Published_ 6 February 2024

မြန်မာအစိုးရနှင့် ကုလသမဂ္ဂအေဂျင်စီများအကြား လူသားချင်းစာနာမှု အကူအညီ ပေးရေးနယ်ပယ်၌ ပူးပေါင်းဆောင်ရွက်နိုင်မည့် နည်းလမ်းများကို အမြင်ချင်းဖလှယ် ဆွေးနွေးခဲ့ကြောင်း သိရပါတယ်။

ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာနဝန်ကြီး ဦးသန်းဆွေသည် ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံး (UNOCHA) ၏ မြန်မာနိုင်ငံ ဆိုင်ရာ အကြီးအကဲ Mr. Sajjad Mohammad Sajid အား ဖေဖော်ဝါရီ ၅ ရက်တွင် နေပြည်တော်၌ လက်ခံတွေ့ဆုံခဲ့စဉ် ဆွေးနွေးခဲ့တာ ဖြစ်ပါတယ်။

ထိုသို့တွေ့ဆုံစဉ် သွားရောက်ရန်ခက်ခဲတဲ့ နေရာဒေသများရှိ အကူအညီ လိုအပ်သည့် ပြည်သူများထံသို့ လူသားချင်းစာနာမှု အကူအညီများ ပေးအပ်နိုင်ရေး ညှိနှိုင်းဆောင်ရွက်ပေးရေး ဆွေးနွေးခဲ့ကြပါတယ်။

တွေ့ဆူဲဆွေးနွေးပွဲသို့ နိုင်ငံခြားရေးဝန်ကြီးဌာနမှ အဆင့်မြင့်အရာရှိကြီးများနှင့် UNOCHA ရုံး၏ ဒုတိယအကြီးအကဲများဖြစ်တဲ့ Ms. Danielle Parry နှင့် Ms. Kyoko Ono တို့ တက်ရောက်ခဲ့ကြောင်း သိရပါတယ်။
Ymg_mnn

#Local_News
#Published_ 6 February 2024
#YMG #Yangon_Times #Yangon_Media_Group