#WorldHealth
Published 04 May 2022

အသက် ၄၇ နှစ်ရှိ 'မယ်လ်ကွန်မက်ဒေါ်နယ်'ဆိုတဲ့အမျိုးသားဟာ အချိန် ၆ နှစ်ခန့်မျှ သူ့ရဲ့လက်မောင်းမှာ လိင်တံရှိနေခဲ့ပြီး နောက်ဆုံးမှာတော့ နေရာမှန်မှာပြန်လည်ပေါ်ထွက်ခဲ့ပြီဖြစ်ပါတယ်။

'မက်ဒေါ်နယ်'က သွေးရောဂါတစ်မျိုးခံစားခဲ့ရပြီး လိင်တံပုပ်ဆွေးသွားခဲ့ရာမှ ၂၀၁၄ ခုနှစ်မှာ ဖြတ်တောက်ခွဲစိတ်ခဲ့ရကာ ကပ္ပါယ်အိတ်တွေကတော့ အကောင်းအတိုင်းကျန်ရှိနေခဲ့ပါတယ်။

သူ့တစ်သက်တာလုံး ဒီလိုအခြေအနေမျိုးနဲ့နေသွားရတော့မှာကိုတွေးမိပြီး အရက်သေစာများသောက်စားကာ အထီးကျန်ခဲ့ရပါတယ်။

ဒါပေမဲ့ ၂၀၁၅ ခုနှစ်မှာ NHS မှ ခွဲစိတ်ကြေးထောက်ပံ့ငွေယူရို ၅ သောင်းဖြင့် လက်မောင်းအရေပြားအစားထိုးကာ လိင်တံအသစ်တစ်ခုရရှိဖို့ ဆရာဝန်များကြိုးစားပေးခဲ့ကြပါတယ်။

ဒါပေမဲ့ ခွဲစိတ်နေရင်း သွေးတွင်းအောက်ဆီဂျင်ပြတ်လပ်မှုကြောင့် ခွဲစိတ်မှုကိုတဝက်တပျက်ဖြင့် လက်လျှော့ခဲ့ရပြီး ဘယ်ဘက်လက်မောင်းမှာ ၆ လက်မအရွယ်လိင်တံကျန်ရစ်နေခဲ့တာဖြစ်ပါတယ်။

အသားစတစ်ရှူးများဆက်လက်ရှင်သန်နိုင်ရန် လိင်တံကိုဘယ်ဘက်လက်မောင်းကသွေးကြောတွေနဲ့ ဆက်ပေးခဲ့ရပါတယ်။

ဆေးရုံအခက်အခဲတွေ ကိုဗစ်ကပ်ရောဂါတွေကြောင့် ၆ နှစ်တိုင်အောင် လက်မောင်းမှာပဲရှိနေခဲ့ပြီး အရှက်ရစရာဖြစ်နေခဲ့ရပါတယ်။

လူကြားသူကြားထဲ အင်္ကျီလက်တိုဖြင့် မသွားရဲဘဲဖြစ်နေခဲ့ပါတယ်။

ပြီးခဲ့တဲ့နှစ်က အချိန် ၉ နာရီကြာမြင့်ခဲ့တဲ့ခွဲစိတ်မှုအောင်မြင်ခဲ့ပြီး ငယ်ပါကမူလနေရာမှန်သို့ပြန်လည်ရောက်ရှိကာ အမျိုးသားတစ်ယောက်ရဲ့ဘဝကို ပြန်လည်ခံစားနိုင်ပြီဖြစ်ပါတယ်။

ကလေးနှစ်ယောက်ဖခင်ဖြစ်ပြီး လက်ရှိမှာအိမ်ထောင်ကွဲနေတဲ့'မက်ဒေါ်နယ်'က "အရင်ဆုံးကျွန်တော်ငုံ့ကြည့်လိုက်တဲ့အခါမှာ ဒီတစ်ခါတော့ နေရာမှန်ပြန်ရောက်သွားပြီဆိုတာ ခံစားလိုက်ရပါတယ်" လို့ ပြောပြသွားပါတယ်။

မစ္စတာ'မက်ဒေါ်နယ်'က သူခံစားခဲ့ရတဲ့ အခက်အခဲကိုပြန်လည်ပြောပြခဲ့ရာ ၂၀၁၄ ခုနှစ် ကပ္ပါယ်အိတ်နဲ့ စအိုကြားအင်္ဂါစပ်မှာ ရောဂါကူးစက်မှုဖြစ်ခဲ့ပြီး သွေးဆိပ်သင့်သွားခဲ့ကာ သူ့ရဲ့လက်ချောင်းတွေ၊ ခြေချောင်းတွေနဲ့ လိင်တံတိုဟာ မည်းညစ်သွားခဲ့ပါတယ်။

သွေးဆိပ်သင့်တဲ့အခါမှာ သွေးတွေစတင်ခဲလာပြီး အဟာရဓာတ်များနဲ့အောက်ဆီဂျင်ဓာတ်များဟာ ခန္ဓာကိုယ်အစွန်အဖျားနေရာတွေဆီ မရောက်ရှိနိုင်တော့ပါဘူး။

လိင်တံဖြတ်ဆက်ရတဲ့ခွဲစိတ်မှုကို ပလတ်စတစ်ဆာဂျင်တွေနဲ့ ဆီးနှင့်ကျောက်ကပ်ဆရာဝန်များကပါ အတူတကွလုပ်ဆောင်ခဲ့ရပါတယ်။

ဆံပင်ထက်တောင်ပိုသေးတဲ့ ဆံခြည်မျှင်သွေးကြောတွေအာရုံကြောတွေကို လိင်အင်္ဂါနားတဝိုက်မှာချည်ဆက်ပြီး သွေးလည်ပတ်မှုရရှိအောင်ပြုလုပ်ခဲ့ရပါတယ်။

ဆရာဝန်တွေက 'မက်ဒေါ်နယ်'အနေနဲ့ လိင်မှုကိစ္စနဲ့ ဆီးသွားခြင်းကိစ္စများ ပြုလုပ်နိုင်အောင် ဖန်တီးပေးခဲ့ပါတယ်။

Source: DailyMail.
#Yangon_Media_Group

#WorldHealth
Published 04 May 2022

ကိုဗစ်ရောဂါကူးစက်မှုကြောင့် ဆေးရုံတက်ကုသခံယူရခြင်းတွေ တဖြည်းဖြည်းများလာပေမယ့် အသက်သေဆုံးမှုနှုန်းကတော့ သိသိသာသာများမလာတာကိုတွေ့ရကြောင်း တောင်အာဖရိကမှ ပြည်သူ့ကျန်းမာရေးပညာရှင် 'ဝါဆယ်လာယာဆက်' က ပြောပြပါတယ်။

ကာကွယ်ဆေးမထိုးထားရသေးဘဲ မူလအိုမီခရွန်မျိုးဗီဇကွဲကူးစက်ခံရသူ ၂၄ ဦးထံမှ သွေးနမူနာများရယူပြီး စမ်းသပ်ခဲ့ကြပါတယ်။

ဒါ့အပြင် ကာကွယ်ဆေးထိုးထားတဲ့သူ ၁၅ ဦးထံမှ နမူနာများရယူပြီး အိုမီခရွန်မျိုးနွယ်ခွဲများဖြင့် စမ်းသပ်ခဲ့ကြပါတယ်။

'အဲလက်စ်ဆစ်ဂယ်'ဦးဆောင်တဲ့ အာဖရိကကျန်းမာရေးသုတေသနဓာတ်ခွဲခန်းက မူလအိုမီခရွန်ကို သွေးနမူနာများဖြင့်ပထမဆုံးစမ်းသပ်ခဲ့ရာမှာ ဖိုင်ဇာကိုဗစ်ကာကွယ်ဆေးတွေက အရင်မျိုးဗီဇကွဲတွေလောက် ကာကွယ်ပေးနိုင်ခြင်းမရှိခဲ့ပါဘူး။

အာဖရိကတိုက်မှာ ကိုဗစ်ရောဂါအများဆုံးဖြစ်ပွားခဲ့တဲ့ တောင်အာဖရိကနိုင်ငံမှာ ကိုဗစ်ကြောင့်သေဆုံးသူ တရားဝင်အချက်အလက်များအရ ၁ သိန်းကျော်ရှိပြီး အတိအကျစာရင်းကောက်ယူပါက ၃ ဆလောက်အထိ များပြားနိုင်ပါတယ်။

အာဖရိကနိုင်ငံအများစုဟာ ကျန်းမာရေးစောင့်ရှောက်မှုအားနည်းပြီး သေဆုံးရတဲ့အကြောင်းအရင်းကိုလည်း သေချာစွာမသိရှိကြပါဘူး။

အိုမီခရွန်မျိုးနွယ်ခွဲအသစ်တွေက ယခင်ကိုဗစ်ကူးစက်မှုနဲ့ ကာကွယ်ဆေးတွေကရရှိတဲ့ ပဋိပစ္စည်း(antibody)တွေကို ခံနိုင်ရည်ရှိကြောင်း တောင်အာဖရိကဓာတ်ခွဲခန်းတစ်ခုက တွေ့ရှိခဲ့ကြပါတယ်။

ပြီးခဲ့တဲ့လအတွင်း တောင်အာဖရိကမှာတွေ့ရှိခဲ့တဲ့ BA.4 နဲ့ BA.5 အိုမီခရွန်မျိုးနွယ်ခွဲတွေကနေ နောက်ထပ်ကူးစက်မှုလှိုင်း ဖြစ်ပေါ်လာနိုင်တဲ့အခြေအနေရှိနေပါတယ်။

မူလအိုမီခရွန် ကူးစက်ဖူးသူတွေထံမှရယူထားတဲ့ သွေးနမူနာတွေကို BA.4, BA.5 မျိုးနွယ်ခွဲတွေနဲ့စမ်းသပ်ကြည့်ရာမှာ ရောဂါခုခံနိုင်စွမ်း ၈ ဆကျဆင်းသွားတာကို တွေ့ရှိရပါတယ်။

ကာကွယ်ဆေးထိုးထားသူတွေရဲ့ သွေးနမူနာတွေကတော့ ကာကွယ်နိုင်စွမ်း ၃ ဆကျဆင်းသွားခဲ့ပါတယ်။

"ကာကွယ်ဆေးမထိုးထားတဲ့သူတွေမှာ BA.4, BA.5 ကို ခုခံနိုင်စွမ်းနည်းပါးနေပြီး ရောဂါကူးစက်မှုကို ထိရောက်စွာ မကာကွယ်နိုင်ပါဘူး" လို့ သုတေသီများကဖော်ပြသွားပါတယ်။

တောင်အာဖရိကနိုင်ငံဟာ အိုမီခရွန်မျိုးဗီဇကွဲပထမဆုံးတွေ့ရှိရာနိုင်ငံဖြစ်ပြီး အိမ်နီးချင်းဘော့စ်ဝါနာကို ကူးစက်သွားခဲ့ပါတယ်။

အခုစနေနေ့က တောင်အာဖရိကမှာ ရောဂါပိုးတွေ့ရှိသူပေါင်း ၆,၅၂၇ ဦးရှိခဲ့ကာ ရောဂါပိုးတွေ့ရှိနှုန်းက ၂၁.၅ ရာခိုင်နှုန်းရှိခဲ့ပါတယ်။

မတ်လ ၂၈ ရက်နေ့ကနဲ့နှိုင်းယှဉ်ပါက ကူးစက်သူ ၅၈၁ ယောက်နဲ့ ရောဂါပိုးတွေ့ရှိမှုနှုန်း ၄.၅ ရာခိုင်နှုန်းရှိခဲ့ပါတယ်။

Source: Reuters.
#Yangon_Media_Group

#WorldFestival
Published 03 May 2022

ဗုဒ္ဓဘာသာယဉ်ကျေးမှု ထွန်းကားရာ ထိုင်းနိုင်ငံမှာ တိုင်းရင်းသားမွန်လူမျိုးစုတွေက ပျံလွန်တော်မူခဲ့ကြတဲ့ ဘုန်းတော်ရဟန်းတွေကို ပူဇော်ပသတဲ့အနေနဲ့ အဝေးကနေဒုံးပစ်လွှတ်ကာ မီးသဂြိုဟ်ကြတဲ့ အစဉ်အလာရှိခဲ့ပါတယ်။

#Yangon_Media_Group

Published 3 May 2022

ဗြိတိန်ဝန်ကြီးချုပ် ဘောရစ်ဂျွန်ဆင်က ယူကရိန်းကို နောက်ထပ် စစ်ရေးအကူအညီသစ်ပေါင်စတာလင်သန်း၃၀၀ပေးမယ့် အစီအစဉ်ကို မေလ(၃)ရက်က ယူကရိန်းပါလီမန်မှာ ကြေညာသွားပါတယ်။ ရေရှည်ပန်းတိုင်မရောက်မချင်း အကူအညီတွေ ဆက်ပေးသွားမယ်လို့ သူကပြောပါတယ်။

Source AFP

#DailyNews
Published -3 May 2022

၁။ လမ်းပန်းဆက်သွယ်ရေး အခက်အခဲကြောင့် ပူတာအိုဒေသတွင် ကုန်ဈေးနှုန်းများ အဆမတန်
မြင့်တက်လာ။

၂။ မသန်စွမ်းအထောက်အကူပြုပစ္စည်းလျှောက်ထားသည့် မသန်စွမ်းဦးရေ(၉၀)ကျော်ရှိနေ။

၃။ နေ့စဉ်မိုးလေဝသသတင်း။

၄။ ရိုးရာအပျော်တမ်းဒုံးပစ်ပြိုင်ပွဲ ထိုင်းနိုင်ငံတွင်ကျင်းပ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#WorldPolitics
Published 03 May 2022

ရုရှားတို့ရဲ့ ဝင်ငွေရပေါက်ကြီးဖြစ်တဲ့ ရေနံတင်ပို့ခြင်းလုပ်ငန်းကို ဥရောပသမဂ္ဂက ယခုရက်ပိုင်းအတွင်း ဒဏ်ခတ်ပိတ်ဆို့မှု ပြုလုပ်ဖို့ပြင်ဆင်နေပါတယ်။

ရုရှားထံမှ လောင်စာဆီအများဆုံး တင်သွင်းနေရတဲ့ ဂျာမနီတို့က သဘောထားရပ်တည်ချက်ပြောင်းလဲလာခဲ့ပြီး ဥရောပသမဂ္ဂရဲ့ရုရှားရေနံအပေါ် ဒဏ်ခတ်ပိတ်ဆို့ဖို့ အဆိုကို ထောက်ခံလာတာဖြစ်ပါတယ်။

ဥရောပကော်မရှင်က ၆ ကြိမ်မြောက် အီးယူရဲ့ဒဏ်ခတ်ပိတ်ဆို့မှုတွေကို ယခုတစ်ပတ်အတွင်းအဆိုပြု တင်သွင်းသွားဖို့ မျှော်မှန်းထားရာ ရုရှားရေနံဝယ်ယူခြင်းအပေါ် ပိတ်ပင်ခြင်းကိစ္စလည်းပါဝင်လာနိုင်ပါတယ်။

ရုရှားရဲ့လောင်စာတွေကို ဥရောပသို့တင်ပို့နေတဲ့လုပ်ငန်းဟာ နိုင်ငံတကာအရေးယူ ပိတ်ဆို့မှုတွေမှ ကင်းလွတ်နေခဲ့ပြီး ရုရှားစစ်တပ်အတွက် နေ့စဉ်ယူရိုငွေသန်းနဲ့ချီရရှိနေတာဖြစ်ပါတယ်။

"အခုအဆိုတင်သွင်းချက်မှာ လောင်စာသယံဇာတတွေကနေ ရုရှားတို့ဝင်ငွေရရှိနေမှုကို ပိတ်ပင်သွားနိုင်မယ့်အချက်တွေ ပါဝင်မှရပါမယ်" လို့ ယူကရိန်းသမ္မတ 'ဗိုလိုဒီမီယာဇယ်လန်စကီ' က ဗီဒီယိုမှာ ပြောကြားသွားပါတယ်။

ရုရှားရေနံတင်သွင်းခြင်းအပေါ် ဥရောပသမဂ္ဂရဲ့ဒဏ်ခတ်ပိတ်ဆို့မှုကို ဂျာမနီကထောက်ခံဖို့ပြင်ဆင်နေကြောင်း တနင်္လာနေ့က အသိပေးလိုက်ပါတယ်။

"ရုရှားမှ ရေနံတင်သွင်းမှုပိတ်ပင်ခြင်းဒဏ်ကို ဂျာမနီအနေနဲ့ခံနိုင်ရည်ရှိလောက်တဲ့ အခြေအနေဖြစ်နေပါပြီ" လို့ ဂျာမနီဘဏ္ဍာရေးဝန်ကြီး 'ရောဘတ်ဟေဘက်ခ်'က ပြောကြားလိုက်ပါတယ်။

အခြားဥရောပခေါင်းဆောင်တွေနဲ့ယှဉ်ရင် ယူကရိန်းကိုထောက်ပံ့ရေးကိစ္စမှာ သတိထားဆောင်ရွက်လေ့ရှိတဲ့ ဂျာမနီနိုင်ငံအကြီးအကဲ 'အိုလက်ဖ်ရှော့ဇ်' ကို ပြတ်ပြတ်သားသားဆုံးဖြတ်ဖို့ ဝိုင်းဝန်း ဖိအားပေးလာကြပါတယ်။

အခုအခါမှာတော့ 'ရှော့လ်ဇ်'က ရုရှားသမ္မတ'ပူတင်'အနေနဲ့ ယူကရိန်းနဲ့ငြိမ်းချမ်းရေးရယူဖို့ သဘောတူလက်မှတ် မရေးထိုးမချင်း ဒဏ်ခတ်ပိတ်ဆို့မှုတွေကို ဖယ်ရှားသွားမှာမဟုတ်ကြောင်း ZDF ပြည်သူ့ရုပ်သံနဲ့အင်တာဗျူးမှာ ပြောကြားသွားပါတယ်။

ရုရှားဓာတ်ငွေ့ဝယ်ယူရာမှာ ရုရှားငွေရူဘယ်လ်ဖြင့်ပေးချေဖို့ ပူတင်ရဲ့တောင်းဆိုချက်ကို ဥရောပသမဂ္ဂက ငြင်းဆိုလိုက်ပါတယ်။

ပြီးခဲ့တဲ့အပတ်က ပိုလန်နဲ့ဘူလ်ဂေးရီးယားတို့ဆီ ဓာတ်ငွေ့ပေးပို့ခြင်းကို ရုရှားကဖြတ်တောက်ပစ်ခဲ့ပါတယ်။

ရုရှားရဲ့တောင်းဆိုချက်အတိုင်း ဓာတ်ငွေ့ဝယ်ယူဖို့ ရူဘယ်လ်နဲ့ပေးချေမယ်ဆိုရင် ဥရောပသမဂ္ဂရဲ့ဒဏ်ခတ်ပိတ်ဆို့မှုတွေကို ချိုးဖောက်ရာရောက်မယ်လို့ အီးယူဝန်ကြီးများက တနင်္လာနေ့ကသတိပေးခဲ့ပါတယ်။

အီးယူနိုင်ငံများမှ သံအမတ်များက ဗုဒ္ဓဟူးနေ့မှာ ရေနံဝယ်ယူမှု ပိတ်ပင်ခြင်းအဆိုပြုချက်ကို ဆွေးနွေးသွားမှာ ဖြစ်ပါတယ်။

Source: Reuters
#Yangon_Media_Group