင့် အလွယ်တကူထိန်းချုပ်နိုင်တယ်လို့ မာဆာချူဆက်အထွေထွေဆေးရုံမှ နှလုံးဌာနအကြီးအကဲ'မယ်လီဆာဝုဒ်'က ပြောကြားခဲ့ပါတယ်။

သွေးပေါင်ချိန်တက်တဲ့သူတွေအတွက်တော့ ရေကိုပိုမိုသောက်သုံးပေးဖို့ CDC က အကြံပြုထားပါတယ်။

ရေခွက် ဒါမှမဟုတ် ရေဗူးဆောင်ထားခြင်းကလည်း လက်တွေ့မှာအသုံးဝင်လာနိုင်ပါတယ်။
Source: USA Today
#World_Health #ရေဓာတ်ခန်းခြောက်ခြင်း #သွေးပေါင်ချိန်တက်စေနိုင်သလား
#YMG #Yangon_Media_Group

Published 12 April 2023

တူရကီနိုင်ငံက  အပေါ့စားလေယာဉ်တွေနှင့် စစ်သုံးဒရုန်းယာဉ်တွေသယ်ဆောင်မယ့် ကုန်းရေနှစ်သွယ်တိုက်ခိုက်ရေး ရေယာဉ်တစ်စီးကို ဧပြီ ၁၀ ရက် တနင်္လာနေ့က ပွဲထုတ်ပြသလိုက်ပါတယ်။

TCG Anadolu တီစီဂျီအန်နာဒိုလူ လို့အမည်ပေးထားတဲ့ အဆိုပါစစ်သင်္ဘောဟာ အလျား ၇၅၈ ပေရှိပြီး ဗျက် ၁၀၅ ပေရှိပါတယ်။ တင့်ကား ၁၃စီးအပါအဝင်  တိုက်ခိုက်ရေးရဟတ်ယာဉ်တွေနှင့် စစ်သုံးဒရုန်းယာဉ်တွေ အစီး ၉၄ စီးအထိ တင်ဆောင်နိုင်ပါတယ်။

Source AFP

#YangonbMediaGroup

#တူရကီဒရုန်းတင်စစ်ရေယာဉ်

#တူရကီကာကွယ်ရေးလုပ်ငန်း

#TV Yangon Times Matters အစီအစဉ်
Published_ 13 April 2023

အစီအစဉ်တင်ဆင်သူ ဆရာဟိန်းလတ်က ဦးလှဝင်း (အနန္တစွမ်းအားသျှင်)နှင့် အတူ...

-သံချပ်ဆိုတာ ပြည်သူနဲ့တစ်ထပ်တည်းဖြစ်အောင် တင်ဆက်ရခြင်းဖြစ်ပြီး "အနန္တစွမ်းအားသျှင်" အဖွဲ့မှာ(၇)နှစ်လောက် လုပ်ခဲ့ဖူးတာဖြစ်ကြောင်း

-သံချပ်ထွက်ဖို့ ပိုက်ဆံမရှိလို့ အိမ်ဂရံသွားပေါင်ပြီး သံချပ်ထွက်ခဲ့ရတာရှိခဲ့ဖူးပြီး မဏ္ဍပ် (၂၅) ခုမှာ (၂၄)ခုက ရွေးချယ်ခံခဲ့ရလို့ အိမ်ဂရံပြန်ရွေးနိုင်ခဲ့တဲ့ အမှတ်တရတွေအကြောင်း..."စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #အမှန်တရားပြောတဲ့သံချပ်သမား
#YMG #Yangon_Media_Group

#TV Yangon Times Matters အစီအစဉ်
Published_ 13 April 2023

အစီအစဉ်တင်ဆင်သူ ဆရာဟိန်းလတ်က ဦးစိန်ဝင်း (ပြည်သူ့မော်ကွန်း)နှင့် အတူ...

တစ်ခေတ်တစ်ခါက ရန်ကုန်သင်္ကြန်မှာ နာမည်ကြီးခဲ့တဲ့ သံချပ်မင်းသားကြီးတွေဖြစ်တဲ့ ဦးစိန်ဝင်း (ပြည်သူ့မော်ကွန်း)တို့က သူတို့ရဲ့ ရှေးဖြစ်ဟောင်း အောက်မေ့ဘွယ် ရန်ကုန်သင်္ကြန်အကြောင်း ဗဟုသုတဖြစ်စရာ ပြန်ပြောင်းပြောဆိုထားကြပါတယ်။

-သံချပ်ကို ၁၉၈၈ခုနှစ်က စလုပ်ခဲ့တာဖြစ်ပြီး သံချပ်ရေးသူတွေက ပြည်သူတွေခံစားနေရတဲ့အကြောင်းအရာအမှန်ကို တင်ပြခြင်းမျှသာဖြစ်ပြီး သံချပ်ယဉ်ကျေးမှု မပပျောက်စေလိုကြောင်း

-၂‌၀၁၉ခုနှစ်မှာ "ပြည်သူ့မော်ကွန်း " သံချပ်အဖွဲ့ ဖွဲ့ပြီး အနှစ်သာရရှိတဲ့ သံချပ်ဆက်လက်ရှင်သန်ဖို့ လူငယ်တွေကို သင်ကြားပေးလျှက် ရှိကြောင်း..."စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #အမှန်တရားပြောတဲ့သံချပ်သမား
#YMG #Yangon_Media_Group

#TV Yangon Times Matters အစီအစဉ်
Published_ 13 April 2023

အစီအစဉ်တင်ဆင်သူ ဆရာဟိန်းလတ်က ဦးလှဝင်း (အနန္တစွမ်းအားသျှင်)နှင့် အတူ...

-သံချပ်ဆိုတာ ပြည်သူနဲ့တစ်ထပ်တည်းဖြစ်အောင် တင်ဆက်ရခြင်းဖြစ်ပြီး "အနန္တစွမ်းအားသျှင်" အဖွဲ့မှာ(၇)နှစ်လောက် လုပ်ခဲ့ဖူးတာဖြစ်ကြောင်း

-သံချပ်ထွက်ဖို့ ပိုက်ဆံမရှိလို့ အိမ်ဂရံသွားပေါင်ပြီး သံချပ်ထွက်ခဲ့ရတာရှိခဲ့ဖူးပြီး မဏ္ဍပ် (၂၅) ခုမှာ (၂၄)ခုက ရွေးချယ်ခံခဲ့ရလို့ အိမ်ဂရံပြန်ရွေးနိုင်ခဲ့တဲ့ အမှတ်တရတွေအကြောင်း..."စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #အမှန်တရားပြောတဲ့သံချပ်သမား
#YMG #Yangon_Media_Group

Published_ 13 April 2023

သင်္ကြန်အကြိုနေ့ဧပြီလ(၁၃)ရက်မှာရခိုင်တိုင်းရင်း သားတိုရဲ့ ရခိုင်ရိုးရာသင်္ကြန်နံ့သာသွေးပွဲနှင့်ဘုရားရေသပ္ပာယ်ပွဲကို ရန်ကုန်မြိုရှိရခိုင်ပြည်နယ်ဓမ္မာရုံမှာရိုးရာအစဥ်အလာမပျက်ကျင်းပခဲ့ပါတယ်၊၊

ရခိုင်ရိုးရာသင်္ကြန်နံ့သာသွေးပွဲနှင့်ဘုရားရေသပ္ပာယ်ပွဲဖွင့်ပွဲကိုနမောတဿသုံးကြိမ်ရွတ်ဆိုပြီးအခမ်းအနားကိုစတင်ဖွင့်လှစ်ခဲ့ပါတယ်၊၊

ymg/ppk

Yangon-Media-Group

#ရခိုင်ရိုးရာသင်္ကြန်နံ့သာသွေးပွဲနှင့်ဘုရားရေသပ္ပာယ်ပွဲ

#မြန်မာသင်္ကြန်၂၀၂၃