#World_Health
Published 04 February 2025

▪️ ခွဲစိတ်ဆရာဝန်တွေရဲ့ ဖိစီးမှုအတိုင်းအတာနဲ့ လူနာသက်သာမှုတို့ကြား ဆက်စပ်မှုကို ဟားဗတ်ဒ်တက္ကသိုလ်မှ အံ့အားသင့်ဖွယ် လေ့လာတွေ့ရှိခဲ့ပါတယ်။

▪️ ခွဲစိတ်ဆရာဝန် ၃၈ ဦးနဲ့ လူနာ ၇၉၃ ဦးတို့ကို လေ့လာခဲ့ကြရာမှာ ခွဲစိတ်မှုအစပိုင်း ခွဲစိတ်ဆရာဝန်တွေ ဖိစီးမှုမြင့်တက်ခြင်းက လူနာတွေအတွက် ရလဒ်ပိုကောင်းစေတာနဲ့ ဆက်စပ်နေတယ်လို့ ယူဆနေကြပါတယ်။

▪️ ဇီဝကမ္မဖိစီးမှုနဲ့ စွမ်းဆောင်ရည်တို့ကြား ရှုပ်ထွေးတဲ့ပတ်သက်မှုကို မြင်ရတယ်လို့ ဒေါက်တာ ဂျိတ်ခ်အော်ထရီက ဖော်ပြထားပါတယ်။

▪️ ခွဲစိတ်ဆရာဝန်တွေဆီက လူသားဆိုင်ရာ အချက်အလက်တွေနဲ့ လူနာရလဒ်တို့ကြား ဆက်စပ်မှု အသစ်အဆန်း တွေ့ရတာဖြစ်ပြီး လူနာစောင့်ရှောက်မှုအပိုင်း တိုးတက်လာစေမယ့် လေ့လာချက်ဖြစ်ပါတယ်။

▪️ ခွဲစိတ်မှုများအတွင်း ခွဲစိတ်ဆရာဝန်တွေရဲ့ ဇီဝဖြစ်စဉ်ရှုထောင့်ကနေ သုတေသနကြည့်ရာမှာ ဖိစီးမှုအတိုင်းအတာတစ်ခု ရှိနေခြင်းက စွမ်းဆောင်ရည်မြှင့်တင်ပေးပြီး လူနာအတွက် ရလဒ်ပိုကောင်းစေတယ်လို့ ယူဆရပါတယ်။

▪️ ဒီတွေ့ရှိချက်ဟာ အန္တရာယ်များတဲ့ လုပ်ဆောင်ချက်တွေမှာ ဖိစီးမှုအကြောင်း ယူဆထားတာတွေကို စိန်ခေါ်သလို ဖြစ်နေပါတယ်။

▪️ ဒါ့အပြင် ဒီတွေ့ရှိချက်တွေကနေ ခွဲစိတ်ပညာရှင်လုပ်မယ့်သူတွေအတွက် လေ့ကျင့်ထောက်ပံ့မှုများ ဖြစ်စေနိုင်ရန်လည်း ရည်ရွယ်ထားပါတယ်။

#Source: The Jerusalem Post

#World_Health
Published 04 February 2025

▪️ အမေရိကန်က အမျိုးသားတွေမှာ ဆီးကျိတ်ကင်ဆာက အဖြစ်အများဆုံး ကင်ဆာတွေထဲမှာပါပြီး ၁၃ ရာခိုင်နှုန်းသော အမျိုးသားတွေမှာ ဖြစ်ပွားကြကာ ကုသတဲ့အခါမှာ ကျားအင်္ဂါထောင်မတ်ခြင်း ပြဿနာနဲ့ ကြုံတွေ့ရတတ်ပါတယ်။

▪️ ပြီးခဲ့တဲ့လ တက္ကဆပ်စ်မှာ ဆီးကျိတ်ဂလင်းတစ်ခုကို စက်ရုပ်နှစ်ခုဖြင့် ကမ္ဘာ့ပထမဆုံး ခွဲစိတ်မှုဖြင့် ဖယ်ရှားခဲ့ပြီး အင်္ဂါထောင်မတ်ခြင်းကို ထိန်းချုပ်ပေးတဲ့ အာရုံကြောတွေကို ထိန်းသိမ်းပေးတဲ့ နည်းလမ်းဖြစ်ပါတယ်။

▪️ တစ်ရှူးတွေကို ပိုမိုမြင်တွေ့ရတဲ့ သံလိုက်နည်းပညာ အသုံးပြုပြီး ဆီးကျိတ်မှာ အာရုံကြောအစည်းတွေကို ခွဲစိတ်ဆရာဝန်တွေ ကောင်းစွာမြင်တွေ့ရကြောင်း၊ အာရုံကြောတွေက အင်္ဂါလုပ်ဆောင်ချက်တွေမှာ အလွန်အရေးပါတဲ့အတွက် ထိန်းသိမ်းထားဖို့ အရေးကြီးကြောင်း Levita Magneticsမှ စီအီးအိုနဲ့ တည်ထောင်သူ အယ်ဘာတိုရိုဒရီဂွက်ဇ်နာဗာရိုက ပြောသွားပါတယ်။

▪️ ဒေါက်တာ ဂျက်ဖရီကဒက်ဒူက da Vinci single port robotic system နဲ့ Levitaရဲ့ MARS platformတို့ကို အတူတကွအသုံးပြုကာ UT ဆောက်သ်ဝက်စ်တန်းဆေးရုံမှာ အသက် ၆၇ နှစ်ရှိ အဆင့်-၂ ဆီးကျိတ်ကင်ဆာလူနာရဲ့ ဆီးကျိတ်ကို ပထမဆုံးအကြိမ်အဖြစ် ဖယ်ရှားနိုင်ခဲ့ပါတယ်။

▪️ အဆိုပါ နည်းလမ်းနှစ်မျိုး အသုံးပြုခြင်းဖြင့် ခွဲစိတ်ရာအရေအတွက် နည်းပါးသွားကာ နာကျင်ခြင်းနဲ့ ဘေးထွက်ဆိုးကျိုးများ လျော့ပါးသွားသလို အမာရွတ်အနည်းငယ်ဖြင့်သာ အလျင်အမြန် သက်သာလာပါတယ်။

▪️ စက်ရုပ်အသုံးပြုတဲ့အခါ အစာအိမ်အောက်ပိုင်းနေရာမှာ ခွဲရာ ၅-၆ ချက်လောက်ဖြင့် ခွဲစိတ်ပစ္စည်းများနဲ့ ကင်မရာကို ထည့်သွင်းနိုင်ခဲ့ကာ ဆီးကျိတ်ဂလင်း ဖယ်ရှားနိုင်ခဲ့တာ ဖြစ်ပါတယ်။

▪️ da Vinci single portက ကင်မရာနဲ့ ပစ္စည်းကိရိယာများကို စုဖွဲ့ထားသဖြင့် ခွဲရာတစ်ခုတည်း လိုအပ်ပြီး စက်ရုပ်လက်တစ်ခု ပါဝင်တဲ့ Cadedduကတော့ လှုပ်ရှားရကျယ်ပြန့်စေကာ ကိရိယာများကြား ပွတ်တိုက်ခြင်းကို အနည်းဆုံးလျှော့ချပေးပါတယ်။

▪️ ဒီပေါင်းစပ်နည်းပညာကို ဆီးကျိတ်ဖယ်ရှားခြင်းအပြင် အခြားခွဲစိတ်မှုတွေနဲ့ အခြားနေရာတွေအထိ အသုံးပြုနိုင်အောင် စီစဉ်နေကြပါတယ်။

#Source: New York Post

၃ ဖေဖော်ဝါရီလ  ၂၀၂၄

အမေရိကန်ရဲ့ နိုင်ငံခြား အကူအညီပေးရေး အေဂျင်စီ USAID ကို ပိတ်ပစ်ဖို့အတွက် လုပ်ငန်းတွေ စတင်နေပြီလို့ အမေရိကန် အစိုးရဌာနများစွမ်းရည်မြင့်ရေးဌာနကို ဦးဆောင်နေတဲ့ ဘီလျံနာ အီလွန်မတ်စ်က ပြောကြားလိုက်ပါတယ်။

သူ့ရဲ့အစိုးရဌာနများစွမ်းရည်မြင့်ရေးဌာနဟာ အစိုးရရဲ့ အသုံးစရိတ်တွေဖြတ်တောက်ရတဲ့ ဖက်ဒရယ်အဖွဲ့တစ်ခုဖြစ်ပါတယ်။

USAID ကိုဖျက်သိမ်းဖို့ သမ္မတထရမ့်က သဘောတူပြီးဖြစ်တယ်လို့လည်း ထရမ့်ကပြောပါတယ်။ USAID ဟာ ပြုပြင်လို့မရတော့တဲ့အနေအထားဖြစ်တယ်လို့လည်း သူကဆက်ပြောပါတယ်။

USAID ရဲ့ ဝန်ထမ်းအများစုကို တနင်္လာနေ့မှာ ရုံးမတက်ကြဘဲ အိမ်ကနေအလုပ်လုပ်ကြဖို့ ပြောထားပါတယ်လို့ ရိုက်တာကတွေ့ရှိရတဲ့ အီးမေးလ်အကြောင်းကြားစာတစ်ခုအရသိရပါတယ်။  နောက်ထပ်ညွှန်ကြားမှုတွေဆက်လာမယ်လို့လည်း အဆိုပါအီးမေးလ်မှာရေးသားထားပါတယ်။

“ USAID ကို  အကြီးအကျယ်အစွန်းရောက်အုပ်စုက စီမံခန့်ခွဲနေကြတယ်” လို့ တနင်္ဂနွေနေ့က သတင်းထောက်တွေကိုပြောခဲ့ပါတယ်။  “ သူတို့ကိုထုတ်ပစ်ရမယ်။ ပြီးရင် ဆုံးဖြတ်ချက်တစ်ခု ချရမယ်” လို့ ထရမ့်ကပြောပါတယ်။

USAID ဟာ ကမ္ဘာမှာ အကြီးဆုံး ကူညီလှူဒါန်းနေတဲ့အဖွဲ့အစည်းဖြစ်ပြီး  ၂၀၂၃ခုနှစ်မှာ တစ်ကမ္ဘာလုံးသို့ အကူအညီ  အမေရိကန်ဒေါ်လာ ၇၂ ဘီလျံပေးကမ်းခဲ့တာဖြစ်ပါတယ်။ USAID မှာ ဝန်ခမ်းပေါင်း တစ်သောင်းကျော်ရှိပါတယ်။ ထရမ့်ရဲ့ အမေရိကန်ပထမ မူဝါဒကြောင့် USAIDရဲ့ အကူအညီအများစုကို ရပ်တန့်ပစ်ခဲ့ရပါတယ်။ အဲဒါကြောင့် ထိုင်းနိုင်ငံ ဒုက္ခသည်စခန်းတွေက ဆေးရုံတွေ၊ စစ်ဖြစ်နေတဲ့ဒေသ တွေက မြေမြှပ်မိုင်းရှင်းလင်းရေးတွေ၊ အိတ်ချ်အိုင်ဗီကဲ့သို့သောရောဂါတွေကိုကုသပေးနေတဲ့ဆေးဝါးတွေ စတဲ့အစီအစဉ်တွေဟာ ဖျက်သိမ်းခံရမယ့်ကိန်းဆိုက်နေပါတယ်။

Source Reuters

အစ္စရေးလ်ဘက်က ပိတ်ပင်မှုတွေ စတင်ပြုလုပ်ပြီဖြစ်ပေမယ့် UNRWAလိုခေါ်တဲ့ ပါလက်စ်တိုင်းဒုက္ခသည်များအတွက် ကုလသမဂ္ဂကယ်ဆယ်ရေးနဲ့ လုပ်ငန်းအဖွဲက လူသားချင်း ထောက်ထားကူညီမှုများ ဆက်လုပ်ပြုလုပ်နေဆဲ ဖြစ်တယ်လို ကြာသပတေးနေ့က ပြောပါတယ်။
#World_News
Published  3 February 2025
#UNRWA #ပါလက်စ်တိုင်းဒုက္ခသည်များ
#YMG #Yangon_Times #Yangon_Media_Group

#Daily_News
Published  3 February 2025

၁။ ရွှေလေပတ်ကားပပျောက်ရေးနှင့်  နိုင်ငံတကာသို့ရောင်းချ‌နိုင်ရေးများပါဆောင်ရွက်နေ

၂။ စားအုန်းဆီ‌ရည်ညွန်း‌ဈေးများ ဆက်တိုက်ကျဆင်းနေသော်လည်း ပြင်ပပေါက်ဈေးမကျ

၃။ ပြည်တွင်းထုတ် ပရိဘောဂနှင့် ကြမ်းခင်းများကို စင်ကာပူနှင့်အိန္ဒိယသို့ အဓိကတင်ပို့နေ

၄။ အစ္စရေးလ်ဘက်မှ ဥပဒေထုတ်ပြန်ပိတ်ပင်လိုက်သော်ငြား ပါလက်စ်တိုင်းဒုက္ခသည်များအတွက်အကူအညီများ UNRWA ဆက်လက်ပေးပို့သွားမည်
... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 03 February 2025

▪️ အမေရိကန် နိုင်ငံတကာဖွံ့ဖြိုးရေးအေဂျင်စီ (USAID)မှ ထိပ်သီးလုံခြုံရေးအရာရှိ နှစ်ဦးက အီလွန်မက်စ်ရဲ့ ထိရောက်စီမံရေး အစိုးရဌာန(DOGE)မှ ကိုယ်စားလှယ်တွေ အဆောက်အဦရဲ့ ကန့်သတ်နေရာများသို့ ဝင်ရောက်ရန် ကြိုးပမ်းခြင်းကို တားဆီးခဲ့ပြီးနောက် ဒေါ်နယ်ထရမ့် အစိုးရအဖွဲ့က ထိုပုဂ္ဂိုလ်နှစ်ဦးကို ရာထူးမှ ဖယ်ရှားလိုက်ကြောင်း သတင်းရင်းမြစ် ၃ ခုက တနင်္ဂနွေနေ့မှာ ပြောသွားပါတယ်။

▪️ သမ္မတဒေါ်နယ်ထရမ့်ရဲ့ အဖွဲ့က USAIDရဲ့ လွတ်လပ်စွာ လှုပ်ရှားမှုကို ဖျက်သိမ်းဖို့လုပ်နေပြီး နိုင်ငံခြားရေးဝန်ကြီးဌာန ထိန်းချုပ်မှုလက်အောက်သို့ ထားချင်နေကာ ဒီမတိုင်ခင်ကလည်း USAIDမှ ဝန်ထမ်းဒါဇင်ခန့် အလုပ်ထုတ်ပယ်ခံထားရပါတယ်။

▪️ USAIDမှ ဥပဒေရေးရာနဲ့ ပြည်သူ့ရေးရာဗျူရိုမှ ဝန်ထမ်း ၃၀ နီးပါးဟာ ညတွင်းချင်းမှာပဲ အီးမေးလ်ဝင်ရောက်ခွင့် မရတော့ဘဲ ရာထူးမှ အနားပေးခံရတဲ့ USAID အကြီးတန်းဝန်ထမ်းပေါင်း ၁၀၀ နီးပါးရှိလာတယ်လို့ သတင်းရင်းမြစ် ၅ ခုက ဆိုပါတယ်။

▪️ လုံခြုံရေးခွင့်ပြုချက်မရှိတဲ့ DOGEဝန်ထမ်းတွေကို USAID လုံခြုံရေးအရာရှိများက ဝင်ရောက်ခွင့်မပေးဖို့ လုပ်နေခဲ့ကာ ယမန်နေ့က DOGEဟာ အဆောက်အဦသို့ ဝင်ခွင့်ရခဲ့ပြီလို့ ဒီမိုကရက်တစ် အထက်လွှတ်တော်အမတ်တစ်ဦးက ပြောပါတယ်။

▪️ လုံခြုံရေးအမှုထမ်းတွေကို ဖက်ဒရယ်ဥပဒေ စိုးမိုးရေးအေဂျင်စီဌာနဖြင့် ခြိမ်းခြောက်ခဲ့ကြပြီးနောက် USAID လုံခြုံရေးညွှန်ကြားရေးမှူး ဂျွန်ဗော်ဟီးစ်နဲ့ လက်ထောက်တို့ကို ရာထူးကနေ ဖယ်ရှားပြီး အနားယူခွင့်ပေးလိုက်တယ်လို့ သိရပါတယ်။

▪️ ဒီအေဂျင်စီမှာ အစွန်းရောက်တစ်သိုက် ကြီးစိုးနေတာကြောင့် ဖယ်ရှားနေတယ်လို့ ထရမ့်က ပြောသွားပါတယ်။

▪️ USAIDဟာ ကမ္ဘာတဝှမ်းက အသက်ကယ်တင်ရေး အစီအစဉ်တွေမှာ ဒေါ်လာဘီလီယံချီ ထောက်ပံ့နေတာ ဖြစ်ပါတယ်။

▪️ ထရမ့်က နိုင်ငံခြားထောက်ပံ့ရေးတွေအားလုံးနီးပါး ရပ်ဆိုင်းထားရန် ညွှန်ကြားထားကာ ငွေကြေးဖြန့်ဝေကူညီမှုတွေက သူ့ရဲ့ 'အမေရိကားသာလျှင်ပထမ'ဆိုတဲ့ နိုင်ငံခြားရေးမူဝါဒနဲ့ ကိုက်ညီမှုရှိမရှိ သုံးသပ်သွားမှာ ဖြစ်တယ်လို့ ပြောထားပါတယ်။

▪️ DOGEမှ အဖွဲ့ဝင်များ ကန့်သတ်နေရာများသို့ ဝင်ရောက်ခွင့်ရသွားကာ ဘယ်လိုမျိုး အချက်အလက်တွေ ရရှိသွားလဲဆိုတာ မသိရပါဘူး။

▪️ ဒါပေမဲ့ အဲဒီထဲမှာ နိုင်ငံ့လျှို့ဝှက်ဖိုင်တွေနဲ့ USAIDမှ အမေရိကန်တွေရဲ့ ကိုယ်ရေးအချက်အလက်တွေ ပါဝင်တယ်လို့ သတင်းရင်းမြစ်တွေ ဆိုပါတယ်။

▪️ ထရမ့်အစိုးရအဖွဲ့မှ ခန့်အပ်ထားတဲ့ USAIDဦးစီးချုပ် မတ်ဟော့ပ်ဆန်က ဒီဖြစ်ရပ်ပြီးနောက် နုတ်ထွက်သွားပါတယ်။

#Source: Reuters