#WorldEntertainment
Published 14 July 2022

တောင်ကိုရီးယားဂီတနယ်ပယ်က အခုဆိုရင် ကမ္ဘာ့နေရာအနှံအပြားမှ ကျွမ်းကျင်သူများစုဝေးရာနေရာဖြစ်လာပြီး အိန္ဒိယအိုင်ဒေါတွေကစလို့ ဆွီဒင်သီချင်းရေးဆရာများအထိ ပါဝင်လာကြပါတယ်။

#Yangon_Media_Group

Published 14 July 2022

ထိုင်းနိုင်ငံအလယ်ပိုင်းမှာ ဆင်ပေါက်ကလေးတစ်ကောင် ရေဆိုးမြောင်း မန်းဟိုးလ်ကြီးထဲ ပြုတ်ကျခဲ့ရာ ဆင်ကလေးရဲ့ မိခင်က တည်ငြိမ်စွာနှင့် သားကလေးကို ကယ်တင်ဖို့ ခွင့်ပြုခဲ့တဲ့အတွက် စိတ်လှုပ်ရှားဖွယ်ရာ ကယ်ထုတ်နိုင်ခဲ့ပါတယ်။

နက်ခွန်နာယောက်ပြည်နယ်က ရွိုင်ယယ်လ်ဟေးလ် ဂေါက်ကွင်းအပြင်ဘက်ရှိ ရေဆိုးမြောင်းပေါက်မန်းဟိုးလ်ကနေ  ဗုဒ္ဓဟူးနေ့က မနက်စောစောပိုင်းက တောရိုင်းတိရိစ္ဆာန်ဌာနအရာရှိတွေက ကယ်တင်ပေးခဲ့တာပါ။

ပူပင်သောကရောက်နေတဲ့ ဆင်မကြီးဟာ အနီးအနားတောအုပ်ထဲမှာ ခရီးသွားနေကြတဲ့ ဆင်အုပ်ထဲက ဖြစ်ပုံရပါတယ်။ ဆင်မကြီးဟာ ဆင်သားကလေးနှင့်အတူရှိနေပေမယ့် ဆင်ပေါက်ကလေးက တွင်းထဲက အပြင်ကို ပြန်မတက်နိုင်ဘဲ ဖြစ်နေခဲ့ရတာပါ။

အစပိုင်းမှာ ဆင်မကြီးဟာ ယောက်ယက်ခတ်နေလို့ ကယ်တင်ဖို့ ခက်ခဲနေတဲ့အတွက် မိခင်ဆင်မကြီးကို စိတ်တည်ငြိမ်အောင် ကယ်ဆယ်သူတွေက လုပ်ခဲ့ကြရပါတယ်။

နောက်ဆုံးမှာတော့ ဆင်ပေါက်သားကလေးကိုဖြည်းဖြည်းချင်းကယ်ထုတ်ပေးနိုင်ခဲ့ပြီး  မိခင်ကြီးနှင့်အတူ  ပြန်လည်ဆုံစည်း နိုင်ခဲ့ပါတော့ယ်။ အဲဒီနောက် ဆင်သားအမိကို တောထဲပြန်ပို့ပေးခဲ့ကြပါတယ်။

#Source_AFP

#Baby_elephant_rescue

#Thailand_Elephants

#Baby_Elephant_rescued_from_manhole

#DailyNews
Published - 14 July 2022

၁။ ဓာတ်ဆီ၊ ဒီဇယ်ဈေးမြင့်တက်လာသည့်အတွက် ပြည်တွင်းရွှေဈေးအကျနှေးနေဟုဆို

၂။ ယခုနှစ်တွင် နေကြာစိုက်ပျိုးမှုတိုးမြှင့်မည်

၃။ နေ့စဉ်မိုးလေဝသသတင်း။

၄။ ကေပေါ့ပ်လောက ကမ္ဘာကြီးကိုလွှမ်းမိုးနိုင်ရန် ကမ္ဘာ့နေရာအနှံအပြားမှအရည်အသွေးရှိ လူငယ်များအား ရှာဖွေစုဆောင်းလျက်ရှိ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#WorldPolitics
Published 14 July 2022

ယူကရိန်း အရှေ့ဘက်ဒေသရှိ ရုရှားထောက်ခံရေးသမားများ ကိုယ်ပိုင်အုပ်ချုပ်နေတဲ့ဒေသ ၂ ခုကို မြောက်ကိုရီးယားက တရားဝင်အသိအမှတ်ပြုလိုက်တာကြောင့် မြောက်ကိုရီးယားတို့နဲ့ ဆက်ဆံရေးဖြတ်တောက်လိုက်ပြီလို့ ယူကရိန်းဘက်က ဇူလိုင် ၁၃ ရက်နေ့မှာထုတ်ပြန်လိုက်ပါတယ်။

မြောက်ကိုရီးယားနိုင်ငံက ယူကရိန်းအရှေ့ဘက်ရှိ ဒိုနက်စ်ပြည်သူ့သမ္မတနိုင်ငံနဲ့ လူဟန့်စ်ပြည်သူ့သမ္မတနိုင်ငံတို့ကို အသိအမှတ်ပြုလိုက်တာဖြစ်ပြီး နောက်ထပ်ရုရှားမဟာမိတ်ဖြစ်တဲ့ ဆီးရီးယားကလည်း ပြီးခဲ့တဲ့လက အလားတူအသိအမှတ်ပြုခဲ့ပါတယ်။

ရုရှားတို့ယာယီသိမ်းပိုက်ထားနိုင်တဲ့ ယူကရိန်းနယ်မြေတွေကို ရုရှားပိုင်အဖြစ်အသိအမှတ်ပြုလိုက်တဲ့ မြောက်ကိုရီးယားရဲ့ဆုံးဖြတ်ချက်ကို ယူကရိန်းနိုင်ငံခြားရေးဝန်ကြီးဌာနက ရှုတ်ချကြောင်း ထုတ်ပြန်ကြေညာလိုက်ပါတယ်။

ထုတ်ပြန်ချက်ထဲမှာ "ကိုရီးယားဒီမိုကရက်တစ်ပြည်သူ့သမ္မတနိုင်ငံနဲ့ သံတမန်ဆက်ဆံရေးကို ဖြတ်တောက်လိုက်ပြီဖြစ်ကြောင်း ယူကရိန်းကကြေညာပါတယ်၊ ရုရှားအပေါ် စီးပွားရေးနဲ့ နိုင်ငံရေးအရမှီခိုနေရတဲ့နိုင်ငံတွေကလွဲပြီး ကမ္ဘာပေါ်ကကျန်တဲ့ဘယ်နိုင်ငံကမှ ရုရှားနဲ့ အဆက်အဆံမလုပ်တော့ပါဘူး" လို့ ယူကရိန်းနိုင်ငံခြားရေးဝန်ကြီး 'ဒီမီထရိုကူလ်ဘာ'က ပြောကြားခဲ့ပါတယ်။

ထိုဒေသများကို အသိအမှတ်ပြုပေးဖို့ ရုရှားက မြောက်ကိုရီးယားကိုတောင်းဆိုခဲ့ပြီး ရုရှားတို့က မြောက်ကိုရီးယားထက် ပိုမိုကြံစည်နေကြကြောင်း 'ကူလ်ဘာ'က ဆိုပါတယ်။

ဖေဖော်ဝါရီ ၂၄ ရက်နေ့ ယူကရိန်းကို မကျူးကျော်ခင် ရုရှားတိုက ယူကရိန်းအရှေ့ဘက်ရှိ ရုရှားထောက်ခံရေးသမားများထိန်းချုပ်ထားတဲ့ဒေသ ၂ ခုကို အသိအမှတ်ပြုခဲ့ပါတယ်။

ဒိုနက်စ်နဲ့ လူဟန့်စ်ပြည်သူ့သမ္မတနိုင်ငံတို့ရဲ့ လွတ်လပ်ခွင့်ကို အသိအမှတ်ပြုဖို့ ဆုံးဖြတ်လိုက်ပြီး ထိုနိုင်ငံများနဲ့ပတ်သက်၍ လွတ်လပ်ခွင့်၊ ငြိမ်းချမ်းရေး၊ မိတ်ဖက်ရေးတို့မှာ ဆက်ဆံရေး တိုးတက်လာဖို့ မျှော်လင့်ကြောင်း မြောက်ကိုရီးယားနိုင်ငံပိုင်မီဒီယာ KCNA က ကြာသပတေးနေ့ နံနက်ခင်းမှာ ထုတ်လွှင့်ခဲ့ပါတယ်။

ဗုဒ္ဓဟူးနေ့အစောပိုင်းမှာ ရုရှားနိုင်ငံဆိုင်ရာ ခွဲထွက်ရေးအဖွဲ့အထူးကိုယ်စားလှယ်'အိုလ်ဂါမာကီယယ်ဗာ'က မြောက်ကိုရီးယားသံအမတ်'ရှင်ဟောင်ချော'ထံမှ အသိအမှတ်ပြုသဝဏ်လွှာလက်ခံရရှိခဲ့ကြောင်း ဖော်ပြခဲ့ပါတယ်။

ယူကရိန်းအရှေ့ဘက်ရှိ ဒိုနက်စ်နဲ့ လူဟန့်စ်ပြည်နယ်များဟာ ၂၀၁၄ ခုနှစ်ကတည်းက ရုရှားထောက်ခံရေးတပ်ဖွဲ့များက တစ်စိတ်တစ်ပိုင်းထိန်းချုပ်ထားကြပြီး ၂၀၂၂ ကျူးကျော်မှုမှာလည်း ရုရှားတို့က ကျောထောက်နောက်ခံကူညီပေးခဲ့ပါတယ်။

ခွဲထွက်ရေးအဖွဲ့အရာရှိတွေက သူတို့နယ်မြေကိုရယူလိုပြီး ရုရှားနဲ့ပူးပေါင်းချင်တာကြာပြီဖြစ်ကြောင်း ပြောကြားထားပါတယ်။

Source: Reuters
#Yangon_Media_Group

#Science
Published 14 July 2022

လူသားတစ်ယောက်ကဲ့သို့ တွေးခေါ်စဉ်းစားနိုင်တဲ့ ဉာဏ်ရည်တုစနစ်(AI)ကိုဖန်တီးနိုင်ဖို့က ကွန်ပျူတာသိပ္ပံလောကမှာ အကြီးမားဆုံးစိန်ခေါ်မှုပဲဖြစ်ပါတယ်။

အခုဆိုရင် ကမ္ဘာလောကကြီးရဲ့ ရူပဗေဒအခြေခံသဘောတရားတွေကို ကလေးတစ်ယောက်အလား သင်ယူလေ့လာနိုင်စွမ်းရှိတဲ့ AI ကို တီထွင်နိုင်ခဲ့ပြီလို့ သုတေသီများက အဆိုပြုခဲ့ကြပါတယ်။

ထိုစနစ်ဟာ အရာဝတ္ထုတွေရဲ့အခြေခံ တုံ့ပြန်လှုပ်ရှားပုံတွေကို အလိုလိုသိမြင်လာအောင် ထဲထဲဝင်ဝင် သင်ယူနိုင်စွမ်းရှိပါတယ်။

PLATO လိုအမည်ပေးထားတဲ့ AI စနစ်အသစ်ကို လျှောစောင်းပေါ်က ဘောလုံးရွေ့လျားပုံတွေနဲ့ သင်ကြားပေးခဲ့ပါတယ်။

မြင်သာအောင် အနည်းငယ်လေ့ကျင့်သင်ကြားပေးပြီးနောက် PLATO ဟာ သင်ကြားခဲ့ရပုံများကို လက်တွေ့ပြန်လည်ပြသနိုင်ခဲ့ပါတယ်။

ထိုလေ့လာမှုကို နယူးဂျာစီ ပရင့်စ်တန်တက္ကသိုလ်၊ လန်ဒန်တက္ကသိုလ်ကောလိပ်နဲ့ ဂူဂဲလ်ပိုင် ဒီ့ပ်မိုင်းကုမ္ပဏီတို့မှ ပညာရှင်များကဆောင်ရွက်ခဲ့ကြတာဖြစ်ပြီး Nature Human Behavior မှာ ဖော်ပြခဲ့ကြပါတယ်။

အရွယ်ရောက်ပြီးသား လူတစ်ယောက်ရဲ့ နားလည်မှုသဘောတရားများအတိုင်း AI ဒီဇိုင်းဖန်တီးဖိုအတွက် ထိုတွေ့ရှိချက်က အရေးပါပါတယ်။

ရူပဗေဒအခြေခံ သဘောတရားတွေကို လူအများစုက အခက်အခဲမရှိနားလည်တတ်ကြပေမယ့် ဉာဏ်ရည်တုအတွက်ကတော့ လက်တွေ့လောကထဲမှာ အထောက်အကူဖြစ်ဖို့ဆိုရင် လူသားတွေရဲ့ အလိုအလျောက်သိစိတ်အတိုင်း ဖြစ်နေဖို့လိုအပ်ကြောင်း ဒီ့ပ်မိုင်းမှစာတမ်းပြုစုသူဒေါက်တာ'လူးဝစ်ပီလိုတို'က ဖော်ပြခဲ့ပါတယ်။

၁၉၅၀ တုန်းက ဗြိတိန်မှ ဒဏ္ဍာရီကွန်ပျူတာသိပ္ပံပညာရှင်ကြီး'အလန်ကျူရင်း'က AI တစ်ခုကို ကလေးတစ်ယောက်ရဲ့ မှတ်ဉာဏ်ထည့်ပေးပြီး အရွယ်ရောက်ပြီးသူတစ်ယောက်ရဲ့ဉာဏ်ရည်အတိုင်းဖြစ်လာဖို့ သင့်တော်တဲ့အချက်အလက်များ ထည့်ပေးရန် စမ်းသပ်လေ့ကျင့်မှုတစ်ခုကို ထုတ်ဖော်ကမ်းလှမ်းခဲ့ပါတယ်။

အသိပညာ အတတ်ပညာတွေသာထည့်ပေးနိုင်ရင် လူကြီးတစ်ယောက်ရဲ့ဦးနှောက်လို ဖြစ်လာနိုင်တယ်လို့ ဆိုခဲ့ပါတယ်။

ကလေးငယ်တွေနားလည်သလိုမျိုး အရာဝတ္ထုအစိုင်အခဲတွေက တစ်ခုနဲ့တစ်ခုဖြတ်သန်းမသွားနိုင်တာမျိုး၊ အရာဝတ္ထုတွေက သူ့ဘာသာသူချက်ချင်း မပျောက်ကွယ်သွားနိုင်တာမျိုး စတဲ့ သဘောတရားအမျိုးမျိုးကိုရော AI တွေက သင်ယူနိုင်သလားဆိုတာကို သုတေသီတွေက သိချင်နေကြပါတယ်။

PLATO AI မှာတော့ အရာဝတ္ထုမြင်တွေ့ရခြင်းနဲ့ ထိုအရာဝတ္ထုတွေကြား အပြန်အလှန်သက်ရောက်နေကြပုံတွေကို ထည့်သွင်းဖန်တီးထားပါတယ်။

နောက်ထပ်ကြုံတွေ့လာနိုင်တဲ့ အရာဝတ္ထုပုံပန်းသဏ္ဍာန်တွေကို PLATO က ခန့်မှန်းနိုင်ပြီး တကယ်လည်း ခန့်မှန်းထားတဲ့ပုံစံအတိုင်းဖြစ်လာပါတယ်။

စာတမ်းပြုစုသူများက PLATO ဟာ လူသားတွေရဲ့ အခြေခံသဘောတရားအလိုအလျောက်သိစိတ်ကို ဖော်ထုတ်နိုင်မယ့် အဆင့်မြင့်စနစ်ဖြစ်လာနိုင်တယ်လို့ ကောက်ချက်ချထားပါတယ်။

Source: DailyMail
#Yangon_Media_Group

#WorldHealth
Published 14 July 2022

မနက်အစောကြီးအိပ်ရာထဖို့လုပ်တိုင်း မနည်းရုန်းကန်ထကြရတာကို ကြုံဖူးကြမှာပါ။

အစာကြီးထလိုက်ရရင် အားအင်မရှိသလိုလည်း ခံစားကြဖူးမှာပါ။

အိုင်ယာလန်အဟာရပညာရှင်'အစ္စလင်းကိမ်းဘရစ်ချ်'က မနက်ခင်းမှာ ရေတစ်ခွက်သောက်လိုက်ခြင်းက မထင်မှတ်ထားတဲ့အားအင်တွေပေးစွမ်းနိုင်ပြီး မနက်တိုင်းအကောင်းဆုံးလုပ်ကိုင်ဆောင်ရွက်နိုင်မှာဖြစ်တယ်လို့ အဆိုပြုလိုက်ပါတယ်။

ဒီနည်းလမ်းက အကုန်အကျသက်သာသလို အလွယ်တကူနဲ့ ကျင့်သုံးလို့ရတဲ့ နည်းလမ်းတစ်ခုပါ။

ရေများများသောက်ခြင်းဖြင့် ခန္ဓာကိုယ်ကျန်းမာသန်စွမ်းနိုင်တယ်ဆိုတာ သိထားပြီးသားဖြစ်ပေမယ့် 'ကိမ်းဘရစ်ချ်'ရဲ့အကြံပြုချက်ကတော့ သံပရာသီးတခြမ်းကို ရေနွေးတစ်ဖန်ခွက်ထဲညှစ်ထည့်ရတာပါပဲ။

"ကျွန်မတို့အိပ်ရာထပြီဆိုတာနဲ့ ရေသောက်ဖို့လိုအပ်ပါတယ်၊ ခန္ဓာကိုယ်ကိုနှိုးဆွပေးပြီး သွေးပေါင်ချိန်ကျစေပါတယ်၊ အားအင်ပိုရချင်တယ်ဆိုရင်တော့ ရေနွေးထဲကို သံပရာသီးညှစ်ပြီး သောက်လိုက်ပါ၊ မှော်အစွမ်းနဲ့လုပ်လိုက်သလိုပါပဲ" လို ရှင်းပြသွားပါတယ်။

နောက်ထပ်အကြံပြုသွားတာကတော့ အိပ်ရာမဝင်ခင် အနည်းဆုံး ၃ နာရီခြားပြီး အစာစားဖို့ပါပဲ။

ဒါမှ မအိပ်ခင်မှာ ခန္ဓာကိုယ်က အစာကိုချေဖျက်ဖို့ အချိန်ရမှာဖြစ်ပါတယ်။

"ညစာစားပြီး ၁ နာရီ ၂ နာရီလောက်မှာ အိပ်မယ်ဆိုရင် ခန္ဓာကိုယ်ကို ထိခိုက်စေပါတယ်၊ အစာချေစနစ်က အိပ်စက်ခြင်းနဲ့ စိတ်အခြေအနေကို ဆိုးရွားစွာထိခိုက်စေပါတယ်၊ ဒါကြောင့် အိပ်ရာမဝင်ခင် ၃ နာရီ ၄ နာရီလောက်စောပြီး နောက်ဆုံးစားသင့်ပါတယ်" လို့ ရှင်းပြခဲ့ပါတယ်။

နောက်တစ်ချက်ကတော့ အချိုဓာတ်ပါတဲ့ အမှုန့်တွေကိုရှောင်ရှားဖို့ပါ။

အချို့လူတွေက ဒီလိုအမှုန့်တွေနဲ့ ပြုလုပ်တဲ့ကွတ်ကီးတွေကို စားသုံးခြင်းက ဘေးကင်းတယ်ထင်ကြပေမယ့် သာမန်သကြားနဲ့ ပြုလုပ်တဲ့အရာတွေထက် ပိုဆိုးစေပါတယ်။

အဆီချဖျော်ရည်တွေမှာပါတဲ့ အရာတွေကို ခန္ဓာကိုယ်က ဘယ်လိုချေဖျက်ရမလဲ မသိတာကြောင့် သူတို့က ပိုမိုအန္တရာယ်ဖြစ်စေပါတယ်။

Source: The Jerusalem Post
#Yangon_Media_Group