#WorldClimate
Published 09 May 2022

ကယ်ဆယ်ရေးဝန်ထမ်းတစ်ဦးက ပူပြင်းလှတဲ့ အိန္ဒိယလမ်းဘေးမှာ မလှုပ်မယှက်နိုင် လဲကျဖြစ်နေတဲ့ အပျံသင်ကာစ စွန်တစ်ကောင်ကို သယ်ယူကယ်ဆယ်လာခဲ့ပါတယ်။

#Yangon_Media_Group

Published 9 May 2022
ဒုတိယကမ္ဘာစစ်တွင် နာဇီဂျာမနီတို့အပေါ် အောင်နိုင်ခဲ့သည့် ၇၇ကြိမ်မြောက် အခမ်းအနားကို မေ(၉)ရက်နေ့က ရုရှားနိုင်ငံ မော်စကိုမြို့တော်ရှိ ရင်ပြင်နီမှာကျင်းပခဲ့ရာ သမ္မတပူတင်က တက်ရောက်မိန့်ခွန်းပြောပြီး ကာကွယ်ရေးဝန်ကြီး ဆာဂေး ရွှိုင်းဂူးလည်းတက်ရောက်ပါတယ်။

ရုရှားတပ်တွေဟာ ယူကရိန်းမှာ အမိမြေအပေါ် လက်သင့်မခံနိုင်တဲ့ တကယ့်ခြိမ်းခြောက်မှုကြီးကို ကာကွယ်တွန်းလှန် နေကြတယ်လို့ သမ္မတ ဗလာဒီမာပူတင်က မေ၉ရက်နေ့မှာ အောင်ပွဲနေ့ နှစ်ပတ်လည် စစ်ရေးပြ အခမ်းအနားဖွင့်ပွဲမှာ ပြောကြားပါတယ်။

ရုရှားတပ်တွေဟာ ယူကရိန်းမှာ နာဇီဝါဒကို ဆက်လက်ဆန့်ကျင်တိုက်ပွဲဝင်နေကြပြီး ကြောက်စရာ ကောင်းတဲ့ ကမ္ဘာလုံးဆိုင်ရာစစ်ထပ်မဖြစ်အောင် လုပ်စရာရှိတာအကုန်လုပ်ဖို့ အရေးကြီးတယ်လို့လည်း သူက ထောင်ပေါင်းများစွာသော တပ်သားတွေကို ပြောပါတယ်။

အနောက်နိုင်ငံတွေက သတင်းရေးခဲ့ကြသလို  ယူကရိန်းပဋိပက္ခကြီးထွားလာဖို့ ဒီနှစ်ပတ်လည်ပွဲမှာ ပူတင်က တစ်ခုခု ကြေညာမယ်ဆိုတာလည်း ဖြစ်မလာခဲ့ဘဲ သူ့မိန့်ခွန်းမှာ အရေးကြီးတဲ့ကြေညာချက်တစ်ခုမျှပြောမသွားခဲ့ပါဘူး။

“ သင်တို့ဟာ အမိမြေအတွက် အနာဂတ်အတွက် တိုက်ပွဲဝင်နေကြတယ်။ ဒုတိယကမ္ဘာစစ်ရဲ့သင်ခန်းစာတွေကို ဘယ်သူမှ မေ့ပစ်လိုက်မှာမဟုတ်ဘူး” လို့ ယူကရိန်းမှာရောက်နေတဲ့ သူ့တပ်တွေကို ပူတင်က ရည်ညွှန်းပြောဆိုပါတယ်။

ပူတင်က ပဋိပက္ခအတွက် ယူကရိန်းနှင့်အနောက်ကို အပြစ်တင်သွားပါတယ်။ “ကိဗ်နှင့်ယင်းရဲ့မဟာမိတ်တွေဟာ ကျွန်ုပ်တို့ရဲ့ သမိုင်းဝင်မြေတွေကိုကျူးကျော်ဖို့ပြင်ဆင်နေတယ်လို့ သူကပြောပါတယ်။

ကျွန်ုပ်တို့ရဲ့ နယ်စပ်တွေမှာ တိုက်ရိုက်ခြိမ်းခြောက်မှုတွေဖန်တီးတာ လုံးဝလက်ခံလို့မရဘူးလို့ ပူတင်ကပြောပါတယ်။ နေတိုးက ယူကရိန်းအတွက် လက်နက်တွေဖြန့်ပေးနေတာနှင့် နိုင်ငံခြားအကြံပေးတွေ နေရာယူထားကြတာကို သူက ရည်ညွှန်းပြောဆိုတာပါ။

ရုရှားမှာ အခြားနည်းရွေးစရာမရှိဘူးလို့ပူတင်ကပြောပါတယ်။ ဒါပေမယ့် ရန်လိုမှုတွေကို pre-emptive တုန့်ပြန်မှုတွေပဲ လုပ်ဆောင်နေတယ်၊ဒါဟာ အချုပ်အခြာအာဏာ၊တောင့်တင်းခိုင်မာပြီးလွတ်လပ်တဲ့ နိုင်င့အတွက် တစ်ခုတည်းသော မှန်ကန်တဲ့ဆုံးဖြတ်ချက်ဖြစ်တယ်လို့လည်း သူကဆိုပါတယ်။

တနင်္လာနေ့ကကျင်းပတဲ့ ၇၇ကြိမ်မြောက် ဒုတိယကမ္ဘာစစ်အောင်ပွဲအထိမ်းအမှတ်စစ်ရေးပြအခမ်းအနားကို တပ်အင်အား တစ်သောင်းတစ်ထောက်ကျော်နှင့် စစ်ရေးဆိုင်ရာ ယန္တယားယာဉ်ပေါင်း ၁၃၀ကျော်ပါဝင်ဆင်နွှဲခဲ့ကြပါတယ်။

Source AFP

#DailyNews
Published - 9 May 2022

၁။ ကျောက်မဲမြို့အနီးရှိ တိုက်ပွဲဖြစ်ပွားရာနေရာများမှ မြေမြှုပ်မိုင်းများကို ရှင်းလင်းပေးဖို့ ဒေသခံများလိုလား။

၂။ သဘာဝတရားရိပ်သာတွင် တစ်လကို လူဦးရေ(၁၅၀)လောက် တိုးနေ၊စားဖို့ဆန်များ လိုအပ်ဟုဆို။

၃။ နေ့စဉ်မိုးလေဝသသတင်း။

၄။ ပူပြင်းလှတဲ့အိန္ဒိယရာသီဥတုမှာ ငှက်သတ္တဝါများအသက်ရှင်ရန်ခက်ခဲလျက်ရှိ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#WorldPolitics
Published 09 May 2022

အမေရိကန်သမ္မတကတော်'ဂျေလ်ဘိုင်ဒန်'က ယူကရိန်းပြည်သူတွေကို အားပေးထောက်ခံတဲ့အနေနဲ့ ရုရှားတို့ကျူးကျော်တိုက်ခိုက်ခြင်းကို ခံနေရတဲ့ ယူကရိန်းနိုင်ငံသို့ တနင်္ဂနွေနေ့က မမျှော်လင့်ဘဲ သွားရောက်လည်ပတ်ခဲ့ပါတယ်။

ယူကရိန်းစစ်ဘေးရှောင်များ ယာယီခိုလှုရာ ကျောင်းတစ်ကျောင်းကို သွားရောက်ခဲ့ပြီး ယူကရိန်းသမ္မတကတော်'အိုလီနာဇယ်လန်စကာ'နဲ့ တွေ့ဆုံခဲ့ပါတယ်။

"ဒီလိုကြမ်းတမ်းရက်စက်တဲ့ စစ်ပွဲကြီးကို ရပ်တန့်သွားရမှာဖြစ်ပြီး အမေရိကန်တို့က ယူကရိန်းပြည်သူတွေဘက်က ရပ်တည်ထောက်ခံကြောင်း သက်သေပြဖို့လိုအပ်တယ်ထင်ပါတယ်" ဆိုတဲ့ 'ဘိုင်ဒန်'ရဲ့ပြောကြားချက်ကို ဝါရှင်တန်ပိုစ်သတင်းထောက်က အခြားမီဒီယာများထံ ဝေမျှတင်ဆက်ပေးခဲ့ပါတယ်။

အဆိုပါစာသင်ကျောင်းမှာ စစ်ဘေးရှောင်ယူကရိန်းနိုင်ငံသား ၁၆၃ ဦးခိုလှုံ့လျက်ရှိပြီး ကလေးငယ် ၄၇ ဦးပါဝင်နေပါတယ်။

'ဂျေလ်ဘိုင်ဒန်'ဟာ ယူကရိန်းအိမ်နီးချင်းဆလိုဗေးကီးယားနိုင်ငံကို ခရီးထွက်လာတာဖြစ်ပြီး ရုရှားတိုစတင်ကျူးကျော်ခဲ့တဲ့ ဖေဖော်ဝါရီ ၂၄ ရက်နေ့နောက်ပိုင်း ပထမဆုံးအကြိမ်အများရှေ့ထွက်ပြလာတာဖြစ်ပါတယ်။

'ဘိုင်ဒန်'က 'ဇယ်လန်စကာ'ကို ပန်းစည်းပေးအပ်ခဲ့ပြီး သမ္မတကတော်နှစ်ယောက် ပွေ့ဖက်နှုတ်ဆက်ခဲ့ကြပါတယ်။

စစ်မြေပြင်နိုင်ငံကိုလာရောက်လည်ပတ်တာဟာ ရဲရင့်တဲ့လုပ်ရပ်ဖြစ်တယ်လို့ 'ဘိုင်ဒန်'ကို 'ဇယ်လန်စကာ'က မှတ်ချက်ပြုလိုက်ပါတယ်။

"စစ်ပွဲဖြစ်ပွားရာနိုင်ငံ ပစ်ခတ်တိုက်ခိုက်မှုတွေနေ့စဉ်ဖြစ်ပွားနေတဲ့နိုင်ငံကို အမေရိကန်သမ္မတကတော်လာရတာ ဘယ်လောက်အထိအန္တရာယ်များလဲဆိုတာ ကျွန်မတို့နားလည်ပါတယ်၊ ဒီနေ့တင်ပဲ လေကြောင်းအန္တရာယ်ဉဩသံကြားလိုက်ရပါသေးတယ်၊ အမေရိကန်တွေရဲ့ထောက်ခံမှုနဲ့ သမ္မတရဲ့ဦးဆောင်လှုပ်ရှားမှုကိုလည်း ကျွန်မတို့သိရှိသဘောပေါက်ထားပါတယ်၊ ကျွန်မတို့အလေးအနက်ထားတဲ့ အမေများနေ့မှာ လာရောက်လည်ပတ်တာဟာ ဘယ်လောက်အထိအရေးပါလဲဆိုတာ သိရှိခံစားရပါတယ်" လို့ စကားပြန်မှ တစ်ဆင့်ပြောကြားသွားပါတယ်။

အမေရိကန်သမ္မတ'ဂျိုးဘိုင်ဒန်'ဟာ ရုရှားအပေါ်စီးပွားရေးပိတ်ဆို့မှုများ ပြုလုပ်ရာမှာ ဦးဆောင်လှုပ်ရှားနေသူဖြစ်ပြီး ရုရှားသမ္မတ'ပူတင်'ကို စစ်ပွဲရပ်တန့်ဖို့ တွန်းအားပေးနေပါတယ်။

'ဂျိုးဘိုင်ဒန်'က ကျူးကျော်စစ် စတင်ဖြစ်ပွားပြီးကတည်းက ယူကရိန်းကို လာရောက်ခြင်းမရှိသေးပေမယ့် အမေရိကန်ထိပ်သီးအရာရှိတွေဖြစ်တဲ့ နိုင်ငံခြားရေးဝန်ကြီး'အန်တိုနီဘလင်ကန်'၊ ကာကွယ်ရေးဝန်ကြီး'လွိက်အော်စတင်'နဲ့ လွှတ်တော်ဥက္ကဌ'နန်စီပယ်လိုဆီ'တို့ဟာ ပြီးခဲ့တဲ့နှစ်ပတ်အတွင်းက ယူကရိန်းမြို့တော်သို လာရောက်လည်ပတ်ခဲ့ပါတယ်။

'ဂျေလ်ဘိုင်ဒန်'ဟာ ယူကရိန်းကိုလာရောက်လည်ပတ်ပြီးနောက် နယ်စပ်ကနေဖြတ်ပြီး ဆလိုဗေးကီးယားကိုပြန်လည်ထွက်ခွာသွားခဲ့ပါတယ်။

Source: Reuters
#Yangon_Media_Group

#WorldHealth
Published 09 May 2022

လအနည်းငယ်အတွင်း ကိုယ်အလေးချိန်ကျချင်တယ်ဆိုရင် သက်သက်လွတ်စားသုံးသင့်ပါတယ်။

သုတေသီများက လေ့လာချက်တစ်ခုပြုလုပ်ခဲ့ရာ အသီးအရွက်ကိုသာ ပြောင်းလဲစားသောက်ခဲ့တဲ့ အဝလွန်သူတွေက ပထမ ၃ လအတွင်း ၂၁ ပေါင်ကျဆင်းခဲ့ကြောင်းတွေ့ရှိရပါတယ်။

ဒီလိုကိုယ်အလေးချိန်ကျရတဲ့ အကြောင်းအရင်းက အဆီအနှစ်များတဲ့ အစားအစာတွေ မစားဖြစ်တာကြောင့်လို့ ယူဆခဲ့ကြပါတယ်။

သက်သက်လွတ်အစားအစာအကြောင်း သိပ္ပံနည်းကျစမ်းသပ်မှု ၁၁ ခုပြုလုပ်ပြီး အဝလွန်သူ သို့မဟုတ် ဆီးချိုရောဂါဒုတိယအမျိုးအစားရှိနေတဲ့သူ အယောက် ၈၀၀ နီးပါးမှာ ကိုယ်အလေးချိန်လျော့ခဲ့တဲ့အကြောင်းကို ဆန်းစစ်လေ့လာခဲ့ကြပါတယ်။

လေ့လာချက်တွေထဲမှာ သက်သက်လွတ်စားသုံးခြင်းနဲ့ အနောက်တိုင်းအစားအစာ စားသုံးခြင်းတို့ကို နှိင်းယှဉ်ခဲ့ကြပြီး အခြားလေ့လာချက်မှာတော့ အလေးချိန်ကျတယ်လို့ ခေတ်စားနေတဲ့ပေါ်ပင်အစားအစာ စားသုံးခြင်းတို့ကို နှိင်းယှဉ်ခဲ့ကြပါတယ်။

အသားတွေ ဆက်လက်စားသုံးသူတွေနဲ့ နှိုင်းယှဉ်တဲ့အခါ သက်သက်လွတ်စားသုံးသူတွေက ၁၂ ပတ်အတွင်း ၂၁ ပေါင်ကျဆင်းခဲ့ပါတယ်။ ပေါ်ပင်အစားအစာ စားသုံးသူတွေနဲ့နှိုင်းယှဉ်တဲ့အခါ ၉ ပေါင်ကျဆင်းခဲ့ပါတယ်။

ဒါပေမဲ့လည်း သက်သက်လွတ်စားသုံးခြင်းက အခြားအစားအစာတွေထက် သွေးတွင်းသကြားဓာတ်နဲ့ ကိုလက်စထရောဓာတ်တွေမှာ ထူးခြားသက်သာတာမျိုးမဟုတ်ဘဲ အနည်းငယ်သာတိုးတက်တာဖြစ်ကြောင်း မှတ်ချက်ပြုလိုက်ကြပါတယ်။

ကိုပင်ဟေဂင်တက္ကသိုလ်ဆေးရုံမှ ဦးဆောင်စာတမ်းပြုစုသူ'အန်းဒစ်တေတာမန်ဆန်'က "သက်သက်လွတ်သမားတွေ ဝိတ်ကျတာဟာ စားသောက်တဲ့အထဲမှာပါတဲ့ အဆီပမာဏနည်းပါးပြီး ကယ်လိုရီနည်းတာကြောင့်ဖြစ်ပါတယ်။ ဒါပေမဲ့လည်း အခြားဖြစ်စဉ်အထောက်အထားတွေလည်း လိုအပ်နေပါသေးတယ်" လို့ ပြောပြသွားပါတယ်။

သက်သက်လွတ်စားသုံးခြင်းက ကျန်းမာရေးအတွက် ဆိုးကျိုးဖြစ်နိုင်တယ်လို့လည်း သိထားသင့်ကြောင်း ယူကေမှပညာရှင်များက သတိပေးလိုက်ပါတယ်။

အသားတွေထဲမှာပါတဲ့ ဗိုက်တာမင်ဒီ၊ ဗိုက်တာမင်ဘီ-၁၂၊ အိုင်အိုဒင်းတို့လို အဟာရဓာတ်တွေမရရှိနိုင်တာကို ထည့်တွက်ရမှာဖြစ်ပါတယ်။

ဒါ့အပြင် အသီးအရွက်အချို့မှာပါတဲ့ သကြားဓာတ်က ဆီးချိုရောဂါရှင်လို လူမျိုးတွေမှာ အန္တရာယ်များနိုင်ပါတယ်။

ရက်ဒင်းတက္ကသိုလ်မှ အဟာရဓာတ်ပညာရှင်ပရော်ဖက်ဆာ'ဂန်တာကုနဲလ်'က သက်သက်လွတ်သီးသန့်စားသုံးခြင်းက ကိုယ်အလေးချိန်ကျစေတယ်ဆိုတာမျိုး လက်တွေ့မသိရှိရသေးကြောင်းသတိပေးလိုက်ပါတယ်။

ဖြစ်လာနိုင်တဲ့ နောက်ဆက်တွဲဆိုးကျိုးတွေကို ထည့်မစဉ်းစားဘဲ သက်သက်လွတ်ပြောင်းစားတာမျိုး သတိထားသင့်ကြောင်း အက်စ်တန်တက္ကသိုလ်မှ ဒေါက်တာ'ဒူယန်မယ်လာ'က သတိပေးခဲ့ပါတယ်။

အထူးသဖြင့် ဆီးချိုရောဂါရှိတဲ့သူတွေမှာ သက်သက်လွတ်ပြောင်းစားမယ်ဆိုရင် အစားအစာအကြံပေးပညာရှင်နဲ့ တိုင်ပင်ဆွေးနွေးဖို့တိုက်တွန်းထားပါတယ်။

အမေရိကန်မှာ အရွယ်ရောက်ပြီးသူလူဦးရေ ၇၃.၆ ရာခိုင်နှုန်းက အဝလွန်နေကြကြောင်း ခန့်မှန်းရပါတယ်။

Source: DailyMail.
#Yangon_Media_Group

#WorldHealth
Published 09 May 2022

Johnson & Johnson ကိုဗစ်ကာကွယ်ဆေးထိုးခြင်းဖြင့် ရှားပါးသွေးခဲခြင်းဖြစ်စဉ်ဖြစ်ပေါ်လေ့ရှိတာကြောင့် အဆိုပါကာကွယ်ဆေးထိုးနှံခွင့်ကို အမေရိကန်မှ တာဝန်ရှိသူများက ကန့်သတ်ထိန်းချုပ်လိုက်ရပါတယ်။

အခြားကာကွယ်ဆေးထိုးနှံလို့ မရတဲ့လူမျိုးနဲ့ J&J ကာကွယ်ဆေးမှ သီးသန့်ထိုးနှံချင်သူများကိုသာ ထိုးနှံပေးသင့်ကြောင်း အစားအစာနဲ့ ဆေးဝါးကွပ်ကဲရေးအဖွဲ့(FDA)က ပြောကြားလိုက်ပါတယ်။

အမေရိကန်နိုင်ငံသားတွေအနေနဲ့ J&J ကာကွယ်ဆေးအစား ဖိုင်ဇာ သိုမဟုတ် မိုဒါနာကာကွယ်ဆေးကို ထိုးနှံသင့်ကြောင်း အမေရိကန်အာဏာပိုင်များ အကြံပြုထားတာကြာခဲ့ပါပြီ။
ကာကွယ်ဆေးထိုးခြင်းရဲ့ သွေးခဲခြင်းဖြစ်စဉ်ကနေ အသက်အန္တရာယ်ပါထိခိုက်စေလောက်တဲ့အခြေအနေကို ကြည့်ရှုစစ်ဆေးခဲ့ကြပြီးနောက် J&J ကာကွယ်ဆေးကို ကန့်သတ်ထိန်းချုပ်ဖို့ဆုံးဖြတ်ခဲ့ကြကြောင်း FDA ကာကွယ်ဆေးအကြီးအကဲ ဒေါက်တာ'ပီတာမာ့ခ်စ်'က ပြောကြားခဲ့ပါတယ်။

"ကိုဗစ်ရောဂါရဲ့ပြင်းထန်တဲ့ အနေအထားကို အလားတူကာကွယ်နိုင်မယ့် အခြားနည်းလမ်းမျိုးရှိမယ်ဆိုရင် ရွေးချယ်ကြည့်ရမှာပါပဲ" လို့ ဆိုပါတယ်။

သွေးခဲခြင်းပြဿနာက ကာကွယ်ဆေးထိုးပြီး ၂ ပတ်အတွင်းဖြစ်ပေါ်လေ့ရှိတာကြောင့် လနဲ့ချီသည်အထိ ဘာပြဿနာမှ မဖြစ်ရင်တော့ စိတ်ပူစရာ မလိုတော့ပါဘူး။

J&J ကိုဗစ်ကာကွယ်ဆေးကို FDA က ပြီးခဲ့တဲ့နှစ် ဖေဖော်ဝါရီလက အသက် ၁၈ နှစ်နဲ့အထက် လူတွေမှာထိုးနှံခွင့်ပြုခဲ့ပါတယ်။

J&J ကာကွယ်ဆေးက တစ်ကြိမ်တည်းထိုးနှံရတာကြောင့် ကပ်ရောဂါကိုတိုက်ဖျက်ဖို့အရေးပါတယ်လို့ အစကသတ်မှတ်ခဲ့ကြပေမယ့် တစ်ကြိမ်တည်းထိုးနှံရခြင်းကပဲ နှစ်ကြိမ်ထိုးနှံရတဲ့ ဖိုင်ဇာ၊ မိုဒါနာတိုလောက် ထိရောက်မှု မရှိဘူးလို့ မြင်တွေ့နေရပါတယ်။

မတ်လလယ်လောက်အထိ သွေးခဲခြင်းဖြစ်ပေါ်ခဲ့တဲ့သူ ၆၀ ဦးကိုတွေ့ရှိခဲ့ပြီး ၉ ဦးက အသက်သေဆုံးလောက်သည်အထိ အန္တရာယ်ရှိခဲ့ပါတယ်။

J&J ကာကွယ်ဆေးထိုးနှံသူအယောက် ၁ သန်းမှာ ၃.၂၃ ဦးက သွေးခဲခြင်းဖြစ်ပေါ်နိုင်ချေရှိနေပါတယ်။

ဒီပြဿနာက အသက် ၅၀ အောက်အမျိုးသမီးတွေမှာ ပိုအဖြစ်များပြီး ထိုးနှံသူ ၁ သန်းမှာ သေဆုံးမှု ၁ ယောက်ဖြစ်နိုင်ချေရှိကြောင်း 'မာ့ခ်စ်'ကဆိုပါတယ်။

J&J ကာကွယ်ဆေးအသုံးပြုခြင်းရဲ့ ဘေးထွက်ဆိုးကျိုးအကျိုးဆက်တွေကို သေချာစွာ သတိပေးဖော်ပြသွားမှာ ဖြစ်ပါတယ်။

အခြားကာကွယ်ဆေးနဲ့ မတည့်သူများနဲ့ နောက်တစ်ကြိမ်ထိုးနှံလို့ မရသူများအနေနဲ့ J&J ကာကွယ်ဆေးကို FDA ရဲ့ ညွှန်ကြားချက်အသစ်များအတိုင်း ထိုးနှံပေးသွားမှာ ဖြစ်ပါတယ်။

mRNA ကာကွယ်ဆေးတွေဖြစ်တဲ့ ဖိုင်ဇာနဲ့ မိုဒါနာကာကွယ်ဆေး မထိုးချင်တဲ့သူတွေအတွက် J&J ကာကွယ်ဆေးက ရွေးချယ်စရာဖြစ်နေပါတယ်။

အမေရိကန်မှာ J&J ကာကွယ်ဆေးထိုးပြီးသွေးခဲခြင်းဖြစ်စဉ်ဖြစ်ပေါ်ခဲ့တာဟာ ပြီးခဲ့တဲ့နွေဦးတုန်းကဖြစ်ပါတယ်။

အဲဒီအချိန်တုန်းက J&J ကာကွယ်ဆေးထိုးခြင်းရဲ့အကျိုးအာနိသင်က ဘေးထွက်ဆိုးကျိုးထက်ပိုများတယ်ဆိုပြီး ဆုံးဖြတ်ခဲ့ကြပါတယ်။

J&J ကြောင့် သွေးခဲခြင်းဟာ ဦးနှောက်ကလာတဲ့သွေးကြောလို ဖြစ်လေ့ဖြစ်ထမရှိတဲ့နေရာမျိုးတွေမှာ ဖြစ်တတ်ပါတယ်။

ကာကွယ်ဆေးထိုးပြီး တစ်ပတ်နှစ်ပတ်အတွင်း သွေးခဲခြင်းဖြစ်တဲ့သူတွေမှာ အပြင်းအထန်ခေါင်းကိုက်ခဲခြင်း၊ ဝမ်းဗိုက်အောင့်ခြင်း၊ မူးဝေခြင်းတိုဖြစ်ပေါ်တတ်ပါတယ်။

နယူးဂျာစီအခြေစိုက် နယူးဘရွန်စ်ဝစ်ကုမ္ပဏီက ယခုနှစ်အတွင်း ကာကွယ်ဆေးရောင်းချရခြင်းမှ အမြတ်ရရှိဖို့ မမျှော်လင့်ထားကြောင်း၊ ရောင်းချခြင်းကိုလည်း ဆိုင်းငံ့ထားကြောင်း ကြေညာသွားပါတယ်။

Source: AP News
#Yangon_Media_Group