Published 28 May 2023

တရုတ်ပြည်တွင်းထုတ် အကြီးစား ခရီးသည်တင်လေယာဉ်အသစ် C919 ဟာ ယနေ့ မေ ၂၈ ရက် တနင်္ဂနွေနေ့က ပထမဆုံး သော ခရီးသည်တင်လေယာဉ်ခရီးစဉ်တစ်ခု အောင်မြင်စွာ ပြီးဆုံးခဲ့ပါတယ်။

တရုတ်အရှေ့ပိုင်းလေကြောင်းလိုင်းက ပြေးဆွဲတဲ့ အဆိုပါ MU9191 ခရီးစဉ်လေယာဉ်အသစ်ကြီးဟာ ဘေဂျင်းမြို့တော် လေဆိပ်ကို ဆိုက်ရောက်လာရာမှာ ရေစင်များဖြန်းပက်ကြိုဆိုခဲ့ကြပါတယ်။

ယင်းလေယာဉ်ဟာ ရှန်ဟိုင်း ဟုံးချောင်း နိုင်ငံတကာလေဆိပ်ကနေ တနင်္ဂနွေနေ့မနက် ၁၀နာရီ ၃၂မိနစ်မှာထွက်ခွာခဲ့ပြီး နှစ်နာရီအကြာမှာ ဘေဂျင်းကိုဆိုက်ရောက်ခဲ့ပါတယ်။

ယခုလေယာဉ်ရဲ့မှတ်ပုံတင်အမှတ်ဟာ B-919A ဖြစ်ပြီး ကမ္ဘာပေါ်ပထမဆုံးရောင်းချတဲ့ C919 ဂျက်လေယာဉ်ဖြစ်ပါတယ်။

Source CCTV+

✅Telegram>>>

#C919

#တရုတ်ထုတ်ဂျက်လေယာဉ်အသစ်C919

#တရုတ်လေကြောင်းနည်းပညာ

#YangonMediaGroup

#World_Health
Published 28 May 2023

လူတွေက အိပ်စက်ခြင်းအစောဆုံးအဆင့်ကနေ နိုးလာတယ်ဆိုရင် ပိုပြီးဖန်တီးနိုင်စွမ်းပိုကောင်းကြောင်း MIT သုတေသီတွေက လေ့လာဖော်ပြခဲ့ပါတယ်။

စတင်အိပ်ပျော်တဲ့အချိန်နဲ့ နိုးကြားချိန်ကြားရှိအဆင့်ကို ရောက်နေတဲ့အချိန်မှာ စိတ်ကူးစိတ်သန်းကောင်းတွေ ပေါ်ထွက်လာတာဖြစ်ပါတယ်။

ထိုအဆင့်မှာ အိပ်မက်မက်မယ်ဆိုရင် ထိုအကြောင်းအရာနဲ့ပတ်သက်ပြီး ဖန်တီးမှု ၃ ခုလောက်အထိ လုပ်ခိုင်းမယ်ဆိုရင် ပိုပြီးစိတ်ကူးဉာဏ်ရလာတတ်ပါတယ်။

အိပ်မက်ဖြစ်ပေါ်တဲ့အချိန်နိုးတဲ့လူတွေဟာ တစ်ရေးအိပ်သူတွေ လုံးဝမအိပ်သူတွေထက် ပိုမိုဖန်တီးနိုင်စွမ်းရှိကြောင်း လေ့လာတွေ့ရှိရပါတယ်။

ထိုတွေ့ရှိချက်များအရ အိပ်မက်အဆင့်ဟာ ကွဲပြားနေတဲ့အယူအဆများကြား ဦးနှောက်ကိုချိတ်ဆက်စေကာ တီထွင်ဖန်တီးနိုင်စွမ်းကို မြှင့်တင်ပေးပါတယ်။

အိပ်စက်ခြင်းနဲ့ ဖန်တီးနိုင်စွမ်းတို့ကြားဆက်စပ်မှုကို N1 လို့ခေါ်ဆိုကြောင်း ဦးဆောင်သုတေသီဖြစ်တဲ့ 'အဒမ်ဟားဟိုရိုဝစ်ဇ်'က ပြောကြားခဲ့ပါတယ်။

ဒီဆက်စပ်မှုက လူတွေရဲ့အိပ်မက်အကြောင်းအရာကို လမ်းညွှန်ပေးခြင်းရှိ/မရှိ၊ ဖန်တီးနိုင်စွမ်းအပေါ် ဘယ်လိုသက်ရောက်သလဲဆိုတာကို လေ့လာချင်ခဲ့ကြပါတယ်။

ဒီအတွက် ဒေါ်မီယိုလို့ခေါ်တဲ့ ကိရိယာဖြင့် အိပ်မက်ဖြစ်ပေါ်မှုအဆင့်ကို ပစ်မှတ်ထားလိုက်ပါတယ်။

ကြွက်သားလှုပ်ရှားမှု၊ နှလုံးခုန်နှုန်း၊ အရေပြားထိတွေ့မှုတို့မှာ အိပ်စက်ခြင်းနဲ့ဆိုင်တဲ့ ဇီဝကမ္မဖြစ်စဉ်အမှတ်အသား ၃ ခုကို စမတ်ဖုန်း၊ ကွန်ပျူတာများဖြင့်ချိတ်ဆက်တဲ့ လက်အိတ်ဖြင့် တိုင်းတာခဲ့ပါတယ်။

ပါဝင်စမ်းသပ်ခံသူ ၄၉ ဦးကို လက်အိတ်ဝတ်ခိုင်းကာ အိပ်စက်စေခဲ့ပါတယ်။

N1 အဆင့်ကိုရောက်ရှိတာနဲ့ အက်ပလီကေးရှင်းကနေ တစ်စုံတစ်ခုအကြောင်း အိပ်မက်မက်စေဖို့ လှုံ့ဆော်လိုက်ပါတယ်။

နောက်ထပ်အိပ်စက်ခြင်းအဆင့်သို့ မကူးပြောင်းခင် အက်ပလီကေးရှင်းက နှိုးလိုက်ပြီး အိပ်မက်အကြောင်းမေးမြန်းကာ တုန့်ပြန်မှုများကို မှတ်သားလိုက်ပါတယ်။

၄၅ မိနစ်တိုင်အောင် အိပ်စက်တဲ့သူတွေက ဖန်တီးနိုင်မှုစွမ်းရည်အကောင်းဆုံး ရရှိခဲ့ကြောင်း ရလဒ်တွေကဖော်ပြနေပါတယ်။

နိုးကြားနေတဲ့အချိန်တွေမှာ မရရှိတဲ့စိတ်ကူးတွေကို စတင်အိပ်စက်ချိန်အတွင်း ဦးနှောက်ကယူဆောင်လာပေးပါတယ်။

Source: WION #World_Health ##အိပ်စက်ခြင်းနှင့်စိတ်ကူးဖန်တီးနိုင်စွမ်း #သိပ္ပံပညာရှင်များလေ့လာဖော်ထုတ် #YMG #Yangon_Media_Group

#World_Health
Published 28 May 2023

ယူကေမှ အသက် ၃၀ နှစ်ရှိပြီဖြစ်တဲ့ ကလေးအမေဖြစ်သူ'ဆိုဖီစမောလ်'ဟာ ပထမအကြိမ်ကိုယ်ဝန်ရပြီး ၄ ပတ်အကြာမှာပဲ ဒုတိယကလေးကိုယ်ဝန်ရခဲ့ကာ ကလေးမမွေးမီအထိ မသိရှိခဲ့ပါဘူး။

၂၀၂၀ ဩဂုတ်လမှာ 'ဟိုလီ'နဲ့'ဒါစီ'ဆိုတဲ့ သမီးနှစ်ယောက်ကိုမွေးဖွားခဲ့ပြီး အစကတော့ အမွှာမိန်းကလေးတွေအဖြစ် အမှတ်မှားခဲ့ကြပါတယ်။

သားဖွားဆရာမများက သူတို့ရဲ့ကိုယ်အလေးချိန်ဟွာဟချက်နဲ့ပတ်သက်ပြီး စဉ်းစားစရာဖြစ်ခဲ့ကာ ဒါစီက ၄ ပေါင် ၂ အောင်စရှိပြီး နောက်မှမွေးတဲ့ဟိုလီက ၆ ပေါင် ၁ အောင်စရှိခဲ့ပါတယ်။

ပထမကိုယ်ဝန်ရပြီး တစ်လအကြာမှာ ဒုတိယကိုယ်ဝန်ရခဲ့ကာ ထပ်ဆင့်ကိုယ်ဝန်ဆောင်အခြေအနေအဖြစ် ဆရာဝန်များတွေ့ရှိခဲ့ပါတယ်။

သူမဟာ ကိုယ်ဝန်ဆောင်မူးဝေခြင်းမျိုး ဆိုးဆိုးရွားရွားခံစားခဲ့ရကာ ၇ ပတ်တာကာလအတွင်း ၈ ကြိမ်ဆေးရုံတက်ခဲ့ရပါတယ်။

သန္ဓေအဆင့်မတူတဲ့ ကလေးနှစ်ယောက်ကို ကိုယ်ဝန်လွယ်ထားရပေမယ့် မသိခဲ့ကြောင်း၊ အမွှာလို့မျှော်လင့်ထားပေမယ့် တစ်ယောက်က နောက်တစ်ယောက်ထက် အရွယ်အစားပိုကြီးနေခဲ့ကြောင်း ဆိုခဲ့ပါတယ်။

သူတို့အချင်းနဲ့သူတို့ရှိနေပြီး စားချင်တဲ့အချိန်စားနိုင်ပေမယ့် တစ်ယောက်ကဘာလို့ ပိုကြီးနေလဲဆိုတာ ဆရာဝန်တွေမသိခဲ့ဘူးလို့ ဆိုပါတယ်။

အရွယ်အစားကွာပြီးမွေးတာကြောင့် ဆရာဝန်တွေက စမ်းသပ်မှုပြုလုပ်ရာမှာ ကလေးတွေက အမွှာမဟုတ်ဘူးလို့ သိခဲ့ကြပါတယ်။

ဒါစီက နှစ်မိနစ်စောမွေးပေမယ့် ကိုယ်ဝန်ဆောင်ကာလ ၄ ပတ်ပိုငယ်ပါတယ်။

ထပ်ဆင့်ကိုယ်ဝန်ဆောင်ဆိုတာ တပြိုင်တည်းကိုယ်ဝန် ၂ ခုဆောင်ခြင်းကို ခေါ်ပါတယ်။

ပထမ'မမျိုးဥက သားအိမ်မှာတည်ပြီး ရက်ပိုင်းအကြာမှာ နောက်ထပ်မျိုးဥက သုတ်ပိုးနဲ့မျိုးအောင်သွားတာဖြစ်ပါတယ်။

တစ်ရက်တည်းမှာပဲ မွေးဖွားနိုင်ချေရှိပြီး အမွှာနဲ့မှားတတ်ကြပါတယ်။

Source: WION #World_Health #ကလေးနှစ်ဦးမွေးဖွားနိုင်ခဲ့
#YMG #Yangon_Media_Group

Published 28 May 2023.

အမေရိကန်သမ္မတ ဂျိုးဘိုင်ဒင်နှင့် ရီပတ်ဗလီကန် ကွန်ဂရက်ထိပ်တန်းအမတ် ကေဗင်မက္ကာသီတို့ အစိုးရရဲ့ ဖက်ဒရယ် ကြွေးမြီကန့်သတ်ချက် ဒေါ်လာ ၃၁.၄ဘီလျံကို ထပ်မြှင့်ပေးဖို့ အပေးအယူလုပ်ခဲ့တာ သဘောတူညီမှုတစ်ခုရရှိခဲ့ပြီလို့  ရိုက်တာသတင်းကရေးသားပါတယ်။ ဒါဟာ တစ်လကြာ မတိုးသာမဆုတ်သာအခြေအနေတစ်ခု အဆုံးသတ် သွားတာလည်း ဖြစ်ပါတယ်။

ဒါပေမယ့် အခုသဘောတူညီမှုဟာ ပြီးပြည့်စုံမှုရှိခဲ့ပုံမပေါ်ပါဘူး။ နှစ်ဘက်လုံး အောင်ပွဲခံမှုမရှိဘဲ သဘောတူညီမှုရခဲ့တာ ကြောင့်ပါ။  ဒါဟာ စေ့စပ်ညှိနှိုင်းရာမှာ ခါးခါးသီးသီးဖြစ်ခဲ့တာကိုပြသနေပြီး ဇွန်လဆန်းမှာ အမေရိကန်အစိုးရအနေနှင့် ပေးစရာပိုက်ဆံကုန်မသွားခင် ကွန်ဂရက်ကို ခက်ခက်ခဲခဲဖြတ်သန်းရဦးမှာဖြစ်ပါတယ်။

“ မကြာသေးခင်က ကျွန်တော် သမ္မတနှင့်ဖုန်းပြောခဲ့တာချခဲ့တာပါ။ သူဟာ လပေါင်းများစွာ စေ့စပ်ညှိနှိုင်းဖို့ ငြင်းပယ်ခဲ့ပြီး အချိန်တွေဖြုန်းခဲ့တယ်။ အခုတော့ အမေရိကန်ပြည်သူတွေအတွက် တန်ဖိုးရှိတဲ့ အခြေခံမူကို ကျွန်တော်တို့ သဘောတူခဲ့ ပါတယ်” လို့ မက္ကာသီက တွစ်တာမှာရေးခဲ့ပါတယ်။

သဘောတူညီချက်အရ ကြွေးမြီကန့်သတ်ချက်ကို (၂)နှစ်တာအထိ တိုးပေးမှာဖြစ်ပါတယ်။ ပြီးတော့ အဲဒီအချိန်မှာ အသုံးစရိတ်တွေကိုလည်းဖြတ်တောက်ပေးရမှာဖြစ်ပါတယ်။ အဲဒီအသုံးစရိတ်တွေထဲမှာ ဆင်းရဲသားတွေအတွက် လိုအပ် တဲ့ အပိုဆောင်းအစီအစဉ်အချို့လည်းပါဝင်ပါတယ်။

စနေနေ့ ညနေခင်းမှာ ဘိုင်ဒင်နှင့် မက္ကာသီတို့ မိနစ်၉၀အကြာ ဖုန်းနှင့် အပေးအယူလုပ်ခဲ့ကြတာဖြစ်ပါတယ်။

“ ဒါကို အပြီးသတ်ရေးသားနိုင်အောင် ဒီည ကျွန်တော်တို့ ဆက်ပြီးအလုပ်လုပ်ကြရဦးမယ်” လို့လည်း သူက သတင်း  ထောက်တွေကို ပြောပြပါတယ်။စနေနေ့မှာ ဥပဒေကြမ်း အပြီးရေးဖို့ သူမျှော်လင့်ထားတယ်။ ပြီးရင် ဘိုင်ဒင်နှင့်စကား ပြောမယ်။ အဲဒီနောက်ဗုဒ္ဓဟူးနေ့မှာ မဲခွဲဆုံးဖြတ်ကြမယ်လို့ သူက ဆက်ပြောပါတယ်။

အောက်လွှတ်တော်ကို ကြီးစိုးထားတဲ့ ရီပတ်ဗလီကန်တွေက  အသုံးစရိတ်တွေကို သိသိသာသာဖြတ်တောက်ပစ်ဖို့နှင့် အခြားအခြေအနေတွေကို  တွန်းအားပေးခဲ့ကြတာဖြစ်ပါတယ်။ ယခုအခါ အမေရိကန်ရဲ့ တစ်နှစ်တာစီးပွားရေးပမာဏနှင့် အကြမ်းဖျင်းအားဖြင့် တူညီနေတဲ့ အမေရိကန်ရဲ့ ကြွေးမြီတွေတက်လာနေတာကို ရီပတ်ဗလီကန်တွေက နှေးကွေးလိုက်ချင်ကြတာဖြစ်ပါတယ်။.

Source: Reuters

#အမေရိကန်ကြွေမြီကန့်သတ်ချက်

#အမေရိကန်နိုင်ငံရေး

#အမေရိကန်ကြွေးမြီအခက်အခဲ

#YangonMediaGroup

#World_Energy
Published 27 May 2023

စံချိန်တင်စွမ်းအင် အကျပ်အတည်းဖြစ်နေတဲ့ တောင်အာဖရိကနိုင်ငံမှာ အလွန်အမင်းလိုအပ်နေတဲ့ လျှပ်စစ်ဓာတ်အားကို နိုင်ငံပိုင်လျှပ်စစ်ဓာတ်အားပေးစက်ရုံက စွန့်လွှတ်ရတာနဲ့ပတ်သက်ပြီး ဥပဒေရေးရာအတိုက်အခံဖြစ်ပြီးနောက် မြို့တစ်မြို့မှာ ဆူညံပွက်လောရိုက်နေပါတယ်။

#World_Energy #တောင်အာဖရိကမြို့တစ်မြို့အမှောင်ထဲနေထိုင်နေကြရ
#YMG #Yangon_Media_Group

#Local_News
Published_ 27 May 2023

အခု လက်ရှိ ၂၀၂၃-၂၀၂၄ ပညာသင်နှစ်အတွက် မေလစတုတ္ထအပတ်ထိ ကျောင်းသားကျောင်းသူ ၄ ဒသမ ၇ သန်းကျော် ကျောင်းအပ်နှံထားပြီးဖြစ်တယ်လို ပညာရေးဝန်ကြီးဌာနက သိရပါတယ်။

#Local_News #ကျောင်းသားကျောင်းသူ၄ဒသမ၇သန်းကျော်ကျောင်းအပ်နှံထားပြီးဖြစ်
#YMG #Yangon_Media_Group

#Local_News
Published_ 27 May 2023

အခုရက်ပိုင်းအတွင်းကျောင်းဖွင့်ချိန်နီးလာပြီဖြစ်လို့ ကျောင်းဝတ်စုံဝယ်ယူတဲ့သူတွေ ပိုများလာတယ်လို့ ကျောင်းဝတ်စုံအရောင်းဆိုင်တွေထံမှ သိရပါတယ်၊၊

#Local_News #ကျောင်းဝတ်စုံရောင်းအားပိုကောင်းလာ #မနှစ်ကထက်ကျောင်းဝတ်စုံဈေးနှုန်းပိုမြင့်နေ #YMG #Yangon_Media_Group

#Local_News
Published_ 27 May 2023

ပြည်တွင်းငွေကြေးဈေးကွက်အတွင်း ယနေ့ နေ့လည် ၁နာရီ အမေရိကန်ဒေါ်လာလဲလှယ်နှုန်းဟာ တစ်ဒေါ်လာကို ကျပ် ၂၉၅၀ ဝန်းကျင် ပြန်တက်လာတယ်လို့ ပြင်ပငွေကြေးလဲလှယ်တဲ့ဈေးကွက်ကနေ သိရပါတယ်။

#Local_News #ဒေါ်လာဈေးပြန်တက်
#YMG #Yangon_Media_Group

#Daily_News
Published_ 27 May 2023

၁။ ပြည်တွင်းဒေါ်လာဈေးပြန်တက်လာ

၂။ ကျောင်းဖွင့်ချိန်နီးလာ၍ကျောင်းဝတ်စုံ ရောင်းအားပိုကောင်းလာ၊ ပိတ်စဈေးကြီးလာသဖြင့် မနှစ်ကထက်ကျောင်းဝတ်စုံဈေးနှုန်းပိုမြင့်နေ

၃။ ၂၀၂၃-၂၀၂၄ ပညာသင်နှစ်အတွက် မေလစတုတ္ထအပတ်ထိ ကျောင်းသားကျောင်းသူ ၄ ဒသမ ၇ သန်းကျော် ကျောင်းအပ်နှံထားပြီးဖြစ်

၄။ တိုင်းပြည်အတွင်း ဓာတ်အားပြတ်တောက်မှုများကြောင့် တောင်အာဖရိကမြို့တစ်မြို့အမှောင်ထဲနေထိုင်နေကြရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 27 May 2023

Atom ဆင်းကဒ်အချို့ အထွက်ခေါ်ဆိုမှုများခေါ်မရဘဲ ရပ်တန့်နေတယ်လို့ Atom သုံးစွဲသူပြည်သူအချို့က YMG ကိုပြောပါသည်။ မေလ ၂၇ရက်နေ့ နေ့လည်ပိုင်းလောက်ကစပြီး မြန်မာနိုင်ငံအနှံ Atom သုံးစွဲသူများအထွက်ခေါ်ဆိုမှုတွေ မရရှိဘဲ အဝင်ခေါ်ဆိုမှုများရရှိနေကြောင်း သိရသည်။

Atom ရဲ့ Hot line ကို YMG က ဆက်သွယ်မေးမြန်းဖို့ကြိုးစားပေမယ့် လက်ရှိအချိန်ထိ ဆက်သွယ်၍မရရှိသေးချေ။ Atom တရားဝင်လူမှုကွန်ယက်စာမျက်နှာမှာတော့ အထွက်ခေါ်မှုပြတ်တောက်နေတာနဲ့ပတ်သက်ပြီး တစ်စုံတစ်ရာ ပြောဆိုခြင်းတော့မရှိသေးချေ။

လက်ရှိမှာ Atom ဆက်သွယ်ရေးအော်ပရေတာတစ်တည်းလိုင်းပြတ်နေတာဖြစ်ပြီး ကျန်သည့် အော်ပရေတာများမှာ အဝင်ရောအထွက်ခေါ်ဆိုမှုများရရှိနေသေးကြောင်း သုံးစွဲသူပြည်သူများထံမှ သိရသည်။

ဆက်သွယ်ရေးညွှန်ကြားမှုဦးစီးဌာနကတော့ ပြီးခဲ့သည့် မေလ ၁၃ ရက်နေ့က ပြည်တွင်းမှာ သုံးဆွဲနေသည့် ဆင်းကဒ်များကို နိုင်ငံသားစိစစ်ရေးကဒ်ပြားများဖြင့် တိုက်ဆိုင်စစ်ဆေးပြီး ရက်ပေါင်း ၃၀ အတွင်း မှန်ကန်စွာပြန်လည်မှတ်ပုံတင်ရန် အသိပေးစာတို (SMS) များ ပေးပို့သွားမည်ဖြစ်ပြီး ရက်ပေါင်း ၉၀ အတွင်း နိုင်ငံသားစိစစ်ရေးကဒ်အချက်အလတ်အမှန်ဖြင့် ပြန်လည်ပြင်ဆင်ခြင်းမရှိသည့် ဆင်းကဒ်များကို အပြီးပိတ်သိမ်းသွားမည်ဖြစ်ကြောင်း ဆက်သွယ်ရေးညွှန်ကြားမှုဦးစီးဌာနမှ ထုတ်ပြန်ထားသည်။

#ymg/ynzw #Local_News #Atom ဆင်းကဒ်အချို့ #အထွက်ခေါ်မှုများပြတ်တောက်နေ
#YMG #Yangon-Media-Group

#Local_News
Published_ 27 May 2023

မြန်မာနိုင်ငံရိုးရာ လက်ဝှေ့အဖွဲ့ချုပ်နှင့် Sky Net တို့ ပူးပေါင်းပြီး ရွှေအောင်လံလက်ဝှေ့ပြိုင်ပွဲကို ဒုတိယအကြိမ်အဖြစ် ဇွန်လ ၃ ရက်နေ့တွင် စတင်ကျင်းပမှာဖြစ်ကြောင်း မြန်မာနိုင်ငံလက်ဝှေ့အဖွဲ့ချုပ်မှသိရသည်။ ယခုဒုတိယအကြိမ်ပြိုင်ပွဲမှာ ဝိတ်တန်း ၄ ခုသတ်မှတ်ထားပြီး ၅၇ ကီလိုတန်း ၊ ၆၀ ကီလိုတန်း၊ ၆၃.၅ကီလိုတန်း၊ ၆၇ ကီလိုတန်းဆိုပြီး ကီလိုတန်း ၄ ခုခွဲထားပြီး တစ်ပွဲလျှင် ၃ မိနစ် ၅ချီ ယှဉ်ပြိုင်ထိုးသတ်သွားမှာဖြစ်ကြောင်းလည်း သိရသည်။

အဆိုပါ ရွှေအောင်လံရိုးရာလက်ဝှေ့ပြိုင်ပွဲတွင် အနိုင်ရရှိသူများ ကို ၂၀၂၅ ဆီးဂိမ်းပြိုင်ပွဲတွင် ဝင်ရောက်ယှဉ်ပြိုင်ခွင့်ရရှိမှာဖြစ်ကြောင်း မြန်မာနိုင်ငံရိုးရာလက်ဝှေ့အဖွဲ့ချုပ်မှ မန်နေဂျင်း ဒါရိုက်တာ ဦးဝဏ္ဏက ပြောသည်။

ဗိုလ်လုပွဲကျင်းပသည့် ဇွန်လ ၁၈ ရက်နေ့တွင် စိန်ခေါ်ပွဲနှစ်ပွဲပါဝင်မှာဖြစ်ပြီးပြိုင်ပွဲပုံစံမှာ အလဲထိုး၊ ဒိုင်ပွဲရပ်နှင့် အမှတ်ပေးနည်းစနစ်ကို ကျင့်သုံးမှာဖြစ်ကြောင်းလည်းသိရသည်။ ယှဉ်ပြိုင်မည့်ဝိတ်တန်းများကို ကွာတားဖိုင်နယ်မှ စတင်ကာရှုံးထွက်စနစ်ကျင့်သုံးမှာဖြစ်ကြောင်းလည်း သိရသည်။

ကီလိုအလိုက်ယှဉ်ပြိုင်ထိုးသတ်မည့် ကစားသမား ၂၈ဦးရှိပြီး သက်ဆိုင်ရာပြည်နယ်နှင့်တိုင်းအလိုက် ကိုယ်စားပြုချန်ပီယံဆုရှင်အပြင် မျိုးဆက်သစ်များလည်းပါဝင်ကြောင်း မြန်မာနိုင်ငံရိုးရာလက်ဝှေ့အဖွဲ့ချုပ်မှ သိရသည်။

#ymg/ynzw #Local_News #ရိုးရာလက်ဝှေ့အဖွဲ့ချုပ် #Sky Net #ရွှေအောင်လံလက်ဝှေ့ပြိုင်ပွဲကျင်းပမည် #YMG #Yangon-Media-Group

#Local_News
Published-27 May2023

ကမ္ဘောဒီးယားနိုင်ငံက မြန်မာနိုင်ငံကို လှူဒါန်းသည့် Sinovac အမျိုးအစား ကိုဗစ်-၁၉ ရောဂါကာကွယ်ဆေး တစ်သန်းနဲ့ ဆေးထိုးအပ်တစ်သန်း လွှဲပြောင်းပေးအပ်ခဲ့ကြောင်း သိရသည်။

အဆိုပါ ကာကွယ်ဆေးနှင့် ဆေးထိုးအပ်လွှဲပြောင်းပေးခြင်း အခမ်းအနားကို မေ ၂၆ ရက်နံနက်ပိုင်းက နေပြည်တော် အပြည်ပြည်ဆိုင်ရာ လေဆိပ်အရေးကြီးပုဂ္ဂိုလ်များ ဧည့်ခန်းမဆောင်တွင် ကျင်းပခဲ့ပြီး ကျန်းမာရေးဝန်ကြီးဌာန ဒုတိယဝန်ကြီး ဒေါက်တာ အေးထွန်းက လက်ခံရယူခဲ့ကြောင်း သိရသည်။

မြန်မာနိုင်ငံတွင် ကိုဗစ်-၁၉ ရောဂါ ဖြစ်ပွားမှု ကာကွယ်ထိန်းချုပ်နိုင်ရေးနှင့် နှစ်နိုင်ငံချစ်ကြည်ရင်းနှီးမှုကို ရှေးရှု၍ လှူဒါန်းခြင်းဖြစ်ကြောင်း သိရသည်။

ယခင် ကိုဗစ်-၁၉ရောဂါဖြစ်ပွားမှု များခဲ့စဥ်အချိန်ကလည်း  ကမ္ဘောဒီးယားနိုင်ငံက မြန်မာနိုင်ငံ၏ကိုဗစ်-၁၉ ရောဂါ ကာကွယ်ထိန်းချုပ်ကုသရေး လုပ်ငန်းများတွင် အသုံးပြုနိုင်ရန်ဆေးနဲ့ဆေးပစ္စည်းတွေ၊ လှူဒါန်းငွေများကို ပေးပို့လှူဒါန်းခဲ့ကြောင်း သိရသည်။

#ymg/pl #Local_News #ကိုဗစ်ကာကွယ်ဆေးတစ်သန်းလှူဒါန်း
#YMG #Yangon-Media-Group